Republikang Pilipinas

Kagawaran ng Edukasyon

Rehiyon IV –A CALABARZON

Dibisyon ng Cavite

Asignatura: Filipino 7 Blg. ng Linggo: 1 linggo

Markahan: Ikaapat na Markahan Petsa: ika-16 ng Mayo 2022

I. PAMANTAYANG Naipamamalas ng mga mag-aaral ang pag-unawa sa

PANGNILALAMAN Ibong Adarna bilang isang obra mestra sa Panitikang
Pilipino
II. PAMANTAYAN SA Naisasagawa ng mag-aaral ang malikhaing
PAGGANAP pagtatanghal ng ilang saknong ng koridong
naglalarawan ng mga pagpapahalagang Pilipino
III. KASANAYAN SA F7PB-IVc-d-22 – Pag-unawa sa Binasa (PB)
PAGKATUTO Naiuugnay sa sariling karanasan ang mga
karanasang nabanggit sa binasa
IV. PAKSANG ARALIN PAKSA: Pag-uugnay ng Sariling Karanasan sa mga
Karanasang Nabanggit sa Akda

PANITIKAN: Ibong Adarna (Korido)

SANGGUNIAN: Learner’s Packet (LeaP), Google

(internet), YouTube

INSTRUKSYONAL NA KAGAMITAN: PowerPoint

presentation, visual aids, telebisyon
V. PAMAMARAAN A. PANIMULANG GAWAIN
1. Panalangin
2. Pagpapanatili ng kaayusan ng silid-aralan
3. Pagbati ng guro at mga mag-aaral
4. Pagtatala ng mga liban sa klase

B. PAGTATASA SA NAKARAANG ARALIN

Sa pagsisimula ng klase, magkakaroon ng
pagtatasa ang guro upang makita kung ano ang
natutuhan ng mga mag-aaral sa aralin noong
nakaraang linggo. Ang pagtatasa ay tatawaging
“Pagtatasa Gamit ang Bola ng Karunungan”.
Ang guro ay magbibigay ng isang bola kung saan
nakasulat ang bawat isa sa limang katangunang
makatutukoy sa kaalaman ng mga mag-aaral.
Pagpapasa-pasahan nila ang bola habang
 pinatutugtog ng guro ang Awit ng Ibong Adarna ni
Maika – kapag huminto ang tugtog, hudyat ito na
ang mag-aaral na may hawak ng bola ang siyang
pipilas ng pahina mula sa Bola ng Karunungan,
magbabasa ng katanungan at sasagot base sa
nalalaman. Pakinggan ang awit dito:
https://www.youtube.com/watch?v=mCXW2iFMvhk

1. Ano ang kasingkahulugan ng salitang pag-ibig?

a. pagsusumamo
b. pagmamahal
c. pagkamangha
2. Ang Philippine Drama ay mas kilala bilang
teleserye o teledrama.
Tama o Mali?
3. Ang mga pangungusap na padamdam ay
nagsasaad ng matinding damdamin o
emosyon. Ito ay may bantas na __________.
a. tuldok
b. tandang pananong
c. tandang padamdam
4. Isa sa mga paraan ng pagpapahayag ng
damdamin ay ang maikling sambitla at ito ay
mayroon lamang isa o dalawang pantig.
Tama o Mali?
5. Sinabi ni Don Juan sa ika-493 na saknong ang
mga katagang “O, hindi ko natagalan ang dilim
na bumalabal sa sindak at katakutan para
akong sinasakal.” Ano ang damdamin sa
pahayag?
a. nagalit
b. natakot
c. nahiya

C. PAGGANYAK (constructivism approach)

Magtatanong ang guro kung sino-sino sa klase
ang mayroong kapatid at hihilingin na magtaas ng
kamay ang sinomang mayroon – kung wala ay
maaari pa ring magtaas ng kamay ang mga may
malapit na pinsan o matalik na kaibigan.
Magbibigay ang guro ng “mukhang magkabilaan”
sa bawat isang mag-aaral. Nararapat na ipakita
nila ang mukhang masaya kung kanilang
naranasan ang mga tagpong binanggit ng guro at
mukhang malungkot naman kung hindi nila
naranasan ito.
 1. Kasabay sa pagpasok –  / ?
2. Hatiin ang pagkain –  / ?
3. Alagaan tuwing may sakit –  / ?
4. Tulungan sa gawain –  / ?
5. Magpatawa o makipaglaro –  / ?

