 PANUKALANG PROYEKTO: ANO ITO?

Ang Panukala ay isang proposal na naglalayong ilatag ang mga plano o adhikain para sa
isang komunidad o samahan.
- Ayon kay Dr. Phil Bartle ng The Community Empowerment Collective, isang samahang
tumutulong sa mga nongovernmental organization (NGO)

Kaya ang PANUKALANG PROYEKTO ay nangangahulugang isang kasulatan ng mungkahing

naglalaman ng mga plano ng gawaing ihaharap sa tao o sa samahang pag-uukulan nitong siyang
tatanggap at magpapatibay nito.

Ayon naman kay Besim Nebiu, may-akda ng Developing Skills of NGO Project Proposal Writing,

 Ang panukalang proyekto ay isang detelyadong deskripsiyon ng mga inihahaing gawaing

naglalayong lumutas ng isang problema o suliranin.

 PANUKALANG PROYEKTO: MGA DAPAT GAWIN SA PAGSULAT NITO.

Ayon kina Jeremy Miner at Lyn Miner, 2008 sa kanilang aklat na A Guide to Proposal
Planning and Writing, sa pagsasagawa ng panukalang papel, ito ay kailangan magtaglay
ng tatlong mahalagang bahagi nito.

 PAGSULAT NG PANIMULA NG PANUKALANG PROYEKTO

Sa bahaging ito ay dapat na kailanganin ang pagtukoy sa pangangailangan ng komunidad,
samahan, o kompanyang pag-uukulan project proposal na makatutulong at makalilikha ng
positibong pagbabago.

Tukuyin kung ano-ano ang mga suliraning dapat bigyang ng agarang solusyon at ano-ano
ang pangangailangan ng pamayanan o samahan na nais gawan ng panukalang proyekto.

Halimbawa: Paglaganap ng sakit na dengue sa barangay. Kakulangan ng mga basurahan sa

bawat barangay. Kakulangan ng mga mesa’t upuan sa inyong school canteen at iba pa.

 PAGSULAT NG KATAWAN NG PANUKALANG PROYEKTO

Sa bahaging ito mababasa ang binunbuong layunin, planong dapat gawin, at badyet upang
maisakatuparan ng maayos ang panukalang proyekto.

o LAYUNIN - Dito makikita ang mga bagay na gustong makamit o ang pinaka-adhikain
ng panukala. Kailangan maging tiyak ang layunin ng proyekto.

Ayon kay Jeremy at Lyn Miner (2008), ang layunin ay kailangan maging SIMPLE.

S – PECIFIC - Nakasaad ang bagay na nais makamit o mangyari sa panukalang proyekto.

I – MMEDIATE - Nakasaad ang tiyak na petsa kung kalian ito matatapos.
M – EASURABLE - May basehan o patunay na naisasakatuparan ang nasabing proyekto.
P – RACTICAL - Nagsasaad ng solusyon sa binaggit na suliranin.
L – OGICAL - Nagsasaad ng paraan kung paano makakamit ang proyekto.
E – VALUABLE - Masusukat kung paano makatutulong ang proyekto.
 o PLANONG DAPAT GAWIN - Naglalaman ng mga hakbang o plan of action na
isasagawa upang malutas ang suliranin. Mahalagang maiplano nang mabuti at may
pagkasunod-sunod. Ito rin dapat ay makatotohanan o realistic.

o Tignan ang halimbawa sa ibaba sa bahaging ito:

PLANO NG PAGGAWA NG KARAGDAGANG

BASURAHAN NG BARANGAY OLPOTAN

 Pagpasa ng panukalang proyekto sa opisina ng barangay captain. (1 araw)

 Pagsasagawa ng desenyo ng mga bagong basurahan. (1 araw)
 Pakikipagpulong sa barangay captain para sa pag-aproba ng panukalang
proyekto
( 1 araw)
 Pagbili ng mga materyales na gagamitin sa paggawa ng mga basurahan (1
araw)
 Paglalagay ng mga basurahan sa mga partikular na lugar ng barangay. (2
araw)

o BADYET - Ay ang talaan ng mga gastusin na kakailanganin sa pagsasakatuparan ng layunin.

