6 Edukasyon

sa Pagpapakatao
Ikatlong Markahan-Modyul 1
Pagpapahalaga sa mga Magagaling
at Matatagumpay na mga Pilipino
EsP6P-IIIa-33

I B AN
I
IL
B LA
G A
A AH
N AM
PI P
I I NG
D RI
I N G-A A
A
P
H
Edukasyon sa Pagpapakatao – 6
Alternative Delivery Mode
Ikatlong Markahan – Modyul 1: Pagpapahalaga sa mga Magagaling at Matatagumpay na
mga Pilipino
Unang Edisyon, 2021

Isinasaad sa Batas Republika 8293, Seksiyon 176 na: Hindi maaaring magkaroon ng
karapatang-sipi sa anomang akda ang Pamahalaan ng Pilipinas. Gayonpaman, kailangan
muna ang pahintulot ng ahensiya o tanggapan ng pamahalaan na naghanda ng akda kung ito
ay pagkakakitaan. Kabilang sa mga maaaring gawin ng nasabing ahensiya o tanggapan ay
ang pagtakda ng kaukulang bayad.
Ang mga akda (kuwento, seleksiyon, tula, awit, larawan, ngalan ng produkto o brand
name, tatak o trademark, palabas sa telebisiyon, pelikula, atbp.) na ginamit sa modyul
na ito ay nagtataglay ng karapatang-ari ng mga iyon. Pinagsumikapang matunton ang
mga ito upang makuha ang pahintulot sa paggamit ng materyales. Hindi inaangkin
ng mga tagapaglathala at mga may-akda ang karapatang-aring iyon. Ang anomang
gamit maliban sa modyul na ito ay kinakailangan ng pahintulot mula sa mga orihinal na
may-akda ng mga ito.
Walang anomang parte ng materyales na ito ang maaaring kopyahin o ilimbag sa anomang
paraan nang walang pahintulot sa Kagawaran.

Inilathala ng Kagawaran ng Edukasyon

Kalihim: L eonor Magtolis Briones
Pangalawang Kalihim: Diosdado M. San Antonio

Bumubuo sa Pagsulat ng Modyul

Manunulat/Tagaguhit/Tagalapat/Editor:
Naice A. de Castro
Sonny Austin B. Reyes
Shelanie C. Santos
Neil Anthony A. Pelayo
Richelle C. dela Cruz
Bernadith E. Cruz

agasuri ng Nilalaman :Digna S. Manalo, PhD / Maria Rowena C. Cababa

T
Tagasuri ng Wika :Cherry Ann C. Santos / Maria Rowena C. Cababa
Tagasuri ng Paglapat :Dennis V. San Diego / Maria Rowena C. Cababa
Tagapamahala :Gregorio C. Quinto, Jr. Ed.D.
Rainelda M. Blanco, Ph.D.
Agnes R. Bernardo, Ph.D.
Glenda S. Constantino
Joannarie C. Gracia

Inilimbag sa Pilipinas ng _______________________

Department of Education - Schools Division of Bulacan

Office Address: Curriculum Implementation Division
Learning Resource Management and Development System (LRMDS)
Capitol Compound, Guinhawa St., City of Malolos, Bulacan
Email address: lrmdsbulacan@deped.gov.ph
 6
Edukasyon
sa Pagpapakatao
Ikatlong Markahan-Modyul 1
Pagpapahalaga sa mga Magagaling
at Matatagumpay na mga Pilipino
EsP6P-IIIa-33
 Paunang Salita
Ang Self-Learning Module o SLM na ito ay inihanda para sa ating mag-aaral sa
kanilang pag-aaral sa tahanan. Binubuo ito ng iba’t ibang bahagi na gagabay sa kanila
upang maunawaan ang bawat aralin at malinang ang mga kasanayang itinakda ng
kurikulum.

Ang modyul na ito ay inilaang Gabay sa Guro/Tagapagdaloy na naglalaman ng

mga paalala, pantulong o estratehiyang magagamit ng mga magulang o kung sinumang
gagabay at tutulong sa pag-aaral ng mga mag-aaral sa kani-kanilang tahanan.

Ito ay may kalakip na paunang pagsusulit upang masukat ang nalalaman ng

mag-aaral na may kinalaman sa inihandang aralin. Ito ang magsasabi kung kailangan
niya ng ibayong tulong mula sa tagapagdaloy o sa guro. Mayroon ding pagsusulit
sa bawat pagtatapos ng aralin upang masukat naman ang natutuhan. May susi ng
pagwawasto upang makita kung tama o mali ang mga sagot sa bawat gawain at
pagsusulit. Inaasahan naman na magiging matapat ang bawat isa sa paggamit nito.

Pinapaalalahanan din ang mga mag-aaral na ingatan ang SLM na ito upang magamit
pa ng ibang mangangailangan. Huwag susulatan o mamarkahan ang anumang bahagi
ng modyul. Gumamit lamang ng hiwalay na papel sa pagsagot sa mga pagsasanay.

Sa pamamagitan ng modyul na ito at sa tulong ng ating mga tagapagdaloy, umaasa

kami na matututo ang ating mag-aaral kahit wala sila sa paaralan.

4
 Alamin

Ang modyul na ito ay naghahanda ng mga aktibidad na makatutulong sa

iyo upang matutuhan at mapahalagahan ang magagaling at matatagumpay na
mga Pilipino.

Sa katapusan ng modyul, ikaw ay inaasahan na mapahalagahan ang

magagaling at matatagumpay na mga Pilipino sa pamamagitan ng:

• pagmomodelo ng kanilang pagtatagumpay;

• kuwento ng kanilang pagsasakripisyo at pagbibigay ng sarili para sa
bayan at;
• pagtulad sa mga mabubuting katangian na naging susi sa
pagtatagumpay ng mga Pilipino.

Subukin

Panuto: Lagyan ng tsek ( ) sa iyong sagutang papel ang hanay na nagpapakita ng

iyong tunay na saloobin at gawi sa bawat sitwasyon.

Paminsan- Hindi
Sitwasyon Madalas
minsan Kailanman

1. Ipinagmamalaki ang mga

Pilipinong nagtagumpay sa
kanilang napiling larangan.

2. Hinahangaan ang matatagumpay

na mga Pilipino.

3. Ang katangian ng matatagumpay

na mga Pilipino ay aking
tinutularan.

5
4. Upang mapaunlad ang kakayahan,
nakikinig ako sa payo ng kilalang
matagumpay na tao.

5. Natutuwa ako sa tuwing

napanonood sa telebisyon ang
panibagong karangalan na natamo
ng aking mga iniidolo.

