Sangay ng mga Paaralang Panlungsod ng Paranaque

EDUKASYON SA PAGPAPAKATAO 8
Unang Markahan
Ikaapat na Linggo

Ang Misyon ng Pamilya sa Pagbibigay ng Edukasyon,

Paggabay sa pagpapasya, at Paghubog ng Pananampalataya

Simulan Natin
Nang pinagtagpo at itadhana ng Diyos ang ating magulang,
upang magsama at bumuo ng pamilya, binigyan niya din ito ng
mahalagang misyon na kailangan nilang gampanan para sa kanilang
mga anak. Ano-ano kaya ang mahahalagang misyong ito? Halina’t
sabay nating tuklasin sa araling ito.

Mga Layunin
1. Naipaliliwanag na ang bukod-tangi at pinakamahalagang gampanin ng mga magulang
ay magbigay ng edukasyon.
2. Napahahalagahan ang sariling gawi sa pag-aaral, paggawa ng pagpapasya at
pananampalataya bilang tugon sa pagganap ng mga magulang sa kanilang mga
tungkulin.
3. Nakagagawa ng sariling infographics na nagpapakita ng kahalagahan ng
pagtataguyod ng mga gampanin ng pamilya sa pagbibigay-edukasyon, paggabay sa
pagpapasiya at paghubog ng pananampalataya.

Kasanayan sa Pagkatuto

2.3 Naipaliliwanag na:

a. Bukod sa paglalang, may pananagutan ang mga magulang na bigyan ng
maayos na edukasyon ang kanilang mga anak, gabayan sa pagpapasiya, at
hubugin sa pananampalataya.
b. Ang karapatan at tungkulin ng mga magulang na magbigay ng edukasyon
ang bukod-tangi at pinakamahalagang gampanin ng mga magulang

2.4 Naisasagawa ang angkop na kilos tungo sa pagpapaunlad ng mga gawi

sa pag-aaral at pagsasabuhay ng pananampataya sa pamilya.

1
 Alalahanin Natin

Pamilyar ba kayo sa larong 4 PICS 1 Word? Ngayon, subukang suriin ang hinihinging salita
batay sa mga larawan. Isulat ang sagot sa sagutang papel.
1. 2. 3.

1. Ano ang magandang naidudulot ng edukasyon sa ating buhay?

2. Bakit mahalagang maturuan at magabayan ng magulang ang kanilang anak sa
kanilang pagpapapasiya?
3. Paano nahuhubog ang pananampalataya sa loob ng pamilya?

Unawain Natin

Noong una si nanay at si tatay lamang ang magkasama. Nang lumaon sila ay
nakatanggap ng regalo galing sa Diyos - sina kuya, ate, ikaw, at si bunso. Kalakip ng biyayang
ito ay ang tungkulin nilang kailanman ay hindi maaring talikuran o ipasa sa iba. Ang tungkuling
ito ng magulang ay hindi lamang natatapos sa pagbibigay ng makakain, maiinom, maisusuot
o matitirhan ng anak. Kasama rito ang paghahanda sa kanilang buhay at paggabay sa kanila
sa pagtupad ng kanilang mga hangarin tungo sa kaganapan nila bilang tao. Kabilang dito ang
pagbibigay ng edukasyon, paggabay sa pagpapasiya, at paghubog ng pananampalataya

Panuto: Basahin at unawaing mabuti ang komersiyal ng Department of Health sa ibaba.

Maaari din itong kantahin.

INAKUP, AREKUP
Jimmy Antiporda, Yoly Ong, Marilyn Villapando

Isang taon palang ako, nasundan na ni Toto.

Grade 2 walong taon pa lang, apat na bata ang inaalagaan.
Grade 6 labindalawa na ako, kasing dami na ng pamilya ko.
Sabi mo "Pasensya na, walang pera kaya mag-drop-out ka."
2
 Refrain:
Inakup sabi mo kami'y mahal nyo,
Arekup ko bat di kayo nagplano.
Sana di gutom at nag-aaral pa,
alaga't malusog ang buong pamilya.

1. Ano ang mahalagang mensaheng ipinararating ng awiting ito?

2. Ayon sa awitin, ano ang naging resulta ng hindi pagkakaroon ng maayos na plano sa
pamilya?
3. Batay sa awitin, nagpapakita ba ito ng pagtupad ng magulang sa kaniyang tungkulin?
Ipaliwanag.
4. Para sa iyo, ano ang pinakamahalagang gampanin ng magulang sa kaniyang mga
anak?

