Republika ng Pilipinas

Kagawaran ng Edukasyon
Rehiyon VI – Kanlurang Visayas
Paaralang Sangay ng Iloilo

PAUNANG PAGSUSULIT SA FILIPINO VI

S.Y. 2022-2023

Panuto: Basahin at unawain nang mabuti ang mga pahayag. Isulat ang letra ng tamang
sagot sa sagutang papel.

Panuto: Para sa bilang 1-4. Basahin at unawain ang mga pangungusap.

1. Naglunsad ng Clean and Green Program ang mga Opisyales ng Barangay Poblacion.
Dapat _______ makiisa sa ganitong gawain ng ating barangay.
A. kitang B. tayong C. silang D. kaming
2. Nagkaroon ng suliranin sa suplay ng kuryente hindi lamang sa lungsod ng Iloilo kundi
_________ bahagi ng probinsiya.
A. anumang B. saanmang C. kailanman D. ilanman
3. Ipinangako niya sa kanyang mga magulang na hinding-hindi niya pababayaan ang mga
kapatid kahit _____________ ang mangyari.
A. anuman B. kailanman C. saanman D. ninuman
4. Kanina pa hinahanap ni Luisa ang kanyang cellphone. ____________ lang pala sa loob
ng hawak niyang bag.
A. Narito B. Naroon C. Nandito D. Nariyan

Para sa bilang 5-11, basahin ang pabula at sagutin ang mga katanungan sa ibaba.

Isang araw, ang aso ay nakahuli ng isang ibon. Samantalang pinagpapasasaan niya
iyon, isang munting buto ang nahalang sa kanyang lalamunan. Hindi niya maalis ang bikig
na napakasakit. Sa matinding paghihirap ay napahalinghing ang aso nang ubod-lakas.

Tumakbo siya kung saan-saan upang humanap ng makapag-aalis ng kanyang bikig.

Nagmamakaawang ipinapangako niya sa kaninumang mahilingan ng tulong na ibibigay
niya ang anumang mayroon siya sa makaaalis ng kaniyang bikig sa kanyang lalamunan.
Hindi nagdalawang-isip ang pusa na magbigay ng tulong sa aso.
Tumihaya na ang aso at ibinuka ang kaniyang bunganga. Ipinasok naman ng pusa
ang kaniyang ulo hanggang sa leeg ng aso upang alisin ang bikig.

Pagkabunot ng bikig, ang pusa ay nagsalita.

“Ibigay mo na ang aking gantimpala,” saad ng pusa.

Umangil ang aso. Inilabas niya ang matatalim na pangil. “Magpasalamat ka, at
naipasok mo ang iyong ulo sa aking bunganga at nailabas mo pa rin nang hindi ka
napahamak,” wika ng aso na wari pang nanunumbat.

Laylay ang balikat na umalis ang pusa sa pag-aakalang bibigyan siya ng gantimpala
ng aso matapos niya itong tulungan.
5. Anong ugali ang ipinakita ni aso sa pahayag niyang ito, “Magpasalamat ka, at naipasok mo
ang iyong ulo sa aking bunganga at nailabas mo pa rin nang hindi ka napahamak.”
A. walang utang na loob C. makasarili
B. mayabang D. mapagmataas

6. Paano nahikayat ang pusa na tulungan ang aso na alisin ang bikig nito sa lalamunan?
A. Tinakot ng aso ang pusa.
B. Naawa ang pusa sa aso.
C. Tumanaw ng utang na loob ang pusa sa aso.
D. Nangako ang aso na magbibigay ng gantimpala.

