Narito ang mga dapat tandaan sa paggamit ng modyul: 
Ang mga sumusunod ay mahalagang paalala sa paggamit ng modyul na ito: 
1. Gamitin  ang  modyul  nang  may  pag-iingat.  Iwasan  na  lagyan  ng  marka o sulat ang 
anumang  bahagi  ng  modyul.  Gumamit  ng  hiwalay  na  papel  sa  pagsagot  sa  mga 
pagsasanay. 
2. Huwag  kalimutang  sagutin  ang  ​Subukin  ​bago  lumipat  sa  iba  pang  gawaing 
napapaloob sa modyul. 
3. Basahin ng mabuti ang mga panuto bago gawin ang bawat pagsasanay. 
4. Panatilihin  ang  katapatan  at  integridad  sa  pagsasagawa  ng  mga  gawain  at  sa 
pagwawasto ng mga kasagutan.  
5. Tapusin ang kasalukuyang gawain bago pumunta sa iba pang pagsasanay. 
6. Muling  ibalik  ang  modyul  na  ito  sa  iyong  guro  o  tagapagdaloy  kung  tapos  ng 
sagutan ang lahat ng pagsasanay.
Pinagkunan:​https://tinyurl.com/AP9Q1M2p2​ at ​https://tinyurl.com/AP9Q1M2p3 
 
 
 
Alamin: 
 
YUNIT 1- MGA SALIGAN SA PAG-AARAL NG EKONOMIKS 
 
 
 
 
 
MGA TIYAK NA LAYUNIN: 
Pagkatapos ng iyong pag-aaral sa modyul na ito inaasahan na iyong: 
1. Naibibigay ang kahulugan ng Ekonomiks; 
2. Naiisa-isa ang mga mahahalagang konsepto sa Ekonomiks; 
3. Natatalakay ang saklaw ng ekonomiks; at 
4. Nasusuri ang mga dibisyon ng ekonomiks 
 
 
Subukin 
 
   Panimulang Pagtataya 
Panuto: Tukuyin ang mga sumusunod na konsepto. Isulat ang titik ng tamang sagot. 
 
 

A.Matalinong Desisyon D. Macroeconomics 

B.Efficiency E. Microeconomics 
C.Kagustuhan 
 
____1. Ito ay tumutukoy sa pag-aaral ng kabuuang ekonomiya ng bansa. 
____2. Ang pag-aaral ng indibidwal sa unit ng ekonomiya. 
 
1
 
____3. Ang masinop na paggamit ng pinagkukunang yaman 
____4. Ito ay tumutukoy sa mga bagay na kailangan ng tao hindi masyadong mahalaga. 
____5. Pangunahing kakayahan na itinuturo ng ekonomiks 
 

Aralin 
1  Aralin 1: Kahulugan ng Ekonomiks  
 
 
 
Balikan: 
Panuto: ​Suriin ang larawan.Isulat sa inyong kwaderno ang inilalarawan nito. 
   
 
 
 
 
Pampreosesong Tanong:   
1.Sa panahon ng ECQ, ano ang inyong pinagkakaabalahan ?  
2.Sa mga ginawa mo, alin ang pinakagusto mo? Bakit?  
 
   
​ Tuklasin 
​Gawain: 1 Handa Ka Ba? 
 
Sitwasyon: Isang araw nagkataon nagkasabay-sabay ang mga sumusunod na gawain. 
Ano
 
ang iyong uunahin? Lagyan ng bilang 1 ang una hanggang 4 ang pinakahuli. 
______May online homeschooling ka. ______Maglaro ng Mobile Legend.  
  ______Maghahanda ng merienda ______Manonood ng K-drama 
______Mag-aalaga ng nakababatang kapatid. 
 
Pampresesong Tanong: 
1.Ano ang batayan sa iyong pagpili ng desisyon? 
2. Bakit ito ang iyong napili? 
 
Suriin: 
 
Kahulugan ng Ekonomiks 
● Ang ekonomiks ay isang sangay ng agham panlipunan. 
● Ito  ay  ang  pag-aaral  sa  kung  paano  ginagamit  ng  tao  ang  limitadong  likas  na 
yaman  at  yamang  tao  ng  isang  bansa  upang  matugunan  ang  kaniyang  mga 
pangangailangan. 
● Ang  salitang  ito  ay  hango  sa  sa  salitang  Griyego  na ​Oikonomia​ na 
nangangahulugang “pangangasiwa ng sambahayan”. 

