Banghay Aralin sa Filipino 6

I. Layunin:
- Nakapaguulat tungkol sa pinanuod

II. Paksang Aralin:

A. Paksa: Paguulat sa napanuod
B. Sanggunian: https://www.facebook.com/watch/?v=956977015128957,
https://m.facebook.com/watch/?v=295102102139272&_rdr,
https://www.youtube.com/watch?v=_n9yQ-tlk0U&t=954s
C. Kagamitan: Powerpoint, picture

III. Pamamaraan:
- Panalangin
- Pagsusuri sa mga dumalo

Pagsasanay

Panuto: Isaayos ang ginulong letra sa kahon batay sa ibinigay na pahayag.

1. Isa sa mga kawili-wiling libangan ng mga Pilipino ay ang. POANOOND – PANONOOD.

2. Tawag sa pinanuod ng mga tao sa loob ng sinehan, o kaya naman sa internet o telebisyon.
EPILKAUL – PILIKULA.
3. Sila ang mga gumaganap sa mga ipinapalabas ng pagtatanghal. UTAHAN – TAUHAN.
4. Ito ay mensaheng iniiwan ng mga tauhan sa isip at puso ng mga manonood. AARL – ARAL.

Balik- aral

Ano ang ating tinalakay noong nakaraang lingo?

Subukin:
Panuto: Isulat sa patlang ang titik _K_ kung ang pahayag ay nagsasaad ng
katotohanan, at _O_ kung ito ay isang opinyon.
__K__1. Sang-ayon ang karamihan sa pagbabakuna.
__O__2. Sa tingin ko, tumataas parin ang mga nagkakasakit sa pilipinas.
__K__3. Kailangan panatilihin ang dalawang metro ng distansya kapag
lalabas ng bahay upang makaiwas sa Covid-19.
__K__4. Ugaliing magsabon at hugas ng kamay upang matanggal ang
bakterya.
__O__5. Pakiramdam ko, ako ay may lagnat.
 Pagganyak:
- Mahilig ba kayong manood ng pelikula, teleserye, kuwentong palabas, o
balita? Kung ou, paano ninyo inuulat ang mga ito?

Usapan nina Ritchie at Amy

Amy: Ritchie, napanood mob a ang Kisap ng Kahapon sa Kabarkada Channel?
Ritchie: Naku Amy, hindi ko napanood. Bigla kasing Nawala ang kuryente kaya natulog na lang
kami nang maaga.
Amy: Sayang at hindi mo napanood! Tiyak kong matutuwa ka talaga at marami kang
matutuhan.
Ritchie: Kuwento mo naman sa aking! Wala rin kasi kaming internet kaya hindi ko talaga yun
mapapanood.
Amy: Eh, mahihirapan ako niyan Ritchie kasi hindi ako magaling mag-ulat ng aking napanood.
Pangako, hahanapin ko nalang mamaya sa youtube at aking I download para mapanood mo.
Ritchie: Okay Amy, Salamat!

Activity:
Panuto: Isulat ang tamang sagot sa sagutang papel
1. Sino-sino ang mga bata sa usapan?
A. Amy at Ritchie
B. Ame at Retchei
C. Ame at Ritchyl
D. Ame at Ritch
2. Anong palabas ang pinag-uusapan ng dalawang magkaibigan?
A. Saklap ng Kahapon
B. Kislap ng Kahapon
C. Kisap ng Kahapon
D. Iglap ng Kahapon
3. Saan napanood ni Amy ang nasabing palabas?
A. Kabarkada Channel
B. Katropa Channel
 C. Kasosyo Channel
D. Kalaro Channel
4. Bakit kaya hindi makuwento ni Amy kay Ritchie ang tungkol sa kaniyang napanood?
A. Hindi niya ito natapos na mapanood dahil nawalan sila ng kuryente
B. Kulang ang kaniyang kaalaman sa pag-uulat ng napanood
C. Malabo ang paningin at pandinig ni Amy.
D. Ayaw niya talaga itong ikuwento kay Ritchie
5. Paano nagtapos ang usapan ng dalawang magkaibigan?
A. Bigla nalang umalis si Amy
B. Pinanood nilang muli ang palabas sa Wetube
C. Nag-aral na lamang ang dalawa ng kanilang mga modyul
D. Nangako si Amy na i-download ang palabas sa WeTube para mapanood ito ni Ritchie

