Aralin Bilang 1

Heograpiya at mga Sinaunang Kabihasnan sa Daigdig

Heograpiya ng Daigdig

Kompetensi:

Nasusuri ang limang temang heograpikal bilang kasangkapan sa pag-unawa sa

daigdig.

AP8HSK-Id-4

Layunin:
1. Naibibigay ang kahulugan ng salitang heograpiya
2. Napahahalagahan ang pagkakaroon ng kaalaman ukol sa heograpiya ng
daigdig
3. Napaghahambing ang limang tema ng heograpiya

Simulan Dito
Balitaan!

Maglahad ng mga naging karanasan sa panahon ng pagkalat ng

Corona Virus. Anong mga bagay ang iyong naramdaman at
natutunan sa panahon na ang lahat ay pinagbawalang lumabas ng
mga tahanan. Isulat ang iyong karanasan sa iyong sagutang papel
bilang Gawain 1.

Balik Aral:

Panuto: Sagutan ang mga tanong sa iyong

sagutang papel bilang Gawain 2.

1. Ano ang tawag sa larawang ito?

2. Anong mga bagay ang natutunan mo

na tungkol dito?

3. Ano ang kahalagahan nito sa atin?

https://tinyurl.com/yb69mwxg
Hulaan Mo Kontinente ko!

Panuto: Huhulaan ng mga mag-aaral kung saan kontinente sa daigdig nabibilang ang
mga sumusunod na larawan. Isulat ang sagot sa sagutang papel para sa Gawain 3.

1. https://goo.gl/images/GcZnc7 2. https://goo.gl/images/trFxNA

3. https://goo.gl/images/Rs1dLF 4. https://goo.gl/images/7MS1AG

Ating Tuklasin!

Malaki ang bahaging ginagampanan ng heograpiya mula pa noong sinaunang

panahon hanggang sa kasalukuyan. Ang idinikta ng katangiang pisikal ng lugar kung
saan nanirahan ang mga sinaunang tao ang humubog sa kanilang pamumuhay.

Ang “heograpiya” ay hango sa salitang Greek na geograhia. Ang geo ay

nangangahulugang “lupa” samantalang ang graphein ay “sumulat.” Samakatuwid ang
heograpiya ay nangangahulugang pagsusulat ukol sa lupa o paglalarawan ng daigdig.

Ang heograpiya ay nauukol sa pag-aaral ng daigdig at ng mga taong nainirahan dito.

Sakop din nito ang pag-aaral sa katangiang pisikal ng daigdig: iba’t ibang anyong lupa
at anyong tubig, klima at panahon, at likas na yaman ng isang pook. Ang mga salik na ito
ay may malaking epekto sa pamumuhay ng tao sa daigdig. Ang kapaligiran at ang
pagbabagong nagaganap dito ay may malaking malaking kinalaman sa takbo ng
kasaysayan ng sangkatauhan at pagkakaiba-iba ng kultura ng mga rehiyon.

Ang mga dalubhasa sa larangan ng heograpiya ay gumagamit ng iba’t ibang

kasangkapan upang mailarawan ang daigdig. Pangunahin sa mga ito ang globo at
mapa. Ipinapakita ng globo ang mas angkop na kaanyuan ng daigdig. Samantalang
ang mapa ay nagpapakita ng patag na kaanyuan ng daigdig sa kabila ng kurba nito
tanging globo lamang ang makapagbibigay ng mas aktuwal na kaanyuan ng daigdig,
Gayunpaman, ang mapa ay madaling tiklupin at dalhin saan man kung ihahambing
naman sa globo.
Sagutan ang mga tanong. Isulat ang sagot sa iyong sagutan papel bilang Gawain 4.
1. Ano ang heograpiya?
2. Ano-ano ang mga saklaw ng pag-aaral ng heograpiya ng daigdig?
3. Bakit mahalagang pag-aralan ang heograpiya?

Pagtalakay ng Bagong Konsepto blg. 1

GEOpardy
Panuto: Susuriin ang GEOpardy board.
Pagkatapos, bumuo ng tanong na ang sagot ay
salita o larawang makikita sa GEOpardy board.
Isulat sa sagutang papel ang nabuong tanong at
ang sagot nito.
Halimbawa: Ano ang pinakamalaking karagatan
sa buong daigdig? (Pacific Ocean)

Pagtalakay ng Bagong Konsepto blg. 2

Taong 1984 nang binalangkas ang limang magkakaugnay na temang heograpiya sa
pangunguna ng National Council for Geographic Education at ng Association of
American Geographers. Layunin ng temang ito nagawing simple ang pag-aaral ng
heograpiya bilang disiplina ng agham panlipunan.

