PANGGITNANG PAGTATAYA SA FILIPINO

BAITANG 8

Pangalan:________________________Baitang/Seksyon:_______________
LRN:___________________Paaralan:___________________Iskor:______
Barangay: ___________________ Guro sa Filipino: ___________________

Panuto: Basahin ang teksto at sagutin ang mga kasunod na tanong. Isulat
ang malaking titik ng napiling sagot sa patlang bago ang bilang.

Ang Filipino sa Baitang 8 ay pag-aaral ng maipagmamalaking

panitikang pambansa. Pinag-aaralan dito ang ilang akda tulad ng
alamat, epiko, balagtasan, sanaysay, maikling kuwento at iba pa, sa
iba’t ibang panahon ng panitikang Filipino-- panahon ng mga
Katutubo, Espanyol, Hapon, Amerikano, Komonwelt at sa
Kasalukuyan.
Pagkatapos ng Ikawalong Baitang, naipamamalas ng mag-aaral
ang kakayahang komunikatibo, mapanuring pag-iisip at pag-unawa
at pagpapahalagang pampanitikan gamit ang teknolohiya at iba’t
ibang uri ng teksto at akdang pampanitikang pambansa upang
maipagmalaki ang kulturang Filipino.

1. Ano ang dapat maipamalas ng mag-aaral na magtatapos sa Baitang

8?
a. Kakayahang komunikatibo
b. Mapanuring pag-iisip
c. Pag-unawang pampanitikan
d. Lahat ng nabanggit

2. Pinag-aaralan ang panitikang pambansa upang _______ .

a. maipagmalaki ang sariling kultura
b. mapatibay ang pagkakakilanlang Asyano
c. maipagmalaki ang kulturang Filipino
d. magkaroon ng kamalayang global

Ang panitikan ay pagpapahayag na pasulat man o pasalita ng

mga damdamin ng tao hinggil sa anumang paksa na hinabi sa
maganda at makasining na paraan.
May dalawang uri ng panitikan. Ito ang piksiyon o likhang-isip
lamang at hindi piksiyon.
Mayroon ding dalawang anyo ng panitikan—ang patula o
poesiya at ang tuluyan o prosa. Ang patula ay masining na
pagsasama-sama ng mga salita upang makabuo ng mga taludtod na
may sukat at tugma o kaya’y malayang taludturan. Halimbawa nito
ang iba’t ibang uri ng tula tulad ng epiko, balagtasan, elehiya, awit,
at sarsuwela. Ang tuluyan ay maluwag na pagsasama-sama ng mga
salita sa katutubong takbo ng pangungusap. Halimbawa nito ang
Panggitnang
iba’t ibang Pagtataya sa Filipino
uri ng dula, Baitang
nobela, 8, Dibisyon
maikling ng Lungsod
kuwento Borongan
at sanaysay
kabilang na ang talumpati.
 3. Ang mga pahayag sa ibaba ay nagsasaad tungkol sa panitikan. Alin
ang HINDI?
a. Ito ay hinabi sa maganda at makasining na paraan.
b. Patula at tuluyan ang dalawang pangkalahatang anyo nito.
c. Halimbawa nito ang tula, dula, nobela, maikling kuwento at
sanaysay.
d. Ang panitikan ay lapis at papel na ginagamit sa pagsulat ng mga
kaisipan.
4. Ang dalawang anyo ng panitikan ay _______ .
a. tula at dula c. patula at tuluyan
b. nobela at maikling kuwento d. piksiyon at hindi
piksiyon
5. Ito ang anyo ng panitikan na maluwag na pagsasama-sama ng mga
salita sa katutubong takbo ng pangungusap.
a. tuluyan b. patula c. piksiyon d. hindi piksiyon

Panuto: Basahin, suriin at unawain ang talata na hango sa isang sanaysay

Sagutin ang mga katanungang may kaugnayan sa akda. Isulat ang
malaking titik ng napiling sagot sa patlang bago ang bilang.