2
 ● Ang  agham  ng  pag-aaral  ng  ekonomiya  ay  nagsimula  sa  sistema  ng 
pangangasiwa ng isang ina o maybahay sa kaniyang sambahayan. 
● Hindi  nagtagal,  lumawak  at  lumalim  ang  naging  pagtingin  sa  pag-aaral  ng 
pangangasiwa ng iba’t ibang pinagkukunang yaman. 
● Nagkaroon  ng  bagong  hubog  ang  Ekonomiks  bilang  isang  mahalagang  sangay 
 
ng agham panlipunan. 
Ang Pag-aaral ng Ekonomiks 
● Ang pag-aaral ng Ekonomiks ay nagsisimula sa suliranin ng walang katapusang 
pagtugon  sa  pangangailangan  ng  mga  tao  habang  limitado lamang ang likas na 
yaman at yamang tao ng bansa. 
● Ang  lahat  ng  bansa  sa  daigdig  ay  may  limitadong  kayamanan  materyal  man  o 
lakas-paggawa.  Sa  kabilang  banda,  ang  pangangailangan  at kagustuhan ng tao 
ay hindi mauubos o matatapos kailanman. 
● Ang  ​kakapusan  ay  pangunahing  dahilan  ng  pagkakaroon  ng  mga  suliranin 
pang-ekonomiya.  Ang  kakapusan  o  scarcity  ay  umiiral  dahilan  ng  mga 
limitadong  pagkuha  ng  yaman  at  walang  hangganan  o  katapusan  ang  mga 
pangangailangan  at  kagustuhan  ng  mga  mamamayan.  Halimbawa  ang 
kakapusan  ng  ​Ventilator  sa  Pilipinas  para  sa  mga  pasyenteng  malubhang 
 
tinamaan ng ​COVID-19. 
Ang Ekonomiks sa Iyong Buhay 
Mahalaga  na  maunawaan  mo  kung  paano  magagamit  ang  ekonomiks  sa  iyon 
buhay.  Kailangan  mong  matutuhan  kung  paano  pamahalaan  ang  iyong  mga  pag-aari 
upang mapakinabangan mo ito nang mas matagal. 
● Efficiency  -  ​Masinop  na  pamamaraan  ng  paggamit  sa  limitadong 
pinagkukunang-yaman  upang  matugunan  ang  mga  pangangailangan  at 
kagustuhan  ng  tao.Pangunahing  binibigyang  pansin  sa  pag-aaral  ng  ekonomiks 
 
ang paglago ng ekonomiya (economic growth) ng bawat bansa. 
● Equality-​Pantay-pantay  ang  mga  karapatan  ng  tao  at  ang  distribusyon  ng 
pinagkukunang-  yaman.Ang  yaman  ng  tao  ay  nakabatay  sa  hirap  at  haba  ng 
 
kanyang paggawa sa pagkamit nito. 
● Sustainability-​Ang paggamit ng mga pinagkukunang-yaman para tugunan ang 
mga kasalukuyang pangangailangan at kagustuhan nang hindi nanganganib 
ang kakayahan ng susunod na henerasyon.
 
Dibisyon ng Ekonomiks 
Ang ekonomiks ay nahahati sa dalawang dibisyon: ​maykroekonomiks a​ t ​makroekonomiks​. 
 
⏩ Ang  ​maykroekonomiks  ay  tungkol  sa  galaw  at  desisyon  ng  bawat  bahay  kalakal  at 
sambahayan.  Ito  ay  tumitingin  sa  bawat  indibidwal  na  yunit  –  ​sambahayan, 
bahay-kalakal at industriya​.  Ang  mga  desisyon  ng  bawat  indibidwal  ay  napakahalaga  sa 
pag-unawa ng ekonomiya. 
 
⏩ Ang  ​makroekonomiks n​ aman  ay  tumitingin  sa  kabuuang  ekonomiya  ng  isang  bansa. 
Sinusuri  nito  ang  ​pambansang produksyon ​pati  na  ang  pangkahalatang  antas  ng  presyo 
at pambansang kita. Ito ay tumitingin sa kabuuan. 
 
