script

ንጉሥ፦
ለመሆኑ ቄሳርን ከድቶ ከካሃዲዎችና ውዳቂዎች ጎን መቆም ክፍያው ምን እንደሆነ ታውቃለህ ?
ንገሪኝ እስኪ በታላቋ ሮምና በአማልክታችን ላይ ክህደት እንድትፈጽም ያደረገህ ነገር ምንድነው??

ዝምታ............

ሃሃ..ለክህደትህ ብቻ ሳይሆን ለዚህ ንቀትህም ጭምር ነው ዋጋ የማስከፍልህ!

የጦር መሪ፦(ማርሴለስን)

ንጉሥ ሆይ! አንተ እንዳልከው ክህደትና ቅጥፈት አይደለም የአባቴን የምላኬን ፍቅር በወንድሞቼ
ማንነት ውስጥ አግኝቼ ነው የተሸነፍኩት። በትዕዛዝህ መሠረት ሳሳድዳቸው ሳስጨንቃቸው የኖርኩ
ቢሆንም እነርሱ ግን እንደ ከበረ እንግዳ ተቀብለው ክፋቴን በፍቅር ነበረ ያካፈሉኝ።ታዲያ እነርሱ ሰው
ሆነው ከበቀል ይልቅ ፍቅርን ካሳዩኝ አምላካው ምን ያክል መሃሪ እና አፍቃሪ ይሆን። ይሄ ሲገባኝ
ተሸነፍኩለት።

ንጉሥ፦
ግድ የለም ከንጉሥ ሃሳብ ጋር መቃረን ክፍያው ምን እንደሆነ አሁን አሳይሃለሁ። ክደሀኛል አዎ ክደሀኛል
በአንተ መካድ ለእኔ ወረደት ለንግስናዬ ስድብና ንቀት ነው! ሆኖም ግን አንተ በአንድ ወቅት መልካም
የጦሬ መሪ ነበርክ።የላኩህን ጦርነቶች በሙሉ በድል ተወጥተሃቸዋል የግዛቴን የሮምን ክብር
የመንግቴንም ሃያልነት አስጠብቀሃል ስለዚህም ምንም እንኳን ከፍርዴ ባታመልጥ ሞትህ ባይቀርም
ስለሰራሃው መልካም ስራ ግን ከሞተህ በፊት እንድትዝናና አደርግሃለሁ።ከደናግሎቼ የተመረጡትን
አቅርቡለት ከንጉሱም ወይን በዋንጫ ቅዱለት የደም ጥማት በአል እስኪደር እስኪገደል ድረስ ነፍሱን
ያስደስታት።

የጦር መሪ፦ (ማርሴለስን)

ንጉስ ሆይ! ሺ አመት ንገስ! ስለግብዣህ አመሰግናለሁ ነገር ግን እኔ በአምለኬ ፊት

አልረክስም።የከበረውንም የእግዚአብሔር መቅደስ በንጉሱ ወይን የመንፈስንም ማደሪያ ሰውነቴን
በዝሙት አላረክስም።አዎ አልረክስም!!

ንጉሥ፦

እኔ ንጉስ ቄሳር ከ ጥቁር ባህር እስከ አፍሪካ በረሃዎች፣ከአባይ ወንዝ አስከ አረብ በረሃዎች ከኤፍራጥስ
እስከ አትላንቲክ በላው ግዛቴ ማንም ሰው አዎ የትኛውም ገዥ ቃሌን አጥፎ ትዕዛዜን አልፈጽምም
ብሎ አያውቅም ምክንያቱም እኔ ንጉስ ቄሳር ነኝን።አንዴ ከተናገርኩ ቃሌን አልመልስም ይሁን ካልኩ
አደርገዋለሁ።ታደርገዋለህ ከደናግል ጋር ትተኛለህ በንጉሱ ወይንም ትሰክራለህ።ውሰዱና የተናገርኩትን
እንዲያደርግ አስገድዱት።የሮም መንግስት የማንም ባለዕዳ አትሆንም።
የጦር መሪ፦ (ማርሴለስን)

ንጉስ ሆይ አዎ ትናንት ባለማወቅ ያልከኝን ሁሉ ስታዘዝህ ኖሬያለሁ።ንጉሱንም ለማስደሰት ነገስታት

ከመግደል ክርስቲያኖችን እስከማሳደድ ስታዘዝህ ነበር። አሁን ግን ንጉስ ሆይ በማምነው አምላኬ ፊት
እነግርሃለሁ አድርግ ያልከኝን ማድረግ አልችልም አልረክስም!!

