MODYUL 5 – BATAYANG KAALAMAN SA METODOLOHIYA SA PANANALIKSIK-PANLIPUNAN

Site: New Era University Printed by: Johana T. Rakiin

Course: FILDIS-18/FILDIS-19 - Filipino sa Iba't Ibang Disiplina Date: Friday, 28 October 2022, 7:29 AM

Book:
–
MODYUL 5 BATAYANG KAALAMAN SA METODOLOHIYA SA PANANALIKSIK-
PANLIPUNAN
 Table of contents

1. Introduksyon

2. Inaasahang Bunga ng Pagkatuto

3. Mga Pamamaraan/Metodo ng Pananaliksik sa Filipino sa Iba’t Ibang Larangan

3.1. Pag-oobserba, Pakikipamuhay, Participant Observation o Nakikiugaling Pagmamasid
3.2. Kwentong-Buhay (Life Story)
3.3. bahagi ng aralin
3.4. bahagi ng aralin
3.5. bahagi ng aralin
3.6. bahagi ng aralin
3.7. bahagi ng aralin
3.8. bahagi ng aralin
3.9. bahagi ng aralin
3.10. bahagi ng aralin
3.11. bahagi ng aralin
3.12. bahagi ng aralin
3.13. bahagi ng aralin
3.14. bahagi ng aralin
3.15. bahagi ng aralin
3.16. bahagi ng aralin
3.17. bahagi ng aralin
3.18. bahagi ng aralin

4. Forum 8

5. Takdang-Aralin 8

6. Sanggunian
 1. Introduksyon

          Ang
modyul na ito ay naglalayong ipaliwanag 
sa iyo ang Iba’t ibang metodolohiyang maaaring gamitin sa pananaliksik.
Mahalagang matukoy ng isang
mananaliksik na tulad mo ang isang sistematikong
pamamaraan sa paglutas ng mga suliranin/tanong/layunin ng pananaliksik o mga
paraan na ginamit sa pagsusuri
ng datos o impormasyon. Tatalakayin sa modyul na
ito ang mga karaniwan at mas tiyak na pamamaraan /metodo ng pananaliksik sa
Filipino sa Iba’t Ibang Larangan.
 2. Inaasahang Bunga ng Pagkatuto

Pagkatapos ng modyul na ito, inaasahang :

1.    Matutukoy  mo ang mga mapagkakatiwalalaan, makabuluhan

at kapaki-pakinabang na sanggunian sa 

     pananaliksik.

2.   Maisasapraktika
at mapauunlad mo pa ang mga batayang kasanayan 
sa metodolohiya sa pananaliksik.

3.   Makapagsasaliksik
ka hinggil sa mga sanhi at bunga ng mga suliraning lokal at nasyonal gamit ang
mga

     tradisyunal at modernong mga sanggunian.

4.   Makapagsusulat
ka ng konseptong papel tungkol sa isang suliraning lokal o nasyonal.
 3. Mga Pamamaraan/Metodo ng Pananaliksik sa Filipino sa Iba’t Ibang Larangan

Basahin mo at unawain:

Etnograpiya

            Ito
ay nakasandig sa malapitan, personal na karanasan at posibleng partisipasyon,
hindi lamang obserbasyon ng mga mananaliksik na karaniwang
nagsasagawa ng
pag-aaral sa mga pangkat na multidisiplinari 
(Genzuk,2003). Karaniwang pokus nito 
ang intensibo o marubdob na pag-aaral sa wika at kultura,
isang larangan
o domeyn, at pagsasama-sama ng paraang historikal, obserbasyon, interbyu at
pagtitipon ng mga dokumento, tungo sa pagkakaroon ng datos gaya
ng mga siniping
pahayag (quotations), paglalarawan o
deskripsyon at mga siniping bahagi ng dokumento (excerpts) na karaniwang ibinabahagi sa paraang
naratibo o
pasalaysay.

            Tunghayan mo ang halimbawa ng

etnograpikong pananaliksik at isang mungkahing paksa para sa metodong ito .

SA
PAGTATAGPO NG BATA AT LANSANGAN: ETNOGRAPIYANG

BISWAL
SA MUNDO NG MGA BATANG CROSSING

ni
Carlota B. Francisco

            Abstrak:
Nakatuon ang pananaliksik sa pagsusuri ng pakikisangkot ng mga batang Crossing
sa pagbuo ng reyalidad at identidad, bilang mga bata sa isa sa
mahahalagang
sangandaan ng Kalakhang Maynila, ang Crossing. Gamit ang lente ng Sosyolohiya
ng Bata. Partikular na tinutukan ng pag-aaral ang paglagi at
paggamit ng
naturang mga bata sa mga bahagi ng nasabing lansangan. Sa pamamagitan ng
etnograpiyang biswal , naisagawa ang pag-aaral ang paghahayag,
di lamang sa
kalagayan ng mga ito bilang mga Batang Crossing, kundi ang pagbagtas nila sa
mga nagkawing na espasyo ng lansangan, karalitaan sa lungsod at
kabataan. Sa
pagtuon ng pansin sa mga naturang bata, natunghayan ang Crossing  bilang isa pang espasyo ng
kabataan/kamusmusan ng maralitang bata sa
lungsod, sa Crossing.

