NGENU-NGENU YEREMIA

FAZA 1
I. Faʼebua wamakao, si no gõna ira.
II. Enaʼõ na abu dõdõ zamondrongo gõi: Fangandrõ Yeremia.
1. Alai mbanua andrõ, no aomõaomõ, sato niha no; no tobali lakha, sebua no ba ngai niha bõʼõ; samatõrõ banua
bõʼõ no, ba no gõna rodi!
2. Sara wongi manõ megeʼege, mowõi dawa hõrõnia. Lõ sondrara tõdõnia, dozi somasi yaʼia mege. Dozi si fahuwu
khõnia mege, ba no farõi khõnia, no si faʼudu.
3. No awuʼa mado Yuda, ba wangabu dõdõ andrõ ba ba rodi andrõ, si no abeʼe. Ba niha baero so ira, lõ falukha
zahono ira. No lakhamõ ira solohi yaʼira, ba zambõ faʼebolo lala.
4. Sabu tõdõ lala ba Ziona, me lõ si mõi ba gowasa. Bawa gõlinia fefu, ba no adudula; mangarõngarõ gere khõra;
sabu tõdõ nono alawe khõra; ba yaʼia, ba no salangu tõdõ.
5. No mõi yawa zamakao yaʼira, ba ba zi faʼudu khõra, ba lõ faʼabu dõdõ. Yehowa saʼae zamusi tõdõra, ba waʼoya
horõra andrõ; noa sa muʼoloiʼõ ndraonora, nirabu zamakao yaʼira.
6. Ba no aheta ba nono Ziona alawe lakhõminia fefu. Salawara, ba no timba mbõhõ, si lõ õ duʼu, mowaõwaõ lõ
dõladõla, fõna zolohi.
7. Itõrõ tõdõ Yeruzalema — na bawa wamakao ba na bawa wolohi — zi sõkhi andrõ fefu, si otarai gõtõ fõna saʼae,
me mõi ba danga zamakao mbanuara, me lõ sangorifi; lafaigifaigi samakao andrõ, laʼigiʼigiʼõ ira, ba waʼateʼalara
andrõ.
8. Sebua horõ Yeruzalema, andrõ wa tobali niʼogorofi ira. Dozi samosumange yaʼira mege, ba no si lõ ba dõdõ
yaʼira saʼae, me no laʼila zaila ira; ba yaʼira, ba sangarõngarõ, ba labaliʼõ ira furi.
9. No taʼunõ gahe mbarura, lõ itõrõ tõdõra lualua. Ba sahõlihõli dõdõda waʼahõndrõra andrõ, lõ sondrara tõdõra.
”Faigi waʼanumanagu, yaʼugõ Yohowa”, noa sa fayawa zi faʼudu!
10. No iʼoroʼõ dangania samakao andrõ, ba wangai anaʼara fefu. Ba no laʼila me mõi ba niʼamoniʼõ andrõ khõra niha
baero, niwaʼõu: lõ tõla orudu ira ba mbanuami.
11. No ara wangarõngarõ mbanuara fefu, wangalui balazo; labeʼebeʼe ganaʼara bõli gõra, fangorifira. Faigi, yaʼugõ
Yehowa, nehegõ, wa no lõ ba dõdõ niha yaʼodo!
12. Yaʼami fefu, sanõrõ, mifaigi ba minehegõ, na so na waʼafõkhõ si mane faʼafõkhõ andrõ khõgu, nilau khõgu,
khõgu andre, nibusi Yehowa tõdõ, me bawa wõnunia andrõ, si no abõlõbõlõ sibai.
13. No ilau galitõ, moroi yawa, ifatõrõiʼõ ba dõlagu, ba no ilau wesu gahegu ba no itimba furi ndraʼodo. No ifufu
ndraʼo, fadoro wõkhõgu ibeʼe.
14. No ifaʼanõ kalo mbagigu horõgu andrõ, tangania; no tefabõbõ, ba no muhareʼõ ba mbagigu — erege dõdõgu
ibeʼe. No ibeʼe ba danga zi tebai ulawa ndraʼodo Soʼaya.
