Ang Gay lingo ay isang uri ng salitang balbal at pananalita sa ating bansa na madalas na

ginagamit ng mga lalaking may pusong babae. Ayon sa mga lingwista, pidgin ang tawag sa isang uri ng
wika na nabuo sa kadahilanang may pangangailangan ang ilang grupo ng tao na mag-usap gamit ang
pananalita na sila lamang ang nakakaintindi. Ito rin ay mayroong alituntuning gramatika o baliralang
sinusunod. Alinsunod dito, ang gay lingo ay sinasabing isang pre-pidgin sapagkat wala itong sinusunod
na alituntunin.

Walang makapagsasabi na mali ang barirala o ang pagbigkas ng isang tao sa mga salita sa gay lingo. Ito
ay nabubuo ng mga pinagsama samang salitang tagalog, ingles, espanyol, mga pangalan ng artista, at
mga iba-ibang tatak ng produkto. Marami sa mga gay words ay gumagamit naman ng mga dagdag na
salita, pantig, o titik. Ang ilan naman ay binabawasan ng mga pantig o titik. Ang iba namang salita ay
pinagsasama-sama. Narito ang ilang mga halimbawa:

1.) Ang salitang Crayola mula sa salitang cry

2.) Ang salitang pagoda mula sa salitang pagod

3.) Ang salitang tera mula sa salitang inggitera

4.) Ang salitang rita mula sa salitang naiirita

5.) Ang salitang rhapsody mula sa salitang sarap

6.) Ang salitang dadats mula sa salitang datung

7.) Ang salitang Aglipay (ugly at Pinay) na ang ibig sabihin ay pangit na Filipina

8.) Ang salitang Lucita Soriano (loser at sorry) na ang ibig sabihin ay loser na, sorry pa

9.) Ang salitang Rica Peralejo (Rica-rich at pera) na ang ibig sabihin ay mayaman

10.) Ang salitang Bebang Mayta (Bebang-babae at Mayta-maid) na ang ibig sabihin ay babaeng katulong.

Mula sa mga pagsusuring ito ay mahihinuha na ang mga gays ay may mga makukulay na paraan ng
pagbuo ng kanilang mga salita. Ito ay nagsimulang umusbong nang nagkaroon ng matinding
diskriminasyon sa mga gay noon mula sa lipunan. Ng dahil sa pang iinsulto sa kanilang pagkatao, ito ang
nag tulak sa kanila na mabuo ang gay lingo upang magkaunawaan ang mga gay ng hindi naiintindihan ng
iba upang maiwasan ang panghuhusga sa kanila. Nagsimula ang gay lingo noong dekada sesenta (60)
upang itago sa lipunan ang kanilang mga kwento.

Ayon kay Reinero Alba, tinawag ni Jose Javier Reyes noong 1970 na “swardspeak” ang gay lingo subalit
pinabulaanan ito ni Ronald Baytan sapagkat sa panahon ngayon, itinuring ang terminolohiyang “sward”
na makaluma na kung kaya’t mas kinilala ito sa terminolohiyang gayspeak o gay lingo.
Pinaniniwalaan ni Miko Santos na ang gay lingo ang naging sandata nila upang makamit nila ang
kalayaan at karapatan na kanilang inaasam. Ito ang naging simbolo ng kanilang paglaban sa lipunang nais
silang burahin, ang lipunang naging mapanghusga sa kanilang pagkatao.

Pinaniniwalaan ni Miko Santos na “Ang gay lingo ang naging sandata nila upang makamit nila ang
kalayaan at karapataan na kanilang inaasam”. Kadalasang nangyayari ang salitang Diskriminasyon na
siyang nagbibigay layong burahin ang Lipunan ng LGBTQIA+ sa kinabibilangang Lipunan. Ang gay lingo ay
nagging simbolo upang ipaglaban ang kanilang karapatan bilang tao na hindi nagkaroon ng
pagkakataong makaranas ng kalayaan.

Dahil sa kuryusidad at pagiging mausyoso ng mga tao, nasabik sila upang matutuhan ang kahulugan,
paggamit, at pag buo ng mga salitang gay lingo. Ang gay lingo ayon sa mga mananaliksik na isa itong
pananalita na mabilis magbago. Ito ay dahil may laging may mga salitang nadadagdag at nababawas
dito. Sa pagdaan ng panahon, mapapansin ang paglago ng gay lingo sa mga Pilipino. Madalas na itong
ginagamit sa telebisyon, radio, at mga lathalain upang mang-aliw o magpatawa. Ngayon ay hindi na
lamang ang mga bakla ang marunong magsalita ng gay lingo. Mapa babae, bata, matanda, at mga
kalalakihan ay natuto na ring gumamit ng gay lingo.

Binuo ang Gay lingo upang magkaroon ng sariling wika ang LGBTQIA+ bilang katumbas ng pagbukod ng
Lipunang kinagagalawan, isang sosyolek na layuning iungkat ang Kultura at Lipunan ng mga Bakla sa
kanilang pananalita. Ito ay nagsimula bilang lihim na wika upang magkaroon ng sariling paraan ng
Komunikasyon, ngunit habang tumatagal, dahil narin sa kuryusidad at pagiging mausyoso ng mga tao,
nasabik sila upang matutuhan ang kahulugan, paggamit, at pag buo ng mga salitang gay lingo.

Ayon sa Isang Tagapagsalita mula sa LGBTQIA+ “Ito ay ito para sa nararamdaman ng mga tiga LGQBT
community para lang maramdaman nilang sila ay tanggap sa lipunan at sa paraang ito nila naipapakita
ang tunay na nararamdaman nila.” Sa Blog ni Mark Anthony Legaspi, nagkaroon ng porum upang
magkaroon ng oportunidad ang mga Kasaping Miyembro ng naturang Lipunan na ipahayag ang
kahalagahan ng wikang kanilang ginagamit.