KAUGNAYAN NG SIKOLOHIKAL NA KAPALIGIRAN SA TAHANAN AT

ANTAS NG AKADEMIKONG PAGGANAP NG MGA MAG-AARAL

SA EMA EMITS COLLEGE PHILIPPINES

Isang Panukalang Tesis na

iniharap sa Kaguruan ng Paaralan ng
EMA EMITS COLLEGE PHILIPPINES
M.H Del Pilar St. Pinamalayan
Oriental Mindoro

Inihanda Bilang Bahagi

ng mga Gawaing kailangan sa Pagtatamo ng Titulong
BATSELYER NG EDUKASYONG PANGSEKONDARYA
Na Nagmamayorya sa Filipino

nina

Anneca L. Mendez
Ahlea L. Mendez
Marianne Joy L. Manalo
2021

i
 DAHON NG PAGPAPATIBAY

Ang pananaliksik na ito na pinamagatang KAUGNAYAN NG SIKOLOHIKAL NA

KAPALIGIRAN SA TAHANAN AT ANTAS NG AKADEMIKONG PAGGANAP
NG MGA MAG-AARAL SA EMA EMITS COLLEGE PHILIPPINES TAONG
PANURUAN 2021-2022, na inihanda at isinumite nina Ahlea L. Mendez,
Anneca L. Mendez, at Marianne L. Manalo bilang pagtupad sa mga kahilingan
sa kursong BATSILYER SA EDUKASYONG PANGSEKONDARYA NA
NAGMAMAYORYA SA FILIPINO, ay nasuri at inirekomenda sa pagtanggap at
pag-apruba para sa pasaliyang pagsusuri.

JEAN ROSE S. MANLISES, LPT, MAEd

Gurong Tagapayo sa Pananaliksik

LUPON NG TAGASURI

RYAN G. FLORECONDIA, LPT, D. Hum

Critic

RIZZA A. NABUS, LPT, D. Hum MARY DAY P. BAYETA, LPT, MAEd

Critic Critic

Inirekomenda ang pag-apruba at pagtanggap, bilang pagtupad sa mga

kahilingan para sa kursong BACHELOR OF SECONDARY EDUCATION, Major
in Filipino.

JUNREY P. PETERE, LPT, Ed. D., Ph.D.-Hum, Ph.D., FRIEdr

Dean of Academic Affairs

INAPRUBAHAN NI:

SHERIDAN EDMUNDO ALEXANDER S. SEMILLA

School President

ii
 PASASALAMAT

Lubos ang pasasalamat ng mga mananaliksik sa mga taong naging

bahagi ng pananaliksik na ito; sa mga taong nagsilbing gabay, nagbigay ng

suporta at naging motibasyon upang matapos ito nang may kaayusan.

Una, sa ating Panginoon, na nagbuhos ng biyaya ng karunungan ng mga

mananaliksik ng pag-aaral na ito. Maging sa aspetong pisikal, mental, at

emosyonal upang matapos ang pananaliksik na ito.

Ikalawa, kayna Anneca L. Mendez, at Marianne L. Manalo na nagsilbing

katuwang sa lahat ng pagsubok na kinaharap habang isinagawa ang

pananaliksik na kanilang nabuo. Bahagi sila ng katagumpayang ito.

Ikatlo, kay Bb. Jean Rose S. Manlises, ang nagsilbing gurong tagapayo ng

mga mananaliksik. Ang gurong nagtanim ng karunungan at nagsilbing gabay

mula sa simula ng pagsasagawa ng pananaliksik na ito.

Ikalima, kina Bb. Rizza Nabus, G. Ryan Florecondia, at Dr. Junrey P.

Petere, at Gng. Mary Day Bayeta, ang mga gurong naging kabahagi sa panahon

ng pagdedepensa ng naturang pananaliksik. Ang mga gurong nagbigay ng

kanilang mga komento at suhestiyon upang maitama ang mga pagkakamali at

maging maayos ang daloy ng bawat bahagi ng pananaliksik na ito.

Ikaanim, sa pamunuan ng EMA EMITS College Philippines, sa

pangunguna ni G. Edgar Salendrez, na nagbigay ng pahintulot na maisagawa

ang pagsasagawa ng pananaliksik na ito sa naturang paaralan.

A.L.M

iii
 PASASALAMAT

Ibinibigay ng mga mananaliksik ang kanilang lubusang pagpapasalamat

sa mga taong nasa likod ng pag-aaral na ito. Mga taong gumabay, sumuporta, at

nagbigay ng karunungan para sa katuparan ng pananaliksik na ito.

Sa panginoon na nagbigay ng karunungan at nag-ingat sa mga

mananaliksik habang isinasakatuparan ang pag-aaral na ito. Ang nagbigay ng

suportang sa aming kalusugang mental, pisikal, at moral.

Sa mga taong naging kaagapay sa pagsagawa ng pananaliksik na ito,

Ahlea L. Mendez at Marianne L. Manalo. Sila ang naging katuwang sa pag-

aasikaso ng mga kinakailangang iwasto at palawakin sa pag-aaral na ito.

Sa taong nagsilbing gurong tagapayo, Bb. Jean Rose S. Manlises, ang

nagbigay ng lubusang pang-unawa at karunungan sa manananaliksik. Ang

gurong nasa likod ng pagwawasto sa mga dapat paunlarin sa pananaliksik na ito.

Ang mga mananaliksik ay lubos din ang pasasalamat kina Bb. Rizza

Nabus, G. Ryan Florecondia, at Dr. Junrey P. Petere, at Gng. Mary Day Bayeta,

ang mga gurong naging kabahagi sa panahon ng pagdedepensa ng naturang

pananaliksik. Ang mga gurong nagbahagi ng kanilang mga suhestiyon at

komento para sa mas ikagaganda ng pag-aaral na ito.

Ikahuli, sa pamunuan ng EMA EMITS College Philippines, sa pangunguna

ni G. Edgar Salendrez, na nagbigay ng pahintulot na maisagawa ang
pagsasagawa ng pananaliksik na ito sa naturang paaralan.

A.L.M

iv
 PASASALAMAT

Taos pusong pasasalamat ang aking pinaaabot para sa mga taong naging

inspirasyon, at mga naging bahagi ng pananaliksik na ito. Una sa lahat

nagpapasalamat ako sa Poong Maykapal na siyang nagbigay ng tatag,

kaalaman, at lakas upang maisagawa namin ang pag-aaral na ito.

Sa aking mga naging katuwang sa pagbuo ng pag-aaral na ito na sina

Ahlea L. Mendez at Anneca L. Mendez. Ang mga taong naging katulong sa mga

kinakailangang iwasto at paunlarin pa para sa mas ikakaayos ng pag-aaral na

ito.

Nagpapasalamat din ako sa aming gurong tagapayo na si Bb. Jean Rose

S. Manlises sa walang sawang pag-unawa at pagbibigay sa amin ng mga

suhestiyon na kinakailangan upang mas maisaayos ang mga pagkakasunod-

sunod ng mga ideya sa pananaliksik na ito.

Gayundin, kayna Bb. Rizza Nabus, G. Ryan Florecondia, at Dr. Junrey P.

Petere, at Gng. Mary Day Bayeta na nagtulong-tulong sa pagbibigay ng kanilang

mga komento at ideya kung paano mas pagagandahin ang inasagawang pag-

aaral.

Ikahuli, sa pamunuan ng EMA EMITS College Philippines, sa pangunguna

ni G. Edgar Salendrez, na nagbigay ng pahintulot na maisagawa ang

pagsasagawa ng pananaliksik na ito sa naturang paaralan.

M.J.L.M

v
 PAGHAHANDOG

Ang pananaliksik na ito’y buong pusong inihahandog sa kaniyang magulang na

sina Gng. Edna L. Mendez at sa kaniyang ama na si G. Emmanuel M. Mendez

na nagbigay ng suportang pinansiyal na kinakailangan habang isinasagawa

ang pag-aaral na ito, sa kaniyang mga kapatid, kay Lemon Jake Baras

na sa kaniya ay nagbigay ng suportang moral, mga kapwa

mag-aaral na nagbigay ng kanilang mga suporta, dahilan

upang mas magkaroon siya ng motibasyong isagawa

ang pananaliksik na ito. Inihahandog din

ito para sa mga guro upang mabatid

nila ang mga salik na nakakaapekto

sa sikolohikal na kalagayan ng

kanilang mga mag-aaral na

nagreresulta sa antas ng

kanilang akademikong

pagganap.

A.L.M

vi
 PAGHAHANDOG

Inihahandog ng mananaliksik ang pag-aaral na ito sa mga taong sumuporta’t

gumabay para sa isasakatuparan ng pag-aaral na ito. Ganoon din naman

sa kaniyang magulang na sina Gng. Edna L. Mendez at G. Emmanuel

M. Mendez na nagbibigay ng suportang pangpinansyal at moral.

Iniaalay din ito maging sa kaniyang mga kaibigan, kapatid,

kapwa mag-aaral at sa kaniyang guro na nagbigay ng

suporta ayon sa kanilang makakaya. Sa tulong nila,

naging matagumpay ang pagsasagawa ng pag-

aaral na ito. Matagumpay ring natukoy ang

kaugnayan ng sikolohikal na kapaigiran

sa loob ng tahanan at ang antas ng

akademikong pagganap ng mga

mag-aaral sa naturang

paaralan.

A.L.M

vii
 PAGHAHANDOG

Buong puso at pagmamahal na inihahandog ng mga manananaliksik ang

pag-aaral na ito sa kaniyang mga magulang na sina G. Jenny Manalo at

G. Mariano Manalo, sa kaniyang mga kapatid, at lalo na kayna

Anneca L. Mendez at Ahlea L. Mendez na kaniyang mga

naging katuwang sa pagbuo ng pananaliksik na ito.

Inihahandog din ang isinagawang pag-aaral na

ito sa mga guro upang mas mabigyan ng

pansin ang kaugnayan ng sikolohikal

na kapaligiran sa tahanan at antas

ng akademikong pagganap ng

mga mag-aaral sa naturang

paaralan. Nang sa gayon,

mas makamit nila ang

epektinong pagkatuto

sa ilalim ng modyular

na pagdulog.

M.J.L.M

viii
 ABSTRAK

Mahalaga para sa isang indibidwal ang pagkakaroon ng maayos na

kalagayang sikolohikal sapagkat dito nagmumula ang lebel ng kaniyang interes

at motibasyon sa kaniyang mga pang-araw-araw na gawain. Kung kaya’t ang

isang mag-aaral ay napakahalagang magkaroon ng ganitong uri ng sikolohikal

na kalagayan sa tahanan na kung saan inaasahang mahubog ang kaniyang

pagkatuto mula sa nakasanayang silid-aralan. Ang maayos na kalagayang

sikolohikal na ito ang magtutulak upang magkaroon ng mas kaaya-ayang

akademikong pagganap ang mga mag-aaral sa ilalim ng modyular na pagdulog.

Ang layunin ng pananaliksik na ito ay matukoy ang kaugnayan ng

sikolokihal na kapaligiran sa tahanan at antas ng akademikong pagganap ng

mga mag-aaral. Ang isinagawang pag-aaral ay gumamit ng palarawan at

korelasyunal na pamamaraan sa 118 na piling mag-aaral mula sa ikawalong

baitang sa EMA EMITS College Philippines na pinili at natukoy gamit ang

proportional stratified random sampling at slovin’s formula. Gumamit ng sarbey-

kwestyuner ang mga mananaliksik upang makalap ang lahat ng kinakailangang

datos mula sa mga mag-aaral. Binigyang kahulugan naman ito gamit ang mga

kagamitang estadistika na Weighted Arithmetic Mean at Pearson's Product-

Moment Correlation. Batay sa lumabas na resulta, ang sikolohikal na kapaligiran

sa tahanan at antas ng akademikong pagganap ng mga mag-aaral ay mayroong

mataas na kaugnayan dahilan upang makamit nila ang katamtamang kahusayan

mula sa kanilang kabuuang marka sa unang markahan. Kung kaya’t hinihikayat

ng mga mananaliksik ang bawat pamilya at magulang ng mga ito na ipagpatuloy

ix
ang ibinibigay na suporta tungo sa mas mahusay na akademikong pagganap ng

kanilang mga anak. Maging ang mga mag-aaral ay nararapat pa ring ipagpatuloy

ang masusing pagbabasa ng mga aralin at lubos na unawain ang mga nilalaman

sa modyul nang sa gayon ay mas makamit ng mga ito ang napakahusay na

akademikong pagganap.

Mga Susing Salita:

Suporta ng pamilya, antas ng akademikong pagganap, sikolohikal na kalagayan.

x
 TALAAN NG NILALAMAN

Pahina
Pamagat……………………………………………………………………….. i

Dahon ng Pagpapatibay……………………………………………………… ii

Pasasalamat…………………………………………………………………… iii

Paghahandog………………………………………………………………….. vi

Abstrak………………………………………………………………………..... ix

Talaan ng Nilalaman………………………………………………………….. xi

Talaan ng Talahanayan…………………………………………………........ xiii

Talaan ng Pigura……………………………………………………………… xiv

Talaan ng Apendiks…………………………………………………………… xv

KABANATA I: PANIMULA

Ang Suliranin at Kaligiran ng Pag-aaral……………………………. 1

Paglalahad ng Suliranin……………………………………………… 8

Paglalahad ng Haypotesis…………………………………………… 8

Kahalagahan ng Pag-aaral………………………………………….. 9

Saklaw at Delimitasyon ng Pag-aaral………………………………. 11

Kahulugan ng mga Talakay…………………………………………. 11

Sanligang Teyoretikal………………………………………………… 12

Balangkas Konseptuwal……………………………………………… 15

KABANATA II: KAUGNAY NA LITERATURA AT PAG-AARAL

Kaugnay na Literatura………………………………………………... 17
Kaugnay na Pag-aaral ………………………………………………. 24

xi
KABANATA III: PAMAMARAAN NG PANANALIKSIK
Disenyo ng Pananaliksik……………………………………………... 33
Lugar ng Pananaliksik………………………………………………... 34
Mga Respondente…………………………………………………….. 34
Sampling Technique…………………………………………………. 34
Instrumento ng Pananaliksik………………………………………… 35
Skeyling at Kwantipikasyon………………………………………….. 36
Katumpakan ng Instrumento………………………………………… 37
Reliability of the Research Instrument……………………………… 37
Pamamaraan ng Pangangalap ng Datos…………………………... 38
Kagamitang Pang-estadistika……………………………………….. 39

Kabanata IV: PRESENTASYON, ANALISIS AT INTERPRETASYON

NG MGA DATOS……………………………………………………………... 41

Kabanata V: LAGOM, KONKLUSYON, AT REKOMENDASYON

Lagom…………………………………………………………………... 48
Konklusyon…………………………………………………………….. 49
Rekomendasyon………………………………………………………. 50

TALASANGGUNIAN

A. Mga Aklat………………………………………………………………. 52
B. Mga Dyornal, Peryodikal at Iba Pang Batayan…………………….. 52
C. Elektronikong Batayan……………………………………………….. 53
D. Tesis at Desirtasyon………………………………………………….. 54

