Sapasap Arial

DIOCESE OF ILAGAN
SAINT MATTHIAS PARISH

Tumauini, Isabela
KARARAG
DAGITI
GIMONG
DAGITI LINAONNA
TIEMPO TI ADBIENTO
Umuna a Domingo ti Adbiento 1

Maikadua a Domingo ti Adbiento 4
Maikatlo a Domingo ti Adbiento 7
Maikapat a Domingo ti Adbiento 10
TIEMPO TI PASKUA
Pannakayanak ti Apo: Misa iti Sardam 13

Pannakayanak ti Apo: Misa iti Tengnga ti Rabii 14
Pannakayanak ti Apo: Misa iti Parbangon 15
Pannakayanak ti Apo: Misa iti Aldaw 16
Nasantoan a Familia 17
Solemnidad ni Santa Maria, Ina ti Dios (Enero 1) 20
Sangalubongan nga Aldaw ti Kappia (Enero 1) 21
Baro a Tawen (Enero 1) 22
Pannakaiparangarang ti Apo 23
Ti Panagbuniag ti Apo 26
Solemnidad ti Santo Nino 29
TIEMPO TI KUARESMA
Umuna a Domingo ti Kuaresma 32
Maikadua a Domingo ti Kuaresma 35
Maikatlo a Domingo ti Kuaresma 38
Maikapat a Domingo ti Kuaresma 41
Maikalima a Domingo ti Kuaresma 44
Domingo Ramos: Panagtutuok ti Apo 47
Misa ti Nasantoan a Crisma 50
TRIDUO KEN TIEMPO TI PANAGUNGAR
Misa ti Panangrabii ti Apo 51

Vigilia ti Panagungar 52
Domingo ti Panagungar ti Apo 53
Maikadua a Domingo ti Panagungar 56
Maikatlo a Domingo ti Panagungar 59
Maikapat a Domingo ti Panagungar 62
Maikalima a Domingo ti Panagungar 65
Maikanem a Domingo ti Panagungar 68
Solemnidad ti Yuuli ni Apo Jesus 71
Domingo ti Pentecostes 74
Solemnidad ti Nasantoan Unay a Trinidad 77
Solemnidad ti Corpus Christi 80
Solemnidad ti Nasantoan a Puso ni Jesus 83
DAGITI DOMINGO TI TAWEN
Maikadua a Domingo ti Tawen 86

Maikatlo a Domingo ti Tawen 89
Maikapat a Domingo ti Tawen 92
Maikalima a Domingo ti Tawen 95
Maikanem a Domingo ti Tawen 98
Maikapito a Domingo ti Taweg
101
Maikawalo a Domingo ti Tawen
104
Maikasiam a Domingo ti Tawen
107
Maika-10 a Domingo ti Tawen 110
Solemnidad ni Cristo nga Ari 182
DAGITI FIESTA TI APO KEN SOLEMNIDAD
Pannakaidaton ti Apo (Pebrero 2) 185

Pannakayanak ni Juan a Mammuniag (Hunio 24) 186
San Pedro ken San Pablo (Hunio 29) 187
Panagbalbaliw ti Langa ti Apo (Agosto 6) 188
Pannakayuli ni Santa Maria Sadi Langit (Agosto 15) 189
Pannakaitan-ok ti Nasantoan a Krus (Septiembre 14) 190
Solemnidad Dagiti Amin a Sasantos (Nobiembre 1) 191
Pannakailagip Dagiti Amin a Minatay (Nobiembre 2) 192
Pannakaidaton ti Basilica ti Lateran (Nobiembre 9) 193
UMUNA A DOMINGO TI ADBIENTO (A)
Intay awaten iti Dios nga Amatayo a mangibaonto manen ken Apotayo
a Jesucristo nga umay ditoy lubong tapno umayna iyeg ti naan-anay a
pannakaisalakan ti sangkataoan. Tunggal kararag, kunatayo:
Apo ti namnama, denggem kad ti kararagmi.
-Idawdawatantayo ti Iglesia nga agdaldaliasat iti dalan ti panawen tapno
agnanayon koma a sisasagana a sumabat iti Apo. Kumararagtayo iti
Apo.
-Tapno maaddaan ti naan - anay a kappia dagiti amin a nasion ditoy
lubong ket iti kastoy a wagas saganaen dagiti tattao ti idadateng ti
Pagarian ti Dios. Kumararagtayo iti Apo.
-Para kadagiti mangidadaulo kadatayo iti gobierno tapno itrabahoda
koma a kankanayon ti linak ken talna a kasapulan dagiti um ti natalinaay
a panagbiag. Kumararagtayo iti Apo.
-Idawdawatantayo dagiti maaw - awanan iti namnama tapno ti
pammatida iti isasangbay ni Cristo ti mangted met laeng kadakuada ti
baro a kaipapanan ti panagbiag. Kumararagtayo iti Apo.
-Para kadatayo nga adda ditoy ita tapno iti intay panagdandanag
kadagiti banag iti daytoy a biag ken ti inaldaw a pakakumikumantayo,
saan koma nga isu ti lapped ti idadateng ti mensahe ni Cristo kadagiti
pusotayo . Kumararagtayo iti Apo.
O Apomi a Dios, sika ti namnama ken masakbayan ti amin a tao.

Patgam kad dagitoy nanumo nga ununnoymi kenka ta sika laeng ti
Dios a daydayawen ken itantan - okmi ita ken iti agnanayon . Amen.
1
UMUNA A DOMINGO TI ADBIENTO (B)
Intay kumamang iti Dios nga Amatayo iti nasudi a kinamanagayatna.
Dumawattayo iti tulongna tapno ad-adda koma pay a maisaganatayo
ti puso ken nakemtayo iti yaay ni Apo Jesucristo kadatayo. Iti tunggal
panggep, kunatayo:
Apo, denggem dagiti annakmo a mangur-uray kenka.
-Para ken ni Apo Santo Papa, dagiti obispo ken papadi tapno ti Dios
punoenna koma ida iti grasia ket mataginayon koma ti ragsakda, iti
kasta sireregta ken sigagagarda a kankanayon a mangiwaragawag ti
mensehe ti pannakaisalakan. Kumararagtayo iti Apo.
-Para kadagiti mangidadaulo ti amin a pagilian kangrunaanna
ditoy pagiliantayo tapno babaen dagiti nasayaat nga aramid ken
pagpatuladda, agbalinda nga instrumento ni Cristo iti pannakaisaknap
ti Naimbag a Damag. Kumararagtayo iti Apo.
-Para kadagiti miembro ti familia ken pagtaengantayo tapno iti daytoy
a tiempo ti panagsagsagana dumegdeg koma ti ayatda a mangbirok
kadagiti naespirituan a banag iti baet ti kinadakes a mapaspasamak
iti aglawlaw. Kumararagtayo iti Apo.
-Para kadagiti tattao a di mangbigbig ti kinadungngo ti Dios tapno
babaen ti misterio ti ayat ti Dios maamirisda koma ti kinakapuyda ket
agsublida met laeng iti sidong ti Apo. Kumararagtayo iti Apo.
-Para kadatayo amin nga adda ditoy ita tapno malawlawagan koma ti
panunotayo ket maruk-atantayo iti dinadakes ket sisasagana tayo a
mangpasangbay ti mangisalakan. Kumararagtayo iti Apo.
Ama a nailangitan, siinanamakami a maikkan ti naan-anay a kaipapanan

dagitoy a tarigagaymi kas maymaysa a gimong. Sapay koma Apo ta
dagitoy a kalikagummi ti mangtulong kadagiti tignaymi ken ti dalanmi
nga agturong kenka ditoy rabaw ti daga gapu met laeng ken Cristo
nga anakmo ken Apomi. Amen.
2
UMUNA A DOMINGO TI ADBIENTO (C)
Kakabsat, iti pannilaw ti sibibiag a Sao ti Dios, intay itag-ay a
sinapakumbaba iti Dios nga Amatayo dagiti kangrunaan a kasapulan
ti lubong. Kalpasan ti tunggal panggep kunatayo:
Apo, denggem ti gimong dagiti tattaom.
-Para iti sapasap nga lglesia tapno kankanayon koma a mapapigsa
ti puso dagiti mangidadaulo ket naan-anay ken mataginayon koma ti
kinasantoda; iti kasta, makita dagiti tattao a ti simbaan ket napaypayso
a sakramento ti pannakaisalakan. Kumararagtayo iti Apo.
-Tapno kanayon koma a silulukat ti mata dagiti mangiturturay kadatayo
iti gobierno ket makitada ti kasapulan ti kaaduan ken mabaliwan dagiti
saan nga umno nga aramid. Kumararagtayo iti Apo.
-Tapno agkamang koma ti amin a tao ken Cristo babaen ti napaypayso
a panamati kenkuana nga isu metten ti mangiturong ti panangbalbaliw ti
panagbiag kangrunaanna unay iti daytoy a tiempo ti panagsagsagana.
Kumararagtayo iti Apo.
-Tapno kanayon koma a nabuslon ti puso dagiti amin a mamati nga
agayat ket agbiagda babaen dagiti nakristianoan a galad kas iti
panangibiag dagidi nagkauna a Cristiano ti pammatida. Kumararagtayo
iti Apo.
-Para kadatayo amin nga adda ditoy ita tapno kanayon koma a
sisasaganatayo a mangaklon ken, Apo Jesus inton umayna ipaay ti
ididiayana a panangisalakan inton maudi nga aldaw. Kumararagtayo
iti Apo.
Managayat unay nga Ama, iti napalaus a panagayatmo intedmo

ti panangisalakan kadagiti amin a tao ket inyegmo ti nadadaeg a
panagbiag uray pay iti agdama a tiempo. Adu pay laeng ti pakasikoranmi
iti panagbiagmi, Apo, ket ikamangmi amin ida kenka para met laeng ti
pagsayaatanmi ken ti pakaidaydayawam ita ken iti agnanayon. Amen
3
MAIKADUA A DOMINGO TI ADBIENTO (A)
Iti panangur-uraytayo ti yaay ni Apo Jesus a Cristo iti baettayo
denggentayo ti awis ni Juan a Mammuniag a mangisagana ti dalan
ti Apo babaen ti panangbalbaliwtayo ti biagtayo tapno inton umay
makaay-ayotayto iti imatangna. Ngem saantayo a maaramid daytoy
no awan ti parabur ken pannulong ti Dios. Awagantay ngarud ti nagan
ti Apo tapno paraburannatayo ti adu a bendision, ket kunatayo:
Apo, pabaroennakami ti Espiritu ti ayatmo.
-Agpaay ken ni Santo Papa, dagiti obispo ken papadi, ken dagiti amin
nga agtrabaho ti pannakapabaro ti Simbaan tapno kankanayon koma
a sireregtada iti misionda ket kanayon nga irakurakda ti mensahe ti
napudpudno a panagbalbaliw ken panagbabawi. Kumararagtayo.
-Agpaay kadagiti mangidadaulo ti gobiernotayo tapno kankanayon
koma nga ipakatda ti kabaelanda a mangpanday kadagiti paglintegan
a pagsayaatan ti kaaduan tapno maragpat ti pagiliantayo ti naan-anay
a panagdur-as. Kumararagtayo.
-Agpaay kadagiti agbibiag iti kinarelihioso tapno agnanayon koma
ti kinasingpetda babaen ti panangsurotda ti kinasimple ti panagbiag
ni Juan a Mammuniag tapno agbalinda a napudpudno a pagtuladan
dagiti tao a pagserserbianda. Kumararagtayo.
-Agpaay kadagiti adda iti pagbaludan ken amin a nakaaramid ti krimen
tapno babaen ti panangibabaet ni Juan a Mammuniag maawatda koma
ti parabur ti Apo tapno mabalbaliwan ken maurnosda ti panagbiagda
ket pasangbayenda ni Apo Jesus iti baetda. Kumararagtayo.
-Agpaay kadatayo amin a nagkaykaysa a nagtitipon ita tapno iti
panangur-uraytayoti naragsak nga idadateng ti Apo mapabarotayo ti
panaglilinnangentayo tapno inton dumteng agarinto ti ayat, rag-o ken
kappia iti biagtayo. Kumararagtayo.
O Apo a Dios nga Ama ti bileg ken kaasi agkamangkam kenka iti
panagdaliasatmi iti nariribuk a kasasaadmi kas maysa a pagilian.
Denggem dagiti kararagmi ket yegmo ni Apo Jesus iti biagmi isu a
makipagbiag ken makipagari kenka ken iti Espiritu Santo. Amen.
4
MAIKADUA A DOMINGO TI ADBIENTO (B)
Umay ni Apo Jesus kas maysa a mannakabalin ket di pay maikari ni
Nasantoan a Juan a Mammuniag a mangukas ti kordon ti pallokana.
Iti napalaus a kinapakumbaba, agkararagtayo:
Apo, saganaennakami iti isasangbaymo.
-Tapno ti Santo Papa, dagiti obispo, papadi ken mangidadaulo kadagiti
nakristianoan a gimong makapudnoda ti nakaayabanda kas propeta
kas ken Juan a Mammuniag. Iti lubong ti basol dida koma agbuteng a
mangirakurak ti panagbabawi ken panagbalbaliw. Kumararagtayo.
-Tapno dagiti agbibiag iti kinarelihioso surotenda koma ti pagpatulad ni
Juan a Mammuniag. lti lubongtayo a napnoan materialismo makitada
koma ti kaipapanan ti panagbiagda a naidaton iti kinapanglaw, kinadalus
ken kinatudio. Kumararagtayo.
-Tapno dagiti nabayagen a nakalipat ti Sacramento ti Pannakikappia
denggen ken imdenganda koma ti timek iti let-ang ti konsiensiada.
Babaen ti puso a napnoan pammati ken namnama masarakanda koma
ti kinabaknang ti grasia nga itden ti sacramento. Kumararagtayo.
-Tapno maitulad koma dagiti opisial ti gobierno ken amin nga addaan
bileg ken turay ken ni Juan a Mammuniag a nagpakumbaba a nangbigbig
nga adda pay nabilbileg ngem isu. Maamirisda koma a siuutangda iti
Apo inton umay iti biagda. Kumararagtayo.
-Tapno kanayon koma a malagiptayo nga ti inkasaba ni Juan a
Mammuniag isu ti buniag ti panagbabawi. Agbiagtay koma kanayon
a sipupudno kadagiti inkaritayo iti nabuniagantayo a mangtallikud iti
basol ket ni Cristo ti agbiag kadatayo. Kumararagtayo.
Kitaennakami, Apo, ket paturden ken paraburannakami tapno

sipupudno kami nga agbiag a mangur-uray iti yaaymo a sidadayag.
Dawatenmi dagitoy kenka a makipagbiag ken makipagari iti Ama ken
ti Espiritu Santo, maymaysa a Dios iti agnanayon. Amen.
5
MAIKADUA A DOMINGO TI ADBIENTO (C)
Napnoan talek iti Ama, luktantayo dagiti pusotayo ket agkamangtayo
kenkuana nangruna kadagitoy a karigat ti tiempo a panagraira ti
gubat, kinapanglaw, ken pannakaitugtugod ti kalintegan ti adu a
tao. Agkamangtayo ti panangibabaet ni San Juan a Mammuniag ket
agdawattayo iti Apo, ket kunatayo:
Ipaaymo kadakami ti nabara a panagayatmo, Apo.
-Agpaay iti Santo Papa, dagiti obispo, papadi, relihioso ken dagii laygo
a mangidadaulo ti Simbaan ta iti panagtitinnulongtayo nga agtrabaho
mapabaro koma ti Simbaan iti laksid dagiti adu a mangtiped kadagitoy
a ganuat. Kumararagtayo iti Apo.
-Agpaay kadagiti opisial ti gobierno, nasional kan lokal, ta babaen
ti grasia ti Dios imdenganda koma dagiti tao nga umar-araraw ken
mawaw ti nasayaat a serbisio tapno makalung-aw ti pagiliantayo iti
kinapanglaw. Kumararagtayo iti Apo.
-Agpaay iti parokiaiayo ta iti yaasideg ti yaay ti Apo mapabarotay koma
dagiti karitayo idi nabuniagantayo tapno inton umay manen maikaritayo
koma nga umawat kenkuana. Kumararagtayo iti Apo.
-Agpaay kadagiti agsagsagaba iti kinapanglaw ken gubat tapno dida
mapukawan ti namnama iti ragsak ti panagur-uray ti idadateng ti Apo a
Mangisalakan nga isu ti mangwayawaya ti amin a problema panagbiag.
-Agpaay kadagiti familiatayo tapno agari koma ti kappia ti Apo iti
baettayo ket maipasdek iti pagarianna ti kinapudno, kinalinteg ken
wayawaya ditoy pagiliantayo. Kumararagtayo iti Apo,
Denggem dagiti kararagmi, Apo. Iturongnakam koma ti naragsak

panagur-uraymi iti lawag ti kinasantom ken ayatmo tapno sipupudnokami
a mangawat kenka iti pusomi inton umaykan kadakami. Dawatenmi
daytoy kenka a makipagbiag ken makipagari iti Ama ken ti Espiritu
Santo. Amen.
6
MAIKATLO A DOMINGO TI ADBIENTO (A)
Dios nga Amami, imbaonmo ti bugbugtong nga Anakmo ditoy lubong
tapno isalakannakami. Impatuldo ni Juan a Mammuniag nga umayen
ti mangisalakan ket insaganana t dalan. Umaykami umararaw dita
saklangmo tapno makasaganakami met iti yaay ni Apo Jesus. Iti
tunggal panggep, kunatayo:
Ama, denggem dagiti annakmo.
-Tapno ti Simbaan siaayat latta a mangiwaragawag ti Sao ti Apo kadagiti
nasulinek a lugar tapno kanayon a maisagana ti dalan ti Apo ita ken iti
maikadua a yaayna. Kumararagtayo iti Apo.
-Agpaay kadagiti pinilitayo a mangiturong ti gobiernotayo ta
sumagepsep koma iti kaungganda ti mensahe ti panagsagsagana iti
yaay ti mangisalakan. Kumararagtayo iti Apo.
-Agpaay kadatayo nga adda ditoy tapno maawatantayo ti napudpudno a
kaipapanan ti agbiag iti pagarian ti Dios kas inkari ni Jesus: nagasgasatto
ngem ni Juan ti kanumoan iti pagarian ti Apo. Kumararagtayo iti Apo.
-Intayo met idawdawatan dagiti bulsek, lugpi, tuleng ken amin a
masaksakit, ta iti daytoy a Paskua, masarakanda koma met ti ragsak
ken talinaay ti biagda babaen ti naayat a tulongtayo kadakuada.
-Para kadagiti kararua nga awan makalagip kadakuada, tapno
makasaklangda koman sadiay lugar a naisagana a pagtaenganda.
Dagitoy ti kararagmi, O Apo. Adu pay ti adda iti pusomi ket ammomi nga
ipangagmo amin ida gapu ken Cristo, isu a sagsaganaanmi ti yaayna,
ken makipagbiag kenka iti agnanayon nga awan inggana. Amen.
7
MAIKATLO A DOMINGO TI ADBIENTO (B)
Mannakabalin nga Ama, imbaonmo ni Juan a Mammuniag tapno
isaganana ti dalan ti Anakmo. Iti daytoy a tiempo ti panagsagsagana
intayo dumawat iti tulong ti Apo tapno maikaritayo iti yaayna manen
ket kunatayo:
Umayka Apo Jesus ket isalakannakami.
-Agpaay iti Simbaantayo, ni Santo Papa, N. dagiti obispo ken papadi,
relihioso ken relihiosa ken amin a mangisaksaknap ti Sao ti Apo ta
kanayon koma a siaayatda a mangisagana iti dalan ti Apo iti puso ken
panunot ti amin a tao. Kumararagtayo iti Apo.
-Para iti pagiliantayo ken amin a mangiturturong iti gobiernotayo
tapno maamirisda ti pateg ti panagsagsagana ket isaganada met
ti bagida babaen ti itutulongda kadagiti agkasapulan ken awanan.
-Agpaay kadatayo amin tapno isaganatayo met dagiti bagitayo
a mangpasangbay iti yaay ni Cristo a mangisalakan kadatayo.
-Para dagiti kakabsattayo nga agsagsagaba iti adu a kita ti sakit ti bagi
ken kararua ta babaen ti panangkadkaduatayo kadakuada, maamirisda
met ti pateg ti yaay ti Anak ti Dios ditoy lubong. Kumararagtayo iti Apo.
-Intayo met idawdawatan dagiti amin a minataytayo ta babaen ti
bunga ti ipapatay ken panagungar ni Apo Jesus maragpatda koman ti
pannakipagragragsak iti Ama. Kumararagtayo iti Apo.
Ama a nadungngo, dawatenmi nga ipangagmo dagitoy un-unnoymi ket

masagrapmi ti naun-uneg a kaipapanan ti Paskua. Dawatenmi dagitoy
iti nagan ni Cristo nga Anakmo ken Apo. Amen.
8
MAIKATLO A DOMINGO TI ADBIENTO (C)
O Dios nga Amami, adu dagiti immasideg ken ni Juan ket nagbalbaliwda.
Umaykami met umararaw kenka nga agdawat iti kaasi ken tulongmo.
Iti tunggal panggep, kunatayo:
Apo, denggennakam kadi.
-Para iti pagimbagan ti Santa Ina nga Simbaan: Papigsaem koma ti
Santo Papami, N. dagiti obispomi, amin a papadi ken dagiti adda
iti narelihiosoan a panagbiag. Kumararagtayo iti Apo.
-Agpaay iti gobiernotayo: Apo tignayem ti puso dagiti dadaulomi ken
amin a mangtagiben iti linak ken talna tapno pumadada iti soldado ti
ebanghelio a dimmawat iti panagbalbaliw. Kumararagtayo iti Apo.
-Para kadatayo amin a kameng ti Simbaan: Apo tarabayennakami a
tattaom tapno bayat ti panagsagsanami, saanmi koma a malipatan
a ti kapatgan a mensahe ket ti panangpakawan iti kabusor ken
panangayat iti amin a kita ti tao. Kumararagtayo iti Apo.
-Agpaay kadagiti mangisursuro ken katekista tapno ipategda daytoy
natan-ok a trabahoda ken silalagipda latta a ni Apo Jesus ti kangatoan
nga ubbog ti sirib. Kumararagtayo iti Apo.
-Para kadagiti marigrigat ken nakurapay tapno iti daytoy a tiempo ti
Paskua umad-adu pay ti nabaknang ti panagpuspusona a tumulong
kadakuada ket mariknada met ti kaipapanan ti paskua. Kumararagtyo
iti Apo.
Denggennakami nga annakmo, O Apo, tapno dakami a mangur-uray

ti maikadua a yaayna kanayonkami latta a naridam ken silulukat ti
pusomi, dawatenmi dagitoy iti nagan ni Jesus nga Anakmo ken Apomi.
Amen.
9
MAIKAPAT A DOMINGO TI ADBIENTO (A)
Kakabsat, iti intay panagsagsagana iti umadanin a yaay ti Anak ti Dios iti
baettayo, intay dawaten iti Ama a degdeganna ti gasia ti panagbalbaliw
iti amin a tao tapno agari ti kappia, ayat ken panagkikinnaawatan ditoy
lubong. Tunggal panggep kunatayo:
Apo, denggem kad ti gimong dagiti tattaom.
-Para iti Santa lglesia ken dagiti dadaulona, ni Santo Papa, N. dagiti
obispo, papadi ken amin nga agserserbi iti Simbaan ta babaen
ti panangimatonda maitrabaho koma ti napaypayso a kappia iti
sangalubongan. Kumararagtayo iti Apo.
-Para iti pagiliantayo ken dagiti opisial ti gobiemo tapno babaen ti
grasia ti Apo ken tulong dagiti umili maiturongda koma ti pagiliantayo
iti kappia iti baet ti rigat ken nariribuk a panagbiag. Kumararagtayo iti
Apo.
-Para kadagiti kakabsattayo nga agsagsagaba iti panagbisin gapu iti
kinakurapay, dagiti masaksakit, dagiti adda iti pagbaludan ta aywanan
ken liwliwaen koma ida ti Ari ti kappia. Kumararagtayo iti Apo.
-Para kadagiti kakabsattayo a mapukpukawan iti namnama gapu iti
kinaginad ti gobierno a mangipaay ti kappia ken hustisia kadakuada
ta luktan koma ti Apo dagiti pusoda ket sangsangkamaysada a
mangaramid ti pagsayaatan ti kaaduan. Kumararagtayo iti Apo.
-Intay met idawdawatan dagiti amma ti pagtaengan ta babaen ti
grasia ti Apo tumuladda koma ti galad ni San Jose a sipapakumbaba
ken siaayat a nangtarabay kada Apo Santa Maria ken Apo Jesus.
Mannakabalin ken agnanayon a Dios, agkammatalekkami unay ti

kinamanangngaasim. Patgam kad dagitoy a kararagmi ket iyegmon
kadakami ni Apo Jesus, ti Ari ti Kappia, isu a makipagbiag kenka it
timpuyog ti Espiritu Santo iti agnanayon nga awan inggana. Amen.
10
MAIKAPAT A DOMINGO ITI ADBIENTO (B)
Kakabsat, iti intay panangpadpadaan ti umadanin nga itatao ti Anak ti
Dios babaèn ken Apo Santa Maria, sipapakumbabatayo a kumamang
ken mangitalek iti Amatayo a nailangitan dagiti kasapulantayo ket
kunatayo kalpasan iti tunggal panggep:
Apo, denggem kad dagitoy ar-ararawmi
-Idawdawatantayo ni Santo Papa, N. dagiti obispo ken papadi tapno
degdegan koma pay ti Dios ti anepda a mangisaknap ti pammati saan
laeng nga iti sao ngem nangruna unay babaen dagiti pagpatuladda.
-Idawdawatantayo ti sibubukel nga Iglesia tapno kas ken Apo Santa
Maria sipapakumbabatayo met a mangtungpal ti pagayatan ti Apo
babaen ti sao ken aramidtayo. Kumararagtayo iti Apo.
-Idawdawatantayo ti pagiliantayo tapno babaen ti panangibabaet ni
nadalus unay a Birhen Maria masursurotay koma ti agbiag nga
agkaykaysa kas maysa nga ili ket intay maitungpal ti nakaayaban ken
akemtayo iti gimong dagiti amin a nasion. Kumararagtayo iti Apo.
-Idawdawtantayo dagiti saan pay a makaammo ken mamati ken ni
Apo Jesus a Cristo tapno masarakan ken awatenda daytoy nga Anak
ti Dios kas Apo a mangisalakan. Kumararagtayo iti Apo.
-Idawdawatantayo met dagiti amin nga inna ta kas ken Apo Santa Maria
a nangaywan ken Apo Jesus tarabayenda koma met dagiti annakda
tapno maaddaanda ti nasayaat a masakbayan. Kumararagtayo iti Apo.
Amami a Nailangitan, sapay koma ta ti inkam panangrambak ti itatao

ken pannakayanak ti Nadiosan nga Anakmo, maipaay koma ti lawag
ken kappia ti sangalubongan. Dawatenmi dagitoy gapu met laeng ken
Cristo nga Anakmo ket Apomi. Amen.
11
MAIKAPAT A DOMINGO TI ADBIENTO (C)
Babaen ti pannilaw ti naragsak a misterio ti isasarungkar ni Apo Santa
Maria ken ni Elisabet intay idawdawatan ti gimongtayo ken ti intero a
lubong nangruna dagiti marigatan a mangrambak a siraragsak yaay
Apo Jesus. Tunggal panggep sipapasnektayo a mangsungbat:
-Tapno agkaykaysa koma dagiti amin a Cristiano iti likmut ni Apo
Jesus a Cristo ken ti pannakabagina ditoy daga nga isu ni Santo Papa.
-Tapno dagiti amin a di pay mamati iti Dios masamayda koma ti silaw
tu pammati ket siaayatda koma a mangilukat kadagiti pusoda nga
umawat ken Cristo. Kumararagtayo iti Apo.
-Tapno tignayen ti Espiritu dagiti mangidadaulo ti gobiernotayo ket awan
koma idumdumada a pagserbian ngem tamingenda ti pagimbagan ti
kaaduan. Kumararagtayo iti Apo.
-Tapno dagiti masakit, agmaymaysa ken marigrigatan iti panagbiag
agbalin koma daytoy a Paskua a pangrugian ti maysa a naragragsak
ken nasaysayaat a lubong para kadakuada. Kumararagtayo iti Apo.
-Para kadatayo amin nga adda ditoy ta intay koma maipakita ti panagayat
ken panagserbitayo iti Apo babaen ti panagayat ken panagserbitayo iti
padatayo a tao iti amin a lugar. Kumararagtayo iti Apo.
O Ama, sitatalekkami a denggem dagitoy a dawdawatmi ta idatagmi

ida kenka iti nagan ni Jesus a Cristo isu nga ilagipmi ti naindaklan
a panangisalakanna kadakami. Sapay koma ta iti daytoy a Paskua
mariknami manen ti naindaklan a panangisalakanmo kadakami.
Dawatenmi dagitoy gapu met laeng ken Cristo nga Anakmo ken Apomi.
Amen.
12
PANNAKAYANAK TI APO: MISA ITI SARDAM
Senial iti kinakristianotayo ti napnoan pammati ken ayat a
panangnamnamana. Kas agur-uray ti isasangbay ni Apo Jesus
agkamangtayo iti Dios nga Amatayo kadagiti kasapulantayo ket
kunatayo:
Apo, agtaengka kadagiti tattaom.
-Agpaay iti Simbaan, ti baro a Tattao ti Dios, tapno kanayon koma
nga iwaragawagna iti lubong ti mensahe ti ayat ti Dios nga agtaeng
kadatayo. Kumararagtayo.
-Agpaay kadagiti puso ken riknatayo tapno kanayon koma a mapno ti
biagtayo iti panagyaman gapu ti Dios a nagbalin a tao a nakipagtaeng
-Agpaay iti kappia iti nariribuk a lubong tapno maragpat koma ti
panagkikinnaawatan babaen ti pannakarespetar ti wayawaya ken
kalintegan dagiti tattao. Kumararagtayo.
-Agpaay kadagiti maidadanes ken agsagsagaba tapno mariknada
ti espiritu ti Paskua babaen dagiti tattao a mangted kadakuada ti
pannaripato. Kumararagtayo.
-Agpaay kadatayo amin tapno maikkantayo ti panakakita kadagiti
senial ti kaadda ti Dios iti lubong babaen dagiti tattao iti aglawlawtayo.
Kumararagtayo.
Dios nga Amami, kinayatmo nga agtaeng ni Apo Jesus kadakami

babaen ti panagbalinna a tao nupay Dios kas met laeng kenka.
Pagtalinaedennakam nga asideg kenka babaen met laeng ken Jesus
a Cristo nga Apomi. Amen
13
PANNAKAYANAK TI APO: MISA ITI TENGNGA TI RABII
Napno ti lubong ti ragsak gapu ti panagbalin ti Dios a tao babaen
ken ni Apo Jesus a Cristo. Agdawattayo iti Amatayo a Nailangitan ta
pabaroenna ti pusotayo iti ragsak iti daytoy nagasat a rabii ket kunatayo:
Apo, agtaengka kadakami.
-Agpaay kadagiti amin a Cristiano iti sangalubongan tapno maragpat
koma ti ragsak babaen ti kappia ken panagkikinnaawatan iti baet dagiti
adu a relihion. Kumararagtayo.
-Agpaay kadagiti amin a ubbing nangruna dagiti ulila ta marikna ken
mananamda ti kaipapanan ti Paskua babaen dagiti tattao a naayat a
tumulong kadakuada. Kumararagtayo.
-Agpaay kadagiti saan pay a makaam-ammo ken ni Apo Jesus tapno
maragpatda met ti pannakaisalakan babaen ti panagayatda iti padada
a tao. Kumararagtayo.
-Agpaay kadagiti babassit a gimong dagiti Cristiano tapno agbalin ita
nga aldaw a rambak ti ragsak babaen ti panangibiagda ti espiritu ti
Paskua. Kumararagtayo.
-Agpaay kadatayo amin nga immay makipagrambak ti pannakayanak
ti Apo tapno agtaeng koma ti ragsak kadagiti pusotayo babaen ti
panangaramidtayo kadagiti kalikagum ni Apo Jesus a nailanad iti
ebanghelio. Kumararagtayo.
Dios nga Amami, immay ni Apo Jesus kadakami kas tao tapno
iranudna ti kinadiosna kadakami ket maikarikami nga agbalin nga
annakmo. Tulongannakami nga agbalin a kas kenkuana tapno kanayon
a maikarikami nga annakmo. Amen.
14
PANNAKAYANAK TI APO: MISA ITI PARBANGON
Iti daytoy nga aldaw kappia kumararagtayo ken ni Apotayo a Jesucristo,
ti Dios a nagbalin a tao, tapno tulongannatayo a sangapada ket
agbannawag ti narimat nga agsapa ti pannakaisalakantayo. Kunatayo
tunggal panggep:
Umayka Apo Jesus, agtaengka iti pusomi.
-Nasinasinakami a Cristiano gapu iti kinapalanguadmi. Tulongannakam
kad apo a mamagtalinaed ti panagkikinnaawatan babaen ti inkam
panangibiag ti mensahe ti Naimbag a Damag. Agdawatkam kenka
Apo.
-Nariribuk ti pagilianmi gapu iti adu a krimen. Makipagnaedka Apo iti
dalan ken lansangan kadagiti lugarmi tapno agari ti kappia iti aglawlaw.
Agdawatkam kenka Apo.
-Adu a tao ti agsagsagaba gapu ti gubat ken susik dagiti pagilian.
Idanonmo Apo ti mensahe ti ebanghelio kadagiti pangulo dagiti nasion
tapno maragpat ti kappia. Agdawatkam kenka Apo.
-Adu a tao ti agbisin gapu ti saan a tumutop a pannakaiburay ti sanikua
ti daga. Samayem ti puso dagiti nabaknang a pagilian tapno iranudda
ti teknolohia nga adda kadakuada kadagiti napanglaw a pagilian.
Agdawatkam kenka Apo.
-Adu dagiti pagdanaganmi ditoy parokiami gapu ti kinalap-it ti
pammatimi kenka. Papigsaem Apo ti pammatimi tapno italekmi amin
dagiti ganuatmi kenka. Agdawatkam kenka Apo.
O Dios a nagparang kadakami kas maysa nga ubing nakibingayka

ti kinakapuymi malaksid iti basol. Nasairka kadagiti sakitmi ket
pagbalinem ida a ragsak ita ken iti agnanayon nga awan inggana.
Amen.
15
PANNAKAYANAK TI APO: MISA ITI ALDAW
Ita nga aldaw, nagbalin ti Dios a tao ket nakipagtaeng kadatayo.
Agdawattay iti Ama a nangpalubos iti Anakna a mangala ti lasagtayo
ket kunatayo:
Apo, pagsawem ti balikasmo kadakami.
-Agpaay kadagiti mangikaskasaba ti Sao ti Dios. Masamayda koma
nga umuna kadagita a balikas tapno saksianda iti biagda ti mensahe
ni Apo Jesus. Kumararagtayo.
-Agpaay kadagiti agdengngeg iti Sao ti Dios tapno awatenda daytoy
a gameng iti pusoda ket agbunga kadagiti aramidda ti kinalinteg ken
kappia. Kumararagtayo.
-Agpaay kadagiti saan pay a makaam-ammo ken ni Apo Jesus a Cristo
tapno maluktan dagiti matada iti daytoy pudno a silaw nga immay
kadagiti tattao. Kumararagtayo.
-Agpaay kadagiti agsagsagaba gapu iti pait ti padasda iti biag tapno
masarakanda dagiti tattao a mangted kadakuada ti pammati, namnama
ken ayat. Kumararagtayo.
-Agpaay kadagiti kailiantayo nga agtrabtrabaho iti ballaswi taaw
tapno maawatda met ti anag ken bendision ti Paskua uray adayoda
kadagiti familiada. Kumararagtayo.
Dios nga Amami, babaen ken ni Apo Jesus nga Anakmo simrekka iti
lubongmi ket ammom ngarud dagiti kasapulanmi. Dimi namnamaen
nga itedmo amin a dawatenmi ngem patgam kadi dagiti kasapulanmi
kas pagayatam ket agtaengka kadakami babaen ken Jesus a Cristo
nga Anakmo ken Apomi. Amen.
16
NASANTOAN A FAMILIA (A)
Managayat nga Amami, intedmo ti dundungngoem nga Anak babaen
ti panangyanak ni Apo Santa Maria ken ti panangaywan ni San Jose.
Ikamangkami kenka ti kasapulan dagiti familiami tapno mainaigda koma
ti pagpatulad ti Nasantoan a Familia. Kunatayo iti tunggal panggep:
Apo, denggem ti kararagmi.
-Idawdawatantayo dagiti amin a mangidadaulo ti pannakaisaknap ti
nagan ni Apo Jesus tapno kanayon a makitada ti agnanayon a silaw ni
Cristo a kas paggapuan ti bilegda. Dawatenmi kenka Apo.
-Ikarkararagantayo ti gobierno ken amin a kamkamengna tapno ti koma
pagsayaatan ti kaaduan ti kitaenda a saan la nga iti bukodda a bagi.
Dawatenmi kenka Apo.
-Idawdawatantayo dagiti kakabsattayo a mapukpukawan iti namnama
ken regta a mangsaranget kadagiti pannubok ti biag tapno agbalin
koma ni Cristo a kiredda ket kitaenda a ti krus ket maysa a paset ti
biag ti tao. Dawatenmi kenka Apo.
-Idawdawatantayo dagiti amin a familia ditoy lugartayo tapno agari
koma ti panagrespeto ken responsibilidad ti tunggal maysa kameng
ket mapataud dagiti familia a napnoan pammateg. Dawatenmi kenka
Apo.
-Intay pay iraman nga ikararagan dagiti amin nga agsagsagaba iti
aniaman a kita ti sakit, tapno ni Cristo a katan-okan a mangngagas ti
mangtarabay kadakuada. Dawatenmi kenka Apo
-Intay pay ikararagan dagiti minataytayo tapno ni Apo Jesus a
nagungar itedna koma ti agnanayon a biag kadakuada ken awatenna
ida sadiay pagarianna. Dawatenmi kenka Apo.
O Ama, tulongannakami nga agbalin a modelo iti bukodmi a familia

ket agbalinkami a makaay-ayo iti imatangmo. Dawatenmi daytoy gapu
ken Jesus a Cristo nga Anakmo ken kabsatmi. Amen
17
NASANTOAN A FAMILIA (B)
Kas maysa a familia a nabukel ti ayat ken agrukbab iti Nasantoan a
Familia da Apo Santa Maria, San Jose ken Apo Jesus, intay agkaykaysa
a mangipeksa kadagiti kasapulantayo ket kunatayo:
Apo, timudem ti kararag ti familiam.
-Apo Jesus a Cristo nga agnanayon a padi itutuloymo a pasantoen ni
N. a Santo Papami, dagiti obispo, papadi ken relihioso ken amin nga
agsaksakripisio iti pannakaisaknap ti Naimbag a Damag. Dawatenmi
kenka Apo.
-Apo Jesus a pagwadan ti napudno a panagserbi, ikkam ti naan-
anay a grasia ti panagsingpet ken awan mulit a panagserbi dagiti
mangidadaulo kadakami iti gobiemo tapno mariknami ti bara ti kappia
iti aglawlawmi. Dawatenmi kenka Apo.
-Apo Jesus a tinapay a naggapu sadi langit, pinagtitimpuyogmo
dagiti amin a mamati kenka, taraonannakami babaen ti Saom ket
pabaroennakami iti panagkararagmi, panagserbi ken panagayatmi
kadagiti kakabsatmi. Dawatenmi kenka Apo.
-Apo Jesus a Cristo nga ubbog ti salun-at, tarabayem dagiti
agsagsagaba gapu kadagiti nadumaduma a kita ti sakit ket itedmo
kadakuada ti bileg ti pakinakem tapno saanda koma nga maup-upay
nga agdayaw kenka. Dawatenmi kenka Apo.
-Apo Jesus a Cristo a natay ngem nagungar gapu kadakami,
ipaaymo ti namnama kadakami a tattaom ta maragpatminto met ti
biag nga agnanayon ket awatemon dita pagariam dagiti kakabagianmi
nga immun-unan ngem dakami. Dawatemi keńka Apo.
Apomi a Jesucristo pinagbalinmo ti Nasantoan a Familia kas

pagsarmingan ti napudpudno a panagayat iti uneg ti pagtaengan.
Ipaaymo kadi a maibiag dagiti kameng ti familiami ti nasged unay
nga ayatmo kadakami. Dawatenmi daytoy iti Ama iti naganmo, sika
a makipagbiag ken makipagari kenkuana ken iti Espintu Santo iti
agnanayon nga awan inggana. Amen
18
NASANTOAN A FAMILIA (C)
Kakabsat kas maysa a familia intay agdawat ken ni Apotayo a Jesucristo
ti Nadiosan a bendisionna tapno intay maragpat ti kalkalikagumantayo
a kappia, ayat ken panagpipinnateg iti uneg ti familiatayo. Tunggal
panggep kunatayo:
Apo Jesus a naipasngay iti baetmi timudem dagiti ararawmi.
-Apo Jesus a Cristo a nangbuangay iti Simbaan, itdem ken ni N. a
Santo Papami, dagiti obispo, papadi, diakono ken relihioso ti pigsa
ken regta a mangiwaragawag ti naganmo. Dawatenmi kenka Apo.
-Apo Jesus nga Ari, itedmo kadagiti mangipangpangulo ti gobiernomi
ti pannilawmo tapno kitaenda koma ti pagsayaatan ti pagilian saan ket
a dagiti bukodda a panggep. Dawatenmi kenka Apo.
-Apo Jesus nga Anak ti Dios a naipasngay ken ni Apo Santa Maria ken
dimmakkel iti sidong ni San Jose itedmo ti namnama ken ayat kadagiti
pamiliami. Dawatenmi kenka Apo.
-Apo Jesus nga inspirasion dagiti agtutubo, bendisionam amin nga
agtutubo ditoy lugarmi ken iti sangalubongan tapno agbalinda a
nasingpet iti inda itatanor kas maysa a nataengan. Dawatenmi kenka
Apo.
-Apo Jesus a nangpaimbag kadagiti masakit, itedmo ti namnama ken
kaipapanan ti panagsagaba kadagiti amin a masakit ket malak-amanda
ti bang-ar ti bara ti ayatmo. Dawatenmi kenka Apo.
-Apo a pagtaudan ti biag, awatem kadin ita sidongmo dagiti kameng ti
pamiliami a napanen iti sabali a biag. Dawatenmi kenka Apo.
O Apomi a Jesucristo, adu dagiti pannubok a sarangtenmi iti biagmi

nangruna iti familiami. Dawatenmi ti kanayon a pannarabaymo
kadakami tapno adda pigsami ken badangmi ket mapasantomi dagiti
pagtaenganmi. Amen.
19
SOLEMNIDAD NI SANTA MARIA, INA TI DIOS (ENERO 1)
Kakabsat babaen ti panangibabaet ni Apo Santa Maria nga Inatayo,
intay umararaw iti Dios tapno patganna dagiti kararagtayo. Iti tunggal
panggep, kunatayo:
Apo, tulongannakami.
-Para iti sibubukel nga Iglesia tapno matuladna koma ti pagwadan ni
Santa Maria a Birhen, ti ina a pagraniagan ti kinapakumbaba ken
kinasingpet. Kumararagtayo.
-Para kadagiti mangiwanwan iti pagiliantayo tapno ibabaet koma
ti Reyna ti Kappia ida ket maparnuayda ti nam-ay ken ragsak nga
agpaay ti pagimbagan ti kaaduan. Kumararagtayo.
-Para kadagiti amin a marigrigat ken maidadanes tapno iti baet ti tuok
ken rigat agtalinaedda a natibker iti pammatida kas ken ni Apo Santa
Maria nga Inatayo. Kumararagtayo.
-Para kadatayo nga adda ditoy ita tapno mabigbigtay koma a ni Apo
Santa Maria ti Ina a kamangtayo ket babaen ti tulongna umasidegtay
iti dungdungngoenna nga Anak. Kumararagtayo.
-Para kadagiti agbibiag iti saad ti kinaawan asawa tapno maipasagepsep
ti kinadalus ken kinateppel kas ken ni Apo Santa Maria. Kumararagtayo.
Agnanayon ken mannakabalin a Dios, ipangagmo kad dagiti araraw

ken un-unnoymi. Babaen ti tulong ni Maria nga Inami, maragpatmi
koma dagiti kalikagummi iti biag. Dawatenmi daytoy gapu ken Cristo
nga Apomi. Amen.
20
SANGALUBONGAN NGA ALDAW TI KAPPIA (ENERO 1)
Kakabsat, nagbalin a tao ti Anak ti Dios tapno isublina ti kappia iti
nagbaetan ti Namarsua ken ti parsua. Iti daytoy nga aldaw ikamangtay
iti Amatayo a Nailangitan ti tarigagaytayo nga agtalinaed koma ti kappia
iti sangalubongan, Iti nagbabaetan dagiti nasion ken tattao. Iti tunggal
kararag, kunatayo:
Apo, ipaaymo kadakami ti kappia.
-Agpaay ti Santa Ina nga Iglesia ken dagiti mangidadaulo kenkuana
tapno itultuloyna ti akemna a mangiwaragawag ti ebanghelio ti kappia
ken panagkikinnaawatan. Kumararagtayo.
-Agpaay kadagiti mangidadaulo kadagiti nasion, nangruna iti pagiliantayo
tapno itrabahoda koma ti pannakapaadda ken panagtalinaed ti urnos,
talna ken kappia iti aglawlaw. Kumararagtayo.
-Agpaay kadagiti masaksakit, nakurapay, nataengan ken marigrigat
tapno iti baet dagiti tuok ken rigatda maisagut koma kadakuada ti
namnama, kappia ken ragsak. Kumararagtayo.
-Agpaay ti gimong ken pamiliatayo tapno agbalinda a rangtay ken
instrumento ti pannakapaadda ti kappia ken panagkikinnaawatan.
Kumararagtayo.
-Agpaay kadagiti minataytayo ta aginanada koma iti kappia iti sidong
ti ayatmo. Kumararagtayo.
Apo ken Amami, intedmo ti kakaisuna nga Anakmo tapno ikappianakami

kenka ken iti maysa ken maysa kadakami. Pagbalinennakami a kas
ken ni Cnsto nga Ari ti kappia tapno agbalinkami met a gubuayan ti
kappia, panagpipinnakawan ken panagkikinnaawatan. Dawatenmi
daytoy gapu met laeng ken Cristo nga Apomi. Amen.
21
BARO A TAWEN (ENERO 1)
Kakabsat dimteng manen ti baro a tawen, kayatna a sawen, baro
a namnama. Dawatentay ti pannarabay ti Apo kadatayo tapno
paraburanna dagiti kasapulantayo iti inaldaw. Tunggal kararag,
kunatayo:
-ldawdawatantayo dagiti mangidadaulo ti simbaantayo tapno agtultuloy
a ti regta ken anepda a mangpabaro ti kagimongan. Kumararagtayo.
-Idawdawatantayo dagiti aggugubat a nasion ken tribu tapno iti
panagdengngegda iti ebanghelio masamayda koma iti mensahe ti
ayat ket agari ti kappia ken panagkikinnaawatan iti nagbabaetanda.
Kumararagtayo.
-ldawdawatantayo dagiti kakabsattayo nga agsagsagaba iti aniaman
a sakit, ta sapay koma iti daytoy baro a tawen maipaay kadakuada
ti nabilbileg a namnama nga agtalek ti kinamanagayat ti Apo.
Kumararagtayo.
-ldawdawatantayo met ti kagimongantayo ta masursurotayo koma
met nga arakuper ti nalinteg, napudno ken nainkapian a panagbiag.
Kumararagtayo.
-ldawdawatantayo dagiti simiasi ti Santa ina nga lglesia tapno mabigbigda
koma ti kinapudno ken agsublida ken Cristo. Kumararagtayo.
O Apomi a Dios, babaen ti kinamanagayatmo, pinaraburannakami

manen ti baro a biag. Dawatenmi a tignayem dagiti pusomi a
mangaramid kadagiti akem a sumangbay kadakami iti daytoy baro a
tawen. Dawatenmi daytoy gapu ken Cristo nga Apomi. Amen.
22
PANNAKAIPARANGARANG TI APO (A)
Kumararagtayo iti nailangitan nga Ama, isu a nangiparangarang iti
bugbugtong ken ay-ayatenna nga Anak, ni Apotayo a Jesus a Cristo
kas silaw ti lubong ket agdawattayo kenkuana kadagiti kasapulantayo
a pangpadur-as iti pammatitayo. Kunatayo a pagsungbat:
Apo a Silaw ti lubong, denggennakami.
-Para iti Santa lglesia, tapno maiturongna ti amin a namnama dagiti
tattao ken Cristo ket agkaykaysatayo iti sidong ken ayat ti Dios babaen
ti pannilawna. Kumararagtayo iti Apo.
-Para kadagit misioneros ken amin a mangiwaragawag iti Naimbag a
Damag tapno maawisda dagiti amin a tao nga agdayaw ken agrukbab
iti Apo. Kumararagtayo iti Apo.
-Para iti pagiliantayo kas kakaisuna a Cristiano a nasion iti deppaarna
ti daya tapno matungpalna koma ti misionna a mangiwaragawag iti
silaw ti pammati ken Cristo Jesus. Kumararagtayo iti Apo.
-Para kadagiti agtutubo tapno masursuroda ti sumurot iti awag ti Dios
a mangibiag kadagiti bilinna ket isaknapda met ti Naimbag a Damag
uray pay iti agdama a kasasaadda. Kumararagtayo iti Apo.
-Para kadatayo nga adda ditoy ita, tapno mayadayotayo dagiti pusotayo
iti sipnget ti kinaagum ken kinamanagimbubukod ngem iturongtayo
ketdi iti silaw ti panagayat iti Dios ken pada a tao. Kumararagtayo iti
Apo.
Amami a nailangitan intedmo ni Apo Jesus a silaw ti lubong ken

