TUNTUNAN NING BANAL A MISA

1
ING TUNTUNAN NING BANAL A MISA

2
 RITUNG PAMAGMULA

PAMUKLAT A DALIT
Nung makatipun na la ring tau, ing pari ampon ding kayang talasaup painturu la king altar,
samantalang mikakanta ya ing dalit a pamuklat.

Karas na king altar, ing pari kambe ring kayang talasaup pugayan de ing altar antimo ing
karampatan. Uman ne ing altar, at (nung magamit ya ing insensu) insensuan ne, kaibat kambe
ring talasaup, munta ya king kayang luklukan.

TANDA NING KRUS

Kayari ning pamagkanta, ing pari at ding sablang sisimba manatili lang makatalakad at
mangurus la kabang ing pari ngana:

ing lagyu ning Ibpa, ampon ning Anak,

ampon ning Banal a Espiritu.

Makibat la ring malda:

Amen.

PAMAMUGE
Kaibat ing pari, makayarap karing tau makayapse ya gamat, pugayan na la ring sablang
makatagun, ngana:

ng grasya na ning Guinu tamung JesuCristo,

ing lugud ning Dios
at ing pamakiyagum ning Banal a Espiritu
mantabe kekayu ngan.
Makibat la ring malda:
At keka antimurin.

Nung obispo ya ing mag-misa, ing pamamuge na karing malda anti kaniti:

ng kapayapan mantabe kekayu.

Makibat la ring malda:
At keka antimurin.

3
ING TUNTUNAN NING BANAL A MISA

RITU NING KAPANISIAN

Kaibat ning paunang amanu ning misa, ing pari agkatan na la ring tau ban miganaka karing karelang
kasalanan at sumisi kareti king katahimikan.

itipun antimong pamilya ning Dios,

kambe ning kapanaligan ipanigapu tamu
ing patauaran na katamu ning Ibpa,
uling mitmu ya king kamu ampon ganaka.
Migunam king ditak a katahimikan.

Kaibat ing pari ngana:

minan ku king Dios a mapamakalulu

at kekayu kapatad ing mikasala kung bina
dugdugan la ring salu:
king pamisip,
pamangamanu ampon pamaniapat king marok
at king pamagtamad kung gaua
king mayap a sukat ku sanang depat.
Kasalanan ku,
kasalanan kung mabayat:
ulinita, ipanigapu ku
kang nuan a Mariang kapilan man Virgen,
karing sablañg angel ampon banal,
at kekayu kapatad,
ing ipanalañgin yu ku king Dios a Guinu tamu.

Ing pari tunggen ne ing absolusyun:

Ing Dios a lubus mayupaya pakaluluan na katamu
at king pangapatauad da ring kasalanan tamu,
idala na katamu sana king bie alang angga.
Makibat la ring malda:
Amen.

GUINU, PAKALULU
Ding inbokasyun, Guinu, pakalulu, tuki la, nung eya pa megamit karing aliuang porma ning
dapat kapanisian.
P. Guinu, pakalulu. M. Guinu, pakalulu.
P. Cristo, pakalulu. M. Cristo, pakalulu.
P. Guinu, pakalulu. M. Guinu, pakalulu.

4
 RITUNG PAMAGMULA

Ing pari (o aliuang ministru) tunggen ne ing makatuki o aliuang inbokasyun:

Pari: Ikang mituburan ban pakayapan

mu la ring palpikasalang sisisi:
Guinu, pakalulu.
Makibat la ring malda:
Guinu, pakalulu.

Pari: Ikang dinatang ba mu lang ausan sumisi

ring makasalanan:
Cristo, pakalulu.

Makibat la ring malda:

Cristo, pakalulu.

Pari: Ikang mamilatan uanan ning Ibpa,

ba na kaming patauaran:
Guinu, pakalulu.
Makibat la ring malda:
Guinu, pakalulu.

Ing pari tunggen ne ing absolusyun:

Ing Dios a lubus mayupaya pakaluluan na katamu
at king pangapatauad da ring kasalanan tamu,
idala na katamu sana king bie alang angga.

Makibat la ring malda:

Amen.

5
ING TUNTUNAN NING BANAL A MISA

LIGAYA KING DIOS

Ikanta o iyagkas ya king aldo Dominggo, maliban mu king panaun ning Adviento at Kwaresma:
idalit ya naman neng Solemnidad at Pyesta, at king balang maulang kapagmasusian lokal.