APENDIKS…………………………………………………………………….. 56

Pansariling Tala…………………………………………………………… 62

xii
 TALAAN NG TALAHANAYAN

Talahanayan Pamagat Pahina

A Pagahahati-hati ng mga Respondente.…………………... 34

B Skeyling na ginamit sa pagbatid ng Sikolohikal na

Kapaligiran sa Tahanan.……………………………………. 36

C Skeyling na Ginamit sa Pagkuha sa Antas ng

Akademikong Pagganap ng mga Mag-aaral.……………. 37

D Resulta ng Kahusayan ng Instrumento.………………….. 38

1 Mean Perception ng mga respondenteng mag-aaral

hinggil sa nakukuhang suporta mula sa kanilang mga

pamilya.………………………………………………………. 41

2 Antas ng Akademikong Pagganap ng mga mag-aaral sa

ikawalong baitang…………………………………………… 44

3 Kaugnayan ng Sikolohikal na Kapaligiran sa tahanan at

Antas ng Akademikong Pagganap ng mga Mag-aaral ng

EMA EMITS College Philippines.………………………….. 46

xiii
 TALAAN NG PIGURA

Pigura Paksa Pahina

1 Balangkas Konseptuwal 15

xiv
 TALAAN NG APENDIKS

APENDIKS PAMAGAT PAHINA

A. Liham Pahintulot 56
B. Talatanungan 57
C. Talahanayan 59
D. Analisis ng Korelasyon 61

xv
 1

Kabanata 1

PANIMULA

Ang Suliranin at Kaligiran ng Pag-aaral

Ang edukasyon o pagtuturo ay proseso ng pagpapadali ng pagkatuto, o

pagtatamo ng kaalaman, kasanayan, prinsipyo, moralidad, paniniwala at

paggawi. Madalas na nagaganap ang edukasyon sa patnubay ng mga edukador,

subalit ngayong ang bansa ay humaharap sa mga hamon ng pandemya, ang

mga mag-aaral ay sumailalim sa makabagong paraan ng pagtuturo. Sa pag-

uumpisa ng taong 2020, nagkaroon ng malaking pagbabagong naganap naman

sa sistema ng edukasyon ng ating bansa. Ang mga paaralan ay sumailalim sa

iba’t ibang pamamaraan upang maipagpatuloy ang pag-aaral ng mga mag-aaral

sa kabila ng pagsubok na dulot ng pandemya.

Buwan ng Marso taong 2020 nang magsimulang isulong ang hard

lockdown sa Pilipinas dulot ng coronavirus disease (COVID-19), ito ay uri ng

sakit na maaaring kumalat sa pamamagitan ng interaksyon na nagaganap sa

pagitan ng mga tao. Dito nag-umpisang magbago ang lahat, pati ang

nakasanayang pamumuhay ng mga tao ay lubos na naapektuhan. Sumulpot din

ang kaliwa’t kanang panuntunan at mga regulasyon. Maging ang pagpasok sa

paaralan ay kinakailangang ipagpaliban bilang pag-iingat sa mga guro, mag-

aaral at iba pang mga kawani nito. Nariyan ang alituntuning kailangang sundin

kung kaya’t ang Departamento ng Edukasyon ay umisip ng mga kaparaanang

makapagpapatuloy sa isang mag-aaral na mag-aral at tupdin ang hangarin sa

 2

kabila ng matinding pagsubok na dulot ng pandemya. Dito sinubok ang

kakayahan ng mga guro, estudyante, lalo’t higit ng mga magulang at iba pang

kasapi sa loob ng tahanan.

Ang bawat paaralan ay nagkaroon ng kalayaang pumili ng estilo ng

pagtuturo na naaangkop sa mga kakayanan ng mga mag-aaral, paaralan, at

lipunang kaniyang kinasasakupan. Ang estilong ito ay kailangang hindi lumabag

sa patakarang inilabas ng pamahalaan. Batay sa isinagawang pagsusuri, ang

modular distance learning ang naging estilo ng pagdulog sa mga mag-aaral ng

EMA EMITS College Philippines. Ito ay ibinatay sa kakayahan ng mga mag-aaral

na gumanap sa ganitong klase ng pagdulog, kakayahan ng lipunang kanilang

kinasasakupan, kakayahan ng mga guro maging ng paaralan, at mga

kagamitang makapagbibigay suporta para sa katuparan ng akademikong

layunin. Sa ganitong paraan ng pagtuturo, ang mga aralin at gawain ay

nakaimprinta at ang tahanan ang nagsilbing kanilang silid-aralan dahilan para

bigyang pansin ang sikolohikal na kalagayan nito. Ayon kay Kendra Cherry, ang

sikolohikal ay tumutukoy sa pag-aaral sa kalagayan isip at pag-uugali ng isang

tao. Saklaw nito ang pag-aaral ukol sa kakayahan ng kapaligiran na

maimpluwensiyahan ang isip, kilos at nararamdaman ng isang tao. Kaya,

tinitingnan ng mga mananaliksik ang kaugnayan ng bawat pamilya sa estado ng

sikolohikal na kapaligiran ng kanilang tahanan.

Ayon kay Mary Mitzi Cjayon-Uy, bukod sa physical health, may epekto rin

ang pandemya sa mental at psychosocial health ng mga bata. Ayon sa kaniya,

41 porsyento ng mga bata ang nagsabing umiiral ang pisikal at sikolohikal na

 3

pamamaraan ng parusa sa kanilang mga tahanan. Kung kaya’t pinapayo ng

National Center for Mental Health sa mga magulang o guardian na pakinggan

ang kanilang mga anak at hayaan silang maglabas ng kanilang mga saloobin.

Ayon din sa kaniya, 52.7 porsyento ng mga kabataan naman ang may

pangambang magambala ang kanilang pag-aaral. Isa ito sa nakikitang dahilan

ng mga mananaliksik upang bigyang pansin ang sikolohikal na kalagayan sa

tahanan ng mga mag-aaral. Higit na nangangailangan ang mga bata ng suporta

at paggabay na manggagaling sa kani-kanilang pamilya upang magkaroon sila

na maayos na sikolohikal na kalagayan.

Bagama’t ayon kay Ambayon (2020) ang mga mag-aaral ay natututo sa

kanilang sariling hakbang o pamamaraan. Ito ay lubos na makakatulong sa mga

mag-aaral upang mabigyan ng pagkakataong sagutan ang mga gawain nang

naaayon sa kaniyang sariling paraan ngunit ito ay hindi nangangahulugan na

hindi na sila nangangailangan ng anumang tulong o gabay mula sa mga

magulang o guardian nito, pagbibigay diin ni Dr. Capa (2020). Higit na nagiging

aktibo ang pagganap ng mga mag-aaral kung ang lugar kung saan sila

matatagpuan ay taglay ang positibong sikolohikal na kapaligiran. Maaaring

makamit ang positibong kapaligiran sa loob ng tahanan kung ang mga mag-aaral

ay nakakaramdam o nakatatanggap ng pagsuporta o paggabay mula sa

kaniyang mga magulang at ibang kasapi sa loob ng tahanan ay nakakaapekto rin

sa kanilang sikolohikal sa aspeto. Ang suporta na nagmumula sa bawat pamilya

ng mga mag-aaral ay mayroong malaking implikasyon sa kanilang paraan ng

pagtugon sa mga aralin at gawain. Maaaring ang mga mag-aaral na palagiang

 4

nakatatanggap ng suporta mula sa kanilang pamilya ay magkamit ng mataas na

antas ng akademikong pagganap. Samantala, ang mga mag-aaral naman na

hindi nakatatanggap ng suporta mula sa kanilang pamilya ay magkaroon ng

negatibong pagtugon sa kaniyang pag-aaral na magreresulta naman sa

pagkakaroon ng mababang akademikong pagganap. Ang mga miyembro sa loob

ng tahanan ang higit na mayroong kakayahang gumabay at magbigay ng

kinakailangang suporta sa mga mag-aaral lalo na kapag sila ay nasa proseso ng

kanilang pagkatuto. Mahalaga na mayroong tumutugon sa kanilang mga

katanungan at nagbibigay ng kanilang mga kinakailangang tulong. Ang kawalan

din ng personal na interaksyon ng mga mag-aaral sa kanilang mga guro ang mas

nagtulak sa mga ito upang kailanganin nila ang suporta ng kanilang mga

magulang o guardian at mga kapatid.

Hindi biro ang dinulot ng pandemyang ito lalo na sa mga mag-aaral kung

kaya’t malaking tulong na para sa kanila ang magkaroon sila ng positibong

sikolohikal na kapaligiran sa loob ng tahanan. Ang pagkakaroon ng maayos na

kalagayang sikolohikal ay nakakaaapekto sa halos lahat ng aspeto ng kanilang

buhay bilang isang mag-aaral. Mayroon itong malaking kaugnayan sa estado ng

kanilang mental na kalagayan. Ang mga mag-aaral mula sa ikawalong baitang sa

EMA EMITS College Philippines ay maingat na pinili ng mga mananaliksik upang

maging respondente para sa pananaliksik na ito. Mula sa sekondarya, ang mga

mag-aaral mula sa ikawalong baitang ang lubos na naging apektado ng

pandemya dahil sila ang may pinakamurang edad na nakaranas ng halos

dalawang taon nang pandemya. Higit silang nangangailangan ng gabay mula sa

 5

kanilang mga magulang at guro bilang sila ay nag-uumpisa pa lamang sa mas

mataas ng lebel ng edukasyon. Ayon sa Centers for Disease Control and

Prevention, ang mga batang nasa edad 12-14 anyos ay madaling makaranas ng

tension o stress na dulot ng mabibigat na gawain sa paaralan. Ang mga nasa

ganitong edad din ay madaling makaranas ng depresyon na maaaring

makaapekto sa kanilang pag-aaral. Kabilang din sa pagbabagong nagaganap sa

mga batang kasalukuyang nasa ganitong edad ay ang paraan ng kanilang

pagpapahayag ng kanilang nararamdaman. Madalas nilang ipahayag ito sa

pamamagitan ng pakikipag-usap sa mga taong nakapaligid sa kanila.

Pinapatunayan lamang ng pahayag na ito na mahalaga noon pa man at higit

ngayong panahon ng pandemya ang magkaroon ng maayos na relasyon ang

mga mag-aaral sa kanilang pamilya. Kailangang magampanan ng bawat pamilya

ang puwang na hindi kayang mapunan sa ngayon ng kanilang guro at mga

kamag-aral dulot ng kawalan nila ng personal na interaksyon sa mga ito.

Higit na nasubok ang papel na ginagampanan ng isang magulang at iba

pang kasapi sa loob ng tahanan sapagkat sila ang nagsilbing guro na gagabay

sa kanilang mga anak. Naging pagsubok para sa kanila ang ganitong estilo ng

pag-aaral ng kanilang mga anak dahil nakasanayan na nila na ang mga guro ang

gumagawa ng bagay na ito. Higit na kailangan ng mga mag-aaral ang suporta ng

kaniyang mga magulang at iba pang kasapi sa loob ng tahanan dahil sila ang

mayroong kakayahan na tumulong at gumabay sa mga ito. Bilang magulang,

malaki ang kanilang impluwensiya sa mga saloobin ng inyong mga anak tungo

sa pag-aaral sa paaralan at tagumpay sa hinaharap. Kapag nakikisangkot kayo

 6

sa pag-aaral ng iyong mga anak mula sa kindergarten hanggang mataas na

paaralan, pinagkakalooban mo sila ng mahalagang panimula, sa paaralan at sa

buhay (Ontario 2013). Sa kasalukuyan, higit na napatutunayan ng mahalagang

kaugnayan ng suporta na nanggaling sa pamilya sa pag-aaral ng isang mag-

aaral bilang sila ang pangunahing indibidwal na kanilang nakakasama. Binanggit

ni Rothman (2011), sa kaniyang pahayag na ang tagumpay ng mga anak ay

nakasalalay sa pagsuporta ng mga magulang. Malaking porsyento ng

katagumpayan ng mga ito ay nagmumula sa kanilang suporta. Mas pinapaalab

ng suportang nito ang kagustuhan ng mga mag-aaral na matuto at magtamo ng

mga karangalang pang-akademiko ngayong panahon ng pandemya. Bilang sila

ang katuwang at kasa-kasama ng mga mag-aaral sa loob ng tahanan, nasa sa

kanilang mga kamay ang pagpapalago ng interes ng mga ito para sa

pagsasakatuparan ng lahat ng kanilang mga aktibidad.

Ang mga mag-aaral ay nangangailangan ng paggabay ng kanilang mga

magulang o iba pang miyembro ng tahanan habang nasa proseso ng kanilang

pagkatuto. Mayroong mga bahagi ng aralin na kinakailangan ng malalim na

pang-unawa at inaasahan ang kanilang paggabay sa pagsagawa nito. Mahalaga

na mayroong tumutugon sa kanilang mga katanungan upang higit na maging

mas malinaw para sa kanila ang nilalaman ng aralin. Ang mga aktibidad na

nakasaad sa modyul ay mayroong kaugnayan sa mga nilalaman nito, kung

kaya’t mahalaga ang kanilang wastong pag-unawa. Kinakailangan ding bigyang

pansin ng mga magulang ang mga akademikong pangangailangan ng kanilang

mga anak bilang pagpapakita ng kanilang suporta. Kabilang dito ang pagbibigay
 7

ng mga materyales sa pagbuo ng isang proyekto at pangangalap ng mga

kagamitan na kanilang kinakailangan sa mga aktibidad na nakasaad sa modyul.

Bilang resulta, maiuugnay ang ganitong uri ng suporta sa pagtaas ng

kanilang kabuuang marka. Maaari rin namang ang mga mag-aaral na hindi

nakatatanggap ng inaasahang suporta ay maaaring hindi makakuha ng maayos

na marka. Pinatutunayan lamang na ang kanilang akademikong pagganap ay

may mahalagang kaugnayan sa suportang nagmumula sa mga magulang o

ibang kasapi sa tahanan ng isang mag-aaral.

Ang mga salik na nabanggit ang nagtulak sa mga manananaliksik na

isagawa ang pag-aaral na ito. Nais nilang malaman kung ang mga mag-aaral

mula sa ikawalong baitang ay mayroon bang maayos na sikolohikal na

kalagayan sa kanilang tahanan at ang kaugnayan nito sa kanilang natamong

kabuuang marka. Ito rin ay upang bigyang-pansin ang kahalagahan ng kanilang

sikolohikal na aspeto bilang mga pinakabatang mag-aaral sa sekondarya na

sumailalim sa makabagong pagdulog taong 2020. Nababatid din ng mga

mananaliksik ang hirap na dulot ng makabagong pagdulog sapagkat ayon sa

kanilang personal na karanasan, kinakailangan nilang unawain nang mabuti ang

mga aralin sa modyul upang masagawa ang mga aktibidad at pagsusulit.

