Professional Documents
Culture Documents
Me Vjen Turp Qe Jam Djale
Me Vjen Turp Qe Jam Djale
Me Vjen Turp Qe Jam Djale
Sa herë që i hap portalet e lexoj të tilla lajme se si gratë e vajzat ngacmohen, dhunohen e në
fund ua lejmë fajin vetë atyre. Sa herë që egërsia e burrave, që mendojnë se krejt qenia e grave
u takon atyre vetëm nga fakti që janë burra, mbrohet e ushqehet nga një sistem i tërë shtetëror
(edhe ky i pushtuar nga burrat).
Sa herë që shkoj mysafir diku dhe i kaloj 2-3 orë duke folur për politikë e turlifarë temash me
burrat e asaj shtëpie, ndërkohë që për 2-3 orë sa flasim ne, gratë rrijnë në kambë duke na
shërbyer neve.
Sa herë që i shoh shikimet ndëshkuese të burrave kur gruaja vonohet me ndonjë shërbim,
thuajse ajo paguhet për atë punë. Ato shikime që pasi të shkojnë mysafirët, shndërrohen në
shpulla apo së paku ofendime verbale prej më poshtrueseve.
Sa herë që e më bjen ndër mend që suksesin tim personal (i vogël a i madh qoftë ai) e kam nga
fakti që jam djalë dhe jetoj në një shoqërii që djemtë i mësojnë të ecin përpara kurse gratë tju
qëndrojnë mbrapa e ti mbështesin, por asnjëherë ti bëjnë hapat e njejtë me ta, e lëre më të ecin
para tyre.
Sa herë që më bjen ndër mend se burrat paguhen më shumë se sa gratë – kur këto të fundit me
100 mijë vështirësi arrijnë të punësohen – vetëm ngaqë konsiderohet që “gratë kanë lind për të
punuar, kështuqë edhe me atë pak pagë që po ua japim, na po u bëjmë mirë, se përndryshe ato
duhet të punojnë pa para, ashtu siç punojnë në shtëpi”.
"Më vjen turp që jam djalë,
Sa herë që më del para vetes imazhi i një burri tipik që kthehet nga pune, shtrihet në divan me
ndjenjën që ai është i vetmi që po punon për ta mbajtur atë shtëpi, e ndez televizorin dhe e pret
gruan me ia sjellë çajin, e nuk është i vetëdijshëm fare që gruaja e tij punon sa dyfishi i orarit të tij
të punës. Dhe për këtë nuk e merr asnjë cent, e madje edhe kur me 100 mijë hezitime ia kërkon
burrit disa para për të blerë diçka të nevojshme për të, ky i fundit, në rastet kur ia jep, kujdeset
mirë tja bëjë të qartë që këto pare nuk i meriton!
Sa herë që i dëgjoj burrat duke thënë “boll ju kemi dhënë të drejta grave, çfarë duan më
shumë?”, e nuk janë të vetëdijshëm që krejt jeta e tyre e privilegjuar është e ndërtuar mbi kurrizin
e grave, dhe sot e qindra vjet vazhdon të jetë kështu.
Sa herë që i dëgjoj burrat duke folur për gratë, pa ju ardhur paraprakisht turp që janë burra në
këtë shoqëri ku gratë konsiderohen qytetare të dorës së dytë.
GRATË KURRË NUK KENË PËR TË ARRITUR PËR TI SHPAGUAR PËR PABARAZINË
HISTORIKE. POR KURRË NUK ËSHTË VONË PËR TA NDRYSHUAR TË TASHMEN DHE TË
ARDHMEN. PRANDAJ NE BURRAT E KEMI OBLIGIM QË BASHKË ME GRATË TË
ANGAZHOHEMI PËR BARAZI GJINORE."