FILIPINO AT ANG KATUTUBONG WIKA: KASANGKAPAN SA PAGTUKLAS AT

PAGLIKHA
Buwan ng Wika 2022

Muli na naman nating balikan ang kasaysayan sa pagbuo ng ating Wikang

Pambansa.
Ang pagkakaisa at ugnayan ng komunikasyon gamit ang wikang ating inadhika ,ang
wikang Filipino ang siyang nagbubuklod upang ang pag unlad at pag-angat ng
ekonomiya ang susi upang mapanatili ang kasiningan , kaunlaran ng ating bansa.
Pagkakaisa sa wika at paggalang sa kultura ng iba.

Noong 1936, sinabi ni Pang. Manuel L. Quezon sa Unang Pambansang Asamblea ,

sinabi niyang hindi na dapat ipaliwanag pa, na ang mga mamamayang may isang
nasyonalidad at isang estado ay “dapat magtaglay ng wikang sinasalita at nauunawaan
ng lahat.” Siya ang nanguna at isinulong ang pagkatatag ng pambansang wika ng
Pilipinas.

Ang pagpili ng isang pambansang wika ay ibinatay sa “pagkaunlad ng estruktura,

mekanismo, at panitikan na pawang tinatanggap at ginagamit ng malaking bilang ng
mga Filipino.” Sa madali’t salita, Tagalog ang napili. Tagalog ang napili bilang batayan
sa pagbuo ng wikang Pambansa ng Filipinas noong 1937.

Pinagtibay ng Pambansang Asamblea ang Batas Komonwelt Blg. 570 noong 7 Hunyo
1940 na kumikilala sa Pambansang Wikang Filipino [Filipino National Language] bilang
isa sa mga opisyal na wika ng Filipinas pagsapit ng 4 Hulyo 1946.

Ano ang maaaring ipakahulugan nito? Na ang “Filipino” ay nangangailangan ng isang

ahensiyang pangwika na magtataguyod sa naturang simulain. Ang “Filipino” ay hindi na
ang “Pambansang Wika” na nakabatay lamang nang malaki sa Tagalog, bagkus idiniin
ang pangangailangang payabungin ito sa tulong ng mga panrehiyong wika sa Filipinas,
bukod pa ang tinatanggap na mga salita sa ibang internasyonal na wika. At upang
“mapayabong” ang pambansang wika ay kinakailangan ang isang institusyong
pampananaliksik, na may mandatong higit sa itinatakda ng “pagsusuri” ng mga wika.

Laging tatandaan na ayon sa Artikulo XIV ng Saligang Batas 1987:

SEK.6. Ang wikang pambansa ng Pilipinas ay Filipino. Samantalang nalilinang, ito ay

dapat payabungin at pagyamanin pa salig sa umiiral na mga wika ng Pilipinas at sa iba
pang mga wika. Alinsunod sa mga tadhana ng batas at sang-ayon sa nararapat na
maaaring ipasya ng Kongreso, dapat magsagawa ng mga hakbangin ang Pamahalaan
upang ibunsod at puspusang itaguyod ang paggamit ng Filipino bilang midyum ng
opisyal na komunikasyon at bilang wika ng pagtuturo sa sistemang pang-edukasyon.

Ang ahensiyang KWF (Komisyon ng Wikang Filipino)ay may layuning

makapagmumungkahi ng mga hakbang, plano, patakaran, at gawain hinggil sa mga
wika, lalo na sa paggamit ng Filipino bilang pambansang wika. Filipino ay buháy na
wika.

Kaya, tayo ay nakiisa na ang Filipino at paggamit ng mga katutubong wika ay mabisang
sandata sa pagtuklas at paglikha ng mga bagong kaalaman, pag-angat ng indibidwal sa
larangan ng edukasyon, ekonomiya o industriya.

Kaya, taun-taon Ang Komisyon ng Wikang Filipino (KWF) ay mangunguna sa

pagdiriwang ng Buwan ng Wikang Pambansa 2022 mula unang araw ng Agosto
hanggang ika-31 ng Agosto alinsunod sa itinakdang Pampanguluhang
Proklamasyon Blg. 1041, s. 1997

Ang tema sa taong ito ay Filipino at mga Katutubong Wika: Kasangkapan sa

Paglikha at Pagtuklas, Ipinamamalas sa temang ito na ang Filipino ang mga
katutubong wika sa Pilipinas ay lalo pang paigtingin at paunlarin upang
makatuklas ng mga bagong kaalaman nang lalo pang mapaunlad ang ating wika.
kaya inilaan buwan ng Agosto bilang lunsaran ng pagpupunyagi sa kasaysayan ng
bansa at mga wika