Limang Tema ng Heograpiya

1. Lokasyon: Tumutukoy sa kinaroonan ng 3.Rehiyon: Bahagi ng daigdig na
mga lugar sa daigdig. pinagbubuklod ng magkakatulad na
May dalawang paraan sa pagtukoy: katangiang pisikal o kultural
➢ Lokasyong Absolute na tumutukoy
sa eksaktong kinaroonan ng isang
lugar sa daigdig.
➢ Relatibong Lokasyon na ang
batayan ay mga lugar at bagay na
nasa paligid nito. Halimbawa ang
mga anyong lupa at tubig at mga
estrukturang gawa ng tao
2. Lugar: Tumutukoy sa mga katangiang 4.Interaksiyon ng Tao at Kapaligiran: ang
natatangi sa isang pook. kaugnayan ng tao sa pisikal na
May dalawang paraan sa pagtukoy: katangiang taglay ng kaniyang
➢ Katangian ng kinaroonan tulad ng kinaroonan
klima, anyong lupa at tubig at likas
na yaman
➢ Katangian ng mga taong
naninirahan tulad ng wika, relihiyon,
densidad o dami ng tao, kultura at
 mga mga sistemang political
5.Paggalaw: ang paglipat ng tao mula sa kinagisnang lugar patungo sa ibang lugar,
kabilang din dito ang paglipat ng mga bagay at likas na pangyayari tulad ng hangin at
ulan. May tatlong uri ng distansiya ng isang lugar:
➢ Linear- Gaano kalayo sa isang lugar
➢ Time-Gaano katagal ang paglalakbay
➢ Psychological- Paano tiningnan ang layo ng lugar

Panuto: Batay sa binasang teksto tungkol sa limang tema ng heograpiya, unawain ang
mga sumusunod na pangungusap at pumili ng titik ng tamang sagot sa kahon. Isulat ang
iyong sagot sa sagutang papel bilang Gawain 5.

A. Interaksyon ng Tao at Kapaligiran B. Lokasyon C. Lugar

D. Paggalaw E. Rehiyon
1. May tropical na klima ang Pilipinas
2. Matatagpuan ang Pilipinas sa kanluran ng Pacific Ocean, timog ng Bashi Channel, at
silangan ng West Philippine Sea
3. Ang pangingisda ay isang aktibong kabuhayan ng mga Pilipino dahil napapalibutan
ng dagat ang bansa.
4. Libo-libong Pilipino ang nangingibang- bansa sa Australia at New Zealand upang
magtrabaho
5. Kasapi ang Pilipinas sa Association of Southeast Asian Nations.
6. Ang lumalaking populasyon sa National Capital Region sa Pilipinas ang nagbigay daan
upang patuloy na pagtuunan ng pansin ang pagpapaunlad ng sistema ng
transportasyon at ng pabahay sa kalungsuran
7. Ang mataas na antas ng teknolohiya ay nagpabilis sa pagpunta ng tao sa mga
bansang may magagandang pasyalan.
8. Islam ang opisyal na relihiyon ng mga mamayan ng Saudi Arabia
9. Ang Singapore ay nasa 1° 20’hilagang latitude at 103° 50’silangang longhitud
10. Espanyol ang wikang ginagamit ng mga mamamayan sa Mexico

Tanong ko, Sagot Mo! Isulat ang iyong sagot sa sagutang papel bilang Gawain 6.

Sa iyong pagpasok sa paaralan, alin

sa tema ng heograpiya ang sa tingin
mo ay palagiang nakakatulong at
iyong nagagamit? Ipaliwanag?
Buuin Mo! Isulat ang iyong sagot sa sagutang papel bilang Gawain 7.
Panuto: Punan ang
Graphic organizer Heograpiya Kahulugan:

Limang Tema ng 3.
Heograpiya

1. 4.

2. 5.

Subukin Mo!

Panuto: Piliin at isulat ang titik ng tamang sagot sa mga sumusunod na pangungusap.
Isulat ang iyong sagot sa sagutang papel bilang Gawain 8.

1. Alin sa mga salita sa ibaba ang tumutukoy sa siyentipikong pag-aaral tungkol sa

katangiang pisikal ng daigdig?
A.Heograpiya B. Kapaligiran C. Lokasyon D. Lugar

2. Ano ang tawag sa distansyang tumutukoy kung gaano katagal ang paglalakbay?
A. Linear B. Lokasyon C. Psychological D.Time

3. Ano ang mahalagang pinagkukunan ng pangangailangan ng tao?

A.Heograpiya B. Kapaligiran C. Lokasyon D. Lugar

4. Alin ang tumutukoy sa kinaroroonan ng lugar sa daigdig?

A. Linear B. Lokasyon C. Psychological D.Time

5. Anong taon binalangkas ang 5 magkakaugnay na temang heograpikal?

A. 1982 B. 1983 C. 1984 D. 1985
ARALIN 1

SUSI SA PAGWAWASTO

GAWAIN 3 GAWAIN 5

1. AFRICA 1. C 6. A
2. ASIA 2. B 7. D
3. NORTH AMAERICA 3. A 8. C
4. EUROPE 4. D 9. B
5.E 10. C

GAWAIN 8

1. A
2. D
3. B
4. B
5. 5