Taon 35 Blg.
35 Hatinggabi ng Pasko ng Pagsilang (C) — Puti
May Ilaw Na!
P. Jean Rollin Marie I. Flores, SSP
K apag nag-brownout, maraming
b a g ay a n g h i n d i n a t i n
magagawa – hindi makapaglaba
sa washing machine, hindi
makatrabaho sa computer, hindi
makapag-Facebook, Instagram,
TikTok (napakasaklap na buhay!).
Sa gabi, hindi makapagbasa,
hindi makapanood ng teleserye
at koreanovela, hindi makatulog sa
init, hindi mapakali, natatakot sa
dilim, mistulang bulag. Wala tayong
magagawa kun’di maghintay.
“Kailan kaya magkaka-ilaw?” ang
tanong ng marami. Pagkatapos ng
matagal na paghihintay at bumalik
na nga ang kuryente, sabay-sabay
tayong sumisigaw “May ilaw na!”
Napakasaya ng lahat na para bang
“first time” pa lang nakakita ng
liwanag.
Higit pa rito ang kasiyahang
naranasan ng mga Israelita noong
isilang ang Mesiyas na matagal
nang ipinangako sa kanila ni Yawe
sa pamamagitan ng mga propeta.
Napakahabang panahon ng
kadiliman ang dinanas ng bayang
Israel na bunga na rin ng sarili
nilang kagagawan – pagsuway
sa mga utos ng Diyos, karahasan,
kahalayan, pagkagahaman, at
marami pang iba. Sa pamumuno ng
kanilang mga hari na dapat sanang
maging huwaran nila at manguna
sa katapatan kay Yawe, tinalikuran
nila ang Tipan at sumamba sa
diyus-diyosan ng mga pagano.
Laganap din ang kadiliman sa
iba’t ibang bahagi ng kanilang
kasaysayan nang sakupin sila ng
mga kalabang bansa, wasakin ang
kanilang templo, at ipatapon sila
sa Asur at Babilonia. Sa bandang
huli, sinakop din sila ng mga
Romano. Mukhang wala nang
katapusan ang madilim na buhay
ng mga Hudyo. Matagal na ring
walang propeta silang naririnig na
magbibigay sa kanila ng pag-asa.
Hanggang dumating na nga ang
matagal na nilang pinakahihintay.
“Biglang dumating sa kanila
ang isang anghel ng Panginoon
at nagningning sa paligid nila
ang luwalhati ng Panginoon…
Sinabi sa kanila ng anghel ‘Huwag
kayong matakot, ipinahahayag
ko nga sa inyo ang magandang
balita na magdudulot ng malaking
kagalakan sa lahat ng mga bansa.
Ngayo’y isinilang sa inyo sa bayan
ni David ang Tagapagligtas na si
Kristong Panginoon.”
May ilaw na! Ito ang masayang
balita ng unang Pasko. Natupad
na ang propesiya ni Isaias: “Ang
bayang nagsisilakad sa karimlan
ay nakakita ng malaking liwanag,
liwanag na nagliliwayway sa
Disyembre 25, 2021
mga nasa lupain ng anino ng
kamatayan” (9:1). Hindi nga
magtatagal at ang isinilang na
Tagapagligtas, si Hesus, ay
magpapakilala: “Ako ang liwanag
ng mundo. Magkakaroon ng
liwanag ng buhay ang sumusunod
sa akin at hinding-hindi lalakad sa
karimlan” (Jn 8:12).
Hanggang ngayon si Jesus
pa rin ang nag-iisang liwanag
na maaaring tumalo at pumawi
sa lahat at sa bawat kadilimang
patuloy pa ring nararanasan ng
mga tao sa kasalukuyan. Totoong
maraming buhay na ang nasira
at nawala dahil sa Covid-19.
