Cadsawan, Lea Dimple L.

MED211

Wikang Pilipino, ating tangkilikin!

“Hola”, "Annyeonghaseo",”Saranghaeo”,"Hello": Mga banyagang salita na madalas nating

maririnig sa kabataan ngayon. "Magandang Umaga","Magandang Araw": Mga salitang halos sa

loob na lamang ng paaralan sa klase sa asignaturang Filipino natin maririnig. Pero bakit ganoon?

Globalisasyon ba ang sagot? Marahil ay oo, subalit hahayaan nalang ba natin ito? Hindi!

Sapagkat tayo ay mga Pilipino. huwag natin hayaang lubusan tayong maimpluwensiyhan ng mga

banyagang bansa sa lahat ng aspeto. Ang wikang Filipino ang sumisimblo sa ating pagka-

Pilipino, sa ating pagiging isang bansa.

Ano ng aba ang kahalagahan ng Wikang Filipino sa ating lipunan? At bakit dapat natin itong

Tangkilikin at pagyamanin?

Ang wika ay nagbibigkis ng mga mamamayang PIlipino sa lipunan. Ito ang sumisimbolo

ng ating pagkakakilanlan at pagiging malayang bansa. Ito ang instrumento ng

pakikipagtalastasan o pakikipagkomunisasyon sa mga tao dito sa ating bansang kinabibilangan.

At ito rin, ang Daan upang mapahiwatig natin ang ating mga saloobin, opinyon o kuro-kuro.

Mahalaga ang ginagampanan ng Wikang Filipino sa atin at sa ating bansa sapagka't alam

naman natin na may iba't-ibang kultura tayong kinabibilangan na may sari-sariling pangunahing

wikang gingagamit kaya sa pamamagitan nito, magkakaroon tayo ng pagkakaisa na magdudulot

ng pag-unlad ng ating bansa. At higit pa doon, mas magkakaintindihan o magkakaunawaan

tayong mga Pilipino dahil Wikang Filipino ang magsisilbing tulay o susi para maging epektibo

ang proseso ng komunikasyon. Isa rin sa mga kahalagahan ng Pambansang-Wika ay ang maging
isa sa mga solusyon sa paglutas ng suliranin tungkol sa "Cultural Diversity" na kung saan

mararanasan ng mga Pilipino ang maging isa sa bansa.

Sa pagdating ng modernisasyon, maraming nabagong naganap sa ating bansa. Isa na rito

ang unti-unting pagbabalewa sa ating Pambansang-Wika. Pero dapat ba nating hayaan at

isawalang-bahala ang wikang nagbigay sa atin ng buhay? Ang nagbihis at nagpuno sa ating

pagkatao? Hindi, dapat nating alalahanin at bigyang-halaga ang mga sakripisyong ginawa ng

ating mga bayani sa wika sa kadahilanang hindi tayo maging bulag at alipin sa ibang tao. Hindi

dapat nating payagan na mawala ang ating wikang pagkakakilanlan dahil lamang sa ating mga

maling ginagawa tulad ng pagtangkilik ng ibang wika ng ibang bansa at hindi pagbibigay halaga

dito. Nangangahulugan lamang ito na parang unti-unti na nating kinikitil ang ating sariling mga

buhay. Hindi na nating maipagkakaila na bahagi na ng ating buhay ang Wikang Filipino kung

kaya't nasa puso't isipan na natin ito ngunit hindi rin natin maitatanggi na hindi pa ito sapat kung

kaya't dapat na natin itong samahan ng salitang gawa. Magsimula tayo sa sarili natin bago

tulungan o hikayatin ang ibang tao. Dapat tayong magsalita ng Filipino dahil sa simpleng

paraang ito maipakita nating pinapahalagahan at tinatangkilik natin ito. Huwag na nating

hantaying malusaw pa ito bago bigyang-pansin at kabuluhan.

Ang ating pambansang wikang pilipino ay wika o diyalektong natatangi na kumakatawan sa

pambansang pagkakakilanlan ng isang lahi o bansa kung kaya't hindi dapat na’tin ipagkamali o

itakwil ang pambansang wika sa iba pang namamayaning wika na sinasalita ng karamihan sa

mga tao na nasa teritoryo ng isang bansa.