7. Anong kaisipan ang nais ipahiwatig ng pabula?

A. maging masayahin palagi
B. tumanaw ng utang na loob
C. marunong tumalikod sa kapwa
D. mapagmataas sa lahat ng oras

8. Ano ang kahulugan ng sawikaing may salungguhit sa pabula?

A. namamaga ang balikat C. galit na galit
B. bigo na umalis D. sugatan ang balikat

9. Paano nabikig ang aso?

A. Kumain ang aso ng isda.
B. Pinagpasasaan niya ang nahuling ibon.
C. Nakalulon ang aso ng munting buto ng ibon.
D. Kumain ang aso ng mga tira-tirang buto ng baboy.

10. Alin sa mga pahayag ang pinakahuling nangyari batay sa pabula?

A. Bigong umalis ang pusa na makuha ang gantimpala mula sa aso.
B. Siningil ng pusa ang aso sa ipinangakong gantimpala nito.
C. Hindi maalis ng aso ang bikig sa kanyang lalamunan.
D. Nakahuli ang aso ng isang ibon.

11. Pagsunud-sunurin ang mga pangyayari sa pabula batay sa mga larawan sa ibaba.

1 2 3 4

A. 2 4 1 4 C. 4 3 2 1
B. 2 3 4 1 D. 2 1 3 4
12. Inatasan ni Gng. Santillan ang kanyang mag-aaral na magsaliksik ng iba pang pabula. Sinabi
niyang iulat ito sa susunod nilang pagkikita. Aling sanggunian ang maaaring gamitin ng mga
mag-aaral?

A B C D

Para sa bilang 13-14, tukuyin ang wastong gamit ng panghalip upang mabuo ang
pangungusap.

13. Maraming naglipanang batang kalye sa lansangan. _____________ ay suliranin ng lipunan.

A. Doon C. Ito
B. Iyan D. Diyan

14. Ilan sa mga lumalahok sa mga kompetisyon sa Asya at maging sa mga torneong pandaigdig
ay sina Eugene Torre, Joey Antonio, at Nelson Mariano. Di-matatawaran ang kakayahan sa
chess ng mga kababayan ____________.
A. tayo C. kanila
B. natin D. kaniya

15. Nahulog sa imburnal si Roy. Puno ng putik ang buong katawan niya. Dali-dali siyang
____________ sa poso. Ano ang angkop na pandiwa upang mabuo ang pangungusap?
A. naligo C. naliligo
B. maliligo D. liligo

Para sa bilang 16-20. Basahin ang sanaysay at sagutin ang mga katanungan sa ibaba.

Ang pagkakaroon ng isang mataas at matibay na edukasyon ay isang sandigan

upang mabago ang takbo ng isang lipunan tungo sa pagkakaroon ng isang masaganang
ekonomiya. Mataas na edukasyon na hindi lamang binubuhay ng mga aklat o mga bagay
na natutuhan sa ating mga paaralan. Bagaman, kasama ito sa mga pangunahing elemento
upang magkaroon ng sapat na edukasyon, ang praktikal na edukasyon na nakabase sa
ating araw-araw na pamumuhay ang dapat pa ring piliting maabot. Matibay ang isang
edukasyon kung ito ay pinagsamang katalinuhan bunga ng mga pormal na pag-aaral
tungkol sa Mathematics, Science, English at mga bagay na tungkol naman sa buhay at
kung paano mabuhay nang maayos at payapa.

Ang edukasyon ang magiging daan tungo sa isang matagumpay na hinaharap ng

isang bansa. Kung wala nito, at kung ang mga mamamayan ng isang lipunan ay hindi
magkakaroon ng isang matibay at matatag na pundasyon ng edukasyon, magiging
mahirap para sa kanila na abutin ang pag-unlad. Marapat lamang na maintindihan na ang
edukasyon ang magdadala sa kanila sa mga inaasam na mga mithiin.