Kaibat, ing pari panimunan ne ing Ligaya at ding sablang sisimba magkanta la.

igaya king Dios king kakataskatasan

at king yatu kapayapan
karing taung kayang kaluguran.
Pupurian da ka, parangalan da ka,
sasamban da ka, paligayan da ka.
Pasalamatan da ka, pauli ning maula mung ligaya.
Guinung Dios, Ari ning banua,
Dios Ibpang mayupaya.
Guinu, Anak a bugtung, JesuCristo,
Guinung Dios, Cordero ning Dios, Anak ning Ibpa.
Ikang milalako king kasalanan ning yatu,
pakaluluan mu kami,
ikang milalako king kasalanan ning yatu,
tanggapan mu ing dalangin mi
ikang makalukluk uanan ning Ibpa
pakaluluan mu kami.
Uling ikang bukud kabanal-banalan,
ikang bukud Guinu.
Ikang bukud kakataskatasan, JesuCristo,
kagum ning Banal a Espiritu
king ligaya ning Dios Ibpa.
Amen.

6
 RITUNG PAMAGMULA

PAMUKLAT A PANALAÑGIN
Ing pari king makayapseng gamat, ikanta ne o iyagkas:

Manalañgin tamu:

Ding malda manalañgin lang tahimik kambe ning pari karing mapilan a penandit.
Kaibat ing pari, iyapse na la ring gamat na, ikanta ne o iyagkas ne ing pamuklat a panalañgin,

Dios a Ibpa mi,

pigkalub mu
kang Nuan a San Vicente de Paul
ing tetagan ampon kabanalan
ning metung a apostol
para king ikakayap ding pakakalulu
ampon pangayubug ding pari.
Saupan mu ke sanang masigasig
misundu king obra na.

Iti aduan mi keka, O Dios

king kapamilatan nang JesuCristong Anak mu,
a mabibie ampon mag-ari kambe mu
king kametuñgan ning Banal a Espiritu,
mañgga man king alañg añgga.
Makibat la ring malda:
Amen.

7
ING TUNTUNAN NING BANAL A MISA

PAMAGSADIA KING ALTAR AT KARING AIN

Kapupus ning Liturgia ning Amanu, ing kanta king pamagsadiang-ain magmula ya. Ding talasaup
ning pari king altar ibili da la karing lugal dang karampatan ding makatuki; ing corporal, ing purifica-
tor, ing kalis, at ing misal.

Sapat a hostia (at alak) ing isadia para king pamakinabang ding malda. Mas makabaldugan nung ding
malda makinabang la karing hostiang makonsagra king mismung misa at midake king kalis nung
aduan ning pamikatagun. Ing pamakinabang metung yang malinong uaga ning
pamiyaduangan king sakrifisyung mipapagmasusian.

Binang manayun nung ing pamaki-anib ding malda mipauaga king kapamilatan ning
pamiyaduangan ding mapilan karing sisimba karing tinape at alak a gamitan king kapagmasusian king
eucharistia, at antimurin ding aliua pang bage a yayampang da para king pamangailangan
ning pisamban at ding pakakalulu.
Ing pari, kabang makatalakad ya king libutad ning altar, kuanan ne ing paten a maki-tinape, at itas
neng bagya king altar, at sabian na king mainang siuala:

ipuri ka, Guinung Dios ning meto sikluban,

uling king kayapan mu
tinggap mi ya ing tinape a yampang mi keka,
tinapeng bunga ning gabun at pipagalan ning tau,
a para kekami magauang tinape ning bie.

Ibaba ne kanita ning pari ing paten a maki-tinape babo ning corporal.
Nung alang pamagkanta king Pamagsadiang-ain, ing pari iyagkas na lang masikan ding amanung deti,
at ding malda makibat la:
Mipuri ya ing Dios kapilan man.
Ing pari o metung a diacono, itugtug na king kalis ing alak at ing ditak a danum, kabang
sasabian na, king mainang siuala:
King kapamilatan ning misterio niting danum ampon alak
mangaintulid kami sanang mirakayanan
king panga-Dios na
anti ning migpakumbaba yang mekirake
king pangatau mi.