15. No itiboʼõ Soʼaya fefu zabõlõ, si so ba khõgu mege. No ikaoni ba gowasa zi faʼudu khõgu, ba womama ono
matua khõgu. Soʼaya zanguhundragõ folazi khõ nono Yuda andrõ alawe.
16. Daʼõ mbõrõ wegeʼegegu; mangele manõ dawa hõrõgu. Noa sa arõu khõgu zondrara tõdõ, si okafui tõdõgu enaʼõ.
No abu dõdõ ndraonogu, me no abõlõ nemali andrõ.
17. Iʼoroʼõ dangania Siona, lõ falukha zondrara tõdõ. No ifaoso gahe zamakao maʼuwu Yakobo Yehowa, fasui. No
tobali niʼogorofi Yeruzalema, ba khõra andrõ.
18. Satulõ Yehowa; noa sa ufadaõ linia. Mifondrondrongo, yaʼami niha baero fefu, ba mifaigi waʼafõkhõ andre
khõgu! Ono alawe khõgu ba ono matua, ba no muʼoloiʼõ.
19. No ukaoni zomasi yaʼodo mege, ba lalimodo. Ere khõgu ba satua, ba no mate olofo, ba mbanua, me laʼalui gõra,
fangorifira.
20. Faigi, yaʼugõ Yehowa, waʼatosagu andre; hulõ galitõ bakha dõdõgu. Ibaliʼõ ia tõdõgu barõ dotogu, me no sabeʼe
tandro ndraʼodo mege. Baero, ba siʼõli, famunu ndraono, ba yomo ba mbanua, ba teu mbanua.
21. Larongo niha wangarõngarõgu — ba sondrara tõdõ, ba lõʼõ. Dozi si faʼudu khõgu, ba larongo wamakao andrõ
khõgu, ba omuso dõdõra, me no õlau [khõgu]. Alua dania mbawa andrõ, nifarongogõmõ, õbeʼe, ba fagõlõgõlõ ira
khõgu.
22. Ya mõi ba duduma hõrõu walõsõkhira andrõ, fefu, ba lau khõra, si mane folaumõ khõgu, ba horõra andrõ fefu!
Noa sa fahõna wangarõngarõgu, ba sofõkhõ bakha dõdõgu.

HAKUNA MATATA
 FAZA 2
I. Fangarõngarõ, me no adudu sibai Yeruzalema.
II. Fanegu samaʼeleʼõ sofaya andrõ.
III. Famarou tõdõ, ba wamalalini eraʼera.
1. Ha lõ atelumõ nono Ziona andrõ alawe, ibeʼe Soʼaya ba wõnunia andrõ! Moroi ba mbanua si yawa itiboʼõ tou ba
danõ lakhõmi Ndraono Gizeraeli, ba lõ itõrõ tõdõnia mbakubaku gahe andrõ khõnia, me bawa wõnu andrõ
khõnia.
2. Lõ faʼahakhõ dõdõ Zoʼaya wamufu tanõ maʼuwu Yakobo; no idudugõ hati nono Yuda alawe, ba wõnunia andrõ;
no itimba tou gamatõrõwa, fabaya salawa, salakha ibeʼe.
3. No iʼewa dandru Ndraono Gizeraeli fefu, ba weholahola wõnunia andrõ; no ibõda gambõlõnia, ba nemali andrõ,
ba no iʼebuaʼõ galitõ siholahola, si mangamanga hadia ia, fasui, ba maʼuwu Yakobo.
4. No ikhai wanania, si mane emali, abeʼe gambõlõnia si mane ba zi faʼudu, ba no ahori ibunu zomasi ira famaigi,
ba nose nono Ziona alawe; no ilau mbakhubakhu dõdõnia, hulõ galitõ.
5. Amaedola nemali saʼae Zoʼaya, no iseʼegõ Ndraono Gizeraeli; no ifufu gõdo khõra fefu; hati khõra, ba no
idudugõ; ba no falawulaete wangarõngarõ nono Yuda alawe ibeʼe.