Panuto: Basahin ang isang maikling salaysay at

sagutan ang mga tanong kaugnay dito.

Ang Magkapatid

Sina Jun at Elisa ay magkapatid, kapwa mag-

aaral sa elementarya. Si Jun ay nasa ikaanim na
baitang samantalang si Elisa naman ay ikatlong
baitang. Simple lamang ang buhay na kanilang
tinatamasa ngunit sa murang edad ay bakas sa kanila
na kuntento na ang mga ito sa nakakayanan ng
kanilang mga magulang. Mabait, masipag at maalaga
si Jun samantalang likas ang kakulitan ni Elisa
gayunpaman ay di ito suliranin ng kanyang kapatid
bagkus ay lagi nitong inaalagaan. Makikita na
pinalalaki sila ng kanilang magulang na may
kabutihan at kababaang loob. Kung kayat sa bawat
araw na kanilang pagpasok sa paaralan sinusuklian
nila ang kabutihan at kasipagan ng kanilang
magulang sa pamamagitan ng pag-aaral nang mabuti
at pagmamahal nila sa isa’t isa bilang magkapatid.
Kaya naman madami silang kaibigan dahil sa
kanilang ipinapamalas na magandang katangian.

D. AKTIBITI (interrogative approach)

Ang mga katanungan ay hihilingin ng guro na
basahin ng klase. Sa bawat tanong na babasahin,
bibigyan ng guro ng isa hanggang dalawang
minuto upang makapagsulat ng kani-kanyang
 kasagutan ang mga mag-aaral – pagkatapos ng
itinakdang oras, babasahing muli ng klase ang
sunod na tanong at uulitin lamang ang proseso.

1. Anong damdamin ang namamayani sa binasa

mong salaysay?
2. Anong bahagi ng salaysay ang iyong
nagustuhan at bakit?
3. Bilang kapatid o kaibigan, ano ang iyong
karanasan na maiuugnay sa karanasan ng
magkapatid sa salaysay?
4. Sa nakaraang aralin sa Ibong Adarna, may
hindi magandang naging karanasan naman si
Don Juan sa kaniyang mga kapatid, gaya ng
pagtataksil sa kaniya ng tatlong beses. Una ay
nang bugbugin siya at agawin ang Ibong
Adarna, ikalawa ay nang pakawalan niya ang
Ibong Adarna at palabasin na siya ang may
sala, at pangatlo ay nang ihulog siya sa balon at
agawin si Prinsesa Leanora. May karanasan ka
rin ba na nakakahawig nito? Palawigin ang
sagot.

E. ABSTRAKSYON (constructivism approach)

Basahin ang buod ng karugtong na bahagi ng
akdang Ibong Adarna.

Ang Lobong Engkantada

Duguan at halos lasog-lasog ang mga buto ni
Don Juan nang datnan ng mahiwagang lobong alaga
ni Prinsesa Leonora. Ipinahid ng lobo ang tubig na
mula sa Ilog Joradan sa buong katawan ng prinsipe
at muling nanumbalik ang lakas nito at napawi ang
mga sugat. Pagkatapos kunin ang singsing ni
Leonora ay tinulungan ng lobo si Don Juan na
makaahon mula sa ilalim ng balon. Pagkatapos ay
tuluyan na itong nagpaalam sa prinsipe.

