HADITH HIKA HANGPUH TAG-ISA (11)

MANGA RUKUN SIN SAMBAHAYANG

Hadith daing Kan Abu Huraira (Kiyaridaan Siya Sin Allah) bunnal tuud in
Nabi (Sallallahu Alaihi Wasallam) nagsabda:

“APABILA KAW MABAYAH TUMINDUG MAGSAMBAHAYANG,

SAMPURNAA PARAYAWA IN PAG-AYR MU, MAHULI AMPA KAW
HUMARAP PAQIBLAT, IBAN TUMAKBIR (TAKBIRATUL IHRAM),
MAHULI MASSA KAW SIN UNU-UNU NA AYAT HALAWM SIN
QUR’AN AMUN KALUHAYAN KAW, HA PUAS MU MAMASSAHI SIN
FATIHA, MAHULI AMPA KAW RUMUKUH SAHINGGA HUMUMPUT
KAW NAGRURUKUH, MAHULI AMPA NAKAW ISAB UMANGKAT
DAING HA RUKUH TUMINDUG SAHINGGA MUNTUL KAW
NAGTITINDUG (MAG I’TIDAL). MAHULI AMPA KAW SUMUJUD
SAHINGGA HUMUMPUT KAW NAGSUSUJUD, MAHULI TUMUNGAS
KAW DAING HA SUJUD LUMINGKUD SAHINGGA MAKALINGKUD
KAW MAHUMPUT, MAHULI MAGBALIK KAW SUMUJUD SAHINGGA
HUMUMPUT KAW NAGSUSUJUD. MAHULI HINANGA IN DAMIKYAN
YADTU HALAUM SIN SAMBAHAYANG MU KATAN TAN.”