            Mungkahing paksa: Buhay-Lumad sa

Bukidnon sa Gitna ng ‘Modernisasyon’ at Globalisasyon.

 3.1. Pag-oobserba, Pakikipamuhay, Participant Observation o Nakikiugaling Pagmamasid

Pag-oobserba, Pakikipamuhay,
Participant Observation o
Nakikiugaling Pagmamasid

            Ang
pag-oobserba ay isinasagawa sa pamamagitan ng pagtatala
ng mga makabuluhang pagmamasid ng mananaliksik sa mga pinapaksa ng
pananaliksik,
sa natural na kapaligiran o setting
ng kanyang buhay at/o trabaho. Ito ay isinasagawa ng isa o ilang araw lamang.

            Sa pakikipamuhay, ang mananaliksik ay aktwal na nakikiranas  sa pang-araw-araw na buhay ng mga taong
kanyang pinapaksa. Ito ay karaniwang mas
matagal.

            Ang
participant
observation naman ay isang uri ng
etnograpiya na karaniwang ginagamit sa larangan ng antropolohiya at
sosyolohiya. Isinasagawa ito sa
pamamagitan ng pagsisikhay o pagsisikap ng
mananaliksik na makapasok  at maging
tanggap sa isang komunidad upang makapagtamasa ng mas
komprehensibong pag-unawa
sa lipunan/paraan ng pamumuhay ng nasabing komunidad.

Basahin mo ang
halimbawa  ng pananaliksik na gumagamit
ng metodong ito.

EKSPOSYUR:
TATLUMPUNG DAGLI NG PAKIKIPAMUHAY

Ni
Marion Lester Gueta (2013)

            Abstrak : Tungkol sa pakikipamuhay ng

tatlong mag-aaral sa loob  ng tatlumpung
araw (bilang bahagi ng kanilang  kurso)
sa mga magsasaka sa
Montalban; kung saan 
minamadali ang konstruksyon ng mga gusaling panturismo kaya ang mga
tagaroon ay nililigalig  ng walang
katiyakan at pagbabago/”pag-
unlad.” Ang mga akdang nakapaloob  sa tesis na ito ay nasa anyo  ng mga dagli. Sa introduksyon ay bahagyang
tinalakay ang kasaysayan ng naturang porma,
ang nanatiling kaangkupan nito sa
kasalukuyang panahon, at kung paano ito ikinasangkapan ng may-akda relatibo sa
mga nauna nang konteporaryong
halimbawa. Ang tesis na ito ay pagsamantala sa
kaangkupan ng dagli sa panahon ng pagmamadali at pagkaligalig upang ilahad ang
kwento ng mga magsasaka at
mga mag-aaral na minamadali at nililigalig din.

            Mungkahing paksa: Ang

Pang-araw-araw ng Buhay ng mga Maglalako/Tindero at Tindera sa Metro Manila:
Isang Pananaliksik sa Pamamagitan ng
Nakikiugaling Pagmamasid.

 3.2. Kwentong-Buhay (Life Story)

 Kwentong-Buhay (Life Story)

            Ito
ay malikhaing pagsasalaysay ng talambuhay o bahagi ng talambuhay ng isang tao o
pangkat ng mga tao na paksa ng pananaliksik. Karaniwang
binibigyang-diin dito
ang pangkalahatang sitwasyon ng nagsasalaysay, ang kanyang mga hinaing,
pangarap, suliranin, ang kanyang pang-araw-araw na buhay
na makabuluhan sa
konteksto ng pananaliksik. Madalas ang pinapaksa  dito ay mga tinig ng mga nasa laylayan ng
lipunan o mga pangkat na marginalized.
Nakatutulong ito upang marinig ng madla ang kanilang tinig.

Halimbawa ng metodong ito.

LIHIM
SA DAGAT : MGA SALAYSAY NG PAGSUBOK AT

PAKIKIBAKA
NG MGA PILIPINONG SEAMAN

ni
Joanne Manzano

            Abstrak: Ginugugol ng mga seaman ang

kalakhan ng kanilang panahon sa karagatan ng daigdig. Ito ang sinasabing
dahilan kung bakit nalilingid sa mga
mamamayang nasa lupa ang kalagayan nila sa
trabaho. Dahil malayo sa kalupaan, nahahantad sila sa paglabag ng kapitan at
mga kapitalista sa mga karapatan
sa paggawa. Sa pamamagitan ng kanilang
salaysay, sisipatin ang anyo ng pakikipagkaisa sa kapwa mandaragat sa gitna ng
mga hamon sa industriya ng
pagbabarko. Sa pag-aaral na ito, ilalahad ang paraan
ng pakikibaka ng mga Pilipinong seaman upang pangibabawan ang mga pagsubok sa
dagat, barko, at
dayuhang lupain.