Ang Muling Pagkikita ng Ibong Adarna at ni Don

Juan
Mula sa pamamahinga sa isang puno, nagising si
Don Juan dahil sa awit ng Ibong Adarna. Laking tuwa
ng prinsipe nang makita niya ang ibon. Binilinan ng
Ibong Adarna na maglakbay si Don Juan upang
hanapin ang napakalayo ngunit magandang reyno
sapagkat naroon si Donya Maria Blanca na walang
kaparis ang ganda na anak ni Haring Salermo.
 Ang Reyno Delos Cristales
Sa tulong ng tatlong ermitanyo at sa
pamamagitan ng Higanteng agila ay narating ni Don
Juan ang Reyno Delos Cristales. Itinago niya ang
damit ni Donya Maria Blanca habang ito ay naliligo.
Humingi ng tawad ang prinsipe sa prinsesa. Nawala
naman ang galit nito nang makita ang maamong
mukha ni Don Juan at inibig niya ang prínsipe.

Ang Pitong Pagsubok ni Haring Salermo

Upang hindi talaban ng sumpa ni Haring
Salermo, binilinan ni Donya Maria si Don Juan ng
mga dapat at hindi dapat gawin. Siya rin ang
gumawa ng lahat ng pitong pagsubok ng amang hari
para kay Don Juan.

Ang Pagtakas sa Reyno Delos Cristales

Pagkatapos ng pitong pagsubok ay pinapili na ni
Haring Salermo si Don Juan ng mapapangasawa
mula sa tatlong anak na prinsesa. Hindi nahirapan si
Don Juan sa pagpili dahil sa hintuturo ni Donya
Maria. Nagpasyang magtanan ang magkasintahan
nang matuklasan ng prinsesa ang balak ng kaniyang
ama na ipadala si Don Juan sa Inglatera upang
paibigin sa kaniyang tiya at doon makasal. Hinabol
sila na ama ngunit wala itong nagawa kaya isinumpa
na lamang nito ang anak.

Sagutin ang mga sumusunod na tanong.

Panuto: Piliin sa mga pahayag ang karanasan ng
mga pangunahing tauhan na nakapaloob sa
bahaging ito ng akda. Pusuan ( ♥) ang tapat ng bilang
kung ang karanasang ito ay nasasaad sa teksto at
ekis (X) kung hindi.

__ 1. Naligtas ang buhay sa bingit ng kamatayan.

__ 2. Naglakbay mag-isa upang puntahan ang
isang lugar na unang beses pa lamang
mararating.
__ 3. Niloko ng mga taong pinagtanungan.
__ 4. Tinulungan upang makita ang hinahanap na
lugar.
__ 5. Nagnakaw ng gamit ng isang tao dahil gusto
niya ang gamit na ito.
__ 6. Humingi ng tawad sa nagawang kasalanan.
__ 7. Nawala ang galit nang makita ang
 kagwapuhan ng taong nakagawa ng
kasalanan.
__ 8. Ginawa ang mga gawaing hindi dapat siya
ang gumawa.
__ 9. Ayaw pa pag-asawahin ang anak.
__ 10. Itinanan ang babaeng hindi naman
minamahal.

Sintesis:
Marami tayong maaaring maging kaibigan sa
mga makikilala natin sa ating buhay ngunit ang
ating kapatid ay siyang makakasama natin sa
habang panahon. Kung matututuhan nating
mahalin sila, tiyak na magiging kaagapay at
kakampi natin sila sa kahit na anong pagsubok
ang ating harapin. Sa kwento nina Jun at Elisa,
maraming ugali ang dapat tularan. Maiuugnay ang
kwento ng magkapatid sa kwento nina Don Pedro,
Don Diego, at Don Juan. Ang kwento nina Juan at
Elisa ay mayroong malaking pagkakaiba dahil ang
magkapatid ay nagmamahalan samantalang ang
tatlong prinsepe ay puno ng inggit, galit, at
kasakiman laban kay Don Juan.