Mahalaga para sa kanila na mayroong tumutugon sa kanilang katanungan para

sa ikatatamo ng kanilang pagkatuto. Maging ang mga mananaliksik ay lubos na

naapektuhan ng pandemya at nangailangan ng sikolohikal na paggabay mula sa

kani-kanilang pamilya. Kanila ring nababatid ang mga naidudulot ng pagbibigay

ng isang maayos na sikolohikal na kalagayan para sa isang mag-aaral. Masasabi

 8

ng mga mananaliksik na malaking bahagi ang suporta ng pamilya para sa

pagtatamo ng kanilang kabuuang marka.

Paglalahad ng Suliranin

Ang pag-aaral na ito ay may layon na tukuyin ang kaugnayan ng

sikolohikal na kapaligiran sa antas ng akademikong pagganap ng mga mag-aaral

sa ikawalong baitang sa EMA EMITS College Philippines.

Ang pag-aaral na ito ay sinagutan ang mga sumusunod na mga

katanungan:

1. Ano ang pananaw ng mga mag-aaral tungkol sa kalagayan ng kanilang

natatanggap na tulong sikolohikal na kapaligiran sa tahanan batay sa

suporta ng pamilya?

2. Ano ang antas ng akademikong pagganap ng mga mag-aaral mula sa

ikawalong baitang sa EMA EMITS College Philippines?

3. May mahalaga bang kaugnayan ang kalagayan ng sikolohikal na

kapaligiran sa loob ng tahanan sa antas ng akademikong pagganap ng

mga mag-aaral sa EMA EMITS College Philippines.

Paglalahad ng Haypotesis

Walang mahalagang kaugnayan ang kalagayan ng sikolohikal na

kapaligiran sa tahanan sa antas ng akademikong pagganap ng mga mag-aaral.

 9

Kahalagahan ng Pag-aaral

Ang pag-aaral na ito ay magbibigay ng mga benepisyo sa iba’t ibang

sektor ng institusyong ito sa pamamagitan ng paglalatag ng mga impormasyon

batay sa resulta ng pag-aaral tungkol sa kaugnayan ng kalagayang sikolohikal

na kapaligiran sa loob ng tahanan sa antas ng pagganap ng mga mag-aaral sa

ikawalong baitang sa EMA EMITS College Philippines sa taong panuruan 2020-

2021.

Tagapangasiwa ng Paaralan. Ang pag-aaral na ito ay magiging kapaki-

pakinabang para sa mga tagapangasiwa ng paaralan sa paraang matutukoy nila

ang kaugnayan ng kalagayang sikolohikal na kapaligiran sa loob ng tahanan sa

antas ng pagganap ng mga mag-aaral. Maliban pa rito, kanila ring mahihinuha

ang mga maaaring maging dulot ng hindi pagkakaroon ng isang maayos na

sikolohikal na kapaligiran. Sa paarang ito, maaaring magkaroon ng pagpupulong

o seminar ang mga guro ukol sa paraan kung paano masosolusyunan ang mga

salik na ito upang higit na maging epektibo ang kanilang pag-aaral sa ilalim ng

modular approach.

Mga Guro. Makatutulong ang pag-aaral na ito sa mga guro upang

matukoy kung mayroon bang mahalagang kaugnayan ang suporta ng pamilya sa

antas ng pagganap ng kaniyang mga mag-aaral. Ang mga guro ay maaaring

magsagawa ng pagpupulong para sa mga magulang hinggil sa kanilang

responsibilidad at limitasyon sa pag-aaral ng kanilang mga anak. Sa

pagpupulong na ito, tatalakayin ang mga uri ng suporta na maaaring ibigay sa

mga mag-aaral katulad ng paggabay sa mga ito sa pag-unawa ng aralin,

 10

pagtugon sa akademikong pangangailangan, at pagtulong sa paggawa ng mga

proyekto. Sa tulong din ng pag-aaral na ito, mababatid ng mga guro ang

kahalagahan ng magulang bilang kanilang katuwang tungo sa pagkatuto ng mga

mag-aaral.

Mga Mag-aaral. Sa tulong ng pag-aaral na ito, mababatid nila ang

kaugnayan ng sikolohikal na kapaligiran sa loob ng tahanan sa kanilang antas ng

akademikong pagganap. Kanila ring masusuri ang kanilang mga sarili hinggil sa

minsang pagbaba o pagtaas ng kanilang mga marka. Ang pag-aaral na ito ay

magbibigay linaw rin sa mga mag-aaral sa mga salik na may malaking

kaugnayan sa kanilang akademikong usapin.

Mga Magulang. Ang pag-aaral na ito ay makatutulong sa mga magulang

ng mga mag-aaral upang mabatid ang kahalagahan ng kanilang suporta at kung

paano ito nakakaapekto sa akademikong pagganap ng kanilang mga anak.

Mababatid nila ang mga dahilan kung bakit ang kanilang mga anak ay mayroong

ganoong antas ng akademikong pagganap. Kanila ring masusuri ang kanilang

mga sarili ukol sa lebel ng suportang kanilang ibinibigay sa kanilang mga anak.

Sa tulong nito, mababatid nila ang mga pamamaraan na kinakailangang gawin

upang mas maipakita ang kanilang suporta lalo na ngayong namamalagi ang

mga ito sa tahanan sa ilalim ng kanilang pangangalaga at paggabay ngayong

modular class.

Mga Mananaliksik sa Hinaharap. Ang pag-aaral na ito ay magsisilbing

gabay at maaaring mapagkunan ng mga impormasyon para sa isinasagawang

 11

pag-aaral na may kaugnayan dito. Maaaring makapagbigay rin ito ng dagdag

impormasyong makapagpapaunlad at makapagpapalawak sa isang pag-aaral.

Saklaw at Delimitasyon ng Pag-aaral

Ang saklaw ng pag-aaral na ito ay malaman ang kaugnayan ng sikolohikal

na kapaligiran sa loob ng tahanan batay sa suporta ng mga pamilya at ang antas

ng akademikong pagganap o ang kabuuang grado para sa unang markahan ng

isang daan at labinwalong (118) mga mag-aaral sa ikawalong baitang sa EMA

EMITS College Philippines sa taong panuruan 2021-2022.

Kahulugan ng mga Talakay

Upang magkaroon ng mas malinaw na pang-unawa tungkol sa mga

pahayag na nabanggit sa pag-aaral na ito, narito ang mga kahulugan ng mga

terminolohiya na tinukoy batay sa pagkakagamit sa pag-aaral na ito.

Akademikong pagganap. Ito ay tumutukoy sa kaalamang nakukuha o

kakayahang napapaunlad sa mga asignatura sa paaralan, kadalasang idinisenyo

sa pamamagitan ng iskor sa pagsusulit, ng puntos galing sa guro o sa

pamamagitan ng parehong mga ito (Sarmoy, 2014). Sa pag-aaral na ito, ang

akademikong pagganap ay tumutukoy sa nakuhang marka ng mga mag-aaral sa

unang markahan sa lahat ng asignatura.

Modular Distance Learning. Ito ay isang napapanahong paraan ng pag-

aaral na kung saan ang mga aralin ay nakaimprinta sa papel at sinasagutan ito
 12

ng mga mag-aaral sa kanilang tahanan. Sa ganitong paraan ay hindi na

kinakailangang pumunta ng mag-aaral sa paaralan o kolehiyo (Stafford et.al

2020). Ang modular distance learning ay ginamit sa pag-aaral na ito bilang isang

makabagong pagdulog para sa pagtuturo at pagkatuto ng mga mag-aaral

ngayong panahon ng pandemya.

Sikolohikal na kapaligiran. Ito ay tumutukoy sa kung paano ang

kapaligiran ay nakakaapekto sa isip, kilos, at nararamdaman ng isang tao, Young

(1999). Sa pag-aaral na ito, ito ay nakapokus sa kalagayang sikolohikal sa loob

ng tahanan kung saan namamalagi ang mga mag-aaral habang nagsasagot ng

mga aktibidad sa modyul. Ang kalagayan nito ay maibabatay sa suportang

ipinapakita ng mga magulang o iba pang kasapi sa tahanan ng isang mag-aaral.

Maituturing din ito bilang salik na nakakaapekto sa antas ng kanilang

akademikong pagganap.

Suporta ng mga Magulang. Ito ay tumutukoy sa tulong na ibinibigay ng

mga magulang sa mga mag-aaral sa pamamagitan ng pagtugon sa mga

pangangailangan nito at paggabay habang nasa proseso sila ng kanilang

pagkatuto.

Sanligang Teyoretikal

Pinili ang mga teorya bilang batayan ng mananaliksik sapagkat may

mahalaga itong kaugnayan sa pag-aaral tungkol sa kaugnayan ng sikolohikal na

kapaligiran sa tahanan sa akademikong pagganap ng mga mag-aaral.

 13

Maiuugnay ng mga mananaliksik ang pag-aaral na ito sa Parental

Development Theory na isang teorya tungkol sa pananaw ng isang indibidwal

ukol sa papel na ginagampanan ng isang tao bilang isang magulang. Sa

teoryang ito inaasahang nagbabago at mas nabubuo ang pananaw ng isang

magulang ukol sa kaniyang papel na ginagampanan sa buhay ng kaniyang anak

habang ito ay lumalaki. Nabanggit din sa teoryang ito na mas nagiging malaki

ang gampanin ng isang magulang sa oras na humaharap ang kaniyang anak sa

isang mahirap na sitwasyon. Sa puntong iyon, nararapat na maging malinaw

para sa mga magulang ang mga suportang dapat na aasahan mula sa kanila.

Maiuugnay ito sa isinagawang pananaliksik dahil sa pag-usbong ng

pandemya, isang malaking pagsubok din ang ikinakaharap ng mga mag-aaral

dahil sa nakakapanibagong paraan ng pagtuturo at pagkatuto na kung saan sila

ang inaasahang umunawa ng mga aralin sa modyul. Sa puntong ito, inaasahan

na ang mga magulang ang pansamantalang papalit sa ilan sa mga

responsibilidad ng mga guro. Sila ang aasahang aagapay at magtatama sa mga

maling pang-unawa ng mga ito sa aralin. Ang pag-agapay na ito ay maituturing

bilang suporta ng isang magulang sa kaniyang anak na nagbubunga ng isang

maayos na sikolohikal na kalagayan sa tahanan.

Samantala, naiuugnay naman dito ang Teoryang Behaviorist na patungkol

sa ugnayan sa pagitan ng mga tao bilang salik na nakakaapekto sa pag-uugali

ng isang mag-aaral tungo sa kaniyang pag-aaral. Kapag ang magulang o

pamilya na kasapi ng mga ito sa tahanan ay walang malinaw na pananaw ukol

sa kanilang mahalagang gampanin sa pagkatuto ng kanilang mga anak at hindi

 14

nagkakaroon ng bukas na ugnayan sa pagitan ng mga ito, maaari itong

magkaroon ng epekto sa interes ng isang mag-aaral na matuto. Binibigyang-diin

din ng teoryang ito na ang nabuong ugnayan sa pagitan ng mag-aaral at

magulang, positibo man o negatibo ay siya ring magiging katumbas o resulta

nito. Ibig sabihin, malinaw na ipinaliwanag ng teoryang ito na ang isa sa

maaaring maging salik na nakakaapekto sa sikolohikal na kapaligiran sa loob ng

tahanan ay ang kalagayang sosyal sa pagitan ng mag-aaral at ng kaniyang

pamilya.

Maiuugnay rin naman sa isinagawang pag-aaral na ito ang teorya ni

Bronfenbrenner na pinamagatang “Bronfenbrenner’s Ecological Systems Theory”

na tumutukoy sa kaugnayan ng mga taong nakapaligid sa bata at ang pag-unlad

nito bilang isang indibwal. Para sa kaniya, ang kapaligiran ay mayroong limang

lebel, ito ay ang microsystem, mesosystem, exosystem, macrosystem, at

chronosystem. Sa unang lebel nabibilang ang mga taong direktang

nakakasalamuha ng isang bata, isa rito ay ang kanilang mga pamilya. Ibig

sabihin, pinatutunayan lamang ng teoryang ito na walang ibang pangunahing

makakaapekto sa sikolohikal na kalagayan sa loob ng tahanan kundi ang

kanilang pamilya na nakakasama nila sa loob nito. Ibig sabihin, dapat magkaroon

ng bukas na komunikasyon o ugnayan ang mga mag-aaral at ang iba pang

kasapi ng tahanan. Dapat na magkaroon sila ng kamalayan ukol sa kalagayan

ng mga mag-aaral upang mabatid din nila ang mga pangangailangan ng mga ito.

Ang estado ng kanilang ugnayan ay maaaring mayroong kinalaman sa

kalagayan ng sikolohikal sa loob ng tahanan.

 15

Binibigyang tibay ng mga teoryang nabanggit ang isinagawang pag-aaral

sa paraang pagbibigay suporta sa mga binatawang pahayag sa pag-aaral dito.

Balangkas Konseptwal

Malayang Baryabol Di-Malayang Baryabol

Antas ng akademikong
Kalagayan ng sikolohikal na
pagganap ng mga mag-aaral
kapaligiran sa loob ng tahanan
mula sa ikawalong baitang sa
batay sa suporta ng pamilya
EMA EMITS College Philippines

Pigura 1. Balangkas Konseptwal

Ang Pigura 1 ay nagpapakita ng balangkas konseptwal ng pag-aaral. Ito

ay nagtataglay ng dalawang baryabol – ang malaya at di-malayang baryabol.

Sa pag-aaral na ito, ang naging malayang baryabol ng mga mananaliksik

ay ang kalagayan ng sikolohikal na kapaligiran sa loob ng tahanan batay sa

suporta ng pamilya. Ang di-malayang baryabol naman ay ang antas ng

akademikong pagganap ng mga mag-aaral.

Samantalang ang single headed arrow na nasa pagitan ng dalawang

baryabol ay kumakatawan sa nahinuhang kaugnayan ng kalagayan ng

 16

sikolohikal na kapaligiran sa loob ng tahanan sa antas ng akademikong

pangganap ng mga mag-aaral.

 17

Kabanata II

KAUGNAY NA LITERATURA AT PAG-AARAL

Ang kabanatang ito ay nagpapakita ng mga kaugnay na pag-aaral at

literatura na may kaugnayan sa suliranin ng pananaliksik upang magkaroon ng

higit na kalinawan at bisa ang kasalukuyang isinasagawang pag-aaral.

Ang mga ito ay magsisilbing pundasyon na susuporta sa mga pahayag na

matatagpuan sa kasalukuyang pananaliksik.

Kaugnay na Literatura

Ang isinagawang pag-aaral ng mga mananaliksik ay nangangailangan ng

mga literaturang magsisilbing batayan at magbibigay tibay sa mga ideya o

kaisipang binitawan ng mga ito. Ang mga datos na ito ay hango sa mga

nabasang akda at nahahati sa dalawang uri, ang banyaga at lokal.

Isang kompulsaryo sa magulang ang ipasok ang kanilang mga anak sa

sekondarya lalo na sa pagtungtong ng 13 taong gulang. Ang baitang na ito ay

pagpapaunlad sa kanilang abilidad at paghahasa sa kanilang mga natatagong

kakayahan. Malaki ang pagbabagong nagaganap sa isang mag-aaral kapag

tumuntong na sila ng sekondarya kung ikukumpara sa elementarya at isa na rito

ang pagiging sensitibo sa kaniyang paligid. Ang mga mag-aaral na nasa

ganitong lebel ay higit na nangangailangan ng suporta mula sa kanilang pamilya.

