Ang lokal na pamahalaan narito upang magbigay-pugay;
Rewards and Recognition Night magsisilbing kulay; Sa mga huwarang tao na nagsilbing tulay; Nag-alay ng talino’t galing sa serbisyong matagumpay.
Sandali nga lamang, atin muna silang pangalanan;
Ilan sa kanila’y matagal na panahon nang lingkod-bayan; Katapatan at dedikasyon kanilang puhunan; Ang panahon at lakas ay malikhain nilang inilaan;
Top 3 Finalist for Best Employee of the Year ating kilalanin
Helen Priscila Contreras, Charlito Raroque at Jose Giovanni Guiamoy; Ating binabati ang kanilang serbisyong tuloy-tuloy; Nag-aalab na kagustuhan sa paglilingkod gaya ng apoy.
Best Performing Office atin namang kilalanin;
City Civil Registry Office palakpakan natin; Serbisyong tapat at secret ingredient ang puhunan; Tubo nila’y masaya at satisfied na Alaminian.
Dumako naman tayo sa Best Peer Employee of the Year;
Ating saludo kay Dr. Emielou E. Gellado; Emalyn V. Celino at Jayson R. Castro; Department Head, Rank and File at Casual na empleyado.
Di pahuhuli ang ating mga masisigasig na Job Order;
Emerson Ravi, Merlinda Extremadura, Gil Dacanay; Ito pa, Cayzell Joyce Rivera, Leo Asia at Rene Zaldy Gameng; Sila ang mga bida ngayon sa gabing nagniningning.
Hindi naman natin malilimutan ang ating mga retirees;
Iba’t-ibang pagsubok at panahon kanilang tiniis; Ating palakpakan, Liberato Reinoso, Rodolfo Carmelo; Pelagio Enriquez at Rodolfo Domingo.
Crisis Management Team, ang aming papuri;
Salamat sa dedikasyong katangi-tangi; Sa ating CLGOO, Ma’am Victoria Jean P. Dawis; Salamat sa gabay na ibinigay, ito’y walang kapares. Di naman natin malilimutan ang ating mga finalists na naggagalingan; Maraming salamat, dedikado kahit minsa’y trabaho ay delikado; Mayor Arth Bryan C. Celeste, aming pagpupugay at lubos na pasasalamat; Pagmamahal at suporta sa mga empleyado ay sapat na sapat.
Sa pamamagitan ng Program on Awards and Incentives for Service
Excellence o PRAISE kung tawagin; Rewards and Recognition Night naisagawa natin; Mga taong nasa likod ng masaya at prestihiyosong gabi na ito; Masaya at ganadong empleyado naging produkto.
Silang lahat ay tapat na naglingkod at naninilbihan;
Sa ahensyang lumalago at puno ng kasaysayan; Itong parangal ay isang katunayan, nararapat silang hindi makalimutan; Ating pakatandaan, mabuting ehemplo nila’y ating tularan.
Tayo ay kanilang mga katrabaho, kapamilya at kaibigan;
Walang salita ang sapat at makakatapat upang sila’y pasalamatan; Alay namin ay dalangin para sa patuloy na kalakasan at kabutihan; Ooops mayroon pa, ang aming nagkakaisang masigabong palakpakan!