TERMOS DE LICENZA DO SOFTWARE DE MICROSOFT

MICROSOFT POWER BI DESKTOP

Estes termos de licenza son un contrato entre vostede e Microsoft Corporation (ou, dependendo do seu
lugar de residencia, calquera das súas filiais). Recomendámoslle que as lea. Son de aplicación ao
software arriba mencionado, que inclúe os medios nos que o recibiu, se existen. Estes termos tamén son
de aplicación a todas as
 actualizacións,
 suplementos,
 servizos baseados na internet e
 servizos de soporte técnico
para este software, a menos que existan outros termos aplicables a estes elementos. De ser así, serán de
aplicación estes termos.
O USO DESTE SOFTWARE IMPLICA A ACEPTACIÓN, POR PARTE DO USUARIO, DOS PRESENTES
TERMOS. PODE DECIDIR NON ACEPTAR ESTES TERMOS, NESE CASO NON DEBERÁ USAR O SOFTWARE
(SE AÍNDA NON O INSTALOU) OU ANULAR A SÚA ACEPTACIÓN EN CALQUERA MOMENTO MEDIANTE A
DESINSTALACIÓN DO SOFTWARE.
SE CUMPRE CO ESTIPULADO NOS PRESENTES TERMOS DE LICENZA, O USUARIO GOZARÁ
DOS DEREITOS ESTABLECIDOS A CONTINUACIÓN.
1. DEREITOS DE INSTALACIÓN E DE USO
a. Instalación e uso.
 O usuario poderá instalar e utilizar cantas copias do software como desexe nos seus
dispositivos.
b. Programas de terceiros.
i. O software pode incluír programas de terceiros para os que Microsoft, non o terceiro, lle
concede licenza ao usuario segundo este contrato. Os avisos, se os houber, para o programa
de terceiros, inclúense só como documento informativo.
ii. O software podería incluír tamén compoñentes con licenzas de código aberto con obrigas de
dispoñibilidade de código fonte. As copias desas licenzas, se corresponde, inclúense no
ficheiro Avisos de terceiros. Vostede pode obter este código fonte de Microsoft, se e tal como
se require en virtude das licenzas de código aberto relevantes. Para facelo, envíe un xiro ou
un cheque de 5 USD a: Source Code Compliance Team, Microsoft Corporation, 1 Microsoft
Way, Redmond, WA 98052, EUA. Escriba “código aberto de terceiros en Power BI Desktop”
na liña de memorando do seu pagamento. Tamén podemos realizar unha copia do código
fonte dispoñible en <http://thirdpartysource.microsoft.com>.
c. Conectores de terceiros. O software permite conectarse a diferentes orixes de datos de
terceiros. Os seus contratos con calquera destes fornecedores de orixes de datos de terceiros
establécense exclusivamente entre vostede e estes, e é posible que estean rexidos por outras
condicións de uso ou contratos que se apliquen ás devanditas orixes de terceiros. Vostede acepta
que é o único responsable e que non ten autoridade para importar datos destas orixes de datos
de terceiros. Microsoft non supervisa, controla nin asume ningunha responsabilidade relacionada
con ningún dato que importe de orixes de datos de terceiros e non é responsable da súa
calidade, precisión, natureza e/ou propiedade. Vostede acepta que é o único responsable de
calquera contido que cree, transmita, distribúa ou mostre baseándose nos datos que importe ao
usar o software.
 d. Programas de Microsoft incluídos. O software contén outros programas de Microsoft.
Os contidos fornecidos a través de Mapas de Bing, incluídos os xeocódigos, só se poden usar no
software a través do que se fornece o contido. O seu uso de Mapas de Bing está rexido polas
Condicións de uso de usuario final de Mapas de Bing dispoñibles en go.microsoft.com/?
linkid=9710837 e a Declaración de privacidade de Mapas de Bing dispoñible en
go.microsoft.com/fwlink/?LinkID=248686.
2. ACTUALIZACIÓNS. É posible que o software busque periodicamente actualizacións e as descargue
e instale por vostede. Pode obter actualizacións unicamente de Microsoft ou de orixes autorizadas.
