Banal na Paghahandog ng Klase at

Pagkakapatiran sa Kabanal-banalang Puso ni

Hesus at Kalinis-linisang Puso ni Maria

Ang buong klase ay magtitipon sa paligid ng imahen ng

dalawang Puso ni Hesus at ni Maria. Tatayo ang lahat at aawit
ng himno sa Espiritu Santo.

Pagbabasbas ng Imahen (kung may Pari)

Kung walang pari sa araw at oras ng Pagluluklok, ang

imahen ay dapat ipabasbas sa ibang araw bago ang ritwal.

Pari: Ang aming tulong ay nasa ngalan ng Panginoon.

+

Lahat: Na may gawa ng langit at lupa.

Pari: Sumainyo ang Panginoon.

Lahat: At sumainyo rin.

Manalangin tayo:

Makapangyarihan at walang-hanggang Diyos,

di Ka tumatanggi sa paglililok at pagguguhit ng mga
imahen ng Iyong mga Santo; sa halip, ninanasa Mo na
sa malimit naming pagtunghay sa mga imaheng ito,
makita namin sa aming mga gawain ang mga
kabanalan ng iyong mga Santo, at tularan sila;
Ipinamamanhik namin sa Iyo, kung gayon, na
basbasan + at pakabanalin + ang larawang ito na
ginawa sa pag-aalaala at sa karangalan ng Kamahal-
mahalang Puso ng aming Panginoong Hesucristo.
Ipagkaloob sa sinumang may kapakumbabaang
gumalang sa Kamahal-mahalang Puso ng Iyong
Kaisa-isang Anak, na sa pamamagitan ng larawang
ito, nawa'y makamtan ang biyaya sa buhay at ang
walang katapusang kaluwalhatian na darating, sa
pamamagitan ni Kristong aming Panginoon.

Lahat: Amen

Ang larawan o imahen ay wiwisikan ng banal na tubig.

Matapos ang pagbabasbas, Ang pangulo ng klase ay ilalagay
ang imahen sa kanyang pook ng karangalan. Ang gawaing ito ay
isang sagisag ng pagkilala sa pagiging Hari ni Kristo. At ang
lahat, kasama ng Pari ay magdarasal ng Kredo)

“CREDO” / SUMASAMPALATAYA
Sumasampalataya ako sa Diyos Amang
Makapangyarihan sa lahat / na may gawa ng Langit at
Lupa. / Sumasampalataya naman ako kay
Hesucristong iisang Anak ng Diyos, Panginoon nating
lahat; / Nagkatawang-tao Siya lalang ng Espiritu
Santo; / ipinanganak ni Santa Mariang Birhen; /
Pinagpakasakit ni Poncio Pilato, / ipinako sa Krus,
namatay at inilibing, / Nanaog sa impiyerno, / nang
may ikatlong araw, nabuhay na mag-uli; / Umakyat sa
langit, / naluluklok sa kanan ng Diyos Amang
Makapangyarihan sa lahat; / Doon magmumula ang
paririto at huhukom sa nangabubuhay at sa
nangamatay na tao. / Sumasampalataya naman ako sa
Diyos Espiritu Santo, / sa Banal na Simbahang
Katolika, / sa kasamahan ng mga Banal, / sa
kapatawaran ng mga kasalanan; / sa pagkabuhay na
mag-uli ng nangamatay na tao, / at sa buhay na
walang hanggan. Amen.

Ang Pari ay makapagbibigay ng Isang maikling

pagpapaliwanag hinggil sa kahalagahan ng
Pagluluklok at Pagtatalaga ng klase/pagkakapatiran
sa Kamahal-mahalang Puso ni Hesus at
Kalinislinisang Puso ni Maria. Ang lahat ay luluhod,
o samantalang ang lahat ay nakatayo, ang banal na
gawain ng paghahandog ay isasagawa

Ang Pangulo ng klase ay darasalin ang

sumusunod na panalangin sa malinaw at malakas na
tinig:
PAGTATALAGA NG MAG-ANAK SA
KAMAHAL-MAHALANG PUSO NI HESUS