6. Nagsisikap akong matularan ang

ang mga katangian ng idolo kong
matagumpay na tao.

7. Ginagawa kong inspirasyon sa

pag-aaral ang mga kuwento ng
buhay ng mga naging
matagumpay na tao.

8. Ibinabahagi ko sa aking mga

kaibigan at kamag-aral ang mga
kahanga-hangang katangian ng
aking iniidolo at hinihikayat sila na
ito ay tularan.

9. Nakikibahagi ako sa mga

aktibidad na isinusulong ng mga
matatagumpay na tao para sa ika-
uunlad ng aking kakayahan.

10. Ginagamit at ipinagmamalaki ko

ang aking natatanging talento
upang mas lalo ko itong mapag-
husay at mapaunlad.

6
 Balikan

Panuto: Basahin at unawain ang bawat pangungusap. Isulat ang T

sa patlang kung ang isinasaad ay tama at M naman kung
mali.

_____1. Unawain at igalang ang palagay ng iba.

_____2. Pamimilit na siya ang laging tama.
_____3. Pagkamahinahon sa pagbibigay ng sariling palagay
o suhestiyon.
_____4. Pumapanig sa suhestiyon ng kaibigan kahit mali.
_____5. May isipang umuunawa at pusong nagsasaalang-
alang ng damdamin ng iba.

7
 Tagumpay ng mga Natatanging Pilipino,
Ipinagmamalaki at Hinahangaan Ko!

Hindi na maikakaila ang pagpapamalas ng talento at angking galing ng mga
Pilipino sa larangan ng negosyo, sining, pamumuno, pananaliksik at iba pa. Sila ay
mga katangi-tangi na ating hinahangaan at ginagawang modelo.

Sa katunayan, mahalaga ang ambag ng mga natatanging Pilipino lalo na ang

mga kuwento ng kanilang pagsasakripisyo at pagbibigay ng sarili para sa bayan.
Magagamit ito ng mga susunod na henerasyon bilang inspirasyon upang magbigay
pa ng karangalan sa ating bayan.

Masasabi nating world class talaga ang mga Pilipino. Isang dakilang lahi na
kayang makipagsabayan sa ibang lahi. Tunay na ang kahusayan at kasipagan ay
katangi-tanging susi sa tagumpay ng Pilipino.

8
 Tuklasin

Manny “Pacman” Pacquiao, WBC Lightweight Champion

Naice A. de Castro

Si Emmanuel Dapidran Pacquiao o

mas kilala sa tawag na Manny “Pacman”
Pacquiao ay isa sa mga kinikilalang sikat
na boksingerong Pilipino sa buong mundo.
Bukod sa pagiging mahusay sa larangan ng
boksing ay labis din siyang hinangaan ng
nakararami dahil sa kanyang pagkakaroon
ng disiplina at pagsisikap sa kanyang mga
gawain. Sa kanyang murang edad pa lamang
ay kinakitaan na siya ng sipag at tiyaga
na kung saan ay naging katuwang siya ng
kanyang ina sa paghahanap-buhay dahil sa
labis na kahirapan.

Nagsimula ang kanyang katanyagan

sa edad na 16 na kung saan ay naipanalo https://boxing.fandom.com/wiki/Manny_Pacquiao
niya ang kaniyang kauna-unahang laban bilang propesyunal na boksingero. Matapos
ang kanyang unang laban, nagpatuloy siya sa marami pang pagsasanay na kung
saan ay nagresulta ito sa pagkamit niya ng katangi-tanging 8-division world titles.
Dahil sa kanyang labis na pagkahilig sa larangan ng boksing, hindi siya tumigil dito.
Bagkus, siya ay nagkaroon pa ng masidhing determinasyon at pagnanais na maging
mahusay sa gawaing ito. Hindi naglaon ay naging madalas ang kanyang paglaban na
kung saan ay kinakitaan siya ng kakaibang galing at potensyal sa larangang ito.

Bunga nito ay nakipagtunggali na rin siya sa iba’t ibang bansa at nagsimula na

rin ang tambalang Manny at Coach Freddie Roach na sinundan ng milyun-milyong
tagahanga mula sa iba’t ibang sulok ng mundo. Dahil sa kanyang ipinakitang husay
at galing, siya ang naging unang Pilipino na nanalo ng labindalawang world titles
sa magkakaibang weight divisions. Maliban pa rito ay naging rated siya ng Time
Magazine bilang No. 1 Pound for Pound boksingero sa mundo. Dati rin siyang naging
WBC World Super Featherweight Champion, IBF Bantamweight Champion at WBC
Flyweight Champion. Sa kasalukuyan, siya ngayon ang kinikilalang WBC Lightweight
Champion. Dahil sa kanyang sipag at determinasyon, muling pinatunayan ni Manny
Pacquiao na hindi hadlang ang kahirapan upang maging matagumpay.
9
Sagutin ang sumusunod na tanong:

1. Sino si Manny Pacquiao? Saang larangan siya nakilala?

_____________________________________________________
_____________________________________________________
2. Anong katangian ang taglay niya na naging susi ng kanyang tagumpay?
_____________________________________________________
_____________________________________________________
3. Sa iyong palagay, sa paanong paraan mo higit na mapauunlad ang iyong
kakayahan?
______________________________________________________
______________________________________________________

Regine Velasquez, Asia’s Songbird

Isa si Regina Encarnacion “Chona” Ansong Velasquez o mas kilala sa tawag

na Regine Velasquez sa mga kinikilala at sikat na mang–aawit sa bansa. Sa murang
edad pa lamang ay kinakitaan na siya
ng pagkahilig sa larangan ng musika.
Ang kaniyang tatay ang naging unang
tagapagsanay niya sa pag-awit. Sinasanay
siyang kumanta nito sa pamamagitan ng
pag-awit sa dagat sa lalim na hanggang
leeg. Bunga nito, mas madali niyang
natutuhan ang pagsasaulo ng mga
liriko ng awitin kaysa magbasa. Dahil sa
kanyang determinasyon at pagsusumikap,
hindi maikakaila na naging tanyag siya
sa larangan ng pag-awit na hanggang sa
kasalukuyan ay hinahangaan ng marami.

Tuluyan pa siyang nakilala nang

https://businessmirror.com.ph/2020/02/16/the-ballad-of-regine-velasquez/ lumahok siya sa murang edad na labing-

apat sa Senior Division ng “Ang Bagong Kampeon” na isang patimpalak sa pag-awit

at naging kauna-unahang kampeon sa paligsahang ito. Nagpatuloy pa ang kanyang
pagsikat ng kuhanin siya ng Global Media Arts (GMA) bilang panauhin sa Penthouse
Live noong 1986. Sa pamamagitan din ng Viva Records ay nailabas ang una niyang
album na naglalaman ng marami niyang awitin kagaya ng “Kung Maibabalik ko lang”,
“Isang Lahi”, at “Urong Sulong”.