ንጉሥ፦
አሃሃ.....ሚስቱን ልጁን ሃምጡልኝ ያኔ ጀግንነቱን እናያለን።

የጦር መሪ፦ (ማርሴለስን)

እባክህ ንጉሥ ንጉስ ሆይ ቤተሰቦቼን አትጉዳቸው መቅጣት የፈለክ እንደሆነ እኔን እንዳሻህ ቅጣኝ።

ንጉሥ፦

በደንብ እቀጣሃለሁ የቅጣት ምሳሌ አደርግሃለሁ።ያን ግዜ በምድር ላይ ያለው የሰው ዘር የንጉሡን

ጭካኔ የሮም ግዛትን ማንነት ይረዳል።

ወታደሮች የጦር መሪውን ሚስትና ልጅ ይዘው ይገባሉ ....

ልጅ፦

ሮጣ አባቷን(የጦር መሪውን) ለማቀፍ ትሞክራለች ወታደሮች ይመልሷታል!!

የጦር መሪ፦ (ማርሴለስን)

እባክህ ንጉስ ሆይ ተዋቸው

ንጉሥ፦

አንግዲህ ወስን ከደናግል ጋር ነፍስህን አስደስት ከወይኑም ጠጣ ካልሆነ በልጅህ ህይወት ላይ ፍረድ።
ልጁን(የጦር መሪውን) ውሰዷት እና አንገቷን ቆርጣችሁ ጭንቅላቷን በሰሃን አምጡለት።

ልጅ፦

ሮጣ አባቷ እቅፍ ስር ገብታ እያለቀሰች አባዬ! አባዬ! እንዳይገሉኝ አባዬ አድነኝ አባዬ!!

የጦር መሪ፦ (ማርሴለስን)

ንጉሥ ሆይ እባክህ ተለመነኝ።

ሚስት፦
 አረ ባክህ የሚሉህን አድርግላቸው እግዚአብሔር እኮ የምህረት አምላክ ነው። ይቅር ይልሃል በአድ
ልጅህ በኤርማዳ አትፍረድባት።እጇን ዘርግታ አረ እኔን ውሰዱኝ ልጄን ተውአት በማለት በእንባ
ትማፀናለች።

የጦር መሪ፦

ልጄ በሰማይ በእግዚአብሔር መንግስት እንገናኛለን በእግዚአብሔር ያለሽ እምነት አይውረድ።ከዚያ

እንባ(ለቅሶ)

ልጅ፦
እያለቀሰች እየተማፀነች ቀስ በቀስ ድምጿ እየራቀ ይሄዳል......

ሚስት፦

አምርራ ታለቅሳች አረ እኔን ውሰዱኝ ህጻን ናት እኮ ምንም አታውቅም .......

ንጉስ፦

ቆይ ግን ምን ቢያቀምሱህ ነው ይሄን ያክል በልጂህ እስክትጨክን የደረስከው?በርግጥ አውቃለሁ

ለአላማህ ቆራጥ እንደሆንክ።በልጅህ ግን ......

በመሃል የልጅቷን ጭንቅላት በሳህን ይዘው ይመጣሉ .......ለንጉሡ ያሳያሉ።

ውሰዱና ስጡት ልጁን ይወዳት የለ ሃሃሃ..... የፌዝ ሳቅ!

ምንድነው እሱ ደግሞ በእጁ ያቀፈው ....