6. No ideha gõlira, si mane ba kabu; no ifufu naha gowuloa khõra; olifu mbanua Ziona gowasa ba sabato, ibeʼe
Yehowa, ba no itiboʼõ razo, fabaya ere, ba mbakhubakhu dõdõnia andrõ.
7. No lõ ba dõdõ Zoʼaya naha wameʼe sumange andrõ khõnia, no itiboʼõ ba dõdõnia niʼamoniʼõ andrõ khõnia; no
ilulu ba danga nemali gõdora andrõ; no muʼaoʼao ira ba gosali Yehowa, si mane na bawa gowasa.
8. No ihonogõi Yehowa wanudugõ õli nono ziona alawe; no ifatõrõ wanuʼa, lõ ibõda dangania wanudugõ, sabu tõdõ
mbaʼabaʼa, fabaya õli, ibeʼe, no faoma salangu tõdõ.
9. No ahõndrõ ba danõ mbawa gõlinia; no ifufu lazinia, no ifatõ; razora ba satua khõra, ba no so ba niha baero — no
taya goroisa; ba he samaʼeleʼõ khõra, ba lõʼõ saʼae falukha wamaʼeleʼõ khõ Yehowa.
10. No dumaodao tou ba danõ, lõ hedehede, zalawa nono Ziona alawe; no lalau gawugawu ba hõgõra ba no
laʼonukha gonigoni; lafatugu ira ono Yeruzalema alawe.
11. Ariri hõrõgu, ba dawa hõrõ andrõ, no aukhu bakha narõ dotogu; hulõ zi fabali bakha dõdõgu, ba waʼatekiko nono
mbanuada andrõ alawe, me si mate olofo ndraono, fabaya ono sawuyu, ba newali ba mbanua
12. Lamane khõ ninara: Heza so wakhe ba agu? Me mate olofo, si mane sesokho famunu, ba newali, ba mbanua, me
aetu nosora ba gaheta ninara.
13. Hadia nibeʼegu famaduhuʼõ khõu, hadia wamaedou ubeʼe, yaʼugõ ono alawe, Yeruzalema? Hadia ubeʼe si
falawalawa khõu, ono Ziona? Faʼebua nasi saʼae waʼebua zokhou; ha niha zamadõhõ?
14. Samaʼeleʼõ andrõ khõu, ba faya, ba si lõ asio wangiʼilara khõu; lõ nibokaira horõu ba wangefaʼõ yaʼugõ, taroma
li faya ba fanibo niʼiʼilara khõu.
15. Solau tatawõ khõu dozi sanõrõ, fasiira ba lafalikhõ ira, ba nono alawe andrõ, Yeruzalema [lamane]: ”Hadia, daʼõ
mbanua andrõ, nibeʼera tõi, fondrege zi sõkhiʼ ba, ’omasiõ nõsi guli danõ, maʼafefu’?”
16. Lafaboka mbawara khõu dozi si faʼudu khõu; fasiira ba lafatangi mbohara, lamane: ”No mafufu! Yaʼia saʼae
mbawa nidõnadõnama; no makhamõ, no maʼila!”
17. No ifalua Yehowa nikhoi dõdõnia, no ifatõrõ ba niwaʼõnia, niʼoroiʼõnia, iʼotarai gõtõ fõna saʼae — no idudugõ lõ
faʼahakhõ dõdõ, ba no ibeʼe omuso khõu dõdõ zi faʼudu, khõu — no iʼalawaʼõ dandru zamakao yaʼugõ!
18. Angarõfi li Zoʼaya, yaʼugõ ono alawe, ono Ziona; alakha mowõi dawa hõrõ, hulõ gelea, bongi maʼõkhõ; bõi
olombase, bõi ibadugõ ia ono hõrõ khõu.
19. Labu, angarõngarõ ba zi bongi, na mõrõ niha; faduwa dõdõu, timba nidanõ, ba duduma hõrõ Zoʼaya; oroʼõ
khõnia dangau, ba wangorifi iraonou, si mate olofo, ba watalinga newali, fefu.