Source: sanaysay-filipino.blogspot.com
16. Ayon sa sanaysay, paano mababago ang isang lipunan tungo sa pagkakaroon ng
masaganang ekonomiya? Dapat ____________.
A. magkaroon ng mataas at matibay na edukasyon ang mamamayan
B. magpatayo ng maraming matataas na paaralan
C. mag-impok sa bangko ang lahat na kabataan
D. pag-aralan ang Mathematics, Science at English

17. Alin sa mga sumusunod na pahayag ang nagsasaad ng katotohanan tungkol sa pag-aaral na
pormal? Ang pag-aaral ay ___________.
A. mga karanasan sa buhay
B. nagaganap sa paaralan
C. natutuhan sa tahanan
D. nakukuha sa internet

18. Ano ang posibleng kahihinatnan ng mamamayan kung walang edukasyon?

A. Magkakaroon ng kaguluhan sa bansa.
B. Tataas ang bilang ng iliterasi sa Pilipinas.
C. Magsasara ang lahat ng paaralan sa bansa.
D. Magiging mahirap na abutin ang pag-unlad o pangarap sa buhay.

19. Ano ang angkop na pamagat sa binasang sanaysay?

A. Ang Kahalagahan ng Edukasyon sa Bansa
B. Ang Pag-abot ng Tagumpay ng Mamamayan
C. Sa Paaralan may Sandigan ang Bayan
D. Ang Kagalingan ng Mamamayan

Para sa bilang 20-23. Basahin at unawain ang seleksiyon. Sagutin ang mga katanungan sa ibaba.

Si Mang Isidro ay isang masipag na mangingisda. Madaling-araw pa lamang ay

pumapalaot na siya upang manghuli ng isda. Nagtatagal siya sa laot hanggang sa tuluyang
tumaas na ang araw.
Tanging si Mang Isidro lamang ang inaasahan ng kanyang pamilya. Ang kakarampot
niyang kita sa pangingisda ay tamang-tama lang na pambili ng kanilang pangangailangan
sa bahay. Maliliit pa ang kanyang dalawang anak kaya kahit lamog ang katawan ay hindi
nagpaparamdam ng hinaing si Mang Isidro. Bagkus, ang pamilya ang kaniyang naging
inspirasyon upang patuloy na makikibaka sa buhay.

20. Ang sawikaing may salungguhit ay nangangahulugang _________________.

A. masakit ang katawan C. sobrang pagod
B. malakas at matikas D. buto’t balat

21. Alin sa sumusunod ang naglalarawan kay Mang Isidro?

A. masipag at maalalahanin C. mabait at matulungin
B. maalaga at mapagmahal D. responsable at masayahin
22. Ano ang paksang pangungusap sa unang talata ng seleksiyon? Si Mang Isidro ay
____________.
A. nagtatagal sa laot
B. masipag na mangingisda
C. pumapalaot upang manghuli ng isda
D. naghihintay hanggang tuluyang tumaas na ang araw

23. Ano ang angkop na pamagat ng binasang salaysay?

A. Ang Mangingisdang si Mang Isidro
B. Ang Mabait na Mangingisda
C. Ang Mapagmahal na Ama
D. Ang Ulirang Ama

Para sa bilang 24-25, piliin ang angkop na pang-uri na bubuo sa pangungusap.

24. _______________ si Mang Isidro sa lahat ng ama na nakilala ko.
A. Masipag C. Mas masipag
B. Masisipag D. Pinakamasipag

25. ___________ (ng) ama si Mang Isidro. Hindi niya iniinda ang anumang hirap at pagsubok sa
buhay.
a. Dakila c. Matalino
b. Masaya d. Listo
26. ______________ ni Mang Isidro ang pag-uwi ng maraming huling isda. Tiyak na malaki ang
kikitain niya rito.
A. Ikinalungkot C. Ikinagalit
B. Ikinatuwa D. Ikinabahala

Para sa bilang 27-30, basahin at unawain nang mabuti ang seleksiyon. Sagutin ang mga
katanungan sa ibaba.

