11 Learning Activity

Sheet sa Pagbasa at
Pagsusuri ng Iba’t ibang
Teksto tungo sa
Pananaliksik
Kuwarter 4 – MELC 1
Pagsusuri sa Layunin, Gamit, Metodo at Etika
sa Pananaliksik

REGION VI – KANLURANG VISAYAS

Pagbasa at Pagsusuri ng Iba’t ibang Teksto Tungo sa Pananaliksik 11 – Filipino 11
Learning Activity Sheet (LAS)
Unang Edisyon, 2020

Inilimbag sa Pilipinas
Ng Kagawaran ng Edukasyon,
Rehiyon 6 – Kanlurang Visayas
Duran St., Iloilo City

Isinasaad ng Batas Republika 8293, seksiyon 176 na “Hindi maaaring magkaroon

ng karapatang-ari (sipi) sa anumang akda ang Pamahalaan ng Pilipinas. Gayunpaman,
kailangan muna ang pahintulot ng ahensiya o tanggapan ng pamahalaan na naghanda ng
gawain kung ito’y pagkakakitaan. Kabilang sa mga maaaring gawin ng nasabing ahensiya o
tanggapan ay ang pagtakda ng kaukulang bayad.”

Ang Pagbasa at Pagsusuri ng Iba’t ibang Teksto Tungo sa Pananaliksik 11 -

Filipino 11 Learning Activity Sheet (LAS) na ito ay inilimbag upang magamit ng mga
Paaralan sa Rehiyon 6 - Kanlurang Visayas.

Walang bahagi ng aklat na ito ang maaaring kopyahin o ilimbag sa anumang porma
nang walang pahintulot sa Kagawaran ng Edukasyon, Rehiyon 6 – Kanlurang Visayas.

Bumuo sa Pagsusulat ng Learning Activity Sheet – Pagbasa at Pagsusuri ng Iba’t

ibang Teksto tungo sa Pananaliksik 11 – Filipino 11

Manunulat: Marifel P. Asuncion, MT II

Editor: Annabelita M. Lao, HT III

Lalice Joy J. Arquintillo, HT III

Tagasuri: Annabelita M. Lao, HT III

Aileen N. Menor, MT I

Tagaguhit: Juvy Mae S. Consibit, MT I

Tagalapat: Mervic Hope G. Villanueva, T III

Division of Iloilo City Management Team:

Ma. Luz M. De los Reyes, SDS
Ernesto F. Servillon Jr., ASDS
Dr. Jerry M. Lego, SGOD Chief
Arlo L. Villalva, CID Chief
Leila G. Valencia, EPS-LRMDS
Dr. Cynthia J. Punsalan, EPS-Filipino

Regional Management Team:

Ma. Gemma M. Ledesma, CESO V
Dr. Josilyn S. Solana
Dr. Elena P. Gonzaga
Mr. Donald T. Genine
Celestino S. Dalumpines IV
 MABUHAY!

Ang Pagbasa at Pagsusuri ng Iba’t ibang Teksto Tungo sa Pananaliksik 11 –

Filipino 11 Learning Activity Sheet (LAS) na ito ay nabuo sa pamamagitan ng sama-
samang pagtutulungan ng Sangay ng Lungsod ng Iloilo at Kagawaran ng Edukasyon, Region
6 – Kanlurang Visayas sa pakikipag-ugnayan ng Curriculum and Learning Division (CLMD).
Inihanda ito upang maging gabay ng learning facilitator, na matulungan ang ating mga mag-
aaral na makamtan ang mga inaasahang kompetensi na inilaan ng Kurikulum ng K to 12.

Layunin ng LAS na ito na gabayan ang ating mga mag-aaral na mapagtagumpayan

nilang masagot ang mga nakahanay na mga gawain ayon sa kani-kanilang kakayahan at
laang oras. Ito ay naglalayon ding makalinang ng isang buo at ganap na Filipino na may
kapaki-pakinabang na literasi habang isinasaalang-alang ang kani-kanilang pangangailangan
at sitwasyon.

Para sa mga learning facilitator:

Ang Pagbasa at Pagsusuri ng Iba’t ibang Teksto Tungo sa Pananaliksik 11 –

Filipino 11 Learning Activity Sheet (LAS) na ito ay binuo upang matugunan ang
pangangailangan ng ating mga mag-aaral sa larang ng edukasyon, na patuloy ang kanilang
pagkatuto kahit na sila ay nasa kani-kanilang mga tahanan o saan mang bahagi ng learning
center sa kanilang komunidad.

