Aristotelin fəlsəfəsində hərəkət, məkan, zaman problemləri.
Aristotel “Metafizika“ və “Kateqoriyalar“ əsərində həm də zaman və məkan
kateqoriyalarının şərhini vermişdir. O, konkret varlıq və zaman arasında sıx əlaqə görür, zaman və hərəkətin qarşılıqlı əlaqəsinin izahına diqqət yetirirdi. Aristotelin fikrincə “Zaman — keçmiş və gələcəyə nisbətdə hərəkətin miqdarıdır. Zaman kəsilməzliyə aiddir, özü də kəsilməzdir“. Aristotel məkanı da cismin hərəkəti ilə əlaqələndirir, onun mövcudluğunu qəbul edir, lakin məkanı “xüsusi“ zəruri reallıq kimi başa düşürdü. O deyirdi ki, cismin hərəkətində təzahür edən həmin reallıq obyektiv surətdə mövcuddur. Səbəbiyyət haqqında Aristotel təlimi də böyük əhəmiyyət kəsb edir. O, dörd əsas səbəbi bir-birindən fərqləndirir: maddi səbəb, formal səbəb, fəal səbəb, son və ya məqsədli səbəb. Aristotel yazır ki, maddi səbəb birinci materiyada, onun xarakterində mövcuddur, bu elə materiyanın özüdür. Deməli, maddi səbəb potensial (imkan) səbəb kimi çıxış edir. Fomıal səbəb bir fəal prinsip kimi forma ilə birləşir, materiyadan (potensial varlıqdan) “həqiqi reallıq“, mahiyyət yaradır. Fəal səbəb hərəkətin mənbəyi və imkanın gerçəkliyə çevrilməsi prosesi ilə birləşir. Son və ya məqsədli səbəbi Aristotel yüksək qiymətləndirərək, göstərir ki, bu səbəb hərəkətin məqsədini və mənasını izah edir. Aristotelə görə, mövcudatm izahı və anlaşılması üçün həmin səbəblərin hamısını dərk etmək lazımdır, çünki onların hər biri müxtəlif əhəmiyyətə malikdir. Ona görə formal səbəb anlayışı daha mühüm əhəmiyyət kəsb edir, nəinki maddi səbəb. Aristotelin bu fikri özünü passiv materiya və fəal forma anlayışında aydın büruzə verir.Bütün bunlardan aydın olur ki, Aristotelin ontoloji baxışlarında idealizmin və metafizikanın müəyyən elementləri olmuşdur. Bu özünü onun məkan və zaman, son səbəb və məqsədəuyğunluq anlayışlarında aydın şəkildə göstərir. Ona baxmayaraq, xarici aləmin reallığı, birinci mahiyyətin (keyfiyyətin) əhəmiyyəti, ikincinin törəmə olması, hərəkətdə ziddiyyətlərin mövcudluğu haqqında onun mülahizələri sübut edir ki, Aristotel fəlsəfəsində gerçəkliyin materialist və dialektik anlayışlarının rüşeymiəri də büruzə vermişdir.İdealizm və materializm elementlərinin Aristotelin ruh haqqında təlimində xüsusi yeri vardır. Aristotel belə hesab edirdi ki, ruh canlı aləmin hamısına — bitkilərə də, heyvanlara da, insanlara da məxsusdur. Şübhə yoxdur ki, bütünlükdə onun ruh haqqında təlimi idealist xarakterə malikdir. Lakin Aristotel bu barədə bir sıra materialist fikirlər söyləmişdir. Məsələn, o yazırdı: “Ruhun fəaliyyəti cismin vəziyyəti ilə müəyyən edilir“. “Ruh materiyasız mövcud deyildir“. Bununla birlikdə Aristotel “Siyasət“ əsərində irəli sürür ki, “üzvi varlıq“ birinci növbədə ruhdan və cismdən ibarətdir; burada mh hökmran, cisim isə tabeçilik prinsipinə malikdir“. Belə fikirlərə Aristotelin “Ruh haqqında“ əsərində də rast gəlirik. Ona görə “ruh canlı aləmin səbəbi və başlanğıcıdır. Ruh canlı cismlərin məqsədi və mahiyyətidir“. Bu traktatda ruh bir forma kimi xarakterizə