8
 ING LITURGIA NING EUCHARISTIA

Kaibat, kuanan ne ning pari ing kalis at itas neng bagya babo ning altar at sabian nang maina:

ipuri ka, Guinung Dios ning meto sikluban,

uling ning kayapan mu
tinggap mi ya ing alak a yampang mi keka,
alak a ibat karing ubas at pipagalan ning tau,
para kekami magauang inuman ning kaladua.
Ibaba ne kanita ning pari ing kalis babo ning corporal.
Nung alang pamagkanta king Pamagsadiang-ain, ing pari iyagkas na lang masikan ding amanung deti,
at ding malda makibat la:
Mipuri ya ing Dios kapilan man.
Duku ya at sabian na king mainang siuala:
Guinung Dios apamatulan na ka sana niting ain
a daraun mi keka
king mitmung kapanisian ampon kapakumbaban.

Kaibat ing pari tanggapan ne ing insensario at insensuan na la ring daun.

Kaibat ing metung a talasaup insensuan ne ing pari at ding malda.
Tutuki, ing pari makatalakad dane uanan ning altar, uasan na la ring gamat na king mainang
siuala ngana:
Uasan mu, O Guinu, ing deuakan ku
at linisan mu ku king kasalanan ku.
Makatalakad libutad ning altar at makayarap karing tau, iyapse na la ring gamat na at kaibat
pidaup na la ngana:

analangin kayu, kapatad 2,

ban ing daun tamu
matanggap ya arapan ning Dios
Ibpang lubus mayupaya.

Makibat la ring malda:

Tanggapan ne sana ning Guinu iting daun karing gamat mu,
king ikapuri ampon ikaligaya ning lagyu na,
king ikasaplala tamu
at ning mabilug nang Banal a Kapulungan.

9
ING TUNTUNAN NING BANAL A MISA

PANALANGIN BABO RING AIN

Ing pari king makayapseng gamat, ikanta ne o iyagkas ne ing Panalangin babo ring Ain.

Guinu,
inantabayanan me i Nuan a San Vicente de Paul
ban apakyapusan ing lugud
a pagmasusuian mi kareting misteryung
kapamilatan na ning upaya niting sakripisyu
maging kalugud-lugud kami naman sanang daun keka.

Iti aduan mi king kapamilatan nang Cristong Guinu mi.

Makibat la ring malda:

Amen.

PREPASYO RING BANAL A PASTUL

Kaibat ing pari pagmulan ne ing panalañgin ning kapurian at kapasalamatan.
Iyapse no ding gamat na,

Pari: Ing Guinu mantabe ya kekayu.

Malda: At keka antimurin.

Pari: Itas yu la ring pusu yu

Malda: Makatas na la king Guinu.

Pari: Pasalamatan taya ing Guinu a Dios tamu.

Malda: Iti karapatdapat ampon matulid.

10
 ING LITURGIA NING EUCHARISTIA

Isundu ne ning pari ing Prefacio kabang makayapse la ring gamat na.

une pin karapat dapat ampon matulid,

sukat ampon makakabus,
ing purian ampon pasamalatan daka,
kapilan man ampon nukarin man,
O Ibpa, Dios a malugud ampon maganaka:
king kapamilatan nang Cristong Guinu mi.

Uling birian meng mitutula

ing Banal a Kapulungan mu
king pamagmasusi mi
king kapigaganakan nang San Vicente de Paul
ba me pin arinan tetagan
king alimbaua ning banal a pamibiebie,
at ayatdanan kabiasnan
king pangapanaral na ning amanu mu,
layun alingunan king panigapu na
at kapasalamatan keka.

Ulinita,
kambe ring angel ampon sablang banal
papasiag mi ing ligaya mu
king metung mung siuala ngaming pupuri:

Kapupus na ning Prefacio pidaupan no ring gamat na at, kayagnan ding malda, uakasan ne ing
Prefacio, ikanta re o iyagkas deng masikan ing:
A. Banal, Banal, Banal ya ing Guinu, Dios ning upaya.
Mitmu ya ing banua at ing yatu king ligaya mu.
Hosanna king kakataskatasan.
Nuan ya ing daratang king lagyu ning Guinu.
Hosanna king kakataskatasan.

11
ING TUNTUNAN NING BANAL A MISA

Ing pari, makayapse la ring gamat na:

ka pin ing Banal, O Ibpa,

ika ing sibul ning sablang kabanalan,
Ing pari pidaupan no ring gamat na.

