Modyul 2: Hadlang at Kondisyon sa Pagkamit ng Kabutihang Panlahat
mamamayan upang makamit ang layuning minimithi. May dalawang katangian na kailangang taglayin
Ayon kay Dr. Manuel Dy Jr., binubuo ng lipunan ang tao at binubuo naman ng tao
ang lipunan. Binubuo ng lipunan ang tao sapagkat mula sa pagkasilang nariyan na ang
pamilyang umaaruga at gumagabay sa kaniyang paglaki. Nariyan din ang kaniyang kapwa,
ang paaralan, ang simbahan, ang batas na kaniyang sinusunod na may kani-kaniyang ambag
sa paghubog ng iba’t ibang aspekto ng kaniyang pagkatao. Ang tao rin ang bumubuo sa
lipunan sapagkat matatagpuan ang mga tao sa bawat bahagi nito. Kaya’t anuman ang
ginagagawa ng tao para sa kabutihang panlahat ang siyang ibinabalik ng lipunan sa tao.
Kaya’t ang bawat mamamayan ay may pananagutang mag-ambag para sa kabutihang
panlahat. Lahat ay maaaring magambag para sa pagkamit at pagpapanatili ng kabutihang
panlahat, sa iba-iba mang pamamaraan dahil ito ay ayon sa kani-kaniyang kakayahan,
katayuan at kinalalagyan sa lipunan. Totoo ito sapagkat hindi mo maibibigay ang anumang
bagay na hindi mo taglay at hindi mo magagawa ang bagay na wala sa iyong kapangyarihang
gawin.
Nakalulungkot nga lang isiping bagama’t nauunawaan ng ilan ang kahalagahan at
kapakinabangan ng pag-ambag sa pagtamo ng kabutihang panlahat, may mga ilan pa ring
hindi nakikisangkot at nakikiisa upang matamo ito. Ang hamon ng dating pangulo ng
Amerika na si John F. Kennedy na: ‘Huwag mong itanong kung ano ang magagawa ng iyong
bansa para sa iyo, kundi itanong mo kung ano ang magagawa mo para sa iyong bansa”, ay
nanatiling totoo maging sa sitwasyong ito.
Mga Hadlang sa Pagkamit ng Kabutihang Panlahat
1. Nakikinabang lamang sa benepisyong hatid ng kabutihang panlahat, subalit tinatanggihan
ang bahaging dapat gampanan upang mag-ambag sa pagkamit nito.
2. Ang indibidwalismo, ibig sabihin ang paggawa ng tao ng kaniyang personal na naisin.
3. Ang pakiramdam na siya ay nalalamangan o mas malaki ang naiaambag niya kaysa sa
nagagawa ng iba.
Mga Kondisyon sa Pagkamit ng Kabutihang Panlahat
Tatlong kondisyon ang kailangan upang makamit panlahat ayon kay Joseph de Torre
(1987) sa kaniyang aklat na Social Morals:
1. Ang lahat ng tao ay dapat na mabigyan ng pagkakataong makakilos nang malaya gabay
ang diyalogo, pagmamahal at katarungan.
2. Ang pangunahing karapatang pantao ay nararapat na pangalagaan.
3. Ang bawat indibidwal ay nararapat na mapaunlad patungo sa kaniyang kaganapan.
Modyul 3: Lipunang Politikal, Prinsipyo ng Subsidiarity at Prinsipyo ng Pagkakaisa
Mahalaga sa isang pamayanan ang pagkakaroon ng mabubuting katangian ng kanyang
ng isang pamayanan, ito ay ang prinsipyo ng solidarity at subsidiarity.