Mahalagang ito ay mapag-aralang mabuti upang makatipid sa mga gugugulin.

Paglilinaw: Sa bahaging ito, kung ang panukalang proyekto ay nangangailangan ng

contractor ay kailangan isama sa iyong balangkas ng plano ito. Kailangan lamang ng
contractor sa mga panukalang proyekto tulad ng pagpapatayo ng mga bagong gusali,
klasrum, opisina at iba pa.

 PAGLALAHAD NG BENEPISYO AT MAKIKINABANG NG PROYEKTO.

Dito nakasaad ang malinaw na patutunguhan, makikinabang, at matutulungan ng proyekto.
Mahalagang maging espisipiko sa tiyak na grupo na makikinabang sa pagsasakatuparan ng
layunin.

---------------------------------------------------------------------------------------------------------------
-------

 BALANGKAS NG PANUKALANG PROYEKTO

Maraming balangkas ang pagsulat ng panukalang proyekto ang

maaaring gamitin depende sa may-akda na naghahain nito.

Para sa isang payak na balangkas para sa panukalang proyekto ay

dapat maglaman ito ng mga sumusunod.

1. PAMAGAT NG PANUKALANG PROYEKTO - Kadalasan ito ay hinango mismo sa

inilahad na pangangailangan bilang tugon sa suliranin.
Halimbawa:
Kakulangan ng mga basurahan sa bawat barangay. Kakulangan ng mga mesa’t upuan sa
inyong school canteen at iba pa.
2. NAGPADALA – Naglalaman ito ng sumulat ng panukalang proyekto.
Halimbawa:
 Jamed N. Lorica
Brgy. 4 Real Street, Jaro Leyte

3. PETSA - Kung kailan ipinasa ang panukalang papel. Isinasama rin sa bahaging ito ang
tinatayang panahon kung gaano katagal gagawin ang proyekto.
Halimbawa:
Ika-10 ng Oktubre
Haba ng panahong gugulin : Isang linggo

4. PAGLAHAD NG SULIRANIN - Dito nakasaad ang suliranin at kung bakit dapat

maisagawa o maibigay ang pangangailangan.
Halimbawa:
Isa ang Barangay 4 sa bumubuo ng bayan ng Jaro, Leyte. Ito ay nanatiling nangunguna
pagdating sa kalinisan at kaayusan. Sa pagpapanatili ng kalinisan nito ay hindi na
kinakaya ang pagtatapon ng ilan ng basura sa kalsada dahil isa sa mga suliraning
nararanasan ng Barangay 4 sa kasalukuyan ay ang malaking pagbaha tuwing panahon ng
tag-ulan dahil sa pagtapon ng mga residente nito ng mga basura sa mga kanal na
nagdudulot ng malaking problema sa mga nakapaligid nitong naninirahan kaya naman
nais kong imungkahi ang panukalang pagdagdag ng mga basurahan na maaaring magamit
ng lahat.

5. LAYUNIN – Naglalaman ito ng mga dahilan o kahalagahan kung bakit dapat isagawa
ang panukala.
Halimbawa:
Ang pagsasagawa ng mga karagdagang basurahan ay lubos na makatutulong sa mga
residente upang maiwasan ang pagtambak ng basura kung saan-saan lang. Layunin din
nito na mapanatili ang kaayusan at kalinisan ng barangay.