20. Nehegõ, yaʼugõ Yehowa, faigi: ha khõ õlau zi manõ! Hadia, laʼa nonora ira alawe, iraono andrõ, rorogõfõra?
Hadia, tebubunu gere, fabaya samaʼeleʼõ, ba niʼamoniʼõ andrõ khõ Zoʼaya?
21. No so tou ba danõ, ba newali, ndraono, awõ zatua: ono alawe khõgu ba ono matua khõgu, ba no mate niʼõʼõtõ; no
mangeʼe ndraʼugõ, me bawa wõnu andrõ, khõu — no mamunu niha ndraʼugõ, lõ faʼahakhõ dõdõ.
22. No õkaoni — nifogaoni ba gowasa — gametaʼuõ khõgu, fasui, ba samõsa lõʼõ, me bawa wõnu Yehowa andrõ,
soloi ba saefa; nirorogõgu andrõ, niʼeʼebuagu, ba no ihori emaligu andrõ.

HAKUNA MATATA
 FAZA 3
I. Mangarõngarõ Yeremia ba wamakao andrõ, si gõna ia.
II. Fangandrõnia; iʼideʼideʼõ ia ba idõnadõna waʼahakhõ dõdõ Lowalangi.
III. Fangombakha horõ.
IV. Ifondrondrongo Lowalangi ba itolo nifakao.
1. Yaʼodo niha andrõ, sangila famakao, ba mbõzibõzi andrõ khõnia ba wõnunia.
2. Yaʼodo nifasaonia, nifatõrõnia ba zogõmigõmi ba ba zi lõ haga.
3. Khõgu ifonumanumalõ dangania, maʼõmaʼõkhõ.
4. Sariri nõsigu ba uligu, ibeʼe; tõlagu, ba no irasa.
5. No ifasui ndraʼodo, wamaʼanõ langu ba famakao.
6. No ibeʼe ba zogõmigõmi ndraʼodo, amaedola zi mate, lõ fangorifi saʼae.
7. No ikõlini ndraʼo kara, lõ lala, no abua rate khõgu, ibeʼe.
8. Ba he muʼao ndraʼo, he waʼae ebua ligu, ba ibaʼa wangandrõgu.
9. Ibaʼa lalagu kara sebua; ifufu nitõrõgu enaʼõ.
10. Amaedola mberua sanaronaro ia khõgu, amaedola zingo ba mbinimbini.
11. Selungu lalagu ibeʼe; no isasawi ndraʼodo; adudula ndraʼodo ibeʼe.
12. No ikhai wanania, ba no ibeʼe tandra wana ndraʼodo.
13. No ifatõrõ ba mbuagu nono wana khõnia.
14. No tobali famaʼiki ndraʼo ba mbanuama fefu, ayara maʼõmaʼõkhõ.
15. No iʼabusoiʼõ ndraʼo safeto, no ifabadugõ khõgu nidanõ mbulu mbala.
16. Ubohagõ nene ibeʼe, ba ufagaõlõ ndraʼo bawu.
17. No õtayaigõ waʼohahau dõdõgu, olifu ndraʼo zi sõkhi.
18. Ba umane: No taya waʼabeʼegu, ba fanõtõnagu khõ Yehowa.
19. Tõrõ tõdõu waʼanumanagu ba folohi yaʼodo andrõ, ba idanõ mbulu mbala andrõ, awõ langu andrõ!
20. Uʼangerangeragõ, ba ikõwõ ia bakha tõdõgu.
21. Daʼõ utanõ ba dõdõgu, ba andrõ udõnadõna:
22. Lõʼõ sa atõ saetu na waʼebua dõdõ Yehowa, lõ sahori na waʼahakhõ dõdõnia; ero mahemolu,
23. ba ifuli bohou, abõlõ wa lõ farõi ndraʼugõ!