10
 Sa kabila ng mga karangalan at tagumpay na kaniyang natamo, higit pa
niyang pinagbuti ang pagsasanay sa pag-awit. Nagpatuloy siya sa pagsali sa mga
paligsahan maging sa loob at labas ng bansa na nagresulta ng kanyang pagkapanalo
sa Asia Pacific Singing Contest na ginanap sa Hongkong. Naging dahilan ito ng
kanyang labis na kasikatan at pagpupunyagi.

Hindi lamang sa larangan ng musika ganap na nakilala si Regine Velasquez.

Pumasok din siya sa industriya ng pag-arte o pagganap sa mga pelikula. Dito ay
nagkaroon siya ng iba’t ibang pelikula na pinagbidahan niya kasama ang iba pang
sikat na aktor. Sa taong 2008 ay nagboses din siya sa pangunahing karakter sa
pelikulang Princess Urduja na ipinrodyus ng ATP Productions. Tunay ngang isa siya
sa ipinagmamalaki at patuloy na tinatangkilik ng sambayanang Pilipino bilang isa sa
mga pinakamagaling na biritera sa Asya kaya’t tinagurian siyang Asia’s Songbird.

Sagutin ang mga sumusunod na tanong:

1. Sa anong larangan kinilala si Regine Velasquez?
_______________________________________________________
_______________________________________________________
2. Anong katangian ang taglay niya na naging daan upang maabot niya ang
tagumpay?
_______________________________________________________
_______________________________________________________
3. Sa iyong palagay, dapat ba siyang tularan ng isang mag-aaral na kagaya mo?
Bakit?
_______________________________________________________
_______________________________________________________

Miss Universe Catriona Gray

Si Catriona Gray ay isa sa mga sikat na beauty queens ng ating bansa. Kinilala
siya hindi lamang sa kaniyang taglay na kagandahan, kundi maging sa likas na
talino at kabutihang loob sa pagtulong sa mga bata. Nagsilbing inspirasyon din sa
mga Pilipino ang pagsusumikap niya sa buhay upang makamit ang tagumpay. Kahit
musmos pa lamang ay nagpamalas na siya ng pagkahilig sa mga beauty contest na
kung saan ay sumali siya sa patimpalak na “Little Miss Philippines” ng Eat Bulaga na
ginanap sa Sydney, Australia.
Dahil sa kaniyang labis na interes dito, sinuportahan siya ng kaniyang mga
magulang sa lahat ng kaniyang mga naisin. Naging determinado siya sa pag-abot
ng kaniyang mga pangarap at nagsumikap na maisakatuparan ang mga ito. Noong
11
taong 2016, naging pambato siya ng Pilipinas sa Miss World matapos siyang
mahirang na Miss World Philippines. Bagamat hindi siya pinalad na mapanalunan ang
korona, hindi ito naging hadlang upang magpatuloy sa kanyang pangarap. Nagsilbing
inspirasyon niya ito upang mas lalong magpursigi sa kanyang napiling larangan at
hindi naglaon ay muli siyang lumahok sa paligsahan ng Binibining Pilipinas.
Ngunit kagaya rin ng dating Miss Universe na si Pia Wurtzbach, hindi rin agad
nakamit ni Catriona ang korona bagkus ay tatlong beses siyang natalo sa paligsahang
ito bago niya ito tuluyang napagtagumpayan. Sadyang hindi siya madaling mawalan
ng pag-asa kung kaya’t patuloy siyang nagpursigi hanggang sa maabot ang
pangarap niya at maging Miss Universe noong taong 2018.

https://gritdaily.com/catriona-gray/

Bukod sa taglay niyang pisikal na kagandahan, sadyang likas din sa kanya ang
pagiging matulungin lalo na sa mga bata. Ito rin ang naging focus ng kanyang winning
answer sa Miss Universe, dahil sa ipinamalas niyang katapatan sa pagtulong at
malasakit sa kapwa. Tunay ngang kahanga-hanga si Catriona Gray hindi lamang sa
panlabas na anyo kundi pati na rin sa kaniyang kabaitan, na nagsilbing ehemplo sa
mga kababaihan sa buong mundo.

Sagutin ang mga sumusunod na tanong:

1. Sa paanong paraan nakilala at naging tanyag si Catriona Gray?
_______________________________________________________________
_______________________________________________________________
_______________________________________________________________
2. Anong katangian ang ipinamalas niya upang maabot ang kanyang pangarap?
_______________________________________________________________
_______________________________________________________________
3. Kung ikaw si Catriona Gray, gagawin mo rin ba ang kanyang ginawa? Bakit?
_______________________________________________________________
_______________________________________________________________
_______________________________________________________________
12
 Suriin

Narito pa ang ilang Filipino sa kasalukuyan na nakagawa ng mahahalagang

kontribusyon sa iba’t ibang larangan sa nakaraang mga taon. Kilala mo ba sila?
♦ Lea Salonga – teatro at musika
♦ Paeng Nepumoceno – bowling
♦ Efren “Bata” Reyes – bilyard
♦ Napoleon Abueva – eskultura
♦ Liza Macuja Elizalde – sayaw
♦ Nora Aunor– pag-arte
♦ Leonardo Sarao – agham at teknolohiya

Kilalanin nating mabuti ang bawat isa sa kanila.