O Kamahal-mahalang Puso ni Jesus, kinusa

Mong ipatalastas kay Santa Margarita Maria ang
hangad Mong maghari sa mga mag-anak na
Kristiyano; dumudulog kami ngayon sa Iyong harapan
upang maipabantog at mailathala ng puspos ang Iyong
kapangyarihan sa amin. Mula ngayo'y ibig naming
isabuhay ang Iyong buhay; ibig naming sa
sinapupunan ng mag-anak na ito ay mamulaklak ang
mga kabataang pinangakuan ng kapayapaan sa lupa, at
ibig naming itiwalag, nang malayo sa amin ang diwa
ng mundo na Iyong itinakwil. Ikaw ang maghahari sa
aming pag-iisip, alang-alang sa dalisay naming
pananampalataya. At sa aming mga puso, alang-alang
sa maningas na pag-ibig namin sa Iyo, ay sisikaping
lumagi ang ningas na ito sa pamamagitan ng madalas
na pagtanggap at pakikinabang sa Kamahal-mahalang
Katawan Mo sa Eukaristiya.

Marapatin Mo, O Kamahal-mahalang Puso, na

pangunahan ang aming mga pagpupulong, pagpalain
ang mga ginagayak naming mga balakin ukol sa
kaluluwa at katawan. Ilayo sa amin ang mga
kaligaligan, pakabanalin ang aming mga kasayahan,
aliwin sa aming mga kalungkutan. Kung sakali at may
mapahamak na sino man sa amin sa pagkakasala sa
Inyo, ipaalaala sa kanya, O Puso ni Hesus, na Ikaw ay
puspos ng kabutihan at awa, sa nagsisipagsising mga
makasalanan. At pagtungtong ng oras ng
paghihiwalay, kung magladlad na ang luksa ng
kamatayan, kaming lahat, hindi lamang ang yayao,
kundi sampu pa ng maiiwan, ay magsisiyao at
itatalaga sa Iyong walang hanggang kahatulan.
Ikaaaliw ang pag-aakalang darating ang isang araw na
lahat ng mag-aanak na ito ay minsan pang
magsasamasama sa langit at walang katapusang
aawitin ang Iyong kaluwalhatian.

Marapatin nawa ng Kalinis-linisang Puso ni

Maria, at ng maluwalhating Patriarka San Jose na
ialay sa Iyo ang aming paghahandog at palagiing
buhay sa amin, sa lahat ng araw, ang pag-aalaala ng
ganitong pagdiriwang. Amen.

Luwalhati sa Puso ni Hesus, Hari namin at Panginoon

magpakailanman!

Ngayon ang buong mag-anak ay darasalin ng sabay-

sabay ang sumusunod:

Inihahandog namin sa Iyo, O kamahal-

mahalang Puso ni Hesus ang lahat ng mga pagsubok
at katuwaan, at lahat ng kaligayahan naming mag-
anak. At isinasamo namin sa Iyo na igawad ang Iyong
bendisyon sa lahat at bawat isa sa amin, maging
naririto o wala, nabubuhay at nagsiyao. At kung
kami'y isa-isang tawagin sa Iyong Kaharian O Hesus,
mangyaring lahat kami, sa Paraiso, ay magkitang muli
ng aming buong mag-anak na nakikiisa sa Iyong
Kamahal-mahalang Puso. Amen.

Ang pari ay mananalangin:

PASASALAMAT

Pari: O butihing Hesus, kami'y nagpapasalamat sa

Iyong mapagkalingang pag-ibig na idinulot Mo
ngayong araw na ito sa amin. Minarapat Mong piliin
itong hamak na lugar ng paghuhubog, na sa ilalim ng
Iyong pagkakandili ay makatagpo kami ng
tagapagsanggalang at butihing patnubay. Pagkalooban
Mo kami ng Iyong walang hanggang biyaya upang
higit pang mag-apoy ang aming pananalig sa Iyo.

Pagtibayin Mo ang aming pananampalataya at

pagkakawanggawa. Nawa'y manatili ang aming
kababaang-loob at maamong puso upang sa gayon ay
mamuhay kami nang malinis, alinsunod sa Iyong
kalooban. Gawin Mo na ang lugar ng paghuhubog
naming ito'y maging isa pang Nasaret upang
pagharian ng kapayapaan, pag-ibig, pag-asa at ng
mabuting pagsusunuran hanggang kamatayan.

Loobin Mong manatili ang pagdakila sa Iyong

Kamahal-mahalang Puso at sa Kalinis-linisang Puso
ni Maria. Amen.