Kaibat ing pari at ding konselebrante, iyatyat do ring gamat da, ring palad da makasakub la babo ring
ain, ñgara:

linita, ipanigapu mi,

itugtug me ing Espiritu mu
antimong titipang ambun kareting ain
ban pabanalan nala at para kekami gauan na lang
Ing pari at ding konselebrante, pidaupan do ring gamat da, at ing pari igulis ne misan king gamat nang
uanan ing tanda ning krus babo ning tinape at alak, ñgara:
Katauan ampon Daya ning Guinu ming JesuCristo.
Pidaupan nong pasibayu ring gamat na.

Karing makatuking amanu, ding Amanu ning Ginu miyagkas lang masala at masikan, agpang king
aduan na ning kabaldugan da.

tatandanan mi pa,
kanitang benging mipanganyaya ya
at bayu na kusang lub dinaun ing bie na
king pamailasa ampon kamatayan na
Kuanan ne ing tinape, at itas neng bagya babo ning altar at ñgana:
kinua ne ing tinape,
pepasalamatan naka at pinuri,
pirasu ne ing tinape,
dinuang ne karing disipulo na, ñgana:
Duku yang bagya ing pari, ding konselebrante iyatyat dala ring uanan dang gamat papunta king tinape
at ñgara:

KUANAN YE ITI, IKAYU NGAN,

AT MANGAN KAYU KANITI;
ULING ITI YA ING KATAUAN KU,
A MIDAUN PARA KEKAYU.
Ing pari pakit ne karing tau ing hostiang mekonsagra, ibili ne king paten, ding konselebrante lawen de
ing hostia at kayari duku lang malalam bilang kagalañgan.
Ing pari siklod ya, at samban ne.

12
 ING LITURGIA NING EUCHARISTIA

Kaibat ñganang misundu:

Makanian mu naman, kaibat ning apunan
Ing pari kuanan ne karing adua nang gamat ing kalis, at itas neng bagya babo ning altar ñgana:
kinua ne ing kalis,
pasibayu pepasalamatan naka ampon pinuri,
dinuang ne ing kalis karing disipulo na, ñgana:
Ing pari duku yang bagya, ding konselebrante iyatyat dala ring uanan dang gamat papunta king kalis
at ñgara:
KUANAN YE ITI, IKAYU NGAN,
AT MINUM KAYU KANITI;
ULING ITI YA ING KALIS NING DAYA KU;
ING DAYA NING BAYU
AMPON ALANG ANGGANG TIPAN,
A MIBUBU PARA KEKAYU
AMPON PARA KARING SABLANG TAU
BAN KANITA MIPATAUARAN LA RING
KASALANAN.

DAPTAN YU ITI
KING PAMIGAGANAKA YU KANAKU.
Pakit ne ing kalis karing tau, ibili ne babo ning corporal, at siklod ya, at samban ne, ding konselebrante
lauen de ing kalis at kayari duku lang malalam bilang kagalañgan.

Kaibat ing pari ñgana:

A. Ipasiag ta ya ing misterio ning kasalpantayanan.
B. Maula ya ing misterio ning kasalpantayanan. (1 Tim 3:16)

Ing pari at ding malda, ñgara:

Kamatayan mu, O Guinu,
kekami yang gaganakan [Amen.]
Pangasubli mung mebie,
kekami yang pagmasusian. [Amen.]
Paniatang mung maligaya,
kekami yang panenayan [Amen.]

13
ING TUNTUNAN NING BANAL A MISA
o kaya
A B
Potang kakanan mi ya iting tinape King kamatayan mu,
potang miminum kami kaniting kalis linupig mu ing kamatayan mi.
kamatayan mu, O Guinu, King pañgasubli mung mebie,
yang papasiag mi sibli mu ing bie mi.
añgga na potang datang ka Guinung Jesus,
king ligaya mu. datang kang maligaya kekami.
C D

O Guinu, talapagligtas ning yatu. Cristo mete ka,

king kapamilatan ning cruz mu Cristo sinubli kang mebie,
at pañgasubling mebie mu Cristo datang kang pasibayu
kinabus mu kami. king kauakasan ning panaun.
Kaibat ñgarang misundu kabang makaladlad la ring gamat da:

nia, ñgening gaganakan mi,

O mapamakalulung Ibpa ,
ing kamatayan ampon pangasubling nang mebie,
daraun mi ya keka iting tinape ning bie
ampon ing kalis ning kaligtasan;
layun ming pasalamatan keka
ing pepaliarian mu kaming matampang
talakad arapan mu ampon sumuyu Keka.