Lea Salonga, Kilala sa Mundong Mang-aawit at Aktres

Napanood o narinig mo na ba ang dula sa

Broadway na Miss Saigon? Napanood mo na ba
ang pelikulang cartoon ng Walt Disney na Aladdin
at Mulan? Kung oo ang sagot mo, malamang ay
narinig mo na ang pangalang Lea Salonga.
Nagsimula ang propesyon ni Lea Salonga sa
edad na pito sa produksiyon ng Repertory Philippines
na The King and I. Pagkaraan ng pagganap niya
sa produksiyong ito, lumabas din siya sa iba pang
pagtatanghal tulad ng Cat on A Hot Tin Roof, Fiddler
On The Roof, The Rose Tattoo, Annie at marami
https://www.pinterest.ph/pin/500392208568457341/
pang iba.
Hindi lamang siya kilala sa kanyang pagganap kundi maging sa kanyang pag-
awit. Sumikat siya sa pagganap ng pangunahing tauhang si Kim sa patok na musikal
pang-Broadway na Miss Saigon. Ang Miss Saigon ay isang pagtatanghal na may
tugtugin o teatrong musikal. Itinanghal din ito sa Pilipinas, sa Cultural Center of the
Philippines. Naging dahilan ito para pumunta sa bansa ang mga dayuhan.
Ang mahusay na pagganap ni Lea bilang Kim ay ginawaran ng pagkilala tulad
ng Sir Laurence Olivier Award, Tony, Drama Desk, Outer Critics’ Circle Awards at
Theater World Awards. Internasyonal na gawad ang mga ito para sa mga artistang
nagbigay ng pinakamahusay na pagganap sa teatro.
Hindi lamang gumanap bilang Kim sa Miss Saigon si Lea, ginampanan din niya
ang papel na Eponine sa kilalang Les Miserables ng Broadway. Tungkol ang Les
Miserables sa puganteng si Jean Valjean na nagsisi sa kanyang kasalanan at naging
mabuting tao.
13
 Gumawa rin si Lea ng recording para sa pelikulang animasyon ng Walt Disney
na Aladdin at Mulan. Naging panauhin siya ng 65th Annual Academy Awards sa
pag-awit ng kantang A Whole New World na nagwagi ng Oscar.
Talagang pinatunayan ni Lea Salonga na sisikat ang Filipino sa pag-awit at
pagganap. Dahil dito, nakilala siya sa buong mundo.

Paeng Nepomuceno, Pinakadakilang Internasyonal na Bowler

Nagbo-bowling ka ba? Kung mahusay ka
rito, baka ikaw na ang sumunod na “Paeng” ng
Pilipinas. Kilalanin pa natin ang taong simpleng
tinatawag na “Paeng” sa Pilipinas at sa buong
mundo.
Isinilang si Rafael “Paeng” Nepomuceno
noong Enero 30, 1957. May taas siyang 6’2” at
kaliwete. Kabiyak niya si Saira R. Puyat na kilala
sa tawag na Pinky. Tatlo ang kanilang anak.
Ama niya si Angel Nepomuceno na
kanyang coach at guro. Ina ni Paeng si Teresita
“Baby” Villareal, na dating Miss Philippines
https://www.wikidata.org/wiki/Q7124082
(1951-1952).
Alam mo ba na si Paeng ay anim na ulit na pandaigdigang kampeon sa bowling?
Kinikilala siya bilang pinakadakilang international bowler sa kasaysayan ng isport.
Kabilang siya sa Guinness Book of World Records dahil sa pinakamaraming
pagwawagi ng World Cup na nagawa sa tatlong magkakaibang dekada.
Si Paeng din ang pinakabatang bowler na nagwagi sa world cup sa edad na
disinuwebe. Naganap ito noong Unang World Cup Tournament sa Tehran, Iran noong
1976. Hawak niya ang titulong ito hanggang sa kasalukuyan.

Nakatanggap ng maraming gawad si Paeng sa loob at labas ng bansa. Narito

ang mga iyon:
♦ Philippine Legion of Honor Medal – ang pinakamataas na gawad para sa
isang Filipino
♦ Presidential Medal of Merit – iginawad ng dating Pangulong Ferdinand E.
Marcos noong 1984
♦ Atleta ng Taon – ibinigay ng Philippine Sportswriters Association (PSA) nang
limang ulit
♦ Hall of Fame ng Philippine Sportswriter Association (PSA)
♦ Filipino ng Taon 1992 – iginawad ng Inquirer Magazine
♦ Ten Outstanding Young Men of the Philippines (TOYM)

14
 ♦ Atleta ng Siglo
♦ Pinakadakilang Atletang Filipino sa Lahat ng Panahon – iginawad ng dalawang
kamara ng Kongreso ng Pilipinas
♦ World Bowler of the Year – iginawad noong 1984, 1985 at 1992 ng World
Bowling Writers (isang asosasyong binubuo ng mahigit 300 sportswriters mula sa
apatnapung bansa)
Naitampok din si Paeng Nepomuceno sa pabalat ng mga internasyonal na
magasin kabilang ang prestihiyosong Bowlers Journal International Magazine.
Siya rin ang una at tanging lalaking bowler na idinambana sa International Hall
of Fame sa St. Louis, Missouri, United States of America. Nakatanghal ang kanyang
7-piye na retrato sa pasukan ng kanilang museo sa bowling.
Binigyang-karangalan ni Paeng ang ating bansa sa pamamagitan ng kanyang
mga tagumpay sa bowling.

Efren Reyes, Ang “Magician”

Pamilyar ka ba sa isports na bilyard? Marahil

narinig mo na ang pangalang Efren “Bata” Reyes sa
mga kalye ng iyong komunidad, sa radyo at telebisyon.
Baka napanood mo pa siyang naglalaro nito sa TV. Sino
ang taong ito na magiliw na tinatawag na “Bata”?
Isinilang si Efren Reyes noong Agosto 26, 1954
sa Mexico, Pampanga. Siya ang panggitnang anak na
lalaki sa siyam na magkakapatid-limang lalaki at apat na
babae.
Alam mo ba na galing sa pamilyang mahirap si
Bata? Barbero ang kanyang ama. Limang taon lamang
siya nang ipadala siya ng kanyang pamilya sa kanyang
https://forums.azbilliards.com/threads/awesome-
rendition-of-one-of-my-favorite-photos-of-efren-
bata-reyes.470123/ tiyo na may-ari ng Lucky 13 pool hall sa Avenida,
Maynila. Nagtrabaho siya doon bilang boy sa bilyard.
Hindi siya naglaro ng bilyard hanggang walong taong gulang. Natuto siya sa
panonood sa mahuhusay, sa mga artista at kilalang tao na madalas sa bilyaran ng
kanyang tiyo. Natuto rin siya kahit sa kanyang panaginip dahil natutulog siya sa
ibabaw ng mesang bilyaran.
Nang nagsisimula pa lamang siyang maglaro ng bilyard, pinagpapatong niya
ang tatlong kahon ng Coke at dito siya tumatayo para makapaglaro. Pagkatira,
ililipat niya ang mga kahon sa ibang puwesto sa paligid ng mesa para tumira
nang panibago.
Sa gulang na labindalawa, dinala siya ng kanyang mayayamang
kaibigang Intsik sa iba’t ibang lugar tulad ng Bulacan, Olongapo at Angeles para