manglawag iti panagbiagmi. Pagbalinennakam met a silaw ti maysa
ken maysa kadakami. Dawatenmi daytoy gapu met laeng ken Cristo
nga Apomi. Amen
23
PANNAKAIPARANGARANG TI APO (B)
Intay kumararag iti nailangitan nga Amatayo isu a nangiparangarang
iti Anakna kadatayo kas silaw dagiti amin a nasion ken mamagbalin
kadagiti amin a tao nga annak ti Dios ken mangiturong kadakuada iti
gloria ti pagarianna. Kunatayo a pagdawat:
Apo, denggem dagiti kararagmi.
-Idawdawatantayo ti nasantoan nga Simbaan isu a nangitalkan ti Apo
a mangituloy a mangiwaragawag ti Naimbag a Damag tapno kanayon
koma a siaammo iti misionna kas silaw ti lubong. Kumararagtayo iti
Apo.
-ldawdawatantayo dagiti saan pay a nabuniagan ken saan pay a mamati
tapno masarakanda koma ti dalanda nga agturong ti Mangisalakan.
-Idawdawatantayo ti pagiliantayo tapno kanayon a siririing dagiti
pagrebbengan ken annongtayo kas Cristiano ditoy Asia ket ad-adu pay
ti maawis a mamati ken Cristo gapu iti pagpatuladtayo. Kumararagtayo
iti Apo.
-ldawdawatantayo dagiti misionero tapno babaen ti naanep a
panagtrabahoda maawisda ti itutulong ti ad-adu pay a Katoliko
iti amin a paset ti lubong iti pannakaisaknap ti Naimbag a Damag.
-ldawdawatantayo dagiti mangidadaulo kadagii amin a pagilian tapno
saanda koma a mabulsek nga agiinnagaw iti bileg, turay ken dayaw
no di ket itrabahoda ti pannakaipaay iti kalintegan ken hustisia kadagiti
amin a tao. Kumararagtayo iti Apo.
-Idawdawtantayo dagiti masaksakit iti bagi ken panunot nangruna
kadagiti umasidegen ken patay tapno masarakanda ti namnama ken
Apo Jesus a Cristo isu a nagsagaba ken natay saan a gapu iti bukodna
a basol ngem gapu kadagiti basoltayo. Kumararagtayo iti Apo.
Dawatenmi kenka, O mannakabalin a Dios, a babaen ti manayon
pannulongmo agraniag koma ni Cristo kadakami nga ita rambakanmi
ti pannakaiparangarangna iti sangalubongan. Sapay koma ta
agtalinaedkam iti silawna a mangiturong kadakami iti pannakaisalakan.
Dawatenmi dagitoy gapu met laeng ken Cristo nga Apo ken Silawmi.
Amen.
24
PANNAKAIPARANGARANG TI APO (C)
O Dios nga Amami, imparangarangmo ti Anakmo kas silaw a
mangisalakan ti lubong. Agkaman kam ita kenka ta sika laeng ti
makaited ti liwliwa, salun-at ken bendision ti panagbiagmi. Kunatayo a
pagsungbat tunggal panggep:
-Tapno kanayon nga iturong ti Espiritu Santo ti Simbaantayo, nangruna
ni Santo Papa N., dagiti obispo ken papadi ken dagiti amin a tumultulong
ti pannakaisaknap ti Naimbag a Damag. Dawatenmi kenka Apo.
-Idawdawatantayo dagiti mangiturturong ti gobiernotayo tapno
matuladda koma ti anag ken kaipapanan ti panagserbi nga inyetnag
ni Apo Jesus isu nga immay asaan a paserbian no di ket agserbi.
-Idawdawatantayo dagiti agtutubo ta ad-adu koma kadakuada ti
maayaban nga agserbi iti kinapadi ken kinarelihioso ket ad-adda pay
ti pannakaiparangarang ti Apo kadagiti nasion. Dawatenmi kenka Apo.
-Idawdawatantayo dagiti amin a Cristiano a familia tapno iti
panangsaksida ti kinacristianoda iti uneg ti pagtaengan agbalinda a
silaw iti aglawlawda nangruna dagiti saan pay a mamati ken ni Apo
Jesus a Cristo. Dawatenmi kenka Apo.
-Idawdawatantayo met dagiti minataytayo tapno babaen ti pammatida
ken ni Jesus a Cristo a natay ken nagungar gapu kadatayo maragpatda
koman ti agnanayon a pannakaiparangarang ti Dios sadi langit.
Apo gapu iti napalaus a panagayatmo kadakami imbaonmo ti ay-

ayatem nga anakmo ket ita iparangarangmo kadakami kas silaw a
mangiturong ti biagmi. Pagtalinaedennakam a napudno kenka ket
dawatenmi dagitoy a panggep gapu met laeng ken Cristo nga Apomi.
Amen.
25
TI PANAGBUNIAG TIAPO (A)
Babaen ti pannakabuniag ni Apo Jesus, naay-ayo ti Dios Ama kenkuana
ken kinunana: “Daytoy ti dungdungngoek nga Anakko.” Sapay koma
ta maay-ayo met ti Dios kadatayo amin nga immawat iti sakramento ti
buniag. Dawatentay ngarud ti grasia ti Dios tapno agtalinaedtayo nga
agnanayon iti sidongna babaen ti pannulong ti Anakna ket kunatayo:
Apo Jesus, tulongannakami.
-Ikararagantayo ti Santa nga Simbaan, ni N. a Santo Papatayo,
dagiti obispo ken papadi, tapno isuda koma ti pagsarmingan ti imbag
ken kaasi dagiti amin a nabuniagan, kasta metten dagiti saan pay a
nabuniagan. Kumararagtayo.
-Ikararagantayo met dagiti mangidadaulo iti pagiliantayo, sapay koma
ta agnanayon a sipapakumbaba ken sipupudnoda iti panagserbida
kadagiti tao ket ibiagda a naan-anay dagiti karida kas maysa a Cristiano.
Kumararagtayo.
-Ikararagantayo met ti gimongtayo, sapay koma ta datayo a nabuniagan
iti nagan ni Apo Jesus, agkaykaysatayo amin nga agdaydayaw
kenkuana ket aramidentayo dagiti pagrebbengantayo tapno
makaay-ayotayo met iti imatang ti Dios. Kumararagtayo.
-Ikararagantayo met dagiti saan pay a nakaawat iti sakramento ti buniag,
sapay koma ta malawagan dagiti isip ken pusoda ket matignaydan a
mangbigbig iti ayat ken panangisalakan ti Apo. Kumararagtayo.
-Ikararagantayo met dagiti amin a nabuniagan ngem simminada
iti pammati, kasta pay nga ikararagantayo dagiti pimmusayen ta
pakawanen koma ida ti Apo ket isalakanna ida iti agnanayon a patay.
Kumararagtayo
Mannakabalin a Dios, patinayon kadi nga iturongmo dagiti tattaom

iti dalanmo tapno dikam maisina kenka ket daliasatenmi ti dalan nga
impakitam kadakami babaen ti buniag. Dawatenmi daytoy gapu met
laeng ken Cristo nga Anakmo ken Apomi. Amen
26
TI PANNAKABUNIAG TI APO (B)
Nabuniagan ni Apo Jesus idiay karayan Jordan babaen ken ni Juan
a Mammuniag. Babaen ti panagbuniagtayo nagbalintayo nga annak
Dios. Ikararagantay ngarud dagiti amin a nabuniagan ken saan pay
a nabuniagan ta ibaon ti Dios ti Espirituna tapno malawlawagan ti
pammatida. Kunatayo a pagsungbat:
Apo, itdem kadakam ti Espiritum.
-Para iti Simbaan, agtalinaed koma ti napigsa a pammati nangruna
ken ni Santo Papa N., dagiti obispo ken papadi ta babaen ti sao ken
aramid isuda ti pagtuladan dagiti amin a nabuniagan iti nagan ni Apo
Jesus. Kumararagtayo iti Apo.
-Para kadagiti amin a Cristiano iti sangalubongan ta agnaed a kanayon
ti Espiritu Santo kadakuada tapno inaldaw a mapabaro dagiti karida idi
nabuniaganda. Kumararagtayo iti Apo.
-Para kadagiti amin a mabuniagan ita nga aldaw, nangruna dagiti ubbing,
ta babaen ti pannulong dagiti nagannak kadakuada agtalinaedda nga
agnanayon iti grasia ti pannakabuniagda. Kumararagtayo iti Apo.
-Para kadatayo amin nga adda ditoy, aramidentay koma a siaayat ken
sipupudno dagiti annongentayo kas inkaritayo idi nabuniagantayo.
-Para kadagiti amin a pimmusayen, sapay koma ta babaen ti
pannakabuniagda maawatdan ti pannangisalakan ni Jesus.
Nailangitan nga Ama, patgam nga agnanayon koma ti pammatimi ken

ni Apo Jesus nga Anakmo babaen ti pannakabuniagmi iti danum ken
ti espirtu. Dawatenmi daytoy gapu met laeng ken Cristo nga Apomi.
Amen.
27
TI PANNAKABUNIAG TI APO (C)
O Dios nga Amami, saankami a maikari nga umawat iti Espiritum ngem
gapu iti ayatmo kadakami, pinagbalinnnakami nga annakmo babaen
ti pannakabuniagmi iti nagan. Pakirdem ti pammatimi ket ituloymo ti
pannarabaymo kadakami. Denggem dagiti ar-ararawmi ket kunami:
Apo, pabilgem ti pammatimi.
-Para ken ni Santo Papa N., dagiti obispo ken papadi, tapno tumibker
pay ti pammatida ket agbalinda a pagtuladan dagiti amin a nabuniagan
iti naganmo. Dawatenmi kenka Apo.
-Para kadagiti mangidadaulo iti pagilianmi tapno nakristianoan koma ti
panagturayda ket agari ti kappia ken kinalinteg iti puso ken panunotda
ken tapno aramatenda ti turayda para iti pagimbagan ti pagilian.
-Para iti daytoy a gimong ken amin a nagtitipon ita a mangrambak ti
pannakabuniagmo tapno agnaed nga agnanayon ti espiritum kadakami
ket maaramidmi a sipupudno ken siaayat dagiti pagrebbenganmi a
kas Cristiano. Dawatenmi kenka Apo.
-Para kadagiti saan pay a nabuniagan ken saan a makaammo
kenka gapu iti materialismo ken saan a tumutop a pannursuro ta
malawlawagan ti pammatida ket maruk-atan dagiti matada iti kinapudno
ket awatendaka babaen ti nakristianoan a pannakabuniag. Dawatenmi
kenka Apo.
-Para kadagiti kakabsatmi a pimmusayen ken dagiti amin nga adda sadi
purgatoryo ta magun-oddan ti agnanayon nga inana dita saklangmo.
Managayat a Dios, patgam kad ti kararag dagiti tao a binuniagam nga

annakmo ket patibkerem ti pammatida iti agnanayon babaen met laeng
ken Cristo nga Anakmo. Amen.
28
SOLEMNIDAD TI SANTO NIÑO (A)
Kakabsat, insuro ni Apo Jesus kadatayo a ti kangrunaan iti Pagarian ti
Langit isu ti napakumbaba kas maysa nga ubing. Iti daytoy a Solemnidad
ti Santo Niño, intay agdawat iti Amatayo sadi langit kadagiti kasapulan
ti gimong ken Simbaantayo kas maysa nga ubing nga agtalek kadagiti
nagannak kenkuana. Kunatayo a pagdawat:
Apo, denggem ti gimong dagii tattaom.
-Ikararagantayo dagiti managdebosion ken ni Apo Santo Nino tapno
umad-adda ti pannakaammo ken panagayatda ken ni Apo Jesus ket
dumakkel dayta a panagayat babaen ti panangiburayda iti isu met la
nga ayat iti padada a tao. Kumararagtayo iti Apo.
-Ikararagantayo dagiti mangisursuro ta maikkanda ti naan-anay nga
anus ken kired para iti panangisaganada ti masakbayan dagiti ubbing.
-Ikararagantayo dagiti tattao a tumultulong ti pannakaaywan ti
aglawlawtayo ta salaknibanda koma a siaayat dagiti pinarsua ti Dios
tapno naraniag ti masakbayan dagiti ubbing. Kumararagtayo iti Apo.
-lkararagantayo dagiti ubbing nga adda diperensiana tapno ayaten
ken ipateg ida dagiti nagannak kadakuada. Kumararagtayo iti Apo.
-Ikararagantayo dagiti aggugura nga agasawa ta maurnosda koma
dagiti problemada para iti pagsayaatan ti pamiliada. Kumararagtayo
iti Apo.
O Dios nga Amami, pinagbalinnakami nga annakmo babaen ti itattao ti

Anakmo, ni Apomi a Jesucristo. Pagbalinnennakami a kas maysa nga
ubing iti panagtalekmi ken panagayatmi kenka nga Amami. Patgam ti
dawat dagiti annakmo. Amen.
29
SOLEMNIDAD TI SANTO NIÑO (B)
Amami a nailangitan, bigbigenmi ti bugbugtong nga Anakmo a kas
Dios nupay agparang kadakami nanumo a kinataona. Agrukbabkam
kenkuana a kas nabileg nga Apomi uray iti narasi a kinaubingna. Iti
panangrambakmi ti panagpiesta ni Santo Niño adtoykam nga agdawat
kadagiti kasapulanmi. Kalpasan tunggal panggep kunatayo:
Dios nga Amami, denggem ti kararagmi.
-Idawdawatantayo dagiti ubbing a nabaybay-an ta ad-adu koma ti
mangayat ken mangipaay ti asi kadakuada. Kumararagtayo iti Apo.
-Idawdawatantayo dagiti mangay-aywan kadagiti ubbing a naiwawa ta
maikkanda ti pigsa ken kired ket maitedda amin nga ayat a kasapulan
dagiti ubbing nga aywanda. Kumararagtayo iti Apo.
-Idawdawatantayo dagiti ubbing ken agtutubo a naigamer iti bisio a
makadadael iti tao ta maamirisda ti rigat ken sakripisio dagiti nagannak
kadakuada ket daytoy ti mamagsingpet kadakuada. Kumararagtayo iti
Apo.
-Idawdawatantayo pay dagiti ubbing ken agtutubo a nadadael iti
dayawda ta dida koma maawanan iti namnama ket mariknada ti
kaadda ti Dios iti sidongda ken ad-adu koma dagiti naayat a tumulong
kadakuada. Kumararagtayo iti Apo.
-Idawdawatantayo dagiti ubbing ken agtutubo a nasapa a pimmusay
ditoy a biag gapu ti panagraira ti kinadakes ta masarakanda ti talinaay
iti sidong ti Dios. Kumararagtayo iti Apo.
Patgenmi nga Ama, makaay-ayo kenka ti lualo dagiti napakumbaba

nga ubbing. Iti pannakikaysami ken ni Apo Jesus, a naminsan ket
nagbalin a maysa nga ubing, dawatenmi a denggem dagiti kararagmi
nga ikamangmi kenka iti met laeng nagan ni Apo Jesus nga Anakmo.
Amen.
30
SOLEMNIDAD TI SANTO NIÑO (C)
Intay kumararag ken Apotayo a Jesus, isu a nagbalin a maysa nga
ubing tapno pagbalinennatayo nga annak ti Ama ket kunatayo:
Apo awisem dagiti ubbing nga umay kenka.
-Tapno nasayaat ti panagkikinnaawatan dagiti nagannak ken annakda,
iti kasta maiturong dagiti annak nga agbiag a nasingpet a Cristiano ken
natakneng a makipagili. Dawatenmi kenka Apo.
-Tapno dagiti agasawa a saan a napagasatan iti anak agtalekda iti
masakbayan ket agtalinaed ti ragsakda ken agbiagda a nabunga iti
sabali a wagas. Dawatenmi kenka Apo.
-Tapno agbiagtayo a sisisinged iti Dios iti kinapakumbaba ni Apo Jesus
ken maikaritayo met a makiranod iti gloriana. Dawatenmi kenka Apo.
-Tapno agbiagtayo a sipapakumbaba ken sitatalek iti pagayatan ti Dios
iti panagbiagtayo ket silulukat a kanayon ti puso ken panunottayo iti
pangituronganna kadatayo. Dawatenmi kenka Apo.
-Tapno iti daytoy a panangrambaktayo ti piesta ni Santo Nino, maliwliwa
dagiti napukawan iti anak ket ipaay ti Apo ti ayat ken bendisionna
kadakuada. Dawatenmi kenka Apo.
Apomi a Jesus a Cristo, immayka kadakami iti kinapakumbaba ti maysa

nga ubing. Denggem dagiti dawatmi ket iturongnakam iti pagarian a
pakipagturayam iti timpuyog ti Ama ken ti Espiritu Santo, iti agnanayon
nga awan inggana. Amen.
31
UMUNA A DOMINGO TI KUARESMA (A)
Kakabsat, intay ita agdawat iti Nailangitan nga Amatayo ti kired ken
pigsa, tured ken namnama a mangsaranget kadagiti amin a karit ti
biag nangruna ti basol tapno maisaganatayo ti bagbagitayo iti daytoy
a tiempo ti Kuaresma. Sungbatantayo ti tunggal panggep:
Patgam kad Apo ti kararag dagiti tattaom.
-Intay idawdawatan ni Santo Papa N., dagiti obispo, papadi, misionero,
relihioso ken amin a mangidanon iti mansahe ti Dios iti amin a tao tapno
mataginayon koma ti kinatarnaw ti puso ken biagda ket agserbida kas
pagsarmingan ti kinaimbag ditoy lubong. Kumararagtayo iti Apo.
-Intay idawdawatan dagiti amin a pangulo dagiti nasion ken gobierno
tapno saanda koma nga itulok nga agari ti awis ni basol iti panagserbida
kadagiti tattao ket agtalinaedda a nasinged kadagiti amin a gakatda
para ti pagimbagan ti kaaduan. Kumararagtayo iti Apo
-Intay idawdawatan dagiti kakabsattayo a napanen nagnaed iti
sabali a lugar tapno maiyadayoda koma iti amin a kita ti kinadakes,
basol ken pannakaitugtuggod ket agbiagda a natalna iti laksid ti
kinaganggannaetda. Kumararagtayo iti Apo.
-Intay met idawdawatan ti tunggal maysa kadatayo a makikameng iti
daytoy a parokia tapno sangsangkamaysatayo koma a mangpaksiat
iti aniaman a kita ti basol a mabalin a mamagsisina ti tunggal maysa
kadatayo ken mangyadayo kadatayo iti Dios. Kumararagtayo iti Apo.
-Intay met ikarkararagan dagiti kakabsattayo a napanen iti sabali a
biag tapno makikaysada iti Dios iti pagarianna. Kumararagtayo iti Apo.
Dagitoy ti kararagmi nga annakmo, O Apo. Tarabayen ken

aywanannakam kadi iti inkam panagsagana a mangrambak ti Misterio
ti Panangisalakanmo kadakami. Dawatenmi dagitoy gapu ken Cristo
32
UMUNA A DOMINGO TI KUARESMA (B)
Apomi a Jesus, saanka a natnag iti sulisog ken ni Satanas idi addaka
idiay let-ang. Aywanannakami tapno maiyadayokami iti basol nangruna
iti daytoy a tiempo nga inkam pananagsagsagana iti inkam pananglagip
ti panagtutuok, pannakatay ken panagungarmo. Ti tunggal kararag
kunatayo:
Apo, tarabayem dagiti tattaom.
-Apomi a Jesus insagana ni Juan ti idadatengmo. Dawatenmi nga
aywanam ni Santo Papa N., dagiti obispo, papadi, relihioso ken amin
a mangisaksaknap ti Naimbag a Damag tapno agtalinaedda a nakired
a mangiwardas kadagiti gakatda nga agpaay ti pannakaisalakan ti
sangalubongan. Kumararagtayo iti Apo.
-Apomi a Jesus nagserbi dagiti anghel kenka kalpasan ti
pannakasulisogmo. Dawatenmi nga aywanam met dagiti pangpangulo
ti amin a nasion tapno ipaayda met ti tumutop ken natarnaw a panagserbi
kadagiti marigrigat, maikuskuspil ken nakapagteng iti sagubanit ti biag.
Kumararagiayo iti Apo.
-Apomi a Jesus inkaskasaba ni Juan nga asidegen ti Pagarian ti Dios
ket imbilinna nga agbabawikami kadagiti basbasolmi. Aywanan ken
papigsaem ti pusomi a mangiwaksi kadagiti aramid a nagbalinen a
paset ti biagmi ngem mangyadayo kadakami kenka. Kumararagtayo
iti Apo.
-Apomi a Jesus imbilin pay ni Juan a mamatikami iti Naimbag a Damag.
Idawdawatanmi dagiti kakabsatmi a saan pay makaam-ammo kenka
ken dagiti saan a mangibibiag kadagiti galad ti naimbag a damag
tapno silawam koma ti pampanunotda ken tarabayem ida iti grasiam.
Kumararagtayo ti Apo.
-Apomi a Jesus immayka ditoy lubong tapno subbotennakami iti basol.
Awatem koma dagiti kakabsatmi nga immun-unan ngem dakami tapno
makipagtaengdan ita pagariam ken makikaysada iti dayag ti gloria.
Apo Jesus dagitoy ti sumagmamano a kasapulanmi. Adu pay ti saanmi
a naiyebkas ngem ammomi nga ammom ida. Patgam ngarud ida tapno
maikarikami a mangrambak ti Misterio ti Panangisalakanmo kadakami.
Dawatenmi amin dagitoy kenka nga Apomi. Amen.
33
UMUNA A DOMINGO TI KUARESMA (C)
Kakabsat, kumararagtayo iti Dios nga Amatayo nga Isu ti pagtaudan
amin a kasapulantayo. Dumawattay kenkuana iti tulong ken kaasi
tapno bayabayennatayo iti intay panangisagana ti bagitayo iti daytoy
tiempo ti Kuaresma. Sungbatantayo ti tunggal panggep:
Apo, bayabayem kad dagiti tattaom.
-Dios Ama, nagtalinaed ni Jesus nga Anakmo a napudno kenka iti laksid
ti panangsulisog ni Satanas kenkuana. Tarabayem ni Santo Papa N.,
dagiti obispo, papadi, ken relihioso tapno agtalinaedda a napudno kenka
iti laksid ti adu a karit nga ipaay ti lubong kadakuada. Kumararagtayo.
-Dios Ama, saan nga immannugot ni Jesus nga Anakmo iti kari ni
Satanas nga itedna amin a pannakabalin ken kinabaknangna no la ketdi
agrukbab kenkuana. Aywanam dagiti mangidadaulo kadagiti nasion
nangruna ti pagilianmi tapno saanda koma a masisirap ti sileng ti pirak
ken bileg nga isu ti pakadadaelan ti napudno a panagserbida ti kaadduan.
Kumararagtayo.
-Dios Ama, insungbat ni Jesus nga Anakmo ken ni Satanas: “Dimo
sulisogen ti Apo a Diosmo.” Dawatenni ti pannarabaymo kadakami iti
amin a kanito ti panagbiagmi ken ti panangitedmo ti kired ken pigsa
kadakami a manglaban kadagiti amin a kita ti basol a sumangbay ti
biagmi ket agtalinaedkami a natarnaw ti imatangmo. Kumararagtayo
iti Apo.
-Dios Ama, imbaga ni Jesus nga Anakmo ken ni Satanas: “Saan
laeng a tinapay ti pagbiag ti tao.” lkararaganmi dagiti kakabsatmi a
marigrigat;ken mapukpukawan iti namnama ti biag tapno mapapigsa
koma ti panagtalekda ken ti panangbigbigda kenka a sika ti pagtaudan ti
amin a kasapulan ditoy a lubong. Kumararagtayo iti Apo.
-Dios Ama, idawdawatanmi dagiti amin a kakabsatmi a pimmusayen tapno
maragpatdan ti nagloriaan a panaginana dita sidongmo. Kumararagtayo
iti Apo.
Nailangitan nga Ama, patgam kad dagitoy a dawatenmi tapno
maikarikami a mangrambak ti Misterio ti Panangisalakanmo ken ti
pannakikaysaminto kenka inton dumteng ti panawen ti panangayabmo
kadakami dita sidongmo. Dawatenmi dagitoy gapu met laeng ken
Jesus a Cristo nga Anakmo ken Apomi. Amen.
34
MAIKADUA A DOMINGO TI KUARESMA (A)
Mannakabalin ken agnanayon a Dios, imbaonmo ti Anakmo tapno
pasingkedam ti pannakaisalakanmi. Nagbalbaliw ti langana iti bantay
tapno ipasimudaagmo ti dayagna a maragpatnanto kalpasan ti ipapatay
ken panagungarna. Adtoykam ita nga agdawat kadagiti kasapulanmi
tapno agbalbaliwkami met ket maragpatminto ti dayag nga itdem
kadagiti mamati kenkuana ket kunami nga agdawat:
-Tapno kanayon koma nga idarirag dagiti agtartarabaho iti Simbaan
ti panagbalbaliw ket isuda ti umuna a mangsaksi iti panagbiagda.
-Tapno masursuro dagiti mangidadaulo ti gobierno ti agdengngeg
ti mensahe ti ebanghelio nangruna ti awis ti panagbalbaliw ket
maipangag ti asug dagiti maidadanes, maikuskuspil ken matagtagabo.
-Tapno kanayontayo koma a siriridam kadagiti banag ti pammatitayo
ket saantay nga agpulkok ken agbuteng a mangsaksi ken mangikasaba
iti dayta a pammati. Kumararagtayo iti Apo.
-Tapno dagiti nabulsek ti pammatina gapu kadagiti pakasikoran ti
lubong, dagiti napukawan iti tured a mangirupir iti pammati, ken
dagiti nangtallikud iti Apo, masarakanda iti ayat, pigsa ken pannilaw.
-Tapno ti awan pilpilienna nga ayat ken kaasi ti Dios isu ti mangpunno
kadagiti mapukpukawan iti namnama, madandanagan ken mabaybay-
an. Kumararagtayo iti Apo.
Amami sadi langit inikkam ti baro a kaipapanan ti pannakaisalakanmi

babaen ti panagbalbaliw ti langa ni Apo Jesus nga Anakmo iti bantay.
Tulongannakami tapno maragpatminto met dayta a dayag babaen ti
panagtungpalmi iti pagayatam nga inyetnag met laeng ni Apo Jesus a
kenkuana dawatenmi dagitoy a panggep. Amen.
35
MAIKADUA A DOMINGO TI KUARESMA (B)
Managayat a Dios kas ken San Pedro awan rummuar a balikas no
masapul nga agsaokami gapu ta no dadduma malapunoskami iti
siddaaw gapu ti saanmi a pannakabigbig ti nadiosan a kaaddam ti
sibaymi. Sumaklangkami kenka nga agdawat kadagiti kasapulanmi iti
daytoy a biag ket kunami:
Apo, denggem ken paraburam dagiti tattaom.
-Agpaay kadagiti mangidadaulo ti Simbaan a naisaknap iti
sangalubongan tapno naan-anay ti panagayatda kadatayo kas iti
panagayat ni Cristo kadagiti adalanna. Kumararagtayo iti Apo.
-Agpaay kadagiti agpanpanday-linteg tapno dagiti laeng napateg iti
ebanghelio ti igakatda nga agbalin a linteg ket agbalin met ti biagda a
saksi ni Cristo nga Apotayo. Kumararagtayo iti Apo.
-Agpaay kadatayo amin a makipagrambak iti Eukaristia, tapno agbalin
ti biagtayo kas naimeng a kalapaw a mamagbaliw iti biag dagiti saan
unay a mangipirpirit ken Cristo iti baettayo. Kumararagtayo iti Apo.
-Agpaay kadagiti nabaybay-an ken nasugatan iti rikna tapno paimbagen
ti ayat ni Cristo dagiti sugatda ket maikkanda ti gundaway a makikappia
kadagiti nangsugat kadakuada. Kumararagtayo iti Apo.
-Agpaay kadagiti saan pay a makabigbig iti ayat ti Dios iti aglawlawda
tapno masarakanda dayta nga ayat kadagiti tattao a makalangenda iti
inaldaw. Kumararagtayo iti Apo.
Ama ken namarsua kadakami, agyamankam kenka iti biag ken trabaho
ni Apo Jesus iti baetmi. Ikkannakam iti sirmata ken tured a makipaset
iti Pagariam. Dawatenmi daytoy gapu ken Cristo nga Anakmo ken
Apomi. Amen.
36
MAIKADUA A DOMINGO TI KUARESMA (C)
Apo a Dios, aggagarkami a sumurot iti dalan nga agturong iti Lugar
ti kappia ken ayat. Ngem madanonminto laeng kalpasan ti atiddog
a panagbaniaga. Gapu ta kasapulanmi ti pigsa ken tured iti daytoy
a panagbaniagami iti pammati adtoykam ngarud a dumawat kadagiti
kasapulanmi. Iti tunggal panggep kunatayo:
Apo, iturongnakami iti ayatmo.
-Tapno ikkannatay ti Dios iti pigsa ken pannaranay iti tiempo ti
panagkapuy ti pammatitayo ken iti tiempo a gamdentayo ti sumuko
kadagiti masarakantayo a pannubok ti biag. Kumararagtayo iti Apo.
-Tapno kas ken ni Abraham nga amatayo iti pammati, masagraptay
met ti pammati ken sirib a nagbalin nga igamna iti tunggal parikut a
nasarakanna. Kumararagtayo iti Apo.
-Tapno agbunga ti sakripisio dagiti amin a tao iti sangalubongan a
naisina ti pamiliada gapu ti nadumaduma a pakaseknan ti biag ket
maikkanda ti namnama nga iti maysa nga aldaw makitipondanto met
laeng kadagiti ay-ayatenda. Kumararagtayo iti Apo.
-Tapno agtrabaho a sipapasnek dagiti naikkan ti annong a mangitandudo
kadagiti wagas ti kappia iti sangalubongan kas maitutop ti plano ti Dios.
-Tapno iranud ti tunggal maysa kadatayo ti sagut ken talugadingna
kadagiti awanan gasat, nangruna dagiti agsagsagaba iti sakit ti bagi
ken panunot. Kumararagtayo iti Apo.
Ama, ituloymo ti mangted ti inspirasion kadakami a tattaom tapno

agbalinkami a pagadalan ken pagtuladan dagiti saan a makabigbig iti
pannakabalin ken ayatmo iti kasta maipaduyakyak ti dayagmo ditoy
lubong. Dawatenmi dagitoy iti nagan ni Cristo nga Apomi. Amen.
37
MAIKATLO A DOMINGO TI KUARESMA (A)
Kayat ti Dios a maisalakantay amin. Masapul ngarud ti naan-anay nga
panagdengngeg ken panangsurottayo ken Cristo. Kumararagtayo ita
kenkuana ket dawatentayo dagiti kasapulantayo ket kunatayo:
Apo, sika ti pangnamnamaanmi.
-ldawdawatantayo ti lglesia a buklen dagiti Tattao ti Dios. Sapay koma
ta awan ti duaduana a mangaramid kadagiti masapul a panagbalbaliw,
tapno maipakitana kadagiti tattao iti lubong ita a panawen ti napaypayso
a langa ti pagayatan ni Cristo. Kumararagtayo iti Apo.
-ldawdawatantayo dagiti adda mabalinna a pangiraman iti sabali
sanikua, sirib, tiempo wenno ayat. Saanda koma a nga agtaktak a
mangipaay ti mabalinda nga itulong kadagiti makasapul, nakurapay
ken marigrigat. Kumararagtayo iti Apo.
-Indawdawatantayo dagiti tattao a mawaw iti wayawaya ken kinalinteg.
Magun-odda koma ti birbirokenda ket maragpatda ti panangpadayaw
dagiti tattao kadakuada. Kumararagtayo iti Apo.
-Idawdawatantayo amin a nagannak. Ti koma kinalinteg ken ayat ti
pagbatayan ti amin nga isursuroda kadagiti annakda tapno adda ayat
ken talek iti sidong ti pamilia. Kumararagtayo iti Apo.
-Idawdawatantayo dagiti bagbagitayo. Awatentayo koma a siraragsak
ti siasinoman a makalangentayo, nabaknang man wenno napanglaw,
kas panangawat ni Cristo iti tunggal maysa kadatayo. Kumararagtayo
iti Apo.
Amami a nailangitan, ni koma Jesus nga anakmo ti mangidalan iti

panagbiagmi. Ikkannakami iti kired ti nakem a sumurot kenkuana,
uray iti pakarigatanmi ta isu ti agnanayon nga Apo ken pagulidananmi.
Amen
38
MAIKATLO A DOMINGO TI KUARESMA (B)
Saan a nalaka a panunoten ken aramiden ti panagbalbaliw a yawis
kadatayo ni Apo Jesus. Dawatentay iti Dios nga Amatayo a denggenna
ti pammati ken panagtalektayo tapno adda pagbaliwantayo ken Cristo.
Kunatayo a pagsungbat tunggal kararag:
Apo, sika ti pagkamanganmi.
-Idawdawatantayo ti Simbaan nga inatayo tapno kanayon nga
ipangagna ti timek ni Cristo ket agbalin a saksi ti mangisalakan iti
lubong. Dawatenmi kenka Apo.
-Idawdawatantayo dagiti Cristiano a familia tapno agkakaysada koma
a mangipasnek a kumita iti kasapulan dagiti agtutubo ket ni Cristo
ti tuladen ken mangidalan kadakuada. Dawatenmi kenka Apo.
-ldawdawatantayo ti entero a lubong tapno maragpat koma ti pudno
a kappia ken panagkikinnaawatan dagiti amin a nasion. Dawatenmi
kenka Apo.
-ldawdawatantayo ti parokia ken ilitayo tapno maparaburantay koma
iti pammati ken kired a mangipakita iti inaldaw a panagbiagtayo a
saksinatayo ti panagbiag ni Cristo. Dawatenmi kenka Apo.
-ldawdawatantayo dagiti amin a minataytayo. Sapay koma ta
makagtengdan iti pagtaengan ti Dios a makipagrambak kenkuana iti
agnanayon. Dawatenmi kenka Apo.
Ammom, O Dios nga Amami dagiti kasapulanmi nga annakmo.

Timudem ket ipangagmo kadi ti kararag dagiti amin a napudno a
mamati kenka. Dawatenmi daytoy gapu ken Cristo nga Apomi. Amen.
39
MAIKATLO A DOMINGO TI KUARESMA(C)
Kakabsat, ti linteg ti Dios ti makaited ti ragsaktayo. Kumamangtayo
kenkuana ket dawatentay amin a kasapulantayo.
Apo, isalakannakam iti dakes.
-lkararagantayo dagiti amin a mangidadaulo iti simbaan tayo - dagiti
obispo papadi, mamadre ken seminarista. Sapay koma ta isuda ti
mangipakita kadagiti tattao ti napudno a pagtuladan ti kinatulnog ken
kinamanagayat ni Cristo. Dawatenmi kenka Apo.
-Ikararagantayo dagiti mangiturturong ti gobiernotayo. Agtalinaed koma
kadakuada ti kinapudno nga agserbi para iti pagimbagan ti pagilian
ken agkamangda koma ken ni Cristo ti oras dagiti sulisog. Dawatenmi
kenka Apo.
-Ikararagantay amin a managbasol dagiti agtatakaw, pumapatay ken
managimbubukod. Sapay koma ta pumigsa ti pammatida ken ni Cristo
ket daytoy ti paggapuan ti panagbalbaliwda. Dawatenmi kenka Apo.
-Ikararagantay met dagiti bagbagitayo. Sapay koma ta agnanayontay
a nasalun-at ken naparagsit tapno maaddaantayo ti naan-anay a pigsa
nga mangaramid ti pagayatan ti Dios ditoy adda a biag. Dawatenmi
kenka Apo.
-Agpaay kadagiti amin a minataytayo. Sapay koma ta addadan iti
sidong ti Dios a makipaglak-am iti agnanayon a lawag ken ragsak.
O Dios ken Apomi, palawagem ti panagbiagmi babaen ti imbagmo,

kinalinteg ken kinapudnom. Magtenganminto kad a makita ti lawag ni
Cristo ken agbiagkam ita a kas kenkuana, isu nga agbiag ken agari iti
agnanayon nga awan inggana. Amen.
40
MAIKAPAT A DOMINGO TI KUARESMA (A)
Ama, sipapakurangkami a dumatag kenka nga agdawat a siririingkamto
koma inton umay ni Apo Jesus, ti nasugatan a mangngagas a
mangpaimbag kadagiti amin a sagubanitmi. Kalpasan ti tunggal
panggep, kunatayo:
Apo Jesus, umayka ket paimbagennakami.
-Agpaay iti Simbaan a naisaknap iti sangalubongan, ti Santo Papa,
dagiti obispo ken papadi, tapno sipupudnoda koma nga agtalinaed
a sibibiag nga instrumento ni Cristo a mangngagas ditoy lubong.
Kumararagtayo.
-Agpaay kadagiti mangidadaulo ti pagiliantayo tapno babaen ti turay a
naikawes kadakuada ipakatda koma a sipupudno ken sipapasnek daytoy
a bileg ti panagserbi kadagiti saan a nainkalintegan ti pannakatamingda
ken dagiti napaidaman iti kalintegan. Kumararagtayo.
-Agpaay kadagiti agsagsagba a kameng ti gimongtayo, dagiti
maipapaigid ken mapapaidaman tapno babaen ken Cristo masursuroda
nga iturong dagiti parikut ken rigatda ti biag kas maitutop iti panagsagaba
ni Cristo. Kumararagtayo.
-Agpaay kadagiti masakit a kameng ti gimongtayo: iti bagi, panunot
ken rikna, tapno masarakanda ti liwliwa ken pigsa ken Cristo ti nasugat
a mangngagas. Kumararagtayo.
Ama, imbaonmo ti ay-ayatem nga Anakmo a mangpaimbag ti kinamanag

basolmi. Aramidennakami nga instrumento iti dayta makapaimbag a
bileg tapno maisaganami met dagiti dadduma a makiranud iti padaya ti
agnanayon a biag a pagnanaedam iti agnanayon nga awan ti inggana.
Amen.
41
MAIKAPAT A DOMINGO TI KUARESMA (B)
Ay-ayatek a kakabsat, no saan a nailansa ni Apo Jesus a Cristo iti
krus awan koma met ti pannakaisalakantayo. Ngarud, datayo a
mayat a makiranud iti makaisalakan nga aramid ti Cristo masapul a
makiramantay met ti pannakailansana. Iti tunggal panggep, kunatayo:
Apo, isalakannakami.
-Agpaay iti Simbaan tapno iti panagbalinna a pagtuladan ti nacristianoan
a panagsagaba, iturongna ti amin a mamati ken ni Apo Jesus, ti
panagungar ken ti biag. Kumararagtayo
-Agpaay kadagiti mangidadaulo iti lubong tapno saanda koma a
mailumlom iti sipnget ti panagkunniber ngem maiturongda ti lawag ti
napudno a panagserbi. Kumararagtayo.
-Agpaay kadagiti Cristiano nga agduadua ti pammatida, tapno iti baet
ti panagsagaba, rigat ken problema iti biag, masursuroda koma nga
awaten ti bukodda a pannakailansa iti krus ken ni Cristo. Kumararagtayo.
-Agpaay kadagiti agtutubo ditoy lubong, tapno masursuroda nga iturong
dagiti arapaapda ti biag iti pagpatulad ni Cristo ket maiturongda met
dagiti kapatadanda iti baro a biag ken Cristo. Kumararagtayo.
-Agpaay kadatayo amin, tapno masursurotayo met ti mangapresiar
kadagiti krustayo iti biag iti namnama nga iti maysa nga aldaw
makiranudtayto met iti panagungar ni Cristo. Kumararagtayo.
Mannakabalin nga Ama, awatem dagitoy dawatmi iti nagan ti nailansa

iti krus nga Anakmo, nga iti maysa nga aldaw makipagungarkamto
met kenkuana, isu a makipagbiag ken makipagari kenka ken ti Espiritu
Santo, Dios nga agnanayon. Amen.
42
MAIKAPAT A DOMINGO TI KUARESMA (C)
Managayat nga Ama, iti daytoy a tiempo ti Kuaresma ken iti amin a
kanito ti panagbiagmi isuronakami a mamakawan kas iti napnoan ayat
a panangaklonmo kadagiti agsubli kenka nga annakmo. Iti tunggal
dawat kunatayo:
Apo, pakawanennakami kas ti pammakawanmi kadagiti
nakabasol kadakami.
-Agpaay iti Simbaan ken dagiti mangiturturong kenkuana ti Santo
Papa,dagiti obispo ken papadi, tapno iti baet ti krisis ti naespirituan
a panagbiag agtalinaedda koma a pagtuladan ti nacristianoan a
panagkaykaysa. Kumararagtayo.
-Agpaay kadagiti aggugubat a nasion, tribu ken puli, tapno babaen ken
Cristo maurnosda koma ti ania man a paggigidiatanda a mamataud iti
panagsusuppiat. Kumararagtayo.
-Agpaay kadagiti nasayyasayya a pamilia gapu iti imon, gura ken saan
a panagkikinnaawatan, tapno mariknada koma ti mangted ayat ken
mangpaimbag a bileg ti panagkikinnaawatan nga inyetnag met laeng
ni Cristo. Kumararagtayo.
-Agpaay kadagiti tattao nagameran ti kinapalanguad ti panaglalangenda,
tapno ikagumaananda a pasublien ti dati a kappia ken urnosda babaen
ti panangbigbigda ti kaadda ni Cristo iti baetda. Kumararagtayo.
-Agpaay kadatayo amin tapno makapagbiagtayo kas napudno a
Cristiano babaen ti panangpakawan ken panangpasublitayo kadagiti
agbabawi a kakabsat iti gimongtayo. Kumararagtayo.
Ama, kas iti sibabawi a panagsubli ti nabarayuboy nga anak iti amana,
awatem kadi dagiti napakumbaba a dawatmi ket dagdagusem a
bendisionan ida gapu ken Cristo nga Apo. Amen.
43
MAIKALIMA A DOMINGO TI KUARESMA (A)
Managayat nga Ama, imbaonmo ti bugbugtong nga Anakmo ditoy
lubong a mangpapigsa ti pammati ken ayatmi kenka. ltedmo kadakami
ti pammati nga impakita da Marta ken Maria tapno maikarikami iti
ayat ken bendisionmo. Iti pammati ken ayat, iturongmi kenka dagiti
kasapulanmi ket kunami tunggal panggep:
Apo, kaasiam dagiti tattaom.
-Ikararaganmi ti Santo Papa, dagiti obispo ken papadi, tapno saan koma
nga agsarday ti panangikasabada iti Saom, ket babaen ti panangisuro
ken pagpatuladda marikna dagiti tattao no kasano ti panagayat ti Dios
kadakuada. Kumararagtayo.
-Ikararagantayo dagiti mangiturturong iti gobierno, tapno agbalin amin a
nakawesan iti turay a kangrunaan a mangitrabaho ti panagkaykaysa
kappia ken ayat iti pagiliantayo. Kumararagtayo.
-Ikararagantayo dagiti masakit ken agngangabit ken patay tapno dida
koma mapukaw ti namnamada ken Jesus a Cristo a gubbuayan ti biag
ken kinaimbag. Kumararagtayo.
-Ikararagantayo dagiti napanglaw, saan a nasayaat ti pannakatamingda,
maidadanes, ken dagiti maipapaigid, tapno mariknada met ti ayat ti
Dios iti baet ti agdama a kasasaadda. Kumararagtayo.
-Ikararagantayo dagiti natayen a kakabsattayo, tapno babaen ti asi
ken ayat ti Dios, makitipondan kadagiti angheles ken sasanto nga
agdaydayaw kenka iti pagariam. Kumararagtayo
Mannakabalin nga Ama, ammom ti naguneg ti puso dagiti tattao ken

kalikagum ti tunggal maysa ket ibaonmo ngarud ti Espiritu Santo a
mangpapigsa ti pammatimi. Dawatenmi daytoy iti nagan ni Jesus a
Cristo nga Anakmo. Amen
44
MAIKALIMA A DOMINGO TI KUARESMA (B)
Dios nga Amami, nagbalin a tao ni Cristo nga Anakmo ket simrek iti
pakasaritaanmi tapno wayawayaanna ti kinamanagbasolmi. Ngem
gapu ti kinakapuy ti kinataomi adu pay laeng dagiti maaramidmi a
pagbiddutan. Sipapakumbabakami nga agdawat kenka iti kired ken
tured tapno maikarikami iti saklangmo. Tunggal panggep, kunatayo:
Apo, denggem dagiti tattaom.
-Agpaay kadagiti mangidadaulo ti Simbaan, ti Santo Papa, dagiti
obispo ken papadi, itultuloymo kadi Apo ti mangted kadakuada ti
espiritu ti kinatured a mangibaklay iti misionda ditoy lubong, pasnek
a mangikasaba ti ebanghelio ken ayat a mangipakita ti asim kadagiti
tattao. Kumararagtayo.
-Agpaay kadagiti mangidadaulo kadagiti nasion ken ti gobierno lokal,
ikkam kadi Apo ida ti espiritu ti sakripisio nga agpaay iti pagsayaatan
ti biag dagiti tattao ket itrabahoda ti pannakapadur-as ti ekonomia.
Kumararagtayo.
-Agpaay kadatayo nga adda ditoy ita, balbaliwam ken pagbalinennakam
kadi Apo a napasnek a saksi ti Naimbag a Damag kadagiti padami a
tattao ket agbalinkami nga adipen ti amin. Kumararagtayo.
-Agpaay kadagiti kakabsatmi nga agsagsagaba kadagiti didigra nga
inaramid ti tao, ikkam kadi ida Apo ti kasapulanda a pigsa ken tured iti
baet dagiti rigat ken panagsagabada ket maamirisda a makikaysaka
kadakuada iti rigatda. Kumararagtayo.
-Agpaay kadagiti minataymi, nangruna dagiti awanen makalagip a
mangidawdawat kadakuada, awatem kadi idan Apo iti pagariam.
Kumararagtayo.
Managayat nga Ama, itden dagiti basbasolmi ti panagladingit. Denggem

dagiti kararagmi nga agdawat iti tured ken pigsa a mangsango iti tunggal
pannubok a dumteng iti dalanmi. Dawatenmi daytoy iti nagan ni Jesus
a Cristo nga Anakmo ken Apomi a makipagbiag ken makipagari kenka
ken iti Espiritu Santo, maymaysa a Dios iti agnanayon. Amen.
45
MAIKALIMA A DOMINGO TI KUARESMA (C)
Managayat nga Ama, intedmo ni Apo Jesus nga Anakmo kas maestromi,
pagtuladanmi, ken kabsatmi. Kas napakumbaba a pasurotna dawatenmi
kenka a gugoram dagiti pusomi iti ayat. Kalpasan ti tunggal panggep
kunatayo:
Apo, denggem ken paraburam dagiti tattaom.
-Agpaay iti Santa Ina nga Simbaan, tapno iti panangitultuloyna ti
agbiag iti daytoy nariribuk a lubong, masarakanna koma ti ad-adu pay
a pigsa ken tured a mangiwaragawag kadagiti napateg iti ebanghelio.
Kumararagtayo.
-Agpaay kadagiti mangidadaulo ti Simbaan, tapno saanda koma a
maallukoy kadagiti panggargari ti lubong iti panangibaklayda ti misionda
ket agtalinaedda a napudno iti trabahoda. Kumararagtayo.
-Agpaay kadagiti amin nga adda saadna ti gobierno, tapno agtalinaedda
a napudno iti trabahoda ket kanayon nga itandudoda ti pagsayaatan
dagiti tattao. Kumararagtayo.
-Agpaay kadagiti maitugtuggod a Cristiano, nangruna dagiti babbai
a maipagpagarup a magungundawayan, tapno marespetar koma ti
kalinteganda ket mabigbig ti akemda iti kagimongan. Kumararagtayo.
-Agpaay kadagiti minataytayo tapno kaasian idan ti Dios ket
pakawanenna dagiti nagbiddutanda ket maragpatdan ti agnanayon a
gunguna sadi langit. Kumararagtayo.
Apomi a Dios, tulongannakam nga agtalinaed a napudno kadagiti

pannursurom ken pagpatuladmo. Ikkannakam iti tured a mangaramid
iti pagayatam tapno dumakkel ti Simbaan ket agbalin a napudno iti
panagserbina kenka. Dawatenmi daytoy gapu met laeng ken Jesus a
Cristo nga Anakmo ken Apomi. Amen.
46
DOMINGO RAMOS: TI PANAGTUTUOK TI APO (A)
Ama a nailangitan, dakami a naikamang iti sidongmo, dawatenmi
ngaipangagmo kad dagiti un-unnoymi kenka. Ti tunggal dawat,
kunatayo:
Apo, imdengam kad dagiti tattaom.
-Agpaay iti Simbaan a Naisaknap iti Sangalubongan, dagiti obispo ken
papadi, tapno makapudnoda koma iti pammatida a mangisaknap ti
mensahe ni Apo Jesus a mangisalakan. Dawatentay iti Apo.
-Agpaay kadagiti pangulo dagiti amin a pagilian tapno maamirisda
koma a ti kaaddada iti turay ket kaipapananna ti panagserbida kadagiti
tattao kas inaramid ni Apo Jesus kadatayo. Dawatentay iti Apo.
-Bendisionam koma dagiti kakabsatmi a masaksakit ken agsagsagaba
tapno sipapakumbaba ken siaanusda met a mangbaklay kadagiti
sagubanit ti bagida kas ken ni Apo Jesus a situtulnog a nangawit iti
krusna. Dawatenmi kenka Apo.
-Tulongannakami a mangamiris ken sibabawi a mangaklon kadagiti
nagbiddutanmi kenka ken iti padami a tao ket itedmo kad Ama ti
napnoan ayat a pammakawanmo. Dawatenmi kenka Apo.
-Tulongannakami a mangtulad kadagiti pagulidanan nga impakita ni
Apo Jesus kadakami nangruna ti panangitedna ti biagna iti krus gapu
kadagiti basolmi. Dawatenmi kenka Apo.
Dios nga Amami, tulongannakami nga agbalbaliw tapno ti ladawan

ni Apo Jesus a Cristo a mangisalakan ti agparang iti panagbiagmi a
mangiturong iti dalanmi. Amin dagitoy dawatenmi gapu met laeng ken
Cristo nga Apomi. Amen
47
DOMINGO RAMOS: TI PANAGTUTUOK TI APO (B)
Intay agdawat a sipapasnek iti Amatayo a Nailangitan tapno datayo
a nabuniagan makiranodtayo koma iti biag nga inted ni Apo Jesus
babaen ti panagtutuok, ipapatay ken panagungarna. lti tunggal kararag
kunatayo:
Apo, timudem kad dagiti tattaom.
-Agpaay iti sangalubongan, sapay koma ta ti napateg unay a dara ni
Apotayo a Jesucristo isu nga ari ti kappia ken ayat, yasidegnatayo iti
maysa ken maysa. Dawatentay iti Apo.
-Agpaay kadagiti amin a naayaban iti nasantoan a panagserbi iti Apo,
sapay koma ta agtalinaedda a sipupudno ti panangsurotda ken Cristo.
Dawatentay iti Apo.
-Agpaay kadagiti amin a makasapul iti tulong ta ipaay koma ti Dios dagiti
agdama a kasapulanda ket liwliwaenda ida iti tiempo ti panagtutuokda.
Dawatentay iti Apo.
-Agpaay kadagiti amin a minataytayo, sapay koma ta dalusan ti dara
ni Cristo a nagayus manipud iti krus dagiti basbasolda. Dawatentay iti
Apo.
-Agpaay kadatayo amin ta ibaklaytayo koma a siaanus ti krustayo iti
inaldaw gapu ti ayattayo iti Dios. Dawatentay iti Apo.
Ama, kaassiam kad ti lglesiam kadagiti amin a kasapulanna. Denggem

dagiti un-unnoymi ket taliawem dagiti tattao a mangbigbig kenka gapu
ken Cristo nga Apomi. Amen.
48
DOMINGO RAMOS: PANAGTUTUOK TI APO (C)
Intay kumararag iti Dios nga Amatayo ket italektayo kenkuana dagiti
agsagsagaba. Iti tunggal panggep, isungbattayo:
-Agpaay iti sangalubongan tapno mabigbig koma amin a tao ni Cristo a
mangisalakan babaen ti ipapatay ken panagungarna. Kumararagtayo
iti Apo.
-Agpaay kadagiti managbasol tapno kas ken San Pedro pagbabawianda
koma dagiti nagbasolanda ket maawatda ti pammakawan ti Dios.
-Agpaay kadagiti kakabsattayo a sibabalud tapno kas ken ni Barabbas
mapasublida koma ti wayawayada ket agbalinda a nasayaat a kameng
ti gimong. Kumararagtayo iti Apo.
-Para kadagiti mangiturturong ti pagiliantayo tapno saan a kas ken ni
Pilato agbalinda koma a modelo babaen ti panagserbida iti kinalinteg
ken kinapudno. Kumararagtay iti Apo.
-Para kadagiti tattao a nasentensiaan ti pannakabitay tapno kas iti
nagbabawi a mannanakaw alaento koma ni Apo Jesus ida iti pagarianna.
Kumararagtay iti Apo.
-Para kadatayo, intay koma awaten a sipapakumbaba dagiti krustayo
ket sumurottayo ken ni Apo Jesus.
Ama, palag-anen koma ti panagtutuok ken ipapatay ti Anakmo ti

panagrigrigat dagiti agsagsagaba ket agturongda kenka gapu met
laeng ken ni Apo Jesus a Cristo. Amen.
49
MISA TI NASANTOAN A CRISMA
Ni Apo Jesus ti mangdutok kadagiti agserbi iti lglesiana tapno
maiwaragawag ti ebanghelio, agbalin nga adalan dagiti amin a tao ken
mabuniaganda. Agkamangtay ngarud ken ni Apo Jesus ti pannaripatona
kadagiti agserserbi iti Iglesiatayo ket kunatayo:
Apo Jesus salaknibam dagiti agserserbi iti lglesiam.
-Agpaay kadagiti obispo a mangimatmaton kadagiti diosesis
nangruna ken ni N., nga obispotayo. Ipasnekda koma nga itrabaho
ti panagkaykaysa iti diosesida babaen ti nainsiriban a panangimaton
ken naamaan a pannaripato. Kumararagtayo.
-Agpaay kadagiti amin a papadi nangruna kadagiti kura paroko. Kas
pastor a mangukod ti arban mapudnoanda koma ti agserbi babaen ti
modelo ti Naimbag a Pastor. Kumararagtayo.
-Agpaay kadagiti diakono. Kas agserbi iti Sao ti Dios ken dagiti aramid
ti ayat, masamayda koma iti balikas nga ikasabada tapno aganninaw
ti ayat iti panagbiagda. Kumararagtayo.
-Agpaay kadagiti nangaklon iti biag ti kinarelihioso. Mapudnoanda
koma ti agbiag babaen ti pagpatulad dagiti immuna a Cristiano iti Libro
ti Aramid dagiti Apostoles. Kumararagtayo.
-Agpaay kadagiti nagserserbi ti pannakaiwaragawag ti ebanghelio a
natayen. Maragpatda koman ti agnanayon a kinaragsak kas gungona
ti panagserbida iti Balikas ti Dios. Kumararagtayo.
Apomi a Jesucristo, kas iti pannakalanam ken panangdutok kenka ti

