Professional Documents
Culture Documents
Santamaria Casado 6tarea
Santamaria Casado 6tarea
PRAKTIKA INDIBIDUALA
Normalean, botere hori erregeak, erlijioa edota pertsona dirudunak edukitzen dute.
Beraz, pertsona edo kultura horiek dira beren boterea estrategia desberdinen bidez
irudikatzen dutenak, hala nola arkitektura, objektuak, materialak, eskriturak, artelanak...
Adibide gisa, iaz, Antzinaroko ikasgaian, ikusi genuen (testuan ere aipatzen den bezala)
purpura koloreak oso balio handia zuela gainerako koloreen aldean, animalia txiki
batengandik lortzen baitzen, zeinetatik 3.000 inguru behar ziren kolore horretako gramo bat
lortzeko. Feniziar enperadore eta erregeek kolore horretako jantziak zituzten, eta horrek
botere handia erakusten zuen hiritarren aurrean.
Talde sozioekonomikoen aldetik, adibiderik argienetako bat bizi garen eremutik gertu
daukagu, eta ziur asko gure arbasoetako askok bertatik dute jatorria. Espainian,
industrializazioaren garaia oso garrantzitsua izan zen Bizkaian, eta, beraz, fabrika asko
eraiki ziren Espainiako beste leku batzuetako pertsona asko erakartzeko. Horretarako,
hemen bizi behar zuten, eta orduan etxebizitza-blokeak eraiki zituzten fabriketatik gertu,
lanera zetozen pertsona guztiek etxebizitza bat eros zezaten eta lanean jarrai zezaten. Hori
guztia Bizkaiko Ezkerraldean (“Margen Izquierda”) ematen da, Nerbioi ibaiaren
mendebaldean. Hemen kokatzen ziren aipatu ditugun fabrika eta etxe asko, batez ere,
nahiko pobrezia eta bizimodu kaskarragoa zutenak, paraleloa zen Eskuinaldearekin
(“Margen Derecha”) alderatuta. Azken horretan, logikoa denez, ibaiaren beste aldean
zeuden enpresetako goi-kargudunak bizi ziren. Gaur egun nahiko ondo ikus daiteke, kaleen
egituretan, etxe motetan, objektu materialetan eta abarretan dagoen aldea nahiko
nabarmena baita bataren eta bestearen artean.