Ang mga puno ay importante sa mga tao dahil ito ang naglilinis ng
hangin at sumisipsip ng tubig ulan upang hindi bumaha. Dahil sa walang
tigil na pagputol ng mga puno ay madalas magkaroon ng mga malalaking
pagguho ng lupa at pagbaha, pati ang mga hayop sa kagubatan ay
nanganganib din dahil nawawalan na sila ng tirahan. Kaunti na lang ang
mga punong lumilinis ng hangin ngayon kaya ang mga tao ay madalas
magkasakit. Nagkakaroon din ng mga pagbabago sa klima na dulot ng
polusyon. Nagkakaroon ng mga malalakas na bagyo at sobrang init at
matagal na tagtuyot. Pati ang mga ilog ay nasira at namatay na dahil sa
kagagawan ng mga tao dulot ng walang habas na pagtatapon ng basura.
Katulad ng Ilog ng Meycauayan. Ang isa sa pinakamaruming ilog sa mundo
na nandito sa aming lugar. Dati ay malinis pa ang ilog na ito ngunit dahil sa
walang tigil na pagtatapon ng basura ay unti-unting nasira at namatay ang
ilog. https://pinoycollection.com/sanaysay-tungkol-sa-kalikasan

6. Anong uri ng pagpapahayag ang ginamit ng may-akda sa talata?

a. pag-iisa-isa c. pagkilala sa Sanhi at Bunga
b. paghahambing d. wala sa mga nabanggit
7. Anong salita ang ginamit sa pagkakapapahayag ng Sanhi at Bunga?
a. maging c. samantala
b. dahil sa d. ngunit

Panggitnang Pagtataya sa Filipino Baitang 8, Dibisyon ng Lungsod Borongan

 8. Alin sa mga pangungusap ang hindi nagpapahayag ng sanhi at sunga?
a. Ang isa sa pinakamaruming ilog sa mundo ay nandito sa aming
lugar.
b. Nagkaroon ng malalakas na bagyo at sobrang init at matagal na
tagtuyot dahil sa kagagawan ng mga tao.
c. Kaunti na lang ang punong lumulinis ng hangin ngayon kaya ang
mga tao ay madalas magkasakit.
d. Ang mga puno ay importante sa mga tao dahil ito ang naglilinis ng
hangin at sumisipsip ng tubig ulan upang di bumaha.
9. Ano ang pangunahing kaisipan ng akda?
a. pagkasira ng Kalikasan
b. pagpapahalaga sa Kalikasan
c. pangangalaga ng Kalikasan
d. pang-aabuso sa Kalikasan

Panuto: Punan ng angkop na salita ang patlang upang luminaw ang

kaisipan ng mga taludtod. Isulat ang malaking titik ng napiling sagot sa
patlang bago ang bilang.
10. Kung ang tubig ay maglaw
Ang ilog ay ________________.
a. malalim c. mababaw
b. malinaw d. malinis

11. Ang sakit ng kalingkingan

Dama ng buong ________________.
a. katawan c. sangkatauhan
b. kamay d. dalir
12.Ito’y katunayan: ang anumang gawa
Dapat isangguni muna kay bathala
Tayon sawimpalad kung magkabisala
Sa awa ng Diyos, magtatamong ________________.
a. salita c. pala
b. wika d. biyaya

Panuto: Basahing mabuti ang mga sawikain. Sagutin ang kasunod na mga
tanong. Isulat ang malaking titik ng napiling sagot sa patlang bago ang
bilang.

13. Walang pag-unlad sa buhay ang mga patabaing-baboy. Ano ang

kasingkahulugan ng nakahilig na mga salita?
a. tamad c. makakalimutin
b. matalino d. madaling malito

14. Bihira na lamang ngayon ang dalagang di makabasag-pinggan. Ang

kasalungat ng nakahilig na mga salita ay ____________?
a. mahinhin b. malinis

Panggitnang Pagtataya sa Filipino Baitang 8, Dibisyon ng Lungsod Borongan

 c. maingat d. magaslaw

Panuto: Tukuyin ang ginamit na hudyat ng sanhi at bunga sa mga

pangyayaring inilahad. Isulat ang malaking titik ng napiling sagot sa
patlang bago ang bilang.