Microsoft pode ter que actualizar o sistema para fornecerlle estas actualizacións. Vostede acepta
recibir estas actualizacións automáticas sen ningún aviso adicional. As actualizacións poden non
incluír nin soportar todas as funcionalidades de software, servizos ou dispositivos periféricos
existentes.
3. RECOMPILACIÓN DE DATOS. É posible que o software recompile información acerca de vostede e
do seu uso do software e a envíe a Microsoft. Microsoft pode usar esta información para fornecer
servizos e mellorar os seus produtos e servizos. Os dereitos de exclusión do usuario, de habelos,
descríbense na documentación do produto. Pode que algunhas funcionalidades do software permitan
a recompilación de datos dos usuarios das aplicacións que teñen acceso ao software ou o usan. Se
usa estas funcionalidades para habilitar a recompilación de datos nas aplicacións, debe cumprir coa
lexislación vixente, incluída a obtención do consentimento dos usuarios que se precise e manter unha
política de privacidade clara que informe de xeito preciso aos usuarios acerca de como usa os seus
datos, os recompila e os comparte. Pode obter máis información acerca da recompilación de datos de
Microsoft e do uso na documentación do produto e na declaración de privacidade de Microsoft en
https://go.microsoft.com/fwlink/?LinkId=512132. Vostede acepta cumprir todas as disposicións
aplicables da Declaración de Privacidade de Microsoft.
4. PROCESAMENTO DE DATOS PERSOAIS. Na medida en que Microsoft actúa como procesador ou
subprocesador de datos persoais en relación co software, Microsoft comprométese con todos os
clientes a través dos Termos do Regulamento xeral de protección de datos da Unión Europea,
recollidos nos Termos dos servizos en liña, a partir do 25 de maio do 2018; están dispoñibles en
http://go.microsoft.com/?linkid=9840733.
5. SOFTWARE SUXEITO A LIMITACIÓN TEMPORAL. O software deixará de executarse cando
estea dispoñible unha versión nova. Recibirá un aviso na barra de estado do software polo menos
trinta días antes de que deixe de executarse. É posible que non poida acceder a datos usados co
software cando deixe de executarse.
6. ÁMBITO DA LICENZA. A licenza outorgada ao software é de utilización, non de venda. Este
contrato só lle da algúns dereitos para usar o software. Microsoft resérvase todos os demais dereitos.
De non ser que a lexislación vixente lle outorgue máis dereitos malia esta limitación, só poderá usar o
software segundo se autoriza de forma expresa neste contrato. Ao facelo, debe cumprir todas as
limitacións técnicas do software que só lle permiten utilizalo de determinadas maneiras. Non poderá
 permitir a unha aplicación de terceiros conectarse e ler datos do software sen a aprobación
previa por escrito de Microsoft;
 descargar nin utilizar o software para levar a cabo investigacións competitivas;
 revelar a terceiros os resultados de probas comparativas do software sen autorización previa
escrita de Microsoft;
 solucionar as limitacións técnicas do software;
 empregar técnicas de enxeñería inversa, descompilar ou desensamblar o software, a non ser
que, malia esta restrición, a lexislación vixente o autorice de forma expresa;
 facer máis copias do software que as especificadas neste contrato ou permitidas, malia esta
restrición, pola lexislación vixente;
  publicar este software para que outros o copien;
 alugar, arrendar ou emprestar o software;
 transferir o software ou este contrato a un terceiro; ou
 usar o software para servizos de aloxamento comercial do software.
7. DOCUMENTACIÓN. Calquera persoa que teña un acceso válido ao seu computador ou rede interna
pode copiar e usar a documentación para os efectos de consulta internos.
8. RESTRICIÓNS DE EXPORTACIÓN. O software está suxeito ás leis e normativas en materia de
exportación dos Estados Unidos. Debe cumprir todas as leis e normativas nacionais e internacionais
en materia de exportación aplicables ao software. Estas leis inclúen restricións de destinos, usuarios
finais e usos. Para obter máis información, consulte a páxina www.microsoft.com/exporting.
9. SERVIZOS DE ASISTENCIA. Debido a que o software fornécese “tal cal”, é posible que non se
fornezan servizos de soporte técnico.