Sa kabila ng mga bakunang
patuloy na ibinibigay sa mga tao,
nananatili pa ring mapanganib at
mapaminsala ang pandemyang
ito. Gayunpaman, huwag na
huwag nating kalilimutang “may
ilaw na” sa gitna ng kadilimang
bumabalot sa atin. At hindi
kailanman mapapawi ang liwanag
ng ilaw na ito. Totoong may iba
pang mga problemang lalo pang
nagpapadilim sa buhay nating mga
mamamayang Pilipino – tungkol sa
pulitika, kurapsiyon, ekonomiya,
droga, krimen, imoralidad, at
marami pang iba. Pero totoo ring
laging may Paskong nagpapaalala
sa ating “may ilaw na.” Hindi
tayo kailanman iiwan ng ILAW
na ito na siya mismong nangako
at patuloy na nagpapalakas
ng ating loob: “Kasama ninyo
ako sa lahat ng araw hanggang
sa wakas ng panahon” (Mt 28:
20). Samakatuwid, bawat araw
“may ilaw na.” Hindi kailangang
magmukmok tayo sa dilim.
Mga anak tayo ng liwanag, mga
kapanalig ni Kristong Liwanag
ng mundo.
Maliwanag at magandang Pasko
sa inyong lahat!
 PASIMULA
Antipona sa Pagpasok
(Slm 2:7)
(Basahin kung walang pambungad na awit.)
Sabi sa akin ng Poon, “Isinilang
kita ngayon, anak ko, habang
panahon paghahari’y sa ’yo ukol
ng lubos kong pagsang-ayon.”
Pagbati
(Gawin dito ang tanda ng krus.)
P — Ang pagpapala ng ating
Panginoong Hesukristo, ang
pag-ibig ng Diyos Ama, at ang
pakikipagkaisa ng Espiritu Santo
nawa’y sumainyong lahat.
B—At sumainyo rin.
Paunang Salita
(Maaaring gamitin ito o kahalintulad
na pahayag.)
P—Ito ang gabi ng kapayapaan
at kagalakan! Dumalangin tayo
nang taimtim ngayong gabi. Una,
para sa paghilom ng mundo sa
pandemya. Ikalawa, ipinalangin
natin ang bawat isa upang
kapayapaan at pag-ibig ang laging
manaig sa gitna ng mundong
maingay at magulo. Ikatlo,
patuloy tayong magpasalamat
sa Diyos sapagkat ngayong gabi
ipinagkaloob niya sa atin ang
pinakamahalagang handog:
si Hesus. Niloob ng Diyos na
pabanalin ang sanlibutan sa
kanyang pagparito; niyakap niya
ang ating pagkatao sa pagsilang
ni Hesus, ang Emmanuel, ang
Diyos-na-sumasaatin.
Pagsisisi
P—Mga kapatid, tinipon tayo
bilang mga kaanib ng angkan
ng Diyos kaya dumulog tayo
sa maawaing Panginoong
nagpapatawad nang lubos.
(Tumahimik)
P—Sinugong Tagapagpagaling
sa mga nagsisisi: Panginoon,
kaawaan mo kami.
B—Panginoon, kaawaan mo kami.
P — Dumating na Tagapag-
anyayang mga makasalana’y
magsisi: Kristo, kaawaan mo kami.
B—Kristo, kaawaan mo kami.
P—Nakaluklok ka sa kanan ng
Diyos Ama para ipamagitan kami:
Panginoon, kaawaan mo kami.
B—Panginoon, kaawaan mo kami.
P—Kaawaan tayo ng makapang-
yarihang Diyos, patawarin tayo
sa ating mga kasalanan, at
patnubayan tayo sa buhay na
walang hanggan.
B—Amen.
Gloria
(Maaaring gawin dito ang pagdadala
ng Nino Hesus sa belen ng dambana.)
Papuri sa Diyos sa kaitaasan
at sa lupa’y kapayapaan sa
mga taong kinalulugdan niya.
Pinupuri ka namin, dinarangal
ka namin, sinasamba ka namin,
ipinagbubunyi ka namin,
pinasasalamatan ka namin
dahil sa dakila mong angking
kapurihan. Panginoong Diyos,
Hari ng langit, Diyos Amang
makapangyarihan sa lahat.