MAIKLING LITANYA NG KAMAHAL-

MAHALANG PUSO NI HESUS

Kamahal-mahalang Puso ni Hesus, Maawa Ka sa

amin
Kamahal-mahalang Puso ni Hesus,
Kamahal-mahalang Puso ni Hesus,
Kalinis-linisang Puso ni Maria, Ipanalangin mo
kami
San Jose,
Santa Margarita Maria,
San Agustin

Hesus, maamo at mababang Puso,

Lahat: Gawin Mo na ang aming mga puso ay matulad
sa Puso Mo.

Manalangin tayo:
Makapangyarihan at walang hanggang Diyos,
tignan Mo po ang Puso ng sinta Mong Anak at ang
mga pagpupuri at kabayaran na inihahandog Niya sa
Iyo sa ngalan ng mga makasalanan, at marapatin
Mong ipagkaloob ang kapatawaran sa mga
nagmamakaawa sa Iyo sa ngalan ni Hesukristong
Anak Mo na nabubuhay at naghaharing kasama Mo,
kaisa ng Espiritu Santo, magpasa walang hanggan.
Amen.

PARA SA MGA KALULUWA

Pari: Ating ipanalangin ang mga lumisan na sa
mundong ito, lalo na yaring mga walang nakaaalala.
Ama Namin...
Aba Ginoong Maria...

Pari: Mapasa-kanila nawa ang ganap na kapayapaan,

O Panginoon.

Lahat: At hayaan ang walang hanggang liwanag ay

tumanglaw sa kanila

Pari: Nawa ang kanilang kaluluwa at ang mga

kaluluwa ng mga nagsiyao ay magtamo ng walang
hanggang awa.

Lahat: Amen.

Sa harap ng imahen ng Kalinis-linisang Puso ni Maria,

ang pangalawang pangulo ng tahanan ay ihahandog ang buong
mag-anak sa Puso ni Maria. Darasalin niya ng malinaw at
maliwanag.

PAGHAHANDOG SA KALINIS-LINISANG
PUSO NI MARIA
O Maria, Birheng makapangyarihan, Ina ng
Awa, at Reyna ng Langit at Tagapagkupkop ng mga
makasalanan, inihahandog namin ang buong sarili sa
iyong Kalinis-linisang Puso.

Inihahandog namin sa iyo, ang aming sarili, at

ang aming buong buhay, lahat ang aming pag-aari,
lahat ng aming iniibig at ang buong katauhan;
Ipinagkakaloob namin sa Iyo ang aming katawan,
puso at kaluluwa. Ipinagkakaloob namin sa Iyo ang
aming tahanan, mag-aanak, ang aming bayan.
Ninanasa naming ipagkaloob sa iyo ang lahat ng nasa
aming paligid upang makibahagi sa iyong maka-inang
pagpapala.

Upang maging makatotohanan at mabisa ang

paghahandog na ito, nagpapanibago kami ngayong
araw na ito, ng aming pangako sa binyag at sa aming
Unang Pakikinabang (First Communion).
Nangangako rin kaming magiging matatag sa
pananalig sa banal na Pananampalataya sa lahat ng
panahon, at nawa'y makapamuhay na isang tunay na
Kristiyanong Katoliko, na laging tumatalima sa
kalooban ng Santo Papa, gayundin sa mga obispo.
Nangangako rin namang tutupdin ang Sampung Utos
ng Diyos at ng Santa Iglesya, lalo na ang pagsisimba
sa araw ng pangilin. Nangangako rin kami na
gagawing sentro ng aming pamumuhay bilang
Kristiyano, ang Banal na Misa at ang Banal na
Pakikinabang.

Sa huli'y nagangako kami, O maluwalhating

Ina ng Diyos, at masintahing Ina ng Maykapal, na
palalaganapin ang debosyon sa iyong Kalinis-linisang
Puso upang maging tiyak sa iyong pamamagitan, ang
paghahari ni Hesus na iyong kaibig-ibig na Anak sa
aming mga puso at tanang mga nilikha sa buong
mundo, rito sa lupa kagaya ng sa langit. Amen.

