POSISYONG PAPEL

PAGGAMIT NG ONLINE PLATFORM SA PAGTUTURO AT PAG-AARAL

Isang hindi inaasahang pangyayari ang nararanasan natin ngayon. Lahat ay hindi handa sa
kung anong bagay o buhay ang mababago sa isang iglap. Hindi natin lubos maisip na ang
nakasanayang pag-tuturo noon ay mahirap nang maibalik pa, at ngayon ay hanggang sa online o
virtual na lamang upang makita, masaksihan ang bawat husay ng mga estudyante. Karamihan
ngayon ito ang ginagamit ang online platform na kung saan dito matututunan ang bawat asignatura
na nakabase sa baitang ng mag-aaral. Gamit ang teknolohiya tulad na lamang ng cellphone, tablets,
laptop/desktop, at isang koneskyon sa internet, ay makakapag-aral ang estudyante at
makakapagturo na ang mga guro. Hindi lingid sa ating kaalaman na ang online platform ay
malawak, at dahil dito madaming iba’t- ibang klaseng plataporma ang pwedeng gamitin, gaya na
lamang ng google meet, microsoft teams, zoom, edmodo, etc. Sa mga nabanggit na mga online
platforms, ang aming ginagamit ay google meet.

Sa paggamit ng online platform para sa pag-aaral at pagtuturo, hindi mawawala ang

tinatawag na technical problem. Isa sa problema madalas ng mga mag-aaral lalo na sa mga tirahan
ay malapit sa bundok , na alam nating mahirap ang signal sa parteng iyon. Pangalawa, ito din ay
isang pinagkakagastusan ng mga mag-aaral o nang mga mismong magulang sa kadahilanang hindi
pantay pantay ang pamumuhay ng bawat mamamayang Pilipino. Sa kawalan ng gadgets, isang
malaking problema na iyan bago makagamit ng online platform dahil kailangan ang isang gadget,
internet o data.

Ang pag-aaral at pag-tuturo online ay may malaking kaibahan sa tradisyonal na

nakagawian natin magmula noog tayo ay elementarya pa lamang. Sa paggamit ng online platform,
mayroong mga advantage at disadvantages na tinatawag, at ang ilan ay aking nabanggit.
Samantala, sa nakakatulong din itong online platform upang mapadali ang ibang gawain o
aktibidad ng mga guro at mag-aaral. Alam naman natin na sa paggamit ng teknolohiya at internet
koneksyon ay mas napapagaan ang trabaho ng bawat isa, tulad na lamang ng pagpadala ng mga
pagsusulit na nagagawa na sa online na kung saan dito na rin makikita ang grado sa pagsusulit.
Ang paggamit ng online platform sa pagaaral at pagtuturo ay malaking tulong at may maidudulot
pa rin na kunting problema, ngunit mas dapat nating isipin ang karapat-dapat na gawin sa ating
sitwasyon, upang sabay sabay na umangat ang bawat isa. Hindi magiging hadlang ang ganitong
sitwasyon sa pag-aaral at pagtuturo dahil ito ay isang malaking pagkakataon upang ipakita ang
bawal kakayahan at husay ng isang guro at estudyanteng Pilipino.