Panginoong Hesukristo, Bugtong
na Anak, Panginoong Diyos,
Kordero ng Diyos, Anak ng
Ama. Ikaw na nag-aalis ng mga
kasalanan ng sanlibutan, maawa
ka sa amin. Ikaw na nag-aalis ng
mga kasalanan ng sanlibutan,
tanggapin mo ang aming
kahilingan. Ikaw na naluluklok
sa kanan ng Ama, maawa ka sa
amin. Sapagkat ikaw lamang
ang banal, ikaw lamang ang
Panginoon, ikaw lamang, O
Hesukristo, ang Kataas-taasan,
kasama ng Espiritu Santo sa
kadakilaan ng Diyos Ama. Amen.
Pambungad na Panalangin
P—Manalangin tayo (Tumahimik)
Ama naming makapang-
yarihan, pinasikat mo sa gabing
ito ang sinag ng iyong liwanag
na totoo. Pasikatin mo sa amin
ang iyong liwanag sa kalangitan
na ngayo’y aming pinatutuloy
s a a m i n g p a m u m u h ay s a
pamamagitan ni Hesukristo
kasama ng Espiritu Santo
magpasawalang hanggan
B—Amen.
PAGPAPAHAYAG NG
SALITA NG DIYOS
Unang Pagbasa (Is 9:1–6) (Umupo)
Ipinahayag ni propeta Isaias
ang pagsilang ng isang sanggol
na siyang magiging Mesiyas at
Prinsipe ng Kapayapaan.
Pagbasa mula sa Aklat ni Propeta
Isaias
NAKATANAW ng isang malaking
liwanag ang bayang malaon
nang nasa kadiliman, namanaag
na ang liwanag sa mga taong
namumuhay sa lupaing balot ng
dilim. Iyong pinasigla ang kanilang
pagdiriwang, dinagdagan mo
ang kanilang tuwa. Tulad ng
mga tao sa panahon ng anihan,
tulad ng mga taong naghahati
ng nasamsam na kayamanan.
Nilupig mo ang bansang
umalipin sa iyong bayan tulad ng
pagkalupig sa hukbo ng Madian.
Binali mo ang panghambalos ng
mga tagapagpahirap sa kanila.
Sapagkat ang panyapak ng
mga mandirigma, ang lahat ng
kasuotang tigmak sa dugo ay
susunugin. Sapagkat ipinanganak
para sa atin ang isang sanggol na
lalaki. Ibinigay ang isang anak sa
atin at siya ang mamamahala sa
atin. Siya ang Kahanga-hangang
Tagapayo, ang Makapangyarihang
Diyos, walang hanggang Ama,
ang Prinsipe ng Kapayapaan.
Malawak na kapangyarihan at
walang hanggang kapayapaan
ang ipagkakaloob sa trono ni
David at sa kanyang paghahari
upang matatag ito at papanatilihin
sa katarungan at katwiran ngayon
at magpakailanman. Isasagawa
ito ng Makapangyarihang
Panginoon.
—Ang Salita ng Diyos.
B—Salamat sa Diyos.
Salmong Tugunan (Slm 95)
T—Sa ati’y sumilang ngayon
Manunubos, Kristong E.Poon.
C. Marfori
  
C C
    
 
Sa a ti'y su mi lang nga
F G C G /C
      
3
 
yon Ma nu nu bos, Kris tong
C
    
 
6

Po on.
1. Purihin ang Panginoon,/
awitan ng bagong awit;/ ang
Poon ay papu­rihan nitong lahat
sa daigdig. (T)
2. Awitan ang Panginoon,/
ngalan niya ay purihin;/ araw-
araw ang ginawang pagliligtas ay
banggitin./ Kahit saa’y ipahayag
na ang Poon ay dakila,/ sa madla
ay ipahayag ang dakila niyang
gawa. (T)
3. Lupa’t langit ay magsaya,/
umugong ang kalaliman,/ lahat
kayo na nilikhang nasa tubig ay
magdiwang./ Ang bukirin at ang
lahat ng naroon ay sumigaw,/
pati mga punongkahoy sa galak
ay mag-awitan. (T)
4. Ang Poon ay pupurihin,/
pagkat siya ay daratal,/ paririto sa
daigdig,/ upang lahat ay hatulan./
Tapat siya kung humatol at lahat
ay pantay-pantay. (T)
Ikalawang Pagbasa (Tito 2:11–14)
Hinihikayat tayo ni San Pablo na
mamuhay nang matuwid at tapat
sa mga utos ng Diyos.