15
magbakasyon. Doon sila maglalaro ng bilyard. Minsan, tinalo niya ang pangalawang
pinakamahusay sa bilyard ng mga panahong iyon.
Sa gulang na disisais, siya na ang pinakamahusay na manlalaro ng bilyard
sa Pilipinas. Naglaro ng bilyard si Efren Reyes para suportahan ang kanyang
pamilya dahil hindi na siya nakapagpatuloy ng ikalawang taon sa sekondarya.
Dahil sa kaniyang kahusayan sa pagbibilyar, dumating ang pagkakataon
na wala ng makalaban sa Pilipinas si Efren. Alam ng lahat ng naglalaro ng
bilyard na siya ang pinakamahusay. Sa kasamaang palad, hindi mainam
ang mga una niyang kompetisyong internasyonal dahil niloko siya ng kanyang
mga isponsor. Hindi ibinigay ang parte niya sa gantimpala. Nito lamang 1998
nang isponsoran siya ng isang Amerikanong nagngangalang Archibald Mitchell.
Dito na siya nagsimulang kumita.
Sa wakas noong 1999, nakatuntong din si Efren sa pandaigdigang arena sa
suportang pinansiyal ni Jose Puyat na may-ari ng AMF-Puyat billiard at bowling
centers sa Maynila.
Sinagot ni G. Jose Puyat ang gastos ni Efren at ng iba pang kasapi ng koponang
Filipino na binuo para makipagpaligsahan sa mga tournament sa United States.

Tingnan natin ang kanyang mga tagumpay sa bilyard. Narito ang mga iyon:
♦ Noong 1995, samantalang nasa United States ng anim na buwan, kagila-gilalas
na nagwagi siya sa anim na tournament at kumita ng mahigit sa $80,000.
Pinagwagian niya ang:
♦ Sands Regent 9-Ball sa Reno, Nevada (1995)
♦ Prestigious Bicycle Club 9-Ball Invitational sa Los Angeles (1995)
♦ World 8-Ball Championships sa Las Vegas (1995)
♦ World Straight Pool Championship sa Bangor, Maine (1995)
♦ Pro-Tour Championship 9-Ball sa Owensboro, Kentucky (1995)
♦ Legend 9-Ball sa Los Angeles (1995)
♦ Panlima siya sa world championships ng 9-Ball sa Norfolk, Virginia (1995)

Siya ay naging:
♦ International Player of the Year (1995)
♦ World Number 1 Player in Billiards (1999)
♦ World 9-Ball Tournament Champion (1999, Cardiff, Wales)

Alam mo ba kung bakit tinawag na “Magician” si Efren Reyes? Nakuha niya

ang bansag na “magician” mula sa ibang kilalang manlalaro ng bilyard sa mundo,
dahil nagagawa niya ang mga imposibleng tira sa kanyang mga tournament.
Madalas na ang mga tirang ito ang nagpapanalo sa kanya sa mga tournament na ito.
Matatandaan si Efren Reyes bilang ang taong nagwagi sa lahat ng laro sa
bilyard. Napatunayan niya sa mundo na hindi hadlang sa tagumpay ang pagiging
mahirap. Dahil siya ang numero unong manlalaro sa mundo sa kabila ng kanyang
kahirapan habang lumalaki.
16
 Napoleon Abueva, Ama ng Modernong Eskulturang Filipino

Napunta ka na ba sa Unibersidad ng
Pilipinas sa Diliman, Lungsod Quezon? Kung
nakarating ka na roon, subukang hanapin
ang UP Faculty Center (ngayo’y Bulwagang
Rizal). Makikita roon ang isa sa mga eskultura
ni Abueva na tinatawag na Siyam na Musa.
Isa itong nakataas na eskultura na binubuo
ng siyam na hubo’t hubad na babae na
nakapuwesto sa iba’t ibang gawain.

Sino ang eskultor na ito? Ano ang kanyang https://www.geni.com/people/Napoleon-VelosoAbueva /600

0000002943929583
mga obra?
Tubong-Cebu, isinilang si Abueva noong 1930. Isa siya sa mga estudyante
ng pumanaw na Guillermo Tolentino. Siya ang pinakabatang ginawaran ng titulong
Pambansang Artista sa gulang na 46 at itinuturing na Ama ng Modernong Eskulturang
Filipino.

Tumulong siya sa paghubog ng eskulturang Filipino para makarating ito sa

kinalalagyan ngayon. Mahusay siya sa akademikong estilong representasyonal o sa
modernong abstrakto. Bagama’t ginamit na niya ang lahat ng materyal mula matigas
na kahoy (molave, akasya, langka, ipil, kamagong, palma at kawayan) hanggang
adobe, metal, semento, marmol, bronse, bakal, alabaster, koral at brass.

Noong 1980s, nagtanghal nang solo si Napoleoon Abueva sa Philippine Center,

New York. Itinaghal ang kanyang mga obra sa iba’t ibang museo, dito at sa ibang
bansa, tulad ng Ang Eskultura sa Kuwartel ng United Nations sa Lungsod New York.

Narito ang ilang obra-maestra ni Abueva:

Alegorikal na Harpoon Fredesvinda

https://www.google.com/search?q=Alegorikal+na+Harpoon+napole https://www.google.com/search?q=Fredesvinda+napoleon+abueva
on+abueva+eskultor+black+and+white+png&tbm=isch&ved=2ahUK +eskultor+black+and+white+png&tbm=isch&ved=2ahUKEwiYxJiRoI
TuAhUEXJQKHUvPDDUQ2-cCegQIABAA&oq=Fredesvinda

17
 Kung gusto mong makita ang ilan pa niyang obra, narito ang mga pook na
mapupuntahan mo:
♦ Tatlumpung
Tatlumpung Piraso ng Pilak, Ang Transpigurasyon (1979) – Eternal Garden
Memorial Park, UP Gateway
♦ Siyam na Musa (1994) – UP Faculty Center
♦ Sunburst (1994) - Peninsula Manila Hotel, Lungsod Makati
♦ Pigurang Bronse ni Teodoro M. Kalaw – Pambansang Aklatan, Maynila
♦ Dambana ng Kagitingan – Bundok Samat, Bataan
Madalaw mo sana ang ilan sa mga pook na ito para makita ang mga obra ni
Napoleon Abueva. Mas mainam na makita ang totoong eskultura kaysa isipin lamang
ito.

Liza Macuja – Elizalde

https://humanheartnature.com/buy/index.php/
content/lisa-macuja-elizalde-the-devoted-dancer
Dating nabansagang “Ballerina of the People”,
kilala si Lisa Macuja-Elizalde bilang isang tanyag na Prima
Ballerina dito sa Pilipinas at sa ibang bansa. Kasama sa mga
patimpalak na ginawad sa kanya sa kanyang mahabang
karera bilang ballerina at artist ang Order of International
Friendship (na ginawad ni Russian President Vladimir Putin
noong 2001), Ten Outstanding Young Persons of the World
(1997), at ang Special Prize for Artistry by the House of
Diaghilev (1992).