Gawin Natin

A. Panuto: Basahin nang mabuti ang bawat pahayag. Isulat ang TAMA kung
ang nakasalungguhit na salita o parirala ay tama at isulat naman ang tamang sagot kung ang
nakasalungguhit na salita o parirala ay mali. Isulat ang sagot sa sagutang papel.

1. Ang karapatan sa edukasyon ng mga anak ay ang orihinal at pinakamahalagang

karapatan.
2. Mahalagang pabayaan ang isang kabataan sa paggawa ng sariling pagpapasiya upang
hindi siya magsisi sa huli.
3. Ang pananampalataya ay pagpapahayag ng ating pagmamahal at pagtitiwala sa Diyos
at sa ating kapwa.
4. Ang pagsisisi ay bunga ng tamang pagpili.
5. Ang mga magulang ang pangunahing guro sa tahanan.

Suriin Natin

A. Ayon sa mensahe ng awitin sa Unawain Natin sinasabi na napakahalagang

matugunan ng magulang ang kanilang gampanin sa kanilang mga anak dahil dito nakaugat
ang magandang buhay at tagumpay ng isang pamilya.

Panuto: Suriin ang bawat sitwasyon at isulat ang nararapat mong tugon ukol dito.
1. Dahil sa kinakaharap na pandemya ng bansa ngayon hindi muna pinapasok sa
paaralan ang mga mag-aaral para sa kanilang kaligtasan. Kung kaya nakapagpasiya
ang iyong magulang na huminto ka muna sa pag-aaral ngayong taon. Ngunit labag ito
sa iyong kalooban. Ano ang iyong gagawin?

3
 2. Tuwing araw ng Linggo, maaga kayong gumigising kasama ang iyong pamilya upang
dumalo sa pagdiriwang ng Banal na Misa. Dahil sa pagbabago ng sitwasyon dulot ng
pandemya, naapektuhan din ang kinaugalian ng inyong pamilya na
magsimba/magsamba. Bilang tugon sa misyon ng pamilya sa paghubog ng
pananampalataya, paano mo maibabalik ang kinaugalian ng iyong pamilya sa
pananampalataya sa gitna ng pandemya?
3. Ayaw na mag-aral ng iyong kaibigan dahil hindi naman daw siya magagabayan ng
kanyang mga magulang sa pag-aaral dahil hiwalay na ang mga ito. Ayon pa sa kanya
hindi niya kayang mag-aral mag-isa. Bilang isang kaibigan, paano mo siya hihikayating
mag-aral sa gitna ng sitwasyong kaniyang kinakaharap?

B. Gamit ang graphic Organizer sa ibaba, bumuo ng mahalagang konsepto na iyong

nahinuha o nabasa sa modyul na ito. Isulat ang sagot sa sagutang papel

Tayain Natin

Mission:Impossible? Katulad ng misyon ng bida sa pelikula, maaaring isipin na posibleng

maisagawa ang lahat ng ito nang buong husay. Ngunit ito ay maaaring gawing
Mission:Possible kung ito ay isasagawa nang may pagmamahal at malalim na
pananampalataya. Kailangang kumilos ang lahat para ito ay ingatan at ipaglaban. Kasama ka
ba sa laban?

A. Panuto: Sumulat ng 3 tiyak na hakbang kung paano mo mapapaunlad ang iyong gawi
sa pag-aaral, pagpapasiya, at pananampalataya.

PAG-AARAL PANANAMPALATAYA
PAGPAPASIYA

1. 1.
1.
2. 2.
2.
3. 3.
3.

4
B. Humanap ng anumang larawan sa internet o sa mga lumang magasin na maaring
magsimbolo sa edukasyon, pagpapasiya, at pananampalataya. Isulat ang mga natutuhan sa
aralin na may kaugnayan sa pagsasakatuparan ng misyon para sa pagbibigay ng edukasyon,
paggabay sa mabuting pagpapasiya, at paghubog ng pananampalataya.

Halimbawa :

Ang mga magulang ang unang guro sa

tahanan.

Buoin Natin

Isa kang social worker sa inyong barangay. Naatasan kang magbigay ng

lecture sa mga magulang na benepisyaryo ng 4Ps. Sa pamamagitan ng paggawa ng
simpleng infographics, ipakita mo ang kahalagahan ng pagtugon ng mga magulang sa
kanilang misyon sa pagbibigay edukasyon, paggabay sa pagpapasiya at paghubog ng
pananampalataya ng kanilang mga anak.

Halimbawa:

5
Paalala: Sa short bond paper lang po gagawin ang infographics.

Rubriks:
Kaangkupan ng mensahe 15
Pagiging malikhain 10
Organisado 10

Kabuoang puntos- 35 puntos