Ama a mangiwaragawag ti Naimbag a Damag ti panagayatna kadakami
nangdutokka met ti mangtaginayon iti misionmo ditoy daga. Denggem
dagiti dawatmi ket pagtalinaedem dagiti agserserbi iti ebanghelico iti
ayatmo. Amen.
50
MISA TI PANGRABII TI APO (HUEBES SANTO)
Agdawattay iti Amatayo a Nailangitan a nangted ken ni Apo Jesus
kadatayo nga agbalin a daton babaen ti ipapatay ken panagungarna.
Kunatayo iti tunggal panggep:
-Agpaay kadagiti amin a naordenan nga agserbi iti Simbaantayo.
Mapudnoanda koma dagiti karida idi naordenanda. Kumararagtayo iti
Apo.
-Agpaay kadagiti gobierno a saan a mangbigbig ti wayawaya ti
relihion tapno respetarenda daytoy nasken a kalintegan dagiti tattao.
-Agpaay kadagiti agsagsagaba a Cristiano gapu iti pannakaitugtuggod
ti pammatida. Maawatda koma ti pammati, namnama ken ayat nga
itden ti eukaristia. Kumararagtayo iti Apo
-Agpaay kadagiti padi a mapukpukawan iti namnama gapu kadagiti
parikut ti biag. Maited koma kadakuada ti anag ti bokasionda ken
ti pammati a saan a baybay-an ti Apo dagiti agserbi kenkuana.
-Agpaay kadatayo nga adda ditoy ita. Agbalintayo koma met a eukaristia
- kas tinapay a mapisi tapno maiburay. Kumararagtayo iti Apo.
Dios nga Amami, intedmo ni Apo Jesus kadakami tapno mapisi ket
maidaton a kasukat dagiti basbasolmi. Pagbalinennakam a eukaristia
a maipaay iti sabali tapno kanayon a maidaydayaw ti naganmo ita ken
iti agnanayon. Amen.
51
VIGILIA TI PANAGUNGAR
Daytoy ti nadaeg a rabii, ti rabii dagiti amin a rabii a panangpasungadtayo
ti nagloriaan a panagungar ni Apo Jesus. Agdawattayo iti Amatayo a
Nailangitan ti panangpatibkerna ti pammatitayo a nairamut iti Nagungar
nga Apo. Kunatayo iti tunggal panggep:
Apo, pagtaengem ti Anakmo kadakami.
-Naisaknap ti simbaan iti sangalubongan babaen ti mensahe ti
panagungar ni Apo Jesus. Maituloy koma a maikasaba daytoy Naimbag
a Damag ket dumanon iti amin a suli ti lubong. Kumararagtayo.
-Inturong ti Espiritu Santo dagiti apostoles iti panangikasabada iti
nagungar nga Apo. Iturong koma met ti espiritu dagiti misionero iti
panangirakurakda ti Naimbag a Damag. Kumararagtayo.
-Inawat dagiti nabuniagan ti pammati a nairamut iti nagungar nga Apo.
Maibiag koma ti pammati kadatayo amin a nabuniagan babaen ti sao
ken aramidtayo. Kumararagtayo.
-Agpaay kadagiti saan pay a mamati ken Cristo. Silawan koma ida ti
Espiritu Santo tapno aklonenda ni Apo Jesus iti biagda ket awatenda
nga isu ti Apo a mangisalakan. Kumararagtayo.
-Agpaay kadagiti Judio isuda nga immuna a nangipakaammoan ti Dios
ti kinasiasinona. Maragpatda koma ti kalkalikagumanda a talinaay
ti biag babaen ti mataginayon a kappia iti aglawlaw ti pagilianda.
Kumararagtayo.
Amami a Nailangitan, pinagasatnakami babaen ti ipapatay ken

panagungar ti Anakmo. Pinarmekna ti patay ket insublina ti biag
kadakami ket maikarikam manen iti ayatmo ita ken iti agnanayon nga
awan inggana. Amen.
52
DOMINGO A PANAGUNGAR TI APO (1)
Jesus a Cristo nga Apomi, pinarmekmo ti patay babaen panagungarmo
iti baro a biag. Tarabayennakami a mangidaton kadagiti panggepmi
iti Ama bayat panangaklonmi kadagiti panagtuok a paset ti biag, ket
agragsakkami iti grasiam, babaen ti panagungarmi kenka iti baro a
biag. Iti tunggal panggep, kunatayo:
Nagungar nga Apo, denggennakami.
-Agpaay kadagiti amin nga agtrabtrabaho iti simbaan: ti Santo Papa,
dagiti obispo, papadi, relihioso ken dagiti dadaulo a laygo tapno
itultuloyda koma ti mangpabaro ti gagarda kas misionero a mangted ti
baro a biag iti amin a tao. Kumararagtayo iti Apo.
-Agpaay kadagiti agserserbi iti publiko tapno saksianda ti pagarian ti
Dios babaen ti panagserbida kadagiti amin a tattao saan ketdi a dagiti
bukodda nga interes. Kumararagtayo iti Apo.
-Agpaay kadagiti makasapul nangruna dagiti awanan trabaho, dagiti
nadidigra ken maitugtuggod tapno papigsaen koma ida ti panagungar
ni Cristo. Kumararagtayo iti Apo.
-Agpaay iti gimongtayo tapno mapadakkeltayo koma dagiti ganuattayo
ti biag ket mapaadda ti napudpudno a kappia ken panagkaykaysa nga
insuro kadatayo ni Cristo. Kumararagtayo iti Apo.
-Agpaay kadagiti nagtallikud iti Dios ken nangbaybay-a ti, pammatida
tapno ikkan ida ti kinaragsak ti panagungar ti baro a panangrugi, mariing
ti pammatida ket mabalbaliwan ti puso ken nakemda ket mapabaro ti
pannakigayyemda iti Dios. Kumararagtayo iti Apo.
Cristo a pụon ti biagmi, babaen ti panagbuniagmi naitanemkami ngem

nakipagungarkami kenka iti baro a biag. Tulongannakami tapno ad-
adda ti pannakaawatmi ti kaipapanan ti ipapatay ken panagungarmo
ket isuronakami a mangpanunot kadagitoy iti panagbiagmi. Amen.
53
Apo Jesus a Cristo, imbukbukmo ti daram iti krus ket nagungarka iti
tanem tapno ispalem ti tao iti basol ket agbiag a maikari iti Pagariam.
Denggem ngarud dagiti tattaom a makasapul ti mangpapigsa ti
pammatida. Tunggal panggep, kumararagtayo:
Apo, parsuaem ti baro nga espiritu kadakami.
-Agpaay iti Simbaan tapno agtultuloy ti pannakaummong ti arbanna ket
mapapigsa ti pammati ken pannakaiturong ti inaldaw a panagbiagda.
Kumararagtayo.
-Agpaay kadagiti mangitururong ti gobierno nasional ken lokal tapno
maikkanda iti grasia a mangibaklay iti takem nga intalek kadakuada
ti Dios ket sarakenda ti pagsayaatan ti kaaduan saan ket a dagiti
bukodda a pagnam-ayan. Kumararagtayo.
-Agpaay kadagiti napanglaw ken agsagsagaba tapno ti koma nagungar
nga Apo ti kanayon a salaknib ken mangwayawaya kadakuada,
ket dida mapukaw ti namnama ken tured iti kaasi ken kinalintegna.
Kumararagtayo.
-Agpaay iti lubongtayo tapno maragpattay koma kappia ken talna
babaen ti pannakikaysatayo iti panagtutuok, ipapatay ken panagungar
ti Apo. Kumararagtayo.
-Agpaay kadagiti kakabsattayo a simiasi ti pammatida tapno
masarakanda ti Kinapudno ket maiturongda a mangtakuat iti
napudpudno a simbaan. Kumararagtayo
-Agpaay kadagiti Filipino a trabahador iti ballasiw taaw tapno
agbalinda a saksi ti nacristianoan a pammati kadagiti pagtrabahoanda.
Apo Jesus a Cristo, inyawatmo ti bagim nga agsagaba ken matay gapu
iti napalaus nga ayatmo kadakami. Agtultuloy koma ti panagbiagmi
kenka bayat ti pannakaamirismi a dagiti rigatmi isuda ti gubbuayan ti
biag. Amen.
54
Kakabsat, kumararagtayo iti Dios nga Amatayo a gapu iti ayatna
nagraniag nga agsapa kadatayo babaen ti panagungar ni Apo Jesus
a Cristo. Iti panagdaliasattayo a mamagbalin a nabunga ti kaadda ti
nagungar nga Apo iti baettayo agdawattayo iti kired iti amatayo sadi
langit ket kunatayo:
-Agpaay kadagiti pastor dagiti tattao ti Dios tapno saanda a baybay-
an ti akemda a mangiturong kadagiti naitalek kadakuada ken tapno
makitinnulong dagiti mamati ti pannakairakurak ti Naimbag a Damag.
Kumararagtayo.
-Agpaay kadagiti opisial ti gobiernotayo tapno aramiden ti Dios ida
a napasnek ken napudno a mangipatungpal kadagiti annongda ket
itrabahoda ti sapasap a pagimbagan tapno maragpat ti napudpudno a
panagprogreso. Kumararagtayo.
-Agpaay kadagiti amin a Cristiano a nagbaawen ti pammatina tapno
manggegda ti naalumamay a timek ni Apo Jesus a mangaw-awis ti
panagungarda iti nabarayuboy a panagbiag. Kumararagtayo.
-Agpaay kadagiti nagannak, mangisursuro, ken katekista tapno
agbalinda koma nga instrumento ti Dios a mangitukit iti bukel ti
kinapudno, kinaimbag ken ayat iti lubong. Kumararagtayo.
-Agpaay kadagiti natayen tapno makiranudda iti panagungar ti Cristo
ket makilanglangdan iti nailangitan a padaya a naisagana para
Nailangitan nga Ama, kinonsagraram ti lubongmi babaen ti

panangibaonmo ti Anakmo iti baetmi, ken ti panangawatmo ti sakripisio
nga indatonna kenka. Dawatenmi ket paraburannakam iti tured ken
bileg a kasapulanmi a makiranud iti daytoy makaisalakan a trabaho.
Amen.
55
MAIKADUA A DOMINGO TI PANAGUNGAR (A)
Nailangitan nga Ama, sika ti gubbuayan ken kired ti pammatimi.
Babaen dagiti panagparang ni Apo Jesus kadagiti adalan kalpasan ti
panagungarna, pinasingkedam ti pammatimi. Agkamangkam ngarud ita
kenka a mangidatag kadagiti kararagmi ken dumawat iti bendisionmo kas
iti panangbendision ni Cristo kadagiti adalanna. Kunatayo a pagsungbat:
Apo a Diosmi, denggennakam kadi.
-Kas ti panangiturungmo iti pammati ni Tomas a nagduadua, dawatenmi ti
panangiturongmo ken Santo Papa N., dagiti obispo, papadi ken relihioso
tapno matakderanda ti pammatida ket maisuroda daytoy a pammati
kadagiti tattaom iti amin a pigsa ken kinapudno nga awanan mulit ti
panagduada. Kumararagtayo.
-Inkablaaw ni Apo Jesus ti kappia ken talna kadagiti adalanna. Iti
baet dagiti riribuk iti pagilianmi, silawam ken pakirdem dagiti opisial ti
gobiernomi tapno dida agpatingga a mangbirok ti panagari ti kappia.
Kumararagtayo.
-Kas ti panangsang-awmo iti Espiritu Santo kadagiti adalan kalpasan nga
inawatda ti misionda, patgam a dakami nga adda ditoy ita kanayonnakami
nga iturong iti isu met la nga espiritu tapno kas agbanbaniaga a gimong
agbiagkami kas insurom ket napaspasnekkami a saksi ti padami a tao iti
panagsublimi kenka. Kumararagtayo.
-Imbaonmo dagiti adalam a mangiwaragawag ti Naimbag a Damag iti
amin a suli ti lubong, babaen kadagiti missionero mabigbig koma dagiti
saan pay a mamati kenka ti pudno a kaipapanan ti biag ket agrukbabda
iti napaypayso a Dios. Kumararagtayo.
-Imbagam nga iti pannamatimi, addanto biagmi iti naganmo.
Idawdawatanmi met dagiti pimmusayen a kakabsatmi a sipapati ken Apo
Jesus a Cristo, tapno babaen ti pammati ken nasayaat nga aramidda,
makiranudda koman iti kari ni Apo Jesus babaen ti panagungarna.
Kumararagtayo.
Dios nga Amami, mamatikami a kanayon a napudnoka kadagiti tattaom.

Tulongannakam a mangpadur-as ti kinasantomi babaen ti panagtultuloy
ti pammatimi. Dawatenmi daytoy babaen ken Jesus a Cristo nga Anakmo
ken Apomi. Amen.
56
MAIKADUA A DOMINGO TI PANAGUNGAR (B)
Nailangitan nga Ama, babaen ti ayatmo inkabilmo ti tao ditoy lubong
tapno makiranud iti ragsak ti pagariam ket inikkam iti pammati nga
isu ti pondasion ti pannakilangenna kenka. Napnoan talek, ikamangmi
kenka dagiti kasapulanmi iti inaldaw a panagbiagmi ket kunami:
Apo, dinakam kad pagduaduaen ti pammatimi.
-Gubbuayan ti pammatimi, ikkam ti agtultuloy a pasnek ken anep
dagiti mangiturturong ti Simbaan a mangitrabaho ti pannakaisaknap iti
pagariam. Kumararagtayo.
-Idawdawatantayo dagiti nabutosan nga opisial ti gobierno tapno
mapudnoanda nga ipatungpal dagiti inkarida kadagiti tattao ken ti
pagilian sakbay a nabutosanda. Kumararagtayo.
-Agpaay kadatayo a nagtitipon ita tapno ditay koma mabaybay-an ti
pammatitayo ket agbalintayo a napasnek ken napudno a Cristiano iti
baet dagiti pakasikoran ti lubong. Kumararagtayo.
-Idawdawatantayo dagiti agngangabit ken patay tapno babaenti
panagsagabada ken iti nakaro a pannakasuot ti pammatida saanda
koma nga umannugot iti solisog ket italekda ti aminda ken ni Apo
Jesus. Kumararagtayo.
-Ikararagantayo dagiti napanglaw, maidadanes, dagiti awanan gaway
tapno kas kadagiti immuna nga adalan ken immuna a Cristiano a
nagsagaba ngem sititibkerda a nangtakder iti pammatida adda koma me
kadakuada ti tured a mangtakder iti pammatida iti baet ti panagsagaba
Kumararagtayo.
Mannakabalin a Dios, adda kenka ti bileg ken ayat a mangsungbat

kadagitoy a dawat dagiti tattaom. Sika ti namnamami a tumulong
kadakami iti pannakirangetmi kadagiti dakes iti lubong. Denggem
dagiti kararagmi a napnoan pammati nga italekmi kenka gapu ken
Cristo nga Apomi. Amen.
57
MAIKADUA A DOMINGO TI PANAGUNGAR (C)
Ama ken Apo dagiti mamati, adu ti nakaskasdaaw nga inaramid dagiti
adalan babaen ti panangasaba ken panangagasda. Naaramidda
dagitoy saan a gapu iti bukodda a sirib ken kabaelan ngem gapu iti
naisangsangayan a sagutmo. Italekmi kenka dagiti panggepmi ta sika
ti gubbuayan ti aminmi. Kunatayo a pagsungbat:
-Idawdawatanmi dagiti apostol ken adalan iti agdama a panawen
tapno kanayon nga iturongda ti imatangda iti awis ti Espiritu Santo
iti misionda a mangbalbaliw kadagiti tattao, Cristiano ken saan, tapno
agbalin ti Simbaan a sibibiag a simbolo ni Cristo. Kumararagtayo.
-Impaltiing kadakami ni Apostol San Juan no kasano ti panagibturna
kadagiti rigat iti lubong iti panangiwaragawagna ti pagarian. Ikkam ti
anus dagiti mangidadaulo ti pagilianmi tapno kanayon a sipupudnoda a
mangtungpal kadagiti ganuatda iti baet ti panagsagaba ken kinadakes
ditoy lubong. Kumararagtayo.
-Mamatikami kas kadagiti immuna a naallukoy iti nacristianianoan a
pammati gapu kadagiti milagro ken bileg ti Saom. Patgam a silulukat
dagiti mamati iti tadem dagiti Saom tapno makapudnoda nga adipenmo.
Kumararagtayo.
-Ikararaganmi met dagiti makasapul iti tulong a kakabsatmi tapno
babaen ti naparabur a puso dagiti addaan mairanudda koma met ti
kinabaknang ti nakaparsuaan ket ikalikagumda ti agtrabaho para iti
panagbiagda iti kasta maragpattayo ti ar-arapaapentayo a gimong
dagiti adalan. Kumararagtayo.
-Patgam ti kinaragsak iti nailangitan a pagariam dagiti pimmusayen
a kakabsatmi kas inkari ni Apo Jesus kadagiti mamati kenkuana.
Kumararagtayo.
O Dios, kas iti panangtrabahom kadagiti nakaskasdaaw a banag babaen

dagiti apostoles tapno mairakurak ti mensahe ti pagariam patgam dagiti
dawatmi ken dagiti kasapulan ti Iglesiam. Dawatenmi dagitoy babaen
ken Apomi a Jesus a Cristo nga Anakmo a makipagbiag ken makipagari
kenka ken iti Espiritu Santo, maymaysa a Dios iti agnanayon. Amen.
58
MAIKATLO A DOMINGO TI PANAGUNGAR (A)
Gapu ti napasnek a pammatitayo iti pannakaisalakantayo babaen
ti panagungar ti Cristo, pagkaykaysaennatayo dagiti pusotayo
a mangidatag iti Apo kadagiti kararagtayo nga agpaay kadagiti
kasapulantayo iti daytoy a biag ken ti namnamatayo nga agungartayto
mot inton kamaudianan nga aldaw.Tunggal kararag, kunatayo:
Apo, patgam kad dagiti dawatmi.
-Para ti Simbaantayo tapno itrabahona koma ti pannakaipaduyakyak
ni Cristo a nagungar ken kas Dios ti sangalubongan nga agpaay iti
amin a tao. Dawatenmi kenka.
-Para kadagiti amin a gobierno iti lubong nangruna ti pagiliantayo tapno
saanda koma a kabuteng ti agbiag iti sidong ti kinapudno nangruna ti
pannakaitrabaho ti pagsayaatan ti amin. Dawatenmi kenka.
-Para kadagiti maaw-awanan namnama ken agrigrigat ditoy a biag
tapno makatumpongda koma kadagiti makipagrikna a mangsaranay
kadakuada. Dawatenmi kenka.
-Para kadatayo amin nga adda ditoy ita tapno mapabarotayo a
kankanayon ti panagbiagtayo iti Espiritu ken dumegdeg ti panagayat
ken kappia iti baettayo. Dawatenmi kenka.
-Para kadagiti kakabsattayo a pimmusayen ditoy a biag tapno
mairanudda koma met iti nagloriaan a panagungar ni Cristo. Dawatenmi
kenka.
Mannakabalin nga Ama, gapu ti ipapatay ti Anakmo, inikkannakami

ti namnama ti agnanayon a biag. Ipaaymo kadakami babaen ti
panagungarna a magun-odmi dayta a biag nga inkam kalkalikaguman
unay. Gapu ken Cristo nga Apomi. Amen.
59
MAIKATLO A DOMINGO TI PANAGUNGAR (B)
Kakabsat, intay kumararag ken ni nagungar a Cristo tapno degdeganna
koma ti pammatitayo kenkuana ket ikkannatayo iti tured nga agpaay a
saksina. Tunggal panggep, kunatayo:
Ari ti gloria, denggennakam kadi.
-Idawdawatantayo ti entero nga Iglesia a naisaknap iti sangalubongan.
Mamalbaliw koma ti langana babaen ti kinaragsak nga ipaay ti
pammatina iti panagungar. Kumararagtayo iti Apo.
-Tapno mapakired koma ti Santo Papa, dagiti obispo ken dagiti
papaditayo iti panagserbida iti naespirituan a kasapulantayo.
-Idawdawatantayo dagiti marigrigat tapno masarakanda koma ni Cristo
kadagiti mangtartaripato kadakuada iti nainkabsatan a panagayat.
-Maaddaantay koma ti natibker a pammati ken kinapasnek nga agserbi
iti pagimbagan ti padatay a tao. Kumararagtayo iti Apo.
-Agbiagtay koma nga agiinnayat. Masursurotayo koma a kas kadagidi
immuna a Cristiano ti agririnnanud kadagiti imbag ken kasapulantayo.
Apomi a Jesus a Cristo, pagturayem koma ti ayat iti sidongmi ket

siaammokam koma iti kaaddam iti inaldaw a panagbiagmi. Ipakita
koma ti biagmi nga addaka kadakami. Dawatenmi dagitoy iti naganmo
ta makipagturayka iti Ama ken ti Espiritụ Santo iti agnanayon. Amen.
60
MAIKATLO A DOMINGO TI PANAGUNGAR (C)
Kakabsat, no awan ti napudno a panagayat, awan met ti kaes-
eskan ti panagbiag. Intay kumararag iti Dios tapno inna koma iburay
ti napaypayso a nacristianoan a panagayat kadagiti pusotayo dagiti
amin a tattao. Kalpasan ti tunggal panggep, kunatayo:
Apo, denggem dagiti dawatmi.
-Kinuna ni Apo Jesus a mailasinto dagiti pasurotna babaen ti
nacristianoan a panagiinnayatda. Idawdawatantayo ti intero nga Iglesia
tapno agraniag koma babaen iti baro a bilin ni Cristo. Kumararagtayo
iti Аро.
-Para kadagiti adda iti turay tapno didanto koma ibilang dagiti
bagbagida a kas nabileg nga appo no di ket napakumbaba nga adipen.
-Idawdawatantayo dagiti bagbagitayo tapno masursurotay koma
nga aramiden ti bilin ni Cristo: Ayatentayo dagiti kabusortayo ken
idawdawatantayo dagiti mangirurumen kadatayo. Kumararagtayo iti
Apo.
-Idawdawatantayo nga ad-adu koma dagiti tattao nga ayaban ti Dios a
mangipakita iti ayat ken pammategna kadagiti saan pay a nakarikna iti
nakristianoan a panagayat. Kumararagtayo iti Apo.
-Idawdawatantayo met dagiti bagbagitayo tapno agbalintay koma
a napaypayso a pannakabagi ni Cristo babaen ti nakristianoan a
panagiinnayattayo. Kumararagtayo iti Apo.
Ama, tulongannakam kadi babaen ti grasiam tapno iti pakasarakanmi

ti gura, imulami ti ayat; iti ayan ti unget imulami ti kinaanus; iti kinaawan
ti namnama imulami ti kinatured. Dawatenmi daytoy babaen kenkuana
a nagkuna: “Agiinnayatkayo a kas iti panagayatko kadakayo.” Amen.
61
MAIKAPAT A DOMINGO TI PANAGUNGAR (A)
Kakabsat ken Cristo, agkamangtayo iti Apotayo, isu a natay ngem
nagungar gapu iti ayatna kadatayo ket idatagtayo dagiti kasapulantayo
kenkuana ket dawatentayo nga iburayna ti Espirituna kadatayo tapno
maikaritayo a makipagbiag iti nailangitan a pagarianna. Iti tunggal
kararag, kunatayo:
-Idawdawatanmi dagiti amin a tattao a nangiyawatam iti responsibilidad
a mangaywan kadagiti karnerom, nangruna ken ni N. a santo papami,
dagiti obispo ken papadi tapno maikkanda koma ti naan-anay a pigsa
a mangiwaragawag ken mangsalimetmet ti Naimbag a Damag kadagiti
karnerom. Dawatenmi kenka Apo.
-Idawdawatanmi dagiti amin a nasion ken dagiti mangidadaulo
kadakuada, nangruna ti pagilianmi tapno magun-odmi koma ti kappia,
panagkaykaysa ken panagdur-as ti ekonomia. Dawatenmi kenka Apo.
-Idawdawatanmi dagiti kakabsatmi a maidadanes gapu ti kinaawan asi
dagiti dadduma a kakabsatmi tapno mapatibker koma ti panagtalek
ken panamatida ken ni Apotayo a Jesus a Cristo. Dawatenmi kenka
Apo.
-Idawdawatanmi dagiti kakabsatmi a pimmusayen ta sapay koma ta
makipagungardanto met ken ni Cristo nga Apotayo ket makipagyanda
iti gloriana. Dawatenmi kenka Apo.
-Idawdawatanmi daytoy a gimong tapno maipakitami ti ayatmi iti
padami a tao babaen ti panagtitinnulong ken panagsisinnaranaymi iti
maysa ken maysa. Dawatenmi kenka Apo
O Apomi a Jesucristo, a gubbuayan ti amin a kaasi ken ayat, timudem

kad dagiti naimpusoan nga un-unnoymi ket sapay koma ta babaen ti
panangpaksiatmo ken ni patay mapaksiatmi met dagiti kinadakes iti
pusomi. Dawatenmi dagitoy iti naganmo, Apomi ken salakanmi. Amen.
62
MAIKAPAT A DOMINGO TI PANAGUNGAR (B)
Amami a nailangitan, sika ti nangpagungar ken ni Jesus a Cristo nga
Apomi ket sikanto met la ti mangpagungar kadakami. Napnoankami
ti panagtalek nga agkamang ken umararaw kenka agpaay kadagiti
kasapulanmi iti daytoy a biag. Tunggal panggep kunatayo:
Apo, ipangagmo kad dagiti kasapulanmi..
-Agpaay ken ni N., a santo papami, dagiti obispo ken papadi tapno
maaddaanda ti naan-anay a kired ken inspirasion a mangiwaras ti lawag
ti ebanghelio ditoy lubong nangruna dagiti lugar a di pay naanninagan
ti raniagna. Dawatenmi kenka.
-Agpaay kadagiti agtuturay iti pagilianmi tapno babaen iti panangipakitam
ti ayatmo kadakami, matignay koma dagiti pusoda ket ibingayda
koma met daytoy nga ayat babaen iti panagbalinda a pagulidanan ti
kinapudno ken kinalinteg. Dawatenmi kenka.
-Agpaay kadagiti kakabsatmi a nangsurot iti sabali a dana tapno
malawagan dagiti nakullaapan a panunot ken pusoda ket agsublida iti
sidong ti lawag ken kinapudno. Dawatenmi kenka.
-Agpaay kadagiti kakabsatmi a naparaburan iti sanikua tapno matignay
koma ti pusoda ket aramatenda dagita a sanikua nga agserbi kadagiti
kakabsatmi a makasapul. Dawatenmi kenka.
-Agpaay iti daytoy a gimong tapno mapatibker koma a patinayon ti
pammati ken panagtalekmi ken ni Jesus a Cristo nga Apomi ket
makikaysakamto kenkuana iti gloriana. Dawatenmi kenka.
Apo, dagitoy ti sumagmamano laeng a maiyebkasmi kenka a

kasapulanmi. Dawatenmi ti panangngaasim kadakami ket maikarikamto
koma a makipagbiag dita nailangitan a pagariam. Dawatenmi dagitoy
iti nagan ni Cristo nga Apomi ken Anakmo. Amen.
63
MAIKAPAT A DOMINGO TI PANAGUNGAR (C)
Kakabsat sipapakumbabatayo nga agdawat iti tulong ken kaasi ti
Dios nga Amatayo tapno babaen ti panagungar ni Jesus a Cristo
nga Apotayo maikkantayo koma iti naan-anay a kired a mangsango
kadagiti pannubok a sumangbay iti biagtayo nga agturong iti gloria.
Tunggal panggep, kunatayo:
-Apo, ipaaymo kad ti grasiam ken ni Santo Papami, dagiti obispo,
papadi ken amin a mangitrabtrabaho ti pannakaiwaragawag ti Naimbag
a Damag tapno malisianda ti aniaman a sulisog a manglapped ti
pannakaisaknap ti ebangheliom. Kumararagtayo.
-Apo, ipaaymo kad ti naan-anay a tured ken pigsa kadagiti mangidadaulo
iti pagilianmi a mangsango kadagiti agsasallupang a pannubok iti
pagilianmi ket magun-odmi koma metten ti kappia ken panagkaykaysa
ti pagilianmi. Kumararagtayo.
-Apo, ipaaymo kad ti nalawlawag a panunot kadagiti kakabsatmi a
naigamer iti maiparit nga agas, dagiti mangisaksaknap iti aborsion,
dagiti kidnaper ken dadduma pay nga agar-aramid iti ania man a kita
ti krimen tapno maamirisda koma dagiti dakes nga ar-aramidenda ket
agsublida iti sidongmo. Kumararagtayo.
-Apo, ipaaymo kad ti panaginana kadagiti kakabsatmi a pimmusayen,
ket sapay koma ta makikaduadanto met iti gloriam inton umay ti tiempo.
Kumararagtayo.
-Apo, ipaaymo met ti Espiritum kadakami nga adda ditoy ita tapno ti
ayat ken panangpakawan ti mangrimbaw kadagiti namulitan a pusomi.
Kumararagtayo.
O Dios ken Apomi, agtalekkami kenka ket ammomi nga addaka latta
nga agnanayon iti sidongmi, ipangagmo kad dagitoy dawatmi ket
aywanannakami iti amin a kanito ti panagbiagmi. Dawatenmi daytoy iti
nagan ni Jesus a Cristo nga Anakmo ken Apomi. Amen.
64
MAIKALIMA A DOMINGO TI PANAGUNGAR (A)
Kakabsat iti Apo, saantay komà a mariribukan iti adu a banag. Intay ita
yebkas ti panagtalektayo iti Dios bayat ti panangidatontayo kadagiti
kasapulan ken panggeptayo ket kunatayo:
Apo, denggem ket paraburam ti kararag dagiti tattaom.
-Ikararagantayo ni N. a Santo Papatayo, dagiti obispo ken papadi,
tapno iti panangsaksida ti ebanghelio ni Cristo, yanninawda ti ayat
ken pannaripato ni Cristo ket ipakitada ti Ama kadagiti amin a tattao a
naitalek kadakuada. Kumararagtayo.
-Ikararagantayo dagiti mangidadaulo ti gobierno, nasional ken lokal,
tapno kabayatan ti panagtakemda idauloanda koma dagiti tattao iti
panagdur-as ti ekonomia ken ti pannakapasubli ti moralidad tapno
mapno iti kinapudno ken kinalinteg ti puso ti kaaduan. Kumararagtayo.
-Ikararagantayo dagiti makasapul iti tulong: dagiti masakit, napanglaw,
agladladingit, nabaybay-an, ulila ken awanan pagtaengan tapno
babaen ti panagungar ni Cristo, mapapigsa ti pammatida iti Dios iti baet
dagiti tuokda ket agtalinaed a sisesegged iti pusoda ti namnamada iti
napinpintas a lubong iti maudi a yaay ti Apo. Kumararagtayo.
-Ikararagantayo ti gimongtayo ken dagiti bagbagitayo, tapno maawattayo
ti baro a kired ken tured ti panagungar ni Apo Jesus iti panangituloytayo
ti mision ni Cristo ditoy lubong, ti mangiparangarang iti Ama kadagiti
saan pay a makaam-ammo kenkuana babaen ti ayattayo kadakuada.
Kumararagtayo.
-Ikararagantayo dagiti minataytayo tapno babaen ti panagungar ni
Apo Jesus, maragpatda koman ti ninamnamada a pannakiranud iti
agnanayon a pagtaengan ti Dios. Kumararagtayo.
Nailangitan nga Ama, kinayatmo a mailansa ti Anakmo iti krus ket

matay. Ngem kas maitutop iti agnanayon a planom, pinagungarmo
met laeng. Taginayonennakam koma ti panagungar ti Anakmo a
mangnamnama kadagiti balikasmo. Denggem ngarud dagiti kararagmi
bayat panangitultuloymi a mangidaydayaw iti naganmo, iti agnanayon
65
MAIKALIMA A DOMINGO TI PANAGUNGAR (B)
Agkararagtayo iti nailangitan nga Amatayo a paggapuan ti amin a
banag. Isu ti puon ket no maisiasitayo kenkuana, awan maaramidtayo.
Itag-aytayo dagiti timektayo a mangipeksa kadagiti panggeptayo ket
kunatayo a pagsungbat:
Agdawatkam kenka, Apo, denggennakami.
-Agpaay iti Simbaan ken dagiti mangidadaulo kenkuana: ti Santo Papa,
dagiti obispo ken papadi, tapno iti misionda a mangpastor iti arban ni
nagungar a Cristo, agtalinaedda iti napudpudno a puon ket kanayon
a napudnoda kadagiti napateg iti ebanghelio. Kumararagtayo iti Apo.
-Agpaay kadagiti mangidadaulo kadagiti nasion iti sangalubongan,
nangruna iti pagiliantayo tapno idaydayawda ti Dios ti panangitrabahoda
iti kappia, panagkaykaysa, kinalinteg, ayat ken panagserbi iti amin a
tattao. Kumararagtayo iti Apo.
-Agpaay kadagiti tattao a nakapukawen ti namnama ken panagtalekda
iti Apo, tapno babaen ti panagungar ni Apo-Jesus, ti Anak ti Dios,
mapasublida koma ti panagtalekda iti Dios ket saanda a maisina iti
daytoy mangted biag a puon. Kumararagtayo iti Apo.
-Agpaay iti nakristianoan a gimongtayo, tapno babaen ti panagungar ni
Cristo, mapaseggedtayo koma ti nakristianoan a misiontayo iti biag ket
mapabarotayo dagiti inkarkaritayo idi nabuniagantayo. Kumararagtayo
iti Apo.
-Agpaay kadagiti pimmusayen a kakabsattayo a nangnamnama iti
agnanayon a panaginana, tapno maragpatdan ti pannakipagragragsakda
iti Dios sadi langit kas bunga ti panagungar ti Apo. Kumararagtayo iti
Apo.
Dios ti bileg ken pannakabalin, ragsak ken liwliwa dagiti awanan

namnama ken gaway. Dimo ipalubos a maisinakam kenka, pudno a
puon. Denggem ken patgam dagiti dawatmi bayat ti panangituloymi
nga agbiag ken mangsaksi ken ni nagungar a Cristo, ta isu ti Apo iti
agnanayon nga awan inggana. Amen.
66
MAIKALIMA A DOMINGO TI PANAGUNGAR (C)
Kakabsat, natungpal ti panangisalakan ti Dios kadatayo babaen
ti panagungar ni Cristo kadagiti natay ket naigloria. Napnoan talek,
sipapakumbabatayo ita nga agdawat iti Dios a denggenna dagiti
dawatentayo ket kunatayo a pagsungbat:
Denggennakami, Apo, agdawatkam kenka.
-Ikararagantayo ti Santa Ina nga Simbaan, tapno paraburan ti nagungar
nga Apo ti naan-anay a kinapudno ken kinapasnek iti panangituloyna ti
mision nga inted ni Cristo kenkuana nga agpaay ti pakaidaydayawan
ti ebanghelio. Kumararagtayo.
-Ikararagantayo dagiti agig-iggem iti rienda ti turay tapno ti nagungar
a Cristo, ti Anak ti Tao, agbalin a sentro ti panagserbida para iti
pagsayaatan ken salaknib dagiti tattao. Kumararagtayo.
-Ikararagantayo dagiti amin a tattao nga agsagsagaba iti ania man
a kita ti sakit, pisikal wenno espiritual, tapno babaen daytoy tiempo
ti Panagungar, masarakanda koma ti liwliwa ken pannakapaimbag ti
nagungar a Cristo. Kumararagtayo.
-Ikararagantayo ti nakristianoan a gimongtayo tapno iti intay
panangitultuloy iti panagbaniagatayo nga agturong itinailangitan a
pagarian ti nagungar a Cristo, maawistay koma met dagiti simiasin iti
napudpudno a pammati. Kumararagtayo.
-Ikararagantayo dagiti pimmusayen a kakabsattayo tapno babaen
til panagungar ni Cristo kadagiti natay masarakanda ti agnanayon a
panaginana ken liwliwa. Kumararagtayo.
Managayat nga Ama, kitaennakami nga annakmo a sipapakumbaba

nga umararaw kenka iti ayat. Tulongannakami kadagiti tiempo ti
pannakasubok ken pannakasapul. Itultuloy koma nga ited kadakami
ti espiritu ti nagungar a Cristo ti kired a sumango kadagiti rigat ti biag.
Dawatenmi amin dagitoy iti nagan ti Anakmo. Amen.
67
MAIKANEM A DOMINGO TI PANAGUNGAR (A)
Kakabsat, kumararagtayo iti Ama, nga isu ti nangted kadatayo ti sabali
a Mamagbaga - ti Espiritu ti Kinapudno, tapno agtaeng kadatayo iti
agnanayon. Iti tunggal kararag kunatayo:
Apo, ipangagmo kad ti Iglesiam
-Idawdawatantayo ti Santo Papa, dagiti amin nga obispo ken papadi
tapno ti Espiritu Santo ti mangted ti gagar ken inspirasionda nga
agtrabaho iti kaubasan ti Apo. Kumararagtayo.
-Idawdawatantayo dagiti mangidadaulo ti gobiernotayo tapno
malawlawagan koma ti panunotda ket maiturongda ti pagiliantayo iti
naan-anay a talna ken kappia. Kumararagtayo.
-Idawdawatantayo dagiti kakabsattayo a masaksakit, dagiti nakurapay
ken dagiti biktima ti nadumaduma a didigra ken pannakaidadanes
tapno iti baet dagitoy a sagsagabaenda natibker latta ti pammatida.
Kumararagtayo.
-Idawdawatantayo ti gimongtayo, tapno ipangpangruna ti tunggal
maysa kadatayo ti panagpipinnakawan, panagtitinnulong ken
panagkaykaysatayo. Kumararagtayo.
-Idawdawatantayo dagiti pimmusayen a kakabsattayo tapno
makiranuddan iti panagungar ni Apo Jesus ket makipagtaengdan iti
Pagarianna. Kumararagtayo.
Mannakabalin ken manangngaasi a Dios, pinarmekmo ti kinadakes ket

pinabarom ti amin babaen ken ni Cristo nga Anakmo isu a nangdawat
kenka iti Espiritu ti kinapudno. Pagtaengem kadakami ti Espiritu
tapno ti langit ken daga ibunannagda ti gloriam ken awan sardayna a
pammadayaw kenka. Daytoy ti dawatenmi gapu ken Cristo nga Apomi.
Amen.
68
MAIKANEM A DOMINGO TI PANAGUNGAR (B)
Amami a nailangitan, sika ti gubuayan ti amin nga imbag. Umasidegkami
ita dita arpadmo ket denggem dagitoy araraw mi. Iti tunggal kararag
kunatayo:
-Agpaay kadagiti mangidadaulo ti Simbaantayo tapno patinayon koma
ti kinasanto ken kinaregtada nga agserbi iti Dios ken iti Simbaantayo,
-Agpaay kadagiti agpanpanday iti linteg nangruna ditoy pagiliantayo
tapno ipamaysada ti pannakaisardeng dagiti agraraira a krimen a
mangdaddadael iti moralidad ken kagimongantayo. Kumararagtayo iti
Аро.
-Agpaay kadagiti masaksakit ken dagiti addaan sagubanit tapno ited
ti Apo ti naan-anay a kired, pigsa ken pammatida a mangsaranget
kadagitoy a pannubok ti biag. Kumararagtayo iti Apo.
-Agpaay kadatayo amin a nagtitipon ita, tapno agtalinaed ti grasia ti
Apo iti panunot, puso ken nakemtayo ket agbalintayo a pagwadan
kadagiti amin a Cristiano. Kumararagtayo iti Apo.
-Agpaay kadagiti amin a minataytayo tapno babaen dagiti kararagtayo
magun-odda koma ti agnanayon a panaginana. Kumararagtayo iti Apo.
Ama a mannakabalin amin, sika laeng ti namnama ken kamangmi

ipangagmo ket patgam dagitoy sumagmamano a dawdawatenmi
kenka gapu ken Jesus a Cristo nga Anakmo ken Apomi. Amen.
69
MAIKANEM A DOMINGO TI PANAGUNGAR (C)
Inted ti Dios ti kakaisuna nga Anakna tapno isalakannatayo, ket ti
siasinoman a mamati kenkuana saan a matay no di ket agbiag nga
agnanayon. Babaen ti-panangibabaet ni Apo Jesus a Cristo, intayo
ngarud tumangad iti Dios nga Amatayo ket agkararagtayo kenkuana.
Iti tunggal panggep kunatayo:
Apo, denggem daytoy kararagmi.
-Apo, immayka ditoy lubong tapno agserbika kadagiti amin a tattao.
Tarabayem ni Santo Papa N., dagiti amin nga obispo ken papadi tapno
awan panagbuteng ken panaginkukuna ti panagserbida iti Simbaan
nangruna kadagiti napanglaw. Dawatenmi kenka Apo.
-Apo, sika ti napudpudno a pagwadan dagiti Apostoles. Silawam ti
isip dagiti opisial ti gobierno tapno sipupudno ken napnoan gaget ti
panagserbida iti pagilianmi. Dawatenmi kenka Apo.
-Apo, sika ti gubuayan ti biag. Paimbagem dagiti kakabsatmi a
masakit, itdem ti namnama kadagiti nakapsut, ken liwliwa dagiti
agladladingit tapno maipamaysada ti mangipatungpal ti mision ti biag
a nakaawaganda. Dawatenmi kenka Apo.
-Apo, sika ti nagtaudan ti kappia. Pagkaykaysaennakami amin nga
adda ditoy ita, kas met kadagiti amin a nasion ken pamilia. Agari koma ti
kappia kadagiti pusomi ket babaen ti panagkaykaysami, ipaduyakyakmi
ti gloria ken pammadayaw kenka. Dawatenmi kenka Apo.
-Apo, pinagungarmo ni Lazaro. Ibilangmo dagiti kakabsatmi a
pimmusayen ket itdem kadakuada ti agnanayon a panaginana.
Dios nga Amami, denggem ken sungbatam dagiti kararagmi. Isurom

kadakami dagiti dalanmo, isuronakami nga agbiag kas mayannurot
iti kinapudnom tapno naan-anay ti panangsurotmi kenka. Dawatenmi
daytoy gapu ken Cristo nga Apomi. Amen.
70
SOLEMNIDAD TI YUULI NI APO JESUS (A)
Mannakabalin nga Ama, kaskam la kadagiti adalan a tumangtangad
imbes a mangawis kadagiti tao a mangiwaragawag ti Saom. Iti
panagtitiponmi iti naganmo, dawatenmi kenka a patgam dagiti
napakumbaba a dawatmi bayat ti itataliawmi kadagiti balikasmo a
mangted ti liwliwa ken namnama. Tunggal dawat kunatayo:
Umayka, Apo Jesus, umayka.
-Agpaay kadagiti mangidadaulo ti simbaantayo nga inayaban ti Dios
a mangipakaammo iti Naimbag a Damag, tapno sipupudnoda a
mangtungpal iti trabaho nga intalek kadakuada ti Dios ket mangtedda
iti inspirasion kadagiti tattao babaen dagiti pannursuro ken wagas ti
panagbiagda nangruna kadagiti awan pay pammatina. Kumararagtayo.
-Agpaay kadagiti mangidadaulo iti gobierno, tapno babaen til
panangipakatda ti kinalinteg, kappia ken panagkikinnaawatan
agbalinda a saksi ti ebanghelio ti nagungar a Cristo. Kumararagtayo.
-Agpaay kadagiti tattao a naimbag ti panagnakemna, tapno iti inaldaw
makitada ni Cristo a sibibiag iti baetda ket agtalinaed ti nagungar nga
Apo kadakuada agingga ti kanibusanan ti lubong. Kumararagtayo.
-Agpaay kadatayo amin a nagtitipon ditoy, tapno masursurotayo
a bigbigen ti rupa ti Cristo kadagiti kakabsattayo nangruna kadagiti
napanglaw ken nakapuy. Kumararagtayo.
-Agpaay kadagiti kakabsattayo a natayen, tapno babaen ti pammatida
iti nagungar nga Apo iti sibibiagda pay ti mangiragpat kadakuadan iti
agnanayon a ragsak sadi langit. Kumararagtayo.
Ama, ammomi a dinakam baybay-an gapu ta kanayon nga addaka

kadakami ket maliwliwakami gapu iti pannakaammomi nga addan ni
Apo Jesus a situtugaw iti makannawanmo. Makaay-ayo koma kenka
dagitoy a dawatmi ket punnoem dagiti puso ken isipmi iti panagtalek iti
ebangheliom. Dawatenmi daytoy iti nagan ni Jesus nga Apomi. Amen.
71
SOLEMNIDAD TI YUULI NI APO JESUS (B)
Bayat ti panangur-uraytayo ti panagsubli ni Apo Jesus, agtalektayo
iti ayat ken panangngaasi ti Nailangitan nga Amatayo a makaammo
kadagiti kasapulantayo sakbay nga agkiddawtayo kenkuana. ldatontayo
ngarud dagiti napakumbaba a dawattayo kenkuana ket kunatayo:
Apo, agtaengka kadakami.
-Agpaay iti Santo Papa, dagiti obispo, papadi, relihioso ken dagiti
agtrabtrabaho iti kaubasan ti Apo tapno babaen ti sao ken pagpatuladda,
matungpalda koma ti misionda kas napaypayso nga adalan ni Cristo.
Kumararagtayo.
-Agpaay kadagiti mangidadaulo ti pagiliantayo ken dagiti agtrabtrabaho
iti babaenda tapno matungpalda ti akem a naitalek kadakuada
nangruna ti pannakatagiben ti linak ken talna ken tapno agtalinaedda
a mamagkakappia kas ken Cristo iti kasa agbalinda a modelo kadagiti
padada a tao. Kumararagtayo.
-Agpaay iti gimongtayo, nangruna kadatayo nga immay mangrambak
ti Yuuli ti Apotayo tapno magnatay met ket maiturongtayo idiay langit a
pakipagbiagantayo kenkuana iti agnanayon. Kumararagtayo.
-Agpaay kadagiti napanglaw, masaksakit, awanan gaway, balo ken
ulila tapno babaen ti panagsagbada masarakanda ti kinaimbag ken
ayat ti Dios ket italekda ti aminda kenkuana. Kumararagtayo.
-Agpaay kadagiti kararua sadi purgatorio tapno ited kadakuada ti
Dios ti agnanayon nga inana ken kappia ket makiranuddan iti bunga ti
panagungar ni Apo Jesus. Kumararagtdyo.
Apo, denggem ti kararag dagiti tattaom. Itultuloymi koma ti agbiag

