Sabado/Linggo: Nobyembre 19/20, 2022
ANG DAPAT NA MAGING PANININDIGAN NG
MGA TUNAY NA HINIRANG UPANG
MAKATIYAK NG KALIGTASAN
PANIMULA: PAANO NANINDIGAN ANG MGA
TUNAY NA HINIRANG SA KABILA NG MGA
BALAKID AT BAKIT?
II Cor. 4:8-9 at 16-17 The Living Bible
Ginigipit kami ng mga bagabag sa kabi-kabila,
ngunit hindi nalulupig at nasisiraan ng loob.
Nalilito kami dahil hindi namin alam kung
bakit nangyayari ang mga bagay na nangyayari,
ngunit hindi kami sumusuko at bumibitiw.
Tinutugis kami, ngunit hindi kami kailanman
pinababayaan ng Diyos. Naibubuwal kami,
ngunit muli kaming bumabangon at
nagpapatuloy. ... Ito ang dahilan kaya hindi
kami kailanman sumusuko. Bagama't nag-
aagaw-buhay ang aming katawan, ang aming
panloob na lakas sa Panginoon ay
nadaragdagan araw-araw. Tutal, ang mga
kabalisahan at pagdurusa naming ito ay
magaan na magaan lamang at hindi lubhang
magtatagal. Ngunit ang maikling panahong ito
ng kahapisan ay magbubunga sa amin ng
pinakasaganang pagpapala ng Diyos
magpakailan-kailanman.
II Cor. 4:14 at 18 TLB
Batid namin na ang Diyos na bumuhay na
mag-uli sa Panginoong Jesus mula sa
kamatayan ang siya ring Diyos na bubuhay na
muli sa amin na kasama ni Jesus at ihaharap
kami sa kaniya na kasama ninyo.
... Kaya hindi kami nakatingin sa mga bagay
na nakikita namin ngayon, sa mga bagabag na
nasa paligid namin, kundi nakatanaw kami sa
mga kaligayahan sa langit na hindi pa namin
nakikita. Di magluluwat, ang mga bagabag ay
matatapos na, ngunit ang mga kaligayahang
darating ay magtatagal magpakailanman.
Heb. 11:24-26 MB
Dahil sa pananalig sa Diyos, tumanggi si
Moises, nang siya'y may sapat na gulang na, na
tawaging anak ng prinsesa, na anak ng Faraon.
lnibig pa niyang makihati sa kaapihang
dinaranas ng bayan ng Diyos kaysa magtamasa
ng panandaliang aliw na dulot ng kasalanan.
ltinuring niyang higit na mahalaga ang
pagbabata ng kadustaan dahil sa Mesias kaysa
mga kayamanan ng Egipto; sapagkat nakapako
ang kanyang paningin sa mga gantimpala sa
hinaharap.
I. ANO ANG DAPAT NATING GAWIN UPANG
MAMALAGING BUHAY ANG ATING PAG-ASA
KAHIT MAGDANAS PA NG MGA PANGHIHINA
SA BUHAY?
Awit 119:81-83 at 114 TLB
Nanghihina ako para sa iyong pagliligtas;
ngunit inaasahan ko ang iyong tulong,
sapagkat ipinangako mo ito. Ang aking mga
mata'y nagpupumilit na makita ang katuparan
ng iyong mga pangako. Kailan mo ako aaliwin
sa pamamagitan ng iyong tulong? Ako'y
nangungulubot na tulad ng sisidlang-balat ng
alak sa gitna ng usok, pagod na pagod sa
paghihintay. Ngunit nanghahawak pa rin ako
sa iyong mga kautusan at sinusunod ang mga
ito. ... lkaw ang aking kanlungan at aking
sanggalang, at ang iyong mga pangako ang
tanging pinagmumulan ng aking pag-asa.
Awit 39:4-7 TLB
Panginoon, tulungan mo akong mapagtanto
kung gaano kaikli lamang ang panahong ilalagi
ko sa mundo. Tulungan mo akong malaman na
sandali na lamang akong mananatili rito. Ang
buhay ko ay hindi mas mahaba kaysa aking
kamay! Ang buong buhay ko ay sansaglit
lamang sa iyo. Taong hambog! Marupok na
gaya ng hininga! lsang anino! At lahat ng
kaniyang minamadaling pagkaabalahan ay
nauuwi sa wala. Nagkakamal siya ng
kayamanan na gagastusin lamang ng iba. Kaya,
Panginoon, ang tangi kong pag-asa ay nasa iyo.
Awit 37:34 at 37 TLB
Huwag kayong mainip sa pagkilos ng
Panginoon! Patuloy kayong buong tatag na
lumakad sa kaniyang landas at pagdating ng
takdang panahon, pararangalan niya kayo ng
bawat pagpapala, at makikita ninyong malilipol
ang masama. ... Ngunit sa mabuting tao-ibang-
iba ang mangyayari! Para sa mabuting tao-ang
walang sala, matuwid, maibigin sa kapayapaan
− mayroon siyang magandang hinaharap. Para
sa kaniya, may isang maligayang wakas.
II. ANO ANG ITINATAGUBILIN SA ATIN NG
DIYOS UPANG MAGING TIWASAY TAYO SA
ATING MGA PAGLILINGKOD HANGGANG SA
MATAMO NATIN ANG KANIYANG
PANGAKONG KALIGTASAN?
Kaw. 4:25-27 MB
Palaging sa hinaharap ang pukol ng iyong
tanaw, ltuon ang iyong pansin sa iyong
patutunguhan. Siyasatin mong mabuti ang
landas na lalakaran, Sa gayon ang lakad mo ay
lalaging matiwasay. Huwag kang liliko sa
kaliwa o sa kanan, Humakbang nang papalayo
sa lahat ng kasamaan.
Jer. 32:38-41 MB
At sila'y magiging aking bayan at ako ang
magiging kanilang Diyos. Magkakaisa sila ng
puso at diwa sa pagsunod sa akin at ito'y para
sa kanilang kabutihan din at ng mga anak nila.
Makikipagtipan ako sa kanila ng isang walang
hanggang tipan; pagpapalain ko sila habang
panahon at tuturuang sumunod sa akin nang
Sabado/Linggo: Nobyembre 19/20, 2022