15. Mabilis na kumalat ang COVID 19 sa iba’t-ibang dako ng mundo kaya

ipinatupad ang travel ban sa maraming bansa.
a. kumalat c. ipinatupad
b. kaya d. travel ba
16.Nais nang gobyerno na mabakunahan lahat ng mamamayang Pilipino kaya
naman malaking pondo ang inilaan rito.
a. iminungkahi c. kaya naman
b. tuwing lalabas d. ipinatupad

Panuto: Basahin ang teksto at sagutin ang mga tanong. Isulat ang malaking
titik ng napiling sagot sa patlang bago ang bilang.

(1.) Malaki ang ipinagkaiba nang takbo ng pamumuhay noon sa

ngayon. (2.) Mas marami na ang pinapatay kong oras sa paglalaro ng
online games kaysa sa paggawa sa mga gawaing bahay. (3.)
Kapansin-pansin rin ang pagdami ng mga taong nagbibilang ng poste
na maituturing kong kasindami nang mga batang naglipana sa
kalsada tuwing bakasyon. (4.) Di-gaano man ako nakapamamasyal,
wala man akong masyadong kaututang-dila na kaklase at kaibigan,
nasasanay na rin ako (5.) Naalaala ko tuloy ang walang humpay na
kuwentuhan namin ng mga kaklase ko noong wala pang COVID 19
(6.) Magkasing-ingay ang mga iyon sa ingay na likha ng mga tao sa
aming barangay ngayon. (7.) Sindami rin ng balitang-kutsero ang
kumakalat at nasasagap ko ngayon.

17.Ang teksto sa itaas ay ________________.

a. naglalarawan sa uri ng pamumuhay
b. nagsasalaysay ng magandang karanasan
c. nagpapaliwanag na mas mainam ang buhay ngayon kaysa noon
d. nangangatwirang mas mainam ang buhay noon kaysa ngayon
18. Aling pangungusap ang may paghahambing na magkatulad?
a. Pangungusap 3 c. Pangungusap 5
b. Pangungusap 4 d. Pangungusap 6

19.Aling pangungusap ang may paghahambing na di magkatulad?

a. pangungusap 4 c. pangungusap 6
b. pangungusap 5 d. pangungusap 7

Panggitnang Pagtataya sa Filipino Baitang 8, Dibisyon ng Lungsod Borongan

Panuto: Tukuyin ang pinapaksa ng sumusunod na mga salawikain . Pumili
sa kahon sa ibaba. Isulat ang malaking titik ng napiling sagot sa patlang
bago ang bilang.
20. Lumilipas ang kagandahan
Ngunit hindi ang kabaitan. Pagdidisiplina
21. Ang hindi marunong magbata Kabutihang-asal
Walang hihingting ginhawa.
Pagtitiis
22. Ang batang di paluin.
Ina ang patatangisin Pagpupurisa sarili

Panuto: Basahin ang teksto at sagutin ang mga tanong. Isulat ang malaking
titik ng napiling sagot sa patlang bago ang bilang.

Nang pumunta si Kunto sa gubat upang mangaso, may ibong nakaharang

sa kanyang daraanan.
Makalipas ang ikatlong araw sila ay nagbalik at nakita nila ang punong
ginto at sa bawas pitas ng dahon nito ay napapalitan agad.
Pinutol ng mga tao ang punong ginto at sila ay pinarusahan.
Dahil dito nagin maunlad ang pamumuhay ng mga tao.
Pinayuhan si Kunto ng matatanda na magdaos ng Cañao.