Ikami ngan sanang misulu-sulu

king Katauan ampon Daya nang Cristo
tipunan na kami antimong metung
ning Banal a Espiritu.

Makaladlad la ring gamat ngana ning pari o ning metung karing konselebrante ngana:

anakan me, O Ibpa,

ing Banal a Kapulungan mu
a makalaganap king meto yatu,
ban miganap ya king lugud:
kambe nang Francisco, ing Papa mi,
at i Florentino, ing Obispo mi,
ding sablang pari ampon diakono,
at ding sablang susuyu king Kapulungan mu.
14
 ING LITURGIA NING EUCHARISTIA

Makaladlad la ring gamat, ñgana ning pari o ning metung karing konselebrante ngana:

anakan Mu la naman ding kapatad mi

a minuna nang pepainaua
king pihung kapanayan ning pañgasubling-mie,
Idala mu la at ding sablang meangu na bie
king pakalulu mu ketang masalang arapan mu.
Pakaluluan mu kami ngan;
gauan mu kami ngan karapatdapat
magkamit king bie alang angga
ban kambe ning Nuan a Virgen Maria, Indu ning Dios,
kambe nang San Jose, ing Esposo na,
kambe ring nuan a apostol,
kambe ng San Vicente de Paul
ampon San Francisco ning Assisi
ampon ding sablañg banal:
a mibiebie kalugudlugud keka
king kekaban ding panaun
apurian ampon apaligayan daka sana.
Pidaupan no ding gamat na.
king kapamilatan nang JesuCristong Anak mu.
Ing pari kuanan ne ing paten a maki-hostia at ing diacono o nung alañg diacono metung karing
konselebrante kuanan ne ing kalis at miyagnan da lang itas,
ñgana ning pari o kayabe ring konselebrante, ñgara:
King kapamilatan na, kambe na, ampon kaya,
kagum ning Banal a Espiritu,
sablang parangal ampon ligaya keka
O Dios, Ibpang lubus mayupaya,
mañgga man king alañg añgga.
Makibat la ring malda:
Amen.

15
ING TUNTUNAN NING BANAL A MISA

IBPA MI
Ing pari ibili no king altar ding kalis at paten, kaibat ñgana:
Tatairan ning Espiritu nang Jesus
ampon pasalan ning kabiasnan ning Evangelio
ngatamung sasabi:
Ing pari iyapse na la ring gamat na at ñganang misundu kambe ding tau:

bpa mi, a atiu banua,

misamban ya ing lagyu mu,
datang kekami ing kayarian mu,
mipamintuan ing lub mu keti sulip anti banua.
Ing kakanan mi king aldo-aldo
ibie mu kekami king aldo ñgeni:
ampon ipatauad mo kekami ing sala mi keka,
anti ing pamamatauad mi karing mikasala kekami;
manga e mu kami ipaysaul king tuksu
nune ikabus mu kami king marok.

Makayapse la pa murin ding gamat na, isundu neng dili na ing makatuking panalañgin:

kabus mu kami king sablañg marok, O Ibpa,

malugud mung pagkalub
ing kapayapan king panaun mi,
ban king kasaupan ning pakalulu mu,
mitimaua kaming parati
king pamanalipan ning kasalanan,
at mikabius kaming alang kasasagkulan
king sablang kaligaligan
kabang panayan ampon pagsadyan mi
ing paniatang nang mitmung ligaya
ning talapangabus mi, i JesuCristo.

16
 ING LITURGIA NING EUCHARISTIA

Pidaupan no ring gamat na. Ding tau (kambe ning pari) uakasan deng masikan ing
panalañgin:
Uling Keka ing kayarian,
at ing kayupayan ampon ing ligaya,
mañgga king alang angga.