Marami sa atin ang marahil nakararanas ng

mga ganitong tagpo. Bata man o kadalasan pa
nga ay ang mga nakatatanda. Mahalagang
maipabatid sa mga mag-aaral ang mga wastong
kaugaliang nararapat na ipakita hindi lamang sa
mga kapatid o kaibigan kung hindi pati na rin sa
lahat ng nakasasalamuhang tao. Ang pagpapakita
ng kabutihang asal ay hindi lamang ginagawa
dahil may hinihintay na kapalit kung hindi dahil ito
ay nararapat at bukal sa kalooban.

Sa lahat ng mga kaganapang ito, mahalagang

matutuhan ng mga mag-aaral kung paano nila
maisasalaysay ang mga sariling karanasan na
kahalintulad ng mga nabasang tagpo mula sa
akda. Mahalagang makita nila ang mga ito upang
mapagtanto kung ano ang tama na siyang dapat
tularan at mga mali na siyang dapat iwasan.

F. APLIKASYON
Panuto: Pumili ng tatlong karanasan ng mga
pangunahing tauhan sa bahaging ito ng akda at
iugnay ito sa mga karanasan mo sa iyong buhay.
 Karanasan ng Tauhan Ang Aking Karanasan
1. 1.

2. 2.

3. 3.

VI. EBALWASYON Panuto: Isulat ang dapat kung tamang pag-uugali

ang ipinakita sa salaysay at dapat itong tularan sa
totoong buhay at isulat naman ang hindi dapat
kung ito ay mali at hindi dapat tularan.
__ 1. Ipakita sa kapatid na siya ay mahalaga.
__ 2. Hayaang mapahamak ang kapatid upang
magmukhang mabuti sa mata ng ama.
__ 3. Nakawin ang mga bagay na nagpapasaya sa
ibang tao.
__ 4. Magsikap upang makamtan ang mga bagay
na wala ka.
__ 5. Gumawa ng mabuti nang walang hinihintay na
kapalit.
__ 6. Tulungan ang kapatid dahil umaasang
mayroong diwatang magbibigay ng gantimpala.
__ 7. Pagsilbihan ang mga magulang at humingi ng
dagdag sa baon pagkatapos.
__ 8. Huwag pansinin ang kapamilyang mayroong
karamdaman.
__ 9. Tulungan ang nakababatang kapatid sa
kanyang takdang aralin.
__ 10. Asarin ang kapatid kapag mababa ang
nakuha nitong marka sa isang pagsusulit.

VII. TAKDANG ARALIN o Panuto: Isalaysay ang isa mong karanasang

KASUNDUAN nakakatulad ng sa mga pangunahing tauhan sa
akdang binasa. Pumili sa paksang nasa ibaba at
iguhit sa itaas na kanang bahagi ng iyong papel ang
icon o larawang katumbas ng iyong napili. Ilahad
ang pagkakatulad nito o pagkakaiba sa karanasan
sa akdang pinag-aralan. Mas mainam kung
malalagyan ng sariling pamagat ang sinulat. Isulat
ito sa sagutang papel. Makikita ang leyenda sa
LeaP pati na rin ang halimbawa.
VIII. MGA TALA https://www.youtube.com/watch?v=mCXW2iFMvhk
http://teacherfunfiles.blogspot.com/2019/09/maikling-
kwento-ang-magkapatid.html
IX. PAGNINILAY A. Bilang ng mga mag-aaral na nakakuha ng 80%
sa pagtataya.
B. Bilang ng mag-aaral na nangngailangan ng iba
pang gawain para sa remediation?
C. Nakatulong ba ang remedial? Bilang ng mag-
aaral na nakaunawa sa aralin.
D. Bilang ng mga mag-aaral na magpapatuloy sa
remediation.
E. Alin sa mga istratehiyang pagtuturo ang
nakatulong nang lubos? Paano ito nakatulong?

Ihinanda ni:

Roche Anne C. Cabansag

Student Teacher

Winasto ni:

Gng. Juliet G. Poniente

Critic / Cooperating Teacher