Naga College Foundation Inc.

City of Naga

Basic Education Department

Senior High School

A.Y. 2021-2022

PANUKALA SA MUNTING HARDIN NG BAWAT PAMILYA SA BARANGAY

CAROYROYAN, PILI, CAMARINES SUR

MIYEMBRO:

1. Gabuya, Maryrose V.

2. Ignacio, David James B.

3. Juntado, Nica G.

4. Luces, Mary Mabel Q.

5. Leonard Mapa P.

6. Modino, Ian Harold D.

 PANUKALA SA MUNTING HARDIN NG BAWAT PAMILYA SA BARANGAY
CAROYROYAN, PILI, CAMARINES SUR

Proponent ng Proyekto: Gabuya, Maryrose V., Ignacio, David James B., Juntado, Nica G.,
Luces, Mary Mabel Q, Leonard Mapa P., Modino, Ian Harold D.

Naga College Foundation, Inc.

Senior High School Department

Oktubre 19, 2022

Haba ng Panahong Gugugulin: Mayo 01- Hunyo 01, 2022

I. Pahayag ng Suliranin

Ang Barangay Caroyroyan ay isa sa mga lugar na malayo sa mismong bilihan ng

mga pangunahing pangangailangan. Ilan sa mga mamamayan ay mayroong sariling
tanim sa kani-kanilang bakuran upang hindi na pumunta pa sa sentro ng Pili kung
saan naroroon ang mga pagbibilhan. Ang lugar na ito ay malawak at mayroong
dalawang kampo ng militar, karamihan sa mga naninirahan dito ay pamilya ng mga
sundalo. Ang lupa sa barangay na ito ay mainam na pagtamnan ng mga pananim
sapagkat ang lupa ay sagana sa mineral at ang araw ay sapat lamang sa pagpapalaki
ng mga binhi o gulay na pananim.

“Kapag may itinanim, may aanihin”, isang kasabihang tumatak sa ating isipan.
Simple ngunit mayroong malalim na kahulugan. Ang mga produkto ay binebenta na
may posibleng pinakamataas na presyo, maaaring ito ay gulay, karne o preservatives.
Lahat ay mahal. Karamihan sa mga mamamayan ay nagulantang sa malaking
pagbabago ng ating kinabibilangang lipunan. Ultimong gulay na siyang pangunahing
pangangailangan natin na nakapagbibigay seguridad upang mapanatili natin ang
masaganang kalusugan ay apektado. Sa kasalukuyang panahon, hindi maikakaila ang
 katotohanan na tayo ay nagdurusa, mula sa hangin na ating nalalanghap, pagbabago
ng klima, at ang kaguluhan sa mga tirahan. Sa Barangay Caroyroyan, noong mga
nakaraang buwan ay nag anunsyo tungkol sa pagpapanatili ng kaayusan at kalinisan
sa bawat bakuran at kanal ng mga naninirahan dito. Nagkaroon ng problema na
siyang naging resulta ng pagkakaroon ng dengue ng ilan sa mga mamamayang
kabilang sa barangay na ito. Ang mga maruruming kapaligiran, masangsang na
hangin at iba pa ay ilan pa sa mga problema sa barangay na ito.

Dahil dito, kinakailangan na magkaroon ng seminar tungkol sa pagsasagawa ng

munting hardin at pagtatanim ng mga pananim para sa mga mamamayan sa Barangay
Caroyroyan. Ito ay may adhikain na magpalaki ng mga pananim sa munting espasyo
sa bawat tirahan. Sa pamamagitan nito, may mapagkukunan ng pagkain partikular na
sa mga gulay. Walang sasayangin at ang panahong gugugulin ay magbubunga ng
masaganang resulta. Ang proyekto na ito ay isang pagkakataon upang magbago at
bigyan ng mas maayos na sistema ang barangay na ito upang makatulong sa estado ng
kapaligiran maging sa buhay ng isang tao. Kung ito ay maisusulong, tiyak na tataas
ang lebel ng kakayahan ng mamamayan sa Barangay Caroyroyan na magbigay
solusyon sa mga kahaharapin nitong problema.