Pagbasa mula sa sulat ni Apostol
San Pablo kay Tito
PINAKAMAMAHAL kong
kapatid: Inihayag ng Diyos ang
kanyang kagandahang-loob
na nagdudulot ng kaligtasan
sa lahat ng tao. Ito ang siyang
umaakay sa atin upang talikdan
ang likong pamumuhay at
d a m d a­m i n g m a k a­l a m a n .
Kaya’t maka­pamumuhay tayo
ngayon nang maayos, matu­
wid, at karapat-dapat sa Diyos
samantalang hinihintay natin
ang ating inaasahan—ang
dakilang Araw ng paghahayag
sa ating dakilang Diyos at
Tagapagligtas na si Jesukristo sa
gitna ng kanyang kaningningan.
Ibinigay niya ang kanyang sarili
upang iligtas tayo sa lahat ng
kalikuan at linisin para maging
kanyang bayan na nakatalagang
gumawa ng mabuti.
—Ang Salita ng Diyos.
B—Salamat sa Diyos.
Aleluya (Lc 2:10–11) (Tumayo)
B — Aleluya! Aleluya! Ito’y
Balitang masaya Manunubos
sumilang na sa ati’y Kristo, Poon
s’ya. Aleluya! Aleluya!
Mabuting Balita (Lc 2:1–14)
P — Ang Mabuting Balita ng
Panginoon ayon kay San Lucas.
B—Papuri sa iyo, Panginoon.
N O O N G p a n a h o n g i yo n ,
iniutos ng Emperador Augusto
na magpatala ang lahat ng
nasasakupan ng Imperyo ng
Roma. Ang unang pagpapatalang
ito’y ginawa nang si Cirenio
ang gobernador ng Siria. Kaya’t
umuwi ang bawat isa sa sariling
bayan upang magpatala.
Mula sa Nazaret, Galilea, si
Jose’y pumunta sa Betlehem,
Judea, ang bayang sinilangan
ni Haring David, sapagkat
siya’y mula sa angkan at lahi
ni David. Kasama niyang umuwi
upang magpatala rin si Maria
na kanyang magiging asawa na
noo’y kagampan. Samantalang
naroroon sila, dumating ang
oras ng panganganak ni Maria
at isinilang niya ang kanyang
panganay at ito’y lalaki. Binalot
niya ng lampin ang sanggol
at inihiga sa isang sabsaban,
sapagkat wala nang lugar para
sa kanila sa bahay-panuluyan.
Sa lupain ding yaon ay may
mga pastol na nasa parang,
nagpupuyat sa pagbabantay
ng kanilang mga tupa. Biglang
lumitaw sa harapan nila ang
isang anghel ng Panginoon at
lumaganap sa paligid nila ang
nakasisilaw na kaningningan ng
Panginoon. Natakot sila nang
gayun na lamang, ngunit sinabi
sa kanila ng anghel, “Huwag
kayong matakot! Ako’y may
dalang mabuting balita para
sa inyo na magdudulot ng
malaking kagalakan sa lahat ng
tao. Sapagkat isinilang ngayon
sa bayan ni David ang inyong
Tagapagligtas, ang Kristong
Panginoon. Ito ang palatandaan:
matatagpuan ninyo ang isang
sanggol na nababalot ng lampin
at nakahiga sa sabsaban.”
Biglang lumitaw sa tabi ng
anghel ang isang malaking
hukbo ng kalangitan, na
nagpupuri sa Diyos: “Papuri
sa Diyos sa kaitaasan, at sa
lupa’y kapayapaan sa mga taong
kinalulugdan niya!”
— Ang Mabuting Balita ng
Panginoon.
B—Pinupuri ka namin, Pangi-
noong Hesukristo.
Homiliya (Umupo)
Pagpapahayag
ng Pananampalataya (Tumayo)
B—Sumasampalataya ako sa Diyos
Amang makapangyarihan sa lahat,
na may gawa ng langit at lupa.
Sumasampalataya ako kay
Hesukristo, iisang Anak ng
Diyos, Panginoon nating lahat,
nagkatawang-tao siya (lumuhod
hanggang “Santa Mariang
Birhen.”) LALANG NG ESPIRITU
SANTO, IPINANGANAK NI
SANTA MARIANG BIRHEN.