Sa hindi inaasahang pagkakataon, ang pag-usbong ng taong 2020 ang isa

sa hindi makakalimutang pangyayari sa kasaysayan ng mundo. Ang mga

 18

nakasanayan ng bawat indibidwal ay nabago’t naging limitado. Mayroong mga

regulasyon, panuntunan, at patakaran ang inilapat ng pamahalaan upang

maiwasan ang pagkalat ng sakit na siyang nagpahinto naman sa halos lahat ng

ahensiya ng gobyerno. Maging ang kompulsaryong pagpasok ng mga mag-aaral

sa eskwelahan ay ipinagpaliban kung kaya’t ang mga tahanan ng mga ito ang

nagsilbing silid-aralan. Ayon kina Magsambol, et. al., (2020) isang malaking isyu

sa gitna ng coronavirus pandemic ang mga problemang umusbong sa

edukasyon. Iba’t iba ang paraan ng mga eskwelahan at ahensya ng gobyerno

sa pagsagot sa sitwasyon. Sumailalim ang karamihan sa mga paaralan sa

modular approach na kung saan ang mga aralin ay nakaimprinta sa mga papel.

Nakalahad dito ang mga paksa na kailangang matutunan at mga inilapat na

aktibidad na may kaugnayan sa aralin. Ito ang susukat sa kanilang pagkaunawa

at pagpapahalaga sa aralin sa iba’t ibang asignatura

Ayon kay Lardizabal (1995), ang pagtuturo ay hindi na nakasalig lamang sa

berbal na komunikasyon ng guro at mag-aaral, maraming kagamitan ang

pagtuturo at pagkatuto. Dahil sa kawalan ng kakayahang magturo nang harapan

o face to face, maliban sa online class, ang pagbibigay ng modyul ang naging

paraan upang maipagpatuloy ang pag-aaral ng mga mag-aaral ngayong

panahon ng pandemya. Maituturing na karagdagang responsibilidad ito para sa

mga mag-aaral at maging sa kanilang magulang o pamilya ang unawain nang

husto ang nilalaman ng aralin dahil sa kanila mas nakaangkla ang kanilang

pagkatuto. Mayroong mga bahagi ng aralin na hindi kayang unawain ng mga

mag-aaral kung kaya’t sila’y nangangailangan ng gabay at tulong mula sa

 19

kanilang pamilya upang matugunan ang kaniyang mga katanungan ukol dito.

Ang ganitong paraan ng pagkatuto ay nagbibigay rin ng dahilan para sa isang

pamilya na magbuklod-buklod para sa katagumpayan ng isang miyembro ng

kanilang tahanan dahil higit na nagtatamo ng mataas na akademikong pagganap

ang mga mag-aaral na nakakatanggap ng tulong at suporta mula sa kanilang

pamilya. Nagtutulak din ito upang mas pagtuunan ng pansin ang sikolohikal na

kapaligiran sa tahanan ng mga mag-aaral sapagkat ito ay nakatuon sa

nagaganap na ugnayan sa pagitan ng mga indibidwal sa loob ng isang tahanan.

Ang nagaganap na ugnayan na ito ang humuhubog sa isang kabataan bilang

isang mag-aaral. Ibig sabihin, sa pagitan ng mga mag-aaral at magulang o

pamilya nagbubunga at sumisibol ang interes ng mga ito sa kanilang pag-aaral.

Sa likod ng mga pagbabagong bitbit ng pandemya, mas pinaigting nito ang

pangangailangan ng mga mag-aaral hinggil sa suporta na manggagaling sa

kaniyang pamilya ngayong sila ay nabibilang sa modular distance learning.

Ang pananaw ng isang mag-aaral tungkol sa suportang nanggaling o

manggagaling sa kanilang mga pamilya ay lalong nagkaroon ng malaking

kaugnayan tungo sa kanilang makakamit na marka ngunit hindi rin naman naging

madali para sa mga magulang ang bagong estilo ng pag-aaral ng kanilang mga

anak. Ayon sa United Nations Office, maraming mga magulang ang nahihirapang

magbalanse ng kanilang trabaho, pag-aalaga o pag-aasikaso sa kanilang mga

anak ngunit hindi rin maitatanggi na ang Community Quarantine ay nagbigay ng

pagkakataon sa maraming pamilya upang magsama-sama at magbigay ng oras

sa bawat isa. Higit na mas lamang ang oras na ginugugol ng bawat pamilya sa
 20

loob ng tahanan dulot ng kaliwa’t kanang regulasyon na ipinapatupad ng

gobyerno kung kaya’t mas nabibigyan ng pagkakataon ang bawat magulang o

pamilya na tulungan ang mga mag-aaral sa kanilang pagkatuto. Nabigyan sila ng

pagkatataon na maging parte sila ng pagkatuto ng mga mag-aaral na

nagreresulta naman sa pagkakaroon ng mataas na antas na akademikong

pagganap. Napagagaan ang mga gawaing pinapasan ng mga mag-aaral lalo’t

higit kapag nakaagapay ang kanilang pamilya upang sila ay tulungan na unawain

ang nilalaman ng aralin, ang mga panuto sa mga gawain, at kapag mayroong

tumutugon sa kanilang mga katanungan.

Ayon sa artikulo na isinagawa nina Kathleen V. Hoover et.al., (1997) na

may paksang “Why Do Parents Become Involved?”, ang pagkakaroon ng

interaksyon sa pagitan ng mga magulang at mag-aaral ay may positibong epekto

sa pagkakaroon ng motibasyon nito sa pag-aaral. Mahalaga rin ang pagpapakita

ng interes at suporta ng isang magulang sa usaping edukasyon ng kaniyang

anak. Ang personal na pagkasangkot ng isang magulang sa usaping pag-aaral

ng mga ito ay nagpapakita ng positibong pag-uugali at pagpapahalaga sa

edukasyon na mayroon ang kaniyang anak. Ito ay nagbibigay motibasyon,

galing, at paniniwala ng isang mag-aaral na kaya niyang palutangin ang

kaniyang talino at kakayahan higit pa kung kanino man. Sa bagong estilo ng

pagtuturo sa kasalukuyan, mas higit na kailangan ng isang mag-aaral ang

suporta ng kaniyang mga magulang dahil sila ang inaasahang nakakaunawa ng

kanilang sitwasyon na kung saan ang pagkatuto ngayon ng mga mag-aaral ay

kailangan nilang pagsumikapan. Ang paniniwala ng isang magulang ukol sa

 21

kanilang responsibilidad, kakayahang maapektuhan ang pag-aaral ng kanilang

mga anak, at pagkakakilala nila sa mga ito ang siyang nagbibigay kamalayan

ukol sa kanilang pagkasangkot sa loob ng tahanan at maging sa paaralan. Bilang

tugon ng mga mag-aaral sa ibinibigay na suporta ng kanilang pamilya, malaki

ang posibilidad na lalo pa nilang pagbutihin ang kanilang pag-aaral partikular na

sa pagsagot ng mga gawain sa modyul.

Ayon din sa National Parent-Teacher Association, lubhang napakahalaga

na ang pamilya o magulang ay kinakikitaan ng pagpapahalaga at pagkasangkot

sa usaping edukasyon ng kanilang anak sapagkat mas nagtatamo ang mga

mag-aaral ng mga karangalan anuman ang lahi, katayuan sa lipunan, at antas ng

natapos sa edukasyon ng mga magulang. Ibig sabihin, hindi man lubos na

matulungan ng mga magulang ang kanilang mga anak sa pagsagot ng mga

aralin dulot ng kakulangan sa kaalaman, ang simpleng pagpapakita ng

pagpapahalaga at pagbati ng mga kahusayan na ipinapakita ng kaniyang anak

ay lubos na nakatutulong upang ang isang mag-aaral ay magkaroon ng

motibasyong sagutan ang mga aralin at aktibidad gaano man kahirap ang mga

ito. Dagdag pa rito, walang batayan ang pagpapakita ng suporta ng mga

magulang at pamilya, sa anuman paraan man nila gustuhin na ipakita ito ay

nakakatulong pa rin sa pag-unlad bilang isang indibidwal at isang mag-aaral.

Ayon din dito, maraming magulang ang mayroon pa ring maling paniniwala na

ang akademikong pag-unlad ng kanilang mga anak ay nasa kamay ng mga guro

lamang, taliwas sa katotohanan na malaki rin ang gampanin ng mga ito para sa

lubos na pagkatuto ng kanilang mga anak, ang pagbili ng mga kagamitan na

 22

kailangan sa mga proyekto, pagtulong sa abot ng makakaya sa pagsagot ng

mga aralin, at pangungumusta ng mga magulang sa kalagayan ng kanilang mga

anak sa pagsagot ng modyul, Ipaye (2006), ito ay isang bagay na hindi

mapapantayan ninuman lalo na’t ang mga mag-aaral ang isa sa mga

pangunahing naapektuhan ng pandemyang ikinakaharap ng bansa. Ang

pagtugon sa pangunahing pangangailangan at ang antas ng akademikong

pagganap ng mga mag-aaral ay may ugnayan sa isa’t isa. Mahalaga ang

pagsuporta ng mga magulang para sa katuparan ng akademikong gawain ng

mga mag-aaral. Kadalasang nagiging sanhi ng pagpapaliban ng mga gawain ng

mga mag-aaral ay ang kawalan ng mga materyales na kanilang kinakailangan.

Ang antas ng kanilang akademikong pagganap ay maaaring maapektuhan ng

kakulangang ito. Mas higit na kailangang pagtibayin ang suporta ng isang

magulang sa kaniyang anak ngunit minsan, dala ng kagustuhan ng mga

magulang na maibigay ang mga pangangailangan ng kanilang mga anak ay

naisasantabi naman ang ibang bagay katulad ng paglalaan ng oras na tulungan

ang kanilang mga anak na unawain ang aralin. Subalit ang ganitong usapin ay

may limitasyon din.

Ayon kay Polly Young-Eisendrath sa kaniyang aklat The Self-Esteem Trap

na kung ang mga magulang ang palaging lumulutas ng mga problema ng

kanilang mga anak sa halip na ang mga ito, ang mga magulang ang matututo;

walang matututuhan ang mga anak at hindi nila makakayang harapin ang mga

problema kapag nagsarili na sila. Ang anumang tulong na nagmumula sa

magulang ay lubos na napakahalaga subalit ito ay kailangang maging balanse

 23

lamang. Bagama’t bago para sa lahat ang ganitong uri ng pagdulog ngunit

kailangan pa rin na ang mismong mag-aaral ang magsusumikap para sa

katuparan ng mga layunin ng bawat aralin. Kailangang maging balanse ang

pagbibigay ng tulong ng mga magulang o iba pang kasapi sa loob ng tahanan

upang masigurado na nagtatamo sila ng kaalaman sa kabila ng pagsubok na

bitbit ng pandemya. Ang mag-aaral na nasanay nang nakadepende sa kaniyang

pamilya ukol sa ganitong usapin ay maaaring mawalan na kakayahan na

resulbahin o gawin ang isang bagay ng walang umaagapay sa kaniya. Hindi

dapat alisin ng mga magulang ang posibilidad na ang pandemya’y matatapos din

at muling babalik ang lahat sa normal kabilang na rito ang muling pagbubukas ng

paaralan at katulad ng dati nating nakasanayan, papasok ang mga mag-aaral at

ang guro ang muling magiging kaagapay nila. Maaaring kapag sumobra ang

suportang ipinapakita ng mga magulang o ng kanilang mga kapatid sa mga mag-

aaral ay magdulot ng pangmatagalang implikasyon sa isang mag-aaral.

Binibigyang diin sa aklat na ito na higit na kinakailangan ng mag-aaral ang mga

magulang na gagabay at hahayaan silang tumayo at magsumikap para sa

kanilang pagkatuto. Mahalaga lamang na iparamdam sa kanila na mayroon

taong nakaagapay sa kanila kung sakali mang mangangailangan sila ng tulong.

Katulad sa pag-uunawa sa aralin, mahalaga na batid ng magulang ang kaniyang

limitasyon ng kaniyang papel na ginagampanan. Dapat silang hayaang matuto

sa sarili nilang paraan at tumayo lamang sila bilang tagatugon sa mga

katanungan ng kanilang mga anak at bigyang kalinawan ang anumang

nagdudulot ng kalituhan sa kanila.

 24

Kaugnay na Pag-aaral

Ang kaugnay na pag-aaral ay naglalaman ng akademiko at propesyonal na

mga babasahin na may kinalaman sa ginagawang pananaliksik. Ito ay

magbibigay ng maliwanag na kaalaman na magpapatibay sa ideya, pananaw, at

saloobin ng mga mananaliksik. Ito ay nahahati sa banyaga at lokal.

Ang isinagawang pag-aaral nina Ambayon (2019) na may pamagat na

“Modular Based Approach and Student’s Achievements in Literature” ay

mayroong layuning makilala ang pagiging epektibo ng modyul. Mula sa

pagsisiyasat sa istatistika at mga natuklasan sa pag-aaral, nakuha ang mga

sumusunod na konklusyon. Ang modyular na pagtuturo ay mas mabisa na

pagtuturo at pamamaraan sa pagkatuto, mas mapapantayan nito ang tradisyunal

na paraan ng pagtuturo sapagkat ang modyular na pamamaraan ay tinuturuan

ang mga mag-aaral na matuto sa kanilang sariling hakbang. Sa kabila naman ng

mga mabuting naidudulot ng paggamit ng ganitong pamamaraan, hindi naman

maitatanggi ang mga pagsubok na bitbit nito sa mga guro, mag-aaral, at maging

sa mga magulang. Pinapasan ng mga magulang ang pananagutan at

responsibilidad nila sa pagkatuto ng kanilang mga anak lalo’t higit sa mga mag-

aaral na mas nangangailangan ng gabay habang dumadaan sila sa proseso ng

kanilang pagkatuto. Isa sa dapat na naibibigay sa mga mag-aaral ay ang

pagkakaroon ng isang positibong kapaligiran sa loob ng tahanan at matutugunan

natin ito sa iba’t ibang kaparaanan. Ayon sa pag-aaral na ito, ang pagbibigay ng

mga magulang ng magaan na kapaligiran sa tahanan habang sumasailalim sa

modyular na pagkatuto ang mga ito ay nagbibigay ng makabuluhang ambag sa

 25

kanilang akademikong pag-unlad. Maiuugnay ito sa kasalukuyang ginagawang

pananaliksik sapagkat ang pagbibigay ng magaan na kapaligiran sa mga mag-

aaral na sumasailalim sa modyular na pagkatuto ay nagpapakita rin ng suporta

na itinuturing na daan upang makamit ang maayos na sikolohikal na kapaligiran

sa tahanan.

Batay sa isinagawang pag-aaral nina Madre at Marbella (2021) na may

titulong “Mga Hamon sa Distance Learning sa pagtuturo-pagkatuto ng Filipino”.