ken mangiwaragawag iti Naimbag a Damag babaen ti panangsurotmi
ti pagpatulad ni Jesus. Masarakanmi koma ni Apo Jesus kadagiti
kakabsatmi iti panagserbimi kadakuada. Dawatenmi daytoy gapu ken
72
SOLEMNIDAD TI YUULI NI APO JESUS (C)
Nailangitan nga Ama, kitaennakam a siaasi dakami a pasurot ti
Anakmo a ni Apo Jesus. Iti panangipakdaarmi nga isu ket Apo ken
ti panangawagmi ti panagbabawi ken panagbalbaliw kadagiti tattao,
sipapakumbabakami a mangitalek kenka dagiti kasapulanmi. Iti tunggal
panggep, kunatayo:
Apo, addaka a kanayon kadakami.
-Agpaay iti sapasap nga Iglesia, ti Santo Papa, dagiti Obispo, papadi
ken missionero, tapno nabuslon ti bendision ti Apo kadagiti trabahoda
ken tapno dagiti nagserbianda ditoy daga isudanto ti ragsak ken
liwliwada idiay langit. Kumararagtayo.
-Agpaay kadagiti mangidadaulo ti gobiernotayo, tapno kanayon
nga adda kadakuada ni Apo Jesus ket agsaknap ti panagtutunos
ken kinalinteg iti kasta mataginayon ti kappia ken panagdur-as.
Kumararagtayo.
-Agpaay kadagiti amin nga agdaydayaw ken Apo Jesus, tapno
punnoen ti Dios dagiti kararuada iti silaw, bileg ken sam-it ti grasiana
taprio iti inaldaw maiturongda a mangaramid ti pagayatan ti Dios ket
sipupudnoda mangyetnag kadagiti pagrebbenganda kadagiti padada
a tattao. Kumararagtayo.
-Agpaay kadagiti nakurang ti gasatna a kakabsattayo tapno babaen
ti grasia ti Dios kanayon a masarakanda ti mangiturong kadakuada iti
biagda ket iti maysa nga aldaw makipagragsakdanto iti sangoananna
iti agnanayon. Kumararagtayo.
-Agpaay kadagiti natayen a kakabagiantayo tapno mawayawayaanda
iti basol ket makiranodda iti panagballaigi ni Cristo ket makikaysada
kenkuana iti kappia ken kinaragsak. Kumararagtayo.
Apo, awatem ti kararag nga idatonmi ket ikkannakam iti pigsa a

mangaramid iti pagayatam ket pagbalinennakami a nasamay a saksi ti
kinapudno ken ayatmo. Maawat koma amin a tattao ti pannakaisalakan
inyetnag ti Anakmo babaen ti panagtutuok ken ipapatayna iti krus, ta
isu ti Apo ita ken iti agnanayon. Amen
73
DOMINGO TI PENTECOSTES (1)
Kakabsat, itden ti yuulog ti Espiritu Santo ti lawag ken ayat
mangiwaragawag ti Naimbag a Damag. ldatagtayo ita iti Amatayo a
Nailangitan dagiti kasapulan ti Simbaantayo iti misionna nangruna
panagpaayna kadagiti napanglaw. Tunggal kararag, isungbattayo:
Apo, babaen ti Espiritum, pasantoennakami.
-Impaaymo ti Espiritu Santo kadagiti apostoles, kanayon met nga
ipaaymo ti isu met laeng nga Espiritu ti Simbaan, ken ni Santo Papa
N., dagiti amin nga obispo ken papadi, tapno babaen ti pagpatuladda,
agballaigida iti misionda ditoy daga. Kumararagtayo iti Apo.
-Inikkam dagiti mangiturturong iti gobierno ti gundawayda a mangidalan
ken agturay iti kagimongan. Salaknibam ida iti ania man a pannakasuot
ken sulisog a mangkusit kadagiti tattao a naitalek kadakuada.
-Iti yaay ti Espiritu Santo, nagririnnanud dagiti mamati kadagiti
sanikuada ket awan pulos nagkuranganda. Ipaaymo ti Espiritum
kadakami tapno mawayawayaan dagiti agsagsagaba iti nakaro a rigat
iti daytoy nakas-ang a kasasaad. Kumararagtayo iti Apo
-Itden ti Espiritu Santo ti kappia kadagiti tattao. Agpaay kadagiti pagilian
nga awan ti kappia iti baetda tapno masursuro dagiti tattao nga ipateg
ti ayat ken kappia. Kumararagtayo ifi Apo.
-Babaen ti buniag, inawat dagiti kakabsat a pimmusayen ti Espiritu
Santo. Ipaaymo kadi kadakuada ti nabayagen a tartarigagayanda a
kappia ken ragsak dita sidong ti ayatmo. Kumararagtayo iti Apo.
Dios nga Amami, adda kadagiti naasi nga ayatmo ti namnama ti

nakurapay a timekmi. Patgam dagitoy a dawatmi nga agpaay iti
pakaigloriaan ti naganmo pakaisalakananmi. Gapu ken Cristo nga
Anakmo ken Apomi. Amen.
74
Babaen ti buniag, inawattayo ti Espiritu Santo ket nakiranudtayo iti
nasantoan a kinaari, kinaprofeta, ken kinapadi ni Cristo. Dawatentayo
iti Amatayo a Nailangitan ta kanayon nga ipaayna kadatayo ti grasiana
ket agbalintayo a napudno kadagitoy nga annongentayo. Kunatayo
pagsungbat tunggal kararag.
Apo, pagbalinennakam a napudno babaen ti Espiritu Santo
-Agpaay iti lglesia, ken ni N. a santo papatayo, dagiti Obispo ken papadi
tapno kanayonda koma a napudno kadagiti pagrebbenganda nga
inawatda kas mangidaulo ti Bagi ni Cristo ditoy daga. Kumararagtayo
iti Apo.
-Agpaay kadagiti mangiturturong iti gobiernotayo, tapno sipupudnoda
a kanayon iti akemda kas agserbi iti umili saan ket a ti bukodda a
pagsayaatan. Kumararagtayo iti Apo.
-Agpaay kadagiti marigrigat ken agsagsagaba gapu iti sakit ken
kinapanglaw, dagiti tattao nga awanan pigsa a mangirupir ti kalinteganda,
tapno itden koma ti Apo ti naan-anay a pigsa ken kired a mangbalbaliw
iti kasasaadda. Kumararagtayo iti Apo.
-Agpaay kadatayo amen a timmabuno iti daytoy a parambak, ken
kasta met dagiti kakabsat a saan a nakaumay nupay gagarda met ti
makipagdaydayaw iti Apo, sapay koma ta kanayon nga ipaay ti Dios ti
pannilaw ti Espiritu Santo kadatayo. Kumararagtayo iti Apo.
-Agpaay kadagiti kakabsattayo a pimmusayen, tapno maragpatda
koman ti kappia ken agnanayon a panaginana iti sidong ti ayat ken
panangngaasi ti Apo. Kumararagtayo iti Apo.
Amami a Nailangitan, adu pay dagiti inkam idatag kenka a dawatenmi

ngem ammomi nga ammom ida sakbay a yebkas ti napakumbaba a
timekmi. Patgam ngarud ida iti nagan ni Cristo nga Anakmo ken Apomi.
Amen
75
Dios nga Amami, impaaymo ti Espiritu Santo kadagiti Apostoles nga
isu ti nangtignay kadakuada a mangiwaragawag iti Naimbag a Damag
iti amin a suli ti lubong. Babaen iti isu met laeng nga Espiritu pagil-
ayabem ti ayat dagiti amin a mamati. Kunatayo tunggal kararag:
Apo, itdem kadakam ti Espiritu Santo.
-Ipaaymo a kanayon ti pannilaw ken pannalaknib ti Espiritu Santo
iti Simbaam, ken ni N. a santo papami, dagiti amin nga obispo ken
papadi ken amin a mangbukel iti impasdekmo a simbaan ditoy daga,
tapno agbalinda a napudno di akemda a mangituloy iti misionmo ditoy
lubong. Kumararagtayo.
-Ipaaymo ti kired ken pigsa kadagiti agtakem iti gobierno tapno saanda
a nalaka a masulisog ken masisirap iti sileng ti pirak ket tapno maliklikan
ti panagraira ti panagkusit. Kumararagtayo iti Apo.
-Kas kadagiti apostoles, nakiranodtay met amin iti Espiritu Santo
babaen ti pannakabuniagtayo. Sapay koma to agbalintayo a silaw iti
padatayo a tao babaen ti panangibiagtayo iti akem ken annongentayo
kas Cristiano. Kumararagtayo iti Apo.
-Nagsaknapen iti lubong ti kinakillo ken kinaruker. Dawatentayo a
mariing koma ti panunot ken konsiensia dagiti tattao a mangdaddadael
iti nakaparsuaan ket mautobda koma ti naun-uneg a kaipapanan iti
agbiag a natalna iti natalinaay nga aglawlaw. Kumararagtayo iti Apo.
-Kadagiti kakabsat a napanen iti nagkaysa a biag. Babaen ti
pannakairanudda iti Espiritu Santo idi nabuniaganda, maawatda koman
ti kappia ken ragsak iti sidong ti ayat ken asi ti Apo. Kumararagtayo iti
Apo.
Amami a Nailangitan, pagil-ayabem ti pasaray agkudrep a pammati

kadagiti pusomi tapno kas kadagiti apostolesmo, ipaaymo met ti silnag
ti Espiritu Santo iti padami a tao. Dawatenmi amin dagitoy iti nagan ni
Jesus a Cristo nga Anakmo ken Apomi. Amen.
76
SOLEMNIDAD TI NASANTOAN UNAY A TRINIDAD (A)
Amami a. nailangitan pinarsuanakami gapu iti ayat, inispalnakami
gapu met laeng ti ayat babaen ken Apomi a Jesus a Cristo ket dayta
nga ayat ti mangbibiag kadakami gapu ti Espiritu Santo. Sitatalekkami
a mangidatag kadagiti kasapulan ti gimongmi kas senial ti naan-
anay a panagtalekmi iti panangaywan ken pannulongmo kadakami.
Sangsang-kamaysatayo nga agkararag ket kunatayo:
Apo, ibiagmo ti Santisima Trinidad kadakami.
-Idawdawatanmi ni Santo Papa N., dagiti obispo ken papadi tapno
ituloyda ti mangisaknap ti kaipapanan ti Misterio ti Santisima Trinidad
babaen ti panagbiagda ken panangbuangayda ti gimong a maitulad
ti panagkaykaysa ken panagiinnayat ti Maymaysa a Dios iti tallo a
persona. Dawatenmi kenka Apo.
-Idawdawatanmi dagiti mangidadaulo ti pagilianmi nangruna dagiti
agpanpanday linteg, dagiti adda iti husgado, ken dagiti mangipakat
iti linteg tapno kanayon nga agkaykaysada kadagiti ganuatda kas hi
panagkaykaysa dagiti persona ti Santisima Trinidad. Dawatemni kenka
Apo.
-Idawdawatanmi dagiti bagbagimi tapno maaramidmi ti amin a
kabaelanmi a mangisaknap iti ayat, urnos ken talna, mangrugi kadagiti
pagtaenganmi ket maipamatmat ti misterio ti Santisima Trinidad iti
panagbiagmi. Dawatenmi kenka Apo.
-Idawdawatanmi dagiti napanglaw, maidadanes ken awanan gaway
tapno tukayen ti Dios dagiti addaan ti sanikua ken turay a mangtulong
kadagitoy daksanggasat a kameng ti gimongtayo ket maibiag ti
Santisima Trinidad iti baettayo. Dawatenmi kenka Apo.
-Idawdawatantay met dagiti kakabsattayo a pimmusayen ta maipaay
kadakuadan ti agnanayon a kinaragsak ken panagbiag nga inkari ti
Ama kadagiti nalinteg ken managayat. Dawatenmi kenka Apo.
Dios nga Amami, ipaaymo kad kadakami ti grasia ti napudno a pammati

a mangipamatmat kadakami ti ayat, parabur ken pannalaknibmo
kadagiti agtalek kenka. Patgam dagitoy nga ararawmi kas maiyannurot
iti pagayatam gapu ken Cristo nga Anakmo iti timpuyog ti Espiritu
Santo. Amen.
77
SOLEMNIDAD TI NASANTOAN UNAY A TRINIDAD (B)
lnkeddeng ti Ama, ti mannakabalin a namarsua kadatayo nga
isalakannatayo ti Anakna ket imbaonna ti Espiritu Santo tapno
taginayonenna ti biag ken pammatitayo. Intay ita idatag dagiti
kasapulantayo iti Diostayo, a maymaysa ngem tallo a persona, ket
kunatayo:
Apo, denggem kad dagiti annakmo.
-Kas kadagiti apostoies, naibaon dagiti obispo ken papadi nga agserbi
iti Pagarian ti Dios. Idawdawtantay ida tapno kanayon a sireregtada a
mangpasingked kadagiti bilin ti Apo ket saksianda ti ayat ti maymaysa
a Dios iti tallo a persona. Kumararagtayo.
-Paset ti panagturay ti Dios ditoy lubong ti gobierno. ldawdawatantayo
dagiti mangiturturong ti gobiernotayo tapno sipupudnoda koma a
mangitrabaho ti pagsayaatan ti kaaduan ket mayanninaw ti ayat ti Ama
ket tungpalenda koma dagiti akemda a mayannatup iti nacristianoan a
panagserbi. Kumararagtayo.
-Gapu ti buniag annaknatayon ti Ama ket makipagtawidtayto ken Cristo.
Agpaay kadagiti mailupitlupit, maidadanes, ken agsagsagaba tapno
masagrapda koma ti panagbiag kas maitutop iti maysa nga anak ti
Dios. Kumararagtayo.
-Amin a nabuniagan iti Nagan ti Dios Ama, Anak ken Espiritu Santo
naibaon a makiranud iti mision ti Simbaan: mangasaba, agserbi ken
mangsaksi. Agpaay kadatayo amin a nabuniagan ta sireregtatayo
koma nga makipaset ti mision ti Simbaan para ti pannakaisaknap ti
Pagarian ti Dios. Kumararagtayo.
-Nagsagaba ti Anak ti Dios, natay ngem nagungar iti maikatlo nga aldaw.
Agpaay kadagiti kakabsattayo a pimmusayen tapno maiturongdan iti
saklang ti Apo ket sagrapendan ti bunga ti ipapatay ken panagungar ti
Cristo ket makipagragsakdan kadagiti anghel ken sasanto sadi gloria.
Kumararagtayo.
Manangngaasi ken managayat nga Ama, patgam dagitoy ararawmi nga

annakmo nga agrukbab kenka babaen ti Espiritu Santo. Pasingkedam
ti panagtalekmi kenka gapu ken Cristo nga Anakmo ken Apomi. Amen.
78
SOLEMNIDAD TI NASANTOAN UNAY A TRINIDAD (C)
Mannakabalin amin a Dios, pinarsuam ti tao babaen ti ayat ket
nupay nagbasol inkeddengmo a maisalakan babaen ti panagsagaba,
pannakatay ken panagungar ti bugbugtong nga Anakmo. Imbaonmo ti
Espiritu Santo a mangiwanwan kadakam iti kinapudno. Adtoykam ita
nga umay agdawat iti kaasim kadagiti kasapulanmi iti daytoy a biag.
Kunatayo tunggal panggep:
Apo, denggem kad dagiti ararawmi.
-Agpaay iti Santo Papa, dagiti Obispo ken papadi. Situtudioda koma a
mangituloy ti mision ti Simbaan babaen ti mayannatup a panangsurotda
kadagiti paltiing a nagtaud iti Ama, naragpat ken ni Apo Jesus a Cristo
ket itultuloy ti Espiritu Santo. Kumararagtayo iti Apo.
-Agpaay kadagiti agtuturay iti pagiliantayo. Mataginayonda koma a
pasingkedan ti urnos, kappia ken panagkaykaysa dagiti umili babaen ti
panangpanday ken panangipatungpalda kadagiti Iinteg a maiyannatup
ti Sirib ti Dios. Kumararagtayo iti Apo.
-Agpaay kadagiti kakabsattayo nga agsagsagaba iti aniaman a sakit,
mailupitlupit, awanan gaway ken awan mabalbalinna tapno saanda a
maawanan iti namnama ken maiparipirip kadakuada a ti panagibtur
ket maysa a kita ti isusurot ti pagayatan ti Dios. Kumararagtayo iti Apo.
-Agpaay kadatayo nga immay makipagrambak iti daytoy nasantoan a
Misa. Masursurotayo koma nga ibiag a napudno ti kinakristianotayo
iti inaldaw babaen ti panagayattayo iti Dios ken iti padatayo a tao
ket agbalintayo a pagwadan dagiti kakabsattayo a matmaturog ti
pammatina. Kumararagtayo iti Apo.
-Agpaay kadagiti minataytayo nangruna dagiti kararua nga awan
ti mangikararag kadakuada. ltden koma ti manangngaasi a Dios
kadakuada ti agnanayon a biag ken ragsak iti sidong dagiti angheles
ken sasanto. Kumararagtayo iti Apo.
Naindaklan nga Ama, dinakam kad umsien nga annakmo bayat ti
panangbigbigmi ken panangidatagmi kadagiti kasapulanmi. Itedmo
kadakam ti naan-anay a grasia a mangbigbig ken mangsurot iti
pagayatam. Dawatenmi daytoy gapu ken Cristo nga Anakmo ket
Apomi. Amen
79
SOLEMNIDAD TI CORPUS CHRISTI (A)
Amami a nailangitan, imbaonmo ti bugbugtong nga Anakmo, ni Apo
Jesus a Cristo, ti sibibiag a tinapay a naggapu sadi langit, tapno
maikkankami ti biag nga aggnanayon. Sipapakumbabakami nga
agdawat kenka kadagitoy a kasapulanmi. Iti tunggal panggep, kunatayo:
Apo, imdengam dagiti tattaom.
-Agpaay ken Santo Papa N., dagiti obispo ken papadi, tapno
maipasagepsepda koma a sipupudno ti sakramento ti Eukaristia a kas
kangrunaan a padaya a mangipeksa ti panagkaykaysa ti nakristianoan
a gimong. Kumararagtayo iti Apo.
-Agpaay kadagiti mangidadaulo ti gobiernotayo, tapno siaanepda a
mangitrabaho kadigiti gannuat a mangparang-ay ti biag dagiti umili
babaen dagiti napaleg iti Eukaristia: panagkaykaysa, hustisia, kappia
ken ayat. Kumararagtayo iti Apo.
-Agpaay kadagiti agsagsagaba ti nakaro a rigat, dagiti awanan taraon
ken pagdagusan, tapno tignayen ti Dios dagiti nasaliwanwan a
mangiranud kadagiti kinabaknangda. Kumararagtayo iti Apo.
-Agpaay iti nakristianoan a gimongtayo, tapno tunggal maysa maaddaan
koma ti gagar a makipaset ken makibinnulig kadagiti naisayangkat a
programa nga mangpatibker ti panagayattayo iti maysa ken maysa
ken pammatitayo iti Dios. Kumararagtayo iti Apo.
-Agpaay kadagiti minataytayo, tapno awaten koma ida ti Dios iti
nailangitan a pagarianna. Kumararagtayo iti Apo.
Managayat unay nga Ama, sika ti .gubuayan ti amin a kinaimbag.

Ipangagmo kadi dagitoy a kararagmi tapno maaamirismi ti di agsarday
a kinaimbag ken kinarmanagayatmo. Dawatenmi daytoy gapu ken
80
SOLEMNIDAD TI CORPUS CHRISTI (B)
Dios nga Amami, imparangarang ni Apo Jesus nga Anakmo nga isu a
mismo ti inkam maawat iti tunggal pannakiranudmi iti Nasantoan nga
Eukaristia. Siaammo kadagiti kasapulanmi, idatagmi kenka dagiti as-
asugmi. Iti tunggal panggep, kunatayo:
Denggennakam kadi.
-Idawdawatantayo ni Santo Papa N., dagiti obispo ken papadi, tapno
babaen ti panangidadauloda iti pannakapispisi ti tinapay, manayon
koma ti salun-at, kired, ayat ken anepda a mangisaknap iti naimbag a
Damag. Kumararagtayo iti Apo.
-Idawdawatantayo amin nga addaan takem iti gobierno, tapno babaen
ti panangtignay kadakuada ni Apo Jesus iti nasantoan a Komunion,
sipupusoda koma a mangitandudo kadagiti tumutop a wagas
mangpatanor ti panagdur-as ti sapasap a pagilian. Kumararagtayo iti
Apo.
-Idawdawatantayo dagiti masaksakit, dagiti biktima ti narungsot a
didigra, dagiti maitugtuggod ken maipaspasuli iti kagimongan, tapno
babaen ti pannakataraonda iti Nasantoan a Bagi ken Dara ni Jesus,
mariknada koma ti kaadda, panangaywan ken panangayat ti Dios
kadakuada. Kumararagtayo iti Apo.
-Idawdawatantayo dagiti kakabsatayo a naigamer iti bisio tapno
babaen ti kaadda ti Dios iti Nasantoan a Eukaristia, matignay ti pusoda,
masilawan ti panunotda ket luminteg ti panagnakemda. Kumararagtayo
iti Apo.
-Idawdawatantayo dagiti pimmusayen, nangruna dagiti kakabagian ken
gagayyemtayo ta makiranudda koman iti gloria ni Apo Jesus a Cristo
kas inkarina kadagiti umawat kenkuana a kas taraon. Kumararagtayo
iti Apo.
Nailangitan nga Ama dawatenmi ti panangituloymo a mangiparikna

kadakami ti nabara nga ayatmo nga agtultuloy babaen ti nasantoan a
Sakramento ti Eukaristia tapno maiburaymi met ti naimpapusoan nga
ayatmi iti padami a parsua. Daytoy ti dawatenmi gapu ken Cristo nga
Anakmo ken Apomi. Amen
81
SOLEMNIDAD TI CORPUS CHRISTI (C)
Kakabsat, agdawattayo iti managayat nga Ama sadi langit nga isu ti
mangpennek ti bisin dagiti tattao a kas imparangarang ni Apo Jesus
a Cristo lntay ngarud idatag a sipapakumbaba ken sitatalek dagiti
kasapulantayo. Iti tunggal panggep inlay ilualo:
Apo, denggem kad toy ararawmi.
-Para kadagiti mangidadaulo ti nakristianoan a gimong, tapno manayon
ti gagar ken anepda a mangidaulo ti panangrambakda iti nasantoan a
misa; ken kasta met nga agtalinaedda koma a sipupudno iti annongda
kas pastor dagiti tattao ti Dios iti baet dagiti adu a pakasuotan
-Para kadagiti pangulo dagiti pagilian iti sangalubongan nangruna
ditoy pagiliantayo tapno saanda koma nga aramaten ti turayda a
mangidadanes kadagiti awanan gaway ngem aramatenda ketdi
daytoy a mangitrabaho kadagiti kasapulan ti umili ken mangitandudo
ti panagtutunos, kappia ken talna. Kumararagtayo iti Apo.
-Para kadagiti agsagsagaba gapu ti kinadawel ti di nainkalintegan a
gubat, ti nadangkok a panagbibinnales, tapno rumusing koma ti bukel
ti kappia kadagiti pusoda. Kumararagtayo iti Apo.
-Para ti tunggal maysa kadatayo, tapno agtalinaed koma ti pammatitayo
a ti nasantoan a Eukaristia ket napudpudno a Bagi ken Dara ni Cristo
ti napaypayso a taraon ken inumen a mangted biag kadagiti mamati.
-Para kadagiti pimmusayen, tapno makikaysada koman ken ni Apo
Dios sadiay nagloriaan a paraiso. Kumararagtayo iti Apo.
Patpatgenmi nga Ama, dagitoy dagiti sasainnekmi. Denggem ken

patgam ida no isu ti pagsayaatan ti nakristianoan a gimongmo. Ammom
no ania dagiti kasapulanmi ditoy a biag ket dawatenmi nga ipaaymo ta
grasiam tapno agtalinaedkami a napudno kenka. Daytoy ti dawatenmi
gapu ken Cristo nga Apomi. Amen
82
SOLEMNIDAD TI NASANTOAN A PUSO NI JESUS (A)
Pinarsuanatayo ti Amatayo a Nailangitan gapu ti ayatna kadatayo.
Impariknana kadatayo dayta nga ayat babaen ti bugbugtong nga
Anakna. Agkamangtay ngarud kenkuana kadagiti kasapulantayo ket
kunatayo tunggal panggep:
Ama a managayat, denggennakam kadi.
-Agpaay kadagiti mangidadaulo ti Simbaan tapno isuda koma ti umuna
a pakakitaan ken pakariknaan dagiti mamati ken ni Apo Jesus a Cristo
ti ayat ti nangisalakan kadatayo. Kumararagtayo.
-Agpaay kadagiti mangidadaulo kadagiti amin a nasion tapno iti
pannakarikna ken pannakapadasda ti ayat ni Apo Jesus a Cristo ti
mangiduron kadakuada a mamagtalinaed ti kappia iti nagbabaetanda.
Kumararagtayo.
-Agpaay kadagiti familia ditoy lugartayo tapno kanayon koma nga
agtalinaedda iti ayat ni Apo Jesus ket mataginayon ti pinnateg iti uneg
ti pagtaengan. Kumararagtayo.
-Agpaay kadagiti agsagsagaba: dagiti masaksakit, biktima ti gubat ken
kalamidad tapno umadu dagiti naimbag ti panagpuspusona a mangited
iti saranay kadakuada ket maibiag ti panagayat ti Nasantoan a Puso Ili
Apo Jesus di aglawlaw. Kumararagtayo.
-Agpaay kadagiti natayen nangruna kadagiti awan makalagipen a
mangikararag kadakuada ta babaen ti ayat nga imburayda iti padad a tao
isu metten ti pakagun-odanda ti biag nga agnanayon. Kumararagtayo.
Dios nga Amami, gapu ti ayat insublinakam kenka babaen ti ipapatay

ken panagungar ti Anakmo. Taginayonem ti ayat kadakami a tattaom
tapno kanayon a maibiagmi ti ayatmo kadakami. Dawatenmi amin
dagitoy gapu ken Apo Jesus a Cristo nga Anakmo ken Apomi. Amen.
83
SOLEMNIDAD TI NASANTOAN A PUSO NI JESUS (B)
Pimsuak ti danum ken dara iti bakrang ni Apo Jesus a mangipakita ti
panagubbog ti ayatna kadatayo. Dayta nga ayat ti mangiduron kadatayo
nga agkamang iti Amatayo a Nailangitan kadagiti kasapulantayo iti
daytoy a biag. Kunatayo tunggal panggep:
Apo, pagtalinaedennakami iti ayatmo.
-Idawdawatantayo ti Simbaan a Naisaknap iti sangalubongan tapno
saan koma nga agsarday ti panangikasabana ti panagbabawi ket
iturongna dagiti tattao nga agsubli iti ayat ti Dios. Kumararagtayo.
-Idawdawatantayo ti pagiliantayo tapno kanayon koma nga agari ti ayat
iti nagbaetan dagiti tattao iti kasta maibiag ti makaisalakan nga ayat ni
Apo Jesus kadatayo a pinasingkedanna iti krus. Kumararagtayo.
-Idawdawatantayo dagiti saan pay a makaamrno ken ni Apo Jesus
ta maragpatda koma ti agnanayon a pannakaisalakan babaen ti
panangibiagda ti ayat ti Apo iti aglawlawda. Kumararagtayo.
-Idawdawatantayo dagiti mapapaidaman iti ayat nangruna dagiti
masaksakit nga awan mangtaripato kadakuada ta iti pammati ken
namnama idatonda koma ti panagsagabada iti Apo a natay gapu
-Idawdawatantayo dagiti ubbing nga ulila ken mabaybay-an tapno
umadu koma dagiti tattao a mangited ti pannaripato kadakuada.
Kumararagtayo.
-Idawdawatantayo pay dagiti kailian ken kabagiantayo nga agtrabtrabaho
iti ballasiw-taaw ta kanayon koma a supapakan ti managayat nga Apo
dagiti sakripisioda nga agpaay iti familiada. Kumararagtayo.
Dios nga Amami, impalubosmo a masalput ti barukong ti Anakmo ket

pumsuak ti danum ken dara nga agpaay a pakapakawanan dagiti
basolmi ket impakitam ti di matukod a panagayatmo kadakami. Patgam
dagitoy a dawatmi ket maibiagmi koma dayta nga ayat gapu met laeng
iti Anakmo ken Apomi. Amen.
84
SOLEMNIDAD TI NASANTOAN A PUSO NI JESUS (C)
Ni Apo Jesus ti naindaklan a pastor ket datayo ti arbanna. Taripatoen
ken iturongna ti arban iti naraber a pagaraban ken iti nalammiis a
paginuman. Agkamangtay ngarud iti pastortayo ta ukkonenna dagiti
panggeptayo nga agpaay iti Amatayo a Nailangitan ken kunotayo a
pagsungbat.
Ama a salakanmi, denggennakami.
-Dagiti nabuniagan iti nagan ti maymaysa ngem tallo a persona Dios
ti arban ni Apo Jesus. Idawdawtantayo nga adda panagtutunos dagiti
amin a mamati ken Cristo. Kumararagtayo.
-Dagiti mangiturturong ti gobierno ti naayaban a mangituray nga agserbi.
Idawdawatantayo dagiti binutosantayo nga agtakem iti gobiernotayo
tapno matuladda koma ti Naimbag a Pastor a mangituray ngem
impatlina ti biagna tapno maikkan ti biag ti arbanna. Kumararagtayo
-Adu dagiti naiwawa a kameng ti arban gapu kadagiti allawig ti biag.
Ukkonen koma ti Naimbag a Pastor ida nga agsubli iti arbanna.
Kumararagtayo.
-Babaen ti Espiritu Santo intalimeng ti Ama ti ayatna kadatayo.
Masamay koma iti dayta nga Espiritu dagiti amin a bumabaaw a pammati
iti parokiatayo ket makigamuloda kadagiti ganuat ti simbaantayo,
Kumararagtayo.
-Dagiti babassit a gimong-Cristiano ti kangrunaan a pakaibiagan ti
panagpipinnateg ken panagdaydayaw dagiti arban. Umadu koma
dagiti kakastoy a gimong tapno ad-adda pay ti pannakaibiag ti ayat ti
Naimbag a Pastor kadatayo. Kumararagtayo.
Dios nga Amami, inikkannakam ti gundaway nga agsubli kenka babaen

ken ni Apo Jesus nga Anakmo, ti Naindaklan a Pastormi. Patgam kad
dagitoy a dawatmi ket ikamangmi ida kenka gapu met laeng kenkuana a
makipagbiag ken makipagari kenka ken iti Espiritu Santo iti agnanayon
85
MAIKADUA A DOMINGO TI TAWEN (A)
Apo, babaen ti panagbuniagmi iti danum ken ti Espiritu Santo
napakawan dagiti basolmi ken nakiranodkami iti misionmo. Dawatenmi
nga agtalinaed ti nakristianoan a kababalin kadakami tapno kanayon
a mapasantokarni ket makapudnokami a kas adalam. Tunggal dawat
kunatayo:
Apo, imdengam dagiti ararawmi.
-Idawdawatantayo ti Santa Iglesia nga Inatayo a gubuayan ti
pannakaisalakan tapno babaen ti nasaldet a panagtrabaho dagiti
mangidadaulo kenkuana umadu dagiti maallukoy iti sidong ti
nakristianoan a panagbiag. Kumararagtayo iti Apo.
-Para kadagiti adda iti turay ti gobierno tapno kanayon a maamirisda
a nasagradoan ti naikawes kadakuada nga akem ket ipakatda ti
kabaelanda a mangitrabaho ti pagsayaatan ti sapasap. Kumararagtayo
iti Apo.
-Agpaay kadagiti manganak iti buniag tapno siaayatda koma a
mangtungpal ti pagrebbenganda a kas ina wenno ama ti pammati.
-Agpaay kadagiti katekista ken amin a tumultulong a mangisagana
kadagiti agtarigagay nga agbuniag tapno maiburay ken maiyawatda ti
pudno ken nabiag a pammati. Kumararagtayo iti Apo.
-Para kadatayo amin tapno agbalintayo a silaw ken pagtamdan dagiti
kakabsattayo a saan pay a mamati babaen ti naimbag ken nakristianoan
a panagbiagtayo. Kumararagtayo iti Apo.
Agyamankam Apo ti pammati ken amin a grasia a naawatmi.

Iturongnakami to kanayonkam a silalagip kadagiti inkarkarimi idi
inawatmi ti pammati. Dawatenmi dagitoy iti naganmo nga Apo a Jesus
a Cristo ta makipagbiagka ken makipiagarika iti Ama ken iti Espiritu
Santo. Dios nga agnanayon. Amen.
86
MAIKADUA A DOMINGO TI TAWEN (B)
Managayat nga Ama, imbaonmo ti kakaisuna nga Anakmo tapno
isalakannakami iti basol. Dawatenmi a mangibaonka kadagiti tattao a
mangituloy iti mision ni Apomi a Jesus a Cristo ket tulongannakam a
mangtungpal kadagiti pagrebbenganmi a kas nakristianoan a gimong.
Tunggal dawat kunatayo:
Dios a managayat, denggennakam kadi.
-Inturong ni Juan a Mammuniag dagiti adalanna ken Jesus: Dawatentayo
iti Naimbag a Pastor tapno tarabayen ken bendisionanna ni Santo Papa
N., dagiti obispo. papadi ken amin a misionero iti inda panangidalan
kadagiti tattao nga agturong ken Cristo. Dawatentayo iti Apo.
-Nanaganan ni Simon iti Cepas wenno bato. Dawatentayo tapno
umadu dagiti ayaban ti Apo a mangidaulo iti gimongtayo nga addaan
natibker a prinsipio, nakristianoan a panunot ken naayat nga agserbi
iti kinapudno para iti panagdur-as ken panagbalbaliw ti pagiliantayo.
Dawatentayo iti Apo.
-Dagiti agtutubo ti namnama ti simbaan ken kagimongantayo:
Idawdawatantayo dagiti agtutubo ditoy lugartayo ken iti sangalubongan
tapno umadu ti siaayat a mangaklon iti awag ti Apo. Dawatontayo iti
Apo.
-Nakidagus dagiti adalan ken Jesus: Para kadagiti maidadanes
gapu iti pannakaitugtuggod tapno makasarakda kadagiti naasi a
mangpasangbay ken mangtulong kadakuada. Dawatentayo iti Apo.
-Agpaay kadatayo amin tapno iti intay panangsurot ken Apo Jesus
maitedtay koma ti amin a talugadingtayo para iti pakabuklan ti
nakristianoan a gimong. Dawatentayo iti Apo
Adu Ama ti nagkuranganmi iti inkam panangsurot kenka ket adu

pay laeng ti pagkamtudanmi. Patgam dagitoy nga ararawmi ket
ikanunongnakami ken Apo Jesus a Cristo nga Anakmo a makipagbiag
ken makipagari kenka iti agnanayon. Amen.
87
MAIKADUA A DOMINGO TI TAWEN (C)
Mannakabalin ken managparabur nga Apo, pinagbalinmo nga arak ti
danum. Dawatenmi a tulongannakam ti kinakapuymi iti pammati ket
masursuromi ti agtalek kenka iti amin a panagbiagmi. Tunggal dawat
kunatayo.
Silawam dagiti pusomi, O Apo.
-Ipaaymo kadi a babaen dagiti nadumaduma a talugading nga
insagutmo iti simbaan aglalo dagiti sagut ti Espiritu Santo maaramatmi
amin ida a mangisaknap iti Naimbag a Damag ditoy lubong. Dawatenmi
kenka Apo.
-Saan a maragpat ti panagdur-as ti pagilian babaen ti milagro.
Agdawattayo nga umad-adda koma ti panagtitinnulong dagiti dadaulo
ti turay ken umili tapno maaddaan ti tunggal pamilia ti nasayaat a
pagbiagan. Dawatenmi kenka Apo.
-Pinagbalin ni Apo Jesus ti danum nga arak. Para kadagiti naikkan iti
akem a mangaywan kadagiti bantay, baybay ken iti aglawlaw tapno
agnanayon koma ti gagarda a mangsalaknib kadagitoy inted ti Dios a
pagbiagan ti tao. Dawatenmi kenka Apo.
-Para kadagiti amin a mangmangged tapno siaayatda koma a
mangibingay iti pigsa ken laingda iti pagtrabahoanda ken maikkanda
koma iti umdas ken umanay a supapak ti bannogda nangruna iti
tangdanda. Kumararagtayo iti Apo.
-Para kadatayo tapno ipakattay amin a kabaelantayo babaen ti salukag
ken gagettayo a mangpasayaat ti panagbiagtayo ken tapno kanayon
bendisionan ti Apo dagiti nagbannogantayo. Dawatenmi kenka Apo.
Amami a managayat, patgam dagitoy nga un-unnoymi tapno

agbalinkami a napudno a Cristiano nga agaramid ken agtungpal
kadagiti pagayatam, gapu met laeng ken Cristo nga Apomi. Amen
88
MAIKATLO A DOMINGO TI TAWEN (A)
Immay ni Apo Jesus kas ari ngem nagturay babaen ti panangipakitana
ken panangibiagna ti pagayatan ti Ama tapno mamati ken agbabawitayo
kadagiti basoltayo. Kas aritayo, intay ngarud ikamang kenkuana dagiti
kasapulantayo. Tunggal kararag kunatayo:
Apo, iturayannakam kad a siaasi.
-Apo Jesus, impakitam ti nagpaiduma’t raniagna a lawag kadagiti
tao a nagna iti kasipngetan. Idawdawatanmi dagiti mangiturturong iti
Simbaanmo, ni N. a Santo Papami, dagiti obispo ken papadi tapno
agserbida a kas lawag a mangidalan ken mangiturong kadagiti
amin a tao ket agtultuloy a maiwaragawag ti Naimbag a Damag.
Kumararagtayo.
-Apo Jesus, impakitam kadakami no kasano ti agturay a kas
napakumbaba nga Ari. Idawdawatanmi dagiti mangiturturong ti
gobiernomi tapno aramatenda ti naitalek nga akem kadakuada a
pangpadur-as ti pagilianmi. Kumararagtayo.
-Apo Jesus, winayawayaannakami iti basol a nakaadipenanmi.
Idawdawatanmi dagiti adda iti pagbaludan gapu ti krimen a naaramidda,
itdem kad kadakuada ti grasia ti panagbabawi ket maamirisda a
sipapakumbaba ti nagbiddutanda. Kumararagtayo.
-Apo Jesus, impangrunam a kinaasian dagiti maidadanes ken
mairurumen. Ikamangmi kenka dagiti awanan gaway a biktima ti
krimen, dagiti inosente a biktima ti gubat ken kalamidad nga aramid
met laeng ti tao tapno maikkanda ti naan-anay a hustisia ket mariknada
ti kaaddam kadakuada bayat ti inda panagsagaba. Kumararagtayo.
-Apo Jesus, babaen ti ipapatay ken panagungarmo pinarmekmo ti
patay ket intedmo ti biag kadakami. Idawdawtanmi dagiti minataymi
tapno maawatdan ti biag nga insaganam kadakuada babaen ti bileg ti
ipapatay ken panagungarmo. Kumararagtayo.
Denggem Apo dagiti kararagmi. Adu pay kadakami ti saan nga umawat
ken mangbigbig ti kinaarim. Dawatenmi kenka nga agturay koma laeng
ti ayat ken asim kadakami a nakapuy a tattaom ket italekmi kenka
dagitoy a kararag ita ken iti agnanayon. Amen
89
MAIKATLO A DOMINGO TI TAWEN (B)
Inkasaba ni Apo Jesus ti Naimbag a Damag ket impakaammona a
dimtengen ti Pagarian ti Dios iti baettayo. Iyawisna ti panagbabawitayo
kadagiti basbasoltayo ket mamatitayo kenkuana. Agkamangtay ngarud
kenkuana kadagiti kasapulantayo a mangsurot iti dalanna ket iti tunggal
panggep kunatayo:
Apo, tulongannakam a sumurot iti ayatmo.
-Apo Jesus, inkasabam ti Naimbag a Damag ti ayat ti Ama.
Idawdawatanmi dagiti napili a mangiturong iti Simbaan, ni N. a Santo
Papami, dagiti obispo, papadi ken relihioso to irakurakda met ti ayatmo
ket sigagagar ken sipapasnekda a mangaywan iti arbanmo. Dawatenmi
kenka Apo.
-Apo Jesus, inayabam dagiti uppat a mangngalap a sumurot kenka.
Idawdawatanmi dagiti pinilimi a mangiturong iti gobiernomi ken dagiti
agpanpanday ti linteg tapno itrabahoda ti panagdur-as ti pagilianmi.
-Apo Jesus, imballaagmo a dimtengen ti aldaw ket inyawismo nga
agbabawikami kadagiti basbasolmi. Silawam dagiti puso ken panunotmi
tapno sipapakumbabakam nga agbabawi ken mangtallikod kadagiti di
maitutop nga aramidmi. Dawatenmi kenka Apo.
-Apo Jesus, inwaragawagmo ti kaaddan ti Pagarian ti Dios iti sidongmi.
Mariknami koma iti kaaddam iti sidongmi iti baet ti nagdudumaanmi iti
biag tapno agari ti pagayatam iti pusomi. Dawatenmi kenka Apo.
-Apo Jesus, impagedgedmo a mamatikami iti Naimbag a Damag.
Idawdawatanmi dagiti saan pay a nakangngeg ken di mangikaskaso
iti Saom tapno matukay ken masilawan ti puso ken panunotda a
mangawat iti Naimbag a Damag. Dawatenmi kenka Apo.
Denggem dagiti kararagmi, Apomi a Jesus. Balbaliwam dagiti natangken

a pusomi ket mayaspingia koma iti nadalus a pusom tapno dumteng
ti pagariam ken Saom iti biagmi ket sumurotkam a mangtungpal iti
pagayatam. Dawatenmi amin dagitoy iti Naganmo. Amen.
90
MAIKATLO A DOMINGO TI TAWEN (C)
Binukelnatayo ni Apo Jesus kas maysa a bagi: isu ti ulo ket datayo
ti pasetna. Kas kameng daytoy a bagi intay ngarud agkamang iti
pannarabay ti Espiritu Santo kadagiti kasapulantayo. Iti tunggal
panggep kunatayo:
-Apo Jesus, tiniponnakami iti maysa a bagi babaen ti Espiritu.
Dawatenmi nga iburaymo dayta nga espiritu kadagiti mangidadaulo
ti simbaan tapno agtultuloy ti gagar ken gagetda a mangikasaba ti
Naimbag a Damag. Kumararagtayo.
-Apo Jesus, insuro ni San Pablo kadakami nga agsisinnakit koma ti paset
ti bagi a binuangaymo. Idawdawatanmi dagiti pinilimi a mangiturong
iti gobiernomi tapno ipakatda ti pigsada a mangiwaras ti serbisio ti
gobierno kadagiti umili. Kumararagtayo.
-Apo Jesus, impalagip met ni San Pablo kadakami nga ipangrunami
a tamingen dagiti paset ti bagi naa ipagarupmi nga awan serbina.
Idawdawatanmi dagiti napanglaw, maitugtuggod, ken awanan gaway
gapu ti kinababa ti kasasaad ti panagbiagda tapno masagrapda ti
kinamanagparaburmo. Kumararagtayo.
-Apo Jesus, sinagutannakami iti talugading tapno makapagserbikami
iti Simbaan ken padami a tao. Tarigagayanmi koma a tungpalen ti akem
nga insaadmo kadakami tapno matungpal ti panagdur-as ti Pagarian ti
Dios. Kumararagtayo.
-Apo Jesus, impadto ni Propeta Isaias ti yaaymo a manubbot
kadakami. Italekmi kenka dagiti kakabsatmi a pimmusayen ket itdemon
kadakuada ti agnanayon a pannakipagragragsak kenka sadi langit.
Kumararagtayo.
Ipangagmo kad Apo ti kararag ti gimongmi. Pagkaykaysaennakam

iti bagim ket awatenmi dagiti pannursurom tapno matungpal
pannakaiwaragawag ti Pagarian ti Dios. Dawatenmi daytoy kenka ti
Pangulo ken mangisalakan kadakami. Amen.
91
MAIKAPAT A DOMINGO TI TAWEN (A)
Ni Apo Jesus ti Sao ti Dios a nagbalin a lasag ket nagtaud iti daytoy a
Sao ti amin a sirib. Makikaysatayo kenkuana nga agdawat iti Amatayo
sadi langit kadagiti kasapulantayo iti panagbiagtayo ket kunatayo:
Apo, ikaysanakam kenka.
-Para kadagiti panguloen ti Simbaantayo ta dumegdeg ti gagarda a
mangtungpal ti Sao ti Dios ket maikkanda iti kired a mangipatakder ti
Pagarian ti Dios ditoy daga. Dawatenmi kenka Apo.
-Tapno dagiti opisyal iti gobierno pagkaysaenda dagiti siribda a
mangiwayat ti pannakapaksiat ti nalabes a kinakurapay. Dawatenmi
kenka Apo.
-Tapno dagiti addaan iti sanikua ad-adu pay ti maiburayda kadagiti
napanglaw ken makasapul. Dawatenmi kenka Apo.
-Tapno dagiti awanan pagtaengan, dagiti napapanaw iti lugarda gapu
iti gubat ken panagsisinnupiat iti idiolohia, masarakanda ken Apo Jesus
ti namnama iti baet ti panagsagabada. Dawatenmi kenka Apo.
-Para kadatayo ta silawan koma ti ayat ti Dios dagiti pusotayo ket
maamiristayo ti obligasiontayo a tumulong kadagiti makasapul.
-Para kadagiti minatay tayo, tapnu madanundan iti pagarian ni Apo
tayo. Dawatenmi kenka Apo.
Managayat nga Ama, babaen ken Apo Jesus naipakdaar kadakami ti

planom ditoy daga kas sadi langit. Ipaaymo koma kadakam ti nawadwed
a kired ken pigsa nga agbiag kas ken Apo Jesus a Cristo nga Anakmo
isu a pangigappuanmi a dumawat kadagitoy a kasapulanmi. Amen
92
MAIKAPAT A DOMINGO TI TAWEN (B)
Mannakabalin nga Ama, babaen ken Apo Jesus nga Anakmo,
pinarmekmo ti patay ket insublim ti agnanayon a biag kadakami.
Impakita ni Apo Jesus ti kinamanagturayna babaen ti panangpaksiatna
kadagiti dakes nga espiritu. Agkamang kenka kadagiti kasapulanmi iti
panagbiagmi ket kunami tunggal panggep:
-Tapno dagiti panguloen ti Simbaan agserbida a napudno a mangikasaba
ken mangsaksi iti pannursuro ni Apo Jesus ket maipasdek ti Pagarian
ti Dios. Kumararagtayo.
-Tapno dagiti mangiturturong iti gobierno ken addaan turay mabigbigda
a ti napudpudno a turay saan nga agtaud iti kinaranggas no di ket iti
Espiritu ni Apo Jesus. Kumararagtayo.
-Tapno dagiti laygo maamirisda a makiranudda iti mision ni Apo Jesus
babaen ti pannakabuniagda ket iwaragawag ken saksianda met ti
Naimbag a Damag iti aglawlawda. Kumararagtayo.
-Tapno mabang-aran dagiti masakit, maliwliwa dagiti natayan babaen ti
pannakipagrikna ken itutulong ti ad-adu pay a naayat ti panagpuspusona
-Tapno datayo a natipon ita a Domingo ad-adda pay ti pannakasursurotayo
iti annongtayo a Cristiano a tumakder a mangsuppiat kadagiti maibusor
iti pammatitayo. Kumararagtayo.
Managayat nga Ama kanayon nga ipakitam ti ayatmo kadakami

babaen dagiti pasamak iti panagbiagmi. Denggem dagiti kararagmi ket
agtalinaedkam koma iti sidong ni Cristo a makipagbiag ken makipagari
kenka, ita ken iti agnanayon. Amen.
93
MAIKAPAT A DOMINGO TI TAWEN (C)
Kumararagtayo iti Apo a gubbuayan ti amin nga ayat tapno
tarabayennatayo iti ayatna ket mataginayon dayta nga ayat iti baettayo.
Tunggal kararag kunatayo:
Apo, denggem ti ararawmi.
-Para ken ni Santo Papa N., dagiti obispo ken papadi ta mapauneg
ti panagtalekda ken Apo Jesus iti kasta matulunganda dagiti tao
mangpadur-as ti pammatida. Kumararagtayo.
-Para kadagiti addaan iti turay ta saan koma a dagiti bukodda nga
interes ti ipangrunada a tamingen ngem igaedda koma nga itrabaho ti
pagimbagan ti kaaduan. Kumararagtayo.
-Para kadagiti sientista ken mangsukisok iti sekreto ti lubong ken
misterio ti biag ta ti ayat ti Dios ti mangted ti inspirasion kadakuada ket
respetarenda ti pintas dagiti pinarsua ti Dios. Kumararagtayo.
-Para kadagiti mangsalaknib iti salun-attayo ken dagiti mangisursuro
tapno agbalinda a silaw dagiti naitalek kadakuada ket ti ayat ti Dios ti
gubbuayan ti pigsada iti panagtrabahoda. Kumararagtayo.
-Para iti gimongtayo ta maadaltay koma ti agpakumbaba, agtitinnulong
ken agtalek iti tunggal maysa ket ipatungpaltayo dagiti aramidtayo
babaen ti ayat. Kumararagtayo.
O Dios nga Amami, sika ti kamang ken sarikedkedmi tapno mapapigsa

ken pumaut ti panagayatmi. Patibkerem ti panagayatmi kenka ken
iti maysa ken maysa kadakami. Dawatenmi dagitoy iti nagan ni Apo
Jesus nga Anakmo. Amen.
94
MAIKALIMA A DOMINGO TI TAWEN (A)
Dios nga Amami, kinuna ni Apo Jesus a dakami ti asin ken silaw ti
lubong. Agkamangkam kenka kadagiti kasapulanmi iti inaldaw tapno
masurotanmi ti nasayaat a dana iti panagbiagmi babaen ti panagbalinmi
nga asin ken silaw ti kagimongan. Tunggal kararag kunatayo:
Timudem, Apo, ti kararagmi.
-Idawdawatantayo ti Santa Ina nga Simbaan ta kanayon koma
nga agbalin nga asin ken silaw dagiti tattao tapno nasaysayaat ti
pannakaiturong ti pannakaisalakantayo. Kumararagtayo.
-Idawdawatantayo ti pagiliantayo a Pilipinas ta iti baet dagiti nakas-ang
a pasamak agari koma ti kappia ken talna iti tunggal umili ket nasayud
ti intay pannakaragpat ti kalikagumtayo a panagdur-as ken kanayon a
tarabayennatayo ti Apo ti daytoy a gagartayo. Kumararagtayo.
-Idawdawatantayo ti karadkad dagiti pamiliatayo tapno maikkantayo ti
adu a gundaway a mangitrabaho ken mangipatungpal ti pagayatan ti
Dios ditoy lubong. Kumararagtayo.
-Idawdawatantayo ti kasapulan ti gimongtayo nangruna ti panagtutunos
ti amin tapno agsantak ti pannakilangentayo iti maysa ken maysa.
Kumararagtayo.
-Idawdawatantayo dagiti masakit ken maparparigat ta babaen ti asi
ti Dios masarakanda koma ti namnama ket maikkan ti kaipapanan ti
panagsagabada. Kumararagtayo.
Adtoy dagiti ararawmi, Ama. Ikarigatanmi, babaen met laeng ti

pannulongmo, ti agbalin nga asin ken silaw ti kagimongan tapno
makapudnokami met laeng kadagiti dungngom ken asim kadakami.
Dawatenmi dagitoy gapu met laeng ken Cristo nga Apomi. Amen.
95
MAIKALIMA A DOMINGO TI TAWEN (B)
Baro a biag ti intuyang ti Ama kadatayo babaen ken Apo Jesus a Cristo
nga immay nagserbi. Aw-awagannatayo ti Ama a sumurot ken Apo
Jesus babaen ti panagayattayo iti pada a tao. Tapno makapudnotayo
a sumungbat iti daytoy nga awag intay ngarud agkamang iti Ama ket
kunatayo tunggal panggep:
Apo, pagbalinennakami nga instrumento ti ayatmo.
-Impakita ni Apo Jesus ti ayat ti Ama babaen ti panangpaimbagna ti
adu a masakit. Agtalinaed koma ti Simbaan a sakramento ni Apo Jesus
babaen ti panagiinnayattayo a kamengna. Kumararagtayo iti Apo.
-Nagkararag ni Apo Jesus sakbay a napan iti sabali nga ili tapno
mangagas ken mangasaba. Mataginayon koma ti gagar ken kired ni
Santo Papa N., dagiti obispo, papadi ken relihioso nga agserbi kadagiti
tao ken maikanunong ti biagda ken Apo Jesus babaen ti kanayon a
panagkararagda. Kumararagtayo iti Apo.
-Naragsakan ni San Pedro ti kaadu ti tao ket binirokna ni Jesus
tapno tamingenna ida. Agserbi koma a siaayat ken sipupudno dagiti
mangidadaulo ti pagiliantayo. Kumararagtayo iti Apo.
-Intuloy ni Apo Jesus a pinaimbag dagiti masakit uray idi rumabiin.
Mataginayon koma ti anus ken gaget dagiti doktor, nars ken dagiti
mangsalaknib iti salun-attayo iti panangitungpalda iti sinapataanda a
trabaho. Kumararagtayo iti Apo.
-Naindaklan a mangagas ni Apo Jesus. Ikkan koma ti Apo Jesus ti
namnama dagiti masakit ket maikkan ti kaipapanan ti panagsagabada.
Dios nga Amami, sagutmo kadakami ti tarigagaymi nga agserbi.

