Asignatura ARTS Baitang 5

W2 Markahan 4 Petsa
I. PAMAGAT NG ARALIN Mga Paraan sa Paggawa ng 3-Dimensyonal Craft (Paper Beads at papier
mache)
II. MGA PINAKAMAHALAGANG
Natutukoy ang iba’t ibang paraan sa paggawa ng paper beads at papier
KASANAYANG PAMPAGKATUTO
mache jar
(MELCs)
III. PANGUNAHING NILALAMAN Nagagamit ang kaalaman sa kulay, hugis at balanse sa paggawa ng
mobile, papier mache at paper beads.
IV. YUGTO NG PAGKATUTO AT MGA GAWAING PAMPAGKATUTO
I.Panimula (Mungkahing Oras: 10 minuto)

Sa panahon ng pandemya maraming mga tao ang nawalan ng hanapbuhay o pagkakakitaan dahil hindi sila
makalabas, nagsarado ang mga pagawaan, at iba pang mga dahilan bungsod ng COVID-19. Subalit hindi tayo
dapat tumigil o mawalan ng pag-asa sapagkat maraming paraan para tayo ay may pagkakitaan, maging malikhain
tayo at madiskarte sa buhay.

Sa araling ito, inaasahan na ang mga bata ay matutunan ang iba’t ibang paraan sa paggawa ng paper beads
at papier mache bilang isang gawaing mapagkakakitaan.

Gawain sa Pagkatuto Bilang 1: Halina’t Umawit

Panuto: Awitin ang awiting “Manggagwa” ni Gary Granada, maaring ayain ang iyong magulang o tagapagturo na
sabayan ka sap ag-awit. Sagutin ang mga tanong sa ibaba. Isulat ito sa kwaderno.

Manggagawa
Gary Granada
www.youtube.com/watch?v=ypSIQ6zDiEA

Kung ang ulo niya'y masagi sa balikat mo kaibigan Natutunan niyang hamakin ang sakit at sakuna
Ikaw na sana ang marunong umunawa, Tatlumpu't pitong taon na siyang nasanay
Ibig lamang maidlip ang lamog na katawan Sa matang namumutla ay inyong mapupuna,
Ng isang pangkaraniwang manggagawa. Siya'y mamamatay sa kaka-hanapbuhay.

Sa maraming pabrika ang pahinanteng tulad niya Sa mga nagpapaluwal ang sahod niyang butal-butal
Ay palipat-lipat na namamasukan, Nasanla nang matagal sa kagipitan
Sa lamig ng magdamag, pagod niya'y sinasagad At kahit siya magpapagal, pilit mang isusugal,
Sa munting paghahangad na mabuhay. Ang hapo at nangangatal niya nang laman.

Kulang ang maghapon upang makaipon Samantalang may isang panginoong may kapital
At makakaahon ang isang dukha, Ang nagdiwang at nagdaos ng hapunan,
Kulang din ang pawis kahit labis-labis At kabilang sa hapag ng panauhing pandangal
Kung ang nagnanais ay maralita. Ang tanyag at ang banal sa ating lipunan.

Mga Katanungan
1. Sino ang tinutukoy sa awitin?
2. Sa panahon ngayon ano ang magagwa mo upang pahalagahan ang ating mga manggagawang Pilipino?
3. Ayon sa awitin, ano ang kulang upang siya ay makaipon?
4. Ayon sa awitin, ano ang tawag sa isang taong may kapital?
5. Ano ang mensaheng nais ipabatid ng awiting ito?
D. Pagpapaunlad (Mungkahing Oras: 10 minuto) Halina’t Matuto

Paper Beads

http://www.growingtreetoys.com/product/roll

Ang paggawa ng paper beads ay isang gawaing nakalilibang na maaaring pagkakitaan kung gagamitan
ang kaalaman sa paglikha ng mga palamuti. Ito ay nagmula pa sa bansang Inglatera na kung saan ang mga
kababaihan ay matiyagang nagbibilot ng maliliit na papel upang makulayan at matuhog para gawing palamuti sa
katawan gayundin upang maging palamuti sa bahay tulad kurtinang gawa sa tinuhog na beads.
Nangangailangan ng masusi at matiyagang pagbibilot o pagrorolyo ng maliliit na papel upang makalikha ng
beads na kukulayan ng pintura at didisenyuhan base sa nais.
Maaaring tuhugin at gawing pulseras, kwintas, palawit sa hikaw at iba pang palamuti sa katawan at bahay ang
nagawang tinuhog na beads. Narito ang mga sunod-sunod na hakbang sa paggawa ng 3 dimensyonal craft na
paper beads.