The Superstar, Nora Aunor

Si Nora “Guy” Aunor (ipinanganak bilang Maria Leonora Teresa Cabaltera Aunor
noong 21 Mayo 1953) ay isang mang-aawit na Pilipino, artista at producer na tinaguriang
Superstar. Naging artista rin siya sa maraming palabas sa entablado, sa telebisyon
at mga concert. Siya ang unang artistang babae na nagwagi ng International Best
Actress Award sa Cairo International Film Festival para sa
pelikulang “The Flor Contemplacion Story”. Siya ay ang
nag-iisang artistang babae ng pelikula na napabilang sa
100 Centennial Honor for the Arts na iginawad ng Cultural
Center of the Philippines noong 1999. Naging asawa niya
si Christopher de Leon at dalawang beses pang ikinasal
ngunit sa kalaunan, naghiwalay ang dalawa.
Ang kanyang mga anak ay sina Ian de Leon, Lotlot de
Leon, Matet de Leon, Kiko de de Leon at Kenneth de Leon.
Ang ilan sa mga ito ay naging tanyag din sa larangan ng
pag-arte pati na rin ang kanyang mga apo. https://en.notrecinema.com/communaute/stars/
stars.php3?staridx=271214

18
 Leonardo Sarao - “Hari ng Kalye”
Nagsimulang naging makulay ang daigdig ni Leonardo Sarao noong siya ay 12
taong gulang. Sa murang gulang, huminto siya ng pag-aaral upang makatulong sa
kanyang mga magulang. Siya ang panganay sa walong magkakapatid. Siya ay naging
kutsero at panday sa isang talyer.
Nang lumaon ay nagsanay siya
sa paggawa ng katawan ng
dyipni. Sa simula, lima lamang
ang kanyang manggagawa sa
talyer, ngunit ngayon, umaabot
na sa 400 ang kanyang mga
manggagawa. Noong una, isang
dyipni lamang ang nagagawa sa
isang araw. Sa ngayon, apat na
yunit na ang natatapos nila.
Bukod sa Sarao Motors, si
https://r3.rappler.com/move-ph/201663-king-of-the-road-sarao-motors-jeepney-philippines
Leonardo Sarao ay pangulo ng
Liberation Transportation Corp. Sarao Development Corp; Las Pinas Lending Corp.
at Sarao Broadcasting Network DWTM 89.9.

TANDAAN:

Mahalagang malaman na sa anumang ginagawa mo, mas magiging mahusay ka

pa sa higit na pagsisikap. Tulad ng mga Filipinong binanggit sa modyul na ito, nakagawa
sila ng mga dakilang tagumpay sa pamamagitan ng sikap at tiyaga. Itinakda nila ang
mataas na huwaran para sa sarili at sinikap itong matugunan. Hindi sila nasiraan ng
loob. Malaki ang kanilang kumpiyansa sa kanilang magagawa.

Sino ang gusto mong makatulad? Nais mo

bang maging si Lea Salonga, Efren “Bata” Reyes
o Nora Aunor?

Nalalaman mo bang maaari ka lamang

maging IKAW at makapag-ambag pa rin sa iyong
bansa? Gawin mo ang pinakamahusay sa alinmang
gagawin mo. Malay mo, maaaring makapag-
ambag ka nang malaki sa iyong bansa sa darating
na panahon.

19
 Pagyamanin

Pang-isahang Gawain 1
Panuto: Isulat ang T sa iyong sagutang papel kung tama ang isinasaad ng bawat
sitwasyon at M kung mali.

____1. Kung nagnanais na umunlad, nararapat lamang na makinig sa payo ng

kilalang matagumpay na tao.
____2. Nararapat lamang na iwasan ang paggaya sa mga sikat na tao dahil may
sarili kang kakayahan.
____3. Piliin lamang ang magagandang katangian ng iniidolo.
____4. Palawakin ang kakayahan sa pamamagitan ng pagtulad sa katangian ng
matagumpay na mga tao.
____5. Ang kahusayan at kasipagan ay katangi-tanging susi sa tagumpay ng Pilipino.
____6. Hindi kailangan ang tulong ng iba kung nais na maging matagumpay.
____7. Gawing inspirasyon ang mga natatanging Pilipino kung nais na maging
katulad nila.
____8. Karapat-dapat na hangaan ang kahusayan ng mga natatanging Pilipino.
____9. Iba-iba ang ating katangian, kaya hindi dapat na gayahin ang iba kahit sila ay
matagumpay.
____10. Ang magagaling at matatagumpay na mga Pilipino ay nagsisilbing modelo
na dapat tularan.

Pang-isahang Pagtataya 1
Panuto: Tukuyin ang bawat larawan. Lagyan ng tsek ( ) ang kahon kung ito ay
nagpapakita kung paano maipagmamalaki ang pagiging isang Pilipino
kaalinsabay ng kanilang pagtatagumpay at ekis (x) kung hindi.

20
 Pang-isahang Gawain 2

Panuto: Piliin at isulat sa iyong sagutang papel ang limang (5) katangian ng mga
natatanging Pilipino na nararapat na taglayin at tularan.

21
 Pang-isahang Pagtataya 2

Panuto: Isulat sa unahan ng bilang ang salitang Tama kung wasto ang diwang
ipinapahayag sa bawat pangungusap at Mali kung hindi wasto.

______ 1. Ang isang kabataang Pilipino ay maaaring maging mabuting ehemplo sa

isang komunidad.
______ 2. Hindi kinakailangang magsumikap sa pag-aaral upang matupad ang
pangarap.
______ 3. Maghandog ng inspirasyon at kabutihan sa ating kapuwa.
______ 4. Ang kahusayan at kasipagan ay mga susi sa tagumpay ng mga Pilipino.
______ 5. Huwag pansinin ang mga natatanging Pilipino na nakatulong sa bansa.
______ 6. Ang pagsasakrispisyo ay bahagi ng buhay sa pag-abot ng pangarap.
______ 7. Ang tagumpay ng isang Pilipino ay tagumpay ng buong Pilipinas.
______ 8. Nararapat na itago ang talento at huwag ipamalas.
______ 9. Maging mapagpakumbaba at maka-Diyos sa pang-araw-araw na gawain.
______ 10. Bigyan ng malasakit at pag-asa ang kapuwa kahit sa simpleng paraan.

Pang-isahang Gawain 3
Panuto: Punan ang tsart ng mga kinakailangang datos na nagpapakita ng katangian at
nakamit na tagumpay ng mga Pilipino.

