ADVIENTO

PAMUKLAT A DALIT
Nung makatipun no ring tau, ing pari ampon ding kayang talasaup painturu la king
altar, samantalang mikakanta ya ing dalit a pamuklat.

PANAYAN TAYA ING GUINU

Panayan taya ing Guinu,
ing aldo na malapit na,
panayan taya ing Guinu,
pusu tamu isadia na la,
panayan taya ing Guinu,
pusu tamu ibuklat na la.
Isadia ye ing dalan ning Guinu,
ding bunduk ipatag na la,
daratang ya ing Talapagligtas
king taung king sala mibabad.
Tutu pin datang ya ing Guinu,
pakilala ligaya na,
mabilug a yatu akit na,
magligtas nang upaya ning Dios.
Tumulang parati king Guinu,
uling aldo na malapit na,
ing tula at saya atyu na
king taung magdulap king Guinu.

Karas na king altar, ing pari kambe ring kayang talasaup pugayan de ing altar antimo
ing karampatan. Uman ne ing altar, at insensuan ne, kaibat kambe ring talasaup, munta
ya king kayang luklukan.
 TANDA NING KRUS
Kayari ning pamagkanta, ing pari at ding sablang sisimba manatili lang makatalakad.
Mangurus la kabang ing pari ngana:

ing lagyu ning Ibpa, ampon ning Anak,

ampon ning Banal a Espiritu.
Makibat la ring malda:
Amen.

PAMAMUGE
Kaibat ing pari, makayarap karing tau makayapse ya gamat, pugayan no ring sablang
makatagun, ngana:

ng Dios ning kapanayan a mangapmu kekatamu

king sablang tula at kapayapan king kasalpantayanan
king kapamilatan ning upaya ning Banal a Espiritu
mantabe ya kekayu ngan.

Makibat la ring malda:

At keka antimurin.
 PAMAMENDISYUN KING KORONA NING ADVIENTO

PAUNANG AMANU
Ing pari o ing commentator mapse yang mapilan a amanu dikil king kapagmasusian.

Ing Adviento ya ing panaun ning pamagsadia

king panyatang ning kayarian ning Dios kang Cristo.
Iting panaun makapirake ya
karing aduang malinong dake.
Bibilugan de ing mumunang dake,
ding Domingo pilatan ning mumunang Domingo
ning Adviento anggang Disyembre 16,
a makaparikil king pamibule
king kadua nang panyatang Cristo.
Agkatan nakatamung magsadia
kambe ning maligayang kapanaligan
king panyatang nang JesuCristong
kekatang talapangabus
nung nukarin iganap na ing sablang bage.

Ing kaduang dake bibilugan de ring aldo

a nung nukarin taya umpisan ing Simbang Bengi
angga na king kapat nang Domingo ning Adviento,
a nung nukarin gaganakan ta naman
ing mumuna nang panyatang
inyang mikatauan yang tau
lalang ning Banal a Espiritu
at mibait king Virgen Maria,
a kekatang pagmasusian king aldo ning Kapascuan.

Ing mumunang panyatang kekatamu yang gaganakan

at ing kaduang panyatang
kekatamung yang pagsadian.
Ing simbulu na ning kekatamung pamagsadia
at pamanaya ya pin ya ing Korona ning Adviento.
Atin yang apat a misindian a kandila
a tatalakad karing apat ng Domingo ning Adviento
angga king panyatang ning sala a yapin i Cristo.
Ding atlu kule lang lila
tanda na ning kekatang Kapanisian at Kapanayan.
Ing metung kule yang rosas
a tanda ning kekatang Tula.

