Paraan ng Pagbasa: Dugtungang Pagbigkas (Grupo 5)

Aling Pag-ibig Ba?

Maraming uri ng pag-ibig sa mundo. Pag-ibig para sa pamilya, sa mga kaibigan,

sa Diyos at sa taong gusto mong makasama panghabang buhay. Hindi naman
daw mahirap hanapin ang taong bubuo sa buhay natin. Kailangan lang natin
maghintay na kusa siyang dumating.

May pag-ibig na handang isuko ang lahat sumaya lang ang taong mahal niya.
Kaya tayo nagpaparaya ay dahil ayaw natin ikulong ang isang tao sa pag-ibig
natin. Pagdating kasi sa love, hangga’t hindi ka niya matutuhang mahalin ay hindi
siya sasaya sa piling mo. Ano ba ang mas gusto natin? Yung katabi nga natin siya,
ngunit hindi siya masaya, o yung malayo man siya sa piling mo alam mong
masaya na siya kahit sa piling ng iba?

May pag-ibig na naghahangad ng pangalawang pagkakataon. Pero hindi naman

lahat ng tao nabibigyan ng second chance. Kung isa ka man sa maswerteng
nabigyan, wag mo nang sayangin yun. Binigyan ka ng isa pang pagkakataon dahil
MAHAL KA NG TAONG MAHAL MO. At handa niyang kalimutan ang mga ginawa
mo sa kanya nitong nagdaang pangyayari.

May pag-ibig na mali sa mata ng marami. Yung pag-ibig na tama pero nasa
maling pagkakataon. Dito pumapasok ang pagiging 2 timer. Maaaring may gusto
ka sa kanya pero may iba na siya, o ikaw naman ang may iba, pero gusto niyo pa
rin ang isa’t isa. Ikaw ay nasa maling pagkakataon. Lagi mong isipin na may
girlfriend o boyfriend kana, bago pumatol sa iba.

May pag-ibig na nagsimula sa matagal na pagkakaibigan, at kalaunan ay nahulog

ang damdamin sa bestfriend niya. Ang pinakamatibay raw na pondasyon ng pag-
ibig ay ang pagkakaibigan, meron kasi itong TIWALA at matagal nang
NAPATUNAYAN. Marami ang ayaw tanggapin ang pag-ibi ng bestfriend nila,
dahil ang relasyon daw ay maaaring masira sa isang maling gawa, pero ang
pagkakaibigan, pwede yang habang buhay. Ikaw, ano ba ang pipiliin mo? Yung
relasyon niyo ni Bestfriend na maaaring magkalamat, o mas mahalaga sayo ang
friendship?
Paraan ng Pagbasa: Sabayang Pagbigkas (Grupo 4)

Masayang Pamilya

Sa ating mundo ipinanganak tayo na walang kamuwang-muwang ngunit may

mga taong handa tayong mahalin, alagaan at ibigay ang lahat kung anong
meron sila, handang magsakripisko upang tayo’y lumaki nang maayos at may
takot sa Diyos. Ipinakikita nila kung gaano sila kasaya noong dumating tayo sa
buhay nila at ipinapadama nila kung ano ang kahulugan ng pag-ibig at pamilya.

Ang aking pamilya ang aking inspirasyon. Sila ang nagbigay sa akin ng
pagmamahal. Masayang masaya ako dahil sila ang naging pamilya ko. Ang aking
tatay at ang aking nanay ang mga taong mahalaga sa akin at ang aking mga
kapatid ay ang mga taong nagpapasaya sa akin. Sa pamilya, nakararanas tayo ng
mga pagsubok sa buhay ngunit kapag tayo ay buo hindi tayo susuko dahil alam
natin sa pamilya tayo humuhugot ng lakas ng loob upang malampasan ang sakit
at pagsubok na ating nararamdaman

Ipinakikita ng aking pamilya kung gaano kahalaga ang pagmamahalan sa bawat

isa. Sa pamilya nagsisimula lahat ng mga gawaing mabuti at paggalang sa ibang
tao. ibinibigay nila ang aking mga pangangailangan. Ang pagmamahalan ng
pamilya ay isang mahalagang bagay kung saan ibinibigay natin ito sa bawat isa.
Ang may matatag na pamilya ay isang pundasyon ng lahat ng dakilang bansa.

Mamahaling gamit? Salapi? Luho? Wala ako niyan. Pero nag-iisa lang ang
itunuturing kong kayamanan, ang aking pamilya. Kaagapay, kasalo at kadamay sa
lahat ng oras o bagay. Sa lahat ng nararanasan ko, ang aking pamilya ang siyang
aking nagiging sandigan. Ako ay ako dahil sa aking pamilya.
Paraan ng Pagbasa: Madamdaming Pagbigkas (Grupo 2)

Kalikasan, Ating Pangalagaan!

Ang kalikasan ang isa sa mga pinakamagandang regalo ng Diyos sa atin kaya
dapat natin itong pangalagaan. Subalit sa halip na pangalagaan, kapabayaan ang
aking nakikita. ‘Di ba kaya nga nilikha ang tao para pangalagaan ito?

Ngunit ano ang nangyayari, bakit parang nasisira ang lahat ng ito? Nawawala ang
mga yaman nating ipinagmamalaki sa buong mundo. Hahayaan na lang ba natin
ang walang habas na pagsira ng mga ating mga kayamanang ipinagmamalaki?
Ano pang ipagmamalaki natin kung wala na lahat nang ito. Maraming yaman ang
ibinigay ng Diyos sa ating inang bayan, ngunit sa kasamaang palad unti-unti na
itong nauuubos. Halos nasira ng lahat dahil sa landslide, flashflood, tagtuyot, at
pagbaha, ito ang mga resulta ng ating mga ginagawa sa paligid na nakaaapekto
naman sa yaman ng Inang Bayan.

