College of Saint Catherine Quezon City

Senior High School Department

(Mga Inihaing Aktibidad

para sa Buwan ng Wika 2018)

PAGGAWA NG POSTER-DOODLE ART

(Ang paggawa ng Poster-Doodle Art o Poster-Doodle Art Making sa Ingles ay
isang uri ng sining na kung saan ibinabahagi ng pintor o manlilikha ang kanyang
malikhaing gawa batay sa isang paksa o tema.)
Mekaniks:

1. Bukas sa lahat ng mag-aaral ng Senior High School.

2. Isang kalahok lamang bawat seksiyon.
3. Ang tema sa paggawa ng poster ay ibibigay sa takdang araw ng patimpalak. Hindi
pahihintulutan ang draft o unang gawa ng poster.
4. Magdala ng mga gamit sa pagguhit (1/4 illustration board) at pangkulay.
5. Ipinagbabawal ang panghihiram ng gamit sa kapwa kalahok sa oras ng patimpalak.
6. Tatakbo lamang sa loob ng 3 oras ang paggawa ng poster.
7. Ang patimpalak ay magaganap sa Ika-28 ng Agosto, 2018 (Martes) sa ganap na 3:00
ng hapong iyon kasabay ng Patimpalak na Pagsulat ng Sanaysay at Tula.

Pamantayan:
Nilalaman o mensahe -30%
Pagkabuo ng Ideya -25%
Pagkakaugnay ng Diwa -25%
Kalinisan ng Presentasyon -10%
Kabuuan- 100%

TALASTAGISAN (Spoken Word Poetry)

(Ang pananalitang salita ay salita ng pagganap na nakabatay sa mga salita. Ito ay
sining ng bibig na nakatuon sa estetika ng paglalaro ng mga salita, tono, at pagbabago
ng boses. Ito ay sumasaklaw sa anumang uri ng tulang binibigkas ng malakas.)

Mekaniks:

1. Ang Talastagisan ay nakabatay sa temang "Filipino: Wika ng Saliksik"

2. Bawat seksyon ay magkakaroon ng kinatawan na sasali sa tinatawag na elimination
round na tatagal lamang ng limang minuto.
3. Bawat kalahok ay maghahanda ng kanyang kathang tula na nakabatay sa ating tema
at sa mismong araw ng eliminasyon ay dapat handa na itong ipresenta.
4. Bawat kinatawan ng klase ng isang strand ay maglalaban-laban.
5. Mahigpit na ipinagbabawal ang pagkuha ng anumang katha o parte ng katha sa
internet at ipi-presenta sa araw ng eliminasyon.
6. Gaganapin ang elimination round sa ika- 28 ng Agosto ,2018 (Martes) sa ganap na
8:00 ng umaga.
7. Kung sino ang mananalo sa isinagawang elimination round ang siyang lalaban sa
ibang strand para sa huling tapatan.
8. Ang nakakuha ng mataas na boto mula sa hurado ang tatanghaling kampiyon ng
taon.

Pamantayan:
Paraan ng Bigkas- 30%
Damdamin sa Pagtula- 30%
Pagkilos sa Entablado- 15%
Dating sa Madla- 15%
Kasuotan- 10%
Kabuuan- 100%

PAGSULAT NG SANAYSAY AT TULA

(Isang uri ng panitikan na nasusulat sa anyong tuluyan.
Karaniwang pumapaksa tungkol sa mga kaisipan at mga bagay-bagay na sadyang
kinapupulutan ng aral at aliw ng mga mambabasa. Taglay ang tatak ng panlasa at hilig,
reaksyon at palagay, saloobin at paniniwala, kalagayan at katauhan, karanasan at
kaalaman ng bawat may akda)

Mekaniks:

1. Bukas sa lahat ng mag-aaral ng Senior High School.

2. Dalawang kalahok lamang bawat seksiyon. Isang kalahok para sa pagsulat ng
sanaysay at ang isa naman ay para sa tula.
3. Ang tema sa pagsulat ng sanaysay at tula ay ibibigay sa takdang araw ng
patimpalak.
4. Gagawa ng sariling kathang akda ang bawat mag-aaral na may kaugnayan sa
temang ibinigay.
5. Ang mga mag-aaral na may malawak at magandang ideya sa pagsulat ang
tatanghaling kampiyon.
6. Maging maingat sa pagsasaayos at paggamit ng mga salita sa pangungusap. Lagyan
ng wastong bantas ang mga pangungusap.
7. Ang patimpalak na ito ay magaganap sa ika-28 ng Agosto, 2018 (Martes) sa ganap
na 3:00 ng hapon kasabay ng Patimpalak ng Poster-Doodle Art.