             Mungkahing paksa: “Mga Kuwento sa Gilid-Gilid:

Buhay ng Mga Maralitang Tagalungsod sa Piling ‘Gillages’ (Gilid ng Mga
Eksklusibong Subdivisyon o Village) sa
Metro Manila.”

 3.3. bahagi ng aralin

 Pag-iinterbyu, Focus Group Discussion (FGD), at

Pagtatanong-tanong

            Ang
pag-iinterbyu ay tumutukoy sa pagtatanong sa mismong taong paksa ng
pananaliksik o kaya sa mga eksperto rito. Structured ang
interbyu kung
ibinigay na kaagad ang mga tanong bago pa ang interbyu. Non-structured naman kung higit na impormal ang interbyu at
karaniwang maraming follow-up na
tanong.

            Ang
Focus Group Discussion ay katulad din
ng interbyu. Dito ,dalawa o higit pa ang kinakapanayam. Isinasagawa ito upang
higit na maging swabe  at magaan
ang
interbyu, sapagkat karaniwang mas nakapagpapahayag ng saloobin ang mga tao kung
may mga kasaman sila na mula sa kanilang pangkat at kagaya rin
nila  sa karanasan at iba pang aspekto.

Tunghayan mo ang halimbawa ng  ganitong pananaliksik.

PAMAHIIN NILA NOON, BUHAY PA BA NGAYON?:

PAGSUSURI SA MGA

 PAMAHIING
NANANATILI MULA NOON HANGGANG NGAYON

ni Reshel Madel Lopez, et al. (c.2015)

            Abstrak:
Tumatalakay ang pag-aaral na ito tungkol sa konsepto ng pamahiin. Ang mga
pamahiin ay ang mga paniniwalang walang batayan hinggil sa mga
bagay-bagay na
wala namang kinalaman sa isa’t isa ngunit mayroon itong malaking epekto sa
pang-araw-araw nating pamumuhay. May 120 na kalahok ang
pag-aaral na ito na
hinati sa tatlong henerasyon (X, Y, at Z). Layunin nito na alamin: (1) ang mga
pamahiin na patuloy na nananatili; (2) ang bilang ng mga
kalahok na tumatanggap
at sumusunod sa pamahiin sa bawat henerasyon, gayon din ang hindi tumatanggap
at hindi sumusunod; (3) ang mga dahilan ng mga
kalahok sa (a) pagtanggap o
hindi pagtanggap na tumutukoy sa paniniwala sa pamahiin at (b) pagsunod o hindi
pagsunod sa pamahiin; (4) sa paanong paraan
nagiging bahagi at naaapektuhan ng
pamahiiin ang pang-araw-araw na pamumuhay ng mga kalahok.

            Mungkahing paksa: “Mga Konsepto ng Kaunlaran Mula sa

Laylayan ng Lipunan: Perspektiba ng mga Magsasaka at Manggagawa sa Visayas
Hinggil sa
Ambisyon Natin 2040 ng National Economic and Development Authority”

 3.4. bahagi ng aralin

Video
Documentation

            Ito
ay isinasagawa sa pamamagitan ng pagrerekord ng mga imahe at tunog gamit ang video recorder. Karaniwang ginamit sa
pagtatala ng mahahalagang
pangyayari sa kasaysayan. Maaari itong lapatan ng
pagsasalaysay o narration, at ng
musika. Pinakakaraniwang porma nito ang bidyong dokumentaryo o dokyu.

Narito ang halimbawa ng ganitong

pananaliksik.

WORKING WHILE IN CLASS

ni Maevelyn Calapardo (2011)

            Abstrak:  Isang

awtobiograpikal na dokumentaryo ng direktor base sa kaniyang buhay bilang isang
working student. Matapos ang anim na
taong
pinagsasabay ang pag-aaral at paghahanap-buhay ay naiisipan nang umalis
sa kumpanyang pinagtatrabahuhan. Nais na niyang pasukin ang karerang gusto
ngunit hindi magawa dahil sa kawalan ng diploma. Hindi magiging madali ang
desisyong ito dahil sa ilang mga bagay na kailangang isaalang-alang tulad ng
mga
bayarin sa kolehiyo at ang kaniyang responsibilidad sa pamilya. Sinikap
niyang alamin ang magiging kasagutan mula sa pamilya at mga kaibigan, ngunit sa
huli ay
nasa kanya pa rin ang pagdedesisyon.

            Mungkahing paksa: “Mga Eksena ng

Dislokasyon: Sampung Short Films Hinggil sa Demolisyon, Pagpapalayas, at Pagtataboy
sa Iba’t ibang Pangkat na
Marginalized sa Pilipinas”

 3.5. bahagi ng aralin

 White
Paper o
Panukala

            Tumutukoy
ito sa isang saliksik o ulat mula sa isang ahensya ng gobyerno, opisyal ng
gobyerno, think tank, akademikong departamento, o eksperto na naglalahad
ng
makabuluhang Impormasyon at/o mga panukala kaugnay ng isang napapanahong isyu
na nakakaapekto sa maraming mamamayan o sa isang partikular na
komunidad.