Sa pagkasira ng ng ating likas na yaman tayong mga tao na may mataas na

kaisipan ang dapat maging responsable sa pag-aalaga rito. Nagsusumigaw na
ang ating inang kalikasan upang atin na siyang bigyan ng halaga at atin siyang
alagaan. Sa lahat ng nangyayari sa paligid tayong mga tao ang may gawa kahit
na mabuti man o masama. Sabi nga ng iba hindi masama ang pag-unlad basta
huwag lang makasisira ng kalikasan. Sa kasamaang palad umuunlad nga ng ating
bayan sira naman ang ating likas na yaman wala pang kabuhayan.

Bilang isang mamamayan ng ating bayan, may magagawa pa tayo para mapigil
pa ang mga masasamang epekto nito. Hindi pa huli ang lahat upang mapigil ito.
Ngunit kung papairalin natin ang ating kapabayaan, patuloy na masisira ang
ating kalikasan at wag tayong mabibigla kung may dumating sa ating ganti ng
kalikasan. Laging Tandaan: Nasa Huli ang Pagsisisi.

Ikaw, bilang mamamayan, Ano ang magiging hakbang mo upang mapigilan ang
ganitong sitwasyon? Paano mo ito sisimulan?
Paraan ng Pagbasa: Masining na Pagbigkas (Grupo 1)

Kahirapan na Walang Hanggan

Maganda ang forecast sa ekonomiya ng Pilipinas ngayong 2015. Maaari raw

umangat ng 6-7 percent ang kabuhayan. Nakikita na umano ang mga
palatandaan. Noong 2012, umangat ang ekonomiya ng bansa ng 6.6 percent.
Tuwang-tuwa ang Prsidente sa pag-angat na ito. Ipinagmalaki niya ito. Sabi, ang
pag-angat ng ekonomiya ay dahil sa “maayos na pamamahala” ng kasalukuyang
pamahalaan.

Ang nakapagtataka, sa kabila na umaangat ang ekonomiya, bakit marami pa rin

ang naghihirap at nagugutom. Bakit marami pa rin ang walang trabaho? Bakit
marami pa ring palaboy?

Sa latest Pulse Asia survey, 40 percent ng mga Pilipino ang nagsabing hindi sila
satisfied sa ginagawa ng gobyerno kung paano malulutas ang kahirapan ng
buhay. Wala pa ring pagbabago sa buhay ng mga dukha at lalo pa umanong
nalulubog sa kumunoy ng kahirapan. May ginagawang paraan ang gobyerno
gaya ng pagbibigay ng financial na tulong sa mga mahihirap na pamilya pero ito
ay hindi garantiya na magpapabago sa buhay ng mga dukha, sa halip tinuturuan
lamang na umasa at maging depende sa pamahalaan. Hindi na nagnanais
magsikap at bagkus naghihintay na lamang ng babagsak sa kanilang bunganga.

Hindi magawa ng gobyerno na mapagaan ang pasanin ng mga mahihirap. Kahit

na maraming beses nang nag-rollback ang petroleum products, ang presyo ng
mga pangunahing bilihin ay nananatili pa ring mataas. Walang makitang
pagsisikap ang pamahalaan para mabigyan nang kagaanan ang maraming
Pilipino na isang kahig, isang tuka.

Marami sanang mapagkukunan ng ikabubuhay sa bansang ito pero kulang ang

pagsisikap ng gobyerno. Ang agricultural sector na maraming pagkukunan ng
pagkakakitaan ay nakaliligtaan. Sa halip na tulungan ang mga magsasaka na
kumita mula sa inaani, mas pinapaboran pa ang pag-iimport ng produkto –
halimbawa ang bigas at sibuyas. Hindi matatakasan ang kahirapan at kagutuman,
dahil walang sistema ang gobyeno kung paano lulutasin ang problema.
Nababaluktot ang daang matuwid!
Paraan ng Pagbasa: Matulaing Pagbigkas (Grupo 3)

Tunay na Kaibigan?

Sa dinami-rami ng tao sa mundo, mahirap makahanap ng kaibigang totoo,

Sa walong bilyon na nabubuhay na tao, saan makakahanap ng tunay na katoto?

Marami diyan akala mo ay kaibigang tunay, nung lumaon malalaman mo may iba
palang pakay,
Personal na dahilan ang kanyang mithiin, mag-ingat ka baka ika’y kanya lamang
gagamitin.

Meron din naman akala mo’y kakampi, siya ay kakampi kapag ika’y may
katunggali, pero wag ka sanang minsan ay magkamali baka isang araw wala na sa
iyong tabi.

Mag-ingat din tayo sa mga mapagkunwari kapag kaharap ka’y maganda ang
sinasabi,
Pero kapag nakatalikod ka sa ganitong uri ng tao, sa likod mo ay kahol ng kahol
na parang aso.

Anu nga ba sa tingin ko ang tunay na kaibigan?

Tingin ko madali lang natin iyan malalaman kaibigan, sa oras ng ligaya o
kalungkutan man laging nariyan.

Siyang kaibigan na hindi kailanman aalis,magpapahid ng luha, aalisin ang iyong

dungis,
Sa iyong kahinaan ay sandigan ng lakas, kasama mo sa problema hanggang ito
ay malutas.

Ang isang kaibigan ay malawak ang tanaw, suporta ay nariyan, laging nag-
uumapaw,
Gagabayan ka at hindi pababayaan, ikaw ay aakayin, kasama mong tutungo sa
paroroonan.

Ito’y ilan lamang na aspeto, para malaman kung ang kaibigan ay totoo,
Di tulad ng anino na nariyan lang kapag may araw ngunit bigla ring naglalaho!