Sa Aking Mga Kabata
Kapagka ang baya’y sadyang umiibig
Sa kanyang salitang kaloob ng langit,
Sanlang kalayaan nasa ring masapit
Katulad ng ibong nasa himpapawid.
Pagka’t ang salita’y isang kahatulan
Sa bayan, sa nayo’t mga kaharian,
At ang isang tao’y katulad, kabagay
Ng alin mang likha noong kalayaan.
Ang hindi magmahal sa kanyang salita
Mahigit sa hayop at malansang isda,
Kaya ang marapat pagyamaning kusa
Na tulad sa inang tunay na nagpala.
Ang wikang Tagalog tulad din sa Latin
Sa Ingles, Kastila at salitang anghel,
Sapagka’t ang Poong maalam tumingin
Ang siyang naggawad, nagbigay sa atin.
Ang salita nati’y huwad din sa iba
Na may alfabeto at sariling letra,
Na kaya nawala’y dinatnan ng sigwa
Ang lunday sa lawa noong dakong una.
I.
1. Ang binasa ay isang halimbawa ng _____
A. salawikain B. tula C. parabola D.
sawikain
2. Alin sa mga sumusunod ang simbolikal na
kahulugan ng salita?
A. saknong B. taludtod C. denotasyon D.
konotasyon
3. Ano ang kasalungat ng “kaloob” na
matatagpuan sa ikalawang taludtod?
A. binawi B. ibinigay C. parusa D.
masama
4. Ang salitang nakasalungguhit sa ikalawang
taludtod ay nangangahulugang_____
A. ulap B. hangin C. Panginoon D.
pamahalaan
5. Alin sa mga sumusunod ang mensahe ng
huling dalawang taludtod?
A. Masaya sa pakikipagsapalaran.
B. Mabilis na paglipas ng panahon.
C. Lumilipad na isip sa himpapawid.
D. Maging magsinlaya ng ibong
lumilipad sa langit
II.
6. Ano ang tinutukoy na tinubuang lupa sa tula ni Andres Bonifacio?
A. Lungsod B. Kabundukan C. Bayang sinilangan D. Lupang tinatamnan
7. Batay sa tula, alin sa mga sumusunod ang pinakamataas na uri ng pag-ibig?
A. Pag-ibig sa bayan
B. Pag-ibig sa kaibigan
C. Pag-ibig sa kasintahan
D. Pag-ibig sa kayamanan
8. Bakit mahalagang magsakripisyo para sa tinubuang lupa?
A. Sapagkat mayroon itong malaking bahagi sa ating pagkatao.
B. Sapagkat katuwang ito ng Diyos upang mapanatili tayong buhay.
C. Sapagkat saksi ito sa lahat ng mahahalagang pangyayari sa buhay.
D. Lahat nang nabanggit.
9. Paano makikita ang pinakamataas na antas ng pag-ibig sa kasalukuyan?
A. Pagbili ng mga bagay na kinahihiligan.
B. Pag-aalaga ng mga magulang sa kanilang mga anak.
C. Pagtatrabaho nang mabuti upang kumita ng malaki.
D. Pagsasakripisyo ng mga frontliner ng kanilang kaligtasan upang malabanan
ang Covid.
10. Paano maiuugnay ang tula sa naging tatak ni Bonifacio sa kasaysayan?
A. Pagtatanggol sa bayan gamit ang lakas at dahas.
B. Paggawa ng batas na papabor sa mga Pilipino laban sa mga Kastila.
C. Pagpunta sa ibang bansa upang makipagkasundo sa mga dayuhan.
D. Pagsulat ng isang nobelang pupukaw sa damdamin ng mga Pilipino.