Nasa ibaba ang halimbawa ng

ganitong pananaliksik at isang mungkahing paksa para sa metodong ito.

ANG UGNAYAN NG WIKA, PANANALIKSIK, AT INTERNASYONALISASYONG

AKADEMIKO

Ni Feorillo Demeterio III at Joshua Mariz B.

Felicilda sa Malay (2015)

            Abstrak:
Tinatalakay sa papel na ito ang ugnayan ng wika, pananaliksik, at
internasyonalisasyong akademiko sa konteksto ng hindi kaaya-ayang mga markang
natamo ng mga institusyong Pilipino sa mataas na edukasyon sa ilang Asyano at
pandaigdigang ranking ng mga pamantasan. Ang papel na ito ay may apat na
bahagi:
1) tungkol sa kahulugan ng internasyonalisasyong akademiko, 2) tungkol
sa halaga ng pananaliksik sa internasyonalisasyong akademiko, 3) tungkol sa
kahusayan sa
pananaliksik at konsepto ng pamanatsang pansaliksik (research
univeristy), at 4) tungkol sa pananaliksik at ilang usapin kaugnay ngwikang
Filipino. Hangad ng papel na
ito na maipakita ang malaking maiaambag ng wikang
Filipino sa pagpapayaman ng kultura ng pananaliksik sa loob ng mga institusyong
Pilipino sa mataas na
edukasyon, na sa kalaunan ay mag-aangat sa kanilang
katayuan sa ilang Asyano at pandaigdigang ranking ng mga pamantasan.

            Mungkahing paksa: “Mga Positibo at Negatibong Aspekto

ng TRAIN Law ng Administrasyong Duterte: Pagsusuri at Mga Panukala Tungo sa Mas
Makatwirang
Sistema ng Pagbubuwis”

 
 3.6. bahagi ng aralin

Komparatibong Pananaliksik

            Tumutukoy
ito sa deskriptibo o palarawang paghahambing/pagkukumpara sa mga pagkakatulad
at pagkakaiba ng dalawang tao, grupo, sitwasyon, bagay,
phenomenon at iba pa.

            Nasa
ibaba ang halimbawa ng pananaliksik na ito.

KOMPARATIBONG
ANALISIS NG AKTUWAL NA GAMIT NG WIKA AT MGA PILING PAMANTAYAN SA GRAMATIKA AT
ORTOGRAPIYA SA FILIPINO,

 SEBWANO-BISAYA, AT ILOKANO: LAPIT BATAY SA

KORPUS

ni
Joel P. Ilao sa Daluyan (2012)

            Abstrak: Ang implementasyon ng Mother Tongue-Based Multilingual Education

(MTBMLE) ay nangangailangan ng tiyak na tuntunin para sa ortograpiya at
gramatika. Bagaman mayroon nang ganoong tuntunin sa ilang wika sa Pilipinas,
kailangang matukoy ang mga pinagkasunduan at hindi pagkakatugma ng mga
tuntunin
at paggamit upang maiwasan ang pagkalito. Ang pag-aaral na ito ay gumagawa ng obhetibong
analisis sa mga lebel ng kasunduan, sa mga tuntunin sa
gramatika at
ortograpiya, sa pagitan ng mga sangguniang aklat at sa aktuwal na paggamit sa
tatlong pangunahing wika sa Pilipinas-Filipino, Sebwano-Bisaya at
Ilokano na
makikita sa web-mined text corpora. Isang listahan ng mga tuntunin ng wika sa
gramatika at ortograpiya ang pinili mula sa pamantayan ng mga
sangguniang aklat
para sa bawat wikang nabanggit. Tinukoy ang iba’t ibang anyo ng paggamit sa
bawat napiling tuntunin ng wika at binilang ang dalas ng
paggamit ng mga ito
para sa komparatibong analisis ng mga tuntuning itinakda ng mga pamantayan ng
sangguniang aklat at ng aktuwal na paggamit ng wika.
Ang mga pamamaraang
ginamit sa pag-aaral ay mahalaga sa edukasyon ng wika, upang matukoy ang lawak
ng mga baryasyon ng paggamit ng wika sa aspekto
ng gramatika at ortograpiya.

            Mungkahing paksa: “Komparatibong

Pagsusuri sa Namamayaning Gamit ng Wikang Filipino sa Lungsod ng Cebu at
Tacloban”

 3.7. bahagi ng aralin

 Pagsusuring Tematiko at
Pagsusuri ng Nilalaman

             Ito ay pamamaraan ng pagtukoy , pagsusuri at

pagtatala sa mga tema o padron ng naratibo sa loob ng isang teksto. Malapit sa
paraang ito ang pagsusuri
ng nilalaman o content
analysis na tumutukoy naman  sa
paglalarawan at/o pagsusuri sa nilalaman ng isang teksto.

            Tunghayan
mo ang halimbawa ng ganitong pananaliksik.