Dawatenmi ti tulongmo ta ibiagmi daytoy a tarigagay tapno maikarikamto
nga agbiag iti pagariam. Dawatenmi daytoy gapu ken Cristo nga Apomi.
Amen.
96
MAIKALIMA A DOMINGO TI TAWEN (C)
Apo a mannakabalin, adu ti nakalapan da Simon Pedro ken dagiti
kaduana iti panangtungpalda ti bilinmo a mangiwayat manen iti iketda.
Ipakita daytoy ti ayatmo kadagiti agtungpal iti bilinmo. Umaymi ngarud
ikamang kenka dagiti kasapulanmi. Tunggal panggep, kunatayo:
Denggem, Apo, ti kararagmi.
-Agpaay iti Simbaantayo, nangruna ken ni Santo Papa N., dagiti
obispo, papadi ken relihioso ta agtultuloy ti misionda a mangisaknap ti
Naimbag a Damag ket ad-adu pay a tao ti mangawat ken Apo Jesus a
Cristo. Kumararagtayo iti Apo.
-Agpaay kadagiti mangiturturong ti gobiernotayo ta ipangrunada koma
nga itrabaho ti pagsayaatan ti kaaduan saan ket a dagiti bukodda a
panggep. Kumararagtayo iti Apo.
-Agpaay iti gimongtayo ta kanayon koma a maamiristayo ti kaipapanan
ti panagsisinnaranay, panagiinnayat ken panagtitinnulong tapno
agbalintayo a napudno a pasurot ni Cristo. Kumararagtayo iti Apo.
-Agpaay kadagiti agngayangay nga agpadi ken sumrek iti kinarelihioso
ta mataginayon ti gagarda a sumurot ken Cristo ket agbalinda a
mangngalap iti tao iti masakbayan. Kumararagtayo iti Apo.
-Agpaay kadagiti kakabsattayo a pimmusayen ta maragpatda koman
ti gloria ti Dios babaen dagiti kararagtayo nga agpaay kadakuada
Apomi a Jesus, simmurotkam kenka babaen ti buniag. Ammomi a

kanayon a denggem dagiti kararagmi. Italekmi ngarud kenka amin
dagitoy a dawatenmi ta makipagbiag ken makipagarika iti Ama ken iti
Espiritu Santo, Dios nga awan inggana. Amen.
97
MAIKANEM A DOMINGO TI TAWEN (A)
Dios nga Ama, mannakabalin-amin, impakitam kadakami ti awan
kaaspingna a lintegmo. Isuda ti sarukodmi nga agturong iti pagariam.
Pasantoennakami bayat ti panangikaysami kenka dagiti kasapulanmi.
Tunggal panggep, kunatayo:
Apo, pagbalinennakam a nalinteg a tattaom.
-Ti Santa Iglesia ti sakramento ni Apo Jesus ditoy daga. Mataginayon
koma ti kinasantona ket agbalin a nalinteg dagiti kamengna ket
maisaknap ti Pagarian ti Dios ditoy lubong. Dawatenmi kenka Apo.
-Ni Apo Santo Papa N., dagiti obispo ken papadi ti nadutokan a
mangiwaragawag ti ebanghelio. Sapay koma ta ti linteg ti Apo ti
pagbatayan ti panangikasabada ti Sao ti Dios kadagiti tao. Dawatenmi
kenka Apo.
-Adda dagiti tao a pinilitayo nga agpanday iti linteg nga agpaay iti
pagiliantayo. Ti koma linteg ti Dios ti silawda nga agaramid kadagitoy
a linteg tapno agari ti kappia iti aglawlaw. Dawatenmi kenka Apo.
-Adu dagiti agsagsagaba ti pannakaparparigat gapu iti di umno a
pannakaipagna ti turay. Agbalin koma ti Dios a kiredda iti panangtuntonda
ti kalinteganda. Dawatenmi kenka Apo.
-Adun a kabagiantayo ti pimmusayen. Itden koma ti Apo ti agnanayon a
panaginana kadakuada ket maikaysadan iti Ama sadi langit. Dawatenmi
kenka Apo.
Apo, dinakam kad ukomen ti lintegmo: Pagbalinennakami a natulnog

iti pagayatam tapno umno ti panagsgganami iti isasangbaymi kenka iti
pagariam. Dawatenmi daytoy gapu ken Cristo ken Apomi. Amen.
98
MAIKANEM A DOMINGO TI TAWEN (B)
Dios nga Amami, di matukod ti kinaimbagmo ket sika ti gubuayan ti
amin a kinasayaat. Adtoykami nga annakmo nga agkamang kenka
kadagiti kasapulanmi iti panagbiagmi. Tunggal kararag kunatayo:
-Agpaay ken ni Santo Papa N., dagiti obispo, papadi ken amin
a tumultulong iti simbaan ta babaen ti grasia ti buniag ken ti
naisangsangayan a pannakadutokda agnanayon koma ti kiredda a
mangiwaragawag ti Naimbag a Damag. Kumararagtayo.
-Agpaay kadagiti rnangiturturong iti gobiernotayo ta tamingenda
koma ti rumbeng a kasapulan dagiti tao saan ket a dagiti bukodda a
pagimbagan. Kumararagtayo.
-Agpaay kadagiti addaan iti sagubanit ti bagi ta ikamangda dagiti
panagsagbada ken ni Apo Jesus a nagsagaba ken natay gapu
-Agpaay kadagiti simiasi iti pammati ta tignayen koma ti Dios ida nga
agsublidan iti pammati a nakabuniaganda. Kumararagtayo.
-Agpaay kadagiti agngangabit ken patay ta tulongan koma ti Dios ida
a mangawat iti kinapudno ti kasasaadda ket makikaysadanto iti Ama
iti agnanayon a biag. Kumararagtayo.
Ama, agbalin kadi dagiti inyebkasmi a kararag nga instrumento ti

yaasidegmi kenka. Dimo rukoden ti kinasiasinomi babaen ti aramidmi
ngem aklonennakam iti regtami nga agbabawi iti kinadakesmi.
Dawatenmi dagitoy gapu ken Cristo nga Apomi. Amen.
99
MAIKANEM A DOMINGO TI TAWEN (C)
Imbukbok ti Dios Ama ti ayatna kadatayo babaen ti panangtedna ti
bugbugtong nga Anakna. Babaen daytoy nga ayat intay ikamang
kenkuana dagiti kasapulantayo ket kunatayo:
Apo, denggem dagiti kararagmi.
-Inyawat ni Apo Jesus ti mision a mangiwaragawag ti Naimbag a Damag
kadagiti amin a nabuniagan nangruna dagiti pinilina a manarawidwid
iti Simbaan. Mapakired koma ti Santo Papa, dagiti obispo, papadi ken
diakono iti daytoy a misionda. Dawatenmi kenka Apo.
-Nasayaat ti kagimongan no naimbag ti pannakaiturong ti gobierno.
Aramiden koma dagiti mangiturturong ti gobiernotayo ti amin a
kabaelanda a mangitrabaho ti pagsayaatan ti kaaduan nangruna dagiti
napanglaw. Dawatenmi kenka Apo.
-Adda dagiti kakabsat a naparaburan iti adu a kinabaknang. Tignayen
koma ti Apo ida a mangiburay ti sanikuada kadagiti makasapul.
-Agpaay kadatayo amin ta kanayon koma a malagiptayo nga aglabas
dagiti kinabaknang ditoy a lubong ket nasken a birokentayo ti
kinabaknang sadi langit babaen ti panagtungpaltayo kadagiti bilin ti
Dios. Dawatenmi kenka Apo.
-Agpaay kadagiti pimmusayen a kakabagiantayo ta masarakanda
koman ti kinabaknang ti langit a pakipagragsakanda iti agnanayon iti
Ama. Dawatenmi kenka Apo.
Ama, pinabaknangnakami ti grasiam babaen ti sakramento ti

buniag. Denggem dagiti kararagmi nga ikamangmi kenka babaen ti
panangibabaet ni Maria nga lnami, gapu met laeng ken Cristo nga
Apomi. Amen.
100
IKAPITO A DOMINGO TI TAWEN (A)
Kakabsat, insuro kadatayo ni Apo Jesus no kasano ti agayat, gayyem
man wenno kabusor. Intay ngarud ita dawaten iti Amatayo sadi langit
tapno masursurotayo met ti agayat ken mamakawan. Iti tunggal dawat,
kunatayo:
Apo, ipaaymo kadakami ti ayatmo.
-Idawdawatantayo ti Simbaantayo tapno agtalinaed a simbolo ti
panagkaykaysa babaen ti pannakikammayetna kadagiti dadduma a
pammati. Kumararagtayo iti Apo.
-Idawdawatantayo ti pagiliantayo tapno agari ti kappia ken talna
ket maragpattay metten ti kalkalikagumantayo a panagdur-as.
-Idawdawatantayo dagiti sibabalud ta masarakanda ti ayat babaen
ti panangpakawan kadakuada dagiti nadangran iti krimen nga
inaramidda. Kumararagtayo iti Apo.
-Idawdawatantayo ti gimongtayo tapno ad-adda ti panangawattayo ti
awis ti Dios a kanayon nga agpipinnakawan no adda guran-gura iti
nagbabaetantayo. Kumararagtayo iti Apo.
-Idawdawatantayo dagiti napanen iti sabali a biag tapno itdenen
kadakuada ti mannakabalin amin a Dios ti pakawan dagiti basolda ket
maikaridan a makipagbiag kenkuana iti agnanayon. Kumararagtayo iti
Apo.
Nailangitan nga Ama, matungpal koma pagayatam a panagkaykaysa

ti amin a tao babaen ti panaginnayan-ayat ken panagpipinnakawan.
Patgam kad dagiti kararagmi tapno dumegdeg ti panagkaykaysami iti
ayatmo gapu ken Cristo nga Apomi. Amen.
101
MAIKAPITO A DOMINGO TI TAWEN (B)
Kakabsat, kumararagtayo iti nailangitan nga Amatayo a nangted
iti kakaisuna nga Anakna a panangipakitana ti dakkel nga ayatna
kadatayo. Adda ken ni Apo Jesus ti pannakabalin a mamakawan
kadagiti basoltayo ket napnoan talek intay ngarud ikamang kenkuana
dagiti kasapulan ti panagbiagtayo ket kunatay:
Apo, ipakitam ti ayatmo kadakami.
-Idawdawatantayo dagiti obispo, papadi ken relihioso ta sireregtada
koma latta a mangipatalged ti mision ni Apo Jesus nangruna ti
panangipateg ken panangsaranayda kadagiti masakit. Dawatenmi
kenka Apo.
-Idawdawatantayo dagiti doktor, nars ken dagiti amin nga agtrabtrabano
ti pannakasalaknib ti salon-at ta aramidenda a naimpusoan dagiti
pagrebbenganda a mangipatungpal kadagiti karida a mangtaripatu
kadagiti addaan sakit. Dawatenmi kenka Apo.
-Idawdawatantayo ti gimongtayo tapno maamiristayo ti awis ti Dios
kadatayo a mangtulong kadagiti masakit, nakurapay ken maikuskuspil
iti aglawlawtayo. Dawatenmi kenka Apo.
-Idawdawatantayo dagiti masakit tapno maamirisda nga iti baet ti
panagrigrigat ken panagtutuokda ket makikaysada met ken Cristo isu
nga immuna a nagsagaba gapu kadatayo. Dawatenmi kenka Apo.
-Idawdawatantayo dagiti minataytayo tapno magun-oddan ti biag nga
agnanayon nga inkari ti Apo kadagiti agbiag a napudno a Cristiano.
Dawatenmi kenka Apo
Mannakabalin amin a Dios, dagitoy ti kasapulanmi nga ikamangmi

kenka. Kas iti panangiburaymo ti ayatmo kadakami babaen ken ni Apo
Jesus taginayonem kad daytoy nga ayat iti kanayon nga isusurotmi iti
Anakmo. Amen.
102
MAIKAPITO A DOMINGO TI TAWEN (C)
Kakabsat, iti pammati ken panagtalektayo ken ni Apo Jesus a Cristo
ti mangiturong kadatayo iti biag a napnoan ayat. Intay ngarud iruknoy
iti Amatayo a nailangitan dagiti kasapulan ti gimongtayo nangruna
ti ad-adda a pannakasursurotayo nga agiinnayat. Tunggal kararag
kunatayo:
-Idawdawatantayo dagiti mangidadaulo ti gimong dagiti Tattao ti Dios
tapno agbiagda a kas mayannurot kadagiti kinagasat ti Ebanghelio
sakbay nga ikasabada dagitoy kadagiti tattao. Kumararagtayo.
-Idawdawatantayo dagiti kakabsattayo a maidaddadanes, maitugtuggod
ken maparparigat ta addaanda latta ti tured ti pakinakem ket saanda a
mapukawan iti namnama. Kumararagtayo.
-Idawdawatantayo ti bagbagitayo tapno maaramid tayo dagiti
pagrebbengantayo a kas Cristiano nangruna ti intay panagayat kadagiti
kakabsattayo agraman manggurgura kadatayo. Kumararagtayo.
-Idawdawatantayo ta agari koma ti kappia ken panagkikinnaawatan
kadagiti familia ken gimongtayo ket maragpattayo ti kalkalikagumantayo
nga panagdur-as. Kumararagtayo.
-Idawdawatantayo dagiti masakit nangruna dagiti agngangabit ken
patay ta awan koma ti pagkuranganda iti panagtalekda iti ayat ken asi
ti Apo. Kumararagtayo.
Dios nga Amami, agtaeng kadi ti ebanghelio ni Apo Jesus iti pusomi
ket masursuromi ti agayat, gayyem man wenno kabusor. Makaay-ayo
kadi dagitoy a kararagmi kenka ket dawatenmi ida iti met laeng nagan
ni Jesus a Cristo nga Anakmo ken Apomi. Amen
103
MAIKAWALO A DOMINGO TI TAWEN (A)
Iti pammatitayo ti di matukod nga ayat ti Ama kadagiti parsuana
agdawattayo ita kenkuana kadagiti kasapulan ti panagbiagtayo ket
kunatayo:
Apo, pagtalinaedem kadakami ti nailangitan a kinabaknang.
-Tapno agtultuloy ti salun-at ti bagi ken kararua dagiti mangidadaulo
ti Simbaantayo ket agtalinaedda a napigsa ken epektibo iti
panangiturongda kadagiti tattao ti pannakaisaknap ti Pagarian ti Dios
ditoy daga. Kumararagtayo.
-Tapno dagiti mangiturturong ti gobierno tayo makapudnoda nga agserbi
a mangidaulo para iti pagsayaatan dagiti tattao. Kumararagtayo.
-Tapno dagiti nagosiante sipupudnoda koma a makitinnulong ti
panagdur-as ti ekonomia tayo babaen ti panagbayadda ti buis ken
saan a nalabes a panagganansia. Kumararagtayo
-Tapno saantayo a kanayon a maseknan kadagiti banag ditoy lubong
a madadael ngem ad-adda koma a tamingentayo dagiti kinabaknang
nga iyawat ni Apo Jesus kadatayo. Kumararagtayo
-Tapno iti panangpilida ti panagserbida iti Dios, maragpat koman dagiti
minataytayo iti pagarian a pagipagragsakanda ken ni Apo Jesus a
Cristo. Kumararagtayo.
Nailangitan nga Ama, ammom amin dagiti kasapulanmi. Patgam kadi

dagiti dawatmi para ti pagsayaatanmi a tattaom Dawatenmi dagitoy a
sipapati iti nagan ni Apomi a Jesus a Cristo. Amen
104
MAIKAWALO A DOMINGO TI TAWEN (B)
Mannakabalin a Dios, agkamangkam iti pannulongmo ta sika laeng ti
paggapuan dagiti kasapulanmi iti daytoy a biag. Itag-aymi ngarud ita
kenka dagiti dawatenmi a kasapulanmi ket kunami:
-Apo, kanayon koma nga agtaeng ti ayatmo ken ni Santo Papa, N.,
dagiti obispo ken papadi tapno agtalinaedda a napudno ti panagserbida.
-Apo, agbunga koma ti kinalinteg, kappia ken panagkaykaysa ti ganuat
dagiti mangidadaulo ti gobiernomi a mangiwaksi ti kriminalidad iti
kagimonganmi. Dawatenmi kenka Apo.
-Apo, awaten ken ipateg koma amin a tao ti pudno a kaipapanan ti
panagayuno ken abstinensia ket aramidenda dagitoy a pangpabaroda
iti panagbiagda. Dawatenmi kenka Apo.
-Apo, masursuromi koma ti agpenitensia nga agpaay kadagiti
kakabsatmi nangruna dagiti makasapul ti kararag ken sakripisiomi.
-Apo, babaen dagiti sakripisio ken panagpenitensiami maragpat koman
dagiti pimmusayen a kakabsatmi ti agnanayon a biag. Dawatenmi
kenka Apo.
Dios nga Amami, wayawayaannakami koma ti sakripisio ken ipapatay ni

Jesus a Cristo nga Apomi iti krus kadagiti pakasikoran ken pagtuokanmi
iti panagbiagmi Awatem ken patgam dagitoy nga un-unnoymi gapu
met laeng ken Cristo nga Anakmo. Amen.
105
MAIKAWALO A DOMINGO TI TAWEN (C)
Dagiti pagkurangan ken limitasiontayo iti pakariknaantayo a
kasapulantayo ni Apo Dios. Iti pannakariknatayo kadagitoy a
kasapulantayo intay ngarud agkamang iti Dios tayo ken kunatayo
tunggal panggep:
Apo, denggem a paraburan dagiti dawatmi.
-Agpaay kadagiti agserserbi ti pannakaiwaragawag ti ebanghelio ta
napudnoda koma a mangsaksi ti mensahe ti ebanghelio iti biag ken
aramidda. Kumararagtayo iti Apo.
-Agpaay kadagiti opisial ti gobierno tayo ta kanayon koma a salaknibanda
ti kalintegan ken dayaw dagiti umili tapno agari ti kinalinteg iti baettayo.
Kumararagtao iti Apo.
-Agpaay kadagiti biktima ti aniaman a didigra tapno ad-adu pay ti naayat
a tao a tumulong ken mangsaranay kadakuada. Kumararagtayo iti Apo.
-Agpaay kadatayo nga adda ditoy ita ken amin nga agtarigagay a
sumurot ken Apo Jesus ta biagentay koma ti mensahe ti ebanghelio iti
panagbiagtayo. Kumararagtayo iti Apo.
-Agpaay kadagiti pimmusayen a kakabsattayo ta pasangbayen koma
idan ti Dios iti nailangitan a pagarianna nga insagana ni Apo Jesus nga
agpaay kadatayo amin. Kumararagtayo iti Apo.
Apo, dagitoy ti sumagmamano a kasapulanmi. Patgam ida no

mayannurotda iti nakemmo ta mamatikami nga ammom dagiti
kasapulanmi. Dawatenmi daytoy gapu met laeng ken Cristo nga Apomi.
Amen.
106
MAIKASIAM A DOMINGO TI TAWEN (A)
Kakabsat, agkamangtay ti Apo a Diostayo kadagiti kasapulantayo iti
panangsurottayo iti Anakna a ni Apo Jesus nangruna ti kanayon koma
a silulukat a puso a mangawat kadagiti balikasna. Kunatayo a sitatalek:
-Agpaay iti Santa Ina nga Simbaan tayo ta kanayon koma a makapudno
a mangisaknap iti Naimbag a Damag iti amin a paset ti lubong.
-Agpaay kadagiti mangidadaulo kadagiti amin a pagilian ta agtitinnulongda
koma a mangsapul kadagiti pagsayaatan ti sangalubongan. Dawatenmi
kenka Apo.
-Agpaay kadatayo tapno agtalinaedtayo iti sidong ni Cristo babaen ti
kanayon a pannakiranodtayo iti Bagi ken Darana iti nasantoan a Misa.
-Agpaay kadagiti amin a maparparigat a Cristiano gapu iti pammatida
tapno ikaysada koma dagiti panagsagabada iti sakripisio ni Apo Jesus
iti krus. Dawatenmi kenka Apo.
-Agpaay kadagiti agduadua ti pammatida ken ni Apo Jesus ta ti grasia
ti Dios ti mangpakired ti pondasion ti pammatida ket masarakanda ti
pudno a bunga ti Sao ti Dios. Dawatenmi kenka Apo.
Apo ket Diosmi, dawatenmi kenka nga ipaaymo kadakami ti ayat ken
gagar a mangtungpal kadagitoy nga ararawmi gapu ken Cristo nga
Apomi. Amen.
107
MAIKASIAM A DOMINGO TI TAWEN (B)
Mannakabalin ken agnanayon a Dios, inaramidmo daytoy nga aldaw a
panaginana ket idaydayawmi ti naganmo. Adtoykam nga annakmo nga
agdaydayaw kenka ket ita itag-aymi dagiti kasapulanmi iti panagbiagmi
iti tunggal panggep kunatayo:
Apo, denggennakam a tattaom.
-Tulongam dagiti mangidadaulo ti Simbaan ken pagilianmi, tarabayem
ida tapno agbalinda a napaypayso nga adipenmo ditoy daga.
-Dawatenmi a dagiti talugading nga imburaymo iti tunggal maysa
kadakami aramatenmi a nalaing ida tapno maragpatminto ti gunguna
iti Pagariam. Dawatenmi kenka Apo.
-Intedmo kadakami ti eukaristia a sakramento ti panagkaykaysa
ipaaymo kadi ti panagkikinnaawatan iti gimongmi. Dawatenmi kenka
Apo.
-Taginayonem a pabilgen ti pammatimi ket kankanayon koma a
siriridamkami iti kasta agnanayonkami a maikanunong kenka.
-Alaem kadin iti sidongmo dagiti kakabagianmi a pimmusayen tapnu
maragpatdan ti agnanayon a kinaragsak iti pagariam. Dawatenmi
kenka Apo.
O Dios nga Amami pukkawem ti kinatangsit iti pusomi tapno ti kapatgan

a perlas nga isu ti agnanayon a biag ti tarigagayanmi saan ketdi a
dagiti banbanag nga aglabas. Dawatenmi dagitoy iti nagan ni Jesus
108
MAIKASIAM A DOMINGO TI TAWEN (C)
Kakabsat, intay idatag iti Amatayo a nailangitan dagiti kasapulantayo
ket dumawattayo ti pigsa ken tured a mangawat ti Saona ken
mangiwaragawag kadagitoy a balikas iti padatay a tao. Kunatayo a
sangsangkamaysa:
Apo, denggem ti kararagmi ket bendisionannakami.
-Tapno kanayon a situtured ti Simbaan a sumurot ti panangidalan ti
Espiritu Santo babaen ti panangipangagna kadagiti mapaspasamak iti
agdama a panawen. Kumararagtayo.
-Tapno sireregta ni Santo Papa N., dagiti obispo, papadi ken diakono a
mangisayangkat ken mangtungpal kadagiti akemda. Kumararagtayo.
-Tapno raemen dagiti mangiturturong ti gobiernotayo ti pangngeddeng
dagiti tattao ket agari ti kappia ken urnos ditoy pagiliantayo.
Kumararagtayo.
-Tapno mapabileg ken maidatan dagiti agsagsagaba iti amin a kita
ti rigat iti namnama ken pannakabang-arda iti panagsagabada.
Kumararagtayo.
-Tapno silulukat ti puso ken isiptayo a mangraem, mangsaranay ken
agserbi iti amin a tao. Kumararagtayo.
Dios nga Amami, tulungannakami tapno kanayon nga agtalinaedkami

a napasnek ken natudio iti amin a banag a kayatmo a mapasamak iti
panagbiagmi gapu met laeng ken Cristo nga Apomi. Amen.
109
MAIKA-10 A DOMINGO TI TAWEN (A)
Amami a nailangitan sika ti gubuayan ti amin nga imbag. Umasidegkami
ita arpadmo ket denggem dagitoy sasainnekmi. Iti tunggal panggep,
kunatayo:
-Tapno agbalin ti Simbaan a napaypayso a familia ti Dios nga
agkaykaysa iti kinapudno, ayat, kinalinteg ken biag ket maitrabahona
ti pagimbagan dagiti tattao. Kumararagtayo iti Apo.
-Tapno maikkat ti amin a kita ti diskriminasion iti daytoy a lubong ket
awaten ti amin ti panagkakabsat dagiti amin a tattao a pagbatayan ti
gimong. Kumararagtayo iti Apo.
-Tapno bigbigen dagiti tattao ti panagduduma dagiti saguday a
naiparabur iti tunggal maysa ken ti responsibilidad a naipabaklay it
tunggal tao. Kumararagtayo iti Apo.
-Tapno maikkat koman dagiti pannakasinasina dagiti Cristiano ken
dagiti amin nga pammati ket mabukel ti maymaysa nga arban babaen
ti maymaysa a pastor. Kumararagtayo iti Apo.
-Tapno agtultuloy iti gimongtayo ti panagpipinnakawan,
panagsisinnaranay ken ti nainkabsatan a kababalin tapno mabuangay
ti Pagarian ti Dios ditoy daga. Kumararagtayo iti Apo.
-Alaem kadin iti sidongmo dagiti pimmusayen tapnu maragpatdan ti
agnanayon a kinaragsak iti pagariam. Dawatenmi kenka Apo.
Nailangitan nga Ama, agbalin kadi a nabileg ti ayatmo a naibukbok

kadagiti puspusomi tapno maipaaymi ti nakristianoan a panagayatmi
kadagiti amin a tattao iti likmutmi babaen ti kararag ken aramidmi
Dawatenmi daytoy gapu ken Cristo, ti nadiosan nga Anakmo ken
Apomi. Amen.
110
MAIKA-10 A DOMINGO TI TAWEN (B)
Kumararagtayo iti Dios a mannakabalin nga Ama. Dawatentayo
kenkuana a pagtalinaedennatayo a napudno ken Apo Jesus a
nangisalakan kadatayo. Tunggal kararag kunatayo:
-Idawdawatantayo ti Simbaan tapno kanayon a surotenna ti dalan nga
agturong iti Ama ket agtalinaed a napundo ti panagsaksina iti Dios a
kas maysa a mannaripato ken manangipateg. Kumararagtayo iti Apo.
-Idawdawatantayo dagiti amin a nasion tapno agturongda koma ken
Apo Jesus a Cristo ket bigbigenda a kas maymaysa a natibker a
pagbatayan masakbayan. Kumararagtayo iti Apo.
-Idawdawatantayo dagiti amin a marigatan tapno masursuroda nga
italek iti Apo dagiti amin a parikut ken pagdandanaganda ket saanda
la nga agtalek iti bukodda a kabaelan. Kumararagtayo iti Apo.
-Idawdawatantayo dagiti amin a tattao tapno maragpatda ti napaypayso
a kappia iti nakem ken panunot babaen ti pammatida ken Jesus a
Cristo ken ti panangidaton iti bagida kenkuana. Kumararagtayo iti Apo.
-Idawdawatantayo dagiti bagbagitayo tapno siaayat ken sipapasnektay
koma a dumngeg iti Apo nga agsasao ken mangipakpakita iti
panagayatna kadatayo. Kumararagtayo iti Apo.
-Alaem kadin iti sidongmo dagiti kakabagianmi a pimmusayen tapnu
maragpatdan ti agnanayon a kinaragsak iti pagariam. Dawatenmi
kenka Apo.
Mannakabalin nga Ama, denggem kad dagiti kararagmi ket

masarakanmi koma ti dalan nga agturong kenka. Dawatenmi dagitoy
gapu ken Cristo nga anakmo ken Apomi. Amen.
111
MAIKA-10 A DOMINGO TI TAWEN (C)
Kakabsat, iti amin a panagtalek intay agkaykaysa nga agdawat iti
Amatayo a nailangitan kadagiti kasapulan ti Simbaan, ti gimongtayo
ken ti sangalubongan. Kalpasan ti tunggal panggep agkaykaysatayo
nga agkuna:
Apo, iti kinaimbagmo denggem dagiti tattaom.
-Para ti Simbaan tayo tapno iti inna panangsango kadagiti adu a rigat
kadagitoy a panawen, agtalinaed ken agballaigi koma a mangitungpal
iti misionna a mangikasaba ti ebanghelio kadagiti amin a tattao.
-Para kadagiti amin a gobierno iti sangalubongan tapno sipupudnoda
nga agtrabaho a maipaay iti sapasap a pagimbagan ket salaknibanda
ti kalintegan ti tunggal tao. Kumararagtayo iti Apo.
-Para kadagiti amin a nabuniagan nangruna kadagiti maaw-awanan ti
panagayat da ken Cristo tapno maaddaanda ti gundaway a makasarak
ken makalangen kadagiti padada a Kristiano nga addaan iti nabiag a
pammati. Kumararagtayo iti Apo.
-Para kadagiti amin a marigrigat ken mailupitlupit tapno makitinnulong
kadakuada ti ad-adu a tattao nga addaan iti naimbag a panagnaknakem
a mangbangon iti maysa a naimbag a lubong nga agpaay para iti amin.
-Para kadatayo amin tapno masursurotay ti agririnnananud kadagiti
talugading nga insagut ti Dios kadatayo. Kumararagtayo iti Apo.
-Para kadagiti minatay tayo, awaten kuman isuda ni Apo tayo iti
pagarian na sadi langit. Kumararagtayo iti Apo.
Ama, Apo ti langit ken daga, iburaymo a sibubuslon ti grasiam kadagiti

amin a puso tapno agkamang amin a tao ken Cristo ket masarakanda
ti agnanayon a salakan kalpasan ti nalinteg ken naayat a panagbiagda.
Dawatenmi daytoy gapu met laeng ken Apo Jesus a Cristo nga Anakmo.
Amen
112
Pinagbalinnatay ti Dios nga annakna ket kinonsagrarannatayo babaen
ti buniag tapno naan-anay ti panagserbitayo kenkuana. Kas naikameng
ken Apo Jesus a Cristo gapu ti buniag makikaysatay iti misionna a
mangisaknap ti ebanghelio. Dumawattay ngarud ti tulong ti Amatayo
ket kunatayo:
-Para kadagiti inayaban ni Apo Jesus a mangtarawidwid ti Simbaanna,
ni Santo Papa N., dagiti obispo ken papadi tapno kanayon ti regtada a
mangiwanwan ti arban ti Apo nangruna dagiti naiwawa iti ubbaw nga
ideolohia a mangtallikud iti Dios. Kumararagtayo iti Apo.
-Para kadagiti opisial ti gobiernotayo tapno kas ken Apo Jesus a
Naimbag a Pastor tumulongda a mangpaimbag kadagiti sakit ti gimong
nangruna ti kinaawan hustisia, kinapanglaw ken kinaawan respeto ti
dignidad ken biag ti tao. Kumararagtayo iti Apo.
-Para kadagiti misionero a naisaknap iti sangalubongan tapno kas
kadagiti sangapulo ket dua nga inayaban ni Apo Jesus ipangrunada ti
pannakaiwaragawag ti Pagarian ti Dios. Kumararagtayo iti Apo.
-Para kadagiti familiatayo ta babaen ti inspirasion ti pammati ken ti
panagkarkararagtayo umadu koma dagiti agtarigagay nga agserbi iti
kinapadi ken kinarelihioso. Kumararagtayo iti Apo.
-Para kadagiti amin a pimmusayen nangruna dagiti nagserbi ti
pannakaiwaragawag ti ebanghelio ta alaen koma idan ni Apo Jesus iti
balay ti Ama nga insaganana para kadatayo amin. Kumararagtayo iti
Apo.
O Dios nga Amami, dagitoy ti kararag a nagtaud iti pusomi. Patgam ida
babaen ken Jesus a Cristo nga Anakmo ken Apomi ket dalusannakam
kadagiti basbasolmi tapno ti tarigagaymi a sumurot kenka, mapalintegmi
ti dalan nga agturong iti biag nga agnanayon. Amen.
113
Maamiristayo ti kinakapsut ti pammatitayo ken ti kinarasitayo gapu
kadagiti basoltayo. Intay ngarud ilukat dagiti pusotayo iti Dios ket
dumawattayo iti kired ken pigsa ti pammati ken salaknib kadagiti
makasulisog a bambanag. Kunatayo iti tunggal panggep:
Apo, denggem dagiti un-unnoymi.
-Para ken ni Santo Papa N., ta agtalinaed ti salun-atna ket
maipatungpalna ti pagayatan ti Dios a mangiwaragawag ti mensahe
ti ebanghelio ket maisagana amin a tao a makaay-ayo iti Pagarian.
-Para kadagiti agtrabtrabaho iti gobierno ken dagiti nadumaduma a
pribado a sektor ti kagimongan ta bayat ti panagtrabahoda dida koma
malipatan ti pagrebbenganda nga agyaman ken agdayaw iti Dios
babaen iti nasantoan a misa. Kumararagtayo iti Apo.
-Idawdawatantayo dagiti amin a Cristiano ta bayat iti panagdaliasatda
ditoy lubong, ikagumaanda ti agbiag a makaay-ayo iti imatang ti Dios
babaen iti panangliklikda iti kinadakes ken panagaramidda iti naimbag.
-Para kadatayo tapno agbalintay a modelo babaen iti pammatitayo
ken Cristo ket ipakitatayo daytoy babaen ti intay panaasisinnaranay
ken panangpasingked iti talek ken ayattayo iti tunggal maysa.
-Agpaay kadagiti amin a pimmusayen ta babaen ti bara ti ayat ti Dios
magun-odda koman ti kalkalikagumanda a sumaklang iti imatang ti Dios
ket makipagtaengdan kenkuana nga awan inggana. Kumararagtayo iti
Apo.
Dios nga Amami sapay koma ta makaay-ayokam kenka ket

madegdegan ti pammatimi ket maiwaksi dagiti babakmi. Dawatenmi
dagitoy gapu ken Cristo ken iti Espiritu Santo isuda a makipagtaeng
kenka iti agnanayon nga awan inggana. Amen.
114
Imparangarang ti Ama ti dakkel ken di agbalbaliw nga ayatna babaen
ken Apo Jesus a Cristo nangpakawan ti managbasol. Sitatalek iti daytoy
a nadiosan nga ayat intay ita idatag kenkuana dagiti kasapulantayo.
Napnuan namnama a patganna ida, kunatayo nga agdawat:
Apo, denggem dagiti as-asugmi.
-“Saanen a siak ti agbibiag no di ket ni Cristo ti agbibiag kaniak.”
Makapudno koma dagiti mangidadaulo iti simbaantayo nangruna dagiti
obispo ken papadi ket mapasanto ti panagbiagda a kas ken Cristo
tapno madegdegan ti pammati dagiti idadauluanda. Kumararagtayo iti
Apo.
-“Mapalinteg ti tao babaen ti pammatina ken Cristo a saan ketdi a
babaen ti panangtungpalna ti ipaannurot ti linteg.” Idawdawatantayo
dagiti miembro ti kongreso ta ipangrunada ti agaramid iti linteg a makita
ti pagannurotan ti ayat ti Dios. Kumararagtayo iti Apo.
-“Insalakannaka ti pammatim, agawidkan a sitatalna.” Idawdawatantayo
dagiti naigamer ti immoral a trabaho ta maamirisda ti gundawayda
nga umawat iti grasia ni Cristo ket sipapakumbabada nga agbabawi.
-“No maipapan iti linteg natayakon tapno agbiagak iti Dios.”
Idawdawatantayo ti parokiatayo tapno mabigbigtay koma ti linteg ti
Dios gapuanan iti panagayattayo iti Dios a mangay-ayat kadatayo.
-“Pakawanen ti Apo dagiti basbasolmo, saanka a matay,” Ipaay koman
ti Apo ti gunggona kadagiti pimmusayen ditoy a biag ket babaen ti
inna panangpakawan dagiti basbasolda, mapagungardanto a
makipagragsak iti disso nga insagana ni Apo Jesus kadatayo amin.
Ama, pinaraborannakami iti biag gapu ken Apo Jesus a Cristo.

Patgam kad dagitoy a dawatmi ket babaen ta grasiam, maawatmi
koma ti pammakawanmo ket maikarikami a makipagbiag a sitatalna iti
sidongmo, ita ken iti agnanayon nga awan inggana. Amen
115
Napagasatantayo a nangawat iti mensahe ti ayat ken kinapudno ti Ama
babaen ken ni Jesus a Cristo nga Anakna ken Apotayo. Sipupudnotay
koma a mangsungbat iti daytoy a mensahe babaen ti panangsaksitayo
ti kinasayaat ti Diostayo. Tunggal dawat kunatayo:
Apo, ipakamaammom iti ayatmo.
-Idawdawatantayo dagiti mangidadaulo ti Simbaantayo ta kanayon koma
a makapudnoda a mangiwaragawag ti kinamanangaasi, kinalinteg,
kinapudno ken kinamagayat ti Dios iti baet ti sangkangimongan.
Kumararagtayo.
-Idawdawatantayo dagiti mangidadaulo kadagiti nasion ta ipangrunada
ti mangaramid kadagiti linteg nga agpaay iti pagimbagan ken pagdur-
asan ti sangkagimongan ket maipangruna a mataming ti kasapulan
dagiti tattao. Kumararagtayo.
-Idawdawatantayo ti Simbaantayo nga agdaldaliasat tapno
agsisinnaranay dagiti mangidadaulo ken kamkameng iti espiritu ti
panagserbi ken napudno a panagtitinnulong. Kumararagtayo.
-Idawdawatantayo dagiti agsagsagaba ken agngangabit ken patay
ta masaranayda koma ti ayat ken kaasi ti Dios babaen ti mensahe ti
Naimbag a Damag ket ad-adu pay a Cristiano ti mangliwliwa kadakuada.
Kumararagtayo.
-Idawdawatantayo dagiti minataytayo tapno ti pammati nga
impaduyakyakda iti panagbiagda isu koma ti mangiturong kadakuada
iti agnanayon nga ayat ken kappia ti Dios. Kumararagtayo.
Dios nga Amami, iti pannakitimpuyogmi kenka babaen ti Anakmo

ken ti Espiritu Santo, agragsakkami iti gimong ti ayat sadi langit
nga impasdekmo ditoy daga. Pagkaykaysaennakami iti Eukaristia a
lamisaan ni Cristo nga Anakmo ken Apomi nga iti naganna dawatenmi
dagitoy kenka. Amen.
116
Nailangitan nga Ama, pinagtalnam ti bagyo a namagpeggad iti biag
dagiti apostolesmo. Sipapakumbabakami ita nga agdawat kenka nga
Amami ta pagtalnaem koma dagiti bagyo iti biagmi a mangyadayo ti
ayatmo kadakami. Tunggal panggep kunatayo:
Apo, ipaaymo kadakami ti kaasim.
-Agpaay ken ni N., a Santo Papatayo, dagiti obispo, papadi ken amin nga
agtrabaho iti Simbaan tapno kanayon a makapudnoda iti bokasionda
a mangiwaragawag ken mangsaksi ti ebanghelio. Kumararagtayo.
-Agpaay kadagiti mangidadaulo iti pagiliantayo tapno kanayon a
maamirisda ti nakaayabanda iti saklang ti Dios a mangtarabay kadagiti
napanglaw ken awanan gaway ket ipaayda ti kasapulan dagiti tattao.
Kumararagtayo.
-Agpaay kadatayo tapno sikikiredtay a tumakder iti baet dagiti allon
ti panagsagaba ken panagrigat ket agbalintay a senial ti kappia ken
namnama dagiti kakabsattayo. Kumararagtayo.
-Agpaay kadagiti daksanggasat a kakabsattayo, dagiti agsagsagaba
ti pannakaitugtuggod, bisin ken sakit ta mapapigsa ti pammatida
babaen ti kinaimbag ti Dios ken mataginayon a panagayatda iti Apo.
Kumararagtayo.
-Agpaay kadagiti napanen iti sabali a biag, tapno ipaay kadakuadan
ti naimbag nga Apo ti ragsak a sagsagrapenen dagiti sasanto idiay
langit. Kumararagtayo.
Dios nga Amami, pagraniagem ti init ti kinaimbagmo kadagiti amin a

tattaom; pagtuduem ti pammakawanmo iti tunggal maysa kadakami
tapno iti maymaysa a timek daydayawendaka ita ken iti agnanayon.
Amen.
117
Apo Jesus, nagbalinka a tao tapno isublim ti kinataomi iti dalan nga
agturong iti Ama. Kayatmo a magnakami iti dalanmo tapno agbalinkami
met a mensahero panangisalakan ken pammakawan. Tulongannakami
ngarud a mangtaginayon iti nasayaat nga aramidmi. Tunggal panggep
kunatayo:
Dawatenmi kenka Apo, denggennakam kadi.
-Tapno maibiag ni Santo Papa, amin nga obispo, papadi ken relihioso
iti ebanghelio ken saksi ti kinasanto ti Simbaan iti agdama a tiempo.
Kumararagtayo.
-Tapno idaton dagiti opisial ti gobierno dagiti akemda iti ayat ken
kinapakumbaba tapno masurotda ti awag ni Cristo ket iburayda ti
bagida ti panagserbi iti Pagarian. Kumararagtayo.
-Tapno mapaturedtayo a mangibaklay kadagiti pagrigatan ti biag ket
makapagbiagtayo kas napudno a Cristiano. Kumararagtayo.
-Tapno siaayat nga awaten dagiti kakabsattayo nga agsagsagaba iti
bagi ken espiritu dagiti krusda ket idatonda dagitoy a panagsagaba a
kararag a pakapakawanan dagiti basbasol. Kumararagtayo.
-Tapno makikaysan dagiti kakabsattayo a pimmusayen iti nagungar
nga Apo. Kumararagtayo.
Mannakabalin ken managparabur nga Ama, kaasiannakami ket

denggem dagiti kararagmi. Ipalubosmo kadi a dagiti tattaom a tinipon
ti Sao ti Biag ken napapigsa babaen dagiti sakramento agtultuloy ti
panangsurotda ti dalan ti pannakaisalakan ken kappia gapu ken Jesus
a Cristo nga Apomi. Amen.
118
Ama a nadungngo, gapu iti panagayatmo kadakami imbaonmo
ti dungdungngoem nga anakmo tapno umaynakam iyaon iti
nakailumlumanmi a basol. Tulongannakam ngarud a mangipatungpal
kadagiti nakaibaonanmi ditoy rabaw ti daga. Tunggal kararag kunatayo:
Apo, pabilgennakam kadi.
-Para ken ni Santo Papa N., dagiti obispo ken papadi, tapno
kanayon a naragsakda a mangawit kadagiti naipabaklay kadakuada
a responsibilidad para ti pagsayaatan dagiti tattao. Kumararagtayo.
-Para kadagiti pangpangulo dagiti nadumaduma a nasion tapno
kitaenda ken tamingenda koma a kanayon ti pagsayaatan dagiti tattao
a nangted kadakuada iti turay. Kumararagtayo.
-Para kadagiti mangibakbaklay ti rigat ti panagbiag, tapno adda dagiti
tattao a nabalitokan ti panagpuspusoda a mangtulong kadakuada.
Kumararagtayo.
-Para kadagiti saan pay a makaammo ken Cristo, tapno silulukat koma
a kanayon dagiti pusoda a mangawat iti balikas ti Apo, babaen dagiti
missionero. Kumararagtayo.
-Para kadagiti masaksakit ken addaan problema iti biag, tapno
masursuroda ti mangibaklay ken mangrisut kadagiti problemada
babaen ti tulong ti Dios a namarsua. Kumararagtayo.
Mannakabalin unay a Dios, adtoy dagiti dawatmi nga annakmo ket

mangnamnamakami a denggem ken patgam ida. Dawatenmi dagitoy
iti nagan ni Jesus nga Anakmo. Amen.
119
Manangngaasi unay a Dios, natipontiponkami kas maysa nga arbar
tapno umaykam dumawat iti panangngaasim kas iti panagdawat
ti opisial ti sinagoga iti tulong ken ni Apomi a Jesus. Saanka koma
nga agkitakit a mangtulong kadakami nupay managbasolkami nga
annakmo. Tunggal kararag kunatayo:
Apo, patibkerem ti pammatimi.
-Agpaay kadagiti mangiturturong iti Santa Iglesia, ni Santo Papa
N., dagiti obispo ken papadi, ta agbalinda a kas ken ni Jesus a
manangngaasi ken mannakaawat kadagiti agkasapulan. Dawatentay
iti Apo.
-Agpaay kadagiti pangulo dagiti nadumaduma a nasion, tapno saanda
nga isardeng nga agaramid iti nasayaat para kadagiti tattao nga
iturayanda. Dawatentay iti Apo.
-Agpaay kadagiti kakabsattayo a mapukpukawan iti nakatolikoan
a pammati, tapno babaen ti panangibabaet ni Birhen Santa Maria,
maluktan koma dagiti isipda nga agtalinaed iti nakaisigudanda a
pammati. Dawatentay iti Apo.
-Agpaay kadatayo nga adda ditoy, tapno sititibker koma a kanayon
ti pammatitayo ken Cristo nga isu ti gubbuayan ti pigsa, ragsak ken
talna iti panagbiag. Dawatentay iti Apo.
-Agpaay kadagiti masakit, dagiti balud ken ulila, tapno saanda koma
a maawanan iti namnama ket agtalekda ti kinamanagayat ti Apo.
Dawatentay iti Apo.
-Agpaay kadagiti minataytayo, tapno maragpatdan ti panaginana iti
sidong ti Dios a Namarsua. Dawatentay iti Apo.
O Dios a gubbuayan ti ayat, dagitoy ti un-unnoymi nga annakmo.