Matula ta yang ganakan at panayan ing keyang

Mumuna at Kaduang Panyatang.
Mabilug ya ing korona
at nung makananung ing mabilug
ala yang umpisa at ala yang angganan
makanyan nang paganaka
ing alang-angga nang lugud ning Dios
inyang itubud ne ing keang Anak
ban atbusan ing meto ketauan.
Sagiua la ring bulung
tanda ning alang kupas ng lugud
ning Dios kekatamu.
 PAMAMENDISYUN KING KORONA NING ADVIENTO
Ing pari king makayapseng gamat, iyagkas ne:

Manalangin tamu:
Ding malda manalangin lang tahimik kambe ning pari karing mapilan a penandit.
Kaibat ing pari, iyapse na la ring gamat na, iyagkas ne ing panalangin ning bendisyun:

Dios a Ibpa mi,

mitipun kami king lagyu nang Jesus,
ing Sala ning Yatu.
Aduan mi ing bendisiunan me 
ing Korona ning Adviento
a mipaganaka king alang-angga
at alang kupas mung lugud
a meyakit king pamamie mu kekami
king bugtung mung Anak.
Saupan mu keng misadia karing kekaming sarili,
para king keang Kaduang Panyatang
at saupan mu keng tune magmasusi
anting kapigaganakan
king keang Mumunang Paniatang
kaniting Kapascuan.
Kabang sindian mila reting kandila,
ipaganaka na sana king i Cristo
ya ing sala a mitabi king karalumduman
binunga ning kasalanan.
Pagkalaman mu keng graciang painggulut
karing kekeng kasalanan
ban manatili yang milalablab ing sala
ning keyang lugud karing pusu mi.
Iti aduan mi king kapamilatan nang Cristong Guinu mi.
Makibat la ring malda
Amen.

Mabendisyun ya ngeni ing korona ning Adviento at kaibat misindian ya ing metung a lilang
kandila.
 RITU NING KAPANISIAN
Kaibat ning paunang amanu ning misa, ing pari agkatan na la ring tau ban
miganaka karing karelang kasalanan at sumisi kareti king katahimikan.

itipun antimong familia ning Dios,

kambe ning kapanaligan ipanigapu tamu
ing pamamatauad ning Ibpa,
uling mipnu ya king kamu ampon ganaka.
Migunam king ditak a katahimikan.

Kaibat ing pari ñgana:

minan ku king Dios a mayupayang tutu
at kekayu kapatad uling mikasala kung bina
dugdugan la ring salu:
king isip, amanu at dapat at miyayaliuang kakulañgan:
ulinita, panigapu ku kang nuan a Mariang
kapilan man Virgen,
karing sablañg añgel ampon banal,
at kekayu kapatad,
ing ipanalañgin yu ku king Dios a Guinu tamu.
Ing pari tuñggen ne ing absolusyun:
Ing Dios a mayupayang tutu pakaluluan na katamu
at king pañgapatauad da ring kasalanan tamu,
idala na kata sana king bie alañg añgga.

Makibat la ring malda:

Amen.

KYRIE

Ding inbokasyun, Guinu, pakalulu, tuki la, nung eya pa megamit karing aliuang
porma ning dapat kapanisian.

P. Guinu, pakalulu. M. Guinu, pakalulu.

P. Cristo, pakalulu. M. Cristo, pakalulu.
P. Guinu, pakalulu. M. Guinu, pakalulu.
 PAMUKLAT A PANALANGIN

Ing pari king makayapseng gamat, ikanta ne o iyagkas:

Manalangin tamu:

Ding malda manalangin lang tahimik kambe ning pari karing mapilan a penandit.

Dios a mayupayang tutu,

pagkalub mu sa karing sasalpantaya keka,
king pamagparati ra karing banal a dapat,
apagsadian dang matampa
ing paniatang ning Mengabus
a pengaku mung datang keti king yatu;
kanita pangaintuliran dang kamtan
ing miyagum kaya king maligaya mung kayarian.

Iti aduan mi keka, O Dios,

king kapamilatan nang JesuCristong Anak mu,
a mabibie at mag-ari kambe mu
king kametungan ning Banal a Espiritu,
mangga man king alang angga.

Kaibat ing pari, iyapse na la ring gamat na, ikanta ne o iyagkas ne ing pamuklat a
panalangin, kapupus ning panalangin makibat la ring malda:

Amen.