24. Tana khõgu Yehowa, iwaʼõ tõdõgu, andrõ wa khõnia udõnadõna.
25. Sebua tõdõ Yehowa ba zanõtõna khõnia, ba niha sangalui yaʼia.
26. Si sõkhinia, tadõnadõna wangorifi andrõ khõ Yehowa, lõ hedehede.
27. Sõkhi ba niha, na iluʼi galo mbagi andrõ, fatua ono matua na ia.
28. Ya dumaodao lõ awõ ba lõ hedehede, na ihareʼõ ba mbaginia.
29. Ya faʼago bawa ia ba gawugawu tou — ma atõ so na dõtõnafõ;
30. Yamuʼoroʼõ mboʼõnia ba zamalisi yaʼia, ya abuso fangoʼaya.
31. Tenga si lõ mamalõmalõ wanibo Zoʼaya.
32. Na no ifatõrõ waʼabu dõdõ, ba [ifuli] ahakhõ dõdõ, ba waʼafahõna waʼebua dõdõnia andrõ.
33. Tenga sa faʼomasinia wamakao ba famusi tõdõ nono niha.
34. Wa lahundragõ fefu niraʼu andrõ, ba danõ, wa lawuʼai huku,
35. ba zanehe Wondrege Zalawa,
36. wa lafuyuʼõ huhuo niha, ba hadia, lõ iʼila Soʼaya?
37. Ha niha zangumaʼõ, ba no itõrõ, na tenga moroi ba li Zoʼaya?
38. Hadia, tenga umbu zi lõ sõkhi ba umbu zi sõkhi gõi mbawa Wondrege Zalawa?
39. Hadia wa mangarõngarõ manõ niha, sagõtõ yaʼia? Ba horõnia ya mangarõngarõ zamõsana!
40. Datafaigi dõrõwada, taʼalualui, ba tafuli ita khõ Yehowa!
41. Datafazawa dõdõda ba tangada khõ Lowalangi ba zorugo!
42. No elungu ita, ba no tandrotandrofõ ita — ba lõ nibeʼeu aefa [daʼõ].
43. No õfobalubalu ndraʼugõ fõnu ba no õgohi ndraʼaga, no õbubunu ndraʼaga, lõ faʼahakhõ dõdõ.
44. No õbalugõ ndraʼugõ lawuo, fa tebai isõsõ fangandrõ.
45. No õbaliʼõ sasao ba sogoro niha ndraʼaga, ba hunõ niha baero.
46. No lafaboka mbawara khõma dozi si faʼudu khõma.
47. Fehokha mbu ba kohokoho gurakhama, ba faʼadudu ba faʼafufu.
48. Mangele dawa hõrõgu, ba waʼafufu nono alawe andrõ, ono niwada.
49. Moʼalaʼala manõ hõrõgu, lõ mamalõmalõ,
50. balazi ifaigi moroi yawa, balazi ifaigi lala Yehowa, moroi ba zorugo.
51. Afõkhõ bakha dõdõgu ibeʼe [tawa] hõrõgu andrõ, ba nono alawe andrõ, banuada, fefu.
52. No lagohi ndraʼo, nifolohi fofo, si faʼudu khõgu, lõ bõrõbõrõ,
53. no laʼetuʼõ nosogu ba gohokoho danõ ba no lahawui ndraʼo kara
54. No ilawui hõgõgu idanõ, ba umane: si mate ndraʼo.
55. Ba no uʼangarõfi li dõimõ, yaʼugõ Yehowa, moroi ba wondrege gohokoho.
56. Ba no õfondrondrongo weʼaogu andrõ: ”Bõi duhõ dõgi dalingau; okafui dõdõgu, tolodo!”
57. No ahatõ ndraʼugõ, me muʼaodo khõu, õmane: ”Bõi busi dõdõu!”
58. No õfatunõ huhuogu, yaʼugõ Yehowa, no õʼorifi ndraʼodo.
59. No õʼila wamakao yaʼodo andrõ, yaʼugõ Yehowa: ohe ba lala huhuogu andrõ!
60. No aneheʼõ dõdõra ba wolau khõgu, fefu nifakhaira khõgu.
61. No õrongo wangoʼayara andrõ, yaʼugõ Yehowa, fefu nifakhaira khõgu,

HAKUNA MATATA
 62. huhuo zi faʼudu khõgu ba tõdõra faʼudusa khõgu, maʼõmaʼõkhõ.