23.Alin ang dapat na unang pangungusap?

a. 1 c. 3
b. 2 d. 4
24.Alin ang dapat na ikalawang pangungusap?
a. 2 c. 4
b. 3 d. 5
25.Alin ang dapat na panghuling pangungusap?
a. 1 c. 3
b. 2 d. 4

Panuto: Basahin ang teksto at sagutin ang mga kasunod na tanong. Isulat
ang malaking titik ng napiling sagot sa patlang bago ang bilang.
26.Ano ang isang teknik ng pagpapalawak ng paksa na nagpapaliwanag hindi
lamang sa mga bahagi ng kabuoan ng isang bagay kundi pati na rin ang
kaugnayan ng mga bahaging ito sa isa’t isa?
a. pagsusuri c. pagmamatyag
b. pag-iimbistiga d. pagpapaliwanag
27.Paano nakakatulong ang pagsusuri sa pagpapalawak ng paksa sa
pagtatalata?
a. nakapagbibigay ito ng inspirasyon
b. natutunan ang pagiging malikhain
c. madaling maipaliwanag ang mga bagay-bagay
d. madaling maintindihan ang kalikasan ng isang bagay
Panuto: Suriin ang sumusunod na mga talata at tukuyin kung alin ang
pangunahing kaisipan . Isulat ang malaking titik ng napiling sagot sa
patlang bago ang bilang.

Panggitnang Pagtataya sa Filipino Baitang 8, Dibisyon ng Lungsod Borongan

 28. Maagang pumapasok sa paaralan si Boknoy upang
makapag-review sa library. Tuwing nagkakaroon ng oral
recitation ay palagi siyang nakakasagot. Kapag nakauwi mula sa
paaralan ay agad niyang ginagawa ang kanyang mga takdang-
aralin kung kaya mataas ang markang nakukuha ni Boknoy. Si
Boknoy ay mabuting estudyante.

a. Maagang pumapasok si Boknoy c. Nakasasagot sa klase si Boknoy

b. Mabuting estudyante si d. Mataas ang marka ni Boknoy
Boknoy

29. Si Eisha ay isang mabait na bata. Kapag nakikipag-usap

siya ay kakikitaan mo talaga ng paggalang. Sinusunod niya rin
ang payo ng kanyang mga magulang, guro at iba pang mga
nakakatanda sa kanya. Tinutulungan niya rin ang kanyang mga
magulang sa mga gawaing-bahay.

a. Matulungin na bata si Eisha. c. Magalang si Eisha.

b. Mabait na bata si Eisha. d. Masunurin si Eisha.

30. Palaging nag-aaway ang aking mga magulang. Kung si

papa ay matipid, mahilig namang gumasta ng pera si mama.
Mahilig din si mama na lumabas kasama ang mga kumare nito
kahit gabi na. Gusto ni mama ang sports habang si papa ay
mahilig magbasa ng mga libro. Natatakot ako na baka
maghiwalay sila.

a. Ang mga hilig ni papa c. Paghihiwalay ni papa at mama

b. Ang mga hilig ni mama d. Palaging nag-aaway ang aking magulang

Panuto : Bumuo ng pinakaangkop at makabuluhang tanong sa mga

sumusunod na kaisipan . Isulat ang malaking titik na iyong sagot sa
patlang bago ang bilang.

May mga sandali sa buhay ng tao na kinakailangang

mamili siya sa isip at katwiran o puso at pag-ibig sa mga
bagay at mga karanasan gayundin sa mga suliraning kanyang
kinakaharap. Alin kaya sa dalawang ito ang higit na mabisang
sandata na dapat gamitin sa mga pagkakataong ito?

31. May mga sandali ba sa buhay ng tao na kinakailangang

mamili siya sa Isip at Katwiran o Puso at Pag-ibig?
Alin ang mas mahalaga sa tao: Isip at Katwiran o Puso at
Pag-ibig ?
Alin ang Dapat Maghari sa Tao: Ang Puso at Pag-ibig o Ang
Isip at Katwiran?
Panggitnang
b at Pagtataya
c sa Filipino Baitang 8, Dibisyon ng Lungsod Borongan
 Paaralan at Tahanan ang tungkong magkatulong sa
paghubog sa katauhan ng mga kabataan nang lumaki silang
mabuting mamamayan. Kapag sumama ang bata, sino ang
may sagutin?

32.
Sagutin ba ng Paaralan at Tahanan kapag sumama ang
bata?
Pagsama ng Bata, Kaninong Sagutin?
Paaralan, Tahanan at Bata, Kaninong Sagutin?
Sa Sumamang Bata Sino ang may Sagutin: Paaralan o
Tahanan?