Dinakam koma ngarud paayen nupay managbasolkami ket awan
kaikarianmi. Dawatenmi dagitoy iti nagan ni Jesus nga Anakmo ken
Apomi. Amen.
120
Managayat unay nga Ama, karitennakami ni Apo Jesus nga agbalin nga
adalanna. Adtoykami nga umay umararaw kenka a tulongannakam a
mangragpat iti kasasaadmi nga adalan ket maymaysa turongen ti
imatangmi ti ebanghelio ken dagiti pannursuro ni Apo Jesus. Kunatayo
a pagsungbat tunggal dawat:
Apo, ipakitam ti dalanmo kadakami.
-Idawdawatantayo ni Santo Papa N., dagiti obispo ken papadi, ta
kanayon a surotenda ti dalan ni Jesus a kas maysa a naimbag a pastor
ken mapudnoanda ti kasasaadda kas adalan. Kumararagtayo.
-Idawdawatantayo dagiti pangulo dagiti nadumaduma a nasion,
tapnoaramatenda a pagimbagan ti amin dagiti naipakumit kadakuada
a turay. Kumararagtayo.
-Idawdawatantayo dagiti agngayangay nga agpadi, tapno ti Dios a
kanayon ti mangtarabay ken mangidalan kadakuada nga agturong iti
nakaayabanda. Kumararagtayo.
-Idawdawatantayo daytoy a gimong, tapno agbalintayo a modelo ti
naimbag nga aramid ket makapudnotayo kadagiti annongtayo kas
adalan ni Jesus a Cristo nga Apotayo. Kumararagtayo.
-Idawdawatantayo dagiti pamiliatayo, kakabagian ken kaarrubatayo,
tapno ragsak, talna ken panagayat ti adda a kanayon iti sidongtayo ket
maipakitatayo nga adalannatayo ni Apo Jesus a Cristo. Kumararagtayo.
-Idawdawatatantayo dagiti minatay tayo, tapno makitadan ti rupam-
rupa ni Apo nga manangaasi. Kumararagtayo.
Ama, dawatenmi a denggem ken patgam dagitoy nga ararawmi.

Pagbalinennakm a napudno nga adalan ti Anakmo isu a makipagbiag
ken makipagari kenka ken iti Espiritu Santo, maymaysa a Dios nga
awan inggana. Amen.
121
Ita nga aldaw, itden ti Apo ti makatukay-puso nga awisna kadatayo:
“Umaykayo kaniak, dakayo amin a nabannog nga agtartrabaho ken
agaw-awit iti nadagsen, ket paginanaenkayo.” Umasidegtayo ngarud
iti Dios tapno sagidennatayo iti makaited nam-ay a bilegna. Iti tunggal
dawat, kunatayo:
Apo, awitem dagiti dagensenmi ket liwliwaennakami.
-Ikararagantayo dagiti mangidadaulo iti simbaantayo: ti Santo Papa,
dagiti obispo ken papadi tapno saanda koma nga agipabaklay ti
nadagsen kadagiti tattao ngem tulonganda ketdi ida a mangawit
kadagiti dadagsenda. Kumararagtayo iti Apo.
-Ikararagantayo dagiti opisial iti gobierno tapno saanda koma unay
a maseknan kadagiti pammadayaw ngem ipangrunada koma a
dayawen ti kalintegan ken wayawaya dagiti tattao ket napudno ti
panangtarabayda kadakuada. Kumararagtayo iti Apo.
-Ikararagantayo dagiti maidadanes ken awanan gaway ken dagiti amin
nga agsagsagaba iti nadumaduma a sakit ti bagi ken panunot tapno
masursuroda a biroken ti Dios, ti mangliwliwa ken mangted ti inana.
-Ikararagantayo dagiti amin a Cristiano iti amin a disso, nangruna
kadatayo a nagtitipon ditoy tapno agtalinaedtayo a makikaysa
ken Jesus, ti Apo ken Salaknibtayo iti tiempo ti panagsagaba ken
panagdandanag. Kumararagtayo iti Apo.
-Ikararagantayo dagiti napateg kadatayo nga immununan a napan iti
sabali a biag tapno makiranuddan iti panangisalakan nga inted ti itatao
ni Apo Jesus a Cristo. Kumararagtayo iti Apo.
Ama ti Amin, mangmangted iti inana, intedmo kadakami ti managayat

nga espiritum tapno maiburaymi ti aminmi kadagiti makasapul ken
dagitoy a kararag ken ni Jesus a Cristo nga madagsenan iti biagda ket
sisasaganakami nga agtrabaho iti idadateng ti pagariam. Ikamangmi
dagitoy a kararag ken ni Jesus a Cristo nga Apomi. Amen.
122
MAIKA- 14 A DOMINGO TI TAWEN (B)
Iti kankanayon a pannakaammotayo kadagiti panagsagaba ken
pannakailaksid ni Apo Jesus tapno maitedna pannakaisalakan
kadatayo, sipapakumbabatayo a mangidanon iti Amatayo a nailangitan
dagiti kasapulantayo. Iti tunggal panggep, kunatayo:
Patgam dagiti kararagmi, O Apo.
-Ikararagantayo ti Santo Papa, dagiti obispo ken papadi ken dagiti
amin nga agtartrabaho iti pannakaisaknap ti Naimbag a Damag tapno
maiturongda ti espiritu ti pammati ket maaddaanda ti tured iti baet ti
pannakaitugtuggod ken pannakailaksid. Kumararagtayo.
-Ikararagtantayo dagiti mangiturturong ti gobiernotayo nangnangruna
ti presidentetayo ken dagiti amin nga addaan ti nangato nga akem iti
gobierno tapno maawatda koma ti tulong ti Dios iti panagserbida ti
pagsayaatan ti kaaduan. Kumararagtayo.
-Ikararagantayo dagiti agsagsagaba gapu ti pannakaiwaksi ken
pannakalipat tapno masursuroda ti agtalek ken Apo Jesus a nagsagaba
iti napalalo a pannakaiwaksi. Kumararagtayo.
-Ikararagantayo dagiti bagbagitayo, datayo a nagtitipon ita iti langlang
ti lamisaan ti Apo tapno mataginayon ti panagkakaduatayo babaen ti
maymaysa a pammati. Kumararagtayo.
-Ikararagantayo dagiti pimmusayen tapno saan koma nga ilaksid ti Dios
ida iti pagarianna ngem maawatda koma ti agnanayon a kinaragsak
nga inkari ni Apo Jesus. Kumararagtayo.
Mannakabalin a Dios gapu kadakami impalubosmo a mapadasan ti

bugbugtong nga Anakmo ti maiwaksi ken ti awan dayawna a pannakatay
tapno maaklonkami iti ayatmo. Denggennakam kadi ket patgam ti
dawatmi nga iti ania man a sanaang ti kinadaksanggasat a dumteng
kadakami agtalekkam koma a kanayon iti ayatmo. Ikamangmi daytoy
a kararag gapu ken Jesus a Cristo nga Apomi. Amen.
123
Babaen ti Espiritu Santo nga imbaon ti Ama inturong ni Apo Jesus dagiti
adalanna iti misionda, inikkanna ida ti pannakabalin a mangpaimbag
kadagiti masakit ken agaramid iti milagro ken tinulonganna ida kadagiti
kanito a pannakasapulda. Sipapakumbaba ken sidadayawtayo
ngarud nga agkamang iti Ama ket kiddawentayo a patganna dagiti
karkararagtayo. Iti tunggal panggep kunatayo:
Nailangitan nga Ama, iturongnakami.
-Idawdawatantayo ti Santo Papa, dagiti obispo ken papadi tapno
kanayon a mariknada ti panangiturong ti Espiritu Santo ket situtured,
sisisirib ken sipipingetda a mangibaklay ti pannakaiwaragawag ti
ebanghelio. Kumararagtayo iti Apo.
-Idawdawatantayo ti pagiliantayo nangruna dagiti mangidadaulo
kadatayo tapno kanayon a mabigbigda ti kalintegan ken dayaw
dagiti amin a tattao babaen ti panangammoda kadagiti kasapulanda.
-Idawdawatantayo dagiti napanglaw ken ti agsagsagaba iti bisin tapno
ad-adu ti maawatda a tulong kadagiti addaan iti sanikua. Kumararagtayo
iti Apo.
-Idawdawatantayo dagiti nacristianoan a gimong nangnangruna ti
parokiatayo tapno ad-adda ti panangsungbattayo ti awis ni Apo Jesus
ti panagbalintayo nga adalan. Kumararagtayo iti Apo.
-Idawdawatantayo dagiti pimmusayen a napateg kadatayo tapno
makiranudda koman iti ragsak ti pannakakitada ti Dios iti rupanrupa.
Amami a nailangitan, imbaonmo ti Anakmo ditoy lubong tapno

akmenna ti mision kas tagabo. Dawatenmi ket patgam nga iti isu met
la kinapakumbaba awatenmi a siyayaman ti awisna kadakami nga
agbalin nga adalanna ket makapudnokami iti dayta a kasasaad gapu
met laeng ken Cristo nga Apomi.
124
“Agbunganto iti adu ti bukel a matnag iti nasayaat a daga.” Kakabsat,
ita nga aldaw iti panaglalanglangtayo iti lamisaan ti Apo idatagtay
kenkuana dagiti kasapulantayo tapno nasamsamay ti panagtrabahotayo
iti Pagarian ti Dios di baettayo. Tunggal panggep, kunatayo:
Apo denggem ti kararag dagiti tattaom.
-Apo a Diosmi, idawdawatanmi ti nasayaat a salun-at ni Santo Papa
N., dagiti obispo ken papadimi tapno naan-anay ti pisikal ken espiritual
a pigsada a mangawit iti nakaayabanda a panagserbi. Dawatenmi
kenka Apo.
-Managayat a Dios, idawdawatanmi ti pagilianmi. Agtitinnulong koma
dagiti mangidadaulo kadakami iti lokal ken nasional tapno mapadur-
as ti ekonomia, mapagkaykaysa ti gimong ken mataginayon dagiti
nasayaat a kannawidan ti pagilianmi. Dawatenmi kenka Apo.
-Manangngaasi nga Ama, idawdawatanmi dagiti agsagsagaba a
kameng ti gimongmi, nangruna kadagiti masaksakit ken awanan gaway.
Sagidem ti rikna dagiti tattaom a mangted kadakuada iti liwliwa tapno
maamirisda ti pannakitabunoda iti makaisalakan nga inaramidmo iti
sangkataoan. Dawatenmi kenka Apo.
-Mannakabalin a Dios, idawdawatanmi dagiti amin nga agad-adal ditoy
lugarmi. Agserbi koma ti adalda iti idadakkelda ken panagdur-asda
kas Cristiano a sitatallugod nga agserbi kenka ken iti padada a tao.
-Agnanayon a Dios, idawdawtanmi dagiti simminan a kakabsatmi.
Iturong koma ti kaasim ti pannakiranuddan Kenka ken dagiti sasantosmo
iti nailangitan a pagariam. Dawatenmi kenka Apo.
Dios nga Amami, adtoy ti dawat dagiti annakmo. Patgam kadi dagiti
dawatmi nga agpaay met laeng iti pakaidaydayawan ti naganmo ken
ti pannakapasanto dagiti amin a tattao gapu ken Cristo nga Apomi.
Amen.
125
Ibaon ni Apo Jesus dagiti adalan iti mision. Babaen ti pannakabuniagtayo
nagbalintayo a gimong dagiti adalan ni Apo Jesus a Cristo. Kas
maymaysa a gimong, agkaykaysatay ngarud a mangidatag kenkuana
nga Apo ken Mangisalakan dagiti kasapulantayo. Kalpasan tunggal
panggep kunatayo:
Apo paraburannakami.
-Ikararagantayo ni Santo Papa, N., amin nga obispo ken papadi
tapno sigagagar ken sipipingetda nga agtrabaho iti pannakaisaknap
ti ebanghelio kadagiti amin a tattao nangruna dagiti napanglaw.
-Ikararagantayo dagiti amin nga opisial ti gobiernotayo: ti presidente,
dagiti gobernador ken mayor; dagiti mangtartarawidwid kadagiti korte
ti justisia ken dagiti agpanpanday linteg. Kanayon koma a siaammoda
iti awag ti Dios kadakuada nga agbalin a napudno a mangitandudo ti
kinapudno ken kinalinteg gapu ti ayat kadagiti amin a tattao. Dawatenmi
kenka Apo.
-Ikararagantayo dagiti lugar a pakaisaknapan ti nacristianoan a mision
iti pagiliantayo. Agbalin koma met a missionero dagiti nakaawaten
ti silaw ti pammati babaen ti panangsaksida kadagiti inkarkarida idi
nabuniaganda. Dawatenmi kenka Apo.
-Ikararagantayo dagiti agtukiad a mamati ken mangbigbig iti Dios. Iti
maysa nga aldaw masarakanda koma ti kaipapanan ken kinapateg
ti Dios bayat ti panagdaliasatda kadagiti nadumaduma paset ti biag.
-Ikararagantayo dagiti natayen a misionero nangruna dagiti
nangikasaba ti ebanghelio iti pagiliantayo tapno sumaklangdan ti Dios
ket makipagragsakdan kenkuana iti agnayon. Dewatenmi kenka Apo.
Adtoy dagiti kararag a naggapu kadagiti puspusomi, Apomi a Jesus.

Bendisionam ken patgam ida iti nasantoan a naganmo. Amen
126
Apo, isuronakami a mangammo ken mangayat kenka tapno ad-
adda ken naragragsak ti panagserbimi kenka iti panagbiagmi. Iti
panagdaliasatmi iti dalan ti biag, dumatagkam ita kenka nga agdawat
kadagiti kasapulanmi. Tunggal panggep kunatayo:
Apo, isuronakami nga agkararag.
-Ikararagantayo ni Apo N. nga obispotayo ken dagiti papaditayo.
Agtalinaed ken napinget koma ti panagserbida iti baet ti kinarigat ti
agdama a tiempo. Kumararagtayo.
-Ikararagantayo dagiti opisial ti ili ken probinsiatayo. Kanayon koma
nga itrabahoda ti pagsayaatan ti kaaduan babaen ti panangipasdekda
kadagiti wagas ti panagdur-as. Kumararagtayo.
-Ikararagantayo ti parokiatayo. Umadu koma ti mangidaton ti bagida
nga agserbi iti pada a tao kas tanda ti nairut nga ayat ken pammatida
iti Apo. Kumararagtayo.
-Ikararagantayo dagiti kakabsattayo nga agtartrabaho kadagiti
ganggannaet a lugar. Dumur-as koma ti familia a napanawanda ket
dida koma baybay-an ti pammatida iti Apo. Kumararagtayo.
-Ikararagantayo dagiti mapukpukawan iti pammati. Silawan ken
tarabayen koma ti Espiritu Santo ida a mangpatibker iti dayta a pammati.
Kumararagtayo.
-Ikararagantayo dagiti kakabsattayo nga pimmusayen ditoy a
biag, tapnu maragpat da kuman iti pagarian ni Apo Jesus a Cristo.
Kumararagtayo.
Managparabur nga Ama, itedmo iti tunggal maysa kadakami segun

ti pakasapulanmi. Patgam kadi dagiti dawdawatmi iti kasta ad-adda
a napinget ti itutulongmi ti pannakapadur-as ti Simbaan. Dawatenmi
daytoy iti nagan ni Apo Jesus. Amen.
127
Dios nga Apomi, imburaymo iti tao ti pagariam babaen ti ipapatay
ti Anakmo. Agdawatkam kenka nga iturongmo ti bagi ken isipmi.
Paraburannakam kad ti grasiam tapno maparut dagiti dakes a ruot iti
biagmi ket ad-adu dagiti agtubo a nasayaat a bukel. Tunggal panggep
kunatayo:
Apo, laglagipem dagiti tattaom.
-Ikamangmi kenka ni N. a Santo Papami, ni N. nga obispomi ken dagiti
amin a papadi. Mataripato koma ti bukel ti bokasion nga immulam
kadakuada babaen dagiti ganuatda a mangiturong ti arbanmo iti
pagarian nga inkarim. Dawatenmi kenka Apo.
-Ikamangmi kenka dagiti mangiturturong ti gobiernomi, nangruna dagiti
agpanpanday-linteg. Iburaymo kadakuada ti sirib tapno sumakdoda
iti ubbog ti pannarabaymo ket maay-ayodaka iti panunot ken aramid.
-Ikamangmi kenka ti pagilianmi. Kanayon koma a pagbalinennakami a
saksi ti bukel ti Cristianismo nga immulam iti dagami iti daytoy a paset
ti lubong.Igabaen ti napinget a panangitandudomi ti kinalinteg, ayat
ken kappia. Dawatenmi kenka Apo.
-Ikamangmi kenka ti nacristianoan a gimongmi, ti parokiami.
Pagbalinennakami a napudno iti pannursurom tapno agbiagkami a
kas gimong a sipupunno ti ayat ken kappia. Dawatenmi kenka Apo.
-Ikamangmi kenka dagiti minataymi. Kas ti panangpagungarmo ken ni
Apo Jesus kadagiti natay ket innalam iti saklangmo alaem kadi idan iti
agnanayon a ragsak. Dawatenmi kenka Apo.
Dios nga Apomi, baonem ti bukel nga agtubo, uray no saan a mapuotan
ti agtaltalon. Patgam kadi a mawayawayaan iti kinadakes dagiti
agtalek kenka ket agkammatalekda kadagiti sagutmo. Agtultuloy koma
a sumantak ti biag nga insagutmo kadakami ket iyadayonnakami iti
patay ket maiburay kadakami ti pammati, namnama ken ayat. Patgam
dagitoy babaen ken Cristo nga Apomi. Amen.
128
Dios nga Apomi, mangngaasika kadagiti tattaom. Punnoennakami ti
grasiam tapno kanayon a sigagagarkami nga agserbi kenka iti sao,
panunot ken aramid. Tunggal panggep kunatayo:
Denggennakami, O Dios a kamangmi.
-Italekmi kenka Apo ti Simbaanmi, nangruna ken ni N. a Santo Papami,
ni N. nga obispomi ken dagiti amin a papadi ipakita koma met dagiti
ministrom ti ad-adu nga asi kadagiti tattaom ket iturongda ida iti
pagarian nga inkarim. Dawatenmi kenka Apo.
-Silawam Apo dagiti mangidadaulo ti gobiernomi tapno ipakitada ti asi
ken ayat kadagiti napanglaw babaen ti kinapudnoda a mangitandudo
ti pagsayaatan ti kaaduan. Dawatenmi kenka Apo.
-Ikararaganmi Apo ti pagilianmi a Pilipinas tapno kanayon a mabigbigmi
a dakami ti ummong dagiti tattao nga aggagar iti ayat ken paraburmo.
-Ipakitam Apo ti ayatmo kadagiti agsagsagaba iti lugarmi, luktam dagiti
matada iti sirmata ti paltiingmo. Dawatenmi kenka Apo.
-Mangngaasika Apo kadagiti natayen ket padanonem idan iti balay
nga insagana ni Apo Jesus nga agpaay kadakami. Dawatenmi kenka
Apo.
Apo, mangngaasika kadagiti tattaom. Punnoennakami kadagiti

sagutmo ket iturongnakami iti agnanayon a biag. Tulongannakami a
mangaramat a sisisirib kadagiti pammagasat nga intedmo kadakami.
Dawatenmi dagitoy gapu met laeng ken Jesus a Cristo nga Apomi.
Amen.
129
Dios nga Ama ken salaknibmi, no awanka awan met ti kinasanto, awan ti
addaan ti pateg. Iti panangidatagmi kadagiti panggepmi, punnoennakami
itikaasim tapno maikarikami a mangawat iti bendisionmo. Kunatayo a
pagsungbat tunggal panggep:
Apo, agtalekkam kenka.
-Idawdawatanmi ti Simbaanmo. Tuladenna koma ni Marta iti kinagaget
a mangpaadda ti pagariam iti lubong babaen ti panangiwaragawagna
ti ebanghelio kadagiti amin a paset ti lubong. Dawatenmi kenka Apo.
-Idawdawatanmi dagiti mangidadaulo ti gobiernomi. Kas ken
Maria agtugaw ken makisaoda koma ken Jesus tapno kalpasan
ti panagdengngegda iti sirib ni Cristo agserbida a sipupudno iti
pagimbagan ti amin. Dawatenmi kenka Apo.
-Idawdawatanmi dagiti Filipino a kakabsatmi. Agtalinaedda koma a
naparabur babaen ti panangipakitada ti ayat ken asi iti tunggal maysa
iti kasta kanayon a maidaydayaw ti naganmo. Dawatenmi kenka Apo.
-Idawdawbtanmi ti nacristianoan a gimongmi. Dalusam ken pasantoem,
Apo, tapno addaka ket idaydayawdaka iti baetmi. Dawatenmi kenka
Apo.
-Idawdawatanmi dagiti mamati a pimmusayen. Ipakitam kadakuada
Apo ti sirmata ti rupam ket pagragsakem Ida iti panangimutektekda ti
kaaddam iti baetda. Dawatenmi kenka Apo.
Apo a Dios ti bileg ken pannakabalin, imulam kadagiti pusomi ti gagar

nga agdengngeg ken agtrabaho nga agpaay kenka tapno mapno
dagiti panunotmi kadagiti pampanunot ti ayatmo ket mapno met dagiti
gannuatmi iti ayat. Patgam dagiti dawatmi tapno agserbikam kenka iti
namnama, pammati ken ayat. Dawatenmi daytoy gapu ken Jesus a
130
Pinnenneknakami, O Apo, iti ayatmo babaen ti panangibaonmo ti
bugbugtong nga Anakmo. Winayawayaannakami iti kawar ti basol ket
inikkannakami ti naan-anay a grasia ken bendisionmo. Ngem gapu ti
kinarasi ti panunot, nakem ken pusomi adtoykam a sipapakumbaba a
dumawat iti tulongmo ket kunami iti tunggal panggep:
Apo, ipangagmo kad dagiti ararawmi.
-Agpaay kadagiti mangidadaulo iti Simbaan, ni Santo Papa N., dagiti
obispo ken papadi, kasta met dagiti katulonganda iti pannakaisayangkat ti
nacristianoan a pammati tapno sipapasnekda koma a mangiwaragawag
ti Naimbag a Damag iti amin a lugar. Kumararagtayo iti Apo.
-Agpaay kadagiti opisial ti gobiernotayo ken amin nga addaan iti turay
tapno sangsangkamaysada koma a mangipatungpal ti talna, kappia,
kinalinteg ken rang-ay ditoy pagiliantayo. Kumararagtayo iti Apo.
-Agpaay kadagiti agsagsagaba iti nadumaduma a sakit, dagiti
maidadanes ken marigrigat gapu iti killo nga aramid ken kinaawan
hustisia tapno saanda koma a maupay a dumawat ti pannarabay ken
tulong ti Dios. Kumararagtayo iti Apo.
-Agpaay kadagiti kakabsattayo a naiyaw-awan gapu iti nadumaduma
a pammati ken adu a pakakumikoman ti biag tapno masarakanda
koma ti napudpudno a dalan nga agturong iti biag nga agnanayon.
-Agpaay kadagiti kakabsattayo a napanen iti sabali a biag tapno
magun-odda koman ti lawag nga awan patinggana. Kumararagtayo iti
Apo.
Ama a nailangitan, patgam kad dagitoy nga ararawmi. Tulongannakarni

nga agbiag a nalinted tapno agtalinaedkami a makaay-ayo iti
imatangmo. Daytoy ti dawatenmi gapu met laeng ken Jesus a Cristo
131
Dios nga Amami, babaen ti ipapatay ken panagungar ti bugbugtong
nga Anakmo, nataykami iti basol ket naikkankami iti baro a biag. Isu
ti nagserbi a kas linnaaw a nangpadam-eg ti namaga a daga ken
nagpapudot iti nalamiis a panagpuspusomi. Tulongannakami ngarud
a manglaksid iti amin a kita ti basol ket iti tunggal kararag kunami:
-Para kadagiti mangidadaulo ti nacristianoan a pammati, ni Santo
Papa N., dagiti obispo ken papadi, tapno agballaigida koma a
mangiwaragawag ti Sao ti Dios babaen ti panangibiagda kadagiti
talugading nga insuro in Apotayo a Jesus a Cristo. Dawatenmi kenka
Apo.
-Para kadagiti mangiturturay iti pagiliantayo a Pilipinas tapno babaen
ti pannilaw ti Espiritu Santo makitada koma dagiti kasapulan ti tao ken
mangngegda dagiti adu nga as-asugda. Dawatenmi kenka Apo.
-Para kadagiti kakabsattayo nga addaan ti nasayaat a panagbiag
tapno matukay koma ti pusoda a mangibingay wenno mangiranud
ti sanikuada para kadagiti marigrigat ken agkasapulan. Dawatenmi
kenka Apo.
-Para kadatayo amin a natipontipon iti daytoy a padaya tapno agtalinaed
koma ti panagkaykaysa ken panagiinnayattayo iti tunggal maysa.
-Para kadagiti patpatgentayo a minatay tapno makikaysada koman,
kadagiti anghel ken sasanto ti Dios iti nailangitan a lugar. Dawatenmi
kenka Apo.
Dios a mannakabalin amin, sika ti kamang ken sarikedkedmi bayat

ti panagdaliasatmi iti rabaw ti daga. Tulongannakam a manggun-
od ti napudpudno a nacristianoan a panagbiag tapno maikarikami a
makiranud iti karim a ragsak nga awan patinggana. Daytoy ti dawatenmi
gapu met laeng ken Jesus a Cristo nga Anakmo ken Apomi. Amen.
132
Dios a managayat unay, sika ti pagtaudan ti amin nga adda kadakami.
Iti las-ud ti kinakurapay ken kinakapsutmi, saano a binaybay-an ti
Simbaam a binuangay ni Apomi a Jesus a Cristo. Adtoykam ngarud
nga agpakpakaasi a dumawat iti tulongmo ket iti tunggal panggep
kunami:
Ama a managayat, denggennakam kadi.
-Idawdawatanmi dagiti mangidadaulo kadakami iti nakatolikoan a
pammati, ni Santo Papa N., dagiti obispo ken papadi, ken amin a
naayat a tumultulong iti Simbaanmo. Dawatenmi kenka Apo.
-Idawdawatanmi dagiti mangiturturay ti nadumaduma a nasion tapno
maamirisda koma ti dakkel nga akemda iti pannakaisaknap ti talna
ken kappia ket punasenda ti guran-gura ken gubat tapno agballaigi ti
panagkaykaysa ken panagiinnayat. Kumararagtayo iti Apo.
-Idawdawatanmi met dagiti kakabsatmi a maitugtuggod, marigrigat,
maidaddadanes ken amin nga agsagsagaba iti nakaro a sakit
gapu iti kinaagum ken kinamanagimbubukod tapno saanda koma a
maawanan ti namnama ket ti Dios laeng ti kamang ken sarikedkedda.
-Idawdawatanmi met dagiti pamiliami, kakabagianmi, ken gagayyemmi
tapno ti panagiinnayat ti agari iti tunggal maysa kadakami.
-Idawdawatanmi iti agnanayon a panaginana dagiti kakabsatmi a
pimmanawen ditoy a biag ket pagraniagem kad Apo kadakuada ti
lawag nga awan patinggana. Kumararagtayo iti Apo.
Ama a nailangitan, sika ti ubbog ti grasia ken bendision. Patgam kad

dagitoy nanumo nga un-unnoymi tapno maiwaragawagmi ti dakdakkel
a pakaigloriaam ditoy rabaw ti daga. Dawatenmi daytoy gapu met
laeng ken Cristo nga Anakmo ken Apomi. Amen.
133
Apo Jesus, manangngaasika kadagiti agkasapulan ket pinakanmo
dagiti mabisin. Adtoykam nga agdawat ti pannarabaymo iti kasta kalak-
amanmi ti nadiosan a tulongmo ken grasiam ket magun-odmi dagiti
un-unnoymi. Iti tunggal kararag kunatayo:
Apo, ipangagmo kad ti kararagmi.
-Para iti Simbaan, ni Santo Papa N., dagiti obispo papadi ken dagiti
mangiwarwaragawag ti Naimbag a Damag. Babaen ti pannulong ti
Dios Espiritu Santo sigagagar ken situturedda koma a mangituloy
ti nakaayabanda a mision nangruna ti panangtulongda kadagiti
napanglaw. Dawatenmi kenka Apo.
-Para iti gobiernotayo ditoy Pilipinas, dagiti agtakem iti turay. Babaen ti
naited a turay kadakuada, aramidenda koma ti annongda a mangkita
ti pagimbagan dagiti amin a tattao saan ket a kabukbukodanda laeng
a panggep. Dawatenmi kenka Apo.
-Para kadagiti masaksakit, mabisbisinan, dagiti agkasapulan iti tulong.
Dida koma maawanan ti namnama iti biag no di ket mariknada ti ayat ti
Dios kadakuada babaen dagiti karkararagda. Dawatenmi kenka Apo.
-Para kadatayo amin a nagtitipon ditoy ita. Agtultuloy koma dagiti
naimbag nga aramidtayo ket sidadaantayo a tumulong kadagiti
kakabsattayo nga awanan gaway. Dawatenmi kenka Apo.
-Para kadagiti minataytayo. Awaten koma idan ti Dios iti nailangitan
a pagarianna iti timpuyog dagiti angheles ken sansantos. Dawatenmi
kenka Apo.
Ammom Apo a sika laeng ti pagkamanganmi kadagiti amin nga

ararawmi. Patgam ngarud dagitoy a dawdawatmi tapno agbalinkami a
napudno nga adalam a sipapasnek a tumulong kadagiti kakabsatmi.
Dawatenmi dagitoy ita naganmo sika nga Apomi iti agnanayon. Amen.
134
Mannakabalin nga Ama, impaaymo ti nailangitan a tinapay kadagiti
tattaom. Ket imburaymo pay ti kakaisuna nga Anakmo nga isu met
laeng ti sibibiag ken agnanayon a tinapay ti biag. Adtoykam ita nga
annakmo nga agdawat kadagiti kasapulanmi iti panagbiagmi kas
mamati. Iti tunggal panggep kunatayo:
Apo, ipaaymo kadakami ti tinapay t biag.
-Agpaay iti Santo Papa, dagiti obispo ken papadi. Babaen ti nasantoan
a lana nga inawatda idi naordenanda agbalin koma a sarikedked ken
pigsada a mangitultuloy a mangiwaragawag a ni Jesus ti napaypayso
ken agnanayon a tinapay a mangted ti biag. Dawatenmi kenka Apo.
-Agpaay kadagiti opisial ti gobiernotayo. Babaen ti talugading nga
inted ti Dios kadakuada aramatenda koma a naimbag ti annongda a
mangkita ti urnos, kappia ken rang-ay ti pagilian. Dawatenmi kenka
Apo.
-Agpaay kadagiti saan pay a mamati ken ni Apo Jesus. Masarakan ken
mapadasda koma iti panagbiagda a ni Jesus ti tinapay ti biag kadagiti
amin a tattao. Dawatenmi kenka Apo.
-Agpaay kadatayo amin ditoy ita. Babaen ti panangawattayo ti nasantoan
a bagi ken dara ni Apo Jesus maamiristay koma nga annaknatayo ti
napaypayso a Dios. Dawatenmi kenka Apo.
-Agpaay kadagiti addaan sakit ken awanan namnama Babaen ti
pannilaw ti Espiritu Santo main-inutda koma a marikna nga adda
kadakuada ti Dios iti baet ti panagsagabada. Dawatenmi kenka Apo.
-Agpaay kadagiti kakabsattayo a pimmusayen iti daytoy a biag. Awaten
koma idan ti Dios iti nailangitan a pagarianna. Dawatenmi kenka Apo.
Apo Jesus, sika ti nailangitan a tinapay ti biag a nanubbot kadakami.

Pagbalinennakami met a taraon ti biag para kadagiti kakabsatmi.
Dawatenmi dagitoy a panggep iti Ama babaen ti panangibabaetmo.
Amen.
135
Kakabsat, kumararagtayo iti Amatayo a nailangitan ket dumawattayo
iti tulongna nga aniaman a grasia nga itedna kadatayo aramatentayo
koma ti pagimbagan ti padatayo a tao. Iti tunggal panggep, kunatayo:
Apo, denggem dagitoy ararawmi.
-Tapno ipaay koma ti Apo ti naan-anay a pigsa ken kired ken Santo
Papa N., dagiti obispo ken papadi a mangiwaragawag kadagiti tattao ti
napaypayso a kaipapanan ti pannursuro ti Simbaan. Dawatenmi kenka
Apo.
-Tapno aramiden koma dagiti addaan iti turay ti pagrebbenganda
mangkita ti pagimbagan dagiti tattao saan ketdi ti bukodda a
pagsayaatan. Dawatenmi kenka Apo.
-Tapno maamiris dagiti addaan iti kinabaknang ti annongda a tumulong
kenmangibingay iti sanikuada kadagiti napanglaw ken awanan.
-Tapno aramatentayo koma a naimbag ti naited a grasia ni Apo Dios
kadatayo ket agbalin a gubuayan ti panangtulongtayo iti padatayo a
tao. Dawatenmi kenka Apo.
-Tapno awaten koman ti Dios dagiti kakabsattayo a pimmusayen iti
nailangitan a pagarianna. Dawatenmi kenka Apo.
Nailangitan nga Ama, dagitoy ti inkam dawaten kenka ket sapay koma
ta agbalinda a wagas a mangted ti ayat ken inanamami nga agserbi ti
pagimbagan ken pakaigloriaan ti naganmo. Dawatenmi daytoy gapu
136
Amami a nailangitan, kinuna ni Apo Jesus nga Anakmo: “Dikay
agbuteng! Siak ni Jesus, dikay agdanag!” Adtoykam iti saklangmo a
napnoan iti talek, pammati ken wayawaya a mangiyebkas kadagiti
kasapulanmi iti daytoy a biag. Ket kunami:
Apo, isalakannakami.
-Adu ti pakariribukan ti binuangaymo nga Iglesiam. Dawatenmi, Apo,
ti pannarabaymo kadagiti pinilim a mangidaulo kenkuana nangruna
ken ni Santo Papa N., dagiti obispo ken papadi ta agtultuloy koma ti
kinaregtada nga agserbi para iti pannakaisaknap ti ebanghelio iti amin
a lugar. Kumararagtayo.
-Agsagsagaba ti sangalubongan iti nadumaduma a krimen ken
pannakaabuso dagiti awanan gaway. Idawdawatanmi ti pagilianmi a
Pilipinas nangruna ti Presidentemi ken dagiti napili a mangidaulo iti
turay ta agkaykaysada a mangitrabaho ti hustisia, panagkaykaysa,
kappia ken panagdur-as dagiti umili. Kumararagtayo.
-Nasayyasayya dagiti pinilim a tattaom gapu ti panagimbubukod ken
kinaaguma nangparnuay iti kinakurapay ti kagimongan. Agtaengka,
Apo, kadagiti pusomi tapno agtitinnulong ken agsisinnaranaykami
nangruna kadagiti kakabsatmi a masaksakit, agsagsagaba ken
nakurapay. Kumararagtayo.
-Ni Apo Jesus ti dalan, ti pudno ken ti biag. Ikammatalekmi dagiti
minataymi ta sika met laeng ti pagsublianda ket makiranuddan iti
nagloriaan a pagariam nga insagana ni Apo Jesus babaen ti ipapatay
ken panagungarna. Kumararagtayo.
-Nagduduma dagiti panggep a kayatmi a dawaten. Iti panagulimekmi
itag-aymi dagiti kararagmi kenka nga Amami. (Ulimek) Kumararagtayo.
Dagitoy, Ama, dagiti kararagmi nga annakmo ket sitatalekkami iti asi
kenayatmo a patgam ida agraman dagiti saanmi a naiyebkas nga adda
iti kaunggan iti pusomi ket dawatenmi amin dagitoy gapu met laeng
137
“Ibagak kadakayo ti pudno: ti mamati adda biagna nga agnanayon.
Siak ti tinapay ti biag.” Iti pannakaliwliwami kadagitoy a balikas ni Apo
Jesus, sumaklangkam kenka, Ama a mangipaduyakyak ti pammatimi a
ni Apo Jesus ti tinapay ti biag ket, ita ikamangmi met dagiti kasapulanmi
iti panagbiagmi. Kunatayo tunggal kararag:
-Ikakaasimi dagiti mangidadaulo ti Simbaan: dagiti diakono, papadi
obispo ken ti Santo Papa. Agtultuloy koma ti karadkad ken ragsakda
nga agtrabaho para iti pannakaisaknap ti pammati ket mabigbig ni Apo
Jesus a tinapay ti biag. Dawatenmi kenka, Apo.
-Ikakaasimi met dagiti naikkan iti responsibilidad a mangidaulo ti
gobiernomi. Kanayon koma nga isayangkatda dagiti proyekto para iti
pagsayaatan ti kaaduan ket mabigbig dagiti tattao a bunga dagitoy ti
naimpusoan a panagserbi. Dawatenmi kenka, Apo.
-Ikakaasimi dagiti mayaw-awan, maparparigat, maidadanes,
masaksakit iti bagi ken panunot ken dagiti napanglaw. Ni koma Apo
Jesus a tinapay ti biag ti mangted kadakuada ti pigsa ken salaknib ket
maikkanda ti namnama ken ayat. Dawatenmi kenka, Apo.
-Ikakaasimi dagiti kakabsatmi a pimmusayen. Mairanudda koman ti
panagungar ni Jesus ket maragpatdan ti biag nga agnanayon nga
sinegseggaanda bayat ti panagbiagda ditoy daga. Dawatenmi kenka,
Apo.
-Ikakaasimi dagiti pamiliami ken ti gimongmi. Babaen ti panangawatmi
ti bagi ken dara ni Apo Jesus a Cristo mairanudkamto iti biag nga
agnanayon. Dawatenmi kenka. Apo.
Ama, ammom dagiti linaon ti panunot ken pusomi. Ammom dagiti banag
amakaited biag ken patay kadakami. Sika ngarud Apo ti pagtalkan ken
pagkamanganmi iti panagbiagmi. Gapu met laeng ken Jesus a Cristo
nga Anakmo ken apomi. Amen.
138
“No sadino ti yan ti gamengyo„ adda met sadiay ti pusoyo “ Dios
nga Amami, ni Apo Jesus nga Anakmo ti ipangpangrunami unay
a gameng gapu iti dakkel nga ayatna kadakami nga impakitana
babaen ti ipapatayna iti krus. Umararawkam ita iti saklangmo kadagiti
kasapulanmi ken kunami:
-Idawdawatanmi ni N. a Santo Papami ta mataginayon koma ti bara ti
ayatna iti Santa Catolica ket itultuloyna a sipapakumbaba ken siaayat
ti akemna kas pangulo, maestro, ken kas maysa a padi. Dawatenmi
kenka Apo.
-Idawdawatanmi dagiti mangiturturong ti gobiernomi nangruna ken ni
Presidente N., ta idalan ken iturong koma ti Espiritu Santo ti panunotda
ket ipingetda nga itrabaho ti pagdur-asan ti pagilian. Dawatenmi kenka
Apo.
-Idawdawatanmi dagiti dimtengan ti didigra iti biag: dagiti naawanan
iti patpatgen iti biag, napukawan iti trabaho, biktima ti kinaagum, ken
amin a sakit ti sangkagimongan. Iburay koma ni Apo Jesus a Cristo ti
naisangsangayan nga ayat kadakuada. Dawatenmi kenka Apo.
-Idawdawatanmi pay dagiti natayen a nakaawat iti buniag babaen iti
nagan ni Apo Jesus a Cristo. Maawatda koma a padapada dagiti grasia
a naikari kadakuada iti daydi aldaw a pannakabuniagda. Dawatenmi
kenka Apo.
-Agulimektayo ket intay ikammatalek iti Amatayo a nailangitan dagiti
bukodtayo a panggep. . . (ulimek). Dawatenmi kenka Apo.
Dagitoy Ama dagiti kasapulanmi nga annakmo. Ipangagmo kad ida ket
ipaaymo kadakami ti grasia nga ammom a makaited ragsak, talinaay,
kappia, panagkaykaysa ken ayat iti kagimonganmi Dawatenmi daytoy
gapu met laeng ken Jesus a Cristo nga Anakmo ken apomi. Amen.
139
Managayat nga Ama, adu dagiti pagkurangan ken kasapulanmi iti
daytoy a biag ket kasapulanmi ti naan-anay a tulong ken kaasim.
Adtoykam ita a sipapakumbaba nga agunnoy kenka ket idatagmi dagiti
kasapulanmi. Iti tunggal panggep, kunatayo:
Ama a nadungngo, kaasiannakam kadi.
-Idawdawatanmi dagiti mangidadaulo ti simbaan. Kas iti nainsiriban
a panangagas ni Apo Jesus, ipaaymo kadi ti pumada a kinasirib
kadakuada tapno ad-adu pay a kararua ti maagasan babaen ti
panangiwaragawag ken panagibiagda ti nasantoan nga ebanghelio.
Dawatenmi kenka.
-Ikararaganmi met dagiti amin nga agserserbi iti gobierno. Kas iti
napudno ken naasi a panagserbi ni Apo Jesus a Cristo kadagiti tattao,
tuladenda koma dagitoy a galad ti panagserbi tapno rumang-ay ti
panagbiagmi. Dawatenmi Kenka.
-Para kadagiti masaksakit. Ipaaymo kadi, O Dios, a babaen ti nalag-
an nga ima ni Apo Jesus a maipatay kadakuada, umimbagda a daras
babaen ti panangbuyogda iti kararag ken nabiag a pammati kenkuana.
Dawatenmi kenka.
-Para kadakami amin nga adda ditoy ita, tapno maadalmi nga ipateg
ti biagmi a kas Cristiano ken Catolico, dumegdeg ti panagayat
ken panagbutengmi iti Dios, ken agtalinaedkami iti pammati a
nabangonanmi. Dawatenmi kenka.
-Inkari ti anakmo ti biag nga agnanayon ken ni Dimas. Idawdawatanmi
met dagiti amin a minataymi ta makapudnoda metten kadagiti
nagkurkuranganda ditoy daga, ket ipaaymo Ama ti ragsak nga itden ti
nadayag a sidongmo. Dawatenmi kenka.
Dagitoy Ama ti dawat dagiti tattaom. Patibkerem koma ti pammatimi a

kas iti babai a taga-Canaan ket iburaymo dagiti parabur a kasapulanmi,
agingga a magunod-mi ti ragsak ti pagarian nga awan ti inggana. Gapu
ken Apo Jesus a Cristo, dawatenmi dagitoy. Amen.
140
Dios nga Amami, ti bagi ken dara ni Cristo ti pudno a taraon ken
inumen ti agtikag ken agbisin a kararuami gape kadagiti basbasolmi.
Imburay ti anakmo dagiti kasapulanmi tapno maragpatmi ti biag nga
agnanayon. Umararawkam kenka, Ama, kadagitoy a kasapulanmi.
Tunggal kararag kunatayo:
Apo, aramidennakam a napudno kenka.
-Idawdawatantayo ti simbaan, tapno saan nga agsarday ti
pannakataraonna kadagiti naespirituan a banag: ti Sao ti Dios, ken
ti Espiritu Santo. Babaen dagitoy, agtalinaed koma a nasantoan iti
imatang ti Dios. Kumararagtay iti Apo.
-Idawtawatantay met ti pagilian a Filipinas. Babaen ti nagkaysa
panagtrabaho dagiti mangidadaulo kadatayo para iti sapasap a
pagimbagan, maragpattay koma ti panagdur-as iti panagbiagtayo.
-Ikararagantay met ti parokiatayo, tapno agbalin a pagwadan ti
panagayat ken panangtulong kadagiti nakakaasi a pamilia a biktima ti
panagbisin ken kinapanglaw. Kumararagtay iti Apo.
-Tapno datayo a mangaw-awag iti bagitayo a kristiano, saantay a
liwayan ti makimisa ken agrukbab iti Dios, ken kanayon koma a mapno
dagiti pusotayo iti ragsak a mangawat kadagiti sakramento, kas taraon
ti naespirituan a biagtayo. Kumararagtayo iti Apo.
-Para kadagiti pimmusayen a natartaraonan iti bagi ken dara ni Cristo,
ipaay koma a kaasi ti Dios ta pakawanenna dagiti nagbasbasolanda
ditoy daga, ket pasangbayenna idan iti nailangitan a disso a ginun-od
ni Cristo babaen ti ipapatayna. Kumararagtay iti Apo.
Agyamankam, Apo. iti impaaymo a gundaway kadakami tapno

maipeksami dagiti kasapulanmi kenka. Sapay koma ta imdengannakam
a kas maibagay iti panangawatmi ken Cristo iti nasantoan a komunion.
Dawatenmi daytoy gapu met laeng iti nasantoan a naganna. Amen.
141
Mannakabalin nga Ama, ni Apo Jesus nga Anakmo ti Ari ti langit ken
daga, isu ti ari ti kappia. Babaen kenkuana idatagmi ita dagitoy a kararag
a pagdawatmi iti naan-anay a paraburmo iti inaldaw a panagbiagmi. Iti
sangsangkamaysa a timek kunami:
Ama a nadungngo, denggennakam kadi.
-Intay idawdawatan ti Santa Catolica a naisaknap iti sangalubongan,
tapno agbalin a napudno nga instrumento ti panagbalbaliw dagiti tattao,
ituloyna nga idalan ida iti umno a dana nga agturong iti pagarian ti Dios,
babaen ti awan sardayna a panangikasabana ti Naimbag a Damag.
Dawatentay iti Apo.
-Idawdawatantay ti pagiliantayo, tapno agari koma ti napaypayso a
kappia, talna ken wayawaya, babaen ti napudno a panangitrabaho dagiti
agtuturaytayo kadagiti programada para iti sapasap a pagimbagantayo
nga umili. Dawatentay iti Apo.
-Para kadatay amin nga adda ita ditoy. Agbalintayo koma a saksi
ti ayat Dios kadagiti padatay a tao, babaen ti nainkabsatan a
panangipamatmattayo ti kappia ni nagungar a Jesus. Dawatentay iti
Apo.
-Para kadagiti mangig-iggem iti tulbek ti kappia ditoy pagiliantayo;
dagiti polis, soldado, abogado, hues ken opisial lokal. Dawatentay
iti Apo nga ipaayna koma ti umno a pannilaw ken pannarabay
iti panangipatungpalda ti hustisia, linak ken talna, nga awan ti
idumdumada. Dawatentay iti Apo.
-Idawdawatantay dagiti amin a simminan iti daytoy a biag: tapno
makiranuddan iti panagungar ni Apo Jesus, ket agtalinaeddan iti sidong
ti kappia ti Ama a Nailangitan. Dawatentay iti Apo.
Ama, naindaklan ti panagayatmo kadakami. Mangnamnamakami nga

imdengam dagiti kararagmi kas indatagmi kenka, iti nagan ni Jesus a
142
Apo Jesus a Cristo nga Anak ti sibibiag a Dios, sika ti kamang ken
sarikedkedmi. Kenka idatonmi dagiti kararagmi ket mangnamnamakami
nga imdengam ida. Kunatayo a pagdawat:
Apo, imdengam dagiti dawatmi.
-Apo Jesus, impasdekmo ti Iglesiam ken intalekmo ti tulbek ti Pagarian
ti langit ken ni San Pedro. Bendisionam ket punnoem iti grasiam ni
N., a Santo Papami, dagiti obispo papadi tapno mapakired ken
mataginayonda ti mangipaneknek ti kaaddam iti sibaymi babaen dagiti
nadiosan a pannursuroda. Kumararagtay iti Apo.
-Apo Jesus, intedmo ti turay kadagiti adalam. Silawam dagiti
agtuturay iti pagilianmi tapno sangsangkamaysada nga agtrabaho
para iti pannakapatalinaed ti kappia, hustisia ken panagkaykaysa.
-Apo Jesus, adda agkuna a sika ni Elias wenno ni Jeremias wenno
maysa kadagiti profeta. Luktam ti mata dagiti saan pay a makaam-
ammo kenka ket wayawayaam ida manipud iti kinabulsekda tapno
makita ken mabigbigdaka iti inaldaw a panagbiagda ken iti padada a
tao. Kumararagtay iti Apo.
-Apo Jesus, sika ti Cristo nga Anak ti Sibibiag a Dios. Agbiagka kadakami
ket iturongnakami nga agbiag segun iti pagayatam ken palintegem
dagiti datanmi tapno iti las-ud ti panagbiagmi maiparangarangmi ti
nabiag a kaaddam kadakami. Kumararagtay iti Apo.
-Apo Jesus, inawagam a nagasat ni Simon Pedro gapu ta namati a
sika ti Anak ti Sibibiag a Dios. Ipaaymo kad met daytoy a kinagasat
kadagiti kakabsatmi a pimmusayen a namati kenka ken sinanama ti
panangungardanto. Kumararagtay iti Apo.
Apo, mamati ken agtalekkami a patgam amin a dawdawatmi agsipud
ta kinunam:”Ania man a dawatenyo iti naganko, ipaay kadakayo ti
Ama.” Apo, ammom dagiti pakasapulanmi ket ipaaymo koma kas
pagayatam, sika nga Apo ket Dios. Amen.
143
O Apomi a Jesus, patienmi ti kinunam a patgan ti managayat ken
managparabur nga Ama dagiti amin a dawatenmi babaen ti naganmo.
Iti napakumbaba a puso idatagmi ita kenka dagiti kasapulanmi.
Kunatayo a pagdawat:
Apo, patgam dagiti dawatmi.
-Apo Jesus, imparangarangmo ti kinasiasinom kadagiti tattao ngem
saandaka a binigbig. Tarabayem dagiti mangidadaulo ti Iglesiam,
ti Santo Papa, dagiti obispo ken papadi, tapno mataginayonda ti
mangiparangarang ken mangipaawat ti kinasiasinom, a sika ti Dios a
nangyeg ti salakanmi. Kumararagtay iti Apo.
-Apo Jesus, ti Espiritu ti makaited biag. Tignayem ti puso, nakem
ken panunot dagiti mangidadaulo ti pagilianmi tapno ipangrunada
nga isayangkat ti pannakapadur-as ti panagbiag ti gimongmi ken ti
pannakapatalinaed ti kappia ken hustisia tapno agsantak ti biag a
sagut ti Espiritu. Kumararagtay iti Apo.
-Apo Jesus, kinunam: “Awan ti makaumay kaniak no saan nga
ipalubos ti Ama.” Pagraniagem ti silawmo iti nasipnget a dalanmi tapno
matuntonanmi ti dana nga agturong iti Ama. Kumararagtay iti Apo.
-Apo Jesus, pinanawandaka dagiti adu a pasurotmo ken saandan
a kimmuyog kenka. Lawlawagam ti nakullaapan nga isip dagiti
kakabsatmi a simiasi iti dalan ken nangtallikud kenka gapu iti kinakurang
ti pannakaawat, kinakapsut ti pammati ken kinalupoy ti lasag nga inyeg
ti naindagaan a kinaderrep ken nakillo a kapanunotan. Kumararagtay
iti Apo.
-Apo Jesus, adda kenka dagiti sao a makaited ti agnanayon a biag.
Ipaaymo kad ti namnama kadagiti kakabsatmi nga agsagsagaba
ken agtutuok gapu iti sakit ken nadagsen a parikut. Babaen ti saom,
masarakanda koma ti napudpudno a kaipapanan ti biag. Kumararagtay
iti Apo.
Apomi a Jesus a Cristo, nagbiagka a kas tao ket nakipagpagnaka

