PAKSA: KABANATA I: MAKRONG KASANAYAN

• Pasulat
a. Kahulugan at kahalagaan ng pagsulat
b. Kasanayan at Proseso ng pagsulat
• Pagbasa
• Panonood
BILANG NG LINGGO: 3
ORAS NA ILALAAN: 3 oras
MGA LAYUNIN:
Pagkatapos ng talakayan ang mga mag-aaral ay inaasahang:
1. Natatalakay ang kahulugan at kahalagaan ng pagsulat;
2. Nalalaman ang mga nilalaman at kahalagahan ng bawat kasanayan sa buhay ng tao;

PAMPAGKATUTONG NILALAMAN

MAKRONG KASANAYAN

Introduksyon
Ang epektibong pagpapahayag ng kaisipan, saloobin, naisin, at damdamin ay isang
mahalagang proseso sa pakikipagtalastasan. Ang pangunahing kasangkapan upang
maisakatuparan ang matagumpay na pakikipagtalastasan ay paggamit ng wika. Dito
nakasalalay ang tagumpay ng anumang propesyon sa pakikipag-ugnayan sa kapuwa.
Nilalayon ng artikulong ito na malaman at maipaliwanag ang lima na makrong-kasanayan:
ang pakikinig, pagsasalita, pagbasa, at pagsulat.

Pagtatalakay

A. PAGSULAT
• Ang pagsulat ay pagsasalin sa papel o sa anumang kasangkapang maaaring magamit
na mapagsasalinan ng mga nabuong salita, simbolo at ilustrasyon ng isang tao o mga tao sa
layuning maipahayag ang nasa kanyang kaisipan (Sauco, et al., 1998).
• Isang paraan ng pagpapahayag ng mag saloobin, damdamin at kaalaman ang pagsulat
katulad ng pagsasalita. Sa apat na makrong kasanayang pangwika (pakikinig, pagsasalita,
pagbasa at pagsulat), ang pagsulat ang sinasabing pinakamahirap matutuhan. Di tulad ng
pagsasalita, hindi mga tunog kundi may mga titik ang simbolong ginagamit ng manunulat
upang makapagpahayag.
• Bumubuo siya ng makahulugang salita mula samga titik, at ng mga pangungusap at
kabuuang diskors mula sa mga salita.
• Ang pagsulat ay ekspresyon ng pagpapagalaw ng isipan at emosyon ng tao. Ang mga
bagay na hindi kayang sabihing pasalita ay ginagawa sa paraang pasulat. Maaaring sumulat
ng pansarili o personal; kasabay nang pag-unlad ng sariling ideya tungkol sa sarili at
karanasan.
• Ang ganitong uri ng pagsulat ay makatutulong sa pagpapabuti ng kasanayang ito
sapagkat ang paksang isinusulat ay pinakamalapit sa interes mo. Nagsusulat ang isang tao
upang makapag-ambag ng kaalaman o kaisipang maaaring mang-uudyok sa mambabasang
sumulat nang makabuluhan.
• Inilahad ni Arrogante (2000) ang mga kahalagahan ng pagsulat:
a. Kahalagahang Panterapyutika Ang taong may kahinaan sa pagsasalita ay
mahilig sumulat para mailabas lamang ang nasa kalooban may babasa man o wala.
Gumagaan ang kanilang pakiramdam pagkatapos makapagsulat. Para bang naibsan sila ng
isang mabigat na dalahin.
b. Kahalagahang Pansosyal Sumusulat ang mga tao dahil may namamagitang
katahimikan o mga bagay na siyang nagpapalayo sa isang relasyon ngunit likas ng tao ang
magkarelasyon. Kung nasasaktan ka at hindi mo masasabi nang tuwiran ang iyong nadarama,
isulat mo lang iyon. Madali ang ugnayan sa pamamagitan ng pagsulat. Ang isang
mamamayang sosyal ay sandatang panulat ang ginagamit para maipadama ang kanyang
saloobin tungkol sa mga pangyayari sa kanyang kapaligiran.
c. Kahalagahang Pang-ekonomiya Ang tao’y sumusulat dahil kailangan para siya’y
mabuhay, sa madaling salita ito’y nagiging kanyang hanapbuhay. Pang- araw-araw na gawain
niya ang pagsusulat at ang paghahanap ng mga dapat isulat, lalo na kapag may hinahabol na
deadline.
d. Kahalagahang Pangkasaysayan Ang panulat ay mahalaga sa pagreserba ng
ating kasaysayang pambansa at ang mga naisasatitik ay nagsisilbing dokumento para sa mga
sumusunod na henerasyon.