63. Faigi, ba wedadaora ba ba wemaosora, ba ayara ndraʼodo.
64. Yaʼugõ Yehowa zanulõni khõra, dali nilau dangara;
65. õʼabõsiʼõ dõdõra — ba ya tohare khõra wangelifiu!
66. Õgohi ira ba wõnumõ ba õhori ira, barõ mbanua khõ Yehowa!

FAZA 4
I. Fõna, ba sohahau tõdõ Ziona, ba famakao iadaʼe.
II. Horõ Yeruzalema mbõrõ daʼõ.
III. Fametaʼu Iraono Gedomo, somuso tõdõ.
1. Ha lõ aitõ ganaʼa andrõ, ha lõ atobali mbalaki, ba tetibo manimani niʼamoniʼõ, ba watalinga newali fefu!
2. Ono matua omasiõ andrõ, ba Ziona, nifatimba balaki, ba no timba mbowoa tanõ, nilau danga zamõbõzi bowoa!
3. He asu anaʼa, ba iʼoroʼõ mbagi zusu, ifaenu nononia; ba ono mbanuada andrõ, alawe, ba no si lõ faʼahakhõ dõdõ,
no timba ganõwõ ba danõ si mate.
4. No falemba ba gararo lela nono sawuyu, ba waʼowõkhi dõdõ andrõ; mangandrõ gõ ndraono, ba lõ sameʼe khõra.
5. Si manga gõ sami mege, ba no mate olofo baewali; nifokaso baru luo mege ba wangahagi, ba no latalagui
golawua.
6. Noa sa ebua horõ mbanuada andrõ, moroi ba horõ Zodoma no, nibaliʼõ arõ, ha mamõʼi hõrõ waʼara, ba tenga
nibabaya tanga.
7. Safusi moroi ba mbõtua zalawara, safusi moroi ba nõsi zusu; soyo moroi ba duturu gara soyo nõsira, no timba
weremata nila ngaʼeura.
8. Ba noa saʼae aitõ moroi ba ndraʼi mbowoa wamaigida, lõ oroma dõi niha, ba newali; falemba ba dõlara gulira, no
okõlikõli, timba geu.
9. Ohahau dõdõ zi mate ba mbawa ziʼõli mege, moroi ba zi mate olofo andrõ; sariri manõ, no timba nifahõ tõdõ, me
lõ bua nowi.
10. Ira alawe sahakhõ tõdõ, ba labeʼe bawu nonora tangara; labaliʼõ õra, ba waʼadudu nono alawe andrõ, ono
mbanuada.
11. No iʼoigõ mbakhubakhu dõdõnia Yehowa, no ilau holahola wõnunia andrõ ba no iʼebuaʼõ galitõ ba Ziona, si
manga latalata.
12. Lõʼõ sa faduhu menaʼõ dõdõ razo ba guli danõ, ba he tõdõ nõsi guli danõ maʼafefu, wa atuʼa ba mbawa gõli
Yeruzalema zanuwõ yaʼira, emalira andrõ.
13. Bõrõ horõ zamaʼeleʼõ andrõ khõra ba horõ gere khõra, si no mameʼe aduwa ba mbanua ndro zatulõ, wa alaulau
ira, timba zauʼa,
14. ba newali; si no taʼunõ do ira, tobali tebai tababaya nukhara.
15. ”Miholeʼõ ami! Si raʼiõ!” — lamanõ fõnara —, ”miholeʼõ ami! miholeʼõ ami! bõi fatõfa ami!” Na moloi ira ba na
alaulau, ba lamane niha baero: Lõ tola saʼae laʼiagõ daʼe!
16. Ba Yehowa zamazawili yaʼira, lõʼõ saʼae ifaigifaigi ira. Lõ ba dõdõnia gere, lõ sahakhõ dõdõnia si no tohare
huwa.
17. Ha waʼara ariri manõ hõrõda, wamaigi fangorifi khõda zayazaya gõlõ! Ba naha wanaro andrõ khõda tadõnadõna
niha, si lõ manolo [yaʼita].
