10

Araling Panlipunan
Ikalawang Markahan-Ika-7 Linggo

Pilyego ng mga Gawaing

Pampagkatuto

Mga Saloobin Tungkol sa

Epekto ng Globalisasyon
 Republic of the Philippines
Department of Education
Caraga Administrative Region
DIVISION OF AGUSAN DEL NORTE

PILYEGO NG MGA GAWAING PAMPAGKATUTO

Pangalan ng Mag-aaral: __________________________ Seksyon: __________

Paaralan: ________________________________________________

Asignatura: Araling Panlipunan

Baitang: 10
Kwarter: Ikalawa
Kasanayan sa Pampagkatuto: Naipahahayag ang saloobin tungkol sa
epekto ng globalisasyon
Koda:
Buwan: Pebrero, 2021
Linggo: Pebrero 15-17, 2021 (Ika-7 Linggo)
Pamagat ng mga Gawain: Gawain 1: Pamprosesong Tanong
Gawain 2: Timbangin Mo!
Gawain 3:Tuklas-Kaalaman
Mga Kagamitan: papel , bolpen, mga babasahin at internet
Mga Layunin: 1. Nakapagpapahahayag ng saloobin
tungkol sa epekto ng globalisasyon,
2. Nakapaghahambing ng ibat-ibang
epekto ng globalisasyon; at
3. Nakapagsaagawa ng pananaliksik
tungkol sa epekto ng globalisasyon.
Aralin:
Mga Saloobin Tungkol sa Epekto ng Globalisasyon

Ang globalisasyon ay isa sa mga isyung nagkakaroon ng malaking

epekto sa ating pamumuhay sa ngayon.Ang epektong ito ay patuloy na
nananalanta sa sambayanang Pilipino. Sa araling ito maipakita ang saloobin
natin sa mga epekto ng globalisasyon.

Globalization: Progress or Profiteering?

(Liza Smith)
Gawi ng globalisasyon ang pagdadala ng puhunan at negosyo
mula sa pamilihang lokal patungo sa ibang bansa na siyang nag-uugnay
sa iba’t ibang pamilihan ng daigdig. Ayon sa mga sumusuporta sa ideya
ng globalisasyon, nakatutulong ito sa mga papaunlad na bansa na
makahabol sa pag-angat ng ekonomiya dahil sa pagdami ng bilang ng

1
 trabahong naibibigay nito bukod pa sa teknolohiyang dala nito. Patunay
dito ang mga Asyanong bansa tulad ng India, Pilipinas at Thailand. Para
sa mga malalaking negosyante at miyembro ng economic elite, mabuti
ang globalisasyon sapagkat nakakukuha sila ng manggagawang
handang tumanggap ng mas mababang sahod na nagbibigay naman sa
kanila ng higit na kita.
Hindi lamang ang mga negosyanteng nabanggit ang naaapektuhan
nito kundi maging ang mga manggagawa sa iba’t ibang bansa na handang
makipagkompetensya upang makuha ang mga trabaho kapalit ang mas
mababang sahod. Sa katunayan, ilang trabaho (hal. autoworks) mula sa
US na dinala ng North American Free Trade Agreement (NAFTA) sa
bansang Mexico dahil sa mas murang pasahod dito ay inilipat sa ilang
bansa sa Silangang Asya dahil sa higit na murang pasahod. Ganun pa
man ang mga produktong ito ay ipagbibili sa mga konsumer sa US sa
tulad ding halaga. Samantala, ang mababang pasahod na nakukuha ng
mga manggagawa sa maliliit na bansa ay ginagamit sa pagbili ng mga
tinging produktong nagmula rin naman sa mga kanluraning bansa .
Hindi maipagkakaila ang pagtaas ng antas ng pamumuhay ng mga
mamamayan sa papaunlad na mga bansa dala ng industriyalisasyon
(teknolohiya) na bitbit ng mga korporasyon at kompanya mula sa
mayayamang bansa.
Ngunit kabaliktaran naman nito ang nagyayari sa mga mauunlad
na bansa sapagkat batay sa mga pag-aaral, patuloy ang paglaki ng agwat
ng mayayaman at mahihirap sa mga bansang ito.
Ilang politiko rin ang nagsasabing patuloy na kumakaunti ang
middle class dala ng penomenong ito. Kasama rin sa dulot ng
globalisasyon ang ‘homonisasyon’ ng kultura sa iba’t ibang bahagi ng
daigdig. Ang pag-usbong ng coffee shops at big-box retailers sa mga
syudad ng maraming bansa ay ‘lumilikha’ ng iisang mukha ng
pagkakakilanlang kultural.
Ilang kritiko ng globalisasyon din ang nagsasabing pinahihina nito
ang pambansang soberanya ng mga maliliit na bansa dahil sa malakas
na impluwensyang dulot ng mayayamang bansa kung saan nagmumula
ang mga nasabing puhunan at trabaho.
Hangga’t hindi nakalilikha ng mga solusyon sa mga hamon na kaakibat
ng globalisasyon, mananatili ang edukasyon, flexibility at adaptability sa
mga kasanayang makatutulong upang makasabay dito.