kadakami. Iti yaaymo impakitam kadakami no kasano ti agbiag segun
ti linteg ti Dios Ama. Italekmi ngarud kenka dagiti un-unnoymi sika nga
agbiag ken makipagari iti Ama iti timpuyog ti Espiritu Santo. Amen.
144
Apomi a Jesucristo, sika ti dalan nga agturong iti Ama ket babaen
ti ipapataymoiti krus ken ti panagungarmo impaaymo kadakami ti
pannakaisalakan. Ita idatonmi kenka dagiti ararawmi. Kunatayo a
pagsungbat tunggal kararag:
-Cristo Jesus, iti dalanmo nga agturong idiay Jerusalem, nangisursuroka
kadagiti nalabasam nga ili ken barrio. Ipalubosmo nga agsaknap ti
lintegmo iti Iglesia a binangonmo ket maiwaragawag ti naganmo
babaen ti pannursuro dagiti mangidadaulo ti Simbaam. Dawatenmi
kenka.
-Cristo Jesus, kinunam a nailet ti ruangan nga agturong ti pagariam.
Pabilgem dagiti pangulo ti pagilianmi a mangisaknap ti panagdur-as ti
panagbiagmi nangruna dagiti marigrigat tapno mailisida iti panagaramid
iti dakes ket maikarida a sumrek dita nailet a ruangan Dawatenmi
kenka.
-Cristo Jesus, agsangit ken agngaretngetto dagiti managdakdakes.
Ikkannakarn iti naan-anay a pigsa a sumaranget iti sulisog tapno dikam
masurotan ti dalan ti kinadakes. Tulongannakami tapno sititibkerkami
a mangarakup iti nasantoan a panagbiag. Dawatenmi kenka.
-Cristo Jesus, nakipangan, nakiinom ken nangisuroka kadagiti tattao.
Ipaaymo ti lawag kadagiti kakabsatmi a nakullaapan ti panunot, puso
ken nakemna tapno mabigbigda ti kaaddam iti biagda ket dida sumiasi
iti dalan nga agturong kenka. Dawatenmi kenka Apo.
-Cristo Jesus, tinarigagayam ti pannakaisalakan dagiti amin a tattao
ket inawatmo ti pannakatay iti krus. Ilukatmo kad ti ruangan ti pagarian
ti langit kadagiti kakabsatmi nga immunan a pimmusay. Dawatenmi
kenka Apo.
Apo Jesus a Cristo, denggem dagiti kararag nga idatonmi kenka

ket mangnamnamakami iti napnuan ayat a panangipangagmo.
Tulongannakam nga agbalin a gimong dagiti mamati ken agtalek
kenka, sika nga Apo ken Diosmi. Amen.
145
Mannakabalin nga Ama, tarigagayanmi unay a suroten ti dalan
ti dungdungngoem nga Anak, ngem adu dagiti pagkurangan ken
pagkapsutanmi. Umararawkami ngarud kenka tapno denggem dagiti
un-unnoymi ket ipaaymo ti grasiam ken bendisionmo. Iti tunggal
kararag, kunatayo:
-Idawdawatantayo dagiti mangidadaulo ti simbaantayo, ni Santo
Papa N., dagiti obispo ken papadi, tapno agtalinaedda a sipupudno iti
bokasion a nakaayabanda iti baet ti riribuk ken problema iti agdama a
panawen. Kumararagtayo iti Apo.
-Idawdawatantayo dagiti mangiturturay ti pagiliantayo tapno
masursuroda ti sumurot ti nalinteg ken napudno a dalan ni Apo Jesus
ket dida koma rumukma iti sulisog nga agsuitik, agkunniber ken
agtakaw. Kumararagtayo iti Apo.
-Idawdawatantayo met dagiti napanglaw, masaksakit, maidadanes ken
agsagsagaba tapno makitada ti tuok ken rigatda a kas pannakipasetda
iti krus nga inawit ni Apo Jesus. Kumararagtayo iti Apo.
-Idawdawatantayo ti gimongtayo ta sipupudnotay koma a sumurot ken
ni Apo Jesus babaen ti pananglipattayo kadagiti bagbagitayo ken ti
panangibaklaytayo ti krustayo iti inaldaw. Kumararagtayo iti Apo.
-Idawdawatantayo met dagiti kakabsattayo a simminan iti sidongtayo
ta dagiti koma rigrigatda idi sibibiagda ti pangigappuan ti Apo a
mangpasangbay kadakuada iti nailangitan a disso. Kumararagtayo iti
Apo.
Dios nga Amami, denggem kad dagitoy a linaon ti puso ken panunotmi
tapno agbiagkami nga agpaay kenka ken iti padami a tao. Amin dagitoy
dawatenmi gapu ken Cristo nga Anakmo ken Apomi. Amen
146
Kakabsat, mamatitayo a ti pagimbagan ti tao isu ti pagayatan ken
pakinakem ti Dios. Dumawattayo ngarud iti managayat nga Ama
kadagiti kasapulantayo nga agbalin a naimbag ken nasingpet nga
annakna. Iti tunggal panggep, kunatayo:
Ama, denggem dagiti un-unnoymi.
-Para kadagiti dadaulo ti simbaantayo tapno sipupuso ken siaayatda a
mangipatungpal ti pagayatan ti Dios ken ti pagsayaatan dagiti tattao.
-Para kadagiti mangipatpataray ti gobiernotayo nangruna dagiti
agpanpanday-linteg tapno agsangaida kadagiti paglintegan a
nayannatup ti piano ti Dios ken mangipatungpal ti interes ti kaaduan.
-Para kadagiti malmalday, marigrigat, maitugtuggod, sapay koma to
saan nga agari ti nailubongan a linteg kadagiti pusoda no di ket ti linteg
ti Dios ti mangiturong ti panagbiagda. Kumararagtayo iti Apo.
-Para kadatayo amin nga adds ditoy, kanayontayo koma a dumngeg iti
Dios ken ti kasapulan ti padatayo a tao tapno mapamuaytayo ti linteg a
mangituray iti manayon a kappia, panagrang-ay ken panagkakabsat.
-Para kadagiti kakabsat, kakabagian ken gagayyemtayo a pimmanawen
iti daytoy a biag, babaen ti panangsurotda ti linteg ken pagayatan ti
Dios ken ti panangipatungpalda ti pagimbagan ti tao makikaysadan iti
Ama sadi langit. Kumararagtayo iti Apo.
Nailangitan nga Ama, dagitoy ti kararag nga agtaud iti kaunggan ti

puso ken riknami. Sipapakumbabakami nga agdawat kenka tapno
addakam latta a sidadaan nga agserbi kenka iti ayat ken pammati.
Dawatenmi dagitoy iti nagan ni Jesus nga Anakmo ken Apomi. Amen.
147
Ama a nailangitan, nagbalin ni Anakmo a Jesus a pagwadan ti
kinamanagayat, kinamanangngaasi ken kinapakumbaba. Isuro ken
tulongannakami ngarud sumurot kadagiti pagpatulad ti Anakmo babaen
ti pananglemmesmo kadakami ti grasia ken bendisionmo. Tunggal
kararag, kunatayo:
Apo, sika ti kamang ken sarikedkedmi.
-Ikararaganmi ti sibubukel a Simbaan ta mataginayon koma ti
panggepna a mangirakurak ti Ebanghelio ti kappia, ayat, ragsak ken
kinapakumbaba. Dawatentay iti Apo.
Ikararagantayo met dagiti mangidadaulo ti gobiernotayo nangruna
ti presidentetayo ta sipapakumbaba koma a mangipagna ken
mangipatungpal ti tartarigagayantayo a panagdur-as ken talna.
-Ikararagantayo met dagiti maaw-awanan, maikuskuspil ken
maisalsalumina iti kagimongantayo tapno iti baet ti kinapanglaw
ken riribuk agtuttuloy ti napakumbaba nga inanamada iti Dios Apo.
Dawatentay iti Apo.
-Ikararagantayo met ti gimong a paggargarawantayo ta iwaksitayon a
maminpinsan ti panagpipinnangas, panagiinnapal ken panagdidinnadael
tapno agtaeng ti talinaay, ayat ken ragsak iti sidongtayo. Dawatentay
iti Apo.
-Ikararagantayo pay met dagiti minataytayo ta maawatdan ti sagut ken
gunguna ti agnanayon a ragsak. Dawatentayo iti Apo.
Amami a naimbag unay, agtamedkarbi iti sakaanam a mangiyarungaing

kadagitoy nga un-unnoymi. Dawatenmi a patgam dagitoy tapno
agbiagkam a makaay-ayo kenka. Dagitoy ti dawatenmi gapu ken Cristo
148
Iti pannakaawattayo iti Dios ti pammakawan dagiti basbasoltayo
masapul met nga iburaytayo ti pakawan kadagiti nakabasol kadatayo.
Ngem kanayon a marigatantayo a mamakawan ket iti baet dayta a
kinakapuytayo, agdawattay ngarud iti Apo ket kunatayo:
Apo, pagbalinem ti pusomi a maipada kenka.
-Apo Jesus, inkasabam ti pammakawan. Iti baet dagiti mapaspasamak
iti lubong, papigsaem ti Santo Papa, dagiti obispo ken papadi tapno
iwaragawagda ti ebanghelio ti kinalinteg ken ayat. Kumararagtayo iti
Apo.
-Saan koma a dagiti personal a pagimbagan ti itrabaho dagiti
mangiturturong ti gobiernomi ngem kitaen ken maseknanda ti
pagsayaatan dagiti napanglaw ken makasapul. Kumararagtayo iti Apo.
-Iti panagtultuloy dagiti krimen ken saan a panagkikinnaawatan
ditoy pagilianmi tulongannakarni a mangbirok iti kappia ken
panagkikinnaawatan saan nga iti bunganga ti pattog ngem iti puso a
sisasagana a mamakawan ken agayat. Kumararagtayo iti Apo.
-Ikararagantayo dagiti tattao nga aggugura: dagiti pamilia a nagsisina,
aggagayyem a nagsisina gapu ti di panagkikinnaawatan. Ikkam ida Apo
ti panunot ken puso a sisasagana a dumngeg ken alisto a mamakawan.
-Agdawattayo a paimbagen ti Ama a Nailangdan dagiti masakit,
liwliwaenna dagiti agngagabit ken patay, salaknibanna dagiti
agdaldaliasat, wayawayaanna dagiti saan a nainkalintegan ti
pannakarabsut ti wayawayada. Kumararagtayo iti Apo.
Denggem dagiti kararagmi. Apo. Paimbagem dagiti nariribuk

konsiensiami ken ti nasugat a pusomi, ket pagkaykaysaennakami
kas pamilia ti Simbaan. Dawatenmi daytoy kenka a makipagbiag
ken makipagari iti Ama ken ti Espiritu Santo, maymaysa a Dios iti
agnanayon. Amen.
149
Ti aramid ti Dios saan a kas kadagiti aramidtayo. Naanus ti Dios
ken naasi. Agnanayon ti panagayatna. Ngarud iti kinakapuytayo,
sipapakumbabatay nga agkuna:
Apo, iturongnakami iti dalan ti kappia.
-Tapno itultuloy nga aramaten ti Santo Papa, dagiti obispo ken papadi
ti sagut dagiti saad, bileg, impluensia ken ti turayda a mangisuro tapno
agtalinaedda a napudno a pastor dagiti mamati. Kumararagtayo iti Apo.
-Tapno saan koma nga abusoen dagiti opisial ti gobierno ti posisionda
ngem aramatenda ketdi a pagserbi iti kaaduan nangruna dagiti
napanglaw, masakit ken agkasapulan. Kumararagtayo iti Apo.
-Tapno maited ti grasia ti pannakapaimbag kadagiti kakabsattayo nga
agsagsagaba iti sakit ket maamiris ken mariknada ti pannakiranudda
iti pagarian ti Dios. Kumararagtayo iti Apo.
-Tapno agbalin a pagtuladan dagiti trabaho ken balikas dagiti misionero
ditoy pagiliantayo ken dagiti ganggannaet a daga iti kasta umadu dagiti
tattao a mangaklon ti nacristianoan a panagbiag. Kumararagtayo iti
Apo.
-Tapno sumreken dagiti napanen iti sabali a biag iti Pagarian ti Dios
ket awatendan ti agnanayon a kappia ken kinaragsak. Kumararagtayo
iti Apo.
Patgam dagiti dawatmi, Apo, ket papigsaennakami nga agbiag kas

napudno nga adalan. Dawatenmi amin dagitoy a kararag kenka nga
Amami iti nagan ni Jesus a Cristo nga Apomi. Amen.
150
Adda ni Apo Jesus iti baettayo babaen ti Balikasna ken ti pannakapisi
ti tinapay. Kas maysa a gimong a nagtitipon iti naganna agdawattayo
iti Ama a nailangitan kadagiti kasapulantayo ket kunatayo iti tunggal
panggep:
Apo, patgam dagiti dawatmi.
-Tapno maipeksa a kanayon ti Simbaan ti pannakikaysana ken ni Apo
Jesus a Cristo iti Eukaristia babaen ti agtultuloy a panagserbina iti ayat
ken kaasi. Kumararagtayo iti Apo.
-Tapno itrabaho dagiti amin a mangidadaulo kadagiti nasion iti
sangalubongan ti kappia, panagkikinnaawatan ken panagkakabsat
tapno agbiagtayo a sitatalinaay ken tattao nga addaan dayaw ken
takneng. Kumararagtayo iti Apo.
-Tapno masarakan dagiti napanglaw ken nabaybay-an ti taklinda ken
ni Apo Jesus babaen ti napnoan ayat nga itutulong dagiti kakabsatda
a Cristiano. Kumaragragtayo iti Apo.
-Tapno maiturong iti Simbaan dagiti mapukpukawan ti namnama iti
panagbiagda babaen ti inspirasion ti ebanghelio ken ti wagas ni Apo
Jesus iti panagayat kadagiti tattaona. Kumararagtayo iti Apo.
-Tapno maiteden ti agnanayon a kappia ken kinaragsak iti Pagarian
kadagiti kakabsattayo nga immunan a pimmusay ngem datayo.
Denggem Ama dagitoy a dawatmi ket tulongannakami a tattao nga

agpaay iti sabali ket maikarikami a makiranud iti agnanayon a biag.
Dawatenmi amin dagitoy iti nagan ni Apo Jesus nga Anakmo. Amen.
151
Ama a nailangitan, sika ti gubuayan ti kaasi. Dawatenmi nga itedmo
ti grasiam kadakami tapno masursuromi ti mangpakawan kadagiti
nakabasol kadakami ket mabigbigmi ti kinamanagbasolmi. Iti tunggal
panggep kunatayo:
Apo timudem kad ti dawatmi.
-Para kadagiti mangidadaulo ti Simbaantayo, ni N. a Santo Papa tayo,
dagiti obispo ken papadi, tapno itultuloyda ti agbalin nga instrumento
ti kappia iti nacristianoan a gimongtayo. Kumararagtayo iti Apo.
-Para kadagiti opisial ti gobiernotayo tapno sipupudnoda nga agserbi a
mangiwayat ti kappia ken nalinteg a panagbiag iti amin nga iturayanda
tapno maragpat panagdur-as ti pagiliantayo. Kumararagtayo iti Apo.
-Para kadagiti kakabsattayo a maitugtuggod gapu iti kinaawan asi
dagiti padatay a tao, tapno ti Apo a Dios ti agbalin a-sarikedkedda ket
saanda a maup-upay a sumango ti panagbiagda. Kumararagtayo iti
Apo.
-Para kadagiti pagilian nga aggugubat, tapno mabigbig ken maamirisda
ti kinapateg ti biag ken masursuroda a risuten dagiti parikutda babaen
ti nasayaat ken nainkappiaan a wagas. Kumararagtayo iti Apo.
-Para iti daytoy a gimongtayo tapno datayo a nakangngeg ti mensahe ti
Dios agbalintayo a pagtuladan iti biag a napnoan ti panagpipinnakawan.
-Para kadagiti kakabsattayo a pimmusayen, mapakawan koman dagiti
basbasolda ket maikamengda metten iti sidong ti Apo. Kumararagtayo
iti Apo.
O Apomi a Dios, naindaklan ti panagayatmo kadakami nga annakmo.

Timudem dagiti panagunnoymi. Pagbalinennakam a mannakaawat
ket ipaaymi ti kappia iti gimongmi. Dawatenmi dagitoy gapu ken Cristo
152
Naindaklan ken mannakabalin a Dios, intedmo ti pammati kadakami
tapno iti daytoy a biag, maammoanmi ti kinapudnom ken Cristo nga
Anakmo. Adtoykam nga anakmo nga agdawat a kanayon koma a
papigsaem dayta a pammati. Kunatayo iti tunggal panggep:
Apo, degdegam kad ti pammatimi.
-Tapno dagiti mangidadaulo ti simbaantayo, ni N., a Santo Papatayo,
dagiti obispo ken papadi addaanda a kanayon ti kired ken pigsa a
mangiwaragawag ti nakatolikoan a pammati iti sangalubongan.
-Tapno kanayon mabigbig dagiti dadaulo ti gobiernotayo ni Cristo
nga isu ti silaw kabayatan ti panangitrabahoda kadagiti programada
para ti panagdur-as ti kagimongan a saan ketdi a ti bukodda laeng a
pagimbagan. Kumararagtay iti Apo.
-Tapno dagiti saan pay a makabigbig ken ni Cristo a Dios, maparaburanda
koma ti pammati a mangammo ken mangibiag kadagiti pannursurona.
-Tapno dagiti nakurapay ken agsagsagaba gapu iti sakit, gubat ken
bisin, maikkanda koma latta ti namnama iti panagbiag ket dumegdeg
koma ti pammatida a ni Cristo ti biag ken salakanda. Kumararagtay iti
Apo.
-Tapno daytoy a gimongtayo, babaen ti pannilaw ti Espiritu Santo,
mapasingkedan koma ti pammatitayo babaen ti intay panagbibinnuray iti
ayat kadagiti kaarrubatayo kasta met kadagiti makasapul iti tulongtayo.
Manangngaasi ken managayat unay a Dios, bigbigenmi nga adu pay

ti pagkurangan ti pammatimi ngem saanmi nga ipalubos a mapukaw
daytoy iti ima ti kabusor. Degdegam dayta a pammati tapno agbalinkami
a kanayon a napudno nga annakmo. Dawatenmi dagitoy iti nagan ni
Jesus a Cristo nga Apomi. Amen.
153
Manangngaasi unay a Dios, mamatikami nga awan papanan ti biagmi
no awanka iti baetmi. Babaen iti daytoy a pammati, sipapakumbabakami
nga agdawat iti kaasim tapno maikarikami met a makipagragsak kenka.
Ket kunatayo tunggal kararag:
Kaassiannakam kadi, O Apo.
-Idi sibibitinka iti krus, inkarim ti pagarian ti langit iti daydi mannanakaw
a nakabigbig kenka. Apo kaasiam ken tulongam dagiti mangidadaulo
ti Simbaanmo tapno sigaganetgetda latta a mangiwanwan kadagiti
tattaom. Kumararagtay iti Apo.
-Apo, impakitam ti kaasim kadagiti lima ribu a tattao babaen ti
panangpakanmo kadakuada. Tignayem ken papigsaem dagiti opisial
ti gobiernomi tapno sitatallugodda nga agserbi iti pagilian iti naganmo
para ti panagdur-as ti kagimongan. Kumararagtay iti Apo.
-Pinakawanmo dagiti managbasol nangruna dagiti nakabigbig kenka.
Riingem kad ti puso dagiti kakabsatmi a nakalipaten ken timmallikuden
kenka gapu kadagiti di maiyannurot ti pagayatam nga ar-aramidenda
tapno agsublida met laeng kenka. Kumararagtay iti Apo.
-Apo, inikkam ti panagkita ti maysa a bulsek idiay Jerico, dawatenmi
a dakami a makaammon kadagiti pannursuro ni Cristo, masursuromi
nga ibiag ida ket agbalinkami nga instrumentom iti nacristianoan a
panagbiag. Kumararagtay iti Apo.
-Kas iti naiwawa nga anak a nagsubli iti Ama, dawatenmi a babaen ti
grasiam, agsubli met laeng dagiti kakabsatmi a simiasi ti pammatida
kenka ket paraburam ida ti naun-uneg a pammati ken ni Apomi a Jesus.
-Dawatenmi Apo nga alaem kadin iti sidongmo dagiti kakabsatmi
a pimmusayen tapno makipagragsakda metten iti pagariam.
Sibibiag ken manangngaasi a Dios, silawam dagiti isipmi tapno iti

daytoy a biag, sika laeng ti adda ti panunot, puso ken nakemmi a
mangted ti pudno a ragsak saan ket a dagiti nailubongan a banag.
Dagitoy ti kararagmi iti nagan ni Jesus a Cristo nga Apomi. Amen.
154
MAIKA-25 A DOMINGO T1 TAWEN (A)
Agkamangtay ita iti Dios nga Amatayo ket idatontayo kenkuana dagiti
kararagtayo tapno mapapigsa ti pammatitayo ken Cristo ket madalusan
dagiti panunottayo ken tapno agbalintay a naparabur kadagiti padatay
a tattao. Kunatayo a pagsungbat iti tunggal kararag:
Apo, pagbalinennakam a naparabur nga agserbi kenka.
-Idawdawatantayo ti Santo Papa, dagiti obispo, papadi ken amin a
mangted iti paset ti tiempoda nga agpaay iti Dios ken iti tao tapno
mapapigsa ti pammatida ket siaayatda nga agtrabaho iti pannakaisalakan
ti amin. Kumararagtayo.
-Idawdawatantayo dagiti opisial ti gobiernotayo tapno maited
kadakuada ti pigsa ken gagar a mangipatungpal kadagiti planoda para
iti pagsayaatan ti kaaduan iti pagiliantayo. Kumararagtayo.
-Idawdawatantayo dagiti agsagsagaba kadagiti didigra, gubat, sakit ken
dagiti agngangabit ken patay tapno maamirisda a ti panagsagaba ket
paset ti ikakanunongda kadagiti pannursuro ni Cristo. Kumararagtayo.
-Idawdawatantayo ti parokiatayo tapno kanayon nga awatentayo ti
wagas a kayat ti Dios iti panagbiagtayo ket sitatalektayo nga agtudio
kadagiti pagayatanna. Kumararagtayo.
-Idawdawatantayo dagiti natayen a kakabsattayo tapno babaen ti
panangibabaet ti Naingasatan a Birhen nga Inatayo, makitiponda
koman iti awan inggana a ragsak idiay langit. Kumararagtayo.
Dagitoy ti kararag dagiti tattaom, Apo. Denggem ti timek dagiti pusomi

nga agtalek kenka ket patgam dagiti dawatmi ket pagbalinennakam a
naparabur nga agtrabaho iti kaubasam. Dawatenmi dagitoy iti nagan
ni Apo Jesus a Cristo nga Apomi. Amen.
155
Iti panagkamangtayo iti Dios nga Amatayo, dawatentay kenkuana
ti kappia, kinalinteg ken ti pigsatayo nga agserbi iti padatay a tao.
Sumungbattayo iti tunggal kararag:
-Ikararagantayo ti Simbaantayo, ti pangulotayo ni Papa N., dagiti obispo
ken papadi tapno kanayon a natibker ti pammatida ket napigsada
mangirupir ti kappia ken kinalinteg. Dawatenmi kenka.
-Ikararagantayo dagiti opisial ti gobiernotayo tapno agari ti kinalinteg ken
kappia kadagiti puso ken panunotda ket sipupudnoda nga agtrabaho
para kadagiti tattao. Dawatenmi kenka.
-Ikararagantayo dagiti agsagsagaba tapno wayawayaan ida ni Apo
Jesus kadagiti sanaang a parnuayen ti pannakabaybay-a ket ikkanna
ida ti puso a napnoan namnama ti biag. Dawatenmi kenka.
-Ikararagantayo ti parokiatayo tapno kanayon nga adda kadatayo ti
puso nga agserbi ket maidasigtayo a kangrunaan iti pagarian ti Dios.
Dawatenmi kenka.
-Ikararagantayo dagiti immunan a pimmusay tapno pakawanen idan ti
Dios kadagiti aniaman a nagbasolanda ket makiranuddan iti agnanayon
a kinaragsak. Dawatenmi kenka.
Dios nga Amami, sika ti gubbuayan ti biagmi; patgam dagiti panggepmi

bayat ti panangitultuloymi ti panagserbimi kenka ken iti padami a tao.
Dinakam kad ilunod iti nakababalin a patay ken ilisinakam iti sulisog.
Dawatenmi daytoy gapu ken Cristo nga Apomi. Amen.
156
Kalikagum ti Ama sadi langit a maisalakan ti amin a tao. Italektay
ngarud dagiti kararagtayo kenkuana ket kunatayo tunggal panggep:
Apo, denggennakami ket paraburannakami.
-Agpaay iti simbaantayo, nangruna ti Santo Papa, dagiti obispo ken
papadi ken amin a mangisakripisio ti biagda tapno maiwaragawag
ti Naimbag a Damag to maikkanda ti tured, kired ken salaknib iti
panangisaknapda ti Pagarian ti Dios. Kumararagtayo iti Apo.
-Agpaay iti pagiliantayo tapno mabangontayo koma ti espiritu ti
panagkaykaysa ken panagkakabsat iti baet ti panangpadayawtayo
kadagiti nadumaduma a kuttura. Kumararagtayo iti Apo.
-Agpaay kadagiti malmalday, masakit, napanglaw ken awanan gaway
tapno liwliwaen ti Dios ida ket masarakanda ti namnama ken ti
kaipapanan ti panagsagaba. Kumararagtayo iti Apo.
-Agpaay kadatayo nga agindeg iti daytoy a parokia to agbalintay
koma a nasikap a mangaywan kadagiti pinarsua ti Dios nga intalekna
kadatayo. Kumararagtayo iti Apo.
-Agpaay kadagiti minataytayo to maragpatda koman ti pannakiranudda
kadagiti gameng sadi langit. Kumararagtayo iti Apo.
Dios nga amami, pagbalinennakam a nasikap a manarawidwid kadagiti

intalekmo kadakami ket aramatenmi ida tapno maragpatmi ti insagana
ni Apo Jesus kadakami a pannakipagragsak kenka iti agnanayon nga
awan inggana. Amen.
157
Managayat nga Ama, impakitam kadakami ti naindaklan nga ayatmo
babaen ti panangibaonmo ti Anakmo a nagbalin a tao, nagkawes kas
adipen, nagpakumbaba ken nagtulnog agingga ken patay. Dawatenmi
nga ikkannakami ti kired ken pigsa a mangsurot iti dalan ni Cristo Jesus
tapno maikarikami a kas annakmo. Iti tunggal kararag kunami:
Apo, denggen ken paraburannakami.
-Para iti Santa Ina nga Simbaan nangruna ken ni Santo Papa N.,
dagiti obispo ken papadi. Kas ken Juan a Mammuniag a nangisagana
iti pagnaan ni Cristo babaen ti panangiwaragawagna ti Naimbag a
Damag, agbalinda koma met a dalan dagiti nayaw-awan nga agsubli
ken Cristo. Kumararagtayo iti Apo.
-Para kadagiti mangiturturay iti pagiliantayo. Kas ken Cristo Jesus
a nagbalin nga adipen tapno agserbi kadagiti tattao, aramidenda
koma met a nasayaat ti akemda kas nadutokan nga agserbi para ti
pagsayaatan ti amin. Kumararagtayo iti Apo.
-Para kadatayo nga adda ditoy a makipagrambak iti Nasantoan
a Eukaristia. Kas iti umuna nga anak a nagtulnog iti bilin ti amana,
aramiden ken surotentay met ti bilin ti Apo babaen ti panangipakitatayo
ti ayat ken tulongtayo iti padatay a tao. Kumararagtayo iti Apo.
-Para kadagiti marigrigat, masaksakit, nakakaasi ken maidadanes.
Saanda koma a maawanan iti namnama ti biag ken agtalinaedda a
napigsa ken nakired iti pammatida ken Cristo nga Apo ket Diostayo.
-Para kadagiti kakabsattayo a pimmusayen. Sapay koma to
maragpatdan ti biag nga agnanayon kas inkari ti Apo kadakuada.
Ama babaen ken Cristo nga Anakmo, patgam kad dagitoy a kararagmi.
Tulongannakam a mangbuangay ti nasantoan a gimongmo tapno
agkaykaysakami a kas maymaysa a pamilia ni Cristo. Dawatenmi
daytoy iti naganna. Amen.
158
Manangngaasi nga Ama, babaen ken Cristo nga Anakmo
nawayawayaankami iti pannakaadipenmi ti basol. Tulongannakam
a manglaksid ken mangliklik iti kinadakes tapno agari koma laeng ti
kinasayaat ti panunot, puso ken nakemmi. Ipaaymo met kadakam ti
asi ken pammakawanmo. Iti tunggal panggep, kunatayo:
Denggennakam kadi.
-Agpaay kadagiti mangidadaulo ti simbaan, ni Santo Papa N., dagiti
obispo ken papadi. Agtultuloy koma ti panangisaknapda ti Naimbag a
Damag iti sangalubongan tapno agkaykaysa ti amin iti ayat, pammati
ken dayaw iti Apo. Kumararagtayo iti Apo.
-Agpaay kadagiti amin a nabotosan ken nadutokan a mangidaulo ti
gobiernotayo. Idalanda koma a naimbag ti kappia, urnos ken hustisia
iti pagiliantayo aglalo iti pannakaited ti napudno a serbisio para kadagiti
kakabsattayo a nakurapay. Kumararagtayo iti Apo.
-Agpaay kadatayo amin nga adda ditoy a makipagrambak ken
makipagdayaw ken ni Apo Jesus a Cristo babaen iti nasantoan a
Eukaristia. Tignayen koma ti Apo ti puso ken nakemtayo nga agaramid
kadagiti galad a makaited ti pagsayaatan ti gimongtayo tapno
mairanudtayo a padapada iti pagarian ti Dios. Kumararagtayo iti Apo.
-Agpaay kadagiti marigrigat, masaksakit, nakakaasi ken maidadanes.
Agtalinaedda koma a napudno iti pammatida ken saanda a mapukawan
iti namnama. Ti Espiritu Santo koma ti silawda a mangamiris nga adda
ti Apo iti sibayda bayat ti panagsagabada. Kumararagtayo iti Apo.
-Agpaay kadagiti amin a pimmusayen. Masagrapda koman ti nailangitan
a gloria nga inkari ti Apo kadakuada. Kumararagtayo iti Apo.
Apo patgam kad dagitoy nga ararawmi tapno agtultuloy ti pigsami iti
inkam panagdaliasat iti daytoy a biag nga agturong kenka. Dawatenmi
amin dagitoy iti nagan ni Cristo nga Anakmo ken Apomi. Amen.
159
Kakabsat, kumararagtayo iti Ama a nailangitan, tapno babaen ti Espiritu
Santo itedna kadatayo dagiti naan-anay a kasapulantayo iti biag ket
maikaritayo nga agbalin nga annak ti Apo, ket kunatayo:
Apo, denggem dagiti ararawmi.
-Para kadagiti mangidaulo iti Simbaan, ni Santo Papa N., dagiti
obispo ken papadi. Ituloyda koma ti mangidalan iti panagkaykaysa,
panagsisinnaranay ken panagpapada tapno maamiris ti amin a ti
Simbaan ket pudno a “Simbaan dagiti napanglaw.” Dawatenmi kenka
Apo.
-Para kadagiti opisial ti gobiernotayo. Aramidenda koma amin a
kabaelanda a mangitrabaho ti pagsayaatan ken pagimbagan ti amin
aglalo dagiti napanglaw tapno naragragsak ken narangrang-ay ti biag
ti tunggal maysa. Dawatenmi kenka Apo.
-Para kadatayo amin a nagkaykaysa iti daytoy a padaya. Maamiristay
koma ti kinapateg ti panagsisinnaranay, panagtitinnulong ken
panagiinnayat, ta daytoy ti galad ti nakristianoan a panagbiag.
-Para kadagiti marigrigat, masaksakit ken maidadanes. Ni Cristo
Jesus, a nagsagaba, nailansa ken natay iti krus a kanayon nga adda a
makipagkaykaysa iti sidongda, ti paggapuan koma ti pigsa, kired ken
namnamada nga agtultuloy nga agbiag. Dawatenmi kenka Apo.
-Para kadagiti ay-ayatentayo a pimmusayen. Awaten koma idan ti
Dios a Namarsua ti langit ken daga iti saklangna kas ken ni Lazaro
nga addan a makipagkaykaysa kadagiti anghel ken sasanto ti Dios.
Dawatenmi Apo, a patgam dagitoy nga ararawmi. Agbalinkam koma

a kas ken ni Lazaro a natuddio, napakumbaba ken natulnog iti
pagayatam, tapno mairanudkamto met iti biag nga agnanayon nga
inkarim kadakami. Dawatenmi daytoy iti nagan ni Cristo nga anakmo
ken Apomi. Amen.
160
Ama a nailangitan, sipapakumbabakami ita nga umasideg ken dumawat
kenka kadagiti kasapulanmi iti inaldaw. Iti tunggal kararag kunatayo:
-Para iti simbaantayo a naisaknap iti sangalubongan nangruna
kadagiti mangidadaulo kenkuana: ni Santo Papa N., dagiti obispo ken
papadi tapno Sika O Dios ti kanayon ti inspirasionda nga agtrabaho iti
kaubasan. Kumararagtayo.
-Para kadagiti agpanpanday-linteg ditoy pagiliantayo tapno maaminsda
ti kinapateg ti kappia ken panagkikinnaawatan a nasken iti panagdur-
as ken panagrang-ay ti pagiliantayo. Kumararagtayo.
-Para kadagiti masaksakit, marigrigat ken dagiti biktima ti aniaman a
didigra tapno agbalin ti Apo a kired ken namnamada iti baet ti
kasasaadda. Kumararagtayo.
-Para kadagiti amin nga adda ditoy ita tapno agtalinaed ti kinatudiotayo
iti Apo ken kadagiti pagayatanna Kumararagtayo.
-Para kadagiti amin a pimmusayen a kakabsattayo tapno iti
panangibabaettayo kadakuada magun-oddan ti agnanayon a
panaginana. Kumararagtayo.
Ama a mannakabalin, sika laeng ti namnama ken kamangmi. Denggem

kad dagitoy nga ararawmi ket patgam ida. Dawatenmi dagitoy gapu
ken Cristo nga Anakmo ken Apomi. Amen.
161
Kumararagtayo iti Dios nga Amatayo tapno punnoennatayo ti
managayat ken napudno nga aramid. Tunggal karararag kunatayo:
Apo, taginayonem ti ayatmo kadakami.
-Para iti Simbaan, ti nobia ni Cristo, tapno kanayon a sipupudno a
mangiwaragawag ti mensahe ti Naimbag a Damag ken ti mangwayawaya
nga ayat ti Dios. Kumararagtayo.
-Para kadagiti amin a pagtaengan a nabuangay iti managparabur
nga ayat tapno babaen kadakuada maawattayo ti naun-uneg ken
napudpudno a kaipapanan ti ayat ti Dios. Kumararagtayo.
-Para kadagiti nawarawara a pagtaengan, dagiti naasawaan a nagsisina
tapno maawatan ti kaaduan ti kasasaad dagitoy a tattao ken tapno
ikkan ti Dios ida ti naan-anay a panangngaasi. Kumararagtayo.
-Para kadagiti agtutubo nga agsagsagana a mangasawa tapno
maipasagesep kadakuada nga ti kinauneg ken kinapintas ti ayat
aggapu di panagpipinnaraman ken panagririnnanud. Kumararagtayo.
-Para kadagiti tattao a nangtallikud ti panagasawa para iti Pagarian ti
Dios, tapno kanayon a maikkan dagiti pusoda ti lawag a mangsango
kadagiti tattao nga agkasapulan. Kumararagtayo.
Dios nga Amami, kanayon koma nga addaka kadagiti tatao nga agtitipon
gapu iti gagarda a mangbangon ti maysa a gimong a maibasar iti
ayat ken panaggagayyem. Makibuangayka kadakami tapno saan nga
agbalbaliw ti ayatmi ita ken iti agnanayon Amen.
162
Kumararagtayo iti Dios nga Amatayo, tapno bang-aranna dagiti nakapuy
ti panagpuspusoda, ken tapno ipaayna ti pannakaisalakan kadagiti
amin a makasapul unay iti tulongna. Iti tunggal panggep, kunatayo:
-Para iti sapasap nga Iglesia; tapno masarakan amin a pagilian ti
napaypayso a pammati babaen ti pannilaw ni Apo Jesus a Cristo a
mangisalakan kadatayo. Dawatentay iti Apo.
-Para kadagiti gobierno di amin a pagilian tapno babaen ti grasia nga
inted ti Dios maallukoyda koma nga agserbi para iti pagsayaatan ti
kaaduan. Dawatentay iti Apo.
-Para kadagiti biktima ti gubat, riribuk ken amin a kita ti pannakaidadanes,
tapno babaen ti panagsagabada dumegdeg koma ti pammatida iti
Dios. Dawatentay iti Apo.
-Para kadagiti masakit, tapno agserbi koma dagiti adu a rigatda a
pakaigapuan ti pannakaisalakanda. Dawatentay iti Apo.
-Para kadatay amin tapno masarakantay koma ti maysa a rumbeng
ken makagungquna a pagsapulan. Dawatentay iti Apo.
Dios nga Amami, papigsaem kad ti pammatimi ken ti panagtungpalmi

iti pagayatam. Imdengam dagiti kararagmi ket ipaaymo dagiti adu a
kasapulanmi kas gimong a manginanama kenka. Gapu met laeng ken
163
Kakabsat, mayarig ti misterio ti Pagarian ti Dios ti maysa a padaya nga
awan ti maipangpangruna gapu iti naindaklan nga ayat ti Dios kadatayo
a tattaona. Daytoy ti gapuna nga adda kired ken namnamatayo a
kumamang ken agdawat ti kaasina. Ti sungbattayo ti tunggal panggep:
Apo, tulongannakami a sumrek iti pagariam.
-Ikararagantayo dagiti amin a pangulo ti simbaan ta kanayon nga
ikkan ti Dios ida ti kired ken anus iti panangiturongda kadagiti tattao iti
Pagarian. Kumararagtayo iti Apo.
-Ikararagantayo met dagiti opisial ti gobiernotayo nangruna ditoy nga
ili ta ti Espiritu Santo ti mangsilaw ken mangiturong ti panunot ken
aramidda tapno ipangrunada nga igakat ti pagimbagan ti kaaduan.
-Ikararagantayo dagiti mangtaripato kadagiti masakit ta ti Dios a
manangngaasi ti agbalin a katulonganda iti daytoy napnoan ayat a
panagserbi nga idaydayaw ti ebanghelio. Kumararagtayo iti Apo.
-Ikararagantayo dagiti mangngalap, mannalon ken amin a trabahador
tapno patibkerenda ti pammatida iti Dios ket sibubuslon a inaapitda ti
bunga dagiti pagbannoganda. Kumararagtayo iti Apo.
-Ikarararagantayo met dagiti amin nga adda ken awan ditoy a
gimong tapno masursurotayo nga adalen ken ibiag dagiti galad kas iti
kinamanangngaasi, kinamanagtulong, kinamanagpakumbaba tapno
mairanudtayo a padapada iti pagarian sadi langit. Kumararagtayo iti
Apo.
-Ikararagantay met dagiti minataytayo nangruna dagiti awanen
makalagip kadakuada ta alaen idan ti Dios iti sidongna. Kumararagtayo
iti Apo.
Apo, dagitoy ti araraw dagiti annakmo. Dawatenmi a patgam ida ket

iturongnakami a mangaramid kadagiti amin nga ammomi a makalukat
iti ruangan ti pagariam. Dawatenmi daytoy iti nagan ni Cristo nga
Anakmo ket Apomi. Amen.
164
Apo, ammom a narigat ti mangsurot ken mangaramid kadagiti bilbilinmo
isu’t gapuna a narigat met ti manglak-am ti biag nga agnanayon. Nupay
kasta gapu ta naaddaankami iti biag ken pammati a naggapu met laeng
kenka ilukatmi dagiti pusomi ket kunami:
Apo, pakiranudennakami iti biag nga agnanayon.
-Apo, ikkam iti pigsa, sakripisio ken ayat dagiti amin a mangisaknap
iti Naimbag a Damag ti pagarian tapno babaen ti sao ken aramid
masungbatan ken maiturongda amin dagiti tattao a mangtunton ti
dalan nga agturong iti agnanayon a biag. Dawatenmi kenka Apo.
-Apo, masursuro ken maamiris koma dagiti mangiturturong ti
pagilianmi ti pudno a kaipapanan ti panagserbi ket silulukat ti pusoda
a mangitrabaho kadagiti namnamaenda a pagimbagan ti kaaduan.
-Apo, itedmo kad ta kaasim ken tulongmo kadagiti amin nga agbibiag
babaen ti bunga ti daga, danum ken dadduma pay a kita ti pagtrabahoan
tapno babaen dagiti ling-et ken sakripisioda saanmo kadi nga awanen
ti kakaisuna a nabatbati a pagbibiaganda. Dawatenmi kenka Apo.
-Apo, silawam dagiti panunotmi tapno kanayonmi a panunoten ken
aramiden dagiti makaparagsak ken makatulong iti padami a tao kasta
metten iti bukodmi a bagi. Dawatenmi kenka Apo.
-Apo, ipariknam ti asi ken-ayatmo kadagiti nakakaasi nga annakmo,
dagiti masakit, nadidigra gapu iti gubat, layus wenno bagyo tapno adu
latta dagiti tattao a mangted iti tulong kadakuada. Dawatenmi kenka
Apo.
-Apo, ipaaymo kad met a lak-amenen dagiti amin a pimmusayen a
kakabsatmi ti agnanayon a biag nga inkari ni Apo Jesus kadakuada.
Apo, adtoy dagiti kararagmi. Adu pay dagiti saanmi a naiyebkas kenka
ngem ammomi nga ammom dagitoy a kasapulanmi ket dawatenmi
amin ida iti nagan ni Jesus a Cristo nga Anakmo ken Apomi. Amen.
165
Ama a nadungngo, ammom dagiti kasapulanmi nga annakmo. Ket
gapu ta mamati ken mangnamnamakami a tulongannakami kadagiti
kasapulanmi inkam ngarud iyebkas dagitoy kenka ket kunami:
Apo, denggem dagiti kasapulanmi.
-Idawdawatantayo dagiti obispo, papadi ken amin a mangidadaulo ti
simbaantayo ta kanayon koma a natibker ti pammati ken namnamada
iti panangisaknapda ti mensahe ti ebanghelio ti ayat, kappia ken
namnama. Dawatentayo iti Apo.
-Idawdawatantayo dagiti mangidadaulo ti gobiernotayo nangruna
iti ilitayo ta bendisionan ti Dios ida ket maaramidda dagiti trabaho a
naipabaklay kadakuada ket agbungada a pakairanudan ti kaaduan.
-Idawdawatantayo dagiti mannalon, mangngalap ken amin a
mangmangged ta taginayonen ti Dios ti grasia ken bendisionna
kadakuada ket maapitda ti bunga dagiti pagbannoganda. Dawatentayo
iti Apo.
-Idawdawatantayo dagiti agtutubo iti sangalubongan nangruna
iti pagiliantayo tapno saanda koma a maiwawa kadagiti bisio ket
maragpatda ti ambisionda ket agbalinda a pudno a namnama ti pagilian.
-Idawdawatantay met ti bagbagitayo tapno mapalagda ti pammatitayo
ket mabirokantayo ti dalan nga agturong iti nagloriaan a panagbiag.
-Idawdawatantayo dagiti masakit ken agsagsagaba iti gimongtayo
ta saanda koma a mapukaw ti pammati ken namnamada iti Apo.
Dawatentay iti Apo.
Apo, dagitoy ti kasapulanmi nga annakmo. Dawatenmi a patgam ida ket

maibiagmi dagitoy para met laeng ti pagimbaganmi ken ti simbaanmi.
Ikamangmi dagitoy gapu met laeng ken Cristo nga anakmo ken Apomi.
Amen.
166
Kakabsat ken Cristo, kumararagtayo iti nailangitan nga Amatayo
a kanayon a mangbanbantay kadatayo iti salinong dagiti payakna.
Kas gimong dagiti nabuniagan ken Cristo, idatagtay kenkuana
dagiti panggeptayo tapno makagin-awatayo kadagiti panagbuteng a
makaisiasi kadatayo iti imatangna. Tunggal panggep, kunatayo:
Apo, pakiranudennakam iti gloriam.
-Ikararagantayo ti simbaan a naisaknap iti sangalubongan, ti Santo
Papa, dagiti obispo ken papadi. Agtultuloy koma ti inspirasion ti Espiritu
Santo kadakuada a mangiwaragawag ti ebanghelio. Kumararagtayo iti
Apo.
-Ikararagantayo ti panagkaykaysa dagiti amin a pagilian. Ipamatmat
koma ti Apo ti dayagna ket maidaydayaw ti naganna tapno agari ti
kappia iti sangalubongan. Kumararagtayo iti Apo.
-Ikararagantayo dagiti saan a makaammo iti Dios. Maluktan koma dagiti
panunotda a mangammo kenkuana tapno masursuroda ti agserbi iti
Apo ken iti padada a tao. Kumararagtayo iti Apo.
-Ikararagantayo dagiti naayat nga agboluntario a tumulong iti Simbaan.
Ikaysada koma dagiti ganuatda tapno makapagserbida a sireregta
ken napnoan namnama ti gunguna nga ited ti Apo kadakuada.
-Ikararagantayo met dagiti napanen iti sabali a biag a napateg kadatayo
ta addada koman a mangikanta kadagiti pagdaydayaw iti agnanayon
a pagarian. Kumararagtayo iti Apo.
O Dios, kitaennakam a tattaom nga agbibiag iti buteng ken panagduadua.

