Kagawaran ng Edukasyon

Rehiyon III
SANGAY NG LUNGSOD NG MABALACAT

Pangalan: ______________________________ Baitang at Pangkat ______________

Paaralan:______________________________Petsa:______________________________

MGA PILYEGO NG GAWAING PAMPAGKATUTO Q2 Blg. 8

Filipino 10:Pagsuri sa Iba’t Ibang Elemento ng Tula

I.Panimula

Ang Mga Pilyego ng Gawaing Pampagkatuto ay binuo upang matukoy at

malinang ang kaalamang matututuhan sa paksang pag- aaralan. Ito ang
magiging batayan upang makapagbigay ng daan na mapagyabong ang iyong
kaalaman at maihanda ang sarili sa mga susunod na gawain.
Mahalagang pagtiwalaan ang iyong sarili na makakayanan mong masagutan
ang mga nakapaloob na gawain higit lalong mapagtibay ang katapatan sa
pagsagot nito. Masayang pagdanas sa pag- aaral.

II.Kasanayang Pampagkatuto

Nasusuri ang iba’t ibang elemento ng tula( F10PB-IIc-d-72).

III.Mga Layunin

Pagkatapos mong mapag-aralan ang mga pilyego ng gawaing pampagkatuto

na ito, ikaw ay inaasahang:

1. maisa- isa ang mga elemento ng tula;

2. masuri ang iba’t ibang elemento ng tula; at
3. makabuo ng sariling tula batay sa elemento nito.

1
IV.Pagtalakay

ALAM MO BA?

Ang tula ay isang anyo ng panitikan na may matalinghagang

pagpapahayag ng isipan at damdamin. Mababasa sa mga tula ang mga
kaisipang naglalarawan ng kagandahan, kariktan at kadakilaan.

Maitutulad sa isang awit ang tula. Nagsisilbi rin itong

pagpapagunita sa dapat na kaasalan ng mga bata at kabataan, at
naglalayong maipahayag ang karanasan, damdamin, pananaw,
kabayanihan at ang maigting na pagmamahal sa sariling bansa. Hanggang
sa kasalukuyan, ang pagsulat at pagbigkas ng tula ay nanatiling tulay ng
kaalaman mula sa kasaysayan ng kahapon patungo sa kasalukuyan.

Mga Elemento ng Tula

1. Sukat

Ito ay tumutukoy sa bilang ng pantig ng bawat taludtod na bumubuo sa isang

saknong. Ang pantig ay tumutukoy sa paraan ng pagbabasa.

I/big/ mong/ ma/ba/tid,/ i/big/ mong/ ma/la/man/ = 12

Kung/ pa/a/no/ ki/ta/ pi/na/ka/ma/ma/hal?/ = 12
Tu/tu/ran/ kong/ la/hat/ ang/ mga/ pa/ra/an,/ = 12
I/i/sa-/ i/sa/hin,/ i/kaw/ ang/ bu/mi/lang./ = 12

Isang sipi mula sa tulang “Ang Aking Pag- ibig ni Elizabeth

Barret Browning

2. Tugma

Isa itong katangian ng tula na hindi angkin ng mga akda sa tuluyan.

Sinasabing may tugma ang tula kapag ang huling pantig ng huling salita ng
bawat taludtod ay magkakasintunog. Lubha itong nakagaganda sa pagbigkas
ng tula. Ito ang nagbibigay sa tula ng angkin nitong himig o indayog.

2
 Yaring pag- ibig ko ay siyang lahat na,
Ngiti, luha, buhay at aking hininga!
At kung sa Diyos naman na ipagtalaga
Malibing ma’y lalong iibigin kita.

Isang sipi mula sa tulang “Ang Aking Pag- ibig ni Elizabeth

Barret Browning

3. Talinghaga

Magandang basahin ang tulang hindi tiyakang tumutukoy sa bagay na

binabanggit. Ito’y isang sangkap ng tula na may kinalaman sa natatagong
kahulugan ng tula.

4. Simbolo

Ito ang mga salita sa tula na may kahulugan sa mapanuring isipan ng

mambabasa.

5. Tono

Ito ay ang diwa ng isang tula.

V.Mga Gawain
Gawain 1: PILIIN MO
PANUTO: Piliin sa loob ng kahon ang hinihinging sagot ng bawat
tanong.Isulat ang iyong sagot sa hiwalay na sagutang papel.

Sukat Tugma Simbolo

Tono Talinghaga Tula

__________1. Ito ay tumutukoy sa magkatunog na pantig sa huling salita ng

taludtod.
__________2. Ito ay tumutukoy sa bilang ng pantig sa bawat taludtod ng
saknong.
__________3. Ito ay tumutukoy sa diwa ng isang tula.
__________4. Ito ay tumutukoy sa paggamit ng matatalinhagang salita at mga
tayutay.
__________5. Ito ay ang mga salita sa tula na nakatago ang kahulugan.

3
 ;
TULDOK.
Ni G. Jay Ar L. Manalo
Tuldok na magtatapos sa masalimuot.
Masalimuot na katotohanang nagtitiklop.
Nagtitiklop sa tuwid na landas ng inilililok.
Inilililok ng mga manlililok.
Manlililok na walang ibang ginawa kundi sumubok.
Sumubok ng mga bagong estratehiyang kanilang ipapasok.
Ipapasok sa apat na sulok.
Sulok na ang lahat ay kalahok.
Kalahok na magsasalok.
Magsasalok sa lahat nang tinatapos ng tuldok.
KUWIT,
Gurong tulad ng mga pipit,
Pipit na maghapong nagsasalita para maituwid,
Maituwid ang landas ng mga batang makukulit,
Makukulit na sa tuwina’y makaiisip,
Makaiisip na tamang mailapit,
Mailapit sa tagumpay at ‘di sa mundong puno ng pasakit,
Pasakit na nagbibigay pahiwatig,
Pahiwatig na magsasambit,
Magsasambit na kuwit ang kapalit sa tuldok na naglilimit.

