Aralin 2: Mga Konseptong Pangwika

Wikang Pambansa
Wikang Panturo
Wikang Opisyal

Wikang Pambansa
Ang Pilipinas ay isang kapuluang binubuo ng iba’t ibang pangkat ng mga Pilipinong gumagamit ng iba’t
ibang wika at diyalekto. Humigit-kumulang 150 wika at diyalekto ang umiiral sa ating bansa. Ang
kalagayang ito ang naging pangunahing dahilan kung bakit kinakailangan magkaroon tayo ng isang wikang
mauunawaan at masasalita ng karamihan sa mga Pilipino. Ang wikang ito ang magbubuklod sa atin bilang
mamamayan ng bansang Pilipinas at tatawaging wikang pambansa. Dahil nga sa pagkakahiwa-hiwalay ng
ating bansa sa iba’t ibang pulo at sa dami ng wikang umiiral dito, naging isang paksang mainitang
pinagtalunan, pinag-isipan, at tinalakay sa Kumbesiyong Konstitusyunal noong 1934
ang pagpili sa wikang ito. Iminungkahi ng grupo ni Lope K. Santos na ang wikang na ang wikang pambansa
ay dapat ibatay sa isa sa mga umiiral na wika sa Pilipinas. Nag mungkahing ito ay sinusugan ni Manuel L.
Quezon na noo’y Pangulo ng Pamahalaang Komonwelt ng Pilipinas. Ang pagsusog na ito ni Pangulong
Quezon ay nagbigay-daan sa probisyong pangwika na nakasaad sa Artikulo
XIV, Seksyon 3 ng Saligang Batas ng 1935 na nagsasabing.
“Ang Kongreso ay gagawa ng mga hakbang tungo sa pagkakaroon ng isang wikang pambansang ibabatay
sa isa sa mga umiiral na katutubong wika. Hangga’t hindi itinakda ng batas, ang wikang Ingles at Kastila
ang siyang mananatiling opisyal na wika.”
• Base sa probisyong ito ng Saligang Batas ng 1935 ay nagkaroon ng maraming talakayan kung
anong wka ang gagamiting batayan sa pagpili ng wikang pambansa. Ito ay nagresulta sa
pagkakaroon ng isang batas na isinulat ni Norberto Romualdez ng Leyte, ang Batas Komonwelt
Blg. 184 na nagtatag ng Surian ng Wikang Pambansa.
• Noong Disyembre 30, 1937 ay iprinoklama ni Pangulong Manuel L. Quezon ang wikang Tagalog
upang maging batayan ng Wikang Pambansa base sa rekomendasyon ng Surian sa bisa ng
Kautusang Tagapagpaganap Blg. 134.
• Noong Agosto 13, 1959, pinalitan ang tawag sa wikang pambansa. Mula Tagalog ito ay naging
Pilipino sa bias ng Kautusang Pangkagawaran na ipinalabas ni Jose E. Romero, ang Kalihim ng
Edukasyon noon.
 • Sa Saligang Batas ng 1987 ay pinagtibay ng Komisyong Konstitusyunal na binuo ni dating
Pangulong Cory Aquino ang implementasyon sa paggamit ng Wikang Filipno. Nakasaad sa
Artikulo XIV, Seksyong 6 ang probisyon tungkol sa wika na nagsasabing:
“Ang wikang pambansa ng Pilipinas ay Filipino. Samantalang nililinang, ito ay dapat
payabungin at pagyamanin pa salig sa umiiral na mga wika sa Pilipinas at sa iba pang
mga wika.”
Ngayong nabatid mo ang pinaikiling kasaysayan ng ating pambansa, ihanda ang iyong sarili para
sa isang gawing magpapayabung pa ng iyong pag-unawa hinggil sa pinagdaanan ng Wikang
Pambansa. Kung handa ka na ay isagawa mon a ang kasunod na gawain.

Wikang Opisyal at Wikang Panturo

Nagsimula ang pagturo ng Filipino (Wikang Pambansang nakabatay sa Tagalog noong una) at
paggamit dito bilang wikang panturo noong ika-12 ng Abril 1940 sa bisa ng Kautusang Tagapagganap Blg.
263 na nagtatakda ng pagtuturo ng pambansang wika sa lahat ng publiko at pribadong paaralan sa bansa.
Ayon kay Virgilio Almario (2014:12) ang wikang opisyal ay ang itinadhana ng batas na maging
wika sa opisyal na talastasan ng pamahalaan.
Ayon sa itinadhana ng ating Saligang Batas 1937, Artikulo XIV, Seksyon 7, mababasa ang
sumusunod:
“Ukol sa layunin ng komunikasyon at pagtuturo, ang mga wikang opisyal ng Pilipinas ay Filipino
at, hangga’t walang ibang itinadhana ang batas, Ingles. Ang mga wikang panrehiyon at magsisilbing
pantulong na mgaa wikang panturo roon. Dapat itaguyod nang kusa at opsiyonal ang Kastila at Arabic.”
Ang wikang panturo naman ang opisyal na ginagamit sa pormal na edukasyon. Ito ang wikang
ginagamit sa pagtuturo at pag-aaral sa mga eskuwelahan at ang wika sa pagsulat ng mga aklat at kagamitang
panturo sa mga silid-aralan.
Sa pangkalahatan ay Filipino at Ingles ang mga opisyal na wika at wikang panturo. Sa pagpasok
ng K to 12 Curriculum, ang Mother Tongue o unang wika ng mga mag-aaral ay naging opisyal na wikang
panturo mula Kindergarten hanggang Grade 3 sa mga paaralang pampubliko at pribado man. Tinawag itong
Mother Tongue Based Multi-Lingual Education (MTB-MLE).
HBA 1

HBA 2
HBA 3