Masursuromi koma a kanayon ti mangkita ken mangbigbig kenka
iti aginaldaw a panagbiagmi tapno kanayon met a maidaydayaw ti
naganmo. Dawatenmi dagitoy gapu met laeng ken Cristo nga Apomi.
Amen.
167
Kakabsat, agdawattayo iti Amatayo a nailangitan ta paraburannatayo
ket maikaritayo a makilanglang iti maymaysa a kopa ti biag. Kas
nabuniagan nga annak ti Ama, kunatay iti maymaysa a timek:
Apo, ipakitam ti kaasim kadakami.
-Ikararagantayo ti Simbaan tapno babaen kenkuana maaramid koma
ti pagayatan ti Ama. Agbalin koma a katan-okan dagiti agserserbi
iti kaasi ket maawatda koma ti gungunga nga itden ti Ama kadagiti
napakumbaba. Kumararagtayo iti Apo.
-Ikararagantayo ti lubong tapno mapno koma ti kinamanangngaasi
ti Apo ket maited ti kinalinteg ken kappia kadagiti amin a pagilian.
-Ikararagantayo dagiti agbisin gapu iti kinapanglaw tapno babaen dagiti
panagsagabada masursuroda ti agtalek iti Apo. Masarakanda koma a
ti Apo ti tulong ken kalasagda babaen ti pannakabalin ti Espiritu Santo.
-Ikararagtayo met ti panagtalinaed ken panagan-anustayo kadagiti
tiempo ti pannubok. Musursurotay koma ti agtalinaed ti pammati
ket umasidegtayo iti trono ti grasia ti Dios a mangawat ti kaasi ken
paraburna. Kumararagtayo iti Apo.
-Ikararagantayo dagiti minataytayo nangruna kadagiti ipatpategtayo
nga immunan a pimmusay tapno maisalakantayo iti apuy ti impierno ket
makitatayo ti namnama ken lawag ti nagungar nga Apo. Kumararagtayo
iti Apo.
Dios nga Amami, dawatenmi kenka a denggem dagiti kararagmi

ket patgam dagiti panggepmi. Maikarikam koma a maawagan nga
annakmo iti panangbigbigmi kenka nga Apo ti biagmi. Patgam dagitoy
iti nagan ni Cristo nga Apomi. Amen.
168
Iti panagtitipontayo kas maymaysa a gimong, agkararagtayo iti Apo a
mannakabalin nangruna kadagiti tiempo ti pannubok ken panagbuteng.
Iti tunggal panggep kunatayo:
Apo, denggennakami.
-Agpaay iti Simbaan ken dagiti mangidadaulo kenkuana tapno babaen
kadakuada maawatantayo a naimbag ti sirib dagiti profeta ken ti linteg.
Umaw-aweng koma dagiti balikasmo, O Apo, babaen ti rag-o nga
aggapu iti Espiritum. Kumararagtayo iti Apo.
-Agpaay iti kappia ti lubong, tapno ilisinatayo ti Apo iti panaggugubat.
Dinakam koma dangran ti init iti aldaw, wenno ti bulan iti rabii.
-Agpaay ti panagayat iti nasantoan a surat, tapno masursurotayo a
dayawen ti balikas ti Dios ket masarakantayo ti ubbog ti sirib, ti Espiritu
Santo, a mangiturong kadatayo ti pannakaisalakan babaen ti pammati
ken ni Apo Jesus a Cristo. Kumararagtayo iti Apo.
-Agpaay kadatayo, tapno iti laksid dagiti pannakasuboktayo,
masursurotayokoma a tuladen ni Cristo iti rag-o nga aggapu iti Espiritu
Santo.Kumararagtayo iti Apo.
-Agpaay kadagiti napateg kadatayo a pimmusayen ken dagiti pay
met amin a natayen ta aginanada koman iti kappia ken agnanayon a
kinaragsak. Kumararagtayo di Apo.
Apo Jesus, iti panangidatagmi kadagiti kararag ken panggepmi

agdawatkam kenka a patibkerem ti pammatimi ket saankami a
mapukaw iti tiempo ti pannubok. Dawatenmi daytoy iti Ama iti nasantoan
a naganmo. Amen.
169
Kumararagtayo iti Dios, ti managayat ken naasi nga Ama a dumngeg
kadagiti asug dagiti tattaona. Tunggal panggep kunatayo:
Apo, denggem ti asug dagiti tattaom.
-Ikararagantayo ti Simbaan a naisaknap iti sangalubongan tapno
kanayon a surotenna ti naindaklan a bilin ni Apo Jesus: ti panagayat iti
Dios ken iti pada a tao. Kumararagtayo iti Apo.
-Ikararagantayo dagiti mangiturturong iti gobiernotayo tapno tuladenda
ni Apo Jesus ken dagiti apostoles iti panangipakitada ti ayat kadagiti
tattao nangruna dagiti napanglaw. Kumararagtayo iti Apo.
-Ikararagantayo dagiti napanglaw, maidadanes, dagiti balo ken ulila,
tapno awatenda ti Balikas ti Dios ken ti ragsak nga agtaud iti Espiritu
Santo iti baet dagiti adu a pannubok ti biag. Kumararagtayo iti Apo.
-Ikararagantayo daytoy a gimongtayo tapno datayo ti agbalin a modelo
ti panagayat iti pada a tao. Kumararagtayo iti Apo.
-Ikararagantayo dagiti pimmusayen a napateg kadatayo tapno
makiranuddan iti nagloriaan a panagungar ni Apo Jesus a Cristo.
Dios nga Amami, dagitoy ti kararag a sipapakumbabami nga idatag

kenka. Imdengam ida, Apo, ket ipaaymo ti paraburmo. Napnoan
pammati a dawatenmi dagitoy iti nagan ni Jesus a Cristo nga Apomi.
Amen.
170
Manangngaasi a Dios, intedmo ti panagkita iti lalaki a nagdawat kenka
iti pannakakita. Idatagmi ita dagiti panggepmi a sipapati nga itedmo
ida kadakami. Ti pagsungbatayo iti tunggal panggep:
Dawatenmi kenka Apo, denggennakam kadi.
-Ikararagantayo ti Santo Papa, dagiti obispo ken papadi, tapno ituloyda
ti mangiwayat ti panangpaimbag ni Apo Jesus iti amin nangruna dagiti
napanglaw. Kumararagtayo iti Apo.
-Ikararagantayo dagiti mangiturturong ti gobiernotayo, lokal ken nasional,
tapno kanayon a makitada ti kasapulan dagiti tattao a pagserserbianda
ket agaramidda ti makatulong kadakuada. Kumararagtayo iti Apo.
-Ikararagantayo dagiti addaan ti diperensia iti bagi, dagiti bulsek,
tuleng, umel, lugpi ken pilay tapno kanayon a sipapatida ken Cristo.
-Ikararagantayo ti gimongtayo tapno kanayon nga ipakita ken
ipariknatayo ti panangipateg kadagiti awanan gasat a kakabsattayo
babaen dagiti aramidtayo a napnoan ayat. Kumararagtayo iti Apo.
-Ikararagantayo dagiti amin a minataytayo tapno mairanuddan kadagiti
ragsak iti langit. Kumararagtayo iti Apo.
Apo, denggem ti kararag ti gimongmi ket patgam ida ta dimi maragpat

ida iti bukodmi a pigsa. Dawatenmi dagitoy iti nagan ni Apo Jesus a
Cristo nga Anakmo. Amen.
171
Nailangitan nga Ama, umaykam kenka iti napakumbaba ken napasnek
a puso bayat ti panangidatagmi kadagiti panggepmi. Iti tunggal panggep
kunatayo:
-Agpaay iti simbaan a naisaknap iti sangalubongan, tapno kanayon a
denggenna ti asug dagiti tattao nangruna dagiti napanglaw. Dawatenmi
kenka Apo.
-Agpaay kadagiti mangiturturong iti gobiernotayo tapno makitada
ti takemda a saan a pakaidayawan ti personal a biagda ngem kas
panagserbi kadagiti tattao. Dawatenmi kenka Apo.
-Agpaay kadagiti masakit, maidadanes, ken biktima ti pannakaabuso,
tapno dida mapukaw ti namnamada iti Dios a kanayon a dumngeg
kadagiti asugda. Dawatenmi kenka Apo.
-Agpaay iti gimongtayo, tapno masursurotayo ti talugading ti
kinapakumbaba ken kinapasnek iti inaldaw a panagbiagtayo.
-Agpaay kadagiti mamati iti Dios a pimmusayen tapno padanonenna
idan iti nailangitan a pagarianna. Dawatenmi kenka Apo.
Dios ti kinalinteg, denggem ti napakumbaba a kararag dagiti tattaom

ket patgam ida kas maitututop iti nadiosan a nakemmo. Dawatenmi
dagitoy iti nagan ni Apo Jesus a Cristo. Amen.
172
Kakabsat, ammo ti Dios ti panunottayo. Kednganna ti pategtayo no ania
ti adda kadatayo saan a no ania ti agparang kadatayo. Agdawattayo
kenkuana iti kinapudno ken napaypayso a kinapakumbaba. Kunatayo
nga agkararag:
-Agpaay iti Simbaan, datayo a Tattao ti Dios, tapno agbalintayo a silaw
ni Cristo iti lubong ken mangiwaragawag ti mensahena ti kinapudno
ken ayat iti pagsasao iti agdama a panawen. Kumararagtayo iti Apo.
-Agpaay kadagiti mangiturturong ti gobiernotayo, tapno maamirisda
dagiti pagpatinggaanda, lipatenda dagiti ababa a panirigan ti
panagserbi ket iturongda dagiti ganuatda para iti pagsayaatan ti
kaaduan. Kumararagtayo iti Apo.
-Agpaay kadagiti napakumbaba gapu ti kinapanglaw: makipagragsakda
koma ken Cristo a nagpakumbaba iti ipapatayna iti krus. Kumararagtayo
iti Apo.
-Agpaay kadatayo nga adda ditoy: isardengtay koma dagiti
kinamanaginkukunatayo kas kadagiti Pariseo ket ipakitatayo ti
napudpudno a kinasiasinotayo. Kumararagtayo iti Apo.
-Agpaay kadagiti minataytayo: alaen koma idan ti Apo iti agnanayon a
lawag ken ragsakna. Kumararagtayo iti Apo.
Dios nga Amami, kedngannakami saan a dagiti makita iti ruar ngem
ti kinapudno ti puso ken riknami. Isuronakami a napudno iti bagimi,
kenka ken iti padami a tao. Dawatenmi dagitoy gapu ken Cristo nga
Apomi. Amen.
173
Kakabsat, no awan ti ayat, awan serserbitayo. Kumararagtayo iti Dios
tapno itedna ti napaypayso nga ayat kadagiti pusotayo ket kunatayo
nga agdawat:
-Naanus ken naasi ti ayat, saan a managimon, napalanguad wenno
napasindayag: itrabaho koma dagiti obispo ken papadi daytoy a kita ti
ayat kadagiti kameng ti simbaan. Kumararagtayo iti Apo.
-Saan a naalas wenno naimut ti kababalin ti ayat, awan im-impenna
a sakit ti nakem: saan koma nga ipagarup dagiti addaan iti turay a
mannakabalinda nga apo ngem napakumbabada nga agserbi.
-Ti ayat saanna a pagragsakan ti basol ken kamali ti sabali a tao ngem
pagragsakanna ketdi ti kinapudno: dumegdeg koma ti panagayat dagiti
naasawaan iti tunggal maysa kadakuada. Kumararagtayo iti Apo.
-Kanayon a sisasagana a mamakawan ti ayat, agtalek, mangnamnama
ken ibturanna amin a dumteng: masarakantay koma ti naimbag a
talugading dagiti padatay a tao. Kumararagtayo iti Apo.
-Awan pagpatinggaan ti ayat, agpatingga dagiti paltiing, aggibusto
dagiti panangikasaba, lumabasto dagiti pannakaammo: alaen koman
ti ayat ti Apo dagiti minataytayo ket makilanglangdan iti nailangitan a
padaya. Kumararagtayo iti Apo.
Dios nga Amami, kitaennakam a tattaom ket kunam: “Uray dagiti

pagkurangan ken basolda, ay-ayatek ida. No masursuroda ti agayat
iti tunggal maysa kas panagayatko kadakuada, dakkelto a ballaigi ti
pinarsuak.” Punnoem ti pusomi iti ayatmo. Dawatenmi daytoy babaen
174
Kakabsat, uray tallikudan ken lipatentayo ti Dios, saannatay a baybay-
an. Agkamangtay ngarud kenkuana ket sipapakumbabatayo a
mangidatag kadagiti kasapulantayo. Kunatayo nga agkararag:
-Para iti Simbaan: agbalin ken agtalinaed koma a pagwadan ken
mangallukoy a sakramento ti Pagarian ti Dios. Kumararagtayo.
-Para kadagiti mangidadaulo kadagiti amin a pagilian: dida koma
malipatan nga iti maysa nga aldaw iyetnagdanto ti kuenta dagiti
naipaawat kadakuada iti kangatoan nga ukom. Kumararagtayo.
-Para kadagiti maidadanes: masarakanda koma ti pigsa ti namnama
ti umayto a pangngeddeng ti Dios iti kamaudianan ti kanito.
Kumararagtayo.
-Para kadatayo amin ditoy ken iti sibubukel a nacristianoan a gimong:
tapno maapresiartayo ti biag kas maysa a sagut ken responsibilidad ket
usarentayo dagiti talugadingtayo a mangpabaknang ken mangpadur-
as nga agpaay kadatayo ken iti padatay a tao. Kumararagtayo.
-Para kadagiti kakabsattayo a napanen iti sabali a biag: itden
koman ti Naimbag nga Apo kadakuada ti agnanayon a panaginana.
Kumararagtayo.
Mannakabalin ken agnanayon a sibibiag a Dios, kayatmo nga awan

mapukaw ket maisalakan amin a tao. Denggem ket patgam ti dawat
dagiti tattaom. Iturong koma ti pagayatam ti lubongmi ket sitatalinaay ti
panagserbi ti Simbaanmo. Dawatenmi dagitoy babaen ken Cristo nga
Apomi. Amen.
175
Saan a mapakpakadaan ti isasangpet ti Apo. Intay ngarud dumawat
ti grasia ti Apo tapno sisasaganatayo a mangpasangbay kenkuana iti
kanito a yaayna. Tungga1 panggep, kunatayo:
-Para iti simbaan, ni N., a santo papatayo, dagiti obispo ken papadi
tapno maikkanda koma ti naan-anay a bendision a mangisagana
kadagiti tattao para iti yaay ti pagarian ti Apo. Kumararagtayo.
-Para kadagiti opisial ti gobiernotayo tapno makitinnulongda iti simbaan
a mangisayangkat ti programa a saan a maikaniwas ti pammati ken
pagsayaatan ti tunggal maysa. Kumararagtayo.
-Para kadagiti masaksakit, napanglaw, maidadanes ken malmalday
ta agserbi koma a ragsak ken namnamada ti pannakaipakaammo
kadakuada ti idadateng ti pagarian ti Dios. Kumararagtayo.
-Para kadagiti agbibiag iti kinadakes, sapay koma ta iti kabiitan a
panawen agbalbaliwda ket mapasangbayda a siraragsak ti Dios iti
biagda. Kumararagtayo.
-Para kadagiti minataytayo, sapay koma ta makipagrambakdan kadagiti
sasanto idiay nailangitan a disso. Kumararagtayo.
Patgam dagiti kararagmi, Apo a Diosmi. Tulongannakami iti daytoy a

biag bayat ti panagsagsaganami iti nagIoriaan a pagariam. Dawatenmi
daytoy gapu ken Cristo nga Apomi. Amen.
176
Mannakabalin nga Ama, pinarsuanakami tapno maam-ammodaka,
agserbikami kenka ken ayatendaka. Ipaaymo ngarud ti bendisionmo
kadakami tapno sipupudnokami met laeng a mangidaton ti biagmi
kenka. Tunggal panggep kunatayo:
-Agpaay kadagiti mangidadaulo ti Simbaan tapno mabirokanda ti
ragsak ken talged bayat ti panangisakripisioda ti biagda nga agpaay
iti Dios. Kumararagtayo.
-Agpaay kadagiti mangidadaulo ti gobiernotayo, lokal ken nasional, tapno
itedda iti tunggal maysa ti rumbeng nga awatenda iti kasta maragpat ti
panagdur-as ti pagilian. Kumararagtayo.
-Agpaay iti nakristianoan a gimongtayo tapno umadu koma dagiti
agtutubo a lallaki ken babbai ti mangidaton iti bagida iti nakonsagraran
a panagbiag. Kumararagtayo.
-Agpaay kadagiti narang-ay ti panagbiagna tapno ibingayda koma
dagiti parabur a naawatda iti Dios kadagiti marigrigat ken makasapul.
Kumararagtayo.
-Agpaay kadagiti kakabsattayo a pimmusayen tapno maawatdan ti
ragsak a subalit ti panagserbida iti Dios. Kumararagtayo.
Dagitoy, Apo ti kararag ken ararawmi. Denggem kadi ida ket

papigsaennakami nga agserbi kenka agingga iti aldaw nga
ayabannakami iti sidongmo. Dawatenmi daytoy gapu ken Cristo nga
Apomi. Amen.
177
Kakabsat, babaen ti panagbuniagtayo nairamantayo iti nagloriaan
a panagungar ni Cristo. Dumawattayo iti tulong ti Diostayo tapno
maikaritayo a makisango kenkuana iti rupan-rupa inton umay ti sabali
a biag. Kunatayo:
-Idadawatantayo dagiti mangtartarawidwid iti simbaantayo tapno
agpaay koma dagiti rigrigat ken banbannogda a pakaisalakananda
inton maudi nga aldaw. Kumararagtayo.
-Idawdawatantayo ti gobiemotayo tapno dagiti programa ken
proyekto nga inkarkarida ket maitrabahoda a nasayaat ken nadaras ti
pannakaipatungpaida. Kumararagtayo.
-Idawdawatantayo ti gimongtayo tapno babaen ti panagtitinnulong ken
panagsisinnaranay nangruna dagiti makabalin maparang-ay a
padapada ti biag ti tunggal maysa. Kumararagtayo.
-Idawdawatantayo dagiti napanglaw, marigrigat ken maidadanes tapno
ti pammatida iti panagungar ti bagi agpaay a namnamada iti nasayaat
a masakbayan. Kumararagtayo.
-Idawdawatantayo met dagiti minataytayo tapno mairanodda koman
iti panagungar ni Cristo ket maragpatdan ti agnanayon a biag.
Kumararagtayo.
Dagitoy, Apo, ti un-unnoymi. Denggem ket patgam ida. Tulongannakami

itipanagbiagmi ditoy rabaw ti daga agingga iti biag nga agnanayon.
Dawatenmi daytoy gapu ken Jesus a Cristo nga Apomi. Amen.
178
Agdawattayo iti Amatayo a Nailangitan isu a nangisagut ken
mamagkaysa kadagiti saguday nga adda iti tunggal maysa kadatayo
tapno agbalintay a Bagi ni Cristo. Tunggal kararag sungbatantayo iti:
-Agpaay kadagiti nadutokan a mangiwanwan iti sapasap nga Iglesia
- ti Santo Papa, dagiti obispo ken papadi - tapno agbalinda koma a
pagulidanan ti kinakristiano iti imatang ti Dios ken dagiti gimong a
naitalek kadakuada. Dawatenmi kenka.
-Agpaay kadagiti mangidadaulo ti pagiliantayo - nangruna dagiti napili
a mangidaulo iti lugartayo - tapno babaen ti akem a naipabaklay
kadakuada isaknapda koma ti dignidad ken wayawaya dagiti tattao
ken isaadda ti linteg nga awan bigbigenna a kinabaknang ken turay.
Dawatenmi kenka.
-Agpaay kadagiti mapukpukawan iti namnama, maparparigat,
napanglaw ken inlaksid ti gimong tapno agtalinaedda nga agtalek iti
kinaimbag ti Dios, ket masursuroda koma_ti agtimek ken agtignay a
mangpaksiat iti kinadakes ti aglawlaw. Dawatenmi kenka.
-Agpaay kadatayo tapno iti daytoy nga intay panagititipon, agtaeng
koma ti panagririnnanud ken ayat iti baettayo iti kasta dagiti naindaklan
a sagudaynga adda iti maysa ken maysa kadatayo maaramatda a
mangbukel iti panggeptayo nga agbalin a gimong ti Dios ken simbaan
dagiti napanglaw. Dawatenmi kenka.
-Agpaay kadagiti kakabsattayo a pimmusayen tapno ipaay ti Apo
kadakuada ti sagut ti agnanayon a ragsak ken biag sadi langit.
Dawatenmi kenka.
O Dios, iburaymo kad ti grasiam kadakami a mangibiag kadagiti

saguday nga inawatmi Kenka gapu ken Cristo nga Anakmo ken Apomi.
Amen.
179
Kakabsat, makipagmaymaysatayo kadagiti amin a kameng ti Simbaan
a mangidatag iti Nailangitan nga Ama kadagiti kasapulantayo bayat
tipanangpadaantay ken Cristo nga Ari ti Sangalubongan. Iti tunggal
kararag, kunatayo:
-Agpaay iti Santa Ina nga Simbaan nga idauloan ti Santo Papa, dagiti
obispo ken papadi. Sapay koma ta agtalinaedda a napudno di akem
a naipabaklay kadakuada, iti kasta maisaganada amin a tattao nga
agtaeng iti Dios ita ken di masangoanan a biag. Kumararagtayo.
-Agpaay kadagiti amin a mangidadaulo iti pagiliantayo. Masursuroda
koma nga ipateg ti nakristianoan a biag ti tao babaen ti kinaridamda
a mangparmek kadagiti dakes nga istruktura a mangdadael ken
mangallilaw kadatayo nga agturong iti Dios. Kumararagtayo.
-Agpaay kadagiti kakabsattayo a masaksakit, maidaddadanes, ken
maitugtuggod. Sapay koma ta kanayon a siririingda a mangamiris iti
panangipateg ti Dios kadakuada iti baet dagiti rigat ken pannakasubok
a sagsagrapenda ditoy a biag. Kumararagtayo.
-Agpaay iti gimongtayo datayo nga adda ita ditoy. Mariing koma kadatay
a nabuniagan ti tarigagay a makipaset kadagiti agdama a programa
ti Simbaan nga agturong iti panagbalbaliw, tapno nakasagana ti
gimongtayo a mangpasangbay iti maikadua a yaay ni Cristo iti aniaman
a kanito. Kumararagtayo.
-Agpaay kadagiti amin a pimmusayen, nangruna dagiti saan a
napakpakadaan ti ipapatayda. Alaen koma idan ti Dios a makipagnaed
ken makipagragsak kenkuana iti pagarianna sadi langit. Kumararagtayo.
Nailangitan nga Ama, adtoy dagiti nadumaduma a kasapulanmi tapno

mataginayon ti inkam panagridam kas miembro ti Simbaan a binangon
ti Anakmo. Ipaaymo kad ida kadakami gapu met laeng ken Cristo nga
Apomi. Amen.
180
Kakabsat, ilukattayo ti puso ken panunottayo iti Apo ket agdawattayo
ti tulong ken kaasina nga agpaay kadagiti amin a kasapulantayo.
Dawatentayo ti panangipangagna kadagiti karkararagtayo ket kunatayo:
-Para kadagiti mangtarawidwid iti Simbaan: ti Santo Papa, dagiti obispo
ken papadi. Agtultuloy koma ti panangibiagda ti karida kas adipen-
pangulo tapno agbalinda a napaypayso a pagwadan dagiti tattao nga
intalek ti Dios kadakuada. Kumararagtayo.
-Para kadagiti nadutokan a mangidaulo ti gobiemotayo. Ipaayda koma
ti tiempoda kadagiti umili ket saanda a tarigagayan ti pannakaitan-
ok no di ket nalimed a panagserbi iti Dios. Kumararagtayo.
-Para kadagiti napanglaw, maparparigat, ken mapukpukawan iti
namnama nga agbibiag ditoy rabaw ti daga. Agtaeng koma ti Espiritu
ti Ayat iti sidongda tapno ad-adda a mapatibker ti pammati ken
kinapakumbabada a mangitrabaho ti pannakaruk-at da kadagiti adu a
kinadakes di agdama a panawen. Kumararagtayo.
-Para kadatayo amin nga adda ita ditoy. Maimula koma iti tunggal
maysa kadatayo ti kinapateg ti napudno a panagdayaw ken panagserbi
iti Dios ken pada a tao. Kumararagtayo.
-Para kadagiti minataytayo. Maawatda koman ti ragsak a subalit dagidi
nacristianoan a kababalin ken aramid nga impakitada idi sibibiagda
pay laeng. Kumararagtayo.
Apo, denggem ken patgam dagitoy nga ararawmi tapno agbalinkami a

pudno a Cristiano nga agtungpal kadagiti pagayatam kas iti panagtudio
ni Cristo nga anakmo ken Apomi. Amen.
181
SOLEMNIDAD NI CRISTO NGA ARI (A)
Dios nga amami, iturayam ti naparsua a lubong gapu to napaadda
amin dagitoy babaen ti nadiosan a nakemmo. Kinayatmo nga agbalin
ti Anakmo nga arimi ket sipapakumbabakami a mangidatag kenkuana
dagiti dawatmi, ket kunami:
Apo, Ari nga agnanayon denggem ti kararagmi.
-Ari ken Naimbag a Pastormi, ikkam ti puso ti agpaspastor dagiti
mangidadaulo iti simbaanmi, tapno agtalinaedda a napudno iti misionda
ket agbalinda a sibibiag a saksi ti pagariam. Agkararagtayo.
-Apo ket Arimi, tubayem dagiti mangiturturong ti gobiernomi iti
kinalinteg, kinapudno ken kinamanagtudio ket mabigbigda iti kinaarim
kas pagrukodan ti panagturay ken panagserbi. Agkararagtayo.
-Arimi a managparabur, mawayawayaan koma iti pannakatagabo
dagiti inosente a biktima ti kinaagum ket maawatda dagiti managayat
nga ima tapno agbiagda iti napudno a kappia, wayawaya ken talged.
Agkararagtayo.
-Ari ken gayyemmi, dakami a nagtitipon ditoy surotenmi koma ti
nadiosan a bilinmo, salaknibannakami iti kinaulbod ti makaisalakan
a kinapudnom tapno masagrapmi ti panagkaykaysa ken natalna a
panagbiag. Agkararagtayo.
-Arimi ken Sibibiag a Dios, makiranod koman iti nailangitan a bendision
ti pagariam dagiti pimmusayen nga ay-ayatenmi Agkararagtayo.
Mannakabalin amin nga Ama, dinakam panawan, dakami a

napakumbaba nga adipenmo. Papigsaem ti pammati, inanama ken
ayatmi tapno ad-adda ti pannakapadasmi ti nailangitan a pagariam
ditoy ken ita Dawatenmi daytoy babaen ken Jesus a Cristo nga Arimi.
Amen.
182
SOLEMNIDAD NI CRISTO NGA ARI (B)
Ama sadi langit, denggem dagiti kararagmi ket dimo yadayo
kinamanagparaburmo kadakami a makasapul. Sipapakumbabakam
a sumaklang kenka a mangipaduyakyak nga Arimi ni Jesus a Cristo,
ti Anakmo a Nagbalin a Tao. Babaen ti ayatmo, dawatenmi kenka
patgam dagitoy a panggepmi ket kunami:
Managayat nga Ama, denggennakam kadi.
-Agpaay iti Simbaan, ti Santo Papa, dagiti obispo, papadi, relihioso, ken
laygo a missionero tapno kas pasurot ti Nadiosan a Balikas agbalinda
a nasamay iti panangsaksida ti Pagarian ti Dios ditoy daga. O Dios,
tarabayem ida ket kunami nga agkararag.
-Agpaay kadagiti mangidadaulo kadagiti nasion tapno babaen dagiti
ganuatda mapadur-as ti kappia, maitandudo ti napabaro a biag ti
pammati ken panaggagayyem iti iti sidong ti Dios. O Dios, papigsaem
ida ket kunami nga agkararag.
-Agpaay kadagiti amin a tattao iti sangalubongan tapno ipasnekda ti
agdengngeg iti Naimbag a Damag ti Pagarian ti Dios ket ipatarusda
ti mensahe iti aginaldaw a panagbiagda. O Dios, iturongmo ida ket
kunami nga agkararag.
-Agpaay kadatayo a nagtitipon ditoy ita tapno itultuloytayo ti mangawat
iti Nadiosan a Kinaari ni Cristo uray no saan unay a mabigbig ditoy ken
ita ti panangiwarastayo ti panagturay ni Jesus. O Dios, paturdennakami
ket kunami nga agkararag.
-Agpaay kadagiti ipatpategtayo a natayen tapno mairanoddan iti
Pagarian ti Dios kas naipaduyakyak iti Kinaari ni Jesus a Cristo. O Dios,
alaem ida iti nailangitan a pagtaengam ket kunami nga agkararag.
Nailangitan nga Ama, sitatalekkami nga agdawat iti Nadiosan a

pannulongmo tapno tumanorkami iti kinasanto ken panagtudio
iti panangbigbigmi ti Kinaari ti Anakmo. Awan kadi ti pannubok a
manglapped ti napudno a panangbigbigmi kenkuana gapu to makipagari
kenka ken ti Espiritu Santo, maymaysa a Dios iti agnanayon. Amen.
183
SOLEMNIDAD NI CRISTO NGA ARI (C)
Apomi a Jesus, naragpatmo ti pagariam babaen ti dara iti krusmo.
Nupay nagrigat ken natayka agtalinaedka latta a Cristo nga Ari. Iti
sipupudno a puso, sipapakumbabakami nga agdawat iti bendisionmo
kadagiti panggepmi ket kunami:
Laglagipennakami, O Cristo nga Ari.
-Agpaay iti Simbaan a naisaknap iti sangalubongan: Sibubukel koma
a makikaysa ken Cristo nga Ari dagiti kamengna tapno surotenda ti
Krus ni Cristo sadinno man ti pagturongan ken pagtungpalanna. Cristo
nga Ari, awagandaka:
-Agpaay kadagiti mangidadaulo kadatayo iti gobierno ken dagiti
katulonganda: Maseknanda koma iti pagsayaatan ti amin babaen
ti pannakaigakat dagiti linteg nga agserbi iti padapada, napudno a
kinalinteg ken kappia iti sapasap. Cristo nga Ari, awagandaka:
-Agpaay kadagiti awanan sanikua, saan a mararaem, saan a
nasayaat ti pannakatamingna ken awanan gaway: Pagbalinenda
koma ti kinadaksanggasatda a pangisukoda ti aminda iti nadiosan a
pannaripato ken kinasirib. Cristo nga Ari, awagandaka:
-Agpaay kadatayo amin: Ikagumaanantayo koma ti mangsaksi ti
ebanghelio ken sipapasnek a mangirakurak ti kinalinteg ken ayat kas
iti inaramid ni Cristo. Cristo nga Ari, awagandaka:
-Agpaay kadagiti natayen a kakabsattayo: Makiranudda koman iti
panagungar ni Apo Jesus a Cristo kas napudno a pasurot ti nadiosan
a nakem. O Cristo nga Ari, awagandaka:
Apo Jesus, Anak ti Agnanayon nga Ama, pinaraburam a pinatalgedan ti

pannakaisalakan ti mannanakaw. Dimo kad kitaen dagiti paglabsinganmi
ngem ti sibabawi a pusomi. Patgam dagitoy a dawatmi iti nagan ti
pagariam a pakipagnaedam ken pakipagariam iti Ama ken iti Espiritu
Santo nga awan inggana. Amen.
184
TI PANNAKAIDATON TI APO (PEBRERO 2)
Intay ita agdawat iti Amatayo a nailangitan kadagiti panggeptayo iti
biag isu a nangted kadatayo ken ni Apo Jesus a Cristo kas silaw a
manglawag kadagiti Gentil ken pakadadaelan ken pakaisalakanan ti
adu a tao. Kunatayo tunggal panggep:
Apo, silawam ti dalanmi.
-Nagraniag ti silaw ti pammati kadagiti nabuniagan. Idawdawatantayo
dagiti amin a nabuniagan ta agtultuloy koma nga aganaraar ti silaw ni
Cristo iti panagbiagda. Kumararagtayo.
-Sinilawan ni Apo Jesus ti lubong babaen ti ipapatay ken panagungarna.
Idawdawatantayo dagiti mangidadaulo kadagiti nasion ti lubong
tapno di agressat ti panangitrabahoda ti kappia babaen ti pannilaw ti
ebanghelio. Kumararagtayo.
-Indaton dagiti agasawa a Maria ken Jose ni Apo Jesus iti templo.
Idawdawatantayo dagiti amin a nacristianoan a familia tapno idatonda
koma met dagiti annakda nga agserbi iti Apo nangruna iti kinapadi ken
kinarelihioso. Kumararagtayo.
-Napadasan ni Apo Jesus a Cristo ti amin a paset ti kinataotayo
malaksid iti basol. Idawdawatantayo dagiti amin nga agsagsagaba
ken maitugtuggod ta ti panagtutuok, ipapatay ken panagungar ni Apo
Jesus ti kanayon nga inspirasionda. Kumararagtayo.
-Ni Apo Jesus ti pakadadaelan ken pakaisalakanan ti adu a tattao.
Idawdawatantayo dagiti minataytayo tapno babaen ti silaw ti pammati
nga inawat ken imbiagda makagtengdan iti agnanayon a lawag iti
sidong ti Dios. Kumararagtayo.
Nailangitan nga Ama, nagraniag ti silaw nga imbaonmo kadakami, ni

Apo Jesus a Cristo, babaen ti ipapatay ken panagungarna. Riingem
kadi a kanayon ti silaw ti pammati kadakami. Dawatenmi dagitoy gape
met laeng ken Cristo nga Apomi. Amen.
185
PANNAKAYANAK NI SAN JUAN BAUTISTA (HUNIO 24)
Pinili ti Dios nga Amatayo ni Juan a Mamuniag a mangisagana ti
pagnaan ti Anakna, ni Jesus a Cristo a mangisalakan. Inkasaba ni
Juan ti panaglikod iti basol ken panagbuniag. Idanontay ita dagiti
kasapulantayo iti Amatayo a Nailangitan. Kunatayo tunggal panggep:
-Agpaay kadagiti naawagan a profeta iti simbaan: ti Santo Papa, dagiti
obispo ken papadi. Kas ken ni Juan situturedda koma a mangirakurak
ken mangsaksi ti Naimbag a Damag. Kumararagtayo.
-Agpaay kadagiti mangiturturong kadagiti gobierno lokal: ti gobernador,
mayor ken dagiti kapitan ti barangay. Timudenda koma ti awis ni Juan
a Mammuniag a panagbabawi babaen ti panangituray kas agserbi.
Kumararagtayo.
-Agpaay kadagiti soldado ken polis ken amin a nakaipaimaan ti
pannakasaluad ti linak ken talna iti aglawlaw. Ipapusoda koma ti balikas
ni Juan kadagiti soldado a napan kenkuana: “Diyo alaen ti kuarta ti
sabali, dikay mamutbuteng, mapnekkayo iti sueldoyo.” Kumararagtayo.
-Agpaay kadagiti agtutubo ditoy parokiatayo. Ad-adu koma ti sumurot
iti dalan nga inusuatan ni Juan, ti pannakaipakaamo ti Naimbag a
Damag iti kinapadi ken kaaspingna a pagsaadan. Kumararagtayo.
-Agpaay kadatayo amin. Kanayon koma nga adda kadatayo ti
kinapakumbaba ni Juan a nangisagana ti pagnaan ni Apo Jesus a
nangipapilit a nagkuna: “Diak pay maikari a mangukas iti kordon ti
sapatosna.” Kumararagtayo.
Managayat nga Ama, insaganam ti pagnaan ti mangisalakan babaen

ken Juan. Ikkannakam iti tured ken kired a mangsaksi iti sao ken
aramidmi ti mensahe ni Apo Jesus a Cristo a pangitalkanmi dagitoy a
kararag, isu a makipagbiag ken makipagari kenka iti agnanayon nga
awan inggana. Amen.
186
SAN PEDRO KEN SAN PABLO, APOSTOLES (HUNIO 29)
Inayaban ni Apo Jesus dagiti dua nga apostol: Ni San Pedro a
nangitakder iti linteg ken ni San Pablo a nangsurot ti awis ti Espiritu
Santo. Agdawattayo iti Ama ni Apotayo a Jesucristo kadagiti
kasapulantayo a pangpadur-astayo ti pammatitayo. Kunatayo tunggal
panggep:
Apo, patgam kad ti kararagmi.
-Da San Pedro ken San Pablo ti teddek a nakaipasdekan ti Iglesia.
Kanayon koma a natibker ti pammati nga ikaskasaba dagiti
mangidadaulo ti Simbaan iti agdama a panawen ket mataginayon ti
pannakasaksi ti ebanghelio. Dawatentay iti Apo.
-Napili ni San Pedro a bato a pakaipatakderan ti Iglesia. Agbalin koma
met a natibker ti pammati dagiti Cristiano a mangiturturong iti gobiemo
tapno agari iti pagilian dagiti napateg iti ebanghelio. Dawatentay iti
Apo.
-Ni San Pablo ti nangitunda ti Iglesia kadagiti Gentil. Agtuttuloy koma
ti pannilaw ti Espiritu Santo kadagiti misionero tapno makagteng ti
mensahe ni Cristo iti amin a paset ti lubong. Dawatentay iti Apo.
-Sipapakumbaba a nagbabawi ni. San Pedro kalpasan ti panangliputna
ken ni Apo Jesus. Maikkan koma met ti gundaway nga agbabawi
dagiti nangtallikud ken ni Cristo babaen dagiti krimen a naaramidda.
Dawatentay iti Apo.
-Naaramid amin ni San Pablo ti naikumit kenkuana a pannakaikasaba ti
Naimbag a Damag ken nagaw-atnan ti korona ti agnanayon a biag.
Maragpat koma metten dagiti minataytayo ti agnanayon a kinaragsak
gapu ti pammati nga imbiagda ditoy rabaw ti daga. Dawatenmi kenka
Apo.
Dios nga Amami naaddaankami ti napintas ken naurnos nga Iglesia

gapu kada San Pedro ken San Pablo. Babaen ti panangibabaetda
kanayon kadi a taliawem ti Iglesiam tapno agaweng ti nagan ni Jesus
a Cristo nga Anakmo ken Apomi iti amin a paset ti lubong. Amen.
187
PANAGBALBALIW TI LANGA TI APO (AGOSTO 6)
Nabalbaliwan ti langa ni Apo Jesus tapno maiparangarang ti dayagna a
bunganto ti ipapatay ken panagungarna. Intay ita agdawat iti Amatayo a
Nailangitan kadagiti kasapulantayo nangruna ti panangtaginayontayo ti
nacristianoan a pammati nga inawattayo idi nabuniagantayo. Kunatayo
tunggal panggep:
Apo, pagbiagennakami iti lawagmo.
-Tapno kanayon nga ibiag ti Simbaan tayo ti dayag ni Apo Jesus a
Cristo babaen ti panangirakurak ken panangsaksina ti Naimbag a
Damag kadagiti napanglaw. Kumararagtayo.
-Tapno maragpat koma ti panagkaykaysa dagiti amin a mangipaduyakyak
ti nagan ni Apo Jesus a Cristo a kinalikaguman ti Apo nga indawat iti
Amana iti maudi a pangrabii. Kumararagtayo.
-Tapno maikkantayo ti naraniag a namnama dagiti agsagsagaba
babaen ti panangbayabaytayo kadakuada iti dalan ni nagungar a
Jesucristo. Kumararagtayo.
-Tapno taginayonen dagiti mannursuro ti akemda a mangsilaw kadagiti
adalanda iti kinapudno ket maipasagepsep dagiti napateg iti biag a
nasilawan ti ebanghetio. Kumararagtayo.
-Tapno agbalintayo nga instrumento ni Cristo a mangbalbaliw ti langa ti
lubong babaen ti panangsurottayo ti dalan ti Apo iti sao ken aramidtayo.
Kumararaglayo.
Dios nga Amami, nagraniag ti dayagmo iti nabalbaliwan a langa

ni Apo Jesus. Pagraniagem met ti dayagmo kadakami babaen ti
panangsurotmi ti dalan ti Anakmo isu a makipagbiag ken makipagari
kenka ken ti Espiritu Santo iti agnanayon nga awan inggana. Amen.
188
PANNAKAYULI NI SANTA MARIA SADI LANGIT
(AGOSTO 15)
Babaen ti tulong ni Apo Santa Maria nga inatayo agkararagtayo iti
Amatayo a nailangitan iti napnoan parabur a pannulongna. Kunatayo
a pagsungbat:
-Apo, ipakitam ti ayatmo kadagiti agserserbi ti Iglesia babaen ti kanayon
a panangtedmo kadakuada ti naan-anay nga inspirasion. Dawatenmi
kenka Apo.
-Apo, ipariknam ti bileg ken pannakabalinmo kadagiti mangiturturong
iti gobiernomi tapno agturayda kas agserbi ket itrabahoda ti panagdur-
as ti pagilian. Dawatenmi kenka Apo.
-Apo, tulongannakami a mangsaranay kadagiti makasapul nangruna
kadagiti awanan iti kanen ket masagrapda met ti bunga ti daga.
-Apo, ikkannakami ti kired a mangaramid kadagiti pagrebbenganmi kas
Cristiano nangruna ti panagayatmi iti padami a tao. Dawatenmi kenka
Apo.
-Apo, alaemon iti agnanayon a pagtaengam dagiti minataymi kas iti
pananggungunam ken ni Apo Santa Maria, ti natudio nga adipenmo.
Dios nga Apomi, iti daytoy nga aldaw a rambakanmi ti pannakayuli

ni Apo Santa Maria sadi langit dawatenmi kenka a punnoennakami
kadagiti agkakaimbag a banag tapno maidaydayawmi ti naganmo
babaen ken ni Jesus a Cristo nga Anakmo ket Apomi. Amen.
189
PANNAKAITAN-OK TI NASANTOAN A KRUS
(SEPTIEMBRE 14)
Napalaus ti panagayat ti Dios ti lubong ta intedna pay ti bubugtong
anakna a mangisalakan kadatayo. Inted ti Anak ti biag kadatayo babaen
ti ipapatay ken panagungarna. Ikararagantayo ken ni Apo Jesus dagiti
agsagsagaba ket kunatayo:
Apo, babaen ti krusmo insalakanmo ti lubong.
-Agpaay kadagiti awan pagturongan ti biagna tapno masarakanda
koma ni Cristo a dalan. Kumararagtayo di Apo.
-Agpaay kadagiti mapukpukawan iti prinsipio di biag tapno mapabaroda
babaen ti ebanghelio ken ti makaisalakan nga ipapatay ken panagungar
ni Apo Jesus. Kumararagtayo iti Apo.
-Agpaay kadagiti maab-abak iti pannakigasanggasatna iti biag tapno
agtalekda a kanayon ken ni Cristo a nangted kadatayo ti ballaigi babaen
ti panagungarna. Kumararagtayo iti Apo.
-Agpaay kadagiti malmalday ken nabaybay-an tapno masarakanda ti
panangadkadua ni Cristo ket babaen kenkuana mailukatda ti biagda
kadagiti gagayyemda. Kumararagtayo di Apo.
-Agpaay kadatayo tapno masursurotayo nga ibaklay ti krustayo
a napnoan anus ken pakumbaba ket itdenna ti biag kadatayo.
Kumararagtayo di Apo.
Apo Jesus a Cristo, agtalinaed kadakami a misteno ti krusmo kas

met iti saem ken pannakasapul. Ngem agtalekkam iti balikas ken
pagpatuladmo a dalan ti ragsak ken wayawaya. Pagbalinem dagiti
krusmi a mangted ti biag ita ken iti agnanayon. Amen.
190
SOLEMNIDAD DAGITI AMIN A SASANTO (NOBIEMBRE 1)
Iti pannakikaysatayo kadagiti a sasanto iti amin a tiempo ken disso
agkamangtayo nga agdawat iti Amatayo a Nailangitan a pagubbogan
ti amin a kinasanto ket kunatayo:
Apo, dumteng koma ti pagariam.
-Agpaay kadagiti mamati ken Cristo tapno masarakanda ti kinalinteg
ken pudno a kinasanto ti biag. Kumararagtayo iti Apo.
-Agpaay kadagiti amin a tattao ken nasion tapno sipupudnoda a
mangbirok ti naimbag ket masarakanda ni Apo Dios ken ti kappiana.
-Agpaay kadagiti napanglaw ken agladladingit tapno masarakanda ti
namnama ti panagsagsagabada iti Apo a Dios nga ubbog ti amin a
kinasanto. Kumararagtayo iti Apo.
-Agpaay kadagiti agbirbirok iti kinalinteg ken hustisia tapno
masarakanda ti kappia babaen ti pannakaipaay kadakuada daytoy a
kalkalikagumanda. Kumararagtayo di Apo.
-Agpaay kadagiti amin a natayen nangruna dagiti gagayyem ken
kakabagiantayo tapno masarakandan ti ragsak babaen ti isasaklangdan
iti Apo a Dios. Kumararagtayo di Apo.
Dios nga Amami, tulongannakami a mangsurot ti tugot dagiti

sasantosmo babaen ti panangtungpalmi ti pagayatam iti sao ken
aramidmi. Dawatenmi daytoy gapu met laeng ken Cristo nga Apomi.
Amen.
191
PANNAKAILAGIP DAGITI AMIN A MINATAY (NOBIEMBRE 2)
Agkararagtayo iti sibibiag a Dios a namarsua kadatayo nga agbiag
ken agragsak. Dinatay baybay-an a matay ngem pabaknangennatayo
iti biag nga agnanayon. Kumararagtayo kenkuana ket kunatayo:
Apo ti biag, denggem dagiti tattaom.
-Agpaay kadagiti minatay ti familia ken gimongmi. Apo inayabam ida
nga annakmo babaen ti buniag ket pakiranudem kadi idan iti agnanayon
a kappiam. Dawatenmi kenka Apo.
-Agpaay kadagiti agsagsagaba iti sakit ken kinapanglaw. Agpatingga
kadin Apo ti panagladladingitda ket maragpatdan ti naan-anay a kappia
ita ken iti agnanayon. Dawatenmi kenka Apo.
-Agpaay kadagiti agladlandingit gapu ti ipapatay ti maysa a napateg
kadakuada. Iyaonmo kadi ida Apo di daytoy a kasasaadda ken ikkam
ida ti namnama pinaneknekan ni Apo Jesus kadakami babaen ti
panagungarna. Dawatenmi kenka Apo.
-Agpaay kadagiti ulila ken balo. Ikkam kad ida Apo ti kired ken pigsa a
mangsaranget kadagiti pannubok ti biag. Dawatenmi kenka Apo.
-Agpaay kadakami nga immay mangilagip kadagiti minataymi.
Masarakanmi koma Apo ti ayatmo kadakami babaen dagiti tattao a
mangiburay ti biagda kadakami. Dawatenmi kenka Apo.
Dios nga Amami, agyamankami ti panangipaneknekmo kadakami ti

biag nga agnanayon babaen ti panagungar ni Apo Jesus a Cristo.
Isagananakami a dumatogto kenka babaen ti panangtulongmo
kadakami a mangtungpal kadagiti bilbilinmo. Dawatenmi daytoy gapu
met laeng ken Cristo nga Apomi. Amen.
192
PANNAKAIDATON TI BASILICA TI LATERAN
(NOBIEMBRE 9)
Agkararagtayo iti Amatayo a Nailangitan tapno ad-adda koma ti
pannakaammo dagiti nakristianoan a gimong nga isuda dagiti tattao
ken templo ti Dios. Kunatayo a pagsungbat:
Apo, ipasdekmo ti gimongmo iti baetmi.
-Tapno maiburay dagiti nakristianoan a gimong ti tiempo ken ganuatda a
mangipasdek iti Iglesia a natubay babaen ti ebanghelio. Kumararagtayo.
-Tapno nasaysayaat koma ti panangbigbig dagiti nakristianoan a
gunglo ti mensahe ti ebanghelio ket agtitinnulongda a mangibiag ti
pagayatan ni Apo Jesus a Cristo. Kumararagtayo.
-Tapno maragpat ti panagkaykaysa dagiti amin a Cristiano iti baet ti
panaggigidiat ti relihion ket agbalin ni Apo Jesus ken dagiti balikasna
a mangtimon ti panagbiag dagiti kamengda. Kumararagtayo.
-Tapno mabirokan dagiti nasion ti lubong ti mataginayon a kappia
babaen ti pannakarespeto ti dayaw ken kalintegan ti tunggal maysa.
Kumararagtayo.
-Agpaay iti daytoy a gimongtayo tapno siaammotay koma a kanayon
nga agkaykaysatayo iti pammati ken ayat, iti namnama ken panagserbi
ken ni Apo Santo Papa ken ti Simbaan a naisaknap di sangalubongan.
Kumararagtayo.
Dios ngaAmami, pagbalinem ti Iglesiam nga ubbog ti panagkikinnaawatan

dagiti kamengna ken dagiti tattao iti aglawlaw iti kasta tumanor ken
dumakkelkami iti nagan ni Jesus a Cristo nga Apomi. Amen.
193
Copyright 2022

Sapasap Arial

Uploaded by

Document Information

Copyright

Available Formats

Share this document

Share or Embed Document

Sharing Options

Did you find this document useful?

Is this content inappropriate?

Copyright:

Available Formats

Sapasap Arial

Uploaded by

Copyright:

Available Formats

DIOCESE OF ILAGAN

SAINT MATTHIAS PARISH

Umuna a Domingo ti Adbiento 1

Pannakayanak ti Apo: Misa iti Sardam 13

TRIDUO KEN TIEMPO TI PANAGUNGAR

Misa ti Panangrabii ti Apo 51

DAGITI DOMINGO TI TAWEN

Maikadua a Domingo ti Tawen 86

DAGITI FIESTA TI APO KEN SOLEMNIDAD

Pannakaidaton ti Apo (Pebrero 2) 185

O Apomi a Dios, sika ti namnama ken masakbayan ti amin a tao.

Ama a nailangitan, siinanamakami a maikkan ti naan-anay a kaipapanan

Managayat unay nga Ama, iti napalaus a panagayatmo intedmo

Kitaennakami, Apo, ket paturden ken paraburannakami tapno

Denggem dagiti kararagmi, Apo. Iturongnakam koma ti naragsak

Ama a nadungngo, dawatenmi nga ipangagmo dagitoy un-unnoymi ket

Denggennakami nga annakmo, O Apo, tapno dakami a mangur-uray

Mannakabalin ken agnanayon a Dios, agkammatalekkami unay ti

Amami a Nailangitan, sapay koma ta ti inkam panangrambak ti itatao

O Ama, sitatalekkami a denggem dagitoy a dawdawatmi ta idatagmi

Dios nga Amami, kinayatmo nga agtaeng ni Apo Jesus kadakami

O Dios a nagparang kadakami kas maysa nga ubing nakibingayka

O Ama, tulongannakami nga agbalin a modelo iti bukodmi a familia

Apomi a Jesucristo pinagbalinmo ti Nasantoan a Familia kas

O Apomi a Jesucristo, adu dagiti pannubok a sarangtenmi iti biagmi

Agnanayon ken mannakabalin a Dios, ipangagmo kad dagiti araraw

Apo ken Amami, intedmo ti kakaisuna nga Anakmo tapno ikappianakami

O Apomi a Dios, babaen ti kinamanagayatmo, pinaraburannakami

Amami a nailangitan intedmo ni Apo Jesus a silaw ti lubong ken

Apo gapu iti napalaus a panagayatmo kadakami imbaonmo ti ay-

Mannakabalin a Dios, patinayon kadi nga iturongmo dagiti tattaom

Nailangitan nga Ama, patgam nga agnanayon koma ti pammatimi ken

Managayat a Dios, patgam kad ti kararag dagiti tao a binuniagam nga

O Dios nga Amami, pinagbalinnakami nga annakmo babaen ti itattao ti

Patgenmi nga Ama, makaay-ayo kenka ti lualo dagiti napakumbaba

Apomi a Jesus a Cristo, immayka kadakami iti kinapakumbaba ti maysa

Dagitoy ti kararagmi nga annakmo, O Apo. Tarabayen ken

Amami sadi langit inikkam ti baro a kaipapanan ti pannakaisalakanmi

Ama, ituloymo ti mangted ti inspirasion kadakami a tattaom tapno

Amami a nailangitan, ni koma Jesus nga anakmo ti mangidalan iti

Ammom, O Dios nga Amami dagiti kasapulanmi nga annakmo.

O Dios ken Apomi, palawagem ti panagbiagmi babaen ti imbagmo,

Ama, imbaonmo ti ay-ayatem nga Anakmo a mangpaimbag ti kinamanag

Mannakabalin nga Ama, awatem dagitoy dawatmi iti nagan ti nailansa

Mannakabalin nga Ama, ammom ti naguneg ti puso dagiti tattao ken

Managayat nga Ama, itden dagiti basbasolmi ti panagladingit. Denggem

Apomi a Dios, tulongannakam nga agtalinaed a napudno kadagiti

Dios nga Amami, tulongannakami nga agbalbaliw tapno ti ladawan

Ama, kaassiam kad ti lglesiam kadagiti amin a kasapulanna. Denggem

Ama, palag-anen koma ti panagtutuok ken ipapatay ti Anakmo ti

Apomi a Jesucristo, kas iti pannakalanam ken panangdutok kenka ti

Amami a Nailangitan, pinagasatnakami babaen ti ipapatay ken

Cristo a pụon ti biagmi, babaen ti panagbuniagmi naitanemkami ngem

Nailangitan nga Ama, kinonsagraram ti lubongmi babaen ti

Dios nga Amami, mamatikami a kanayon a napudnoka kadagiti tattaom.

Mannakabalin a Dios, adda kenka ti bileg ken ayat a mangsungbat

O Dios, kas iti panangtrabahom kadagiti nakaskasdaaw a banag babaen

Mannakabalin nga Ama, gapu ti ipapatay ti Anakmo, inikkannakami

Apomi a Jesus a Cristo, pagturayem koma ti ayat iti sidongmi ket

Ama, tulongannakam kadi babaen ti grasiam tapno iti pakasarakanmi

O Apomi a Jesucristo, a gubbuayan ti amin a kaasi ken ayat, timudem

Apo, dagitoy ti sumagmamano laeng a maiyebkasmi kenka a

Nailangitan nga Ama, kinayatmo a mailansa ti Anakmo iti krus ket

Dios ti bileg ken pannakabalin, ragsak ken liwliwa dagiti awanan