Ilan na ang nasadlak sa kapariwaraan

Ng Facebook at Internet na ipinagyayabang?
Kabataang nalisya ay hindi na mabilang
Sapagkat impormasyo’y bastos at mapanlinlang!

33. Kasalanan ba ng facebook at internet ang kapahamakan ng

kabataan?
Ilang kabataan na ang napahamak dahil sa internet at
facebook?
Facebook at Internet: Dapat nga bang iwasan?
Facebook at Internet: Bastos at panlilinlang nga ba ang
laman?

Panuto: Basahing mabuti ang saknong ng balagtasan. Sagutin ang kasunod

na mga tanong. Isulat ang malaking titik ng napiling sagot sa patlang bago
ang bilang.

Ang bansa ay umuunlad kung dito'y nanunungkulan

Malawak ang nababatid, di kapos ang kaalaman
Ngunit kung ang namumuno'y masalapi ngunit mangmang
Magagapi ang pag-asa ng kanyang sinasakupan.

34. Batay sa saknong, alin sa mga sumusunod ang pinakaangkop na

opinyon?
a. Dapat ang nasa posisyon ay masalapi para mapatakbo nang maayos
ang bayan.
b. Ang mga nanunungkulan ay marapat lamang na maalam sa batas
kahit walang salapi upang maayos ang pagpapatakbo sa bansa.

Panggitnang Pagtataya sa Filipino Baitang 8, Dibisyon ng Lungsod Borongan

 c. Sa aking palagay, ang nararapat na mamuno sa isang bansa ay
matalino upang maging munlad ang bayan.
d. Uunlad ang bayan kung mapera ang mamumuno rito.
35. Alin naman ang katwiran?
a. Ang namumuno sa bayan ay dapat maalam upang mapatakbo ang
bansa ng maayos.
b. Para sa akin ang mga nanunungkulan ay dapat na may malasakit sa
bayan.
c. Sa aking palagay, higit na magiging maayos ang bansa kug may pera
ang pinuno.
d. b at c

Panuto: Basahin na mabuti ang saknong. Sagutin ang kasunod na mga

tanong. Isulat ang malaking titik ng napiling sagot sa patlang bago ang
bilang.
36. Alin sa mga sumusunod na pahayag ang nagsasaad ng pagsang-
ayon?
a. Hindi ko gusto ang suot niya.
b. Tama na! Magsitigil na kayo sa inyong pinagtatalunan!
c. Hindi ako sang-ayon sa pahayag na magtataas ang presyo ng
langis.
d. Tama ang sinabi mo, talagang tumaas ang mga presyo ng mga
bilihin ngayon.
37. Anong pahayag ang dapat mong sabihin kung gagamit ka ng
facemask?
a. Dapat tayong magsuot ng facemask.
b. Sige… magsuot tayong lahat ng facemask.
c. Hindi mo kailangang magsuot ng facemask.
d. Tama lang na magsuot tayo ng facemask ngunit alisin kapag may
kausap.
38. Ang mga sumusunod ay mga pahayag na pagsalungat, alin ang
hindi kabilang.
a. Huwag kang mag-alala, sagot kita!
b. Hindi totoong nanalo siya sa patimpalak.
c. Hindi ako naniniwala riyan dahil wala akong basehan.
d. Sumasalungat ako sa sinabi mo na mas mainam ang
paggamit ng gadget sa mga kabataan.
Panuto: Basahing mabuti ang saknong. Sagutin ang kasunod na mga
tanong. Isulat ang malaking titik ng napiling sagot sa patlang bago ang
bilang.

Sa pag-aaral, iwasan muna ang pumorma

Talino at isip ay dapat munang manguna
Tibok ng puso, pansamatala’y ipagsawalang bahala
“Sa tamang Panahon” ‘ani nga ni Lola Nidora.

39. Batay sa saknong sa kahon, alin ang proposisyon sa mga

sumusunod?
a. Para sa akin, mas maganda iwasan muna ang landi.