Gawain 2: BASAHIN MO
PANUTO: Basahin ang tulang Tuldok.

Panuto: Sagutin ang mga tanong. Ilagay ang iyong sagot sa hiwalay na
sagutang papel.
1. Ano ang pamagat ng tula?
2. Sino ang persona ng tula?
3. Anong uri ng tula ang nabasang tula?

Gawain 3: ANO ANG SIMBOLO?

PANUTO: Ibigay ang kahulugan o tinutukoy ng bawat simbolismo sa
pamamagitan ng pagguhit o pagdrowing. Gawing batayan ang pamantayan
sa ibaba.

PAMANTAYAN
NILALAMAN 10 Puntos
KALINISAN 5 Puntos
KABUUAN 15 Puntos

4
TULDOK KUWIT

Gawain 4: SUKATIN MO
PANUTO: Ibigay ang bilang ng bawat pantig ng bawat taludtod ng saknong.
Isulat ang iyong sagot sa hiwalay na sagutang papel.

; ni G. Jay Ar L. Manalo SUKAT

TULDOK. _______________
Tuldok na magtatapos sa masalimuot. _______________
Masalimuot na katotohanang nagtitiklop. _______________
Nagtitiklop sa tuwid na landas ng inilililok. _______________
Inilililok ng mga manlililok. _______________
Manlililok na walang ibang ginawa kundi sumubok. _______________
Sumubok ng mga bagong estratehiyang kanilang _______________
ipapasok. _______________
Ipapasok sa apat na sulok. _______________
Sulok na ang lahat ay kalahok. _______________
Kalahok na magsasalok. _______________
Magsasalok sa lahat nang tinatapos ng tuldok. _______________
_______________

5
Gawain 5: TUGMAAN TAYO
PANUTO: Ibigay ang tugmaan ng bawat taludtod ng saknong.Isulat ang iyong
sagot sa hiawalay na sagutang papel.

; ni G. Jay Ar L. Manalo TUGMA

KUWIT, _______________
Gurong tulad ng mga pipit, _______________
Pipit na maghapong nagsasalita para maituwid, _______________
Maituwid ang landas ng mga batang makukulit, _______________
Makukulit na sa tuwina’y makaiisip, _______________
Makaiisip na tamang mailapit, _______________
Mailapit sa tagumpay at ‘di sa mundong puno ng pasakit, _______________
Pasakit na nagbibigay pahiwatig, _______________
Pahiwatig na magsasambit, _______________
Magsasambit na kuwit ang kapalit sa tuldok na naglilimit. _______________
_______________
_______________

VII.Pangwakas

Panuto: Gumawa ng sariling tula batay sa karanasan sa Modified General

Community Quarantine. Magsilbing gabay ang sumusunod:
A. Gumawa ng sariling pamagat
B. Taglay ang limang (5) elemento ng tula
C. Tatlong (3) Saknong
D. Bawat saknong ay mag apat (4) na taludtod

PAMANTAYAN
NILALAMAN 20 Puntos
KAUGNAYAN SA PAKSA 20 Puntos
TAGLAY ANG 5 ELEMENTO NG TULA 10 Puntos
KABUUAN 50 Puntos

6
VIII.Sanggunian

Grade 10 Filipino: Filipino Modyul para sa Mag- aaral

https://www.slideshare.net/KairaGo/elemento-ng-tula-8743182
https://www.slideshare.net/wimabelle/elemento-ng-tula-195433116
https://philnews.ph/2019/09/06/elemento-ng-tula-ano-ang-limang-mga-
elemento-nito/
https://m.facebook.com/daragalbay/posts/646542935388259
https://www.canva.com/design/DAECVHBz_lM/4x21kmwhZMaNhX2ewHF
Ngw/edit

7
 8
Mga Gawain
Pangwakas Gawain 1
1. Tugma
Isaalang- alang ang 2. Sukat
pamantayan sa pagmamarka 3. Tono
4. Talinghaga
5. Simbolo
Gawain 2
1. ;
2. G. Jay Ar Manalo/ May Akda
3. Malayang Taludturan
Gawain 3
Isaalang- alang ang
pamantayan sa pagmamarka
Gawain 4 Gawain 5
1. 2 1. - it
2. 13 2. - it
3. 15 3. - id
4. 16 4. - it
5. 11 5. - ip
6. 19 6. - it
7. 19 7. - it
8. 10 8. - ig
9. 10 9. - it
10. 8 10. - it
11. 15
IX.Susi sa Pagwawasto
X.Grupong Tagapaglinang

Bumuo sa pagsulat ng mga Pilyego ng Gawaing Pampagkatuto

Manunulat: Jay Ar L. Manalo

Patnugot ng Wika: Remedios C. Gerente
Tagasuri: Ariel M. Calma
Tagaguhit: Jay Ar L. Manalo
Tagalapat: Gian Carlo C. Baldovino
Tagapamahala: Engr. Edgard C. Domingo, PhD, CESO V
Leandro C. Canlas, PhD, CESE
Elizabeth O. Latorilla, PhD
Sonny N. De Guzman, EdD
Remedios C. Gerente

For inquiries or feedback, please write or call:

Department of Education – Division of Mabalacat

P. Burgos St., Poblacion, Mabalacat City, Pampanga

Telefax: (045) 331-8143

E-mail Address: mabalacatcity@deped.gov.ph