(Masinsin at Mapanuring Pagbasa sa mga Pangunahing
Sanggunian sa Pagdadalumat/Pagteteorya sa Kontekstong P/Filiino)
1. Talakayin ang kasalukuyang sistemang politikal ng mga barangay sa
Pilipinas. Magsaliksik hinggil sa mga pangunahing gawain ng Sangguniang Baranggay at Sangguniang Kabataan. Magtala ng dalawang pangunahing tungkulin ng mga sumusunod na opisyal ng pamahalaang barangay. (40 pts) A. PUNONG-BARANGAY Magpatupad ng lahat ng batas at ordinansa sa barangay Tumawag at mamuno sa mga sesyon ng sangguniang barangay B. BARANGAY KAGAWAD Magsagawa ng mga pamamaraan para siguruhin ang paghahatid ng mga pangunahin serbisyo (basic services) Tumulong sa Punong Barangay sa pagsasagawa ng kaniyang mga tungkulin C. SK CHAIRPERSON Manguna sa pagbubuo ng Comprehensive Barangay Youth Development Plan at paghahanda ng Annual Barangay Youth Investment Program Tungkulin na makipag ugnayan sa Sangguniang Barangay at iba pang Youth Organizations para sa pagsasagawa ng youth-related programs D. SK KAGAWAD Tumutulong sa pagpaplano at pagpapatupad ng mga programa at proyekto para sa ikauunlad ng kabataan Manguna sa pagpapatupad ng kalinisan at kaayusan ng barangay
2. Batay sa iyong pananaliksik hinggil sa kanilang pangunahing
gawain, umaayon ba ang mga ito sa ginagawa ng inyong Sangguniang Baranggay at Sangguniang Kabataan? Pangatwiranan ang sagot. Itala ang kasagutan sa loob lamang ng lima-sampung pangungusap. (50pts)
Batay sa aking mga obserbasyon dito sa aming barangay,
ang mga nabanggit kong tungkulin ng mga taong bumubuo sa Sangguniang Barangay at Sangguniang Kabataan ay umaayon at naisasagawa naman ng mga taong nakatalaga sa mga nabanggit na posisyon. Gaya na lamang ng pagpapatupad ng aming Punong Barangay ng mga batas at ordinansa para mapanatili ang kalinisan, kapayapaan at kaayusan ng aming Barangay. Gayundin ang pangunguna ng aming Punong Barangay sa pagsasagawa ng mga sesyon upang mapag-usapan ang mga problemang kailangan bigyang aksyon tungo sa ikauunlad ng aming barangay. Ang mga gawaing ito na pinangungunahan ng aming Punong Barangay ay siya ring sinusuportahan ng mga Barangay Kagawad, na siyang katuwang ng Punong Barangay upang masigurong naihahatid sa bawat mamamayan ang mga pangunahing pangangailangan ng mga ito. Pagdating naman sa aming SK Chairperson na kailanman ay hindi pumalya sa pangunguna at pagpapatupad ng mga programa tungo sa ikauunlad ng bawat kabataan sa aming barangay ay akin ring naobserbahan. Katuwang rin ng aming SK Chairperson ang mga SK Kagawad na siya ring mga nangunguna sa pagpapatupad ng kaayusan dito sa aming barangay. Ilan sa mga patunay na ganap na nagagampanan ng Sangguniang Barangay at Sangguniang Kabataan ang kanilang mga tungkulin dito sa aming barangay ay ang pagkakaroon namin ng malinis, payapa at ligtas na lipunan. Gayundin ang pagbibigay sa mga mag aaral na gaya ko ng mga pangunahing pangangailangan sa paaralan at pagkakaroon ng sariling opisina ng mga kabataan kung saan naroon ang wifi at ilang mga kompyuter na maaring makatulong at gamitin ng mga kabataang walang kakayahang bumili ng kagamitan para makipagsabayan sa online class na umiiral ngayon sa ating bansa.