II. Layunin

Layunin ng proyektong ito na mabigyan ng sapat na kaalaman ang mga residente ng

Barangay Caroyroyan na mapanatili ang isang malinis at maunlad na pamayanan sa paraang
kapaki-pakinabang at ito ay ang pagkakaroon ng munting hardin sa bakuran ng kanilang bahay,
makatutulong ito upang magkaroon sila ng ligtas na kapaligiran, hanapbuhay, at mapagkukunan
ng pagkain.
 III. Plano na Dapat Gawin

1. Pagpapasa, pag- aaproba at pag lalabas ng badyet (3 araw).

2. Pag hanap ng mga propesyonal na agricultural worker upang maipahayag nila ng
wasto ang kahalagahan at benepisyo na makukuha mula sa pagtatanim (7 araw).
3. Pagsasagawa ng sarbey mula sa mga pabrika o sa departamento ng agrikultura para
sa mapagkukunan ng murang pananim (5 araw).
4. Pagpupulong ng konseho ng barangay para sa pagpili ng pabrika na pagbibilhan ng
pananim (1 araw).
● Tatalakayin dito ang lugar kung saan mangyayari ang pagpupulong.
● Paghahanda ng mga kakailanganin sa magaganap na programa (Hal:
sound system, upuan, mesa atbp.)
5. Paghahanda ng lugar kung saan isasagawa ang oryentasyon kasama ang mga
mamamayan ng Brgy. Caroyroyan, Pili, Camarines Sur (3 araw).
6. Pagsasagawa ng panukalang proyekto (25 araw).
7. Pagpapasinaya at pagbabasbas ng panamin (1 araw).

IV. Badyet

3 – Tatlong Araw

MGA GASTUSIN HALAGA

I. Limang (5) klase ng binhi ₱5.00 (1 Pakete) - ₱5.00(5) x ₱ 3,750.00

50(3)

II. Pataba para sa mga pananim (UREA) 1kg (₱94.05) - 3kg x ₱94.05(3) ₱ 846.45

IV. Gastusin sa mga snacks. Pancit Bihon (₱15) ₱15.00 x 65(3) = ₱2,925.00 ₱ 4,875.00
at Mineral Water (₱10)
₱10.00 x 65(3) = ₱1,950.00
V. Gastusin sa flyers, 50pcs - ₱10 ₱10.00(50) x 3 ₱ 1,500.00

VI. Renta para sa upuan, 4pcs - ₱20.00 80 chairs/4 = 20 ₱ 400.00

₱20.00 x 20

VII. Renta para sa mesa, 5 mesa - ₱10.00 ang ₱10.00 x 5 ₱ 50.00

isa.

KABUOANG HALAGA NA GAGAMITIN: ₱ 11, 421.45

V. Benepisyo ng Proyekto at mga Makikinabang Nito

Ang proyektong ito ay lubos na makatutulong sa mga mamamayan ng Barangay

Caroyroyan, Pili, Camarines Sur sapagkat magkakaroon sila ng idea kung ano at
paano ang tamang paraan ng pagtatanim ng mga pananim partikular sa limang klase
ng binhi ng gulay na aming ipamimigay. Ito rin ay magsisilbing bagong paraan at
bagong pagkukunan ng pagkain na hindi na nangangailangan na gumastos.
Masisiguro rin nito na mababawasan ang kaso ng dengue sa nasabing lugar dahil ang
pagtatanim ng mga gulay ay nagpapanatili ng kalinisan at kaayusan ng ating
kapaligiran. Ang pagtatanim ay mainam din gawing libangan ng ilang residente
upang maiwasan ang stress ng isang tao. Magkakaroon din ng maayos na komunidad
at magandang samahan dahil ang mga tao ay nagkakaisa at nagtutulungan.

Ang panukalang ito ay dapat na maaprubahan dahil nais naming makatulong sa

mga mamamayan ng Caroyroyan, Pili, Camarines Sur. Ang proyektong ito ay hindi
lang magbubukas ng isipan ng bawat mamamayan tungkol sa mga simpleng paraan
na maaaring isagawa, imumulat nito maging ang kanilang mga mata, bubuksan ang
tenga sa pakikinig, at gagamitin ang bibig sa pagbibigay opinyon sa mga nais na
mabago. Sa proyektong ito, tiyak na mababago ang lugar ng Barangay Caroyroyan,
maraming residente ang hindi magugutom dahil mayroon silang mapagkukunan ng
pagkain na libre at kanilang pinagpaguran. Mababawasan din ang kaso ng dengue
dahil magiging malinis ang kapaligiran, ang mga bakuran at espasyo ay hindi na
makikita pang walang pakinabang. Buong puso namin na hinihingi ang inyong apruba
upang ang aming proyekto ay maisakatuparan.