Pamantayan:
Nilalaman o Mensahe- 25%
Pagkabuo ng Ideya- 25%
Pagkakaugnay ng Diwa- 15%
Angkop at Tamang Paggamit ng Wika at Bantas- 15%
Kahalagahan ng Pagsulat- 10%
Kalinisan ng Presentasyon- 10%
Kabuuan- 100%

TALAISIPAN
(Pagpapalawak at Pagsasaliksik ng Kaalaman ukol sa mga Aralin na Nakalap)

Mekaniks:
1. Limang representante lamang bawat strand ang lalahok na nagmula sa Baitang 11 at
Baitang 12.
2. Magdala ng 1/4 illustration board, chalk at basahan.
3. Ang patimpalak na ito ay hahatiin sa 3 kategorya: Talasalitaan, Pagbabaybay, Mga
Tanong ukol sa Wika at Pananaliksik.
4. Magaganap ang TALASISIPAN sa unang araw ng Pahimakas. (Agosto 30, 2018)

TAWAG NG TANGHALAN
(Pag-awit sa Orihinal na Musikang Pilipino)

Mekaniks:
1. Bukas para sa lahat ng mag-aaral ng Senior High School.
2. Ang bawat seksyon ay pipili ng isang kinatawan na magsisilbing kalahok at await.
3. Malayang makapipili ang bawat kalahok ng isang awiting Filipino (OPM-Tagalog)
4. Ang bawat kalahok ay inaasahang maghahanda ng kani-kanilang minus one na
nakalagay sa USB lamang. Maagang pagpapasa ng minus-one, dalawang araw
bago ang itinakdang araw ng patimpalak.
5. Mahigpit na ipinagbabawal ang paggamit ng kahit na anong instrumento sa
pagtatanghal.
6. Ipinapaalala na ang pasya o hatol ng lupon ng inampalan ay pinal at hindi
maipaghahabol o magbabago.
7. Ang patimpalak ay magaganap sa ika-29 ng Agosto, 2018 (Miyerkules) sa ganap na
8:00 ng umagang iyon, Room 408.

Pamantayan:
> Tono/Kalidad ng Boses –40%
> Tiyempo – 25%
> Pagtatanghal – 10%
> Interpretasyon at Ekspresyon – 25%
KABUUAN – 100%

MAKALUMANG SAYAW HALAW SA

MODERNONG TUGTOG
(Pagtatanghal ng isang etnikong sayaw halaw sa modernong tugtog)

Mekaniks:
1. Ang paligsahang ito ay bukas para sa lahat ng mag-aaral ng Senior High School.
2. Bawat strand ay bubuo ng isang grupo na may 15-20 miyembro lamang na lalaban
sa ibang strand. Magkasama na ang mga mag-aaral sa Baitang 11 at 12 sa grupo na
bubuuin.
3. Bawat kalahok ay sasayaw lamang ng "MAGLALATIK at TINIKLING" at ang
ihahanda naman na tugtog ay kinapapalooban lamang ng moderno at tagalog OPM
(remix).
4. Ang mga inihandang tugtog ng bawat kalahok ay inaasahang hindi kukulangin sa
apat (4) na minuto at hindi hihigit sa limang (5) minuto.
5. Kung sino ang may pinakamagandang pagtatanghal ang siyang tatanghaling
kampiyon.
6. Ang patimpalak na ito ay magaganap sa Unang Araw ng Pahimakas. (Agosto 30,
2018)

PAMANTAYAN:
> Kilos o Galaw sa Entablado - 50%
> Orihinalidad - 30%
> Kasuotan - 10%
> Dating sa madla - 10%
KABUUAN - 100%

PISTA SA NAYON (FoodFestival-Rehiyunal)

(Pagluluto ng Pagkaing Pinoy na ipinagmamalaki ng bawat Rehiyon)

Mekaniks:

1. Ang bawat seksyon ay maghahanda ng rehiyunal na pagkain batay sa nabunot ng

kanilang gurong tagapayo.
2. Sa araw ng patimpalak, kinakailangang handa at luto na ang kanilang pagkain
maging ang ayos at disenyo ng kanilang pwesto.
3. Sa araw ding iyon, ang mga kinatawang pupwesto ay kinakailangang nakasuot ng
damit batay sa kanilang rehiyon.
4. Kung sino ang may pinakamaganda ang presentasyon at pinakamasarap na pagkain
ang siyang tatanghaling kampiyon.
5. Magaganap ang patimpalak sa Unang Araw ng Pahimakas. (Agosto 30, 2018)

Pamantayan.

 Presentasyon 40%
 Timpla at Lasa 40%
 Kasuotan 20%
 Kabuuan 100%
 LAKAN AT LAKAMBINI NG LAHI 2018
Mekaniks:
1. Bawat strand ng bawat baitang ay magkakaroon ng dawalang kinatawan (babae at
lalake) na siyang lalaban sa ibang strand.
2. Ang bawat kinatawan ng strand ay kinakailangang maghanda ng kanilang mga
susuotin tulad ng kaswal na kasuotan, rehiyunal o etnikong kasuotan na gawa sa
recycled materials at modernong Filipiniana.
3. Sila ay maghahanda para sa Q&A na gaganapin sa huling Pahimakas.
4. Sa mga magwawagi ay tatanggap ng gantimpalang Lakan at Lakambini ng
Luzon, Visayas at Mindanao. Ang pinakamagwawagi ay tatanghaling Lakan at
Lakambini ng Lahi 2018.
5. Magaganap ang patimpalak na ito sa Ikalawang Araw ng Pahimakas (Agosto 31,
2018).

Pamantayan sa Katanungan (Question & Answer)

Mensahe/Nilalaman- 60%
Kaugnayan sa Paksa- 20%
Pagkamakabayan- 20%
Orihinalidad- 10%
Kabuuan- 100%

Pamantayan sa Kasuotan

Kaangkupan ng Kasuotan sa Tema- 40%

Materyales na Ginamit- 20%
Kahusayan sa Pagdala- 20%
Orihinalidad- 20%
Kabuuan- 100%

Pamantayan sa Production Number

Projeksyon- 40%
Koryograpiya-30%
Kasuotan-20%
Dating sa Manunuod- 10%
Kabuuan- 100%