“Filipino at mga Katutubong Wika:Kasangkapan sa Patuklas at Paglikha”
Ano ng ba ang katutubong wika? Mahalaga ba na matutunan ang katutubong
wika? Ang katutubong wika ay mahalaga dahil ito ang unang lenggwahe na natutunan mula sa kanyang pagkabata. Halimbawa na ang Ilocano, Illonggo, Batangueño at marami pang iba.Mahalaga na matutunan ang katutubong wika dahil bahagi ito ng personal at pangkulturang pagkakakilanlan ng isang tao.Iba pang kahagahan nito ay nabibigyan nito ng repleksiyon para sa pagpapahalaga ng kanyang pinagmulan. Ang katutubong wika ay kayang makapaglarawan ng totoong pagkilos ng taong nagsasalita nito. Iba pang kahalagahan ng katutubong ay maaari kang gumawa ng isang sayaw, kanta at marami pang iba na puede nating gamitin balang-araw. Ang pagkakaroon ng kaalaman ng iba’t kaalaman ng mga katutubong wika bukod sa wikang Filipino ay napakalaking bagay na magagawa upang makatuklas at makalikha ng iba’t ibang bagay. Gaya na lamang ng ating pambansang bayani na si Dr.Jose P. Rizal na inaral niya ang maraming lenggwahe kaya madali na lang sa kanya na makipag-usap sa iba’t ibang lahi na naging dahilan upang magkaroon ng malawak na kaalaman. Masasabi rin natin na ang wikang Filipino at mga katutubong wika ay pundasyon ng ugnayang pangkaunlaran sa anumang larangan ng sektor na pang ekonomiya, kalusugan, agrikultura, at edukasyon na nangangailangan na ang kaagapay ay wika. Magkakaunawaan lamang ang bawat isa kung ang wikang gamit ay nalalaman ng magkabilang panig ng sa ganun ay madaling mapg-uusapan ang mga plano tungo sa pagtuklas at paglikha ng mga bagay na nagiging dahilan upang umunlad sa anumang sektor ng ating lipunan. Ang pagkakaroon ng kaalaman sa wikang Filipino at mga wikang katutubo ay nagiging kasangkapan upang makamit ang mga makamundong kaalaman at pagtuklas sa walang bahid na kalagayan ng bayan. Instrumento rin ito upang makamit ang tunay na diwa ng kalayaan at katarungan. Upang makasabay din sa makabagong takbo ng globalisasyon, pangunahin ang pagkakaisa ng mga mamamayan kung saan ang sariling wika ang magiging tulay sa kamalayan at maghahatid ng karunungang magpapaunlad sa ating bayan. Tanging ang wika ang susi sa pagkakaisa at pagkakaunawaan. Sa ngayon, ang kalagayan ng wikang katutubo ay sadyang nanganganib. Unti- unting naglalaho ang ilang wika ng ating lahi. Nakakalungkot man, may ilang wikang katutubo ang namamatay sa ating bansa. Kaya dapat lamang na gumawa ng mga hakbang upang mapayabong at mapanatili ang mga wikang katutubo at maging ang wikang Filipino ng sa ganun ay magamit sa makabuluhang paglikha sa mga baga-bagay na mag-aangat sa diwa at kulturang Filipino tungo sa maunlad na bansa. Dapat ding palawakin at bigyang batas ang paggamit ng wikang Filipino at mga wikang katutubo dahil napakahalaga nito sa ating bansa. Ating bigyan ng pagpapahalaga, pagyamanin at pagyabungin pa. Dapat din nating bigyan ng karapatan ang mga katutubong ng malayang pagpapahayag, pagkakaroon ng daan sa edukasyon at partisipasyon sa mga gawaing pampamayanan gamit ang katutubong wika. Mahalin at tangkilikin natin ang ating wikang Filipino at mga katutubong wika. Laging tandaan na tayong mga Filipino ang pag-asa ng ating bayan.