Tanagabadilla ni Alejandro G.

Abadilla (1964) Ang ako ay ako, Lusiper ang ako, Ang tula ay akot Ako ang budhi mo! Hindi ako si Marx, Lenin, ni Amado; Ako? Kung may hangad Ay ang reporma ko! Si Whitman ay siya At ako ay ako, Siya ay may kanyang Sarili ring ako. Wala pang nobela Itong Panitikan, Sabi ni Te Aa Aa, Liban daw kay Denang. Kung iyay totoo, Maraming tatangis, Mga nobe-listong Iyakit moralist. Ang timpa-timpalak Ng mga Tagalog, Sadya pong masarap: Pirming pansit-luglog!

Ang poesiyang Ingles Pilipinoy huwad, Lagi nang maisip Paintelektuwad! To be or not to be? Iyan ang tanong mo; Ke-laki mong Letse, Iyan ang sagot ko! Tulay itinanim sa baog na lupa, Nang aking anihin Ay, isang tulala! Talipapa ni Alejandro G. Abadilla (1955) Limat lima, Labinlima, Tulang-tula. Isat isa Ay dalawa, Tugmang-tugma. Balarila, Tamang-tama, Walang-hiya, Talinghagang Talipapa!

Erotika 4 ni Alejandro G. Abadilla (1965) Ang salitang ganday di para sa iyo, Beybi Peys mong iyay mahahalikan ko. Lagi kang may ngiti: ang ibig ko sana Kahit sasandali ay maangkin kita. Ngiti sa mata mo ay muslak na ngiti, Ang musmos mong tawa ay lilindi-lindi. Bakit ka ba ganyan, O, mutyang Musa ko, Talaga bang akoy iyong tinutukso? Sa guniguni koy kekendeng-kendeng ka, O, aking Beybi Peys: mahal kaya kita? Manika kang tila maring kalaruin, Kaya itong puso ay bumabata rin. Kaysarap-sarap mong pagkaing masarap, Ibig kitang kaniy di kita malasap. Ang salitang ganday di para sa iyo, Beybi Peys mong iyay mahahalikan ko.

Almario, Virgilio S. ed. Walong Dekada ng Makabagong Tulang Pilipino. Maynila: Philippine Education Co., Inc., 1981.