Lakbay-Sanaysay

 ito ay isang uri ng lathalaing ang pangunahing layunin ay maitala ang mga naging
karanasan sa paglalakbay.
 ayon kay Nonon Carandang, ito ay tinawag niyang sanaylakbay kung saan ang
mga terminolohiyang ito ay binubuo ng tatlong konsepto: sanaysay, sanay, at
lakbay.

Mga Dahilan ng Pagsulat ng Lakbay-Sanaysay

Dr. Lilia Antonio, et. al. [Malikhaing Sanaysay 2013] may apat na pangunahing
dahilan ng pagsusulat ng lakbay-sanaysay.

1) Upang itaguyod ang isang lugar at kumite sa pagsusulat.

2) Layunin din nitong makalikha ng patnubay para sa mga posibleng manlalakbay.
3) Maaari ding itala ang pansariling kasaysayan sa paglalakbay tulad ng
espiritwalidad, pagpapahilom, o kaya’y pagtuklas sa sarili.
4) Upang maidokumento ang kasaysayan, kultura, at heograpiya ng lugar sa
malikhaing pamamaraan.

Mga Dapat Tandaan sa Pagsulat ng Lakbay-Sanaysay

1. Magkaroon ng kaisipang manlalakbay sa halip na isang turista.

 Upang makagawa ng isang masining at makabuluhang lakbay-sanaysay,

dapat isaisip ng taong naglalakbay na siya ay tutungo sa isang lugar hindi
bilang isang turista kundi isang manlalakbay.

2. Sumulat sa unang panauhang punto-de-bista

 Ayon kay Antonio (2013), ang susi sa mainam na pagsulat ay ang

erudisyon o ang pagtataglay ng sapat na kaalaman at pagkatuto sa isang
paglalakbay. Tumutukoy rin ito sa pagkilala at pagpapakilala sa sarili at sa
pagmumuni sa mga narasan sa proseso ng paglalakbay.

3. Tukuyin ang pokus ng sulating lakbay-sanaysay

 Mahalaga ring matukoy kung ano ang magiging pokus ng susulating

lakbay-sanaysay batay sa human interest. Maaaring bigyang-pansin mismo
ang pakikipagsapalarang mararanasan sa paglalakbay.
 4. Magtala ng mahahalagang detalye at kumuha ng mga larawan para sa
dokumentasyon habang naglalakbay.

 Mahalagang maitala ang pangalan ng mahahalagang lugar, kalye, restoran,

gusali at iba pa. Ang wastong detalyeng may kinalaman sa mahahalagang
lugar na nakita, nabisita o napuntahan ang magbibigay kredibilidad sa
sanaysay.

5. Ilahad ang mga reyalisasyon o mga natutuhan sa ginawang paglalakbay.

 Ito ang magsisilbing pinakapuso ng sanaysay kung saan ditto ibabahagi sa

mga mambababasa ang mga gintong aral na nakuha bunga ng epekto ng
ginawang paglalakbay.

6. Gamitin ang kasanayan sa pagsulat ng sanaysay.

 Sikaping ang susulating sanaysay ay maging malinaw, organisado, lohikal,

at malaman. Maaari ding gumamit ng mga tayutay, idyoma, o
matalinghagang salita upang higit na maging masining ang pagkakasulat
nito. Tiyaking makakukuha ng atensiyon ng mambabasa ang iyong
susulating akda.

Narito ang halimbawa ng isang mahusay na lakbay-sanaysay na ginawa nina Gng.

Teresita Buensuceso at G. Ariel Marasigan. Basahin at Suriin kung paano nila ito binuo
batay sa balangkas na makikita sa loob ng kahon.

 Uri ng kaisipan ng sumulat

 Panauhang ginamit sa pagsulat
 Pokus ng lakbay-sanaysay
 Mga reyalisasyon o mga natutuhan sa ginawang paglalakbay
 Teknikal na pagkakasulat ng sanaysay (kaisahan, kalinawan, kawastuhan,
kaangkupan)

Nakalarawang-Sanaysay

 anyo ng pamamahayag na karaniwang makikita sa mga magasin na nagtatampok ng mga

retrato/larawan na bumubuo ng mensahe.
 koleksyon ng larawang maingat na inayos upang maglahad ng pagkakasunod-sunod ng
mga pangyayari, magpaliwanag ng partikular na konsepto, o magpahayag ng damdamin.