Ang pag-aaral na ito ay naglalayong alamin ang mga hamong kinakaharap ng

mga mag-aaral sa makabagong pagdulog sa pagtuturo. Kabilang sa naging

respondente sa pag-aaral na ito ay ang walumpo’t walong (88) mag-aaral mula

sa dalawang paaralan na sumasailalim sa magkaibang pamamaraan ng

pagtuturo sa lungsod ng Sorsogon. Lumabas sa isinagawang pag-aaral na ang

mga mag-aaral na sumasailalim sa Modular Distance Learning (MDL) ay

nahihirapang unawain ang ilang mga panuto sa mga gawain at nahihirapang

gawin ang mga ito. Ito ang karaniwang nagiging dahilan kung bakit ang ilan sa

mga mag-aaral ay hindi kumpleto ang mga ipinapasang mga gawain.

Pinapatunayan lamang ng pag-aaral na ito na mahalaga na magampanan hindi

lamang ng mga guro ngunit lalo’t higit ng mga magulang ang kanilang

responsibilidad bilang pangunahing tagagabay ng mga ito. Ang paggabay sa

mga ito na unawain ang mga nilalaman ng bawat panuto at pagtulong sa

paggawa ng mga gawain ay mayroong malaking kaugnayan sa antas ng

kanilang akademikong pagganap. Ang mga mag-aaral na nakatatanggap ng

ganitong klase ng suporta mula sa kanilang pamilya ay maaaring magkaroon ng

 26

mas mataas na antas ng akademikong pagganap. Sila ang mas mayroong

tendensiya na makapagpasa ng kumpletong mga gawain at makapagtamo ng

mataas na puntos o grado. Samantala, mayroon ding ilang mga kaibahan ang

pag-aaral na ito kung ikukumpara sa kasalukuyang pag-aaral pagdating sa mga

kaparaanang mga ginamit upang makakalap ng datos. Kinapanayam ng mga

mananaliksik ng pag-aaral na ito ang mga guro ng mga mag-aaral upang

makakalap ng datos ngunit ang kasalukuyang pag-aaral ay gumamit lamang ng

talatanungan at nakapokus lamang sa mga mag-aaral. Kanila ring sinuri ang

mga tala mula sa quiz, lagumang pagsusulit, at performans ng mga mag-aaral.

Sa kasalukuyang pag-aaral, maliban sa mga naging tugon ng mga mag-aaral sa

talatanungan, ang mga grado lamang ng mga ito ang pinagbatayan at sinuri ng

mga mananaliksik.

Sa pag-aaral naman na isinagawa noong taong 2013 nina Lam at Ducreux

na pinamagatang “Parental Influence and Academic Achievements Among

Middle Schools’s Students”, sa bilang na tatlumpu’t dalawang magulang na

naging respondente ng pananaliksik na ito ay lubos na napatunayan na ang

pagsuporta ng mga magulang batay sa pagsubaybay at pagtulong sa kanilang

anak ay may napakahalagang kaugnayan sa akademikong pagtamo ng mga ito.

Sa pagtaas ng suporta ng mga magulang ay siyang pagtaas din ng bilang na

matatamo ng kanilang mga anak kabilang dito ang mga resulta sa pagsusulit.

Subalit iginiit naman ng pag-aaral na ito na nararapat lang na laging maging

bukas ang komunikasyon sa pagitan ng mga magulang at mag-aaral kung kaya’t

isa sa nakikitang suliranin ito para sa mga magulang na iginugugol ang buong
 27

araw sa paghahanap-buhay kung kaya’t isa rin ito sa isinasaaalang-alang na

dahilan ng minsang pagbaba ng akademikong pagtamo ng mga mag-aaral.

Bilang kaugnayan naman ng napiling pag-aaral sa ginagawang pananaliksik, ang

maaaring kakulangan ng suporta ng mga magulang ay may kaugnayan sa lebel

ng akademikong pagganap ng mga mag-aaral. Katulad ng napiling pag-aaral,

naniniwala rin ang mga mananaliksik na sa loob ng tahanan nagmumula ang

pagkakaroon ng maayos na kalagayang sikolohikal ng isang indibidwal na

nagbubunga ng anumang positibong pagtugon sa isang bagay partikular na sa

pagkakaroon ng motibasyon na gawin ang mga aktibidad na nakapaloob sa

bawat modules. Ang palagiang pagbibigay ng pansin ng bawat magulang sa mga

aktibidad ng mga ito sa ilalim ng modular distance learning ay may mahalagang

gampanin upang mabigyan ng kasiguraduhan na nagagawa ng mga ito ang mga

aktibidad at natatapos ang mga ito sa takdang araw at oras.

Nakikita rin ng mga mananaliksik ang kaugnayan ng kasalukuyang pag-

aaral at ang pag-aaral na isinagawa nina Assel Karibayeva at Yurdagul Bogar

noong taong 2014 na may pamagat na “To what extent does parents’

involvement in middle school influence children’s educational progress?”. Ito ay

naglalayong alamin ang lawak ng impluwensiyang dulot ng pagkakasangkot ng

mga magulang sa buhay-eskwela ng kanilang anak. Base sa pag-aaral na ito,

ang pagkasangkot ng mga magulang sa kanilang mga anak ay mayroong

malaking kaugnayan sa akademikong usapin ng mga ito. Maliban sa mga guro,

ang mga magulang din ay itinuturing na pangunahing guro ng mga bata. Sa loob

ng tahanan sila unang natututo ng mga pangunahing kaalaman at kasanayan na

 28

kukumpleto sa kanila bilang isang indibidwal. Lumabas sa isinagawang pag-aaral

na ang pagkakasangkot ng mga magulang sa kanilang mga anak ay isang salik

na nakakaapekto sa buhay nila bilang isang mag-aaral. Ang pakikisangkot ng

mga magulang ay lubos na mahalaga lalo’t higit kapag sila ay nasa una at

gitnang bahagi pa lamang ng kanilang paglalakbay bilang isang mag-aaral. Ang

anumang suporta na ipinapakita ng mga magulang sa kanilang mga anak ay

mayroong kaugnayan sa kanilang pag-uugali, kabuuang persepsyon at pag-

unlad bilang isang indibidwal.

Sa pag-aaral naman na isinagawa ni Farooq, et. Al (2011) na may pamagat

na “Factors affecting student’s quality of academic performance: A case of

secondary level” ito ay may layuning masuri ang iba’t ibang mga kadahilanan na

nakakaimpluwensiya sa akademikong pagganap ng mga mag-aaral sa

sekondarya sa isang lungsod ng Pakistan. Iginiit ng pag-aaral na ito na may

malaking epekto ang lebel ng kakayahan ng magulang na maibigay ang

akademikong pangangailangan ng kaniyang anak at maging ang antas ng

edukasyon na kanilang tinapos. Maiuugnay ito sa isinasagawang pag-aaral

sapagkat parehong tinutukoy ng pag-aaral na ito ang akademikong pagganap ng

mga mag-aaral subalit naiiba sa itinuturing na salik na nakakaapekto rito dahil sa

kasalukuyang ginagawang pag-aaral, ang sikolohikal na kalagayan ng mga mag-

aaral ang itinuturing na salik na nakakaapekto sa akademikong pagganap ng

mga ito. Nahahawig din naman itong pag-aaral sa kasalukuyang isinasagawang

pananaliksik dahil ang kakayanan ng mga magulang na tugunan ang

akademikong pangangailangan ng kanilang mga anak ay itinuturing din na

 29

paraan upang maipakita ang kanilang suporta sa mga ito. Pinatunayan din ng

pag-aaral na ito na may mahalagang epekto ang pagkakaroon ng kakayahan ng

magulang na maibigay mula sa pangunahing kagamitan na kinakailangan ng

kanilang mga anak sa kanilang pag-aaral tulad ng karaniwang gamit na panulat

at papel. Sa pamamagitan nito, nagkakaroon ng positibong pananaw ang mga

mag-aaral hinggil sa ipinapakitang suporta ng kaniyang magulang. Nagiging

daan ito upang magkaroon ng maayos na sikolohikal ang isang mag-aaral na

magdudulot upang magtamo sila ng mas mataas na grado. Nagkaroon naman

ng pagkakaiba ang isinagawang pag-aaral nina Farooq sa kasalukuyang

pananaliksik dahil isa naman sa itinuturing nilang salik na nakakaapekto sa

akademikong pagganap ng mga mag-aaral ay ang antas ng edukasyon na

natapos ng mga magulang dahil para sa kanila lubhang napakahalaga at isang

kalamangan ang magkaroon ng magulang ang isang mag-aaral na nakatapos sa

mas mataas na antas ng edukasyon sapagkat sila ay mas may higit na

kakayahan na matulungan ang mga mag-aaral na unawain ang mga aralin at

gawain.

Sa kasalukuyan, ang ilan sa mga magulang ay humaharap sa mga hadlang

na pumipigil sa kanila na maging parte ng pagkatuto ng kanilang mga anak.

Gustuhin man nila na tulungan higit pa sa usaping pinansyal ang kanilang mga

anak sa kanilang pag-aaral, mayroon namang ilang mga bagay na pumipigil

upang magawa nila ang mga bagay na ito. Binanggit sa pag-aaral na ito ang

mga naturang hadlang at ito ay ang natapos na edukasyon ng mga magulang,

kawalan ng oras, hanapbuhay, at maging ang kawalan ng mga magulang na

 30

suportahan ang pag-aaral ng kanilang mga anak. Maiuugnay naman ito sa

kasalukuyang pag-aaral na isinasagawa ng mga mananaliksik sapagkat ang

pagkakasangkot ng mga magulang o parents’ involvement sa buhay ng isang

mag-aaral ay tinitingnan naman ng mga kasalukuyang mananaliksik bilang isang

salik na nakakaapekto sa pagkakaroon ng maayos na sikolohikal na kapaligiran

ng mga mag-aaral. Dahil nga ang mga mag-aaral sa kasalukuyan ay

sumasailalim sa makabagong paraan ng pagtuturo, higit na kailangan ng mga

mag-aaral ang suporta na nanggagaling sa kanilang pamilya.

Ayon naman sa pag-aaral ni Abaidoo (2018) na may pamagat na “Factors

Contributing to Academic Performance of students in a Junior High School” na

mayroong malaking tulong sa pagpapabuti sa akademik performans ng mga

mag-aaral ang palagiang pag-aaral, motibasyon sa sarili, palagiang pagpunta sa

klase, kaaagahan, kasipagan, at interes sa lahat ng asignatura. Natuklasan sa

pag-aaral na ito na napakahalaga ang tungkulin ng mga magulang sa

pagpapakita ng pagmamalasakit sa akademiko ng kanilang mga anak at

pagbibigay ng mga pangangailangan. Ito ay nahahawig naman sa kasalukuyang

isinasagawang pag-aaral ng mga mananaliksik. Isinasaalang-alang din ng mga

mananaliksik ang lebel ng motibasyon at pagmamalasakit na ibinibigay ng mga

magulang sa kanilang mga anak sa pagkakaroon ng isang maayos na sikolohikal

na kapaligiran sa loob ng tahanan. Maging ang pagtugon sa mga pangunahing

pangangailangan ng mga mag-aaral ay mayroon ding malaking kaugnayan sa

antas ng akademikong pagganap ng mga mag-aaral. Ang pagiging maagap ng

mga magulang sa pagtugon sa mga pangangailangan ng kanilang mga anak ay

 31

may kaugnayan sa anumang magiging antas ng akademikong pagganap ng mga

ito. Ang mga mag-aaral na hindi nakararanas ng kakulangan sa kagamitan o

pangangailangan ay mas mayroong tyansang makatugon sa mga gawain.

Samantala, ang mananaliksik na ito ay mayroon din namang kaibahan sa

kasalukuyang pag-aaral. Hindi binibigyang pansin dito ang mga guro dahil ang

kasalukuyang pag-aaral ay umiikot lamang sa mga kasapi ng loob ng tahanan at

hindi na sakop pa dito ang mga kaguruan.

Samantala, iginiit naman ng pag-aaral nina Janaya et.al (2018) na may

pamagat na “Salik na nakakaapekto sa akademikong pagganap ng mga mag-

aaral na nagmamayorya sa Filipino”, ang mga naging tagatugon sa pag-aaral na

ito ay mga mag-aaral sa tersyarya na nagmamayorya sa Filipino. Batay sa

lumabas na resulta ng pag-aaral na ito, ang kakayahan ng mga magulang na

tugunan ang pangunahing pangangailangan ng mga mag-aaral at ang

akademikong kasanayan ng mga mag-aaral ay mayroong kaugnayan sa isa’t isa

sapagkat ang kakayahan ng mga magulang na tugunan ang mga

pangangailangan ng kanilang mga anak ay mayroong implikasyon sa pag-aaral

ng mga mag-aaral. Ngayong panahon ng pandemya, hindi lamang ang sektor ng

edukasyon ang lubos na naapektuhan ngunit lalo’t higit ang paghahanap-buhay

ng karamihan sa mga Pilipino. Kung kaya’t karaniwan sa mga magulang ay

nawalan ng hanapbuhay na nagdulot ng kakulangan sa suportang pinansyal.

Ang kakulangan na ito ay mayroong malaking kaugnayan naman sa kakayahan

nila na tugunan ang mga pangangailangan ng kanilang mga anak sa pag-aaral.

Maiuugnay naman ang pag-aaral na ito sa kasalukuyang isinasagawang pag-

 32

aaral ng mga mananaliksik bilang pagbibigay tuon sa kakayahan ng mga

magulang na tugunan ang pangangailangan ng mga mag-aaral bilang

pagpapakita ng kanilang suporta. Tinitingnan din ng mga mananaliksik ang

ganitong klase ng suporta bilang salik na nakakaapekto sa akademikong

pagganap ng mga mag-aaral. Ibig sabihin, ang kita ng mga magulang ay may

mahalagang kaugnayan sa kanilang kakayahan na makapagbigay ng suporta sa

kanilang mga magulang lalo na sa mga pangunahing pangangailangan ng mga

ito. Samantala, ang naging kaibahan naman nito sa kasalukuyang

isinasagawang pag-aaral ay pagbibigay pokus nito sa iba pang salik na maaaring

nakakaapekto sa akademikong kasanayan ng mga mag-aaral. Maliban sa Antas

ng Pang-ekonomiko, binigyang pansin din nila ang Kasarian, Edad, at

Antas/Taon ng mga mag-aaral. Ang binigyang pansin lamang ng kasalukuyang

isinasagawang pag-aaral ay ang suporta ng pamilya bilang nakikitang may

kaugnayan sa akademikong pagganap ng mga mag-aaral.

 33

Kabanata III

PAMAMARAAN NG PANANALIKSIK

Disenyo ng Pananaliksik

Ang isinagawang pananaliksik ay gumamit ng palarawan at korelasyunal

na pamamaraan. Ipinaliwanag ni Calderonat Gonzales (2010) na ito ay isang

proseso ng pag-aaral para sa pagtitipon, pag-uuri at pangangalap ng datos

tungkol sa umiiral na kondisyon, kasanayan, paniniwala, proseso, uso, sanhi at

epekto ng relasyon at tumpak nainterpretasyon tungkol sa naturang datos ng

pamamaraang istatistikal.