Abstract
Pagtatalakay tungkol sa aralin:
- Ang pag-uulat ay isa ring pagpapahayag na maaaring pasalita o pasulat ng
ibat ibang kaalaman mula sa napanood na mga palabas na naglalaman ng
impormasyon gaya ng balita, dokumentaryo, at iba pa.
- Elemento ng Epektibong Pag-uulat tungkol sa Napanood

1. Pamagat – Nakasulat dito kung tungkol saan ang kwento

2. Tauhan - Sila ang mga gumaganap sa mga ipinapalabas.
3. Tagpuan – Lugar o Panahon kung saan nagaganap o nangyayari ang
kwento o palabas.
4. Banghay – tamang pagkakasunod sunod ng mga kaganapan.
5. Pangunahing pangyayari – Unang kaganapan sa kuwentong palabas.
6. Pataas na Aksiyon o Tunggalian – dito nagaganap ang paglalahad ng
suliranin.
7. Kasukdulan – pinakamataas at pinakapanabik-panabik na bahagi ng
kuwento.
8. Pababang aksiyon- Kinalabasan ng kasukdulan- dito binibigyang
kasagutang suliraning inilahad sa kuwento.
9. Wakas – Katapusan sa kuwento
10. Repleksiyon – Inilalahad ang personal na opinyon hinggil sa napanood
gaya ng pagbibigay mensahe o aral ukol sa pinanuod.
Analysis
1. Ano ang paguulat?
 2. Bakit kailangan matutunan natin ang paguulat?
3. Ano ang mangyayari kapag hindi natin ito naiulat ng tama
Application
Kisap ng Kahapon ni: Ritchyl Azarcon
Si Mak-mak ay laki sa kaniyang mga lolo at lola sa isang payak na baryo sa Lungsod ng Tagum.
Parehong nasa ibang bansa nagtatrabaho ang kaniyang nanay at tatay kaya naman ang mga lolo
at lola na niya ang nagsilbing mga magulang nito.
Isang gabi, nababad sa paglalaro si Mak-mak sa kaniyang paboritong online game gamit ang
cellphone. Hindi na niya namalayan na siya ay napasigaw na pala nang sobra dahil sa init ng
laro.
Dahil sa ingay at lumalalim na rin ang gabi ay nasaway siya ng kaniyang lolo at lola na huminto
sa paglalaro upang matulog.
Bahagyang nagtampo si Mak-mak dahil hindi niya natapos ang kaniyang laro. Nilapitan siya ng
kaniya lolo at lola at pinaliwanag ang masamang dulot nang sobrang pagtutok sa cellphone o
anumang gadgets.
Pinagitnaan si Mak-mak nina Lola Ebyang at Lolo Bentoy sa kaniyang kama. Ikinuwento sa
kaniya na sa kanilang kabataan ay wala pang gadgets o anumang hi-tech na mga laruan.
Tanging mga larong lahi lamang ang nagsisilbi nilang libangan gaya ng patinteromm piko,
luksong baka, tumbang preso at marami pang iba.
Dagdag pa ng kaniyang lolo na kahit daw simple lang ang buhay noon ay masayang-masaya na
sila.
Mas nabibigyang halaga daw noon ng mga kabataan ang pakikipagkapwa-tao kaysa sa mga
kabataan ng bagong henerasyon dahil sa sobrang pagtutok ng mga makabagong gadgets at mga
virtual games.
Napagtanto ni Mak-Mak ang kaibahan ng noon at ngayon dahil sa kuwento ng kaniyang lolo at
lola.
Napaisip din siya na sana ay naranasan niya ang mga pisikal na laro na kung saan ay mas lubos
niyang makasasalamuha at makikilala ang kaniyang mga kaibigan.
Naging musika sa pandinig ni Mak-mak ang mahaba-habang kuwentuhan ng kaniyang lolo at
lola kaya naman ay napahimbing ang kaniyang pagtulog.
Tila isang masayang ala-ala ang muling nanumbalik mula sa kisap ng kahapon ang kaniyang lolo
at lola.
Panuto: Isulat ang letra ng tamang sagot sa kuwaderno.
1. Ano ang pamagat ng kuwento?
A. Kisap Mata
B. Kisap ng Kahapon
C. Kislap ng Bituin
D. Kislap ng panahon
2. Sino-sino ang mga tauhan sa kuwento?
A. Mak-mak, Lola Ebyang, Lolo Bentoy
B. Mak-mak, Lolo Albert, Lola Ana
C. Lola Ebyang, Lolo Bentoy, Kuya Mark
D. Lolo Bentoy, Lola Basyang, Mik-mik
3. Saan naganap ang kuwento?
A. Davao City
B. Manila
C. Payak na baryo sa Lungsod ng Tagum
D. Lalawigan ng Digos
4. Ano ang wakas ng kuwento?
A. Naging musika sa pandinig ni Mak-mak ang mahaba-habang kuwentuhan ng
kaniyang lolo at lola kaya naman siya ay napahimbing sa pagtulog.
B. Nababad sa paglalaro si Mak-mak sa kaniyang paboritong online game gamit ang
cellphone
C. Bahagyang nagtampo si Mak-mak dahil hindi niya natapos ang kaniyang laro.
D. Dasaway si Mak-mak ng kaniyang lolo at lola na huminto sa paglalaro upang
matulog.
5. Ano ang maaring repleksiyon sa kuwento?
A. Pahalagahan ang payo ng mga nakatatanda at alamin ang mga laro ng lahi na
bahagi ng ating mayamang kultura.
B. Huwag nang balikan ang nakaraan
C. Kalimutan ang bahagi ng ating mayamang Kultura
D. Wala sa mga nabanggit.
 Pangunahing Kasukdulan Pababang Tagpuan Wakas
pangyayari Aksiyon
Tauhan Pataas na Banghay Pamagat Repleksiyon
aksiyon o
tunggalian