Mga Gawain:
Gawain 1: Pamprosesong Tanong
Sagutan ang ilang katanungan at isulat sa papel ang iyong sagot:
1. Batay sa tekstong binasa, ano ang mga patunay na mayroong mabuti
at di-mabuting epekto ang globalisasyon?
2. Ano ang iyong saloobin sa epekto ng globalisasyon sa pamumuhay ng
mga Pilipino?

2
Gawain 2: Timbangin Mo!
Panuto: Batay sa iyong nalalaman sa naunang mga aralin, timbangin ang
kabuuang epekto ng globalisasyon sa ating bansa. Isulat sa loob
ng kahon sa ibaba. Gumamit ng isang buong papel sa pagsagot sa
gawain.
Mabuting Di-Mabuting
Epekto ng Epekto ng
Globalisasyon Globalisasyon

Sagutin ang tanong at isulat sa papel ang iyong kasagutan.

1. Batay sa iyong naisulat na sagot sa gawain, ano ang masasabi mo sa
kabuuang epekto ng globalisasyon?

Gawain 3: Tuklas-Kaalaman
Panuto: Pagyamanin ang kaalaman tungkol sa paksang globalisasyon at
ang epekto nito sa pamamagitan ng pananaliksik sa mga aklat at
internet. Gamitin ang nalalaman sa pagsulat ng isang sanaysay at
isulat ito sa isang buong papel

Rubrik:
Batayan sa pagmamarka ng sanaysay
Mga Eksperto Mahusay Nagsisimula Baguhan Puntos
Paman- (5 puntos) (4 puntos) (3 puntos) (2 puntos)
tayan
Nilala- Kumpleto Kumpleto May ilang Maraming
man at kumpre- ang kakulangan kakulangan
hensibo ang nilalaman ng sa nilalaman sa
nilalaman ng talata. Wasto ng talata. nilalaman
talata. Wasto ang lahat ng May ilang ng talata
ang lahat ng impormasyon maling
impormasyon impormasyon
na nabanggit
Estilo Napakahusay Mahusay Mahusay ang Hindi
at naunawaan at naunawaan paggawa gaanong
ang paggawa ang paggawa mahusay
ang
paggawa
Organi- Detalyado, Mahusay at Mahusay ang Kulang
sasyon mahusay at nauunawaan mga ideya ang mga
nauunawaana ang mga ideya batay sa ideya
ang mga ideya batay sa impormasyong batay sa
batay sa impormasyong inilalahad imporma-
impormasyong inilalahad syong
inilalahad inilalahad
Kabuuang Puntos:

3
Konseptong Natutunan:

Bilang mag-aaral, ano ang mabuti at di-mabuting epektong naidulot ng

globalisasyon sa iyo? Magbigay ng halimbawa at ipaliwanag ang mga ito.
Isulat sa papel ang iyong sagot.

Sanggunian:

1. Dallo, Evangeline M, Eleanor D. Antonio, Consuelo M. Imperial, Maria

Carmelita B. Samson, Cella D. Soriano, Kayamanan Mga
Kontemporaryong Isyu, REX Book Store, Manila, Philippines
2. Kontemporaryong Isyu Learning Materials (DepEd)
3. Gonzaga, Emmanuel S, Kontemporaryong Isyu, Innovative Educational
Materials, Inc.Sta. Ana, Manila

Susi sa Pagwawasto:

Ang puntos ay batay sa rubrik

Gawain 3: Tuklas-Kaalaman

ang mga sagot

Maaring magkakaiba-iba

Gawain 2: Timbangin Mo!

Tanong
Gawain 1: Pamprosesong

Manunulat: JEANETTE B. NAINGGE

Paaralan: Buenavista Special Education High School
Purok: Buenavista-I
email address jeanette.naingge001@deped.gov.ph