Mga Pilipinong naging

matagumpay sa iba’t ibang Mga katangian Nakamit na tagumpay
larangan
1.

2.

22
3.

4.

5.

Pang-isahang Pagtataya 3

Panuto: Basahin ang mga sitwasyon sa ibaba. Isulat ang titik ng tamang sagot na
nagpapakita ng pagtulad sa mga mabubuting katangian na naging susi sa
pagtatagumpay ng mga Pilipino.

____1. Maraming Pilipino ang nagbigay ng karangalan sa bansang Pilipinas. Paano

mo sila pahahalagahan?
a. Tularan ang kanilang mga katangian.
b. Kalimutan ang kanilang mga nagawa.
c. Huwag na lamang silang pansinin.
d. Ipagpalagay na hindi mo sila kilala.

____2. Kung nais mong magtagumpay sa larangang iyong napili, ano ang nararapat
mong gawin?
a. Ipagyabang ang iyong kakayahan.
b. Sabihin sa iba na mas magaling ka kaysa sa kanila.
c. Makinig sa payo ng matagumpay na tao.
d. Sarilinin ang iyong kakayahan.

____3. Bakit kailangan nating tularan ang katangian ng magagaling at matatagumpay

na mga Pilipino?
a. Sila ay nagbigay ng karangalan sa bansa.
b. Sikat sila sa buong mundo.
c. Mayayaman ang mga tulad nila.
d. Sila ay maraming tagahanga.

____4. Idolo mo si Regine Velasquez sa larangan ng pag-awit. Nais mong maging

katulad niya pagdating ng panahon. Paano mo ito matutupad?
a. Sumali sa mga paligsahan kahit walang practice.
b. Umawit nang malakas sa loob ng bahay para gumaling sa pag-awit.
c. Salihan lahat ng singing contest na mabalitaan.
d. Tularan at pag-aralan ang kaniyang magagandang katangian.
23
____5. Alin sa sumusunod ang nagpapakita ng pagtulad sa mga mabubuting katangian
ng matatagumpay na mga Pilipino.
a. Ginagawang inspirasyon ang matatagumpay na mga Pilipino.
b. Sinasabit sa kwarto ang larawan ng paboritong KPOP group.
c. Ipinagyayabang na kilala mo ang isa sa matagumpay na Pilipino.
d. Hindi ka interesado sa kanilang katangian.

____6. Maraming pagsubok ang naranasan ng ilang matagumpay na Pilipino bago

nila naabot ang tagumpay na kanilang tinatamasa ngayon. Ang mga pagsubok
na ito ang _____________________.
a. nagsilbing daan upang sila ay sumuko
b. naging balakid sa kanilang tagumpay
c. naging inspirasyon upang paghusayan pa
d. nagbigay sa kanila ng maraming problema

____7. Paano dapat pagsikapan ng tao na maging matagumpay sa buhay?

a. Makipagkumpetensiya sa ibang matagumpay na tao.
b. Makipagkaibigan lamang sa mga sikat.
c. Gawing inspirasyon at gabay ang katangian ng matatagumpay na tao.
d. Iwasang gayahin ang katangian ng iba.

____8. Alin sa mga katangiang ito ang dapat taglayin ng isang tao upang makamit ang
tagumpay?
a. Mapanghusga sa kapwa.
b. Determinado sa pag-abot ng pangarap.
c. Mapagmalaki sa ibang tao.
d. makasarili

____9. Ano ang dapat gawin upang mapaunlad pa ang kahusayan sa paggawa upang
magtagumpay?
a. Sarilinin ang kaalaman upang hindi gayahin ng iba.
b. Huwag ipakikita sa iba ang iyong talento.
c. Iwasan ang matagumpay na tao.
d. Pagtulad sa katangian ng matagumpay na tao.

____10. Paano ka maaaring maipagmalaki ng bansa bilang isang batang Pilipino?

a. Maging mabuting ehemplo at idolo ng kabataan.
b. Paggaya sa katangian ng ibang tao.
c. Ipagmalaki anumang kakayahang mayroon ka.
d. Maging mapagmataas.

24
 Isaisip

Panuto: Piliin sa loob ng kahon ang mga angkop na salita sa patlang upang mabuo
ang mga pahayag.

Ang (1)_________ at kasipagan ay katangi-tanging susi sa tagumpay ng

Pilipino. Marami ang nagtagumpay dahil sa kanilang kasipagan at pagiging produktibo.
Sila ang nagbibigay (2)_____________ upang matularan natin ang kanilang mga
halimbawa at gawing (3)___________ nang kung ano ang gusto nating marating
sa ating buhay. Nararapat din na bigyang halaga ang mga Pilipinong nagbibigay ng
(4)_________ sa ating bansa, tularan natin ang kanilang kasipagan at pagsasakripisyo.

Isang bagay lang ang sana’y huwag nating ialis sa paghanga at pagtatangi sa isang
tao: siya ay hindi (5)_____ at tulad nating lahat, mayroon din siyang mga pagkukulang.

kahusayan inspirasyon karangalan
perpekto modelo

Isagawa
Panuto: Basahin ang bawat pangungusap at impormasyong ipinahihiwatig. Isulat sa
sagutang papel ang naaayon na katangian ayon sa impormasyong nabasa.
Isulat ang letra ng tamang sagot.
Bago nanalo si Bb. Pia Wurtzbach ng Miss
1.
Universe noong 2015, maraming beses siyang
sumali sa mga pageant at siya ay tatlong beses
na natalo ngunit hindi siya sumuko para sa
kaniyang pangarap. Siya ay ___________.
a. maramdamin
b. determinado
c. tamad
https://www.worldlibertytv.org/miss-
universe-2015-pia-alonzo-wurtzbach/ d. duwag

Pinahusay ni Manny Pacquiao ang kaniyang

2. sarili sa boksing upang matulungan niya ang
kaniyang pamilya at ipagmalaki ang Pilipinas.
Siya ay ___________.
a. makabansa
b. makasarili
c. maramot
https://dlpng.com/png/6376839national-
artist d. tamad

25
 Si Dolphy ang tinawag na Hari ng Komedya
3. at siya ay nakilala dahil sa kaniyang malaking
kontribusyon sa sining at teatro. Siya ay
___________.
a. mapanlamang
b. duwag
https://www.rappler.com/entertainment/ c. produktibo
celebrities/why- dolphy-is-not-yet-a-
national-artist d. mapanghusga

4. Si Lea Salonga ay isang Pilipinang mang-aawit

at aktres na naging bantog dahil sa kanyang
pagganap sa musikal na Miss Saigon. Kahit
mahirap ang kaniyang pinagdaan ay nagsumikap
siya upang matupad ang pangarap. Siya ay
___________.
a. makasarili
b. walang disiplina
https://www.pinterest. c. mapagmataas
phpin/488992472021204334/
d. matiyaga

Nakilala si Lisa Macuja-Elizalde bilang isang

5.
tanyag na Prima Ballerina dito sa Pilipinas at
sa ibang bansa. May mga pinagdaan siyang
pagsubok sa mga patimpalak na kaniyang
sinasalihan. Siya ay ___________.
a. matatag
b. mapanghusga
https://humanheartnature.com/buy/ c. walang disiplina
index.php/content/lisa-macuja-elizalde-
the-devoted-dancer d. tamad

Tayahin

Panuto: Tukuyin ang mga kilalang Pilipino sa Hanay B na inilalarawan ng bawat

pangungusap sa Hanay A. Isulat ang titik ng tamang sagot sa inyong
sagutang papel.