Pinagpakasakit ni Poncio Pilato,
ipinako sa krus, namatay, inilibing.
Nanaog sa kinaroroonan ng mga
yumao, nang may ikatlong araw
nabuhay na mag-uli. Umakyat sa
langit. Naluluklok sa kanan ng
Diyos Amang makapangyarihan sa
lahat. Doon magmumulang paririto
at huhukom sa nangabubuhay at
nangamatay na tao.
Sumasampalataya naman
ako sa Diyos Espiritu Santo, sa
banal na Simbahang Katolika,
sa kasamahan ng mga banal, sa
kapatawaran ng mga kasalanan,
sa pagkabuhay na muli ng
nangamatay na tao, at sa buhay
na walang hanggan. Amen.
Panalangin ng Bayan
P—Ngayong gabi, niyayakap
mo, Ama, ang aming
pagkatao sa kapanganakan
ni Hesukristo. Kami ngayo’y
dumudulog sa iyong mahabagin
at mapagpalang pag-ibig.
Idalangin natin:
T—Panginoon, manahan ka sa
aming piling.
L — Patuloy nawang gabayan
ng aming Santo Papa Francisco
at ni N. na aming obispo ang
kawan ng Diyos tungo sa
kagalakan at kapayapaang hatid
ng Anak mong si Hesukristo,
sa pamamagitan ng kanilang
pagiging mabuting saksi ng
Mabuting Balita. Manalangin
tayo: (T)
L — S i k a p i n n awa n g m g a
naglilingkod sa pamahalaan
na magkaisa sa kabila ng
magkakaibang pananaw para
sa ikauunlad ng bayan at ng
bawat mamamayan. Manalangin
tayo: (T)
L — Magtulungan nawa ang
bawat isa upang matigil na ang
pandemyang dulot ng Covid-19
sa pamamagitan ng tapat na
serbisyo ng gobyerno, sapat na
pagkalinga sa mga frontliners, at
disiplina ng bawat mamamayan.
Manalangin tayo: (T)
L—Maipaalala nawa ng
Sanggol ng Betlehem ang
kagandahan ng pagkadalisay
at payak na pamumuhay laban
sa makamundong ideolohiya
ng pagkakanya-kanya at
konsumerismo. Manalangin
Tayo: (T)
L—Yakapin mo, O Diyos, sa iyong
pagmamahal at awa ang mga
kapatid naming sumakabilang
buhay. Manalangin tayo: (T)
L — Sa ilang sandali ng kata-
himikan itaas natin sa Diyos
ang ating personal na kahilingan
gayundin ang mga taong lubos
na nangangailangan ng ating
panalangin (Tumahimik).
Manalangin tayo: (T)
P—Mapagmahal naming Ama,
patuloy mong ibaling ang iyong
pagkalinga’t pagtubos sa iyong
sambayanan. Tunay nawang
isilang ang Mesiyas sa aming
mga puso, upang ganap naming
madama’t maipamahagi ang
iyong kapayapaan, kagalakan,
at pagmamahal na siyang bunga
ng pagdating ni Hesukristong
Anak mo at aming manunubos.
B—Amen.
PAGDIRIWANG NG
HULING HAPUNAN
Paghahain ng Alay (Tumayo)
P—Manalangin kayo...
B—Tanggapin nawa ng Pangi­
noon itong paghahain sa iyong
mga kamay sa kapurihan niya
at karangalan sa ating kapaki­
nabangan at sa buong Samba­
yanan niyang banal.
Panalangin ukol sa mga Alay
P — Ama naming Lumikha,
kalugdan mo ang paghahain
ngayong Pasko ng Pagsilang.
Sa pagpapalitang ito ng iyong
kaloob at aming handog ang
Anak mong umako sa aming
kaabahan ay siya nawang mag­
parangal sa ami’t magtampok
bilang Tagapamagitan kasama
ng Espiritu Santo magpasawalang
hanggan.
B—Amen.
Prepasyo
(Pagsilang I)
P—Sumainyo ang Panginoon.