Ang batang matapat ay hinahangaan at kinalulugdan. Siya ang batang palaging nagsasabi
nang totoo. Kapag tinatanong hindi siya nagdadalawang-isip na sabihin ang tunay na nangyari.
Hindi niya ito dinaragdagan o binabawasan. Kapag nabasag niya ang plorera, ipinagtatapat niya
ito sa kanyang magulang. Humihingi siya ng tawad at tinatanggap ang pagkakamaling
nagawa.Tuwing may pagsusulit, sinasagutan nya ito nang buong katapatan. Hindi siya nandaraya
kailanman. Hindi niya pinipilit ang mga bagay na sa palagay niya ay mali.
Ang batang matapat ay nagtatapon ng basura sa tamang lalagyan, may nakamasid man
o wala. Ang batang matapat ay hindi malikot ang kamay. Ibinabalik niya ang sobrang sukli ng
tindera sa tindahan, kapag mali ang naibigay nitong pera.
Ang batang matapat ay walang itinatago sa kanyang mga magulang, guro, kaibigan, at
kaklase. Siya ang batang kinalulugdan ng lahat.
27. Ano ang mahihinuha sa nabasang teksto?
A. Ang batang matapat ay hinahangaan at kinalulugdan.
B. Ang pagiging matapat sa lahat ng oras ay nagdudulot ng kabutihan.
C. Binibigyan ng karangalan ang sinumang nagsasabi ng katotohanan.
D. Kinalulugdan ng Diyos ang mga batang nagpapakita ng katapatan sa lahat ng
pagkakataon.

28. Ang batang matapat ay hindi malikot ang kamay. Ano ang kahulugan ng idyomang may
salungguhit sa pangungusap?
A. nangungupit C. malambot
B. magaspang D. nangangati

29. Alin sa sumusunod na pahayag ang nagsasaad ng opinyon?

A. Kinalulugdan at hinahangaan ang batang matapat.
B. Ibinabalik ng batang matapat ang sobrang sukli sa tindahan.
C. Sa palagay ko dapat bibigyan ng parangal ang batang matapat.
D. Ang batang matapat ay palaging nagsasabi nang totoo sa lahat ng pagkakataon.

30. Ano ang paksang tinatalakay sa nabasang teksto?

A. pagkamatapat
B. pagkamatulungin
C. pagkamadasalin
D. pagkamagalang

31. Alin sa sumusunod ang payak na pangungusap?

A. Ang batang matapat ay kinalulugdan at hinahangaan ng lahat.
B. Humihingi siya ng tawad at tinatanggap niya ang anumang pagkakamali.
C. Kapag nabasag niya ang plorera ipinagtatapat niya ito sa kanyang magulang.
D. Hindi siya nagdadalawang-isip na sabihin ang katotohanan kapag tinatanong siya.

Para sa bilang 32-33. Piliin ang angkop na pandiwa na bubuo sa bawat sitwasyon.

32. Nadulas sa tulay na kawayan ang magkaibigang Ana at Lina. Nasugatan ng pako si Lina. Siya
ay _____________ habang ginagamot ni Ana.

A. umiyak C. iiyak
B. umiiyak D. iiyakin

33. Biglang nasagi ng walis ang mamahaling plorera ni Aling Lisa. Basag at durog na sa sahig.
_____________ si Aling Lisa nang ito ay makita. Alin ang pandiwang nasa pokus sa aktor?

A. Gumalit C. Ginalit
B. Nagalit D. Nanggalit
 Para sa bilang 34-36, suriin ang ang mga datos na naklahad sa graph. Sagutin ang mga
katanungan sa ibaba.