10. CONTRATO COMPLETO. Este contrato e os termos para suplementos, actualizacións, servizos
baseados na internet e servizos de soporte técnico que use, son o contrato completo para o software
e os servizos de soporte técnico.
11. LEI VIXENTE.
a. Estados Unidos. No caso de que este software fose adquirido nos Estados Unidos, a lexislación
do estado de Washington rexe a interpretación deste contrato e aplícase a calquera reclamación
por incumprimento de contrato, independentemente dos conflitos dos principios legais. As leis do
estado de residencia rexen todas as outras reclamacións, incluídas as reclamacións conforme ás
leis estatais de protección ao consumidor, as leis de competencia desleal e agravio.
b. Fóra dos Estados Unidos. No caso de que este software fose adquirido nalgún outro país, será
de aplicación a lexislación dese país.
12. EFECTO LEGAL. Este contrato describe certos dereitos legais. É posible que dispoña doutros
dereitos de acordo coa lexislación do seu país. Tamén pode ter dereitos con respecto á parte á que
adquiriu o software. Este contrato non cambia os seus dereitos conforme ás leis do país de residencia
se as leis do país de residencia non o permiten.
13. EXCLUSIÓN DE GARANTÍA. O SOFTWARE DISPÓN DUNHA LICENZA “TAL CAL”. O USO
QUE FAGA DEL É A SÚA RESPONSABILIDADE. MICROSOFT NON OUTORGA NINGUNHA
OUTRA GARANTÍA NIN CONDICIÓN EXPLÍCITA. É POSIBLE QUE A LEXISLACIÓN DO PAÍS
DO USUARIO ESTABLEZA DEREITOS ADICIONAIS OU GARANTÍAS LEGAIS DO
CONSUMIDOR QUE O PRESENTE CONTRATO NON PODE MODIFICAR. NA MEDIDA EN QUE
O PERMITA A LEXISLACIÓN NACIONAL, MICROSOFT EXCLÚE AS GARANTÍAS IMPLÍCITAS
DE COMERCIABILIDADE, IDONEIDADE PARA UN FIN PARTICULAR E AUSENCIA DE
INFRACCIÓN.
PARA AUSTRALIA: O USUARIO DISPÓN DE GARANTÍAS LEGAIS FORNECIDAS POLOS
DEREITOS DO CONSUMIDOR DE AUSTRALIA ÁS QUE ESTAS CONDICIÓNS NON
PRETENDEN AFECTAR.
14. LIMITACIÓN E EXCLUSIÓN DE RECURSOS E DANOS. O USUARIO SÓ PODERÁ OBTER DE
MICROSOFT E OS SEUS FORNECEDORES INDEMNIZACIÓNS POR DANOS DIRECTOS DE
ATÉ UN MÁXIMO DE 5 USD. NON TERÁ DEREITO A INDEMNIZACIÓN NINGUNHA POR
DANOS DOUTRA NATUREZA, INCLUÍDOS OS CONSECUENTES, ESPECIAIS, INDIRECTOS
OU INCIDENTAIS, ASÍ COMO TAMPOUCO OS DERIVADOS DE LUCRO CESANTE.
Esta limitación aplícase a
 calquera cuestión relacionada co software, servizos, contidos (incluído o código) dispoñibles en
sitios da internet de terceiros ou programas de terceiros; e
  calquera reclamación por incumprimento de contrato, incumprimento de garantía ou condición,
responsabilidade estrita, neglixencia ou calquera outro agravio até o límite permitido pola
lexislación vixente.
Aplícase tamén mesmo no caso de que Microsoft coñecese ou debese coñecer a posibilidade de que
se producisen os devanditos danos. É posible que a limitación ou exclusión anterior non sexa de
aplicación, no caso de que o país de residencia do usuario non permita a exclusión ou limitación de
danos incidentais, consecuentes ou de calquera outro tipo.
Microsoft agradece os seus comentarios. Póñase en contacto con Microsoft en
Estados Unidos e Canadá
 (800) MICROSOFT;
 One Microsoft Way, Redmond, WA 98052-6399, EUA
Se adquiriu o software fóra dos Estados Unidos e Canadá, contacte co afiliado de Microsoft que ofreza
servizo no seu país (<http://www.microsoft.com/en-us/worldwide.aspx>).