MGA PILING TALUMPATI NG IBA’T IBANG PANGULO

NG PILIPINAS: ISANG PAGSUSURI

ni Rechelle Almendral, et al. (2013)

            Abstrak: Nilalayon ng pag-aaral na mabatid ang mga

nilalaman ng mga piling Talumpati sa Kalagayan ng Bansa o State of the Nation
Address (pinaikling
SONA) nina dating Pangulong Corazon C. Aquino, Fidel V.
Ramos, Joseph E. Estrada, Gloria M. Arroyo, at kasalukuyang Pangulong Benigno
Simeon C. Aquino III; ito ay ang
kani-kanilang saloobin, pagpapahalaga sa ating
pagka-Pilipino, pakikipag-ugnayang pangmasa, pagkamakabansa at pamamahala sa
ating bansa. Gayundin,
nilalayon ng pag-aaral na malaman ang mga pamamaraang
ginamit ng mga pangulong nabanggit tungo sa iba’t ibang layunin ng paghahatid
ng mensahe,
mabatid ang mga paksang karaniwang binigyang-diin, matuklasan ang
kaugnayan ng buhay ng mga pangulo sa mga talumpating kanilang ipinahayag at
makapagmungkahi ng mga gawaing makapupukaw sa kamalayang panlipunan ng mga
mag-aaral tungo sa pagbabago ng bansa. Gumamit ang mga mananaliksik
ng
kuwalitatibo o qualitative napalarawan (descriptive) at pasuring (analytical)
pananaliksik sa isinagawang pag-aaral. Sinuri ang mga talumpati batay sa
pagsusuring pangnilalaman o content
analysis.

            Mga mungkahing paksa: “Retorika at Realidad mula Loob

Hanggang Labas: Pagsusuri sa Nilalaman ng Piling Talumpati ni Pangulong Rodrigo
Duterte Hinggil sa
mga Isyung Kaugnay ng Patakarang Panlabas (Foreign Policy)”

            “Kwento,
Kwenta, at Kwentahan: Pagsusuring Tematiko sa Istorya ng Mga Pelikula sa Metro
Manila Film Festival (2008-2018)”

 3.8. bahagi ng aralin

 Deskriptibong Pananaliksik

            Tumutukoy
ito sa deskriptibo o palarawang paglalahad ng mga katangian ng isang tao ,
grupo , sitwasyon, bagay, penomenon, at iba pa na sinusuri/pinag-
aaralan.

            Basahin
mo ang halimbawa ng ganitong pananaliksik.

PANANAW NG MGA KALALAKIHAN SA KONSEPTO NG

SEENZONE

nina Jethro Laput at Ma. Fatima Bullecer sa The Bedan Journal of Psychology (2016)

            Abstrak:
Ang pag-aaral na ito ay tungkol sa pananaw ng mga mag-aaral na kalalakihan ng
Veritas Parochial School sa konsepto ng “Seenzone” bilang
“motivation” o
“drive”. Sa na kalalakihan ng Veritas Parochial School sa konsepto ng
“Seenzone” bilang “motivation” o “drive”. Sa kabuuan, ang mananaliksik ay
nakapanayan ng labing tatlong mag-aaral. Ang mananaliksik ay gumamit ng
deskriptibong paraan ng pananaliksik partikular ang pagtatanung-tanong at
pakikipagkwentuhan upang makuha ng mananaliksik ang tunay na nararamdaman ng
mga kalahok at ito ay mas naaayon sa kamalayang Pilipino. Ang layunin ng
pananaliksik na ito ay upang malaman ng henerasyon ngayon kung ano ang konsepto
ng “Seenzone”, ano ang naging bunga at epekto nito sa mga kalahok at kung
paano
ito nakaapekto sa kanilang buhay. Ang problema sa pag-aaral na ito ay kung
bakit may mga lalaki na hanggang sa pampribadong pagmemensahe na lang
sila
nakikipag-usap sa kababaihan sa kadahilanang nga ba na natotorpe sila sa halip
na tanggapin ang mga dagok sa pagmamahal at sa ganoon ay makuha nila
ang
kanilang kagustuhan. Iisa at positibo ang mga damdamin na naging resulta sa
pagkuha ng datos sa mga kalahok, lalo na sa mga karanasan at epekto nito sa
mga
kalahok. Ito ang napiling pag-aaral ng mananaliksik dahil nais niyang mausisa
nang lubusan at kung hindi man ay malaman niya kung totoo nga na
mayroong
“Seenzone” sa panahong kinakatayuan nating lahat na nahuhumaling sa iba’t ibang
teknolohiya sa ating kapaligiran.

            Mungkahing paksa: “Buhay, Nananamlay o Namamatay?:

Kasalukuyang Sitwasyon ng Wikang Tagalog sa Bulacan.

 3.9. bahagi ng aralin

Secondary Data Analysis

            Tumutukoy
ito sa pagsusuri at pag-uugnay-ugnay sa mga umiiral na datos at estadistika,
tungo sa layuning sagutin ang mga panibagong tanong at/o
makabuo ng mga bagong
kongklusyon na angkop sa kasalukuyang sitwasyon.

            Mababasa
mo sa ibaba ang halimbawa ng ganitong pananaliksik.