Ayon sa New Websters Dictionary, ang solidarity o pagkakaisa ay isang komunidad ng
interes at responsibilidad. Interes, kung saan ang pinakamahalaga ay ang kapakanan ng lahat. Kung ano
ang interes ng nakararami ay siyang dapat pangingibabawin. Responsibilidad, na kung saan ganap na
tinutugunan ng bawat indibidwal ang gampaning nakaatang sa kanya. Mahalaga ito upang magkaroon
ng mabilis na pag-unlad ang kanyang kinabibilangan. Ayon dito, ang bawat tao ay may tungkulin at
pananagutan sa isa’t-isa. Ang pagkakabuklod at ang bayanihan ng mga tao ay maipakikita sa
pamamagitan ng pag-alala sa kapakanan ng ibang tao at paggalang sa kanilang karapatan. Sa panahon
ngayon ng pandemya (COVID-19), ay napakahalaga ng pagtutulungan ng bawat isa sa hindi
paglaganap ng virus na kumakalat, hindi lamang sa ating bansa, ngunit maging sa buong mundo. Sa
bawat pamilya, makatutulong ang hindi natin paglabas ng ating mga tahanan kung hindi naman talaga
kinakailangan upang hindi tayo mahawa ng virus. Kung kinakailangan talagang lumabas ay dapat na
magsuot ng face mask at ang pag-obserba sa social distancing. Napakainam din ng ginawa ng ating
mga kababayan bilang pagsuporta sa ating mga bagong bayani, ang mga frontliners. Gamit ang social
media, ay nagpost ang bawat Pilipino, bata man o matanda, ng kanilang mga larawan at maging video
din na nagpapakita ng ating pagsuporta sa ating mga bagong bayani. Bukod dito, mahalaga ang
pananampalataya natin sa Diyos at ang ating pagdarasal para sa ating mga mahal sa buhay, sa ating
pamahalaan, at mga fronliners na maingatan na huwag tablan ng sakit.
Ang subsidiarity naman ay ang pagtulong ng pamahalaan sa mamamayan upang magawa
nila ang makapagpapaunlad sa kanila. Ang paraan ng pagtulong na ito ay tinatawag na secondary
importance. Likas sa lahat ng tao na ang pangunahing pangangailangan ng bawat pamilya ay
matugunan sa pag-asa sa kanilang mga sarili (self-reliance) upang gampanan ang kanilang tungkulin.
Sa panahon ng pandemya, ang pamahalaan ay nagbigay ng tulong pinansyal na tinatawag na Social
Amelioration Program upang tulungan ang mga higit na nangangailangang Pilipino. Bukod dito, ang
pamahalaan ay bumuo ng samahan ng bawat sangay ng gobyerno na tinatawag na IATF-EID (Inter-
Agency Task Force on Emerging Infectious Diseases) upang pangalagaan ang kapakapanan ng bawat
Pilipino sa panahon ng umiiral na nakaahahawang sakit. Nang idineklara ng Pangulong Duterte ang
Enhanced Community Quarantine (ECQ) sa NCR at buong Luzon, ang Philippine National Police ay
kanyang pinakilos upang paigtingin ang seguridad para na rin sa kapakanan ng bawat isa, para sa
isyung pangkalusugan at pangkaligtasan.
Ang lipunang politikal ay ang tawag sa proseso ng paghahanap ng kabutihang panlahat
at pagsasaayos ng sarili at ng pamayanan upang higit na matupad ang layunin nito. Ito ay isang
ugnayang nakaangkla sa pananagutan ng bawat isa, ang pamahalan at ang mamamayan. Iginagawad ng
buong pamayanan sa pamahalaan ang tiwala na pangunahan ang pangkat -- ang pangunguna sa
pupuntahan, ang paglingap sa pangangailangan ng bawat kasapi, ang pangangasiwa sa pagsasama ng
grupo. Kasama nito ang pananagutan ng mga kasapi sa lipunan na maging mabuting kasapi nito. Sa
panahon ng pandemya, kitang-kita natin na ang konsepto ng lipunang politikal sa Pilipinas ay umiiral.
Nakita natin ang prosesong itinatag ng pamahalaan para sa ikabubuti ng bawat Pilipino sa panahon
natin ngayon. Nakita at naramdaman natin ang mga protocol na sinusunod natin sa ngayon upang
maisakatuparan ang pag-iingat sa kalusugan na siyang pangunahing prayoridad. Ang bawat pamilyang
Pilipino ay nakikiisa sa pagsunod sa pamamagitan ng pananatili sa kani-kanilang mga tahanan at
pagsuot ng face mask kung kinakailangan lumabas ng tahanan.