A B
1. Kilalang Pilipino na naging tanyag sa a. Catriona Gray
larangan ng bilyar.

2. Isang Pilipinong manlalaro ng bowling na b. Leonardo Sarao

nanalo ng anim na beses at naging
kampeonato sa World bowling.
26
 3. Isang mang-aawit na Pilipino, artista at c. Lea Salonga
producer na tinaguriang “Superstar”

4. Isang tanyag na iskultor na Pilipino at d. Efren “Bata” Reyes

itinuring na “Ama ng Makabagong
Iskultura ng Pilipinas”

5. Isang Pilipinang mang-aawit at aktres e. Liza Macuja- Elizalde

na naging bantog sa musical na
Miss Saigon

6. Tinaguriang “Hari ng Kalye” at gumawa f. Regine Velasquez

ng Sarao Jeepney sa Pilipinas.

7. Siya ay kinilala bilang “ballerina ng mga g. Manny Pacquiao

tao” dahil sa kanyang talent at
pagkamalikhain

8. Isa sa mga mahuhusay at tanyag na h. Napoleon Abueva

biritera sa Asya at tinaguriang
“Asia’s Songbird”

9. Kilalang Pilipino na nagpamalas ng i. Rafael Nepomuceno

kanyang angking talent sa larangan
ng boksing at naging WBC Lightweight
Champion.

10. Isa sa kinilalang beauty queen at j. Nora Aunor

itinanghal na Miss Universe 2018.

27
 Karagdagang Gawain

Panuto: Sagutin ang cross word puzzle batay sa mga nakatala sa ibaba.

Pahalang
2. binansagang Asia’s Song Bird
4. mang-aawit, gumanap siya sa musical na Miss Saigon
5. Filipino-Australian na nagging Miss Universe 2018

Pababa
1. Pilipinong propesyunal na boksingero at politiko
3. anim na ulit na kampeong pandaigdig sa bowling

28
 29
PANG-ISAHANG PAGTATAYA 3 PANG-ISAHANG
PAGTATAYA 1
1. A 6. C
1. /
2. C 7. C
2. /
3. A 8. B 3. /
4. /
4. D 9. D
5. /
5. A 10. A
PANG-ISAHANG PAGTATAYA 2 PANG-ISAHANG GAWAIN 1
1. Tama 6. Tama
1. T 6. M
2. Mali 7. Tama 2. M 7. T
3. Tama 8. Mali 3. T 8. T
4. Tama 9. Tama 4. T 9. M
5. Mali 10. Tama 5. T 10. T
PANG-ISAHANG GAWAIN 2
BALIKAN
responsable 1. T
mapagpakumbaba 2. M
masigasig 3. T
4. M
maka-Diyos
5. T
masipag
Susi sa Pagwawasto
 30
TAYAHIN
1. D
2. I
3. J
4. H
5. C
6. B
7. E
8. F
9. G
10. A
ISAGAWA
1. B
2. A
3. C
4. D
KARAGDAGANG GAWAIN
5. A
1. Manny Pacquiao
SURIIN
2. Regine Velasquez
1. kahusayan
3. Paeng Nepomuceno 2. inspirasyon
4. Lea Salonga 3. modelo
4. karangalan
5. Catriona Gray
5. perpekto
Susi sa Pagwawasto
 Sanggunian

Ylarde, Zenaida R. & Peralta, Gloria A. Ugaling Pilipino sa Makabagong Panahon.

Batayang Aklat sa Edukasyon sa Pagpapakatao 6. Quezon City: Vibal Publishing
House. 2016

Mga Pilipinong Nagbigay ng Mahahalagang Kontribusyon. January 5, 2021 https://

eskwelanaga.files.wordpress.com/2011/02/mga-pilipinong-nagbigay-ng-
mahahalagang-kontribusyon.pdf.

Mga Tanyag na Pilipino sa Iba’t Ibang Larangan. January 5, 2021. https://saghaj.word

press com/2016/03/16/mga-tanyag-na-pilipino-sa-ibat-ibang-larangan/.

Talambuhay. January 5, 2021. https://l.facebook.com/l.php?u=https%3A%2F%2Fwww.

google.com%2Fsearch%3Fei%3DjCr0X-O1DMTAoASGr5PABw%26q%3Dtalam
buhay%2520ni%2520catrioa%2520gray%26oq%3Dtalambuhay%2520ni%2520c
atriona%2520gray%26gs_.

Talambuhay ni Catriona Gray. https://l.facebook.com/l.php?u=https%3A%2F%2Fwww.

google.com%2Fsearch%3Fei%3DjCr0X-O1DMTAoASGr5PABw%26q%3Dtalam
buhay%2520ni%2520catriona%2520gray%26oq%3Dtalambuhay%2520ni%252
0catriona%25 20gray%26gs

Talambuhay ni Manny Pacquiao. https://l.facebook.com/l.php?u=https%3A%2F%2Fw

ww.google.com%2Fsearch%3Fq%3Dhttp%253A%252F%252Fmanny%2520pac
quiao%26oq%3Dhttp%253A%252F%252Fmanny%2520pacquiao%26aqs%3D
chrome

Talambuhay ni Regine Velasuez. https://l.facebook.com/l.php?u=https%3A%2F%2Fw

ww.google.com%2Fsearch%3Fq%3Dtalamb uhay%2520ni%2520regine%2520
velasquez%26oq%3Dtalambuhay %2520ni%2520reg%26aqs%3Dchrome

31
 Para sa mga katanungan o puna, sumulat sa:

Department of Education, Schools Division of Bulacan

Curriculum Implementation Division
Learning Resource Management and Development System (LRMDS)
Capitol Compound, Guinhawa St., City of Malolos, Bulacan
Email address: lrmdsbulacan@deped.gov.ph

32