 
3
 
 
Paghahambing sa Dalawang Dibisyon ng Ekonomiks 

Pinagkunan: (Ekonomiks:Modyul sa Araling Panlipnan,Deped) 

https://link.quipper.com/en/organizations/5468b53a2294ee07f40000b1/curriculum#curriculum 
  
SAKLAW
 
NG EKONOMIKS 
● AGHAM  PANLIPUNAN  ​Ito  ay  tumutukoy  sa  pag-aaral  ng  mga  pangyayari  sa  isang 
lipunan,  upang  malaman  ang  sanhi  ng  mga  ito  at  kung  paano  mapabubuti  ang 
isang
 
lipunan. 
● PINAGKUKUNANG-  YAMAN  ​Anumang  bagay  na  may  buhay  o  wala  ay  nagiging 
pinagkukunang-yaman  sa  sandaling  mapagtanto  ng  tao  ang  kapakinabangan  nito 
at
 
mapunan ang kanyang pangangailangang ekonomiko. 
● ALOKASYON  ​Ito  ay  tumutukoy  sa  paglalaan  ng  takdang  dami  ng 
pinagkukunang-yaman ayon sa pangangailangan at kagustuhan ng tao. 
● KAGUSTUHAN  NG  TAO  ​Tumutukoy  sa  mga  bagay  na  nagbibigay  kaginhawaan  at 
kasiyahan
 
sa buhay ng isang tao. 
● KAKAPUSAN  ​Tumutukoy  sa  isang  sitwasyon kung saan limitado o hindi sapat ang 
mga  pinagkukunang-yaman  upang  matugunan  ang  walang  hanggang 
pangangailangan
 
at kagustuhan ng tao. 
● PRODUKSYON  ​Ito  ay  tumutukoy  sa  proseso  ng  paggamit  ng  likas  na  yaman  sa 
kapaki-pakinabang
 
na pamamaraan. 
● PAGKONSUMO  ​Ito  ay  tumutukoy  sa  pagbili at paggamit ng produkto o serbisyo na 
nagbibigay
 
ng kapakinabangan sa tao. 
● PAGPAPALITAN  Ang  pagpapalitan  ay  mahalaga  sa  paggabay  ng  mga  kalakal  na 
 
panluwas at pag-aangkat sa ibang bansa. 
Pamprosesong Tanong: 
1.Ipaliwanag ang konsepto ng Ekonomiks. 
 
2.Bakit mahalaga ang pag-aaral ng ekonomiks? 
 
 
​ Unawain 
 
Mga Mahahalagang Konsepto sa Ekonomiks  
 
● Trade-Off  ​Ang  trade-off  ay  pagpili  o  pagsasakripisyo  ng  isang  bagay  kapalit  ng 
ibang  bagay.  Mahalaga  ang  trade-off  sapagkat  sa  pamamagitan  nito  ay  maaaring 
masuri  ang  mga  pagpipilian  sa  pagbuo  ng  pinakamainam  na  pasya.  Halimbawa, 
Modular o Online sa paraan ng pag-aaral 
4
 ● Opportunity  Cost  ​Ang  ​opportunity cost  ay  tumutukoy  sa  halaga  ng  bagay  o  nang 
best alternative  na  handang  ipagpalit  sa  bawat  paggawa  ng  desisyon  (Case, Fair at 
Oster,  2012).  Ang  opportunity  cost  ng  modular  sa  naunang  halimbawa  ay 
mawawalan  ng  interaksyon  sa  guro  at  kamag-aral  samantalang  ang  opportunity 
cost ng online ang walang bayad o libreng pag-aaral ng ipinagpalibang gawin. 
 
● Incentives  M ​ ahalagang  makabuo  ng  matalinong  desisyon  sa  bawat  produkto  o 
serbisyong  pagpipilian.  Ito  ay  dahilan  sa  mga  insentibo  na  iniaalok  ng  mga 
lumilikha  ng  produkto  at serbisyo. Tulad ng pag-aalok ng mas mura at magandang 
serbisyo  at  pagbibigay  ng  mas  maraming  pakinabang  sa  bawat  pagkonsumo  ng 
produkto  o  serbisyo.  Maaari  ding  mailarawan  ang  incentives  sa  kung  magbibigay 
ng  karagdagang  allowance  ang  mga  magulang  kapalit ng mas mataas na marka na 
pinagsisikapang makamit ng mag-aaral. 
 