RITU NING KAPAYAPAN

Makayapse la pa murin ding gamat na, isundu neng dili na ing makatuking panalangin:

Dios a Ibpa mi,

ing Guinu ming JesuCristo,
sinabi na karing apostol na:
“ing kapayapan lalakuan Ku kekayu,
ing kapayapan ku babie ku kekayu.”
E mu la sana babalikdan ding kasalanan mi
nune ing pansinan mu ing kasalpantayanan
ning Banal a Kapulungan mu,
at pamayapan ampon pisanmetungan me
agpang king kaburian mu,
ikang mabibie ampon mag-ari
mangga man king alang angga.
Makibat la ring malda:
Amen.

Ing pari iyapse nala at kaibat pidaupan ding gamat na, ñganang mituglung:
Ing kapayapan ning Guinu
mantabe ya kapilan man kekayu.
Makibat la ring malda:
At keka antimurin.

Kaibat, ing pari ñganang miragdag: (o nung ating diacono, ing diacono ñgana:)
Iyampang tamu ing kapayapan king metung at metung.

o kaya: Kapatad, iyampang taya king metung at metung

ing tanda ning pamakisut ampon kapayapan.

Ding sabla pakit lang piyugalian a tanda ning pamikalugud at kapayapan king metung at
metung.

17
ING TUNTUNAN NING BANAL A MISA

PAMAMIRASU KING TINAPE

Ing pari ibie nia naman iting tanda ning kapayapan karing keyang talasaup; kaibat kwanan ne
ing hostia at pirasuan ne babo ning paten, at ing malating kapirasu ibaldug ne king kalis at
sabian nang maina:

Iting pamiyabe ning ning Katauan ampon Daya

ning Guinu tamung JesuCristo
ipagkalub na sana ing bie alang angga
kekatamung sablang tanggap keya.
Kabang mararapat ing pamamirasung hostia ing makatuki mikanta ya o miyagkas:

A. Cordero ning Dios, a milalako king kasalanan ning yatu,

pakaluluan mu kami.
Cordero ning Dios, a milalako king kasalanan ning yatu,
pakaluluan mu kami.
Cordero ning Dios, a milalako king kasalanan ning yatu,
ibie mu kekami ing kapayapan.

B. Jesus, Cordero ning Dios,

pakaluluan mu kami.
Jesus, minaku karing kasalanan mi,
pakaluluan mu kami.
Jesus, talapangabus ning yatu,
ibie mu kekami ing kapayapan.

18
 ING LITURGIA NING EUCHARISTIA

PANSARILI NANG PAMAGSADIA NING PARI

Kaibat ing pari, pidaupan no ding gamat na, sabian nang maina:
O Guinu ming JesuCristo, Anak ning Dios a mabie,
king kaburian ning Ibpa,
ampon kasaupan ning Banal a Espiritu,
king kamatayan mu biniayan me ing yatu.
King uli ning kabanal-banalan a Katauan ampon Daya mu
ikabus mu ku king sablang kasalanan ampon deuakan ku,
papanatilian mu kung tapat karing kautusan mu
manga e mu paintulut ing mikauani ku keka kapilan man.

O kaya: O Guinu ming JesuCristo,

bista man eku karapatdapat
mangan king Katauan mu at minum king Daya mu,
king uli ning lugud ampon pakalulu mu
makapaldan ya sana kanaku.

PAMAKINABANG
Ing pari siklod ya, katalakad na, kwanan ne ing hostia, itas neng bagya king paten at
makayarap ya karing tau, king masikan a siuala, ñgana:

Nio ing Kordero ning Dios,

nio ing milalako king kasalanan ning yatu.
Nuan la ring mayayaus king apunan ning Cordero.

o kaya:

Nio ing Cordero ning Dios

Ing milalako king kasalanan ning yatu.
”Lumapit kayu kanaku,
ikayung sabalang mapagal ampon kababayatnan na
at dinan da kayung kapainauan.”

At idagdag nang misan mu kambe da ring tau:

uinu, e ku matampang tanggap keka,

dapot iyagkas mia ing amanu mu, kumayap naku.

19
ING TUNTUNAN NING BANAL A MISA

Ing pari, makayarap ya king altar, king mainang siuala, ñgana:

Ing Katauan nang Cristo
isadsad na ku sana añgga king bie alañg añgga.
Magalañg neng kanan ing Katauan nang Cristo, kaibat kuanan ne ing kalis, at king mainang
siuala, ñgana:
Ing Daya nang Cristo
isadsad na ku sana añgga king bie alañg añgga.
King mipnung kagalañgan inuman na ing Daya nang Cristo.