ANG PAGSULAT BILANG KASANAYAN AT PROSESO

• Ang proseso ng pagsulat ay hindi lamang nakapokus sa akto ng pagsulat. Kasangkot
dito ang mga manunulat sa pag-iisip, pagtalakay, pagbabasa, pagpaplano, pagsulat,
pag-eedit at pagsulat muli ng nabuong sulatin.
• Ang pagsulat ay isang prosesong paulit-ulit na pagsulat at pagkatapos ay pagsulat
muli hanggang sa mabuo ang sulatin. Sa pagsulat natin ng teksto ay nagsisimula tayo
sa isang blankong papel patungo sa isang kumpletong sulatin. Kaya lang, nagkakaroon
tayo ng suliranin kung paano at saan kukuha ng mga kailangang impormasyon na
siyang pupuno sa mga pahina. Sinasabing mahirap ang magsulat lalo na kung hindi
natin alam ang ating isusulat.
• Bilang isang proseso, ayon kina Graves (1982), Murray (1985), at Arrogante (2000),
ang pagsulat ay binubuo ng mga sumusunod na hakbang:
o (A) Bago Sumulat;
o (B) Pagsulat ng Burador;
o (C) Pagrebisa;
o (D) Pag-eedit; at
o (E) Paglalathala.
PROSESO NG PAGSULAT
A. Bago Sumulat (Prewriting) Ito’y isang estratehiya tungo sa pormal na pagsulat.
Ito ang unang hakbang na isasagawa sa pagpapaunlad ng paksang isusulat. Ang gawaing ito
ay maaaring ginagawa nang isahan o nang pangkatan.
B. Pagsulat ng Burador (Draft Writing) Ito’y aktuwal na pagsulat nang tuloy-tuloy
na hindi isinasaalang-alang ang maaaring pagkakamali. Ang mga kaisipan at saloobin tungkol
sa paksang sinusulat ay malayang ipinahahayag ng estudyante. Ang guro ay nakaantabay sa
maaaring maitulong o tanong na maaaring hingin ng mag-aaral kung nasa klasrum ang
gawain. Matapos maisagawa, maaaring balikan at suriin ng estudyante ang natapos na sulatin
upang maaayos at malinaw ang ginagawang paglalahad.
C. Pagrebisa Ito’y pagbabago at muling pagsulat bilang tugon sa sagot sa mga payo
at pagwawasto mula sa guro, kamag-aral, editor o mga nagsuri. Pangunahing konsern ng
rebisyon ang pagpapalinaw sa mga ideya. Ginagawa ito upang suriin ang teksto at nilalaman
para matiyak ang kawastuhan, kalinawan at kayarian ng katha na madaling maunawaan ng
babasa. Sa bahaging ito, iniwawasto ang mga inaakalang kamalian, binabago ang dapat
baguhin at pinapalitan ang dapat palitan.
D. Pag-eedit Ang bahaging ito ay pagwawasto sa gramatika, ispeling, estruktura ng
pangungusap, wastong gamit ng salita at mga mekaniks sa pagsulat. Sa bahaging ito
pinapakinis ang papel upang matiyak na ang bawat salita at pangungusap ay naghahatid ng
tamang kahulugan. Sa pag-eedit, ang mga di- magkaugnay na pangungusap ay muling
isinusulat upang higit na maipakita ang kaugnay na mga ideya.
E. Paglalathala
BUOD NG ARALIN
Para sa pagbubuod ng aralin, nalaman natin ang kahulugan ng pagsulat , kahalagahan ng
pagsulat, at ilan sa mga mahahalagang bagay patungkol sa pagsulat na makakatulong sa
paghubog sa ating kasananayan sa pagsulat.

SANGGUNIAN:
1. Habang may Papel at Tinta, (2015) Makrong kasanayan, Retrieved from
https://cyanobacterias.wordpress.com/2015/02/08/hello-again/
2. Gallo, R.V, Mendoza, R.M.,&Sultan, R.P. (2020), Modyul para sa Pagtuturo ng Filipino sa
Elementarya I (Estruktura at Gamit ng Wikang Filipino);Rex Publishing Bookstore
3. Oliverio, D. (2015) Makrong kasanayan sa Wika: Pagsulat at Pagbas, Retrieved
from https://www.slideshare.net/dawnnah/makrong-kasanayan-sa-wika-pagsulat-at-
pagbasa

GAWAIN PAMPAGKATUTO
Modyul 1

PANGKALAHATANG DIREKSIYON
1. Ang mga kasagutan ay maaaring isulat sa buong papel o sa Bond Paper kasama ang
inyong buong pangalan, program at taon, kowd at titulo ng kurso.
2. Ito ay kukuhanan ng malinaw na larawan gamit ang Cam Scanner.
3. Isusumite ang sa pamamagitan ng Microsoft Teams (Assignment Tab)
4. Maaari rin itong isumite na encoded at may file name na < Huling Pangalan, unang
Pangalan>< Learning Task>< FIL 002>

GAWAIN 3. Panuto: “Ilarawan mo ako”. Basahin at unawain ng mabuti ang mga

sumusunod na hakbang sa pagsasagawa ng gawain; (20 puntos)
1. Batay sa pamagat ng nasabing gawain na “Ilarawan mo ako”.
2. Pumili ng isang bagay na sa tingin mo ay umaangkop sa iyo bilang isang mag-aaral
ngayong pandemya. At ipaliwanag ito.

PAMANTAYAN SA PAGBIBIGAY NG PUNTOS

Maayos na nailahad ang nilalaman ng sanaysay, angkop ang ginamit na mga salita at 20 puntos
nagpakita ng malawak at makabuluhan ng pagpapahayag.
Maayos na nailahad ang mga pahayag at angkop ang mga ginamit na salita. 18 puntos
Angkop ang mga salitang ginamit ngunit hindi naipaliwanang ng maayos ang pahayag. 16 puntos

Hindi naipaliwanag ng maayos ang mga pahayag at hindi angkop ang mga salitang 14 puntos
ginamit.
Nasagutan ang sanaysay ngunit walang kaayusan. 10 puntos

Inihanda ni: Petsa:

REYMALYN D. COMA, LPT,MAED

English Instructor

Sinuri at Inaprubahan ni:

ANGELO K. LAHINA, LPT, MAT

Program Head, Teacher Education