Mga Hakbang sa Paggawa:

1. Ihanda ang mga kagamitan.
2. Sa pamamagitan ng lapis, markahan ang papel at gupitin ito pagkatapos.
3. Kunin ang kabilya, magsimula sa malaking bahagi ng papel papaliit.
4. Bahagyang lagyan ng pandikit ang papel at magsimulang bilutin. Pagdating sa dulo ng papel, siguruhing
mayroon itong pandikit upang kumapit sa bilot ng papel.
5. Pahirin ang labis na pandikit at dahan-dahang tanggalin sa kabila ang paper beads. Ilipat ang paper beads at
hayaang matuyo.
6. Tuhugin ang mga paper beads gamit ang sinulid at karayom upang makagawa ng kwintas.
7. Maaaring barnisan ang paper beads upang tumibay at maging makintab.

Papier Maché

http://blog.nus.edu.sg/ariurban/files/2014/03/Making-papier-mache-2cjqf4j.jpg

Ang Papier maché ay salitang Pranses na ang ibig sabihin ay nginuyang papel na gawa mula sa piraso ng mga
papel o durog na papel na binuo sa pamamagitan ng glue, starch o pandikit. Ang bayan ng Paete ay kilala sa taka
o papier maché na siyang pangunahing pinagkakakitaan ng mga mamamayan dito pangalawa sa pag-uukit.

May dalawang paraan ang pagtataka o papier maché. Una, ang paggamit ng dinurog na papel matapos
ibabad sa tubig. Ito ay hahaluan ng glue at siyang gagawing taka. Ikalawang paraan ay ang paggamit ng pinilas
na mga papel at ididikit sa isang molde. At matapos mabuo ang dibuho mula sa molde ay tatanggalin mula sa molde
at ididikit upang makabuo ng isang proyektong may katulad na hugis sa moldeng ginamit. Narito ang mga hakbang
sa paggawa ng Papier maché.

Mga Hakbang sa Paggawa:

1. Ihanda ang mga kagamitan.
2. Pahiran ng manipis na wax ang molde.
3. Pahiran ng pandikit ang lumang dyaryo at patungan ito ng isa pang pahina ng dyaryo.
4. Idikit ito sa molde. Maaring punitin ang dyaryo ayon sa molde upang maiwasan ang gusot. Siguruhing lahat ng
parte ng molde ay nalagyan ng dyaryo. Ulitin ito hanggang magkaroon ng 8-10 patong na papel ang lahat ng
parte ng molde.
5. Ibilad sa araw upang matuyo.
6. Sa tulong ng nakatatanda, hiwain ang taka gamit ang cutter upang makuha ang molde.Mapapansin na madali
itong tanggalin dahil sa tulong ng ipinahid na wax sa molde bago takaan.
7. Idikit muli ang taka sa pamamagitan ng rugby .
IV. YUGTO NG PAGKATUTO AT MGA GAWAING PAMPAGKATUTO
8. Balutan muli ng dyaryo na may pandikit ang parte ng pinaghiwaan.
9. Patuyuin muli.
10.Pintahan ayon sa nais na disenyo.

Gawain sa Pagkatuto Bilang 2: Beads vs. Maché

Basahing mabuti ang mga sumusunod na pangungusap. Isulat ang salitang bead kung ang pahayag o
pangungusap ay tungkol sa paggagawa ng paper beads. Isulat naman ang salitang maché kung ito ay nag-
papahayag ng paggawa ng papier maché. Gawin ito sa iyong kwaderno.

____1. Nangangailangan ng masusi at matiyagang pagbibilot o pagrorolyo ng maliliit na papel.

____2. Ang likhang sining na ito ay nagmula sa salitang Pranses at naging isang gawain na pinagkakakitaan ng mga
taga Paete Laguna.
____3. Ang likhang sining na ito ay gingamitan ng pinilas na papel at idinidikit sa isang molde.
____4. Ang likhang sining na ito ay maaaring tuhugin at gawing pulseras, kwintas, palawit sa hikaw at iba pang
palamuti sa katawan at bahay.
____5. Ang paggawa ng likhang sining na ito ay nagmula pa noong unang panahon sa bansang Inglatera.
________________________________________________________________________________________________________________

E. Pakikipagpalihan (Mungkahing Oras: 5 minuto)

Gawain sa Pagkatuto Bilang 3: Tukuyin Natin

Tukuyin ang mga paraan sa paggawa ng paper beads sa pamamagitan ng pagguhit ng bilog sa patlang
at ilgay naman ang ekis X kung hindi. Isulat ang sagot sa iyong kwaderno.