Populasyon ng San Dionisio Central Elementary School

900

800

700

600

500

2019-2020 2020-2021 2021-2022

34. Ano ang ipinapakita ng graph?

A. Populasyon ng San Dionisio Central Elementary School mula taong 2019 hanggang
2022
B. Pagtaas ng populasyon ng San Dionisio Central Elementary School sa taong 2021-2022
C. Kabuoang populasyon ng babae at lalake sa San Dionsio Central Elementary School
D. Kabuoang populasyon ng mga mag-aaral sa taong 2019-2020

35. Anong paglalahat ang mabubuo mo sa impormasyong nasa graph?

A. Marami ang mga babaeng mag-aaral sa San Dionisio Central Elem. School.
B. Papaunti ang bilang ng mga mag-aaral sa San Dionisio Central Elem. School.
C. Pareho ang dami ng mga mag-aaral na babae at lalaki sa San Dionisio Central Elem.
School.
D.Tumaas ang populasyon ng San Dionisio Central Elementary School sa taong
panuruang 2019 hanggang 2022.

36. Ano ang mahihinuha mo sa mga datos ayon sa graph?

A. Dumami ang mag-aaral na mga lalaki.
B. Mas maraming mag-aaral na babae kaysa sa lalaki.
C. Tumataas ang bilang ng mag-aaral sa San Dionisio Central Elementary School.
D. Walang pagbabago sa bilang ng mga mag-aaral sa San Dionisio Central Elementary
School.
Para sa bilang 37- 41, basahin nang mabuti ang kuwento at sagutin ang mga tanong.

Isang araw ng tag-init, naglalakbay patungong dalampasigan ang magkaibigang Emong

at Danilo. Nais nilang maligo sa dagat upang mapawi ang tindi ng init sa kanilang katawan. Bago
nila marating ang dalampasigan, malayo-layo pa ang kanilang lalakarin. Habang hingal na sa
paglalakakad dahil sa matinding sikat ng araw, nakakita sila ng isang punong mayabong.
Tumakbo sila roon upang magpahinga.
“Buti na lang at may puno rito. Pagod na pagod na ako at uhaw na uhaw pa,” pahayag ni
Emong.
“Pero Emong, tingnan mo naman ang punong ito. Napakalaki ngunit walang bunga?” ang
sabi ni Danilo.
“Huwag kang ganyan Danilo. Hindi ba’t nawala ang pagod mo dahil sa lilim ng mga dahon
nito? Presko ang hangin kaya hindi ka masyadong naiinitan. Kahit walang bunga ang punong ito,
marami pa rin itong pakinabang. Kapag tag-ulan, may masisilungan tayo para hindi tayo
masyadong mabasa. Sinisipsip din nito ang tubig-ulan para hindi tumaas ang tubig sa mga lawa
at ilog. Napapanatili din nitong malinis at malamig ang hangin. Maraming silbi ang punong ito,
hindi ba?” ang paliwanag ni Emong.
“Oo nga ano. Nakalimutan ko na hindi lang pala bunga ang pakinabang ng puno,”
nahihiyang sagot ni Danilo.
“Kaya dapat, matuto tayong magpahalaga sa maliliit na bagay na ibinibigay sa atin.
Tulad ng punong ito na kahit walang bunga, marami pa ring pakinabang,” pagtatapos ni Emong.

37. Anong klima ng panahon ang isinasaad sa binasang kuwento?

A. tag-ulan B. tag-init C. tagtuyot D. taglagas

38. Ano ang napansin ng mga tauhan sa puno? Ito ay ___________.

A. walang bunga C. hitik na hitik sa bunga
B. walang dahon D. may maraming langgam na nakatira

39. Alin sa sumusunod na pahayag ang nagsasaad ng di-pagkamakatotohanan batay sa teksto?

A. Preska ang hangin kaya hindi maiinitan.
B. Napapanatili ang polusyon sa kapaligiran.
C. Nakapapawi ng pagod ang lilim ng mayabong na dahon.
D. Sinisipsip ang tubig-ulan para hindi tumaas ang tubig sa mga lawa at ilog.