COUNTRY
ANALYSIS OF AIDS IN THE PHILIPPINES:GENDER AND AGE SITUATION AND RESPONSE NG
NATIONALA ECONOMIC DEVELOPMENT AUTHOIRY/NEDA AT UNITED NATIONS
CHILDREN’S
FUND/UNICEF (2011)

            Abstrak: This study is aimed at conducting

a country analysis on the gender and age resposiveness of policies,guidelines
and key documents. Specifically, this
–
seeks to develop gender and age sensitive
AIDS monitoring and evaluation indicators, and to prepare a report of the
Country Analysis of AIDS in the Philippines Gender
and Age Situation and
Response, including policy and programmatic recommendations. The assesment was
done using secondary data analysis, focus group
discussions(FGD), key informant
interviews (Klls) and workshop. The secondary 
data analysis looked at existing data , policies and programme
intervention report in
terms of gender-and-age-sensitive provisions.  A listing and analysis of the data available
were part of this assesment process.

            Mungkahing paksa: Pangkalahatang

Pagsusuri sa Potensyal na Bisa ng Programang Kto12 sa Pilipinas Batay sa
Karanasan ng mga Bansasa Asya-Pasipiko
Gamit Batay sa mga Opisyal na
Estadistika at Dokumento.

 3.10. bahagi ng aralin

Case
Study

            Ito
ay detalyadong paglalarawan sa sitwasyon ng isang tao, bagay, lugar,
pangyayari, penomenon, at iba pa bilang potensyal na lunsaran ng mga susunod
pang pag-aaral sa mga kahawig na kaso.

            Nasa
ibaba ang halimbawa ng ganitong pananaliksik.

ISANG KRITIKAL NA PAG-AARAL UKOL SA EPEKTO NG

MALAWAKANG PAGPAPALIT-GAMIT NG LUPA SA KITA AT PANG-EKONOMIKONG KASIGURUHAN NG
MGA

PESANTE SA BARANGAY SANTIAGO NG GENERAL

TRIAS, CAVITE

ni Kaye Melody M. Reyes (2010)

            Abstrak: Hanggang sa kasalukuyan,

laganap pa rin ang mga pagpapalit-gamit ng lupa sa Pilipinas at isa ang
probinsya ng Cavite sa dumadanas nito.
Bagamat mayroon nang mga pag-aaral ang
nagawa ukol sa pagpapalit-gamit ng lupa sa ibang bahagi ng Cavite,
napag-iiwanan ang munisipalidad ng General
Trias pagdating sa usaping ito.
Tiningnan ng pag-aaral na ito ang epekto ng pagpapalit-gamit ng lupa sa General
Trias partikular na sa barangay Santiago. Upang
malaman ang mga epekto ng
pagpapalit-gamit ng lupa, gumamit ng sariling questionnaire ang mananaliksik at ipinasagot sa 50 pesante.
Nakipanayam din ng mga
kinatawan ng isang pangmasang
organisasyon-KAMAGSASAKA-KA, at isang kinatawan mula sa lokal na pamahalaan ang
mananaliksik upang mas maintindihan pa
ang pagpapalit-gamit ng lupa sa lugar.
Epekto sa kita, pang-ekonomikong kasiguruhan (economic security), at pangangamkamng lupa ang sentro ng pag-aaral.
Ipinakita sa resulta na marami sa mga pesante (38%) ang nanatili sa dati ang
kinikita matapos ang pagpapalit-gamit ng lupa bagaman dumami ang bilang ng
pesanteng tiyak na mas mababa pa sa minimum
wage ang kita (mula 22% tungong 52%). Sa kabila ng pagpapalit-gamit ng
lupa, marami sa kanila ang nanatiling
magsasaka (36%). Ipinakita sa resulta na
maraming pesante ang naniniwalang hindi pangmatagalan ang mabuting dulot ng
pagpapalit-gamit ng lupa (66%). Dahil
dito nagkakaroon sila ng impermanence
syndrome o kawalan ng kumpyansa sa katatagan at pangmatagalang silbi ng
pagsasaka kaya ang kanilang naipon ay
ipinundar nila sa ibang pagkakakitaan
(28.66%) Walang naiulat na pangangamkam ng lupa sa barangay Santiago bagaman
62% sa mga nagsagot ay walang
sariling lupa.

            Mungkahing
paksa: Mahusay na Taktika at Praktika sa Kampanyang Elektoral mula Porma
Hanggang Plataporma: Case Study ng mga Partylist sa Ilalim ng
Koalisyong
Makabayan

 3.11. bahagi ng aralin

Pagbubuo ng Glosaryo/
Pananaliksik na Leksikograpiko

            Ito
ay pananaliksik hinggil sa proseso ng pagtatala ng depinisyon ng mga termino
alinsunod sa kontemporaryong gamit ng mga salita sa isang partikular na
larangan.

            Makikita
mo sa ibaba ang halimbawa ng ganitong pananaliksik.

