UNANG BAHAGI-PAUNANG PAGTATAYA SA PAGBASA

FILIPINO 11
Panuto: Basahin ang teksto at sagutan ang mga sumusunod na katanungan.

Ang Wika

Nangangahulugan ang isang bansa na malaya kung ito ay may sariling wika. Ang wika ay
paraan ng komunikasyon. Wika ang daan sa pagkakaintindihan ng mga tao. Isa itong instrumento
upang lubusang maipahayag ng isang tao ang kanyang isipan at damdamin. Sa pamamagilan
nito, tayo ay maaring makapangatwiran, sumang-ayon, tumanggi at makapagbigay ng kuro-kuro
at mga kaalaman.

Subalit higit pa sa isang midyum ng komunikasyon, ang wika ay nagtataglay ng ating

kabihasnan at kasaysayan. Hindi maitatanggi na naimpluwensyahan na ng mga dayuhan ang
ating kalinangan. Ang kulturang ito ay ‘di lamang masasalamin sa mga bagay at tradisyon sa
Pilipinas, kundi pati na rin sa ating wika. Ang wika bilang bahagi ng dinamikong kultura, ay
dumaraan din sa ebolusyon at pagbabago sa panahon. Masasabi pa na ang wika ay produkto ng
kasaysayan.

Marami ang nagsikap at patuloy na nagsisikap na mapayaman at mapaunlad ang wikang

Pambansa. Layunin ng mga pagsisikap na ito na magamit ang Wikang Filipino bilang wikang
panturo o midyum ng edukasyon. Naniniwala ang mga makabayang dalubwika o linggwistiko na
ang paggamit ng pambansang wika sa pagtuturo ng kaalaamang teknikal at agham ang susi sa
pagkakaisa at pag-unlad ng bansa. Ito’y dumaan sa maraming proseso ng pagdadalisay at
pagpapayaman tungo sa isang intelektwal na wika.

Kapansin-pansin na ang bansang may maunlad na wika ay mayroon ding maunlad na

kabuhayan at sulong o “advance” na teknolohiya. Patuloy ang mga pagbabagong dulot ng
globalisasyon at teknolohiya sa iba’t ibang aspekto ng lipunan.
Hango mula sa https://angartikulo.blogspot.com/2021/07/artikulo-tungkol-sa-wikang-filipino-pdf.html

Panuto: Piliin ang letra ng tamang sagot. Isulat ito sa sagutang papel.

1. Ang pagkakaroon ng sariling wika ay nangangahulugan ng . (Literal)

a. masaganang bansa c. malayang bansa

b. maunlad na bansa d. mapayapang bansa

2. Alin ang hindi lamang masasalamin sa mga tradisyon sa Pilipinas, kundi pati na rin sa ating
wika? (Literal)

a. Kultura c. Panitikan
b. Pagkakakilanlan d. Ideolohiya
3. “Naniniwala ang mga makabayang dalubwika na ang paggamit ng pambansang wika sa
pagtuturo ng kaalamang teknikal at agham ang sus isa pagkakaisa at pag-unlad ng bansa”. Ang
kasingkahulugan ng dalubwika ay .
(Literal)

a. Dalubhasa sa pag-aaral ng kultura

b. Dalubhasa sa pag-aaral ng panitikan
c. Dalubhasa sa pag-aaral ng pilosopiya
d. Dalubhasa sa pag-aaral ng wika

4.“Hindi maitatanggi na naimpluwensyahan na ng mga dayuhang mananakop ang ating

kalinangan”. Ang salitang kalinangan ay nangangahulugan din na .
(Literal)

a. kultura c. kamalayan
b. kaisahan d. pagkakakilanlan

5.Patuloy ang pagsisikap na mapayaman at mapaunlad ang Wikang Pambansa. Ang hakbanging
ito ay malamang na naglalayong _________ (Paghihinuha)

a. magamit ang Wikang Filipino sa digmaan

b. magamit ang Wikang Filipino bilang wikang panturo
c. magamit ang Wikang Filipino sa hukuman
d. magamit ang Wikang Filipino bilang kasangkapan sa pagtuklas

6.Patuloy ang mga pagbabagong dulot ng globalisasyon at teknolohiya sa iba’t ibang aspekto ng
lipunan. Malamang naman na aasahan natin na ang ating wika ay .
(Paghihinuha)

a. patuloy sa pagbabago at pag-unlad

b. mananatili na lamang sa dati nitong kayarian
c. mahihiwalay na sa pagkakabuhol sa kultura
d. magkakaroon na lamang ng isang anyo
7.Ayon sa mga linggwistiko, alin kaya ang ang dapat isaalang-alang sa pagtuturo ng kaalamang
teknikal at agham, gayundin susi ito sa pagkakaisa at pag-unlad ng bansa?
(Paghihinuha)

a. Pagbasa sa mga online platform

b. Pagsulat ng artikulo sa internet
c. Paggamit ng Wikang Pambansa
d. Paggamit ng piling dayalekto

8. Ang wika ay paraan ng komunikasyon. Wika rin ang daan sa pagkakaintindihan ng mga tao.
Kaya kung ang isang bansa ay hindi magkakaroon ng Wikang Pambansa,
. (Paghihinuha)
 a. uunlad ang ekonomiya
b. hindi magkakaunawaan at mahahati ang mga mamayan
c. tataas ang presyo ng mga produkto
d. hindi uunlad ang teknolohiya

9.Piliin ang tatlong totoong katangian at gampanin ng wika base sa binasang akda.
(Kritikal)

1. Ang wika ay paraan ng komunikasyon

2. Ang wika ay paraan upang makapangatwiran, sumang-ayon, tumanggi at makapagbigay
ng kuro-kuro at mga kaalaman.
3. Ang ating wika ay hindi naimpluwensyahan ng mga mananakop.
4. Ang wika ay nagtataglay ng ating kabihasnan at kasaysayan.

a. 1, 2, 3 c. 1, 3, 4
b. 2, 3, 4 d. 1, 2, 4

10. “Ang wika bilang bahagi ng dinamikong kultura, ay dumaraan din sa ebolusyon at
pagbabago sa panahon”. Sa sarili mong pananaw, papaano naiimpluwensyahan ng pagbabago ng
panahon ang ating wika? (Kritikal)