Kaibat na nita idala ne ing paten o isanu pa man karatunan ding hostia para karing tau at
munta ya karing makinabang. Kuanan ne ing hostia para king balañg metung, itas neng
bagya, pakit ne king tatañggap, at ñgana:

Ing Katauan nang Cristo.

Makibat ya ing makinabang
Amen.
at tañggapan ne.
Ing uaga ning komunion lakuas yang kompletu potang miyabie ya lalam ding aduang aske,
anti ning ing uaga ning pamisulusulu king eucharistia lalu yang masalañg mayayakit king
aske ning tinape at alak.
Ing kapagnasan nang Cristo king ing bayu at alañg añggang kasunduan mipatibayan ya king
keyang daya lalu yang mipapasiag masalese antimurin ing kabaldugan na
ning pamisulusulu king eucharistia ila ning pamisulusulu karin banua. 4
Makanian mu naman ing daptan ning diakono nung papakinabang ya.

Nung atin makinabang lalam ding aduang aske mipamasala king sarili nang biluñgan ing
paralan para kaniti. Iduang ne ing kalis, ing pari ñgana:
Ing Daya nang Cristo.
Makibat ya ing makinabang
Amen.
at minum ya.
Ing diakono at ding aliuang ministro maliari lang tañggap pamakinabang ibat king kalis

DALIT PAMAKINABANG
Ustung mekinabang ne ing pari, maumpisa neng agad ing kanta para pamakinabang.

Kayari ning pamakinabang, ing pari/diacono linisan nala ring gamit, nung maliari linisan la
king lamesa king gilid.

20
 ING LITURGIA NING EUCHARISTIA

Kabang lilinisan nala ñgana king mainang siuala:

O Guinu, tañggapan ku la sana

reting kalam mu king malinis a pusu.
Pagdala ra ku sanang kapaldanan ampon sikanan,
ñgeni ampon kapilan man.

BANAL A KATAHIMIKAN O GALE KAPURIAN

Kaibat ing pari munta ya king keyang luklukan. Agpang king adwan ning pamikatagun ing
banal a katahimikan miral karing mapilan a penandit o kaya ing metung a dalit o gale
kapurian mikanta ya.

21
ING TUNTUNAN NING BANAL A MISA

PANALAÑGIN KAYBAT NING PAMAKINABANG

Kaibat, talakad ya arapan ning luklukan na o ning altar, ing Pari ñgana:
Manalañgin tamu:
Ding malda manalañgin lang tahimik kambe ning Pari karing mapilan a penandit.
Kaibat ing Pari, iyapse na la ring gamat na, ikanta ne o iyagkas ne ing Panalañgin kaibat ning
Pamakinabang:

Guinu,
pakiramdaman mo ring panalangin
ding pepakabsian mu
karing sacramentu mung ibat banua.
Mananu na sanang
ding alimbaua na’t panalangin San Vicente de Paul
saupan da keng makyapus king Anak mu
king pamanaral king Mayap a Balita karing kalulu.

Iti aduan mi
king kapamilatan nang Cristong Guinu mi.
Kapupus ning panalañgin makibat la ring malda:
Amen.

22
 ING LITURGIA NING EUCHARISTIA

Pamupus a Ritu
KAPABALUAN
Tuki la ñgeni, nung atin, ding makuyad a kapabaluan o nanu man buri rang ipabalu karing
tau.

BENDISIUN
Ing pari agkatan no ring tau, ñgana:
Ing Guinu mantabe ya kekayu.
Makibat la ring malda:
At keka antimurin.

Bendisiunan na la ding tau ñgana:

endisiun na kayu ning Dios a lubus mayupaya,

ing Ibpa, ampon ing Anak ,
ampon ning Banal a Espiritu.
Makibat la ring malda:
Amen.

PAMITUBUD
Ing pamitubud agyagan ne ing kongregasyun ban gauang dapat a mayap, pupuri at panuanan ing
Guinu.

Ing diacono (o ing Pari), kabang makadaup la ring gamat na, ikanta ne ing pamitubud o sabian ne,
ñgana:
Ume kayu king kapayapan,
Paligayan taya ing Guinu king bie tamu.

Makibat la ring malda:

Salamat king Dios!

23