B—At sumaiyo rin.
P—Itaas sa Diyos ang inyong
puso at diwa.
B—Itinaas na namin sa Panginoon.
P — Pasalamatan natin ang
Panginoong ating Diyos.
B—Marapat na siya ay pasala­
matan.
P—Ama naming maka-
pangyarihan, tunay ngang
marapat na ikaw ay aming
pasalamatan sa pama­magitan ni
Hesukristo na aming Panginoon.
Ang Anak mong di na naiiba
sa amin ay siyang pumawi sa
dilim kaya ngayo’y ikaw ang
aming nababanaagan. Ang Anak
mong di naiiba sa iyo ay siyang
iisang Salita mo. Sa katauhan
niya ang iyong sarili’y aming
nakikita. Sa pamamagitan niya
ang iyong pag-ibig ay kahali-
halina kahit ikaw ay lingid sa
aming mata.
Kaya kaisa ng mga anghel na
nagsisiawit ng papuri sa iyo nang
walang humpay sa kalangitan,
kami’y nagbubunyi sa iyong
kadakilaan:
B—Santo, Santo, Santo... (Lumuhod)
Pagbubunyi (Tumayo)
B — Si Kristo’y namatay! Si
Kristo’y nabuhay! Si Kristo’y
babalik sa wakas ng panahon!
PAKIKINABANG
Ama Namin
B—Ama namin...
P—Hinihiling naming...
B—Sapagkat iyo ang kaharian at
ang kapangyarihan at ang kapu­
rihan magpakailanman! Amen.
Pagbati ng Kapayapaan
Paanyaya sa Pakikinabang
(Lumuhod)
P—Ito ang Kordero ng Diyos. Ito
ang nag-aalis ng mga kasalanan
ng sanlibutan. Mapalad ang mga
inaanyayahan sa kanyang piging.
B — Pa n g i n o o n , h i n d i a k o
karapat-dapat na magpatulóy
sa iyo ngunit sa isang salita mo
lamang ay gagaling na ako.
Antipona sa Komunyon (Jn 1:14)
Naging tao ang Salita ng Diyos
Amang Lumikha. Kaningningan
n’yang dakila nakita nating
n a b a d h a s a p a m u m u h ay
n’yang dukha.
Panalangin Pagkapakinabang
(Tumayo)
P—Manalangin tayo. (Tumahimik)
Ama naming mapagmahal,
sa pagdiriwang namin ng
maligayang Pasko pagindapatin
mong kami’y makasalo sa
pamumuhay ng Anak mong
kalugod-lugod sa iyo bilang
Tagapamagitan kasama ng
Espiritu Santo magpasawalang
hanggan.
B—Amen.
PAGTATAPOS
P—Sumainyo ang Panginoon.
B—At sumaiyo rin.
Pagbabasbas
P—Magsiyuko kayo at hingin
ang pagpapala ng Diyos.
(Tumahimik)
Ang Diyos na humawi sa
kadiliman noong nagkatawang-
tao ang Anak niyang mahal at
nagdulot ng liwanag sa banal
na gabing ito pakundangan
sa kanyang pagsilang ay siya
nawang magtaboy sa dilim ng
kasamaan at magpaningning
sa liwanag ng kabutihan sa
inyong kalooban ngayon at
magpasawalang hanggan.
B—Amen.
P — Ang Diyos na nagsugo
ng Anghel para ihatid ang
Magandang Balita ay siya
nawang pumuspos sa inyo ng
tuwa para maihatid sa tanan ang
kanyang Mabuting Balita ngayon
at magpasawalang hanggan.
B—Amen.
P—Ang Diyos na nag-uugnay
ng lupa sa kalangitan ay siya
nawang pumuspos sa inyo sa
kapayapaan at kaluguran bilang
mga katambal ng nasa langit
niyang Sambayanan ngayon at
magpasawalang hanggan.
B—Amen.
P — Pa g p a l a i n k a y o n g
makapang­yarihang Diyos, Ama
at Anak (†) at Espiritu Santo.
B—Amen.
Pangwakas
P—Tapos na ang Banal na misa.
Humayo kayong mapayapa.
B—Salamat sa Diyos.