olunur, təbiət cismlərinin “entelexiya“sı adlandırılır. (Aristotel fəlsəfəsində “entelexiya“ predmetin fəal gerçəkliyi mənasında başa düşülür). Onun fikrincə bu “entelexiya“ əsasında predmetin imkandan gerçəkliyə çevrilməsi prosesi həyata keçirilir, başa çatır.Aristotel fəlsəfəsində ruhun cismə münasibəti məsələsi, müəyyən mənada materiya və fonnanın münasibəti məsələsinin ontologiyasma bənzəyir. O, ruhun üç əsas səviyyəsindən danışırdı: birincisi, vegetativ ruh (bitkilərin ruhu); ikincisi, hissi ruh (heyvanlarda üstünlük təşkil edən ruh); üçüncüsü, ağlabatan ruh (bu ruh yalnız insanlara məxsusdur).Başqa ruhlardan fərqli olaraq, ağlabatan ruhun fikir söyləmək, dərk edə bilmək xüsusiyyəti vardır. Aristotel ağla batan ruhu bədəndən ayırır və onu əbədi hesab edirdi. O yazırdı: “Əql — ruh bədənlə əlaqədar olmasa yaxşıdır“. Bu ziddiyyətli fikirlər sonralar müxtəlif mövqelərdən fikir yürüdən filosoflar tərəfindən sui-istifadə edilirdi. Aristotelin idrak nəzəriyyəsi haqqında nə demək olar? O, dərk edən obyektə nisbətən maddi dünyanı birinci sayırdı. Aristotel hissi idrakı, idrakın əsas və tarixən birinci səviyyəsi olduğunu sübut etməyə çalışırdı. O deyirdi ki, insan hissi idrak vasitəsilə konkret varlığı — birinci mahiyyəti, təkcə fərdi şeyləri dərk edir. Aristotel hissi səviyyəni idrakın əsası hesab etsə də, ümumi qanunauyğunluqların dərk olunmasına diqqət yetirirdi. Onun fikrincə bu qanunauyğunluqlar əql vasitəsilə dərk oluna bilər. Aristotel idrakı, inkişafdakı bir proses kimi xarakterizə edir, onun qanunauyğun surətdə ən aşağı pillədən ən yüksək pilləyə getməsini tam aydınlığı ilə açıqlayırdı. O, inkişaf pillələrini belə təhlil edirdi: duyğu, təsəvvür, təcrübə. Aristotel deyirdi ki, incəsənət və elm — inkişafın ən yüksək zirvəsidir. O, hissi idrakla məntiqi idrakın imkanları arasında dialektik ziddiyyəti aydın görürdü. Yaşadığı dövr həmin ziddiyyəti həll etməyə imkan vennəsə də o, hissi ilə rasionalın arasındakı dialektik vəhdəti çox yaxşı anlayırdı. Aristotel göstərirdi ki, ümumini yalnız müşahidə vasitəsi, yaxud “xatırlama“ yolu ilə dərk etmək olmaz. Təfəkkürü praktiki fəaliyyətlə tutuşdurmaq, müqayisə etmək lazımdır. Beləliklə, Aristotel hissi idrakı həqiqi idrak sayırdı. O yazırdı ki, duyğular fərdi varlığı bilavasitə əks etdirir. İdrak prosesi duyğu səviyyəsindən və bilavasitə qavrayışdan təsəvvürə keçən zaman səhvlər əmələ gəlir. Hissi qavranılan predmetlər müəyyən anlayışlarda birləşən vaxt həmin səhvlər aradan qaldırılır. Elə elmi idrakın vəzifəsi də bundan ibarətdir. Aristotel hiss ilə qavranılan gerçəkliyə və abstraksiyalar vasitəsi ilə əldə edilən anlayışlara əsaslanan elmi idrakı mülahizədən fərqləndirirdi. Mülahizə də duyğuya əsaslanırdı. Deyirdi ki, mülahizə təsadüfi faktların məcmusudur. Ona görədə, yaxşı halda mülahizə təkcə və təsadüfi hadisələrə aid ola bilər. İdrakın vəzifəsi isə zərurini və ən ümumini dərk etməkdən ibarətdir. Elmi idrak təcrübə yolu ilə kifayətlənməməlidir. Hissi qavrayış faktı yalnız nəticədir, onun köməyi ilə ümumi öyrənilməlidir.