Samantala, ang disensyong korelasyunal na pag-aaral ay isang

palarawang pag-aaral na idinesenyo para alamin ng iba’t ibang baryabol na

magkakaugnay o may relasyon sa isa’t isa na kung saan ang mga

mananaliksik ay bumuo ng talatanungan upang mangalap ng impormasyon

mula sa mga respondente hinggil sa pagtatasa ng suliranin ng pag-aaral. Ang

sarbey-kwestyuner din na ito ay ilalapat din sa pagsusuri at pagbibigay

interpretasyon. Ang mga mananaliksik ay naniniwala na angkop ang

disenyong alinsabay sa layunin nito na alamin ang kaugnayan ng kalagayang

sikolohikal na kapaligiran sa loob ng tahanan sa antas ng akademikong

pagganap ng mga mag-aaral sa ikawalong baitang.

 34

Lugar ng Pananaliksik
Ang pananaliksik na ito ay isinagawa sa EMA EMITS College

Philippines. Ang paaralan ay matatagpuan sa M.H. Del Pilar St., Pinamalayan,

Oriental Mindoro. Isang pribadong paaralan na may maraming bilang ng mga

mag-aaral na nagmumula sa primarya, sekondarya, at tersiyarya. Maliban sa iba

pang kurso, ang institusyong ito ay higit na mayroong maraming bilang ng mga

mag-aaral na nagsasanay sa larangan ng edukasyon. Katulad ng ibang

paaralan, ang paaralang din ito ay sumasailalim sa modular distancing learning o

modyular na pamamaraan ng pagtuturo at pagkatuto.

Mga Respondente

Ang mga respondente ng pag-aaral ay binubuo ng isang daan at labing-

walo (118) na mag-aaral, napili mula sa kabuuang bilang na isang daan at

animnapu’t pito (167) na mag-aaral sa Ikawalong Baitang ng EMA EMITS

College Philippines sa taong panuruan 2020-2021.

Talahanayan A. Paghahati-hati ng mga Respondente

Paaralan Pangkat Kabuuang Sampol
Populasyon
Ema Emits College Baitang 8-SC 41 29
Philippines
Baitang 8-A 42 30
Baitang 8-B 44 31
Baitang 8-C 40 28
Kabuuan 167 118

Sampling Technique

Ang respondente ng pag-aaral ay pinili gamit ang “proportional stratified

random sampling” mula sa ikawalong baitang ng mag-aaral sa EMA EMITS

 35

College Philippines. Sa pinakapayak, ginamit ang “slovin’s formula” para sa

pagpili ng respondente. Ang kabuuang respondente ay nalaman sa

𝑁
pamamagitan ng paggamit nito: 𝑛 = 1+𝑁𝑒 2

Kung saan:

n = dami ng kinatawan

N = Populasyon

e = Margin ng Error
167 167 167 167
𝑛= = = =
1+167(0.05)2 1+167(0.0025) 1+0.42 1.42

𝑛 = 118

Matapos na matukoy ang laki ng sampol, tinukoy ang bawat sampol sa

seksyon sa pamamagitan ng pormula sa ibaba:

𝐺𝑟𝑢𝑝𝑜 𝑛𝑔 𝑃𝑜𝑝𝑢𝑙𝑎𝑠𝑦𝑜𝑛
Seksyon =𝐾𝑎𝑏𝑢𝑢𝑎𝑛𝑔 𝑃𝑜𝑝𝑢𝑙𝑎𝑠𝑦𝑜𝑛 𝑥 Laki ng sampol

41
Seksyon 8SC =167 𝑥 118 = 29

42
Seksyon 8A =167 𝑥 118 = 30

44
Seksyon 8B = 𝑥 118 = 31
167

40
Seksyon 8C = 𝑥 118 = 28
167

Instrumento ng Pananaliksik

Gagamit ng sarbey-kwestyuner ang mga mananaliksik na naglalayong

makapangalap ng datos upang suriin ang kaugnayan ng kalagayan ng

 36

sikolohikal na kapaligiran sa tahanan sa antas ng akademikong pagganap ng

mga mag-aaral sa ikawalong baitang.

Ang talatanungan ay tumatalakay sa suporta ng pamilya o magulang na

ibinibigay sa mga mag-aaral bilang pakikisangkot sa usaping edukasyon ng mga

ito. Ito ay naglalaman ng labinlimang katanungan na sapat upang matamo ang

layunin ng pananaliksik.

Skeyling at Kwantipikasyon

Ang lawak ng kaugnayan ng kalagayan ng sikolohikal na kapaligiran sa

tahanan at antas ng akademikong pagganap ng mga mag-aaral ay sinukat ng

mga mananaliksik gamit ang skeyling upang higit na mailarawan ang kanilang

persepsyon at mangalap ng datos. Ang sumusunod na talahanayan ay gagamitin

ng mga mananaliksik upang maipaliwanag ang sikolohikal na kapaligiran at

antas ng akademikong pagganap ng mga mag-aaral.

Talahanayan B. Skeyling na gagamitin sa Sikolohikal na Kapaligiran sa

Tahanan at Antas ng Akademikong Pagganap ng mga
mag-aaral
Bilang ng Skeyling Limitasyong Statistical Katumbas na Antas ng
Kahusayan
5 4.50-5.00 Palagi
4 3.50-4.49 Madalas
3 2.50-3.49 Minsan
2 1.50-2.49 Bihira
1 0.00-1.49 Hindi
 37

Talahanayan C. Skeyling ng gagamitin para sa antas ng Akademikong

pagganap ng mga mag-aaral.
Grado sa unang markahan Skeyling ng Pagmamarka
95-100 Napakahusay
90-94 Mahusay
85-89 Katamtamang kahusayan
80-84 Di-gaanong mahusay
75-79 Sadyang di-mahusay

Katumpakan ng Instrumento

Ang pagsusuri sa pagkabalido ng talatanungan ay isinagawa sa tulong ng

eksperto sa larangan ng pananaliksik. Ito ay iniharap sa tagapayo ng tesis at iba

pang mga eksperto para sa pagwawasto at pagbibigay ng mungkahi. Ang itinala

na talatanungan ay iniharap sa mga panelista para sa pangwakas na pagsusuri.

Kaya naman, ang instrumento na ito ay muling isinulat batay sa mga

pagwawasto at suhestiyon na ibinigay ng tagapayo ng tesis at mga panelista.

Itinuring na wasto sa nilalaman maging sa ayos at wasto sa komprehensibo

upang masakop ang mga paksa at mga baryabol na kumakatawan sa

pananaliksik na ito.

Reliability of the Research Instrument

Ang pananaliksik na ito ay pinamagatang Kaugnayan ng

Sikolohikal na kapaligiran sa tahanan sa antas ng akademikong pagganap ng

mga mag-aaral sa EMA EMITS College Philippines taong panuruan 2020-2021

ay gagamit ng tes-retest method upang malaman ang kahusayan ng

instrumento. Ang talatanungan na ito ay ipinamahagi sa mga mag-aaral na hindi

kabilang sa aktwal na sampol ng pananaliksik. Matapos ang isinagawang

 38

pagsusuri, ang talatanungan ay muling ipinamahagi sa parehong mag-aaral

upang lubos na maisaayos ng mga mananaliksik ang kahusayan ng ginamit na

instrumento.

Talahanayan D. Resulta ng Kahusayan ng Instrumento

BARYABOL
1. Sikolohikal na Ugnayan Paglalarawan Pagpapakahulugan
Kapaligiran sa Koepisyent
loob ng
tahanan
1.1 Kaugnayan ng
suporta ng Pamilya at Napakataas na Maaasahan
antas ng Akademikong 0.95 kaugnayan
Pagganap ng mga
mag-aaral

Pamamaraan ng Pangangalap ng Datos

Sa pag-aaral minabuti ng mga mananaliksik na bigyang-daan ang mga

pamamaraan upang makalap ang mga datos tulad ng sumusunod na hakbang.

Una, ang mananaliksik ay hihingi ng pahintulot sa prinsipal ng paaralan saklaw

ng pag-aaral upang makapagsagawa ng pananaliksik. Ikalawa, sa tulong ng mga

guro sa ikawalong baitang ang mga mananaliksik ay hihingi ng kopya ng mga

pangalan ng mga mag-aaral na magiging respondente sa bawat pangkat ng

isinagawang pag-aaral. Ikaapat, ibibigay ng mananaliksik ang sarbey na tanong

sa mga mag-aaral sa ikawalong baitang. Ikalima, naghanay at nagtatala ng sagot

ng mga kalahok sa pag-aaral. Sa ginawang pakikipag-usap kinuha ng

mananaliksik ang kasagutan ng mga respondente, itinabulate at susuriin ang

mga datos na makakalap sa pamamagitan ng documentary analysis.

 39

Kagamitang Pang-estadistika

Ang mga sumusunod ay ang mga kagamitang pang-estasistika na

ginamit ng mga mananaliksik sa pag-aaral.

Ang Weighted Arithmetic Mean ang napagpasyahan upang makuha ang

average weighted opinion ng mga respondente tungkol sa kaugnayan ng

sikolohikal na kapaligiran sa tahanan sa antas ng akademikong pagganap ng

mga mag-aaral sa ikawalong baitang sa EMA EMITS College Philippines.

∑ 𝑓𝑥
𝑥̅ = ∑𝑓

kung saan:

∑ 𝑓𝑥 = kabuuang bilang ng lahat ng pinagsamang f at x, kung saan ang f ay

tumutukoy sa frequency at ang x ay sa weight.

∑ 𝑓 = ay kabuuang bilang ng lahat ng sagot.

Ang Pearson’s Product- Moment Correlation Coefficient ang gagamitin

para malaman ang ugnayan sa pagitan ng sikolohikal na kapaligiran sa tahanan

at antas ng akademikong pagganap ng mga mag-aaral na nasa

ikawalongbaitang sa EMA EMITS College Philippines.

𝑁 ∑ 𝑥𝑦−(∑ 𝑥) (∑ 𝑦)
𝑟𝑥𝑦 =
√[𝑁 ∑ 𝑥 2 −(∑ 𝑥)2][𝑁 ∑ y2 −(∑ 𝑦)2 ]

Kung saan: rxy = ugnayan sa pagitan ng x at y

∑ 𝑥 = kabuuang bilang ng x ∑ x2 = kabuuan ng x2

∑ 𝑦 = kabuuang bilang ng y ∑ y2 = kabuuan ng y2

∑ 𝑥𝑦 = kabuuang bilang ng pinagsamang x at y

N = bilang ng mga respondente

 40

Interpretasyon ng Halaga ng Ugnayan

Ang mga sumusunod na hanay ay nagsisilbi bilang isang gabay para sa

pagbibigay-kahulugan sa mga rxy-values:

±1.00 Perpektong Kaugnayan

±0.91 to ±0.99 Napakataas na Kaugnayan

±0.71 to ±0.90 Mataas na Kaugnayan

±0.41 to ±0.70 Katamtamang Kaugnayan

±0.21 to ±0.40 Mababang Kaugnayan

±0.0 to ±0.20 Napakababang Kaugnayan

 41

Kabanata IV

PRESENTASYON, ANALISIS, AT INTERPRETASYON NG MGA DATOS

Ang kabanatang ito ay tumatalakay sa pagsusuri at pagpapakahulugan sa

mga datos na nakalap tungkol sa kaugnayan ng sikolohikal na kapaligiran sa

loob ng tahanan at ang antas ng akademikong pagganap ng mga mag-aaral.

Talahanayan 1. Pananaw ng mga mag-aaral hinggil sa nakukuhang suporta

mula sa kanilang pamilya
Kalagayan ng Sikolohikal na Kapaligiran sa loob ng Mean Interpretasyon
tahanan
Ang aking pamilya ay:
1. Kaagapay ko sa pag-unawa sa aralin. 3.63 Madalas
2. Nagsisikap na unawain ang nilalaman ng aralin 3.58 Madalas
upang ito’y malinaw na maipaliwanag sa akin.
3. Itinatama ang aking pagkakaunawa sa aralin. 3.56 Madalas
4. Naglalaan ng oras upang alamin kung ano ang 3.70 Madalas
maaari nilang itulong para sa mas ikagagaan ng
aking gawain.
5. Ang gumagabay sa akin sa pag-unawa ng bawat 3.69 Madalas
panuto sa aking mga gawain.
6. Naglalaan ng oras upang ako ay kumustahin sa 3.94 Madalas
aking kalagayan sa pagsasagot ng modyul.
7. Nagbibigay ng suhestiyon kung paano mas 3.97 Madalas
pagagandahin ang aking proyekto.
8. Nagbibigay ng positibong puna sa mga natapos 3.74 Madalas
kong aktibidad o proyekto.
9. Tumutulong sa akin sa pagbuo ng ideya o 3.82 Madalas
kasagutan sa modyul sa abot ng kanilang
makakaya.
10. Nagpapakita ng pagpapahalaga sa bawat 3.84 Madalas
ginagawa kong pagsusumikap sa pagsagot ng
modyul.
11. Ang katuwang ko sa paggawa ng mga gawain 3.64 Madalas
upang matapos ang lahat ng ito sa takdang oras.
12. Tumutugon sa aking mga akademikong 3.96 Madalas
pangangailangan.
13. Tumutugon sa aking mga katanungan ukol sa 3.81 Madalas
aralin.
14. Ang nagpapaalala sa akin na gawin ang mga 4.19 Madalas
gawain sa modyul.
 42

15. Naghihikayat sa akin na pagsumikapang tapusin 4.60 Palagi

ang mga gawain gaano man kahirap ang mga
ito.
Kabuuang Mean 3.84 Madalas

Ang Talahanayan 1 ay tumatalakay sa pananaw ng mga mag-aaral hinggil

sa kanilang nakukuhang suporta mula sa kanilang pamilya.

Mapapansin sa Talahanayan 1 na ang nakakuha ng pinakamataas na

mean value ay matatagpuan sa bilang 15, 14, 7, 12, at 6. Ang mga ito ay

nakakuha ng mean value na 4.60, 4.19, 3.97, 3.96, at 3.94 na may

interpretasyong madalas. Nangangahulugan lamang na madalas nahihikayat ang

mga mag-aaral ng kanilang mga magulang na pagsumikapang tapusin ang mga

gawain gaano man kahirap ang mga ito. Gayundin, pinapaalalahanan din ang

mga ito ng kanilang magulang na gawin ang mga gawain sa modyul. Madalas

din namang bigyan ng mga ito ang mga mag-aaral ng suhestiyon kung paano

mas pagagandahin ang kanilang proyekto. Dagdag pa rito, lumabas din sa

resulta na natutugunan ng mga magulang ang mga akademikong

pangangailangan ng kanilang mga anak at naglalaan ng kanilang mga oras

upang sila ay kumustahin ukol sa kanilang kalagayan sa pagsasagot ng modyul.

Isang magandang implikasyon ito na hindi tuluyang napahinto ng

pandemya ang mga mag-aaral na ipagpatuloy ang kanilang pag-aaral.