18. Ladarodarogõ nihundragõda tanõ, tobali tebai tatõrõ newali khõda; no ahatõ wozu khõda, no irugi bawada, fozu
saʼae.
19. Alio gahe zolohi yaʼita, moroi ba moyo ba dalu mbanua, lagohi ita ba hili, latarogõ ita ba danõ si mate.
20. Nosoda andrõ [razo], nibayoini Yehowa, ba no alau ba lõsulõsu andrõ khõra — yaʼia andrõ, niwaʼõda tõdõda: Ba
lumõnia auri ita, ba niha baero.
21. Ya omuso dõdõu, ya owuawua, yaʼugõ ono Ndraono Gedomo alawe sowanua ba danõ Usi; irugi dania ndraʼugõ
gõi mako andrõ; mabu dania ndraʼugõ ba õheta mbalubalumõ!
22. No abuʼa gõmõu, yaʼugõ ono Ziona alawe, lõʼõ saʼae itiboʼõ ndraʼugõ; ba õmõu, yaʼugõ ono Ndraono Gedomo,
ono alawe, ba iʼalui, ibokai horõu.

HAKUNA MATATA
 FAZA 5
I. Faʼaila Yeruzalema.
II. Fangandrõ faʼahakhõ dõdõ.
1. He Yehowa, tõrõ tõdõu zi no gõna ndraʼaga; faigi, ba nehegõ waʼailama andre!
2. Si so khõma mege, ba no mõi ba danga niha bõʼõ, ba omoma ba no laʼokhõgõ Dawa baero.
3. Si lõ ama ndraʼaga saʼae, no lakha mbanua ninama.
4. Õma idanõ, ba niʼõli, ba awena falukhaga geuma, na mabeʼe mbõli.
5. Faluʼi khõma zolohi yaʼaga; no erege dõdõma, lõ labeʼe molombase ndraʼaga.
6. No maʼoroʼõ dangama ba Ndrawa Miserayi, ba ba Ndrawa Asiria, enaʼõ masõndra zabõnõ õma.
7. No molalõ ndra tuama; lõ yaʼira saʼae, ba yaʼaga zoluʼi olalõwara.
8. Sawuyu zamatõrõ yaʼaga; lõ sangefaʼõ yaʼaga ba dangara.
9. Sataʼu mate ndraʼaga wangai gõma; ba ziʼõli nemali andrõ, ba danõ si mate.
10. No aitõ gulima, hulõ mbowoa, ba waʼafõkhõ waʼolofo andrõ.
11. Ira alawe ba Ziona, ba no lahorõni, fabaya ono alawe, ba mbanua mado Yuda misa.
12. No latawi zalawa tangara, ba bawa zatua, ba lõ ba dõdõra.
13. Ono matua, ba no labeʼe sanutu fakhe, ba salaulau ndraono ba norora eu.
14. Lõʼõ saʼae mõi ba mbawa gõli zatua; ba no labato wolau biola ono matua.
15. No taya waʼomuso dõdõma; no tobali fangarõngarõ wanunõma.
16. No aekhu tou zaembu anaʼa andrõ moroi ba hõgõma: alai ndraʼaga, me no mafazõkhi horõ!
17. Ba daʼõ, wa tobali sofõkhõ dõdõma; ba daʼõ, wa no balunõ hõrõma;
18. ba hili Ziona andrõ, me no afufu, me ladõrõdõrõ asu gatua.
19. Ba yaʼugõ Yehowa, ba si lõ aetu faʼasalawa; dadaomamõ andrõ, ba gõtõgõtõ waʼara.
20. Hana wa lõ mamalõmalõ õʼolifugõʼõ ndraʼaga, hana wa õʼerogõ ndraʼaga, sagõtõ yaʼaga?
21. He Yehowa, halõ mangawuli ndraʼaga khõu, ba mafuliga; bohouni mbawama, si mane ba gõtõ fõna!
22. Ma no alua õtiboʼõ ndraʼaga; hadia, no falawu wõnumõ khõma?

HAKUNA MATATA
 https://www.bible.com/id/bible/109/lam.1_1.nia

HAKUNA MATATA