GLOSARYO
NG MGA TERMINO SA PANITIKAN

Ni
David Michael San Juan (2010)

            Abstrak: Pangunahing layunin ng

pananaliksik na ito ang makabuo ng isang glosaryo ng mga piling termino sa
panitikan. Partikular na nais isakatuparan
ng pananaliksik ang mga sumusunod:1.
Makapangalap at makapagtala ng mga termino 
sa pagtuturo  ng panitikan sa
antas sekundarya at tersyarya; 2.
Mkapagsalin o makabuo ng mga panumbas sa
salitang lahok; 3. Makapagsalin o makahalaw 
ng depinisyon ng mga termino sa panitikan;4. Masuri/malapatan ng
balidasyon ang binuong glosaryo sa panitikan.

            Mungkahing paksa: “Glosaryo ng mga

Termino sa Araling Pangkaunlaran (Development Studies).

 3.12. bahagi ng aralin

Pagbubuo at Balidasyon ng
Materyales na Panturo

            Tumutukoy
sa pananaliksik hinggil sa proseso ng pagbubuo at balidasyon ng mga modyul at
iba pa. materyales na panturo na kaiba sa karaniwang umiiral o
kaya’y naka
angkla sa panibagong pamamaraan o dulog sa pagtuturo.

            Tunghayan
mo ang halimbawa ng ganitong pananaliksik.

DEBELOPMENT
AT BALIDASYOIN NG MODYUL SA FILIPINO 1 PARA SA MGA

DAYUHANG
MAG-AARAL SA ANTAS TERSYARYA

ni
Arlene M. Soliman 

            Abstrak: Ang pag-aaral na ito ay

nagalalayong makapaghanda ng mga modyul 
sa Filipino 1 para sa mga dayuhang mag-aaral sa antas tersyarya at
mabalideyt ang mga ito.  Partikular na
nais isakatuparan ng pananaliksik ang mga sumusunod: 1. Makabuo ng modyul sa
Filipino 1 na lumilinang sa komunikatibong
kakayahan at kasanayan ng mga
dayuhang mag-aaral sa antas tersyarya; 2. Mabalideyt ang kaangkupan at
kalinawan ng modyul na naihanda;3. Makagawa ng
kaukulang rebisyon sa mga modyul
batay sa balidasyon. Ang pag-aaral na ito ay isang deskriptibong pag-aaral na
kinapapalooban  ng apat na yugto sa
pagdebelop ng mga kagamitang panturo: pagpaplano,pagdebelop ng mga
modyul,pagbalideyt at pagrebisa.

            Mungkahing Paksa: “Pagbubuo at

Balidasyon ng Kompletong Modyul sa Pagtuturo ng Asignaturang Serbisyong
Pangkalusugan sa mga Komunidad (Community
Health Service) sa Filipino.”

 3.13. bahagi ng aralin

Pagsusuring Etimolohikal

            Pananaliksik
tungkol sa pinagmulan ng kahulugan ng mga salita,orihinal na konteksto at iba
pang kaugnay na detalye na mahalaga sa pag-unawa sa
kasalukuyang gamit at
konteksto nito.

            Nasa
ibaba ang halimbawa ng ganitong pananaliksik.

ISANG
PAGSUSURI NG TOPONOMIYA SA BAYAN NG LUCBAN, QUEZON

Ni
Cyril Jude Cornelio et al. (2016)

            Abstrak:
Ang papel na ito ay isang sarbey at pagsusuring toponomiya sa isang komunidad,
para ipakita at makipag-ugnay ang sitwasyon ng Pilipinas, sa
isang maliit na
tagpo. Ipapakita rin ng mga mag-aaral ang relasyon ng mga pangalan ng lugar sa
kultura ng isang pook.

            Mungkahing paksa: “ Pagsusuri sa

Toponomiya ng mga Bayan at lungsod sa Bohol”.

 3.14. bahagi ng aralin

Pagtukoy sa Sanhi at Bunga

            Pananaliksik
na nakatuon sa pagtukoy sa mga sanhi at bunga ng isang pangyayari, penomenon,
programa/proyekto, patakaran at iba pa.

            Nasa
ibaba ang halimbawa ng ganitong pananaliksik at isang mungkahing paksa para sa
metodong ito.

DESKRIPTIBONG
PAG-AARAL SA SANHI AT EPEKTO  NG STRESS SA MGA MAG-AARAL SA IKAAPAT NA
ANTAS NG HRM SA PAMANTASANG DE LA SALLE-DASMARINAS

Ni
Gizelle Vergara et al. (2013)

            Abstrak: Ang pangkalahatang layunin ng

pag-aaral na ito ay pag-alam sa sanhi at epekto ng stress sa mga mag-aaral ng ikaapat na antsa ng HRM sa
Pamantasang
De La Salle-Dasmarinas. Saklaw nito ang limampung estudyante mula sa
Dalubhasaan ng Pamamahalang Panturismo at Pakikitungo , partikular na
yaong
nasa ikaapat na taon ng HRM.

            Mungkahing paksa: Sanhi at

Bunga  ng Kahirapan sa Piling Komunidad
sa CAMANAVA Batay sa mga Interbyu sa mga Mamamayan

 3.15. bahagi ng aralin

Pagsusuri sa Diskurso
            Ito
ay tumutukoy sa pagsusuri sa paraan ng pagpapahayag at/o mensaheng
nangingibabaw sa teksto, awit, video,
pelikula , at iba pang materyales.