● Marginal  Thinking-M ​ ay  kasabihan  sa  ekonomiks  na  “​Rational people think  ​at the 
margin.​”  Ang  ibig  sabihin  nito  ay  sinusuri  ng  isang  indibidwal  ang  karagdagang 
halaga,  maging  ito  man  ay  gastos  o  pakinabang  na  makukuha  mula  sa  gagawing 
desisyon.  Halimbawa  ang  malaking  karagdagang  ​budget  ng  lungsod  Quezon  para 
sa  ​Tablet  para  sa  mga  mag-aaral  kapalit  ng  karagdagang  pakinabang  sa  mga 
 
mag-aaral at magulang. 
Pamprosesong Tanong: 
1.  Paano  nakatutulong  sa  matalinong  pagdedesisyon  ang  mga  konsepto  ng  ​trade off,​  
opportunity cost​, ​incentives​, at m
​ arginal thinking?
​   
2. Sa iyong palagay, kailan mo masasabi na matalino ang iyong desisyon? 
 
Pagyamanin 
Gawain: 3: Train to Matalinong Desisyon! 
Panuto​:  Piliin  sa  kahon  ang  mga  mahahalagang  konsepto  na  may  kaugnayan  sa 
pag-aaral ng ekonomiks at isulat ito sa train na tumutukoy sa bawat pahayag. 
Trade-Off Opportunity Cost Incentives Marginal Thinking  
Kakapusan Efficiency Equality Sustainability   
 

5
Gawain 4 Paglinang ng mga kaisipan at kasanayan: ​Magbigay ng walong salitang 
maiuugnay mo sa salitang ekonomiks. 
 

 
Isagawa 
Gawain 5: Ano ang Say Mo! 
Panuto:  Magtala  ng  mga  suliranin  na  kinaharap  mo  at  ng  iyong  pamilya  sa  panahon  ng 
Pandemya,  ​COVID 19  at  paano  nabigyan  ito  ng  solusyon?  Sang-ayon  ka  ba  sa  ginawang 
desisyon? Bakit? 
 
Suliraning  Desisyon ng iyong  Sang-ayon ka  Di ka ba 
Pang-Ekonomiks sa  magulang  ba?Bakit?  sang-ayon?Bakit? 
iyong pamilya  Ano ang mungkahi 
mo? 
       

 
 
​Tayahin: 
 
Panuto:
 
​Basahing mabuti ang mga katanungan. Piliin ang titik ng tamang sagot. 
1. Ang salitang ekonomiks ay mula sa salitang ​oikonomeia n​ a ang kahulugan ay: 
A. pamamahala ng negosyo. C. pamamahala ng tahanan. 
   B. pakikipagkalakalan D. pagtitipid. 
2. Ang ekonomiks ay isang Agham Panlipunan sapagkat 
6
 A. Pinag-aaralan kung paano nagtutulungan ang mga tao upang 
matugunan ang kanilang materyal na pangangailangan at mapataas 
ang antas ng kabuhayan. 
B. Nagbibigay ito ng mga suhestiyon upang maging mapayapa ang ating daigdig. 
C. Pinag-iisipan sa araling ito kung paano magkakamal ng salapi ang tao. 
D. Pinag-aaralan kung paano natin mahihigitan ang kita ng ating kapwa tao. 
3.  Habang  ang  pinagkukunang-yaman  ng  daigdig  ay  may  hangganan,  ang  mga 
pangangailangan at luho ng tao naman ay: 
A. may hangganan din. 
B. kaunti lamang kayat madaling tugunan. 
C. parami ng parami at walang katapusan. 
D. katulad pa rin noong unang panahon at di nadaragdagan. 
4. Ang pangunahing suliranin ng tao na tinutugunan ng ekonomiks ay 
A. labis na dami ng pinagkukunang-yaman ng bansa  
B. walang katapusang pangangailangan ng tao 
C. pagsugpo sa paglaki ng populasyon sa daigdig. 
D. pagpapalawak
 
ng kaalaman sa teknolohiya. 
5. Ang mga sumusunod na mga konsepto ay nagbibigay ng kahulugan ng ekonomiks. Alin 
ang pinakaangkop na kahulugan? 
A. Pagpapalago ng negosyo at kabuhayan ng mga tao sa bansa. 
B. Pagpapayaman upang maging bahagi ng mataas na lipunan. 
C. Paggamit  at  pagbabahagi  ng  mga  pinagkukunang-yaman  ng  lipunan  upang 
makabuo  ng  mga  produkto  at  serbisyongmakatutugon  sa  walang  katapusang 
pangangailangan at kagustuhan sa buhay . 
D. Paglikha  ng  mga  makabagong  makinarya  at  teknolohiya  sa  paglikha  ng mataas na 
kalidad  na  produkto  at  serbisyong  makatutugon  sa  mga  paparamin 
 
pangangailangan at luho ng tao sa presyo at paraang pinakamatipid. 
6. Upang mapagkasya ang ayuda na natanggap ng pamilya ni Aling Puring siya ay namili 
sa bagsakan ng gulay sa palengke. Anong konsepto ito ng ekonomiks na may kinalaman 
sa sa pang-araw-araw mong buhay? 
A. Efficiency 
 