Pinapatunayan din ng resulta na nababatid ng mga magulang na ngayong

sumasailalim ang kanilang mga anak sa makabagong pagdulog, sila ay higit na

nangangailangan ng suporta ng kanilang pamilya lalo’t higit sa suportang

makakapagpaayos ng kanilang sikolohikal na kalagayan sapagkat nasa kanila

 43

ang buong responsibilidad para sa mga anak na nag-aaral sa tahanan, (Morati,

2016).

Mapapansin din naman sa Talahanayan 1 na ang limang nagkamit na

may pinakamababang mean value ay may interpretasyong madalas. Ibig sabihin,

madalas na itinatama ng pamilya ang pang-unawa ng bawat mag-aaral sa

kaniyang aralin. Ito ay sapagkat madalas ding nagsusumikap ang kanilang

pamilya na unawain ang mga ito upang malinaw na maipaliwanag sa mag-aaral.

Kung kaya’t lumalabas din sa resulta na tinuturing ng mga mag-aaral ang

kanilang pamilya bilang kaagapay sa kanilang pag-aaral at ito ang kanilang

nagiging katuwang upang matapos ang mga aktibidad sa loob ng itinakdang

oras. Samantala, batay rin sa lumabas na resulta, naglalaan ng oras ang bawat

pamilya upang alamin kung anong maaari nilang itulong para sa mas ikagagaan

ng kanilang gawain. Ang mga ito ay nakasaad sa bilang 3, 2, 1, 11, at 4 na may

mean value na 3.56, 3.58, 3.63, 3.64, at 3.70.

Nangangahulugan lamang ito na madalas na nakikisangkot ang pamilya

sa akademikong usapin ng mga mag-aaral bilang paraan ng kanilang

pagsuporta. Ayon kay Ontario (2010), ang suporta ng mga magulang ay

maaaring ipakita sa pamamagitan ng aktibong pagtatrabaho kasama ang mga

bata sa usaping pag-aaral ng mga ito at pagturing dito bilang mahalagang bahagi

ng araw. Ang simpleng paglalaan ng oras ng bawat pamilya na alamin kung

paano sila makatutulong sa pag-aaral ng mga ito ay isang malaking hakbang

upang maipadama ang suporta sa kanila.

 44

Ang kabuuang mean value naman na 3.84 ay nangangahulugang ang

lahat ng uri ng suporta na nabanggit sa labinlimang katanungan ay madalas na

natatanggap ng mga mag-aaral mula sa kanilang pamilya. Malinaw na

ipinahayag nito na mayroong maayos na sikolohikal na kapaligiran sa loob ng

tahanan ang mga mag-aaral mula sa ikawalong baitang sa Ema EMITS College

Philippines. Isang magandang implikasyon ito na hindi nabawasan, sa halip ay

mas napaigting ng pandemya ang suporta ng pamilya sa mag-aaral.

2. Antas ng Akademikong Pagganap ng mga mag-aaral sa ikawalong

baitang
Talahanayan 2. Frequency Distribution ng Antas ng Akademikong
Pagganap ng mga Mag-aaral sa ikawalong baitang.
Grado sa Unang Distribution Skeyling ng
Antas ng Markahan Pagmamarka
95-100 1 Napakahusay
Akademikong
90-94 9 Mahusay
Pagganap ng
85-89 57 Katamtamang
mga mag-
kahusayan
aaral sa
80-84 51 Di-gaanong
ikawalong mahusay
baitang 75-79 0 Sadyang di-
mahusay
Kabuuang Marka 85.13 Katamtamang
kahusayan

Sa talahanayan 2, makikita na isa lang ang bilang ng mag-aaral

ang nagkamit ng 95-100 na grado sa unang markahan. Nangangahulugan

lamang ito na siya lamang ang mag-aaral mula sa lahat ng respondente na

nagkamit ng napakahusay na antas ng marka. Mapapansin naman na siyam na

mag-aaral ang matagumpay na nakapagkamit ng mahusay na marka. Ito ay

grado mula 90-94 para sa unang markahan. Samantala, halos kahalati ng

kabuuang bilang ng mga respondente ang nakakuha ng katamtamang

kahusayan ng antas ng kanilang marka. Tinatayang 57 na mga mag-aaral ang

 45

nakakuha ng marka sa pagitan ng 85-89. Karamihan din naman sa kabuuang

bilang ang nakakuha ng hindi gaanong kahusayan na marka para sa unang

markahan. 51 sa mga mag-aaral ang nakakuha ng marka sa pagitan ng 80-84 na

pumapasok sa ikatlong kategorya na hindi kahusayan. Samantala, sa lahat

naman ng naging respondente ng isinagawang pananaliksik na ito ay wala sa

kanila ang nakakuha ng hindi mahusay na marka. Ito ay dahil ang mga mag-

aaral mula sa ikawalong baitang ay nakakakuha ng suporta na kanilang

kinakailangan subalit may ilan pa ring mga mag-aaral ang hindi gaanong

nakatatanggap nito dahilan para magtamo sila ng hindi gaanong mahusay na

marka.

Mapapansin naman sa nakuhang resulta, ang mga mag-aaral mula sa

ikawalong baitang sa EMA EMITS College Philippines ay nagpakita ng

katamtamang kahusayan mula sa kabuuang marka na 85.13. Maaaring ang

resultang ito ay dulot ng hindi palagiang pagbibigay ng kinakailangang suporta

ng isang mag-aaral na sumasailalim sa modyular na pagdulog. Ayon kay Li at

Qiuo (2018) ang anumang resulta ng akademikong pagganap at maging ang

kaugalian sa pagkatuto ng isang mag-aaral ay nalilinang sa pamamagitan ng

ipinapakitang paraan ng pagsuporta ng isang magulang sa mga ito. Kabilang dito

kung gaano kabilis tumugon ang mga ito sa akademikong pangangailangan ng

kanilang mga anak. Ibig sabihin, kung palagiang nakatatanggap ng suporta ang

mga mag-aaral ay maaaring maging mahusay o lubhang mahusay pa ang

kanilang kabuuang marka.

 46

3. Kaugnayan ng Sikolohikal na Kapaligiran sa tahanan at Antas ng

Akademikong Pagganap ng mga Mag-aaral ng EMA EMITS College
Philippines

Ang sumusunod na talahanayan ay nagpapakita ng kaugnayan ng

Sikolohikal na Kapaligiran sa tahanan at Antas ng Akademikong Pagganap ng
mga mag-aaral ng EMA EMITS College Philippines.

Talahanayan 3. Kaugnayan ng Kalagayan ng Sikolohikal na Kapaligiran sa

tahanan at ang antas ng akademikong pagganap ng mga mag-aaral

Antas ng Akademikong Pagganap

Suporta ng Pamilya Rxy Value Interpretasyon

0.74 Mataas na
Kaugnayan

Makikita sa Talahanayan 3 ang kaugnayan ng kalagayan ng sikolohikal na

kapaligiran sa tahanan at antas ng akademikong pagganap ng mga mag-aaral

na nasa ikawalong baitang.

Ipinakikita sa talahanayang ito na mayroong mataas na kaugnayan ang

sikolohikal na kapaligiran sa tahanan batay sa suporta na nagmumula sa pamilya

at antas ng akademikong pagganap ng mga mag-aaral. Pinatunayan ng resulta

na kinakailangang bigyang pansin ang pagbibigay ng suporta ng pamilya sa

isang mag-aaral sapagkat sila ay malaking bahagi sa kanilang akademikong

pagtamo. Sa bawat katagumpayan ng isang mag-aaral ay mayroong pamilya na

sumusporta sa likod nito. Ang sinumang mga mag-aaral ay nangangailangan ng

pamilya na tutulong sa kanila na maabot ang kanilang mga hangarin. Ang

edukasyon ang isa sa magiging daan upang ang lahat ng ito ay maisakatuparan

kaya mahalaga na ang pamilya ay nakaagapay at nakasubaybay sa mga mag-

 47

aaral habang tinatahak nila ang daan na ito. Sa makabagong pagdulog,

magulang o pamilya ang magsisilbing guro ng mga mag-aaral sa tahanan,

nangangahulugan ito na malaki ang porsyento na nagmumula sa kanila upang

ang isang mag-aaral ay magkaroon ng mataas na marka. Makabago man ang

estilo ng pagtuturo at pagkatuto ngayon, hindi nararapat ipagsawalang bahala ng

pamilya ang edukasyon kahit na ito’y nasa ilalim ng modular distance learning.

Ayon sa National Parent-Teacher Association, mahalaga na ang pamilya o

magulang ay kinakikitaan ng pagpapahalaga at pagkasangkot sa usaping

edukasyon ng kanilang anak sapagkat mas nagtatamo ang mga mag-aaral ng

mga karangalan anuman ang lahi, katayuan sa lipunan, at antas ng natapos sa

edukasyon ng mga magulang. Malaking bahagi ng katagumpayan ng mga mag-

aaral ay nakasalalay sa suporta ng kanilang mga magulang o pamilya lalo na sa

kasalukuyan na ang mga mag-aaral ay sumasailalim sa modular distance

learning na kung saan ang nagsilbing silid-aralan nila ay ang kanilang tahanan.

Sumasailalim man sa makabagong pagdulog ang mga mag-aaral, pinatunayan

ng lumabas na resulta na nababatid ng pamilya ang kanilang mahalagang

gampanin sa buhay ng bawat mag-aaral. Magandang implikasyon ito na

natutupad pa rin ang tunay na layunin ng edukasyon.

 48

Kabanata V

LAGOM, KONKLUSYON, AT REKOMENDASYON

Ang kabanatang ito ay tumatalakay sa lagom ng pag-aaral, konklusyon batay sa

mga natuklasan, at ang rekomendasyon ng mga mananaliksik.

Lagom

1. Ayon sa kinalabasang resulta ng isinagawang pananaliksik, ang mga

mag-aaral mula sa ikawalong baitang ay madalas nakatatanggap ng

suporta mula sa kanilang pamilya at tulong habang dumadaan ang mga

ito sa proseso ng kanilang pagkatuto, ito ay makikita sa kabuuang mean

value na 3.84.

2. Natuklasan din ng mga mananaliksik na ang mga mag-aaral mula sa

ikawalong baitang sa EMA EMITS College Philippines ay nagpakita ng

katamtamang kahusayan batay sa kanilang naging kabuuang grado para

sa unang markahan na 85.13, bagaman ang mga ito ay hindi palagiang

nakakukuha ng suporta, nagkaroon pa rin ito ng kaaya-ayang resulta. Ibig

sabihin, sa likod ng pagsubok na bitbit ng pandemya, naipamalas pa rin

ng mga mag-aaral ang kanilang galing at talino sa tulong na rin ng suporta

ng kanilang pamilya.

3. Napatunayan din ng mga mananaliksik na ang sikolohikal na kapaligiran

sa tahanan at ang antas ng akademikong pagganap ng mga mag-aaral sa

EMA EMITS College Philippines ay may mataas na kaugnayan sa isa’t isa

batay sa nakuhang rxy value na 0.74. Ibig sabihin, ang anumang suporta
 49

at tulong na nagmula sa pamilya partikular na sa mga magulang nito ay

naiuugnay sa resulta ng kanilang akademikong pagganap ngayong sila ay

sumasailalim sa modyular na pagdulog.

Konklusyon

Ibinatay ang konklusyon ng pananaliksik na ito sa mga nakalap na datos

at impormasyon. Napatunayan sa lumabas na resulta na mayroong malaking

kaugnayan ang kalagayang sikolohikal na kapaligiran sa loob ng tahanan batay

sa suportang ibinibigay ng pamilya sa akademikong pagganap ng mga mag-

aaral. Ayon sa natuklasan, ang mga nabuong konklusyon ng mga mananaliksik

ay ang mga sumusunod:

1. Ang mga mag-aaral mula sa ikawalong baitang ay madalas na

nakatatanggap ng suporta mula sa kaniyang pamilya.

2. Mayroong katamtamang kahusayan ang mga mag-aaral patungkol sa

kanilang akademikong pagganap sa unang markahan.

3. May mataas na kaugnayan ang sikolohikal na kapaligiran sa tahanan sa

antas ng akademikong pagganap ng mga mag-aaral sa EMA EMITS

College Philippines. Kung kaya’t ang haypotesis na nagsaad na walang

anumang mahalagang kaugnayan ang mga ito sa isa’t isa ay hindi

napatunayan at napawalang-bisa.
 50

Rekomendasyon

Batay sa konklusyong nabuo, inirerekomenda ng mga mananaliksik ang

mga sumusunod:

1. Bilang mga pangalawang magulang, ang mga guro ay dapat pa ring

ipagpatuloy ang mga naibibigay na suporta sa kanilang mga mag-aaral

upang matugunan ang kanilang mga pangangailangan hinggil sa pagtamo

ng mga akademikong gawain. Maaari ring pasimplehin ang nilalaman nito

maging ang mga salitang ginagamit sa mga panuto upang ang lahat ng

mag-aaral ay makagawa ng mga gawain kabilang na ang mga mag-aaral

na walang magulang na palagiang gumagabay rito.

2. Ang pamilya at magulang ng bawat mag-aaral ay dapat na ipagpatuloy

ang pagbibigay ng suporta sa kanilang mga anak hindi lamang sa usaping

pinansiyal kundi pati na rin sa sikolohikal na kalagayan ng mga ito.

Iminumungkahi ng mga mananaliksik na magkaroon ng regular na

obserbasyon hinggil sa akademikong pag-unlad ng mga ito sapagkat

bilang kasapi sa tahanan, sila ang inaasahang gumabay sa pamamagitan

ng pagtulong sa mga mag-aaral na unawain ang mga aralin sa modyul

nang may limitasyon upang higit na matamo ang sariling pagkatuto.

3. Ang mga mag-aaral ay dapat pa ring pagbutihin ang kanilang pag-aaral sa

pamamagitan ng pagtutuon pa ng atensyon sa masusing pagbabasa ng

mga aralin sa modyul. Nang sa gayon, ang kanilang katamtamang

kahusayan ay mabago at mapaunlad tungo sa napakahusay na

akademikong pagganap. Ang mga ito ay hinihikayat din ng mga

 51

mananaliksik na huwag tuluyang ibatay ang kanilang pagkatuto sa

suportang naibibigay ng kanilang pamilya at magulang sapagkat

kinakailangan pa rin ang kanilang sariling pamamaraan at pagsisikap.

4. Para sa susunod na mananaliksik, maaari niyong gamitin ang resulta ng

pag-aaral na ito upang mapagtibay ang inyong isinasagawang

pananaliksik. Maaari kayong humanap ng iba pang malayang baryabol o

mga salik na nakakaapekto sa akademikong pagganap ng mga mag-

aaral.
 52

TALASANGGUNIAN
A. Mga Aklat

Asiegbu, C., at Ezeugbor, C. (2018) “Relationship between the socioeconomic

status of parents and academic performance of students in Onitsha North
Local Government Area of Anambra state

Cantoni, L., & Botturi, L. (2005). “Learning meeting modular education, the ase of
learning objects. Deutsches Institut fur Internationale Padagogische
Forschung. Frankfurt am Main, Germany.