buong puso upang hindi na sila tumalikod pa

sa akin. lpinapangako kong patatatagin ko sila
sa lupaing ito, at gagawin ko ito nang buong
puso't kaluluwa.

III. ANO ANG KINAKAILANGAN NATING

GAWIN UPANG MAKAPAGPATULOY SA
PAGTUPAD NG MGA KALOOBAN NG DIYOS
ANUMAN ANG MANGYARI?

Heb. 10:35-37 New Living Translation

Huwag ninyong itapon itong mapagtitiwalaang
pananalig sa Panginoon. Alalahanin ninyo ang
dakilang gantimpala na idudulot nito sa inyo!
Ang matiyagang pagbabata ang kailangan ninyo
ngayon, upang patuloy ninyong isagawa ang
kalooban ng Diyos. Sa gayon ay tatanggapin
ninyo ang lahat ng kaniyang ipinangako.
Sapagkat sandaling panahon na lamang, at
Siyang Paririto ay darating at hindi na
magluluwat.

I Juan 3:24 TLB

Ang mga sumusunod sa sinasabi ng Diyos-
sila ay namumuhay na kasama ang Diyos at
ang Diyos ay sumasa kanila. Nalalaman nating
ito'y totoo sapagkat ito'y ipinahayag ng Espiritu
Santo na ipinagkaloob niya sa atin.

Isa. 30:20-21 at 18 MB
Kung ipahintulot man ni Yahweh na kayo'y
magkasakit o magdanas ng hirap, siya na
inyong guro, ay hindi magtatago sa inyo.
Maririnig ninyo ang kanyang tinig at siya ang
laging kaalakbay ninyo upang ituro ang inyong
daraanan.
Ngunit ang Diyos ay naghihintay upang
tulungan kayo at kahabagan, Diyos na
makatarungan itong si Yahweh, Mapalad ang
lahat ng nagtitiwala sa kanya.