                                               

SWOT Analysis

            Tumutukoy
ito sa pagsusuri sa kalakasan (strenghts)
at kahinaan (weaknesses) ng isang
programa/plano, at mga oportunidad (opportunities)
o bagay na
makatutulong sa implementasyon at mga banta (threat) o bagay na maaaring 
makahadlang sa implementasyon ng programa/plano.

Kritikal na Pagsusuring
Pangkurikulum/Pamprograma

            Tumutukoy
sa pagsusuri sa mga negatibong aspekto ng isang kurikulum/programa tungo sa
layuning baguhin/linangin pa ito.
 3.16. bahagi ng aralin

 Action
Research

            Nakatuon
sa paglutas ng ispesipikong suliranin sa loob ng silid-aralan, o kaya’y kaugnay
ng proseso ng pagkatuto ng isang partikular na sitwasyon.

            Nasa
ibaba ang halimbawa ng ganitong pananaliksik at isang mungkahing paksa para sa
metodong ito.

APPLE
O ATIS: ISANG PAG-AARAL SA K-2

ni
Eleonor Eme E. Hermosa sa Alipato (2006)

                        Abstrak:
Ang pananaliksik na ito ay pinaikling research report na pinamagatang “Filipino
Bilang Wikang Panturo sa K-2” ni Patrocinia M. Abanto et
al. Tinalakay sa
pananaliksik ang bisa ng Filipino bilang wikang panturo mula Kinder hanggang
Grade 2.

            Mungkahing paksa: “Sitwasyon ng

Kasanayan sa Pagbasa ng mga Mag-aaral sa Elementarya ng Paaralang Andres
Bonifacio: Gabay sa Pagbuo ng Bagong
Programa sa Mas Mabisang Paglinang sa
Pagbas.”

 3.17. bahagi ng aralin

Historikal na Pananaliksik
            Nakatuon
sa pagtukoy sa pinagmulan/kasaysayn, mga makabuluhang pangyayari kaugnay ng
isang penomenon, programa/proyekto, patakaran, at iba pa.
Isang uri rin nito
ang kasaysayang pasalita o oral history
na nakapokus naman sa mga testamento o salaysay ng mga impormante na
aktwal  na naging bahagi o
nakasaksi sa
makasaysayang pangyayari at iba pa.

 Documentary
o Text Analysis

            Tumutukoy
ito sa paghihimay-himay sa nilalaman ,konteksto at kabuluhan ng tekstong
sinusuri.

Eksperimentasyon/Pananaliksik
na Eksperimental

            Ito
ay nakatuon sa pag-eeksperimento o proseso ng paghahambing sa resulta ng
pagmanipula sa isang variable na
kasangkot ang dalawang grupo o mga
subject
ng pananaliksik: ang unang grupo ay grupong kontrolado na hindi nilalapatan ng
pagmanipula sa variable, habang ang
ikalawang grupo naman ang
nilalapatan ng pagmanipula sa variable.
 3.18. bahagi ng aralin

Cultural
Mapping

            Ito
ay proseso ng pagtukoy at paglalarawan sa lahat ng mga yamang pangkultura na
nasa isang tiyak na lugar o rehiyong heograpiko, sa paraang pasulat o
biswal na
imbentaryo (Moore at Borrup, 2008). Sa Pilipinas , ang pagmamapa ay sumasaklaw
na rin sa pagtalakay sa koneksyon ng aspektong kultural, politikal,
historikal,
at ekonomiko sa isang partkular na espasyo, lugar o rehiyo.

Translation
Process Studies

            Nakapokus
sa pagtalakay sa mga obserbasyon, natutuhan, praktikal na aral, at iba pa na
nakuha  o nakalap ng mananaliksik habang
nagsasalin ng isang
akda.

Trend
Studies o Imbentaryo
ng mga Pananaliksik

            Pananaliksik
na nag-iimbentaryo o nagsusuri sa trend
ng mga pananaliksik sa isang larangan, bilang gabay sa mga susunod pang
mananaliksik.

 Pananaliksik na Arkibo /Archival Research

            Isa
itong porma ng pananaliksik na historikal na nakatuon sa pagsusuri ng mga
dokumento sa arkibo (archives) gaya
ng mga lumang manuskrito, dyaryo at iba
pa.     

 
 4. Forum 8

https://college.neu.edu.ph/mod/forum/view.php?id=80813&forceview=1

 5. Takdang-Aralin 8

https://collvle.neu.edu.ph/mod/assign/view.php?id=97515&forceview=1

 6. Sanggunian

Mga
Sanggunian:

San Juan, DM M., De Laza, C.S., Gonzales, A.,

Martinez, E.,Llorando,

       
L.,Cuchapin. J., Caja, C., Carada, I., 
2019. Sangandaan:filipino sa iba’t
ibang

        disiplina.
Malabon City:Mutya Publishing House, Inc.