Panggitnang Pagtataya sa Filipino Baitang 8, Dibisyon ng Lungsod Borongan

 b. Maging matalino para sa pakikipagrelasyon.
c. Huwag munang pansinin si crush.
d. Ituon ang buong atensiyon sa pag-aaral. Iwasan muna ang
sagabal.
40. Alin ang katwiran sa sumusunod?
a. Para sa akin, mas maganda iwasan muna ang landi at mag-aral.
b. Hintayin si crush na makatapos ng pag-aral.
c. Gawing inspirasyon si crush sa pag-aaral.
d. Kapag nakapaghintay, ang pag-ibig ay kusang dumarating sa tamang
panahon.

Panuto: Suriin ang mga pangungusap sa loob ng kahon. Sagutin ang

kasunod na mga katanungan. Isulat ang malaking titik ng napiling sagot
sa patlang bago ang bilang.

(1)Paborito ni Ana ang gulay na kalabasa. (2) Subalit iniwasan na

niya ito nang tuksuhin siya ng kanyang kapatid. (3) Kalabasa kasi
ang kanyang nakuhang marka sa pagsusulit. (4) Ampalaya na ang
kanyang paborito ngayon na mainam sa dugo. (5) Hindi na rin siya
tinutukso ng kanyang kapatid dahil batid nitong ampalaya ang
kanyang pakiramdam sa tuwing naaalaala ang pangyayaring iyon.

41. Aling pangungusap ang nagpapakita ng konotatibong

pagpapakahulugan ng kalabasa?
a. pangungusap 1 c. pangungusap 3
b. pangungusap 2 d. pangungusap 4
42. Aling pangungusap ang nagpapakita ng denotatibong
pagpapakahulugan ng ampalaya?
a. pangungusap 3 c. pangungusap 4 at 5
b. pangungusap 4 d. pangungusap 5

Panuto: Basahing mabuti ang bawat tanong. Isulat ang malaking titik ng
napiling sagot sa patlang bago ang bilang.
43. Paano napapataas ng sarsuwela ang kamalayan ng mga
Pilipino sa sa kultura ng iba’t ibang rehiyon sa bansa?
a. naipapakita ng sarsuwela ang pananampalatayang katolisismo
b. naibabahagi ng sarsuwela ang mga pangyayari at kulturang naganap
sa isang rehiyon
c. naipapakita ng sarsuwela ang kaugalian ng mga Espanyol
d. naibabahagi ng sarsuwela ang kasamaan ng mga Kastila
44. Aling pangyayari sa sarsuwelang “Walang Sugat” ang nagpapakita ng
pagmamahal sa bayan ng mga Pilipino?
a. Pagpapanggap ni Tenyong na sugatan upang maikasal kay Julia
b. Paghihiganti ni Tenyong sa mga kastila nang patayin ang kanyang
ama

Panggitnang Pagtataya sa Filipino Baitang 8, Dibisyon ng Lungsod Borongan

 c. Sumama si Tenyong sa mga kalalakihan sa paglaban sa mga
kastilang prayle upang mapalaya ang inang bayan
d. Lahat sa nabanggit
45. Alin sa sumusunod na mga palabas sa telebisyon ang may katulad na
tema o paksa sa “Walang Sugat” na nagpapakita ng pagmamahal sa
bayan?
a. Heneral Luna c. Seven Sundays
b. Pangako Sa’yo d.Kadenang Ginto

46. Ano ang ipinahihiwatig ng pahayag na “ang lumulusob ay nagdidilim

sa dami”?
a. Hindi nakikita ang mga lumulusob
b. Maiitim ang mga lumulusob.
c. Sa gabi isinasagawa ang paglusob.
d. Napakarami ng mga lumulusob.

Ang batong malaki’y madaling mabungkal,

ang batong brilyante’y hirap matagpuan;
ubod-laking tipak, mura nang matimbang,
ga-mata ng isda’y pagkamahal-mahal.