Panuto: Piliin sa kahon ang tamang sagot at isulat sa patlang.

__Wakas____1. Katapusan sa kuwento
__ Tauhan___2. Sila ang mga gumaganap sa mga ipinapalabas.
__Repleksiyon_ 3. Inilalahad ang personal na opinyon hinggil sa napanood gaya ng pagbibigay
mensahe o aral ukol sa pinanuod.
Pababang aksiyon 4. Kinalabasan ng kasukdulan- dito binibigyang kasagutang suliraning
inilahad sa kuwento.
____Pamagat __5. Nakasulat dito kung tungkol saan ang kwento
Pataas na Aksiyon o Tunggalian 6. dito nagaganap ang paglalahad ng suliranin.
___Kasukdulan_ 7. pinakamataas at pinakapanabik-panabik na bahagi ng kuwento.
__ _Banghay ___8. tamang pagkakasunod sunod ng mga kaganapan.
_Pangunahing pangyayari __9. Unang kaganapan sa kuwentong palabas.
_ Tagpuan 10. Lugar o Panahon kung saan nagaganap o nangyayari ang kwento o palabas

Takdang aralin
Panuto: E click ang link sa ibaba at pakinggang mabuti ang kuwento. Pagkatapos, sagutan ang
mga sumusunod na tanong.

https://www.youtube.com/watch?v=MUb3yfuR_ow

1. Ano ang pamagat ng kuwento?

2. Ano ang panimulang pangyayari sa kuwento?
3. Ano ang nangyayaring tunggalian sa kuwento?
4. Ano ang kasukdulan ng kuwento?
5. Ano ang nangyari sa pagwawakas ng kuwento?