Bilang mga learning facilitator, siguraduhing naging malinaw ang mga panuto sa mga
gawaing iniatas sa kanila. Inaasahan din na patuloy nating masubaybayan ang pag-unlad ng
mga mag-aaral (learner’s progress).

Para sa mga mag-aaral:

Ang Pagbasa at Pagsusuri ng Iba’t ibang Teksto Tungo sa Pananaliksik 11 –

Filipino 11 Learning Activity Sheet (LAS) na ito ay binuo upang matulungan ka, na
mapatuloy ang iyong pagkatuto kahit na wala ka ngayon sa iyong paaralan. Pangunahing
layunin ng LAS na ito na mabigyan ka ng makahulugan at makabuluhang mga gawain. Bilang
aktibong mag-aaral, unawain nang mabuti ang mga panuto ng bawat gawain.
 Kuwarter 4, Linggo 1-2

Learning Activity Sheets (LAS) Blg. 1

Pangalan ng mag-aaral: _______________________ Grado at Seksiyon: ____________

Petsa: ________________

GAWAING PAMPAGKATUTO SA PAGBASA AT PAGSUSURI NG IBA’T IBANG

TEKSTO TUNGO SA PANANALIKSIK 11

Pagsusuri ng Layunin, Gamit, Metodo at Etika sa Pananaliksik

I. Kasanayang Pampagkatuto at Koda

Nasusuri ang ilang halimbawang pananaliksik sa Filipino batay sa layunin, gamit,

metodo, at etika sa pananaliksik (F11PB-IVab-100)

II. Panimula

Ang gawaing pagsusuri ay may malaking gampanin sa ikatatagumpay ng isang

indibidwal. Ito ay mahalagang bagay na dapat matutunan dahil makatutulong sa pang-
araw-araw na gawain ng isang tao lalo na sa larang ng edukasyon. Ang gawaing ito ay
subok na ng panahon na may malaking ambag upang matamo ang ikatatagumpay ng
gawaing pananaliksik kung kaya’t mahalagang matutunan at matamo ang mga kasanayan
kaugnay rito.

Mga Layunin ng Pananaliksik

1. Tumuklas ng bagong datos at impormasyon.

2. Magbigay ng bagong interpretasyon sa lumang idea.
3. Maglinaw sa isang pinagtatalunang isyu.
4. Manghamon sa katotohanan o pagiging makatwiran ng isang tanggap o pinalalagay
na totoo o makatotohanang idea.
5. Magpapatunay na makatotohanan o balido ang isang idea, interpretasyon,
paniniwala, palagay o pahayag.
6. Magbigay ng historikal na perpektiba para sa isang senaryo.

Gamit ng Pananaliksik (Constantino & Zafra, 1997)

1. Pang-araw-araw na Gawain
2. Akademikong Gawain
3. Kalakal/bisnes
4. Iba’t ibang institusyong panggobyerno
5. Mga institusyong pribado at di gobyerno

Metodolohiya ay tumutukoy sa sisitematikong paglutas sa mga

suliranin/tanong/layunin ng pananaliksik o mga paraan na ginagamit sa pagtitipon at
pagsusuri ng mga datos /impormasyon. Ang metodo ng pananaliksik ay tumutukoy sa mga
tiyak na teknik na pagtitipon at pagsusuri ng datos upang makabuo ng mga konklusyong
mapanindigan (reliable). Ito ang pinakamahalagang bahagi ng pananaliksik ng
kailanganng itakda sa pasimula pa lamang ng pag iisip ng paksa. Walliman (2011)
Metodo ng Pananaliksik

1. Deskriptibo o Palarawan
Ito ay dinisenyo para sa mananaliksik tungkol sa isang kalagayan sa
kasalukuyan. Ayon kay Best (1963) na ang palarawang pananaliksik ay isang
imbestigasyon na naglalarawan at nagbibigay-kahulugan tungkol sa isang bagay o
paksa. Ito ay may kinalaman sa mga kondisyon ng mga ugnayang nagaganap , mga
gawaing umiiral, paniniwala at prosesong nagaganap, mga epektibong
nararamdaman, o mga kalakarang nalinang.

2. Eksperimental na paraan
Ayon kay Gay (1976) ito ang pamaraan ng pananaliksik na tunay na
masusubok sa palagay o hipotesis tungkol sa ugnayang sanhi at bunga. Idinagdag ni
Ary at mga kasama (1972), na ang eksperimento ay kadalasang itinuturing na
pinakasopistikadong pamaraan ng pananaliksik para subukin ang mga palagay o
hipotesis.

