NOTRE DAME UNIVERSITY

COTABATO CITY

BANGHAY ARALIN SA FILIPINO 7

PANITIKAN SA PANAHON NG KATUTUBO: ALAMAT NG SAGING
Inihanda ni: G. Arman F. Tobongbanua, M.A.Ed. Filipino

I. LAYUNIN:
a. Nailalahad ang mga elemento ng alamat
b. Napagsusunod-sunod ang mga pangyayari sa alamat
c. Naipapakita ang pagpapahalaga sa mga katutubong panitikan tulad ng alamat

II. Paksang Aralin

A. Panitikan sa Panahon ng katutubo: Alamat ng Saging
B. K-12 Teachers Guide Filipino Grade 7, PB2Aa, PB2Ac
C. Sipi ng alamat, larawan, chart, graphic organizers
D. Pagpapahalaga sa katutubong Panitikan

III. Pamamaraan
A. Panimulang Gawain
1. Pagganyak
Magpapakita ng mga larawan ng mga napapanahong kwento ng pag-ibig (Halimbawa: Jadine, Kathniel o
Aldub).
Itatanong: Kilala niyo ba ang mga nasa larawan at sa palabas?
Ano ang kanilang kwento?
Paano/Saan niyo nalaman ang kani-kanilang kwento?

B. Panlinang na Gawain (4A’s)

1. Mga Gawain (Activity)
a. Paglalahad ng Aralin
Ipapaliwanag sa mga mag-aaral na ang mga katutubong Pilipino ay may kaniya-kaniyang kwento ng pag-
ibig at ilan sa mga ito ay nailalahad sa mga alamat.

b. Pag-aalis ng Sagabal
Pagtapat-tapatin ang mga salitang nasa Hanay A. sa Hanay B.

A. B.
1. nasambit a. nakikipagkita
2. nakikipagtagpo b. ibinaon
3. binunot c. nakikipagkita
4. iniibig d. kinuha

C. Pagpapabasa nang Tahimik

Ipapabasa sa mga mag-aaral ang ‘’Alamat ng Saging’’
Ipaalala ang batayan ng tahimik na pagbasa.

2. Pagsusuri (Analysis)
a. Pangkatang Gawain
Hatiin ang klase sa apat na pangkat. Bawat pangkat ay may kaniya-kaniyang Gawain batay sa Multiple
Intelligence.
 Pangkat Gawain

1 (Verbal-Linguistic)
Paggawa ng PLOT (Pamagat, Lugar, Oras, Tauhan)
2 (Logical-Mathematical)
Pagsusunod-sunod ng pangyayari gamit ang Time Sequence Pattern Organizer
3 (Visual-Spatial)
Pagbuo ng sariling wakas sa pamamagitan ng isang poster
4 (Musical-Rhythmic)
Pag-awit ng kantang maaring maiugnay sa nabasang alamat

3. Paghahalaw at Paghahambing (Abstraction and Comparison)

Gamit ang Venn Diagram, ipakita ang pagkakahalintulad at pagkakaiba ng katutubong kwento ng pag-ibig sa
alamat at makabagong kwento ng pag-ibig sa telebisyon.

4. Paglalapat
Pagpapahalaga:
Itatanong: Anong aral ang inyong natutunan mula sa alamat?
Sa iyong tingin, mahalaga ba ang mga Alamat? Bakit?

IV. Ebalwasyon
Iguhit ang kung ang pangyayari ay naganap sa alamat at kung hindi.

_____1. Si Mang Pedro ang ama ni Juana na tutol sap ag-iibigan ng magkasintahan.
_____2. Si Aging ang lalaking ang iniibig ni Juana.
_____3. Dinalaw ng binata si Juana at siya ay pinatuloy ng ama sa loob ng kanilang bahay.
_____4. Naduwag si Aging nang makita niya ang ama ni Juana.
_____5. Tumubo ang isang halaman mula sa buhok ni Juana.

V. Kasunduan

Magtanong sa mga magulang o nakakatanda tungkol sa mga alamat na kanilang nalalaman. Isulat sa buong
papel at ibahagi ito sa klase.