KALAGAYAN NG PANITIKANG PILIPINO SA KASALUKUYANG PANAHON

MAIKLING KWENTO - anyo ng panitikan na may ang layunin ay magsalaysay ng

pangyayari sa buhay ng isang tauhan.
Ang katangian ng maikling kwento sa ngayon ay dala sa naging nakagawiang
pagsusulat ng mga makata noong panahon ng Hapon. Noong panahon na iyon ay
ipinagbabawal ang paggamit ng ibang salita maliban sa kanilang wika. Kaya't nailimbag
sa gintong pahina ng panitikang Filipino ang maikling kwento. Bagamat sa panahong ito
ay naging masigasig ang mga manunulat sa kanilang katha, nanumbalik, nag-ala-
dagliang kawalan ng banghay ng kwento. Nagkaroon ng iba't ibang pamamaraan ng
pagkukwento. Ang mga paksang dati ay hindi naisusulat ay napapansin. Naging matimpi
ang pagtatalakay sa paksa. Madula ngunit maligoy. Ang mga katangiang iyan ay
namalagi hanggang sa kasalukuyan at ito'y tinawag na kontemporaryong maikling
kwento.

RADYO AT TELEBISYON - Maririnig na sa kasalukuyan na nakapagpapahayag na ng

tunay na niloloob nang walang takot o pangamba ang mga tagapagsalita sa radyo at mga
lumalabas sa telebisyon. Marami na sa panahong ito ang mga komentarista sa radyo at
telebisyon kung saan pawang laman ng bibig ng mga ito ang hayagang pagpuna nila sa
mga gawain ng mga nasa pwesto.

TULA - Ang mga tula sa kasalukuyan ay naglalaman ng pagpapahayag ng tunay na

damdamin ng mga makata:
a. Ang kanilang mga tuwirang panunuligsa sa mga nanunungkulang may tiwaling
ginagawa.
b. Pagpuro sa mga nakagagawa ng kabutihan

AWITING PILIPINO - Ang musika sa kasalukuyang panahon ay umusbong at yumabong

sapagkat ito’y bunga ng matulaing damdamin galing sa puso at kaluluwa bilang isang
Pilipino. Ang pagpapahayag ng sariling opinion at saloobin gamit ang awitin ay
napagtibay at napaunlad ang kalinangan ng lahing Pilipino. Alam naman natin na ang
awiting Pilipino ay nilikha ng mga magigiting na mang-aawit kaya napakikinggan
hanggang sa kasalukuyan, hindi man ito kasing orihinal ng bawat tono, pagkanta at
maging sa pagsulat ng titik. Ang pinakikinggang awit ng mga Pilipino ay nasa liriko ang
mensahe upang ipaalala ang kahalagahan ng awiting ito hanggang sa ngayon. Sa
kasalukuyang panahon hindi pa rin nawala ang makasaysayang pinagdaanan ng
“Lupang Hinirang” bilang pambansang awit ng Pilipinas narito ang mga opisyal na lirikong
Pilipino na inaawit sa buong bansa ngayon at binibigyan ng mas malawak na
pagpapalaganap sa pamamagitan ng pagkanta sa paaralan, radyo, telebisyon, sinehan.
Kabilang na nga dito ang “Magkaisa” ni tito sotto, Homer Flores at E. Dela Peña
makalipas ang tatlumpu’t anim na taon muling inayos ang kantang ito at inawit ni Bb.
Ciara Sotto Ito ang naging tema ng mga Pilipino habang sila ay lumalaban sa panahon
ng batas militar upang magbigay parangal sa People Power sa pagpapatalsik ng Marcos
Regime. Nariyan din ang “Handog ng Pilipino sa mundo” ni Jim Paredes nagmula sa
optimism pagkatapos ng rebolusyon at ang awiting ito makalipas dalawampu’t limang
taon ang ABS-CBN ay muling nag rekord ng kanta na may sarili nilang mang-aawit Martin
Nievera, Gary Valenciano, Zsa Zsa Padilla at iba pa. Ito ay taun-taon napakikinggan sa
telebisyon upang gunitain ng daigdig ang madasaling pagmamalasakit ng mga Pilipino
para sa kalayaan at katarungan.

SANAYSAY -
Ano nga ba ang sanaysay? Ito ay isang maiksing komposisyong na kalimitan ng personal
na kuru-kuro ng may akda.

Pormal - pormal na sanaysay ay naglalahad ng makatotohanang impormasyon at pinili

ang mga salita.