47. Anong kaisipan ang nakapaloob sa saknong?

a. Mas mabuti ang maliliit kaysa sa malalaking bagay.
b. Mahirap magbakasakali sa anumang bagay. Mas mabuting
manigurado lagi.
c. Hindi mahuhusgahan ang kahalagahan ng isang bagay sa sukat
lamang nito.
d. Lahat ng nabanggit
48. Ito ang paggamit ng angkop, malinaw at masining na pananalitang
lumilikha ng mga imahen o larawang-diwa sa isip ng mga mambabasa at
nagpapadanas sa kanila ng pagiging totoo ng tula.
a. talinghaga c. tugma
b. Haraya d. diwa

Panuto: Basahin at unawain na mabuti ang mga halaw na kuwento sa

kahon. Bigyan ng ito ng wakas. Isulat ang malaking titik ng napiling sagot
sa patlang bago ang bilang.
. . . Biglang-bigla, anaki’y kidlat na gumuhit sa karimlan,
nagbalik sa gunita ni Aling Marta ang larawan ng isang batang
payat, duguan ang katawan at natatakpan ng diyaryo, at para
niyang narinig ang mahina at gumaragalgal na tinig nito:
“Maski kapkapan n’yo ako, e wala kayong makukuha sa’kin.”
Saglit siyang natigilan sa pagpanhik sa hagdanan; para siyang
pinangangapusan ng hininga at sa palagay pa niya ay umiikot
ang kanyang buong paligid; at bago siya tuluyang nawalan ng
ulirat ay wala siyang narinig kundi ang papanaog na yabag ng
kanyang asawa’t anak, at ang papaliit at lumalabong salitang:
“Bakit kaya? Bakit kaya?

(Halaw sa kuwentong “Ang Kalupi” ni Benjamin Pascual)

Panggitnang Pagtataya sa Filipino Baitang 8, Dibisyon ng Lungsod Borongan

 49. Paano mo bibigyan ng wakas ang kuwentong nasa loob ng kahon?
a. Tuluyang nawalan ng ulirat si Aling Marta. Nang siya ay magising,
malalim na buntong-hinga ang kanyang pinakawalan. ‘buti na lang at
panaginip lang ang lahat’ aniya sa sarili.
b. Pagkabalik ng ulirat ni Aling Marta, kaagad siyang tinanong ng
kanyang asawa at anak kung ano ang nangyari sa kanya. Hindi
makapagsalita si Aling Marta. Humagulgol na lamang siya.
c. Sising-sisi si Aling Marta dahil sa nangyari. Hindi niya malaman kung
paano sasabihin sa kanyang asawa at anak ang totoo nang siya ay
uriratin ng mga ito.
d. lahat ng nabanggit.

Dahan-dahang inihakbang ni Mira ang kanyang

mabibigat na paa palabas sa silid na kinararatayan ng
kanyang ina. Unti-unti niyang nilingon ulit ito. Di niya
mapigilan ang pag-ibis ng luha sa kanyang mga mata.
Pinipigilan niya ang kanyang sariling huwag bumalik at
yakapin ito. ‘Babalikan kita, ina. Babalikan kita’ tanging
nasambit niya at tuluyang humakbang palayo habang
patuloy sa pagtulo ang luha sa kanyang mga mata.

(Halaw sa kuwentong “Sandali” ni M.F. Apura)

50. Paano mo bibigyan ng wakas ang kuwento?

a. Tuluyang lumabas at umalis si Mira sa hospital at hindi na muling
binalikan pa ang inang may malalang sakit.
b. Himala ang nangyari na gumaling ang ina ni Mira at tuluyang
nakalabas ng hospital. Hindi na inintindi pa si Mira sa pag-
aakalang pinabayaan siya nito.
c. Matapos ang ilang araw bumalik si Mira. May dalang perang
sasapat sa kinakailangang gamutan ng kanyang ina. Pinautang
siya ng kanyang pinapasukan at tinulungan pa siya nitong
mangalap ng malaking halaga sa pamamagitan ng online
donations.
d. Lahat ng nabanggit.

Panggitnang Pagtataya sa Filipino Baitang 8, Dibisyon ng Lungsod Borongan