23 октомври 1893 година била основана Македонска револуционерна организација со цел
по пат на вооружена борба да се извојува политичка автономија на Македонија и Одринско. Биле формирани три револуционерни окрузи: Солунски, Битолски и Скопски. Во 1896 година се одржал Солунскиот конгрес со учество на првите луѓе на Организацијата: Гоце Делчев, Дамјан Груев, Ѓорче Петров, Пере Тошев, д-р Христо Татарчев, Петар Поп Арсов. Конгресот усвоил нова управна поделба и територијална организација и промена на организациското името во Тајна македонско - одринска револуционерна организација (ТМОРО).