Di-pormal - di-pormal na tinatawag din na personal o palagayan ay mapang-aliw,

nagbibigay-lugod sa pamamagitan ng pagtatalakay sa mga paksang karaniwan, pang
araw-araw at personal.
PAHAYAGAN, MAGASIN AT IBA PANG BABASAHIN
Pahayagan (Tabloid) - isa na ang pahayagan bilang isang uri ng print media ang
kailanma’y hindi mamamatay at bahagi na ng ating kultura.
Sinasabing ang tabloid ay pang-,asa dahil sa Tagalog ito nakasulat bagama’t ilan ditto ay
Ingles ang midyum. Buhay na buhay pa rin ang industriya ng diyaryo sa bansa dahil sa
abot kaya lang ang presyo. Ang katibayan nito ay ang dami ng mga tabloid na makikita
sa bangketa.
Iba’t iba ang dahilan ng ga tao kung bakit nagbabasa ng diyaryo.mayroong hanap talaga
ay balita, magbasa ng tsismis, sports, literature o di kaya’y magsagot ng palaisipan.
Pinagsama-sama na yata lahat sa diyaryo para magustuhan ng mga tao. Mainam itong
pampalipas-oras kapag walang ginagawa.
Komiks- Ang komiks ay isang grapikong midyum kung saan ang mga salita at larawan ay
ginagamit upang ihatid ang isang salaysay o kuwento. Maaring maglaman ng isang
diyalogo sapgkat binubuo ito ng isa o higit pang mga larawan, na maaaring maglarawan
o maghambing ng pagkakaiba ng teksto upang makaapekto nang higit na may lalim.
Magasin- Hindi mawawala ang liwayway kung pag-uusapan ang magasin sa Pilipinas.
Naglalaman ito ng mga maikling kuwento at sunod-sunod na mga nobela. Dahil dito,
naging paraan ito para mapalago ang kamalayan ng mga Pilipino. Dinala nito ang
panitikan sa mga kabahayan ng pamilyang Pilipino.
1. FHM (For Him Magazine)- Ang magasing ito ay tumatayo bilang
mapagkakatiwalaan at puno ng mga impormasyon sa nagiging instrumento upang
mapag-usapan ng kalalakihan ang maraming bagay tulad ng buhay,pag-ibig, at iba pa
nang walang pag-aalinlangan.
2. Cosmopolitan- Magasing pangkababaihan. Ang mga artikulo dito ay nagsisilbing
gabay upang maliwanagan ang kababaihan tungkol sa mga pinakamainit na isyu sa
kalusugan, kagandahan, kultura at aliwan.
3. Good Housekeeping- isang magasin para sa mga abalang ina. Ang mga artikulong
nakasulat dito ay tumutulong sa kanila upang gawin ang kanilang mga responsibilidad at
maging mabuting maybahay.
4. YES! – Ang magasin tungkol sa balitang showbiz. Ang nilalaman nito ay palaging
bago, puno ng mga nakaw-atensyon na larawan at malalaman na detalye tungkol sa mga
pinakasikat na artista sa bansa.
5. Metro- Magasin tungkol sa fashion, mga pangyayari, shopping at mga isyu hinggil
sa kagandahan ang nilalaman ng Metro.
6. Candy- Binigyan ng pansin ang mga kagustuhan at suliranin ng kabataan. Ito ay
gawa ng mga batang manunulat na mas nakauunawa sa sitwasyon ng mga mambabasa.
7. Men’s Health- Magasin na nakatutulong sa kalalakihan tungkol sa isyu ng
kalusugan. Mga pamamaraan sa pag-ehersisyo, pagbabawas ng timbang, mga
pagsususri sa pisikal at mental na kalusugan ang nilalaman nito kung kaya ito ay naging
paborito ng maraming kalalakihan.
8. T3- isang magasin para lamang sa mga gadget. Ipinapakita rito ang mga
pinakahuling pagbabago sa teknolohiya at kagamitan nito. Ito rin ay may mga
napapanahong balita at gabay tungkol sa pag-aalaga ng mga gadget.
9. Entreprenuer- magasin para sa mga taong may negosyo o gustong mag negosyo.

Dagli sa kasalukuyan – karaniwang napagkakamalang katumbas ng flash fiction o

sudden fiction sa Ingles ang dagli.Sa kasalukuyang panahon, ang dagli ay halos ihambing
din sa tulang tuluyan, pasingaw, at proto-fiction o micro-fiction sa Ingles.

PANITIKAN SA COMPUTER AGE • Chat, FB, twitter, blog, IG, tumblr, youtube, jejemon,
unli, website, usb, e-mail, download, wifi, connect, burn, scan,cd - Ito ay mga salitang
karaniwan nang ginagamit ngayon sa ating wika at masasabing dulot ng teknolohiya. At
dahil parte na ng ating buhay ang teknolohiya, mabilis ang pagbabagong idinulot nito sa
buhay at lipunan. Mabilis din ang pagbabago sa papel na ginagampanan ng
impormasyon sa ating trabaho, buhay, at pag-iisip.

Ang computer, cell phone, at internet ay ang makapangyarihang teknolohikal na sandata

na nagdulot ng mabilis na pagbabago sa ating buhay. Ang pagba-blog ay naging isang
visual na manipestasyon ng demokratisasyon ng internet, ng pamamahayag—isang uri
ng pagsulat sa espasyo sa Internet na nagpapahintulot sa sinumang may access sa
Internet na magsulat ng anumang gusto nila at "i-publish" ito sa isang pandaigdigang
saklaw. Ang isang print-based na system ay hindi pa ganap na magagaya sa
pagkakaroon ng mabilis na impormasyong input at feedback.

Masasabing mabilis at mas madali na lamg maipakita ang panitikan sa pamamagitan nito
sapagkat sa dami na ng gumagamit sa teknolohiya ay maidali nang maipakalat ang mga
likha o obra nang mga manunulat sa kasalukuyan. Isa pang masasabi ay napaka-wais
na makapag limbag nang panitikan gamit Computer age sa panitikan kumbaga ay
mistulang libro na ito na tatagal at mapepreserba ang likha.

Pinagmulan

Liwanag, A. (2014, May 30). Ang Panitikan Sa Panahong Kasalukuyan.

https://www.academia.edu/4688738/Ang_Panitikan_Sa_Panahong_Kasalukuyan

Lamug, E. C. (n.d.). Panitikan sa kasalukuyan.

https://www.slideshare.net/ErnieChrisLamug/panitikan-sa-kasalukuyan

Abelgas, G., & Profile, T. A. A. K. (n.d.). Mga Popular Na Babasahin (Pahayagan, Komiks,
Magasin at Kontemporaryong Dagli). https://gemzcacademy.blogspot.com/2021/02/mga-
popular-na-babasahin.html