Ang lahat ay darasalin ang Aba po Santa

Mariang Hari

ABA PO SANTA MARIANG HARI

Aba po Santa Mariang hari / Ina ng awa; / ikaw nga

ang kabuhayan at katamisan! Aba, pinananaligan ka
naming pinapanaw na taong anak ni Eva; / ikaw rin
ang pinagbubuntuhanghininga namin ng aming
pagtangis / dini sa lupang bayang kahapishapis. / Ay
aba, pintakasi ka namin, ilingon mo sa amin ang mga
mata mong maawain, / at saka kung matapos yaring
pagpanaw sa amin, / ay ipakita mo sa amin ang iyong
anak na si Hesus. / Santa Maria Ina ng Diyos,
maawain at maalam at matamis na Birhen, kami'y
ipanalangin mo na mapatuloy sa amin ang mga
pangako ni Hesukristo. Amen.

Ipurusisyon ang imahen ng Banal na Puso sa

paligid ng silid-aralan, at matapos ang prusisyon,
ilalagay muli ang Imahen ng Dalawang Puso sa altar
at gagawin ang pagbabasbas ng klase/
pagkakapatiran, samantalang inaawit ang isang
himno

PAGBABASBAS NG MAG-ANAK:

Pari: Sumainyo ang Panginoon

Lahat: At sumaiyo rin

Pari:Pagpalain nawa kayo ng Makapangyarihang

Diyos Ama at Anak at Espiritu Santo.
Lahat: Amen.

MGA ANGKOP NA AWITIN SA PAGTATALAGA MGA

 PILING AWITIN PARA SA KABANAL-BANALANG PUSO
NI HESUS AT KALINIS-LINISANG PUSO NI MARIA:
(maaaring dagdagan ng angkop na mga awitin)

1. BANAL NA PUSO NI HESUS

BANAL NA PUSO NI HESUS, KAMI AY
KUPKUPIN
AKITIN ANG PUSO NAMIN, ANG GRASYA
MO’Y KAMTIN
O KRISTO, DINGGIN AMING
PANALANGIN,
LAGING ANGKININ, ANG PUSO NAMIN.

BANAL NA TEMPLO’T TAHANAN, DITO’Y

KALANGITAN.
ALIW NAMI’T KAYAMANAN, ANG TANGI
MONG LAAN.
O KRISTO, DINGGIN AMING
PANALANGIN,
LAGING ANGKININ, ANG PUSO NAMIN.

2. INANG SAKDAL LINIS

INANG SAKDAL LINIS KAMI AY IHINGI,
SA DIYOS AMA NAMIN AWANG
MINIMITHI
AVE, AVE, AVE MARIA (2X)
BAYANG TINUBUAN IPINAGDARASAL,
ANG KAPAYAPAAN NITONG
SANLIBUTAN
AVE, AVE, AVE MARIA (2X)
3. ABA GINOONG MARIA
ABA GINOONG MARIA, NAPUPUNO KA
NG GRASYA,
ANG DIYOS AY SUMASAYO,
BUKOD KANG PINAGPALA, SA BABAENG
LAHAT,
AT PINAGPALA NAMAN ANG IYONG
ANAK NA SI HESUS.
SANTA MARIA, INA NG DIYOS,
IPANALANGIN MO KAMING
MAKASALANAN,
NGAYON AT KUNG KAMI’Y
MAMAMATAY.
AMEN!

4. HEART OF JESUS
HEART OF JESUS, MEEK AND MILD.
HEAR, O HEAR THY FEEBLE CHILD,
WHEN THE TEMPEST MOST SEVERE,
HEART OF JESUS, HEAR.
SWEETLY WE’LL REST ON THY SACRED
HEART,
NEVER FROM THEE, O LET US PART,
HEAR THEN, THY LOVING CHILDREN’S
PRAYER,
O HEART OF JESUS, HEART OF JESUS,
HEAR!

5. BREATH OF GOD
Breathe on me, Breath of God
Fill me with life anew
 That I may love the things You love
And do what You would do
Breathe on me, Breath of God

Breathe on me, Breath of God

'Til my heart is pure
Until with You, I have one will
To live and to endure
Breathe on me, Breath of God

Breathe on me, Breath of God

My soul with grace refine
Until this earthly part of me
Glows with Your fire divine

Breathe on me, Breath of God

So I shall never die
But live with You the perfect life
In Your eternity
Breathe on me, Breath of God

6. HALINA ESPIRITU SANTO

Halina Espiritu Santo

Kinakailangan kita
Sigla at lakas ng mahina
Pag-asa ka naming lahat
Lunas sa hirap ng buhay
At kaluluwang may hapis
Ang mahina ay alalayan