B. Sustainability C.Equality D. Equity 
7. Pare-pareho ang natanggap na ayudang pagkain ng mga taga Brgy. Batasan. Anong 
konsepto ito ng ekonomiks na may kinalaman sa sa pang-araw-araw mong buhay? 
A. Efficiency  B. Sustainability C.Equality D. Equity 
8. Pinili ni Andrew na tumulong sa ​online selling​ ng kanyang nanay kaysa sa maglaro ng 
online games​ . Anong konsepto ng ekonomiks ang ipinahihiwatig ng pahayag? 
A. Opportunity Cost C. Trade-off 
B. Incentives D. Marginal Thinking 
9. Binili muna ni Aling Nena ang kanilang pangangailangan sa bahay at hindi muna 
bumili ng bagong cellphone. 
A. Opportunity Cost C. Trade-off 
B. Incentives D. Marginal Thinking 
10.Mahalaga  at  makabuluhan  ang  pag-aaral  ng  Ekonomiks  para  sa  mga  kabataan.  Ano 
sa  palagay  mo  ang  pinakamabuting  maidudulot  sa  iyo  ng  pagkakaroon  ng  kaalaman  sa 
Ekonomiks? 
A. Maaari kang magsilbing kritiko ng pamahalaan. 
B. Magkaroon ka ng kakayahang makapagturo rin ng Ekonomiks. 
C. Maisasaulo ang mga konsepto sa Ekonomiks upang madaling makapasa sa 
kolehiyo. 
D. Mapag-aaralan ang mga gawi, kilos, at siyentipikong pamamaraan na 
makakatulong sa iyo sa pagdedesisyon sa hinaharap. 
7
 
 
 
Karagdagang Gawain: 
Batay  sa  mga  natutunan  kaugnay  sa  kahalagahan  ng  pag-aaral  ng 
Ekonomiks.  
 
A.Paggawa ng ​Slogan 
Panuto:  Gumawa  ng  ​Slogan ​na  may  kaugnayan  sa  kahalagahan  ng  ekonomiks.  Sa 
temang “ Ekonomiks sa Panahon ng Pandemya”  
 
Pamantayan ng Pagmamarka 
Pamantayan  Paglalarawan  Puntos 
Nilalaman  Akma ang mensahe ng slogan ayon sa paksa.  10 
Presentasyon  Mahusay ang pagpapabatid ng kaalaman sa klase   10 
Pagkamalikhain  Mahusay ang pagkakaguhit ayon sa mensaheng nais iparating  10 

  KABUUAN  30 
 
Sanggunian: 
● Department  of  Education  (2015),  Ekonomiks  10-  Araling Panlipunan- Modyul para sa mga Mag-aaral 
Unang Edisyon pahina 12-22 
● C Bon et.al,2015 ​Ekonomiks sa Makabagong Panahon​ JO-ES Publishing House Inc. pahina 3-21 
● Department of EducationModyul sa Araling Panlipunan IV Pahina 1-3   
● Baluyot et al. (2020) Daily Lesson Plan (Unang Markahan) 9-Ekonomiks (MELCs). Unpublished 
● EKONOMIKS 10 Araling Panlipunan – Modyul para sa Mag-aaral Unang Edisyon 2015  
● Chua,  Johannes  L.,  Panahon,  Kasaysayan  at  Lipunan  (Ekonomiks)  Ikalawang  Edisyon,  DIWA 
Publishing House 
● De Leon, Zenaida M. et. al. (2004), Ekonomiks Pagsulong at Pag-unlad, VPHI 
● Mateo, Grace Estela C. et. al., Ekonomiks Mga Konsepto at Aplikasyon (2012), VPHI  
● Nolasco, Libertty I. et. Al. , Ekonomiks: Mga Konsepto, Applikasyon at Isyu, VPHI 
 
Susi sa Pagwawasto 
​