Etika ng Pananaliksik
Ayon sa free Dictionary (2014), ang etika ay tumutukoy sa mga pamantayan
ng pagkilos at pag uugali batay sa mga katanggap tanggap na idea sa kung ano ang
tama at mali.

Mga Gabay sa Etikal na Pananaliksik

1. Pagkilala sa Pinagmulan ng mga idea sa pananaliksik

Mahalaga ang pagbanggit at pagkilala sa iba pang mananaliksik at iskolar na
ang pagbanggit at pagkilala sa iba pang mananaliksik at iskolar na naging tuntungan
at pundasyon ng iyong pananaliksik.

2. Boluntaryong Partisipasyon ng mga kalahok

Kinakailangang hindi pinipilit ang sinomang kalahok o respondent sa
pagbibigay ng impormasyon o anomang partisipasyon sa pananaliksik bago simulant
ang pagsagot sa sarbey, pakikipanayam, o eksperimento, kailangan ng maging
malinaw muna sa mga tagasagot ang kabuuang layunin ng pananaliksik at halaga ng
kanilang partisipasyon.

3. Pagiging Kompidensyal at pagkukubli sa pagkakilanlan ng kalahok

Kailangang ipaunawa sa mga kalahok na ang anomang impormasyon na
magmumula sa kanila ay gagamitin lamang sa kapakinabangan ng pananaliksik.
Dapat ding pag isipan ng mananaliksik kung paano ikukubli ang pagkakilanlan ng
tagasagot lalong-lao na sa mga pananaliksik na may sensitibong paksa. Sa mga
pagkakataong kailangang isapubliko ang resulta ng pananaliksik o kaya’y ibahagi sa
colloquium o publikasyon, kailangan pa ring ipagpaalam at hingin ang permiso ng mga
tagasagot na pangunahing pinagmulan ng datos ng pananaliksik.

4. Pagbabalik at paggamit sa resulta ng pananaliksik

Mahalagang ipaalam sa mga tagasagot ang sistematikong pagsusuri ng
mananaliksik sa kinalabasan ng pag-aaral.Madalas na ginagamit lamang sila ng
mananaliksik upang kumuha ng datos at pagkatapos ay parang bulang nawawala ang
mga ito. Ito ay dahil sa mangilan ngilan lamang na mananliksik ang bumabalik upang
ibahagi sa mga kalahok ang kinalabasan ng pag-aaral.Kung may awtput tulad ng
modelo ,pagbuo ng polisiya , o iba pang mahahalagang rekomendasyon ang
pananaliksik, makabubuti kung ipaalam ito sa kinauukulan upang makatulong sa
kapakinabangan ng komunidad o kaugnay na institusyong pinag-aaralan.
 III. Sanggunian

Jocson, Magdalena O. Komunikasyon at Pananaliksik sa Wika at Kulturang

Pilipino. Batayang Aklat.Quezon City: Vibal Group, Inc.
Porquia, Marifel P. (2007) (PAG UNAWA SA PAGBASA AT PERFORMANS SA
FILIPINO NG MGA MAG-AARAL SA IKAAPAT NA TAON NG PAARALANG
SEKUNDARYA). Unpublished Master’s Thesis. University of Iloilo, Iloilo City,
Philippines.

IV. Mga Gawain

Pangkalahatang Panuto: Basahin at gawin ang mga gawain sa ibaba

Gawain 1:

Panuto: Suriin ang halimbawang pananaliksik sa Filipino ibigay ang layunin at

gamit nito sa pamamagitan ng pagpupuno ng dayagram

Isang pag-aaral kaugnay ng Pag unawa sa Pagbasa at Performans sa Filipino ng mga

Mag-aaral sa Ikaapat na Taon ng Paaralang Sekundarya ang isinagawa sa lungsod ng Iloilo.
Ang mga tagatugon ay ang 348 mag-aaral sa ikaapat na taon ng mga paaralang sekundarya
ng Mataas na Paaralang Nasyonal ng Jaro, Mandurriao, Fort San Pedro, Ramon Avancena
at Paaralang Nasyonal ng Lungsod ng Iloilo. Ang mga tagatugon ay palambang na pinili ng
mananaliksik at pinangkat ayon sa kasarian, edukasyong natamo ng mga magulang at
kalagayan ng hanapbuhay ng mga magulan. Isang pagsusulit sa pag-unawa sa pagbasa na
ginawa ng mananaliksik ang ginamit sa pagtitipon ng mga datos ang kanilang performans sa
Filipino ay ibinatay sa kanilang panghuling marka sa Filipino IV. Sa palarawang pang
istadistika ginamit ang frequency Count, Percentage o Bahagdan at Katampatan o Mean. sa
istadistikang inperensyal naman ginamit ang ANOVA, t-Test at Person r na tinuon sa .05 na
antas ng pagkamakabuluhan.

