SURING BASA: SARANGGOLA ni Efren R.

Abueg

I. Uri ng Panitikan
Ang uri ng panitikan na ito ay isang maikling kwento. Dahil mayroon itong
isang mahalagang pangyayaring kinasasangkutan ng isa o ilang tauhan at may
iisang kakintalan o impresyon lamang. 

II. Layunin ng may Akda

Layunin ng akda na ipakita sa mga mambabasa ang kahalagahan ng aral at
gabay na binibigay sa atin ng mga magulang natin sa araw araw. Hindi man natin
ito lagi o agad nakikita, ngunit nandoon ang hangarin nil ana tayo’y turuan na
tumayo sa ating sariling paa at umangat para sa magandang buhay.

III. Tema o Paksa

Ang tema na ipinapakita dito ay walang salapi o bagay na makakatumbas sa
pagmamahal ng ating mga magulang. Pati na rin ang payo ng tauhan na ang buhay
ay parang saranggola, anuman ang iyong estado sa buhay ay kaya mong umangat
sa itaas basta mayroon kang tyaga, ingat at husay.

IV. Mga Tauhan o Karakter

 Batang Lalake or “speaker”– ang batang humihiling ng guryon sa kanyang
ama.
 Ama – ang ama ng batang humiling na bilhan siya ng guryon.
 Ina – ang ina ng batang humiling sa kanyang ama na bilhan siya ng isang
guryon.
 Rading – anak ng batang humingi sa kanyang ama na bilhan siya ng isang
guryon.
 Paquito – anak ng batang humingi sa kanyang ama na bilhan siya ng isang
guryon.
 Nelson – anak ng batang humingi sa kanyang ama na bilhan siya ng isang
guryon.
V. Tagpuan o Panahon
Ang tagpuan ay sa isang bayan kung saan sila nakatira. Kasama na dito ang
bukid kung saan sila nagpalipad ng saranggola noong bata pa ang anak ng ama na
may machine shop.

VI. Nilalaman / Balangkas ng mga Pangyayari

I. Ang batang lalaki ay humiling sa kanyang ama na bilhan siya ng guryon.          
            A. Ngunit hindi siya binilhan ng kanyang ama at sinabing tuturuan na
lamang siya kung paano gumawa at magpalipad ng saranggola. Dahil dito,
nagkaroon sya ng galit sa kanyang ama.                        
                  1. Nakaramdaman ang batang lalaki na pinapahirapan siya ng kanyang
ama dahil hindi nito binibigay ang hiling ng kanyang anak.
                  2. Kahit sa pagpili ng kursong pag-aaralan, ang desisyon ng kanyang ama
parin ang natupad at para siya na ang mamalakad sa kanilang negosyo kung wala
na ang magulang niya.
                       
II. Makalpias ang ilang taon, ang batang lalake ay nakapagtapos ng pag aaral.
           A. Sa halip na ibigay sa kanya ang pamamalakad ay binigyan lamang siya ng
ama ng limang libo para magpundar kanyang sarili negosyo.
                  1. Tinanggap niya ang pera at nagtayo siya ng kanyang sariling negosyo
malapit sa Negosyo ng kanyang ama kaya hindi naglaon nalugi ito.       
            B. Nagtrabaho siya at nagsumikap, sa paglipas ng panahon nagkaroon ng
bagong negosyo at naging maunlad ito.
                  1. Isang araw, umuwi siya galing sa trabaho at hindi niya naabutan ang
kanyang mag ina at nalaman niyang pumunta sila sa kanyang magulang para
patawarin ito.
                         1.1 Naalala niya ang lahat ng masasayang araw at panahon noong
kasama pa niya ang kanyang ama lalo na noong sya ay tinuruan magpalipad ng
saranggola, kaya nagmadali siya umuwi sa kanilang bahay.
                         1.2 Nang makarating sya, patay na ang kanyang ama at namatay
itong walang hinanakit sa kanya dahil natupad na ang pangarap ng kanyang ama
na marating kanyang anak itaas ng kanyang  sariling hirap.  
VII. Mga Kaisipan / Ideyang Taglay ng Akda
Pinapakita dito na ang buhay ay parang saranggola. Anuman ang estado na
mayroon ka ngayon, ay maaari. Ka parin umangat at manatili sa taas kung ito ay
paglalaanan mo ng pagmamahal, tyaga at ingat. Kung ikaw man ay bumagsak
mula sa itaas, ay hindi ka agad masisira dahil sa karanasan mo na nagpapatibay sa
loob mo.
Mahalaga na makinig din tayo sa ating mga magulang. Wala silang ibang
hangad kung hindi ang magabayan tayo sa ating buhay. Maaring sa ating isipan ay
hindi tayo masaya sa kanilang mga desisyon, ngunit sa huli ay mabubuksan ang
ating isip na ginagawa nila iyon dahil ng pagmamahal nila sa atin.

VIII. Istilo ng Pagkakasulat

Ang istilo na ginamit ng akda ay makihain na pagpapahayag ng kwento na
may matinding emosyon. Dahil dito, mas nakakapukaw at “interesting” ang bawat
pangyayari sa maikling kwento na ito.

IX. Buod ng Kwento

Ang kwento ay nagsimula sa isang anak na gusto ng guryon ngunit siya ay
tinuruan at ginabayan ng kanyang ama sa paggawa ng isang simple at maliit na
saranggola. Ito ay hindi dahil sa pagtitipid kundi para maturuan ang anak ng aral
sa tiyaga, dedikasyon, at pag-iingat.
Nang malapit ng magtapos ang binata at papunta na ng kolehiyo, gusto
niyang mag-aral ng Commerce upang makasama ang mga kaibigan. Ngunit hindi
ito nababagay sa kanyang kakayahan ayon sa kanyang mga magulang. Siya ay
pinakuha ng Mechanical Engineering dahil dito siya magaling ito at siya ang
magmamana ng kanilang mga negosyo.
Sa halip na humalili biling may-ari ng kanilang negosyo, binigyan lamang
siya ng pera upang magbukas ng sariling negosyosyo. Kinakumpitensya ng anak
ang sarili niyang ama. Siya ay nalugi pero nakabangon muli at hindi na niya
kinausap ang ama hanggang sa siya ay magkapamilya. Namatay ang ama niya ng
hindi sila nagkikita ngunit nsamabit ng ina na wala itong hinanakit sa anak dahil
natupad naman ang mga pangarap nito.
X. Aral ng Kwento
Ang aral ng maikling kwento ay ang pagpapahalaga sa magulang. Hindi man
natin nakukuha ang ating kagustuhan, ngunit may mga desisyon ang ating
magulang na naniniwala sila na ito ang makakabuti sa atin. Maaari tayong
umangat at manatili sa ating pangarap kung tayo ay may pagmamahal, tyaga at
dedikasyon sa ating mga gawa.