ጠባቂ፦

ንጉስ ሆይ ሽ አመት ንገስ! ከእጁ ለማስጣል ያላደረግነው ነገር የለም ግን ሞቴን አለ።

ንጉስ፦
ይጥላል በርግጥም ይጥላል! በእጅህ የያዝከውን ጣልና አድርግ ያልኩህን አድርግ ቢያንስ ሚስትህ
በህይወት ትኖራለች።

የጦር መሪ፦ (ማርሴለስን)

ንጉስ ሆይ! አላደረገውም እምነቴን ይሄንን የህይወት ምንጭ የእግዚአብሔር ን ቃል በፍጹም
አልጥለውም። ይሄ ቃል እኮ የዘልአልም ህይወት የሚፈልቅበት የህይወት ምንጭ ነው።

ንጉስ፦
የፌዝ ሳቅ እየሳቀ .... የታላቁ ቴርሜይ ምንጭ ወይስ የባላኒያ መጣቢያ ምንጭ ሃሃሃ....በሉ ከእጁ ላይ
ተቀበሉት
ጠባቂዎች ለመቀበል ይታገሉታል ይከለክላል....

ንጉስ፦
በእጅህ የያዝከውን ጣል አለዚያ ሚስትህን በኮሎሲየም አደባባይ ደም ጠምቶት ለሚጠብቀው ህዝቤ
የመስዋዕት ትሪት ነው የማደርጋት።ውሰዷት በኮሎሲየም ህዝብ በተሰበሰበበት አንገቷ በካራ ቁረጡት።

የጦር መሪ፦ (ማርሴለስን)

ንጉሥ ሆይ እባክህ ለዘርህ መርገም አታከማች እባክህ እኔን እንዳሻህ አድርገኝ!

ሚስት፦
በለቅሶ አረ በአምላክህ ልለምንህ የሚሉህን እሺ በላቸው በእኔም ጨከንክ?

የጦር መሪ፦ (ማርሴለስን)

አይዞሽ በእግዚአብሔር እመኚ በእርሱ ያለሽ እምነት አይድከም! በአብ ቀኝ በእግዚአብሔር መንግስት
እንገናኛለን።

ንጉስ፦
በቁጣ....አልጥልም ነው ያልከው! እንደውም ልንገርህ አምላክህ እኔ ነኝ ተሰግደልኛለህ በእጂህ
የያዝከውን ትጥላለህ ወይኑንም ትጠጣለህ! እኔ ቄሳር ይህን ባላደርግብህ አማልክቶቼ ነፍሴን ከስጋዬ
ይነጥሏት። አሰግዱልኝ!!

የጦር መሪ፦ (ማርሴለስን)

ስማ ኑጉስ ሆይ “እግዚአብሔር መንፈስ ነው፥ የሚሰግዱለትም በመንፈስና በእውነት ሊሰግዱለት

ያስፈልጋቸዋል።” ተብሎ እንደተጻፈ። ልሰገድለት የተገባ አንድ አምላክ እርሱ እግዚአብሔር ብቻ
ነው። ጥንት አባቶቼ እነ ዳንኤል ሲድራቅና ሚሳቅ አብደናጎ መንፈስ ቅዱስ እየወረደ በሚመለስበት
ዘመን ለአምላካቸው ወግነዋል። ዛሬ የመንፈስ ቅዱስ ታትሞብኝ መኖሪያው ሆኜ እንዴት ኸአምላኬ
ውጪ እሰግዳለሁ አላደርገውም አልሰግድም።

ንጉሥ፦

በብስጭት ውሰዱት የስቃይ ጥግ አሳዩት ከጥፍሩ ጀምሮ ቀስበቀስ እያቃያችሁ ቆራርጡት መጨረሻ
ላይ በእሳት አቃጥላችሁ ግደሉት።

ወታደሮች ይዝት እየወጡ......

የጦር መሪ፦ (ማርሴለስን)

ንጉስ ሆይ በመጨረሻም አንድ ነገር ልንገርህ ጌታ ኢየሱስ ይወድሃል።አንተም በእርሱ አምነህ ነፍስህ
አትርፍ
እንግዳ ነኝ እኔ ስኖር በዚህ አለም
ቤቴ በሰማይ ነው..... መዝሙር የጦር መሪው(ማርሴለስን )እየዘመረ ይወጣል

ግጥም ይቀጥላል .........