მარტივი არაფერია ამქვეყნად , როგორც ხელოვნების ამგვარი განმარტება: ხელოვნება არის ვიზუალური, აუდიო და გამომხატველობითი ნამუშევრების შექმნა , სადაც ავტორის უდიდესი ნიჭია გადმოცემული. თუმცა, ხელოვნება უფრო მეტია ვიდრე ყოველივე ეს. ხელოვნება შემოქმედების უნარია , რომელიც ღმერთმა უბოძა ადამიანს. ადამაიანი ღვთის ქმნილებაა, ჩვენი მისია იმაზე დიდია , ვიდრე თავად ვგრძნობთ. სამყარო არ შექმნილა ადამიანთა ფიზიკური მოთხოვნილებების დაგმაყოფილებისათვის , ადამიანის სულიერი საზრდო თავად ბუნების სრულყოფილებაშია , გავიხსენოთ ,,დაბადების’’ პირველი თავები , ღმერთმა ადამიანი სამყაროს გვირგვინად შექმნა , მანამდე კი სრული კომფორტი მოაწყო : გაჰყარა ნათელი ბნელისგან , შექმნა ციური სხეულები , უმშვენიერესი ფლორა-ფაუნა , მხოლოდ ამის შემდეგ შეთხზა ადამიანი თავის ხატად და მსგავსად, შთაბერა სული, უბოძა გონება , გრაციოზული სხეული და მას შემდეგ ადამიანის უმთავრეს მისიად სწორედ ამ თითოეულის სრულყოფისკენ სწრაფვა გვევლინება. სულის სრულყოფაში ადამიანს ხელოვნება ეხმარება , რადგან ხელოვნება თავად უკვდავებაა. იგი სულის საკვებია . ხელოვნება საყოველთაოა , მას არ გააჩნია დრო , საზღვრები, ენა, ეროვნება, სქესი და მხოლოდ ემოციის ჯაჭვით გადაეცემა ერთიდან მეორეს. ადამიანის ემოციებზე უდიდეს გავლენას ახდენს მუსიკა. მუსიკის და ემოციის მჭიდრო კავშირი დიდი ხნის წინ დამტკიცდა . ემოციას მოაქვს მუსიკა და ასევე მუსიკას მოაქვს ემოცია. ქართულ ლიტერატურაში ადამიანზე მუსიკის გავლენის საუკეთესო მაგალითია, იაკობ გოგებაშვილის ,, იავნანამ რა ჰქმნა’’, პატარა ქეთო დედას მხოლოდ იავნანის მოსმენის შემდეგ იხსენებს , მას ახსენდება სწორედ ის ემოცია , რომელსაც ბავშვობაში განიცდიდა.
ხელოვნების სხვა დარგებიც დიდ
გავლენას ახდენს ადამიანის სულიერ მდგომარეობაზე , მის ემოციებზე. აღორძინების ეპოქა აღგაფრთოვანებს თავისი სიმაღლეებით , რომლებსაც მიაღწიეს მხატვრებმა და პოეტებმა , მუსიკოსებმა და არქტიტექტორებმა . რაფაელისა და ლეონარდო დავინჩის უკვდავი ქმნილებები დღემდე ატყვევებს ადამიანებს თავისი სრულყოფილებით , პლასტიკურობით , კაცობრიობის როლისა და დანიშნულების ღრმა გააზრებით , სადაც ადამიანის ხვედრია გაიაროს მოკლე, მაგრამ მშვენიერი და ზოგჯერ ტრაგიკული გზა. ხელოვნების სხვა დარგებიც არანაკლებ განცდებს იწვევს ადამიანში . ერთმა ლიტერატურულმა თუ მუსიკალურმა ნაწარმოებმა , თეატრალურმა წარმოდგენამ ,კინოფილმმა შესაძლებელია ადამიანის წარმოდგენები ცხოვრებაზე , მისი მსოფხედველობა ერთ წამში შეცვალოს. როგორც უკვე ვთქვით , ადამიანში შემოქმედების უნარი თანდაყოლილია, თუმცა, ყველა ვერ ხდება ხელოვანი. ხელოვნების ნიმუშის შექმნისთვის , მხოლოდ სურვილი არ კმარა . მთელი კაცობრიობის ისტორიაში უამრავი მხატვარი ,არქიტექტორი , მუსიკოსი იყო და დღესაც არის, მაგრამ შედევრებს ერთეულები ქმნიან . ალბათ ისინი ვისი სულიც ისწრაფვის სამყაროს შეცნობისკენ , ეძიებს ღმერთს , ყველგან და ყველაფერში. მათ ქმნილებებში მათი სულის ნაწილია ჩადებული ,რომელიც ეხება ადამიანის გულს, იწვევს მისი სულის გამოღვიძებას . ყველა შემოქმედი ვერ გახდება , მაგრამ ეცადო შეაღწიო გენიოსი შემოქმედების არსში , მიუახლოვდე მშვენიერების შეცნობას, ეს ჩვენს ძალებშია. ხელოვნება იმითაცაა მშვენიერი და განსაკუთრებული , რომ იქმნება რჩეულების მიერ და ეკუთვნის მილიონებს. ბახის, მოცარტის , ბეთჰოვენის უკვდავი მუსიკა , მიქელანჯელოს , რაფელის , ლეონარდო დავინჩის , რემბრანტის , პაბლო პიკასოს თუ სხვათა უკვდავი ტიოლოები , გრანდიოზული არქიტექტურული ნიმუშები , დიდი მწერლების თუ რეჟისორების უნიკალური შემოქმედება , არხევს ადამიანის სულის ბნელ კუნჭულში მიმალული სიყვარულის სიმებს . მე მჯერა, რომ დღევანდელ ბოროტებითა და სიძულვილით აღსავსე სამყაროს , მხოლოდ ხელოვნება თუ გადაარჩენს.
ავტორი: მარიამ შარმაზანაშვილი.
კლასი: მეათე მეოთხე კლასი. სკოლა: გოგიტა კიკნაძის სახელობის 182 - ე საჯარო სკოლის მოსწავლე. ქართული ენისა და ლიტერატური მასწავლებელი: თამუნა მახოშვილი.