Sa resulta ng pag-aaral lumabas na may makabuluhang pagkakaiba sa antas ng pag

unawa sa pagbasa ang mga mag-aaral ayon sa kasarian at ayon sa edukasyong natamo ng
mga magulang. Walang makabuluhang pagkakaiba ang pag unawa sa pagbasa ng mga mag-
aaral ayon sa kalagayan ng hanapbuhay ng kanilang mga magulang. May makabuluhang
pagkakaiba sa performans ang mga mag-aarl ayon sa kasarian. Walang makabuluhang
pagkakaiba sa performans sa Filipino ang mga mag-aarl ayon sa edukasyong natamo ng mga
magulang at kalagayan ng hanapbuhay ng mga magulang. May makabuluhang kaugnayan
ang pagunawa sa pagbasa ng mga mag-aarl at ang kanilang performans sa Filipino

Hango sa Abstrak ng Pananaliksik ni Marifel P. Porquia ng Lungsod ng Iloilo

 Pamagat ng Pananaliksik

Layunin ng Pananaliksik Gamit ng Pananaliksik

Rubrik sa Pagsusuri ng Kahalagahan ng Pananaliksik

15 10 5 2
Napakagaling ang Magaling ang Kailangan ng Hindi wasto ang
ginawang pagsusuri ginawang pagsusuri pagpapabuti ang ginawang pagsusuri
sa halimbawang sa halimbawang gawaing pagsusuri Hindi natukoy at
pananaliksik. pananaliksik. ng halimbawang naibigay ang layunin
Natukoy at naibigay Natukoy at naibigay pananaliksik at gamit ng
ang layunin at gamit ang layunin at gamit pananaliksik
ng pananaliksik ng pananaliksik

Gawain 2:

Panuto: Batay pa rin sa pananaliksik sa itaas, ang mananaliksik ay gumamit

ng metodong Deskriptibo o Palarawan suriin at itala sa dayagram ang mga patunay
na ang pananaliksik ay isang deskriptibo o palarawan

Patunay 1: ________________________________________________________________
Patunay 2: ________________________________________________________________
Patunay 3: ________________________________________________________________
Patunay 4: ________________________________________________________________

Gawain 3:

Panuto Batay sa mga pahayag sa ibaba isulat ang angkop na etika sa

pananaliksik
 Sitwasyon 1: Balak ni Gng. Perez na magsagawa ng Pananaliksik kaugnay ng
maagang pagbasa at perpormans ng mga mag-aaral. Nais niyang gawing kaugnay na
pag-aaral ang pananaliksik ng kaibigan. Ano ang nararapat niyang gawin.

a. Sagot: ____________________________________
b. Paliwanag: ________________________________________________________

Sitwasyon 2: Sa sarbey na ipamimigay ni G. Mateo, nais niyang gawing kompedensyal

ang kanyang magiging tagatugon.

a. Sagot: ____________________________________
b. Paliwanag: ________________________________________________________

V. Repleksiyon

Matapos mong mabatid ang mga kaisipan kaugnay ng pagsusuri ng halimbawang

pananaliksik sa Filipino batay sa layunin, gamit, metodo, at etika sa pananaliksik sumulat
ng repleksiyon sa anyong patalata kaugnay ng gabay na tanong

Tanong: Bilang mag-aaral, ano ang kahalagahan sa iyo ng pagkatuto sa

pagsusuri ng mga gawaing pananaliksik.

_________________________________________________________________________
_________________________________________________________________________
_________________________________________________________________________
Gawain 1: Iba iba ang kasagutan ng mag-aaral
Gawain 2: Iba iba ang patunay na ibibigay ng mga mag-aaral
Gawain 3:
1. a. Pagkilala sa Pinagmulan ng mga ideya sa pananaliksik
b. Iba iba ang pagpapaliwanag ng mga mag-aaral
2. a. Pagiging Kompidensyal at pagkukubli sa pagkakilanlan ng kalahok
b. Iba iba ang pagpapaliwanag ng mga mag-aaral
Susi sa Pagwawasto VI.