_______ 1. Ang paper beads ay gawa mula sa binilot o inirolyo na maliliit na papel na kinulayan at dinisenyuhan.
_______ 2. Isa sa pamamaraan nito ay ang pagtutuhog ng mga nirolyong papel matapos itong makulayan at
madisenyuhan.
________3. Isang teknik sa paggawa ng paper beads ay ang pagsukat ng bibiluting papel upang makagawa ng pare-
parehong laki at hugis ng paper beads.
________ 4. Ang karayom at sinulid ang karaniwang gingamit sa pagtutuhog ng paper beads.
________ 5. Sa paggawa ng paper beads hindi na isinasaalang-alang ang sukat at espasyo para makagawa ng pare-
parehong hugis ng nito
A. Paglalapat (Mungkahing Oras: 5 minuto)

Gawain sa Pagkatuto Bilang 4: Una, Ikalawa…. Halina’t Tuklasin pa

Pagsunod sunudin ang mga hakbang sa pagtataka o papier maché sa pamamagitan ng paglalagay ng
bilang 1-10 sa patlang bago ang pangungusap. Gawin ito sa iyong kwaderno.

_______ Ibilad sa araw upang matuyo.

_______ Pahiran ng manipis na wax ang molde.
_______ Pintahan ayon sa nais na disenyo.
_______ Sa tulong ng nakatatanda, hiwain ang taka gamit ang cutter upang makuha ang molde. Mapapansin na
madali itong tanggalin dahil sa tulong ng ipinahid na wax sa molde bago takaan.
_______ Ihanda ang mga kagamitan.
_______ Balutan muli ng dyaryo na may pandikit ang parte ng pinaghiwaan.
_______ Patuyuin muli.
_______ Idikit ito sa molde. Maaring punitin ang dyaryo ayon sa molde upang maiwasan ang gusot. Siguruhing lahat
ng parte ng molde ay nalagyan ng dyaryo. Ulitin ito hanggang magkaroon ng 8-10 patong na papel ang lahat ng
parte ng molde.
_______ Idikit muli ang taka sa pamamagitan ng rugby.
_______ Pahiran ng pandikit ang lumang dyaryo at patungan ito ng isa pang pahina ng dyaryo.
IV. YUGTO NG PAGKATUTO AT MGA GAWAING PAMPAGKATUTO
V. PAGTATAYA (Mungkahing Oras: 5 minuto)
(Ang mga Gawain sa Pagkatuto para sa Pagpapayaman, Pagpapahusay, o Pagtataya ay ibibigay sa ikatlo at
ikaanim na linggo)

Gawain sa Pagkatuto Bilang 5: Tanong Ko, Sagot Mo

Sagutin sa iyong kwaderno ang mga sumusunod na katanungan.
1. Paano mapapahalagahan ang mga likhang sining tulad ng paper beads at papier mache?
2. Bakit kailangang alamin at sundin ang iba’t ibang paraan o teknik sa paggawa ng paper beads at papier
mache?
3. Paano mapapakinabangan ang mga ganitong uri ng likhang sining?

VI. PAGNINILAY (Mungkahing Oras: 5 minuto )

• Ipabatid ang iyong personal na pagtatasa sa kard ayon sa lebel ng iyong performans.

Personal na Pagtatasa sa Lebel ng Performans Para sa Mag-aaral

Pumili ng isa sa mga simbolo sa ibaba na kakatawan sa iyong naging karanasan sa pagsasagawa ng mga gawain. Ilagay ito sa Hanay
ng LP o Lebel ng Performans. Basahin ang deskripsiyon bilang gabay sa iyong pagpili:
 - Nagawa ko nang mahusay. Hindi ako nahirapan sa pagsasagawa nito. Higit na nakatulong ang gawain upang matutuhan ko ang aralin.
✓ - Nagawa ko nang maayos. Nahirapan ako nang bahagya sa pagsasagawa nito. Nakatulong ang gawain upang matutuhan ko ang aralin.
? – Hindi ko nagawa o nahirapan ako nang labis a pagsasagawa nito. Hindi ko nauunawaan ang hinihingi sa gawain. Kailangan ko pa ng
paglilinaw o dagdag kaalaman upang magawa ko ito nang maayos o mahusay.
Gawain Sa Pagkatuto LP Gawain Sa Pagkatuto LP Gawain Sa Pagkatuto LP Gawain Sa Pagkatuto LP

Bilang 1 Bilang 3 Bilang 5 Bilang 7

Bilang 2 Bilang 4 Bilang 6 Bilang 8
VII. SANGGUNIAN Helen P Copiaco, Emilio S. Jacinto Jr. 2016, Halina’t Umawit at Gumuhit, 1253 Gregorio
Araneta Avenue, Quezon City, Philippines: Vibal Group Inc.

Inihanda ni: DENNIS D. ARCEGA Sinuri nina: MARIA DONNAH F. MERCADO

BELLA P. ABARINTOS
CYRUS T. FESTIJO
ELEANOR E. CASILISILIHAN
LEONILO B. AMORA