Dangle, Y. R. P…, & Sumaoang, J. D. (2005) “The implementation of modular

distance learning in the Philippine secondary public schools” Montessori
Class directress, British International School of Cambodia.Phnom Penh,
Cambodia

Hoover-Dempsey, Kathleen V., Joan M. T. Walker, Howard M. Sandler, Darlene

Whetsel, Christa L. Green, Andrew S. Wilkinson, and Kristen Closson.
“Why Do Parents Become Involved? Research Findings and Implications.”
The Elementary School Journal Vol., 106, No. 2 (November 2005), pp.
105-130

Karibayeva & Yurdagul to what Extent Does Parents’ Involvement in Middle

School Influence Children’s Educational Progress? Procedia Social and
Behavioral Sciences Volume 152, 7 October 2014, Pages 529-533

Lardizabal et.al (1995) Principles and Methods of teaching. Book Description:

Quezon City, Philippines: Phoenix Publishing House G+. Trade
paperback. 3rd Edition

Mary Anne Portuguez (2016) MP, RPM, Sikolohiyang Pilipino: Perspektibo at

Direksyon: Phoenix Publishing House

Polly Young-Eisendrath PhD., The Self-Esteem Trap: Raising Confident and

Compassionate Kids in an Age of Self-Importance. Liitle, Brown Spark;
Reprint edition (Sept. 2 2009)

B. Mga Dyornal, Peryodikal at Iba Pang Batayan

Ambayon (2019), Modular-Based Approach and Students’ Achievement in

Literature

Bronfenbrenner (1977), The Five Ecological System

 53

Cortez, K. (2020), Opinion: Pag-aaral sa Gitna ng Pandemya. The UP Integrated

School Media Center.

Cuenca, M. (2021), Modular Distance Learningn: Its Advantages and

Disadvantages. Pressreader.com

De Leon. S. (2020, May 15) Gabay sa MECQ, GCQ, at MGCQ

International Journal of Education and Literacy Studies 8 (93):32 DOI

Kathleen V.; Hoover Dempsey, Kathleen P. Why Do Parents Become Involved?

Lam, B. T., & Ducreux, E. (2013). Parental Influence and academic achievement
among middle school students: Parent perspective. Journal of Human
Behavior in the Social Environment, 13(50, 579-590)

Madre, R. J. D., & Marbella, F. D. (2021). Mga hamon sa distance learning sa

pagtuturo-pagkatuto ng Filipino. International Journal of Research Studies
in Education, 10 (8), 93-102

Mowder (1991) The Parent Role Development TheoryPhilippine, R. (2009,

February 05) The Importance of Psychology-Owlcation-Education

Polly Young-Eisendrath PhD., The Self-Esteem Trap: Raising Confident and

Compassionate Kids in an Age of Self-Importance. Plublisher: Liitle,
Brown Spark; Reprint edition (Sept. 2 2009) ISBN-10 0316013129

Rothman (2011) Parental Involvement as a Important Factor for Successful

Education

Singh, Y. (2011). Academic Achievement and study habits of Higher Secondary

Students. International Referred Research Journal

Watson & Skinner (19th Century) Behavioral Learning Theory Webster (2020)
The Psychological impact of Quarantine and hot to Reduce it.

C. Elektronikong Batayan

Cellona, Jonathan (2020) Council for the Welfare of Children (CWC)

https://news.abs-cbn.com/news/10/28/20/54-ng-mga-bata-nangangamba-
malungkot-sa-kabila-ng-pandemya-ayon-sa-child-welfare-office

Centers for Disease Control and Prevention-Mental Health Contitions:

Depression and Anxiety
 54

https://www.cdc.gov/tobacco/campagign/tips/disease/depression-
anxiety.html

Cherry, Kendra. Bakit mahalaga ang mga isipan?

https://www.verywell.com/what-is-empathy-2795562

DepEd Order No. 012, s, 2020

https://www.deped.gov.ph/2020/06/19/june-19-2020;do;012-20220-
adoption-of-the-basic-education-learning-continuity-plan-for-school-year-
2020-2021-in-the-light-of-the-covid-19-public-health-emergency/

John Watson (1913) – The Behaviorist Approach

https://www.simplypsychology.org/behaviorism.html

Ontario (2013) Mahalaga ang magulang. ParentsMatter_TL.pdf

Pacleta (2020) Tuloy ang pagkatuto: Ang Pilipinong mag-aaral sa gitna ng

pandemya
https://newsinfo.inquirer.net/1321659/deped-opening-of-classes-in-public-
schools-moved-to-october-5

Parmigiani, Aguglia, & Amore (2020) Psychological impact of Covid-19 on the

mental health in the general population.
https://academic.oup.com/qjmed/article/113/5860841

Stafford (2020) What’s the difference between Online Learning and Distance
Learning?
https://www.staffordglobal.org/articles-and-blogs-/whats-the-difference-
between-online-and-distance-learning/

Bernardo, J. (2020). Modular Distance most preferred parents: DepEd, ABS-CBN

News.
https://news.abscbn.com/news/07/30/20/modular-learning-most-preferred-
by-parents-deped.

D. Tesis at Disertasyon

Abaidoo (2018) Factors Contributing to academic performance of students in a

Junior High School.Gomo-East District in the Central Region of Ghana.

Ambayon, Cristobal (2020) Modular-Based Approach and Student’s Achievement

in Literature. College of Teacher Education, Sultan Kudarat State
University, Mindanao Philippines
 55

Assel Karibayeva at Yurdagul Bogar (2014) “To what extent does parents’
involvement in middle school influence children’s educational progress?”
Brunel University, Kingston Lane Uxbridge, London and UB8 3PH,
England

Catabian (2021) Edukasyon sa Gitna ng Pandemya: Pananalliksik ukol sa

Distansyang Pamamaraan ng Pagtuturo ng Wika at Panitikan sa Panahon
ng Pandemya

Farooq, et. Al (2011) na may pamagat na “Factors affecting student’s quality of

academic performance: A case of secondary level”. Metropolitan City of
Pakistan

Grolnick at Slowiaczek (1994) Parents’ involvement in Children’s Schooling: A

Multidimensional Conceptualization and Motivational Model. Clark
University. New York University

Janaya et. al (2018) Salik na nakakaapekto sa akademikong pagganap ng mga

mag-aaral na nagmamayorya sa Filipino. Pamantasang Estado sa
Kanlurang Bisayas.

Madre, R. J. D., & Marbella, F. D. (2021). Mga hamon sa distance learning sa

pagtuturo-pagkatuto ng Filipino. International Journal of Research Studies
in Education, 10 (8), 93-102

Saculo (2021) Sikolohikal na Epekto ng Community Quarantine sa mga Piling

Mamamayan ng Lungsod ng Lipa, Batangas
 56

APENDIKS A. LIHAM PAHINTULOT

EMA EMITS College Philippines

M.H. Del Pilar St., Pinamalayan, Silangang Mindoro
 57

APENDIKS B. TALATANUNGAN

KAUGNAYAN NG SIKOLOHIKAL NA KAPALIGIRAN SA TAHANAN SA

KAUGALIAN SA PAGKATUTO NG MGA MAG-AARAL SA
EMA EMITS COLLEGE PHILIPPINES

Panuto: Lagyan ng tsek (√) ang loob ng kahon na tumutukoy sa iyong

sagot

Tandaan: Ang pamilya na tinutukoy sa bawat katanungan ay maaaring

patungkol sa magulang, kapatid, tito, tita, o iba pang kasapi sa tahanan.
Walang tama o mali sa iyong sagot sa talatanungan na ito. Sinisiguro
namin na ang iyong sagot ay iingatan nang mahigpit at gagamitin lamang
sa pag-aaral.

5- Palagi 3- Minsan 1- Hindi

4- Madalas 2- Bihira

Suporta ng Magulang o ibang kasapi ng pamilya 5 4 3 2 1

1. Kaagapay ko ang aking pamilya sa pag-unawa ng mga
aralin
2. Sinisikap ng aking mga magulang na unawain ang
nilalaman ng aralin upang ito’y malinaw na maipaliwanag
sa akin
3. Itinatama ng aking kapatid ang aking pagkakaumawa sa
aralin
4. Inaalam ng aking pamilya kung ano ang maaari nilang
maitulong para sa mas ikagagaan ng aking gawain
5. Ginagabayan ako ng aking pamilya na unawain ang
bawat panuto sa mga gawain
6. Kinukumusta ng aking pamilya ang aking kalagayan sa
pagsasagot ng modyul
7. Binibigyang ako ng motibasyon ng aking mga magulang
na magpatuloy sa paggawa ng mga gawain sa kabila ng
hirap nito
8. Nagbibigay ng positibong puna ang aking pamilya sa mga
natapos kong aktibidad o proyekto
9. Tinutulungan ako ng aking pamilya sa pagbuo ng mga
ideya o kasagutan sa modyul sa abot ng kanilang
makakaya
10. Nagpapakita ng pagpapahalaga ang aking pamilya sa
bawat ginagawa kong pagsusumikap sa pagsagot ng
 58

modyul

11. Katuwang ko ang aking kapatid sa paggawa ng mga

gawain sa modyul upang matapos ang lahat ng ito sa
takdang oras
12. Nagkakaroon ako ng galak na ipagpatuloy ang gawain
kapag tinutugunan ng aking magulang ang aking
akademikong pangangailangan
13. Tinutugunan ng aking pamilya ang aking mga katanungan
ukol sa aralin na nakapaloob sa modyul.
14. Pinapaalalahanan ako ng aking mga magulang na gawin
ang mga gawain sa modyul
15. Hinihikayat ako ng aking magulang na sikaping tapusin
ang mga gawain gaano man kahirap ang mga ito
 59

APENDIKS C. TALAHANAYAN

Talahanayan 1. Pananaw ng mga mag-aaral hinggil sa nakukuhang suporta

mula sa kanilang pamilya
Kalagayan ng Sikolohikal na Kapaligiran sa loob ng Mean Interpretasyon
tahanan
Ang aking pamilya ay:
1. Kaagapay ko sa pag-unawa sa aralin.
2. Nagsisikap na unawain ang nilalaman ng aralin
upang ito’y malinaw na maipaliwanag sa akin.
3. Itinatama ang aking pagkakaunawa sa aralin.
4. Naglalaan ng oras upang alamin kung ano ang
maaari nilang itulong para sa mas ikagagaan ng
aking gawain.
5. Ang gumagabay sa akin sa pag-unawa ng bawat
panuto sa aking mga gawain.
6. Naglalaan ng oras upang ako ay kumustahin sa
aking kalagayan sa pagsasagot ng modyul.
7. Nagbibigay ng suhestiyon kung paano mas
pagagandahin ang aking proyekto.
8. Nagbibigay ng positibong puna sa mga natapos
kong aktibidad o proyekto.
9. Tumutulong sa akin sa pagbuo ng ideya o
kasagutan sa modyul sa abot ng kanilang
makakaya.
10. Nagpapakita ng pagpapahalaga sa bawat
ginagawa kong pagsusumikap sa pagsagot ng
modyul.
11. Ang katuwang ko sa paggawa ng mga gawain
upang matapos ang lahat ng ito sa takdang oras.
12. Tumutugon sa aking mga akademikong
pangangailangan.
13. Tumutugon sa aking mga katanungan ukol sa
aralin.
14. Ang nagpapaalala sa akin na gawin ang mga
gawain sa modyul.
15. Naghihikayat sa akin na pagsumikapang tapusin
ang mga gawain gaano man kahirap ang mga
ito.
Kabuuang Mean at Interpretasyon
 60

Talahanayan 2. Frequency Distribution ng Antas ng Akademikong

Pagganap ng mga Mag-aaral sa ikawalong baitang.
Grado sa Unang Distribution Skeyling ng
Markahan Pagmamarka

Antas ng
Akademikong
Pagganap ng
mga mag-aaral
sa ikawalong
baitang
 61

APENDIKS D. ANALISIS NG KORELASYON

Talahanayan 3. Kaugnayan ng Kalagayang Sikolohikal na Kapaligiran sa

tahanan at ang antas ng akademikong pagganap ng mga
mag-aaral

Antas ng Akademikong Pagganap

Suporta ng Pamilya Rxy Value Interpretasyon

 62

PANSARILING TALA

Tirahan: Nabuslot, Pinamalayan Oriental Mindoro

Email Address: mendezahlea@gmail.com

AHLEA L. MENDEZ

Batsilyer ng Pang-Sekondarang Edukasyon

na Nagmamayorya sa Filipino

Kasarian: Babae

Petsa ng Kapanganakan: Marso 29, 2000

Nasyunalidad: Filipino

Magulang: Edna L. Mendez

Emmanuel M. Mendez
 63

Kolehiyo: EMA EMITS College Philippines

Pinamalayan, Silangang Mindoro
Batsilyer ng Pang-Sekonderyang Edukasyon
na Nagmamayorya sa Filipino
Hulyo 2022

Sekondarya: Nabuslot National High School

Nabuslot, Pinamalayan, Silangang Mindoro
Marso 2018

Elementarya: Panggulayan, Elementary School

Panggulayan, Pinamalayan,Silangang Mindoro
Marso 2012
 64

PANSARILING TALA

Tirahan: Nabuslot, Pinamalayan Oriental Mindoro

Email Address: annecalozano@gmail.com

ANNECA L. MENDEZ

Batsilyer ng Pang-Sekondarang Edukasyon

na Nagmamayorya sa Filipino

Kasarian: Babae

Petsa ng Kapanganakan: Marso 29, 2000

Nasyunalidad: Filipino

Magulang: Edna L. Mendez

Emmanuel M. Mendez
 65

Kolehiyo: EMA EMITS College Philippines

Pinamalayan, Silangang Mindoro
Batsilyer ng Pang-Sekonderyang Edukasyon
na Nagmamayorya sa Filipino
Hulyo 2022

Sekondarya: Nabuslot National High School

Nabuslot, Pinamalayan, Silangang Mindoro
Marso 2018

Elementarya: Panggulayan, Elementary School

Panggulayan, Pinamalayan,Silangang Mindoro
Marso 2012
 66

PANSARILING TALA

Tirahan: Sta. Maria, Pinamalayan Oriental Mindoro

Email Address: mariannamanalo@gmail.com

MARIANNE JOY L. MANALO

Batsilyer ng Pang-Sekondarang Edukasyon

na Nagmamayorya sa Filipino

Kasarian: Babae

Petsa ng Kapanganakan: Enero 06, 2000

Nasyunalidad: Filipino

Magulang: Jennifer Manalo

Mariano Manalo Jr.

 67

Kolehiyo: EMA EMITS College Philippines

Pinamalayan, Silangang Mindoro
Batsilyer ng Pang-Sekonderyang Edukasyon
na Nagmamayorya sa Filipino
Hulyo 2022

Sekondarya: Nabuslot National High School

Nabuslot, Pinamalayan, Silangang Mindoro
Marso 2018

Elementarya: Pagalagala, Elementary School

Pagalagala, Pinamalayan, Silangang Mindoro
Marso 2012