6. PLANONG GAGAWIN – Dito makikita ang talaan ng pagkasunod-sunod ng mga

gawaing isasagawa para sa pagsasakatuparan ng proyekto gayundin ang petsa at araw na
gugulin sa pagpapagawa ng proyekto.
Halimbawa:
PLANO NG PAGGAWA NG KARAGDAGANG
BASURAHAN NG BARANGAY OLPOTAN

Pagpasa ng panukalang proyekto sa opisina ng barangay captain. (1 araw)

Pagsasagawa ng desenyo ng mga bagong basurahan. (1 araw)
Pakikipagpulong sa barangay captain para sa pag-aproba ng panukalang proyekto (1
araw)
Pagbili ng mga materyales na gagamitin sa paggawa ng mga basurahan (1 araw)
Paglalagay ng mga basurahan sa mga partikular na lugar ng barangay. (2 araw)

7. BADYET – Ang kalkulasyon ng mga guguling gagamitin sa pagsasagawa ng proyekto.

Halimbawa:

Mga Gastusin Halaga

I. Ang mga materyales na bibilhin para sa Php 5, 000

pagsasagawa ng karagdagang (20)
basurahan ay ang mga sumusunod;
 pako, kahoy at pintura at suweldo sa
pagtratrabaho.

Kabuuang Halaga: Php 5, 000

8. BENEPISYO AT MAKIKINABANG – Ito ang nagsisilbing kongklusyon ng

panukala kung saan nakasaad dito ang mga taong makikinabang ng proyekto at
benepisyong makukuha nila mula rito.

Bilang gabay sa pagsulat nito ay tunghayan ang kabuoan ng mga halimbawa ng bawat
bahagi ng panukalang inilahad sa itaas.

PANUKALA SA PAGPAPAGAWA NG KARAGDAGANG BASURAHAN PARA

SA BARANGAY 4

Lj Navarra
Brgy. 4 Real Street, Jaro Leyte
Ika-10 ng Oktubre
Haba ng panahong gugulin : Isang linggo

I. PAGLALAHAD NG SULIRANIN
Isa ang Barangay 4 sa bumubuo ng bayan ng Jaro, Leyte. Ito ay nanatiling
nangunguna pagdating sa kalinisan at kaayusan. Sa pagpapanatili ng
kalinisan nito ay hindi na kinakaya ang pagtatapon ng ilan ng basura sa
kalsada dahil isa sa mga suliraning nararanasan ng Barangay 4 sa
kasalukuyan ay ang malaking pagbaha tuwing panahon ng tag-ulan dahil sa
pagtapon ng mga residente nito ng mga basura sa mga kanal na nagdudulot
ng malaking problema sa mga nakapaligid nitong naninirahan kaya naman
nais kong imungkahi ang panukalang pagdagdag ng mga basurahan na
maaaring magamit ng lahat.

II. LAYUNIN
Ang pagsasagawa ng mga karagdagang basurahan ay lubos na makatutulong
sa mga residente upang maiwasan ang pagtambak ng basura kung saan-saan
lang. Layunin din nito na mapanatili ang kaayusan at kalinisan ng barangay.

III.PLANONG GAGAWIN

 Pagpasa ng panukalang proyekto sa opisina ng barangay captain. (1 araw)

 Pagsasagawa ng desenyo ng mga bagong basurahan. (1 araw)
 Pakikipagpulong sa barangay captain para sa pag-aproba ng panukalang proyekto
( 1 araw)
 Pagbili ng mga materyales na gagamitin sa paggawa ng mga basurahan (1 araw)
 Paglalagay ng mga basurahan sa mga partikular na lugar ng barangay. (2 araw)

IV. BADYET

Halaga
Mga Gastusin
 Php 15, 000
I. Ang mga materyales na
bibilhin para sa pagsasagawa
ng karagdagang (20) basurahan
ay ang mga sumusunod; pako,
kahoy at pintura at suweldo sa
pagtratrabaho. Php 15, 000
Kabuuang Halaga:

V. BENEPISYO AT MAKIKINABANG

Ang pagdaragdag ng mga basurahan sa Brgy 4 ay lubos na makatutulong sa

mga residente nito. Maiiwasan ang pagtambak ng basura at pagkalat nito.
Maliban dito, maaayos na makokolekta ng trak ng Munisipyo ang mga basura.
Dahil dito ay mapananatili ang kaayusan at kagandahan ng paligid.

Maiiwasan din ang anomang pagdapo ng mga langaw dahil sa tulong mga
karagdagang basura at ang pagkakalat ng mga aso sa mga basura.