40. Pagsunud-sunurin ang pangyayari ayon sa kuwento.

1. Bago nila marating ang dalampasigan, malayo-layo pa ang kanilang lalakarin.

2. Tumakbo sila roon upang magpahinga.
3. Habang hingal na sa paglalakad dahil sa matinding sikat ng araw, nakakita sila ng isang
punong mayabong.
4. Isang araw ng tag-init, naglalakbay patungong dalampasigan ang magkaibigang Emong
at Danilo.
5. Nais nilang maligo sa dagat upang mapawi ang tindi ng init sa kanilang katawan.

A. 5-4-3-2-1 B. 4-5-1-3-2 C. 4-3-5-1-2 D. 5-4-1-3-2

 41. Pagsunud-sunurin ang mga pangyayari sa kuwento batay sa mga larawan.

1 2 3 4

A. 2 1 4 3 C. 2 4 3 1
B. 2 4 1 3 D. 2 4 3 1

42. Ang mga mag-aaral sa Ikaanim na Baitang ay inatasan ni Bb. Hipolito na magsaliksik
tungkol sa proseso ng water cycle. Aling sanggunian ang maaring gamitin ng mga mag-
aaral?
A. Almanac C. pahayagan
B. Encyclopedia D. aklat

Para sa bilang 43-44, buuin ang patalastas gamit ang wastong kaantasan at
kayarian ng pang-uri.

“Aba, (43)______________ ng buhok mo Dina! Nagpa-rebond ka ba?” tanong

ni Marielle.
“Naku, hindi ah. Kaya makintab, madulas, maganda at (44)____________ ang
buhok ko dahil gumagamit ako ng E-shine shampoo! Ano pang hinihintay mo? Mag-
E-shine ka na! Sa E-shine, talagang mapapa-wow ka!”

43. A. napakakintab C. makintab

B. kumintab D. mas makintab

44. A. sariwa C. maikli

B. malambot D. mamahalin

Para sa bilang 45-46, piliin ang angkop na panghalip para mabuo ang diwa ng
pangungusap.

45. Matalik na magkaibigan sina Emong at Danilo. Parang tunay na kapatid ang turing
____________ sa isa’t isa.
A. niya C. kanila
B. sila D. nila

46. _____________ ang mabubuting naidudulot ng puno sa buhay ng tao at hayop?

A. Ilan-ilan C. Sino-sino
B. Magka-magkano D. Ano-ano
47. Alin sa mga sumusunod ang pangungusap na langkapan?
A. Tumakbo sila sa kinaroroonan ng puno upang magpahinga.
B. Habang hingal na sila sa paglalakad dahil sa matinding sikat ng araw, nakakita
sila ng isang punong mayabong.
C. Isang araw ng tag-init, naglalakbay patungong dalampasigan ang magkaibigang
Emong at Danilo.
D. Nais nilang maligo sa dagat upang mapawi ang tindi ng init sa kanilang katawan.

48. Hindi ba’t nawala ang pagod mo dahil sa lilim ng mga dahon nito? Ang pahayag na ito
ay pangungusap na ______________.
A. patanong C. pautos
B. pasalaysay D. pakiusap

Para sa bilang 49-50, suriin ang mga salitang magkakaugnay ayon sa hinihingi ng
sitwasyon.

49. Balak ng pamilyang Cruz na magbakasyon sa kabilang pulo upang makapagdalo sa

kapistahan ng kanilang mag-anak. Kailangan nilang makapaglakbay nang maaga.
Tukuyin ang mga salitang magkaugnay na maaari nilang gamitin sa paglalakbay ayon
sa gamit.
A. bangka, sagwan C. sapatos, medyas
B. kariton, gulong D. uniporme, paaralan

50. Damang-dama ng mga mag-aaral ang pag-awit ng pambansang awit habang taas-
noong nakatingala sa watawat at ipinagmamalaki ang pagiging Pilipino. Tukuyin ang
mga salitang magkaugnay batay sa lokasyon.
A. awit, himig C. Pilipino, mag-aaral
B. watawat, tagdan D. taas-noo, nakatingala